لعشاق سيارة 131

[Mohaned_magdy]

حبيت اعمل موضوع عن السيارات 131 وياريت كل الى عنده سياره من هذا الموديل يدخل ويكتب عنها

[Mohaned_magdy]

انا معايا سيارتى 131 المانى موديل 81 بصراحة انا عشقت السيارة ديه جدا لانها سيارة جميلة ولما اعمل فيها اى جديد بيبان عليها المهم انها فى عمره شامله ميعادا الموتورهارفع صورها انشاء الله بعد لما تطلع من العمره
بالنسبه للموتور عندى 1400cc بس 2 كامه RPM 80 والامبير 200 صدقونى لو قولتلكم ان ماكنتها بتقفل 140 km
والى بيعجبنى اكتر واكتر فيها انها ثابتة على الارض والله انا مش هاتكلم عليها انشاء الله العمره فاضلها حوالى 10 ايام وارفع الصور
مشاكلها الى نسيت اقول عليها ان قطع غيارها غليت يعنى انا حبيت اشترى 4 ابواب ياترى استعمال خارج بكام انا عن نفسى نزلت الفراهده فى الاسكندرية واقل سعر وصلت ليه فاضيين 2000 ومليانين 2800 بس

ياريت ياجماعه كل الى عنده اى حاجه استعمال للعربية عايز يبيعها او يعرف مكانها يقول عليها هو انا كنت محتاج اعمل
فوانيس خلفية كرستال وواحد قالى هاتها وانا هاصبهالك بس انا كسلت الصراحة ياريت الى يعرف مكان اكسسوراتها او كمليتها لا يبخل علينا ..........

Mohaned_magdy@hotmail.com

[mtageldeen]

الموضوع منقول بس ده من حبي لهذه السيارة


..معاك عربيه ايه؟؟
....معايا سوبر........
من الكلمه دي بس نفهم ان الشخص دا معاه عربيه فيات ايطالي 131 سوبر ميرافيوري موديل من 1978 الي 1984 !!!!!!!!

انهارده حتكلم عن عربيه و مش اي عربيه حتكلم عن العربيه اللي انتج منها في ايطاليا بس فوق المليون و نص عربيه .حتكلم عن العربيه اللي حملت علي عاتقها بطوله راليات العالميه لسنوات1977 و 1978 و 1980 .حتكلم عن العربيه اللي حلمت بيها معظم العائلات الصغيره و بقي حلمها انها تركب 131...

يعني حتكلم عن عربيه رياضيه عائليه اقتصاديه و منتشره!!!!!!!

بدأ انتاج الميرافيوري131 سنه 1974 لتستلم الرايه من الفيات 124 في فئه السيارات المتوسطه و حملت نفس الموتور ف كانت ب موتورين 1300 و 1600 بقوه 65 و 75 حصان علي التوالي.و كانت سياره عصريه بمعني الكلمه آن ذاك فقد كانت ابعادها مناسبه و يعيبها ضيق المساحات الداخليه بالمقارنه ب ال 128 آن ذاك و لكن هذا الضيق مقصود لان مفهوم هذه السياره انها سياره قويه للشباب و ليست لعائله صغيره كا ال 128 او لعائله كبيره كا ال 132 ف هذا هو الحجم المناسب و للعلم كان جسم ال 131 المربع بيعطيها متانه و قوه لدرجه ان فتره ضمان الشاسيه كانت 13 سنه في حين انها كانت 11 سنه ل 132 ( الجسم المربع بيعيش اكتر)

المهم مرت الايام و جات سنه 77 اللي بدات تتغير فيها كل موديلات فيات و ال131 برضه نالت جزء مهم من التعديلات دي ف ظهرت لينا السوبر ميرافيوري و كانت باكصدامات فيبر و شبكه متغيره و تخلت عن الفوانيس الدائريه لصالح فوانيس مستطيله و تخلت عن الفانوس الخلفي الششهير علي شكل حرف T لصالح فوانيس مستطيله ايضا و جنوط شبه ال 132 و تم اضافه محركات من فئه ال 2 كامه سعه 1300 و 1600 بقوه 75 و 96 حصان علي التوالي و هر موديل اخر يحمل نفس الاسم القديم ميرافيوي و لكن بمحركات فئه 1 كامه و بنفس شكل فوانيس ال سوبر 131 لكن اختلاف الاكصدامات(نيكل مكان الفيبر) و عدم وجود RBM في التابلوه و بعض الاختلافات الاخري البسيطه.

في الوقت دا كانت 131 رايسينج ابارث بموتور ال 132 المعدل من ابارث بقوه 140 حصان تحصد سباقات الرالي الدوليه بدون منازع او منافس من اي شركه و انعكست نتيجه الراليات علي مبيععات ال 131 و بالتالي عاشت ال 131 ازهي فترات عصرها سواء في مجال السباقات او مجال المبيعات كسيارات سياحيه .
في عام 1981 هرت ال 131 بنوعيها الميرافيوي و السوبري ميرافيوي ايضا بتعديلا طفيفه فقد تم تغيير الشكبه الاماميه مع الاحتفا بالفوانيس و تغيير شكل الفوانيس الخلفيه و تغيران شبه ملحوظه في مقابض الابواب و لكن التغيير الاهم كان تحت غطاء المحرك ففي اليرافيوي تمت تغيير الموتور ال 1300 ب اخر حديث 1400 و 1600 بقوه 70 و 85 حصان علي التوالي.( ا كامه )

و اصبحت السوبر ميرافيوي متوافره محركين 1300 و 1600 بقوه 75 و 97 حصان علي التوالي و لاول مره تم اضافه موتور ال 2000 سي سي بقوه 112 حصان الماخوذ من ال 132 2000 و كل هذه المواتير (2 كامه)
و حسيبكم تتخيلو موتور ال 112 حصان علي جسم وزنه 1100 جرام ممكن يخلي ادائها ازاي؟؟؟!!!!!!!
الا ان احيلت السياره العظيمه للتقاعد عام 1985 مفسحه المجال ل فيات ريجاتا بعد انتاج تعدي ال المليون و نصف و انتصارات و حب جميع من امتلكها . :cry:

السياره انتجت في عده دول منها المانيا و اسبانيا و مصر و تركيا (مازالت تنتج تحت اسم شاهين حتي الان).
بطله الراليات لعام (1977.1978.1980)
العربيه اللي دخلت فيات امريكا و انتجت تحت اسم برافو .
ايه رايكو فيها ؟؟؟؟ تستاهل ولا لاء ان الواحد يتكلم عليها ؟؟؟ مستني ردودكم\

[mtageldeen]

الموتورالاسطوره 2 كامه 2000 سي سي من تعديل ابارث بقوه 140 حصان(من افضل مواتير القرن الماضي علي الاطلاق)


http://dc62.4shared.com/img/48278105/adab09a4/Engine.jpg?sizeM=3

[mtageldeen]

بطله راليات السبعينات


http://dc62.4shared.com/img/48278109/a41d458f/Rally_01.jpg?sizeM=3




http://dc62.4shared.com/img/48278115/b4b038e5/Rally_02.jpg?sizeM=3






http://dc62.4shared.com/img/48278120/eff79fa9/Rally_03.jpg?sizeM=3

[totti10it]

الف الف شكر
موضوع رائع الحقيقة و معلومات جميلة عن سيارة عظيمة فعلا و لها شعبية كبيرة جدا
بس كان ليا سؤال؟ هل الاسيارة دى فعلا انتجت فى مصر؟ انا عمرى ما سمعت عن 131 مصرى

[totti10it]

الف الف شكر
موضوع رائع الحقيقة و معلومات جميلة عن سيارة عظيمة فعلا و لها شعبية كبيرة جدا
بس كان ليا سؤال؟ هل الاسيارة دى فعلا انتجت فى مصر؟ انا عمرى ما سمعت عن 131 مصرى

[mtageldeen]

الف الف شكر
موضوع رائع الحقيقة و معلومات جميلة عن سيارة عظيمة فعلا و لها شعبية كبيرة جدا
بس كان ليا سؤال؟ هل الاسيارة دى فعلا انتجت فى مصر؟ انا عمرى ما سمعت عن 131 مصرى

والله أنا لا أعلم أنه يوجد منها المصري
ولكن هذا ما ذكره كاتب الخبر الأصلي

وأنا أعلم منها الإيطالي والألماني وهم الأفضل وموجودين في مصر
والأمريكي والتركي موجودين في مصر أيضاً ولكن إبعد عن التركي لأنه الأسوأ

[Bode 10]

انا عربيتى 131 موديل 83 وجبت بيها 160 وكنا8 فى العربيه وعلى فكره هيه دى عشق حياتى عربيه فعلا محترمه

[ahmedxl]

الف شكر يا غالى

[mohaa2005]

انا عربيتى 131 موديل 1979 المانى 1600 سى سى بصراحه عربيه جميله جدا جدا وصلبه جدا بس عايزه اهتمام منك لانك لو اهملتها هتندم عليها فعلا

[Michohat]

سيارتى فيات 131 المانى موديل 1979 1600 سى سى اتنين كامة
واللى اكتشفتة انها مبنيه على عفشة 132 كاملة
الايام دى انا بشدها سمكرة ودكو و ان شاء الله هرجعها زى المصنع