انا حاصل علي دبلوم تجارة وعاوز اكمل في كلية تجارة أرجو المشاركة

[bakkardj]

السلام عليكم ورحمة الله وبركاتة
انا حاصل علي دبلوم تجارة ونفسي اكمل في كلية تجارة بس مش عارف اعمل ايه ايه الحل ارجو الشاركة

[walleed1982]

أخي الغالي

أولا أهلا بك في رابطة محبي مصر

ثانيا آسف انني اضطريت لحذف ايميلك ورقم موبايلك لانه مخالف للقوانين الا للضرورة

ثالثا بالنسبة لاستفسارك

يمكنك اكمال دراستك بكلية التجارة ولكن عن طريق التعليم المفتوح

ببساطة تروح للجامعه اللي في محافظتك وتسال داخل الجامعه عن مركز التعليم المفتوح

المركز عاده بيفتح كل 3 شهور بيقبل دفعة جديده او 6 اشهر علي حسب

بيطلبوا منك هناك بعض الاوراق زي شهادتك والجيش وميلادك وكده

وبعدين بتبتدئ اجراءات الالتحاق

بتدرس يوم واحد بس في الاسبوع اللي هو يوم الجمعه عاده

وتدفع تقريبا 500 جنيه مصاريف سنوية

الموضوع مش صعب لكن عايز صبر

ولو اي استفسار تاني انا موجود

[احمد الفار6]

اخى الكريم لو عاوز تكمل كليه تجاره بعد الدبلوم فى حلين
الاول : تعمل معدله فى الصيف ودى عباره عن 5 مواد بتمتحن فيهم فى جامعه القاهره
وما تنجح باءذن الله تكمل فى كليه تجاره انتظام زيك زى غيرك
وفى اماكن كتيره بدرس المعدله دى فى الصيف وبتعملك ورئك وكل حاجه وانت ما عليك الى انك تمتحن
الحل التانى :الجمعه المفتوحه ودى انت بتروح تئدم ورئك فيها وتبداء الدراسه عادى من السنه الجديده
واتمنى من الله ان ربنا يوفئك وتكمل درستك

[جيمي سمير]

عزيزي بعد التحيه
انت تقدر تكمل الدراسه بتاعتك اما بطريقتين زي ما قال الاخ احمد الفار اما بعمل المعادله لو انت لسه مخلص الدبلوم وتقدر تدخل بيها كليه التجاره بس او الثانيه
انك تقدم في التعليم المفتوح اللي بيشترط انك تكون مخلص من 5 خمسه سنين الدبلوم وفيه تقدر تدرس احد الكليات الاتيه الاداب قسم لغه انجليزيه و فرنسيه كليه الاعلام كليه التجاره او (حقوق مقصوره علي حاصلي الثانويه العامه)
وده لينك فيه عنوان الموقع لو تحب تدندن فيه وتعرف اكتر
http://www.ou.cu.edu.eg/

[mshi]

طيب واللى معاه دبلوم تجارى من سنين يعنى من سنة 1991 هل من الممكن انه يعمل المعادله علشان يخش حاسبات ومعلومات بأعتبار ان الجامعات المفتوحة مفيش فيها اقسام حاسبات ومعلومات ارجو الافاده بشده لانى دخت نفس اكمل حاسبات وانا واخد شهادات كثير Cisco & Microsoft & ICDL وبحب مجال الكمبيوتر وهى دية امنية حياتى كمان الشركات فى مصر لا تقبل الا الشهادات العليا للعمل بها فى مكان جيد