كم سيكلفنى حوض السمك ؟ [الأرشيف] - موقع الدي في دي العربي

مشاهدة النسخة كاملة : كم سيكلفنى حوض السمك ؟

ninja911

25-08-2005, 04:49 AM

http://galbk.jeeran.com/2004-07-13-124432.gif

سؤال هام جداً :5shocking

كم سيكلف حوض الأسماك بالنسبة لمن يريد شراءه كامل وما سعر أسماك الزينة ومستلزمات الحوض

http://shampoo.1ksa.com//049.gif

بداية عن وظيفة كل مكون من مكونات الحوض مما سيلى ذكره
أرجوا مراجعة موضوع موسوعة أسماك وطيور الزينة المثبت فى القسم

http://shampoo.1ksa.com//049.gif

والأسعار الأتى ذكرها ثابته إلى حد ما والأعلى أو الأقل إستثناء على حسب المواسم وظروف الإستيراد وطبعاً (فرق الأماكن وأصحاب المحلات ;) )

ومحدش يسألنى أجيب منين عشان هتبقى دعاية :)

ونبدأ على بركة الله

http://shampoo.1ksa.com//052.gif

الحوض الزجاجى

وهو الأساس وسعر الحوض مقاس 60×30×40 (الشائع) زجاج 6 مم بغطاء خشبى

60 جنيه مصرى

http://shampoo.1ksa.com//052.gif
الجرش

هو الحصى الذى يُفرش به قاع الحوض وهو يباع بالكيس أو المعيار وهم متقاربين تقريباً فى الوزن ويكون 1 كيلوجرام

الجرش المكرونة 1 جنيه مصرى للمعيار

الجرش الصدف 3 جنيه

الجرش الحجر الصغير أى لون 2 جنيه

الجرش الملون المستورد 1,5 جنيه للكيس

ويحتاج الحوض ال 60 سم 8 معيار على الأقل كى لا يتسخ سريعاً ويكون مظهره أفضل
أيضاً...غير لزوم ذلك لغرس نباتات إن أردنا

http://shampoo.1ksa.com//052.gif
الترمومتر

3 جنيه العادى

5 جنيه الشريط

http://shampoo.1ksa.com//052.gif
السخان

العادى 5 جنيهات

الترموستات الكهربى من 18 جنيه إلى 40 جنيه

http://shampoo.1ksa.com//052.gif

الفلتر

الكهربى من 20 جنيه (الأنواع الجيدة) إلى ما شاء الله

أبو 20 زى الفل ;)

الفلتر الهواء (نوت ريكومندد :D ) 4 جنيه

http://shampoo.1ksa.com//052.gif

موتور الهواء

منفذين هواء 22 جنيه فما فوق

منفذ واحد 14 فما فوق

http://shampoo.1ksa.com//052.gif

خرطوم أكسجين

المتر 1 جنيه

الخرطوم الألوان 1,5 جنيه

http://shampoo.1ksa.com//052.gif

لمبه نيون للإنارة بالتحابيش بتاعتها 22 جنيه

خلفية بلاستيك للحوض ال 60 سم 7 جنيه

شبكة 3 جنيه

دوادة 1.5 جنيه

مسطرة أكسجين 3 جنيه

مجموعة أدوية (للوقاية ) من 3 أدوية (ساليكس - سوبر ساليكس - أنتى وايت سبوت) 6 جنيه

فخارة على أى شكل (بيت - كهف - جسر) 5 جنيه

http://shampoo.1ksa.com//052.gif

تشكيلة سمك

5 سوليتير × 3 15 جنيه

4 كات فيش × 1,5 6 جنيه

6 جوبى × 1,5 9 حنيه

4 مولى × 2 8 جنيه

2 أنجل × 4 8 جنيه

2 فانتيل صغير × 3,5 7 جنيه

2 بلاكستومس × 6 12 جنيه

http://shampoo.1ksa.com//052.gif

يعنى الموضوع كله ممكن يوصل من 150 - 200 جنيه

وأنصح لو يوجد خصخصة توضع فى السمك

لكن مكونات الحوض الأساسية هى ما سيبقى طوال عمر الحوض

يعنى مثلاً موتور أغلى شوية مش هيزن بعد فترة وصوته هيفضل هادى

فلتر أغلى حبتين هيخلى الميه رايقة من غير عكارة(إلا لو بنأكل السمك طبيخ طبعاً :D )

الجرش يكون كتير عشان هو اللى هيسحب كل بواقى الأكل

وبمناسبة البواقى ياريت يكون فيه أكتر من 4 كات فيش (على قد ما تقدر\تقدرى زود\زودى)

وسيأتى ذكر أسعار أنواع السمك كلها قريباً بإذن الله

تحياتى

reem86

04-10-2005, 09:19 PM

كويس والله
اسعار مش عالية
ثانكس ياننجا

ninja911

05-10-2005, 02:30 AM

إلعفوا ياريم وشكراً لمرورك الجميل

valentinoagain

05-10-2005, 08:36 AM

مشكور
و اتعلمت جديد برضه

ninja911

05-10-2005, 02:13 PM

إلعفوا ياباشا وشكراً على ردك

خالد الجندى

14-10-2005, 07:03 PM

فى المعادى الأسعار 3 أو 4 مرات

ninja911

14-10-2005, 10:28 PM

مش كل المعادى والله يا خالد

وأنا أعرف محلات من اللى هناك بيدوا سعر على حسب نظرته للى قدامه

فدايماً بين إنك فاهم كل الأسعار وفاصل معاهم

خالد الجندى

26-10-2005, 04:24 AM

شكرا للأخ ننجا على الرد
أنا عارف بس محلين
على العموم لقيت سوق التونسى كويس و الأحد فاضى
بس مش عارف اذا كانوا مضمونيين

ninja911

26-10-2005, 11:22 AM

هو سوق التونسى كمستلزمات أسماك زينة هو الأرخص

كشراء سمك غير مضمون بالمرة

خالد الجندى

26-10-2005, 03:04 PM

شكرا للأخ ننجا على الرد السريع
بجد مايسترو

ninja911

26-10-2005, 10:57 PM

إلعفوا ياباشا أى خدمة

أنس النور

04-12-2005, 04:56 AM

ميرسي ياننجا

ربنا يوفقك

ربنا يوفقك

ربنا يوفقك

مش لاقى حاجة تانية اقولها

بس انا كمان هجيب حوض سمك وابقى اتاببعك بس فى الاجازة ان شاء الله

النور

ninja911

04-12-2005, 10:37 AM

ألف شكر لك أخى العزيز وأنا فى الخدمة

tamerfouad

07-12-2005, 01:54 AM

تقريبا كل الحجات بنفس السعار بس ممكن تخلى واحد بتاع ازاز يعملهولك عشان سعات بيعملك شوية نيولوك فية
وبيبا ارخص كمان وتقريبا الباقى كلة واحد وشكرا ليك جدا على الموضوع الجميل بتاعك

freeay444

07-12-2005, 02:09 AM

هاي نينجا ياريت تكلمني علي freeay444@hotmail.com

عاوزك في حاجة
ok ??

sbank

08-01-2006, 10:22 PM

اللة اللة الللة عليك يا ننجا انا فعلا كونت بفكر اشترى حوض سمك كبير والسؤال اللى فى بالى كان هيكلفنى كام . لان اللى عندى دلؤت حوضين دائريين صغيرين مربية فية .فى كل واحد اتنين واحدة اسمها تقريبا سيامى لونها كحلى ومعاها سمكة تانية مش عارفة اسمها هيا عريضة اوى شبة دائرية ولونها عسلى بس رخمة اوى والاتنين التانين هما انا نسيت اسمهم بس لونهم اورنج فى ابيض فىاسمر وبيكبروا لحد ما يصل حجمهم25سنتم..انا لما هجبلهم الحوض الكبير هيفرحو بية اوى اوى .

dr zezo

10-01-2006, 06:19 PM

الف الف شكر يا نينجا والله كلام جميل و موضوع رائع

ninja911

10-01-2006, 06:47 PM

شكراً أخوانى الأعزاء على الردود الرائعة ومنورين الموضوع

medo_3018

28-01-2006, 10:47 PM

مسترموسى

29-01-2006, 01:48 AM

الف الف الف شكر على هذة المواضيع الرائعة احنا بصاراحة مش عارفين نودى جمايلك دى فين بس انا لسة مبتاديء فى هذة الهواية الرائعة بس كان عندى كام سؤال واحب انك تجوبنى علية انا عاوز اشتيرى حوض 50سنم (نص متر) وعاوز اعرف تكلافتو اد اية وهل هذة الاشياء بنشترية من محلات السمك ولا لية مناطق اوخرى وهل تكليفت السمك لا انا عاوز اجيب 2الكات فيش 2بلاتى2الجورمىيريت اعرف التكليفة اداية وانا ساكن فى ارض الواء وربنا يكرامك وشكرا ليك كككككتتتتتيييييرررررر

بص يا ميدو اولا" اهلا بيك بين اخواتك وفى منتداك
ثانيا" بالنسبه لاسئلتك ف المقاس اللى انت عاوز تبدا بيه مش بطال اهم حاجه قبل الحوض المكان اللى حايتحط الحوض فيه لازم تتوافر فيه شروط الامان لسكان البيت ولسكان الحوض! يعنى ايه الكلام ده!!
اقولك بالنسبه لاهل البيت واهل الحوض, مهم جدا" مايكونش الحوض موضوع على ترابيزه او حامل غير متين او معرض للصدمات او قطعه اثاث بها ادراج تفتح وتغلق فتسبب كسر الحوض او شرخ الزجاج وبالتالى مشاكل من المياه وطبعا تعرض الاسماك لخطر الموت
ايضا" لازم تعمل حساب التيارات الهوائيه المفاجئه اللى ممكن توثر على السمك وطبعا التهويه والاضائه لازم تكون ايضا" معقوله.
يفضل الزجاج ال6 مللى فى عمل الاحواض حتى 120 سم ضمانا" لتحمل الزجاج لضغط الماء وخلى بالك فيه فى السوق زجاج 5 او 5.5 مللى والزجاج ال6مللى مش غالى تقريبا المتر ب45جنيه وحوض 50 X40 X 30 = حواللى 60 سم يعنى تقريبا 27 جنيه زجاج دا وقول 5 جنيه شطف وتقطيع ومساتر للاجناب و 15 جنيه سيليكون ومصنعيه لحام الحوض يعنى تقريبا 50 جنيه
ممكن بتاع الزجاج يعملهولك وطبعا يفضل محل اسماك زينه متخصص يعملهولك بس تفرق وانت فاهم التكلفه الحقيقيه :msn-wink:.
طبعا مستلزمات الحوض المزكوره اعلاه متوفره واسعارها معقوله جدا" يعنى 50 جنيه كمان تجهز الحوض بالسمك!
ارجو من اخوتنا الاعزاء القاهريين يقولونا على اقرب محلات لارض اللواء.

اهلا بيك عضو جديد وعزيز وتحت امرك فى اى اسئله لسه عاوز تسالها

medo_3018

30-01-2006, 10:01 AM

الف الف الف الف شكر ليك يا مستر موسى انا بصراحة مش عارف اقولك اية بس انا فى السمك معرفش ايلا حجات بسيطة وكمان عرفتها من هذاالمنتدى الرائع فانا اسف هاتئل عليك واسائلك سؤال هل السمك الى انا مختارة ينفع بالنسبة لهاوى مبتدىء(الكات فيش(الزبال)والبلاتى والجورمى ولو ماينفعش يارية تقولى اية الانواع المنسبة لية او لاى حد لسة هاوى جديد وبكرر شكرى

مسترموسى

30-01-2006, 10:33 PM

تحت امرك يا اخى الحبيب, وفعلا" انت مش بتتئل ولا حاجه اسئلتك على قلبى زى العسل, بالنسبه للاسماك اللى انت مختارها فمعقوله جدا" وان كانوا شويه على الحوض يعنى ممكن تحس ان الحوض فاضى, بالنسبه للبلاتى انصحك بالسورد فى الاول لانه اسهل فى تربيته وتفريخه وكمان مؤخرأ 95 % من البلاتى المستورد جميل جدا" وضعيف جدا" وميت ميت جدا" فلو واحد صاحبك مفرخ وحايهاديك بيهم مثلا مافيش مشكله لو حتشترى خليك فى السورد وانصحك بالجوبى جميل وسهل التربيه والتفريخ وحايفتح نفسك ويحببك فى الهوايه (حايجيب رجلك هههههههههههههه)
تحياتى اخى الحبيب

سونى اريكسون

30-01-2006, 10:51 PM

شكرا شكرا شكرا

medo_3018

30-01-2006, 11:52 PM

اشكراك كثير جدا اخى الحبيب والعزيز مستر موسى على ردك عالية وعلى النصائح الى انت بتدهالى

medo_3018

31-01-2006, 12:07 AM

واحب انى اعرفك حاجة انا يعنى انا كنت فى الاول يعنى من سنة او اكثر مش فاكر بالضبط فكنت بجيب الجوبى وكنت بحتة فى جردل البحر كنت بجيب زاكر وانثى بس كنت بشرط على البائع ان الانثى تكون حامل وفعلن كان بيدهالى حامل بس العيب انها كانت بتموت يعنى بجبها انهردة بتموت بكرة ولما جبت المتور كانت بتعد فترى يعنى من ثلاثة ايام الى خمسة يعنى بردك مكنتش بتوعد كتير فانا بسراحة كنت بدايء جدا وقولت انا مليش فى السمك ومن ساعتة مكنتش بحة السمك فى دماغى لغيت ما اخويا دخل على هذا المنتدى وعرفة الحجات الجميلة الى علية فرجعت فكرت السمك من جديدوكمان عرفت ان السمك كان بيموت من الضيئة الان زى منتا معارف ان جردل البحر بتكون مسحتة صغير جدا وان شاء الله هجيب الحوض وهتجاب رجلى فية هاهاهاهاهاهاه بس ياريت انت ما تدايئش منى واحب انى اقولك ان هذا البائع على حظى الب المحل الى عندة الى محل فراخ وهو كان تحت بيتى واحب انى اكرر شكرى وامتنانى ليك يا اخى الحبيب والعزيز مستر موسى

medo_3018

31-01-2006, 12:15 AM

واحب انى اقولك انى هجيب هذة الانواع علشان اتمران عاليها وبعد متقنه هبقا اجيب لانواع الاكثر صعوبة لان زى منتا معارف ان اى حد بيخش على اى حاجة جديدة وخصوصان لما بيكون مش عارف حجات كتير بيبئا خايف جدا وشكرا ليك كتير جداجداجداجدا

مسترموسى

31-01-2006, 01:29 PM

اوعى تسلم على بتاع الفراخ ده علشان فيه الفنوانزا اليومين دول هههههههه بهزر معاك سلم عليه بس ابقى اغسل ايدك كويس.........جردل البحر يا مفترى اللهم ارحم ضحايا ميدو!!!!

medo_3018

02-02-2006, 07:05 AM

ههههههههههههههه انشاء الله هيرحمهم وبشكرك على النصيحه وهسلام علية وانا لابس جونتى هههههههههههه

gemy_000

15-02-2006, 02:50 AM

شكلك عندك محل سمك يا نينجاوى :):):)

ninja911

16-02-2006, 02:38 AM

شكراً للأخوة الأعزاء على تبادل المعلومات الرائعة

وكان لدى بالفعل محل أخى العزيز جيمى فى فترة من الفترات السابقة

السيزر_عزت

19-02-2006, 12:07 PM

Eng.3mrlizm

20-02-2006, 02:02 AM

مسترموسى

20-02-2006, 02:08 AM

فعلا يا جماعه ممكن تحصل علي اسعار ارخص لو انته روحت لاي حد بتاع ازاز وخليته يعملك الحوض كمان ممكن تشوف اي واحد من اصحابك كان عنده حوض قديم وتشتري منه الموتور وخلافه لو الحاله جيده وانا نفسي بعمل كده
وشكرا

مظبوط يا نجم :smoke100: ويا سلام لو عندك بواقى زجاج مرميه فى البلكونه ولا فوق السطوح ولا بير السلم تتقص وتبقى اجناب او خلفيه وتوفر كتير شكرا"على ردك:blow0000: :evil_lol:

Eng.3mrlizm

20-02-2006, 02:12 AM

اوعى تسلم على بتاع الفراخ ده علشان فيه الفنوانزا اليومين دول هههههههه بهزر معاك سلم عليه بس ابقى اغسل ايدك كويس.........جردل البحر يا مفترى اللهم ارحم ضحايا ميدو!!!!

ههههههههههههههههه

و الله العظيم أنا قلبي إنشرح للهواية الجامدة دي من كلامك أنت و ننيجا و spank

بجد بقي انا لازم يكون عندي حوض سمك في خلال الأيام الجاية

بس علي شرط أنك أنت وننيجا تتابعوني أول بأول في إستفسارتي

و ماتستتقلوش دمي عليكم

علشان أنا بصراحة حاسس من شخصيات كل الناس اللي بترد في قسم الاسماك

ناس عسل و دماغها رايقة ... عقبالنا يا رب ما دماغنا تبقي رايقة

و أدعي ربنا غن أنجح السنة دي

مسترموسى

20-02-2006, 02:48 AM

جزاك الله خيراً يا ننيجا

علشان أنا عمري ما ربيت سمك و كان نفسي ابدأ أربي قبل ما أعجز

يا الله .. أهو الواحد هيتسلي بيهم علي الله الواحد مايطمعش فيهم في مرة علي الغدا

بس بجد يا ننيجا يا ريت تساعدني في إني أعمل حوض و أظبطه و كده يعني و يا ريت أكون تلميذ مخلص ليك في كيفية معاملة السمك

علشان أنا مــــــــــــــــيــــــــــــــح في معلوماتي عن السمك عامةً

اخى الكريم amrsabri, اهلا" بيك وصت اخوتك وفى منتداك...............:bye10000: :in_love0:

يلا المنتدى قدامك تصفح مواضيعه واستفيد زى مانت عاوز واى اسئله تطرا او تشغل بالك ثق تماما" ان نينجا وكل الاعضاء هنا حايساعدوك لقدر المستطاع لان هيه دى الروح بيننا هنا.....

eGyMeDo

01-06-2006, 01:14 PM

شكراً .....

ninja911

01-06-2006, 02:48 PM

إلعفوا أخى العزيز

mas.accountant

02-06-2006, 02:17 PM

مية مية ياباشا

ninja911

02-06-2006, 04:47 PM

إلعفوا ياباشا أى خدمة

راناا

02-06-2006, 06:52 PM

للعلم اخى نينجا انا اشتريت من فيصل اغلى 3 الى 4 مرات اغلى
واشتريت من جسر السويس
اقل من اللى كتبه يعنى الفانتيل جبته ب2ونص
والجوبى ارخص والكات بجنيه
لو عايز ارخص تعال

ninja911

02-06-2006, 07:01 PM

أتفق معك بالتأكيد أن السعر يتوقف أيضاً على المنطقة والأسعار فى الموضوع هى المتوسط