الشباب بطل يشتري «شبكة» لكن الخناقات لسة موجودة.. من النهارة مافيش شبكة.. أنا الشبكة

[DR MO7@MED]

الشباب بطل يشتري «شبكة» لكن الخناقات لسة موجودة.. من النهارة مافيش شبكة.. أنا الشبكة!


http://img221.imageshack.us/img221/7370/81dcbjl9.jpg



بالرغم من ارتفاع سعر الذهب وعدم إقبال الكثير من الفتيات علي شراء شبكتها التي كانت تحلم بارتدائها وتكتفي فقط بشراء دبلة وذلك لإعلان خطوبتها أو شراء أقل القليل من الذهب مثل «التوينز، دبلة، خاتم» إلا أن هذا الذهب القليل يحدث عند شرائه العديد من المشاكل مع عائلة الشاب والفتاة، وذلك لاختلاف الأذواق بين الطرفين، فلكل طرف ذوقه الخاص ويحاول أن يفرض رأيه وسيطرته علي الطرف الآخر بالرغم من أن الاختيار الأول والأخير يكون للعروسة وهو حقها، وهناك بعض الفتيات التي تصر علي اختيار شبكتها فيكفي أنها راعت ظروفه الاقتصادية، ولم تطلب شبكة مرتفعة، فلن توافق علي الاستسلام والتنازل لرغبات الشاب من بداية حياتهم وهناك بعض الفتيات التي تضطر إلي انهاء زواجها وعدم إتمامه، وتقوم برفض الشاب الذي تقدم لخطبتها، وتبرر بعض الفتيات ذلك بأن الحياة الزوجية عندما تبدأ بتقديم تنازلات تضيع بعد ذلك كل الحقوق والالتزامات المفروضة علي الشاب وتحرص أسرة الفتاة علي التدخل في اختيار الشبكة، حيث إن ذلك هو اليوم الذي تتمناه الأسرة لابنتهم ولا يرغبون في تدخل أهل العريس في الاختيار، فليس الشاب هو الذي يرتدي الذهب بل الفتاة ويجب علي أهل العريس مراعاة ذلك حتي لا تحدث اضطرابات ومشاكل منذ بداية الطريق فتؤثر بالسلب علي الطرفين وقد تفشل الزيجة.

وقد يسبب ارتفاع الذهب بصفة عامة والأسعار بصفة خاصة إلي حدوث العديد من المشاكل بين الشاب والفتاة في الاتفاق علي كل ما يتطلبه الطرفان، فكل منهما يلقي بالمسئولية علي عاتق الطرف الآخر مما يؤدي إلي حدوث المشاكل قبل بداية الحياة الزوجية، ومن هنا أدت الحالة الاقتصاية الصعبة التي يمر بها كثير من المصريين وانخفاض مستواهم المعيشي وعدم وجود فرص عمل ملائمة لمعظم الشباب إلي حدوث العديد من المشاكل والاضطرابات التي تقف عائقاً أمام الزواج فتحول حلم الزواج إلي كابوس يؤرق كل شاب وفتاة وأصبحت حياة العزوبية للشباب أفضل من الارتباطات والالتزامات الملزمة للشباب لإتمام زواجهم.
وتقوم والدة العروسة بـ زيادة شبكة ابنتها بإضافة ما تملكه من ذهب إلي شبكة ابنتها ويعتبر الذهب حقاً من الحقوق الشرعية للزوجة، ويتم تسجيله في قائمة المنقولات الخاصة بالعروسة، وذلك ضماناً لحقوقها حتي إذا لم يتم شراؤه في الحقيقة فليس من الضروري شراء الشبكة ولكن بدلاً من ذلك يتم كتابتها.

وتعتبر المرأة عاشقة للذهب فهي تتحلي وتتجمل به وهو مكون أساسي من مكونات الجمال، والذهب هو من أقيم الهدايا التي تقدم في المناسبات المختلفة ولا يفقد بريقه أو تقل قيمته مهما مر عليه من السنوات ولا يقتصر استخدام الذهب لتتجمل به الفتاة فقط بل تتعدد استخداماته ويدخل في كثير من الصناعات منها الدوائر الكهربائية، وتغليف الأدوية، وحشو الأسنان، وعلاج السرطان، كما يستخدم علي شكل رقائق في الطلاء بالذهب والكتابة به، ويقاوم الذهب تأثير الأحماض والمحاليل الملحية والقواعد، كما يدخل في الأبحاث البيولوجية ويعتبر من أكثر المعادن ليونة وقابلية للطرق والسحب لذلك يتم تشكيل الأذواق المختلفة التي تناسب كل السيدات والذهب هو أول فلز تم التعرف عليه وكان للقدماء المصريين دور في البحث عنه واكتشافه واستخراجه.

هاجر تهامي

الدستور

[geen2000]

والله الشباب اليومين دول معزورين
هيجيبوا ايه ولا ايه
ويجيبوا منين
زمان علي ايام اهالينا كانت اجدع شبكه ب 100 جنيه
دلواتي الف جنيه ميجبش دبله
وبرده البنات عوزه تتجوز
سن الجواز زاد
ونسبه العنوسه ارتفعت
وكل بنت جواها رعب من العنوسه دي
فلازم كل واحد يجي علي نفسه شويه
وانا مش شايفه انها هتيجي علي نفسها ولا حاجه
لان كل دا شكليات ليس الا

[alaa2007]

البنت زي الولد ومهيش كمالة عدد .. البنت ليها حلم برضه تلبس دهب ويتعمل لها فرح كبير وتعيش في شقة مستقلة .. والولد برضه نفس الكلام .. المكشلة دلوقتي في البلد والغلاء وقلة المرتبات .. الأولاد والبنات كلهم غلبانين ولو حبوا يقللوا أمكانيات جوازهم أهلهم مش هيرضوا ..
لك مني كل تقدير واحترام

[evil_daed]

لا حو لا قوه الا بالله فعلا الجواز دلوقتي بقي مشكله في مصر بسبب الغلو في كل حاجه الشقق والذهب والاكل وكله طيب دلوقتي الواحد يعمل ايه حسبي الله ونعم الوكيل ارجو من كل اسره تراعي كل شاب اتي ليتقدم لبنتهم ان يخففوا الطلبات الكثيره حتي تكون مسيره ربنا يستر بنات المسلمين وان يسير الجواز لهن وان يسير الزواج للشباب اسال الله الهدايه لنا جميعا شكرا اخي الكريم علي هذا الموضوع الجميل دمت في رعايه الملك

[Mo7aMMeD SaLeM]

لإعلا الجواز بقى صعب الفترة دى ..
ونسبة العنوسة من الجنسين زادت ..
بسبب ظروف كتير اووى اقتصادية أولها ..
والغلو اللى الناس لا حول لها ولا قوة ..مين اللى هايفكر يتجوز الا اللى معاد الدنانير ..

وربنا يوفق الجمييييع ..
وشكرا يا دكتور محمد بالتوفيق أن شاء الله ...

[AMY86]

انا اصلا مش بقتنع بفكرة تحديد لاني اعرف انه فيه بلاد بتحدد الشبكه بعدد الجرامات ويسلام بقى لو فيه تنافس بين علتين على عروسه
انا اعرف ان الشبكه دي هدية من العريس لعروسته مش تبقى قلة زوق لما احدد قيمة الهديه لأ والي ينرفز لما تروح كمان تنقيها ايه ده
هههههههههههههههههههههههههههههههه
انا اتناقشت مع ناس كتير في الموضوع ده وكلهم بيقولوا مش هي الي هاتلبسها المفروض هيا الي تنقيها افرض كان زوقه وحش تعمل ايه هي
قلتلهم معلش لو زوقه وحش مكنش اختارها
المهم دخلنا في حورارت كتيرة وفي النهايه طلعت انا الي غلطانه
بصراحه الله يكون في عون الشباب

[أ/حسين زكريا]

والله فى رأى مهما كان اهل العروسة بيراعوا ظروف الشباب برضوا فى حدود
لأنك عمرك ما هتلاقى اهل عروسة بيقلولك أنا هجوزك بنتى على عفش مستعمل وأجبهلها دبلتين وعفوا نفسكم
لكن برضه بيبقوا خايفين من كلام الناس ليقولوا انهم بيبعوا بنتهم وأنها فيها عيب وعايزين يخلصوا منها
تحياتى للجميع

[MON@LIZA2008]

موضوع جميل اوى يا محمد

فعلا الشبكة الايام ديه بقت صعبة اوى اوى يعنى مثلا تمن الدبلتين دلوقتى كانوا زمان بيجيبوا بيها اجدع شبكة ههههه

انا شايفة ان ممكن يكون كبداية بس ممكن يتخطبوا بدبلتين او توينز زى ما بتقول بس كبداية لان اكيد الشباب فبداية حياتهم مش هيبقى معاهم فلوس بس هتفضل جنبه لحد ميكون نفسه و بعدها يجبلها الشبكة الى عاوزاها بقى بس هتبقى وقفة جنبه

أن الاختيار الأول والأخير يكون للعروسة وهو حقها،

الى انا شايفاه بقى انه الاختيار يبقى للعروسة و العريس مع بعض و ده هيحلى الشبكة اكتر

لما العروسة تحس ان العريس بيتمنلها احلى حاجه و بيدورلها و بينقى معاها مش انه يبقى قاعد يتفرج و يدفع و خلاص اكيد هتبقى احسن

و العريس كمان لما يحس ان العروسة حبة الى هو اخترهلها حتى لو زوقه وحش بس هى حبة اختياره ده اكيد هيفرق معاه كتير

و فالنهاية الدهب بقى موضة قديمة ايه مش بتتكلموا عالالماظ ليه ههههههههههه :shutup:

طيب طيب براحة بس هههههههه بلاش الماظ خلينا فالفضة مالها هههههههه و مالها كل واحد يعقد جنب اهله و يريح دماغه و يخلص ههههههههه

شكرا يا محمد موضوع جميل

[رنا هشام]

انا رأيى بردة من رأى monliza وان الشبكة شكليات وان المفروض الاهل مش يخافوا الناس تقول اية المفروض يخافوا الاول على بنتهم لو انسان كويس ومحترم ومتدين وهيعمل كل اللى هيقدر علية عشان يسعدها يبقى نتحمل بعض ونقف جنب بعض ماينفعش نفكر بس فى الشبكة وعليكوا وعلينا وخناقات ومناقشات ويأخد الموضوع شكل تجارى نستحمل بعض ونراضى بعض لان دا اختيار العمر وحياة

[™¤ D r_R o c k £ t ¤™]

محمد حبيبي ازيك واحشني والله وحشاني رسايلك الخاصه

موضوعك جاااااااااااااااااااامد انا بقى هقولك على حاجه اظرف كمان....اسمع يا سيدي..

كل الاعضاء بيتناقشوا في ان الشبكه حاجه اساسيه ولا لأ ..فيه حاجه تانيه بقى...

لما العروسه تسلم ان الشبكه دي حاجه اساسيه ومهمه وانت يا عيني عليك غلبان وهتوافق تجيب شبكه بالشئ الفلاني وطلع عينك تيجي هي تقولك....

خلي بالك انا شبكتي متكونش اقل من اخواتي لو ليها اخوات او قرايبها.

وانت طبعا بتحبها هتعمل بقى ايه يا حلو

نصيحه واسألوا مجرب لازم تكون العروسه مقطوعه من شجره ....هههههههه.في رعاية الله

[™¤ D r_R o c k £ t ¤™]

وتيجي يا عيني تقولها مفيش شبكه انا الشبكه هتقولك ...

لا انت ولا الشبكه

ورينا عرض اكتافك

[دلبييرو]

بص بقى انا عندى حل الشبكة وكل حاجة
انتا لما ربنا يوفقك وتخطب او تشوف العروسة تاخدها وتشحت بيها لغاية ما تلم الفلوس
معايا

[دلبييرو]

بص بقى انا عندى حل الشبكة وكل حاجة
انتا لما ربنا يوفقك وتخطب او تشوف العروسة تاخدها وتشحت بيها لغاية ما تلم الفلوس
معاياhttp://www.se7o.com/kb/Smileys/classic/yahoo.gif

[MON@LIZA2008]

وتيجي يا عيني تقولها مفيش شبكه انا الشبكه هتقولك ...

لا انت ولا الشبكه

ورينا عرض اكتافك


:rofl::rofl::rofl::rofl::rofl:

[™ Mr.Bluetooth]

بص بقى انا عندى حل الشبكة وكل حاجة

انتا لما ربنا يوفقك وتخطب او تشوف العروسة تاخدها وتشحت بيها لغاية ما تلم الفلوس

معاياhttp://www.se7o.com/kb/Smileys/classic/yahoo.gif

هههههه فكره والله اهه هتتحل مشكله البطاله وهتزداد مشكله التسول بس دخل الفرد هزيد اكيد تسلم يا باشا موضوع جميل.....

[k1m0]

فعلا الظروف الى بيتعرضلها الشباب بقت صعبه ودا السبب ان البنت بقت بترضى باقل القليل ف موضوع الشبكه وجاجات تانيه كتير فى امور الجواز
وفعلا اعتقد ان الذهب بالغم من عشق البنات ليه الا انه شكليات واهم حاجه اصل العريس وانه يكون يستحق عروسته

[elpop211]

سيبك بقى من موضوع الشبكه دا ، وبص على اخر واهم حاجه الناس بتتفشخر بيها ... دلوقتي بقى
لااااااااااااااااااااااااااااااااازم بنتي يتعملها فرح في قاعه او دار مناسبات محترم وللا فندق دا لو اهل العريس مستريحين مثلا
( الكلام دا كلام ام العروسه ، وهيا بنتي اقل من بنات عماتها وللا بنات خالاتها في حاجه ) ويدبسو الواحد ويقولو شوف هتعملو فين والنص بالنص ....
صحيح بقى انا شخصيا عايز اعرف رأي البنات في موضوع الفرح دا ؟؟؟

[Tantaghost]

يعنى هنعمل ايه
قولى انت

[MON@LIZA2008]

سيبك بقى من موضوع الشبكه دا ، وبص على اخر واهم حاجه الناس بتتفشخر بيها ... دلوقتي بقى
لااااااااااااااااااااااااااااااااازم بنتي يتعملها فرح في قاعه او دار مناسبات محترم وللا فندق دا لو اهل العريس مستريحين مثلا
( الكلام دا كلام ام العروسه ، وهيا بنتي اقل من بنات عماتها وللا بنات خالاتها في حاجه ) ويدبسو الواحد ويقولو شوف هتعملو فين والنص بالنص ....
صحيح بقى انا شخصيا عايز اعرف رأي البنات في موضوع الفرح دا ؟؟؟

تعرف بالعكس انا شايفة ان دلوقتى فيه بنات كتير بيعملوا فرحهم يبقى كتب كتاب فقاعة و بعدها العروسة و العريس يروحوا يسهروا فاى حتة و خلاص

بس انا مش مع الحكاية ديه

البنت بتحب يتعملها احلى فرح فالدنيا كلها و اكيد الولد كمان بس الولد بيبص الاول عالى هيدفعوا لو هيدفع كتير هيقول بلاش ههههههه

بس ممكن يبقى فرح جمييييييييل اوى فقاعة صغيرة لو بيبتدوا لسه حياتهم مع بعض

مش مشكلة يبقى القاعة كبيرة و غالية بس المهم الفرحة الى بتبقى فالقلب

و بعدين كل واحده نفسها تكون ملكة فاليوم ده و تكون احلى واحده فاليوم ده و تحس انها ملكة مفهاش حاجة لو يبقى فرح صغنون و تبقى ملكة براحتها فيه بقى ههههههه و جنبها احلى ملك فنظرها يبقى مفهاش حاجه لما تسعد اميرة حياتك كلها بحتة فرح ولا ايه ههههههه

ربنا يوفق كل الشباب يارب

[elpop211]

يا عيني يا عيني عالحب يا اميرة عصرك .... حرام عليكو اللي بتعملوه فالواحد دا ...هههههههه

[an an]

السلام عليكم جميعا
ماشاء الله الموضوع مميز كالعادة
فعلا البنت بيكون نفسها في شبكة كويسة وده حقها
لكن انا عن نفسي لو اتخطبت لواحد بجد كويس فعلا وحاسه انه متدين وهيتقي الله فيا انا عن نفسي واهلي كمان هنوافق علي شبكة تكون علي حسب مقدرته
بس للاسف فيه دلوقتي ناس كتير مش بتقدر ده
لكن فيه برضه ناس بتغالي وفي الاخر والله بتلاقي ان كل واحد وليه نظرة في الموضوع ده
عموما الموضوع فعلا جميل جدا شكرا عليه والي التقدم باذن الله

[monsefy]

والله احنا غلاااااااااااااابه

[Princess_love]

موضوع حلو اوى يا محمد
انا رأى فى الموضوع ده بجانب موضوع ارتفاع الاسعار سواء الدهب او البنزين او غيره
بجانب ارتفاع اسعار الشقق وقلت الرواتب
فى لوم بردوا على البنات
اه البنت من حقها تفرح وكل حاجه بس فى بنات بتقول الشبكة اهم حاجه
وتبقى عايزه عريس معاه فلوس علشان يجبلها دهب وده دليل على النقص وانها مشبعتش فى بيت اهلها او ان اهلها مجبلوهاش دهب وهيا معززة مكرمة فى بيتهم وبالتالى دى فئة بتعنس ومش بتجوز
وفى بنات عنيها مليانه وشبعانه فى بيت اهلها ومش فارقه معاها هيجلها شبكة ايه ومش بتبص للماديات قد ما هيا بص انها تفتح بيت مع زوج يراعيها ويحافظ عليها وانها هتبنى معاه البيت ده واحده واحده
والفئة دى بتجوز اسرع من اى واحده تانيه
يعنى بردوا موضوع الجواز ليه عامل على البنت وتفكيرها وذكائها مش على قد الشبكة والاسعار العاليه وبس
اسفه انى طولت عليك وشكرا على الموضوع الجميل

[elpop211]

وفى بنات عنيها مليانه وشبعانه فى بيت اهلها ومش فارقه معاها هيجلها شبكة ايه
كلام جمييييييييل والبنات اللي زيك هما اكتر ناس تعرف معنى كلامك دا .... والعندليب عامل قلق ...هههههههههههههه

طب كملي جميلك بقى وكنتي رديتي في موضوع الفرح بالمره ....:39:

[Princess_love]

كلام جمييييييييل والبنات اللي زيك هما اكتر ناس تعرف معنى كلامك دا .... والعندليب عامل قلق ...هههههههههههههه

طب كملي جميلك بقى وكنتي رديتي في موضوع الفرح بالمره ....:39:



طبعا انا بشكرك انك علقت على ردى وانى كلامى صح حتى لو جزء منه مش كله
بالنسبه لنقطة الفرح انا بعتذر انى مردتش ده لانى مشوفتش ردك
رأى فى موضوع الفرح فى امهات زى ما انت بتقول
وفى بنات نفسها هيا اللى يتعملها فرح وتفرح زى بقيت البنات
وفى اللى بتقبل زى ما قالت موناليزا انها تعمل كتب كتاب فى قاعه مناسبات وبعدها يروح العريس والعروسة يسهروا فى اى مكان
مش شرط ان البنت تعمل فرح فى مكان غالى بالعكس اغلب الافراح اللى بتتكلف الاف بتتنهى الزيجات دى بالطلاق
ودى بيرجع للاب والام علشان هما بصين انهم عايزن بنتهم تجوز جوازه مرتاحه متنزلش تشتغل وتتعب علشان بيتها يفضل مفتوح بجانب شغل جوازها وممكن تلاقيهم مستوى مادى كويس جدا وليهم معارف كتير فلازم يفتخروا انهم عملوا لبنتهم فرح فى فندق كذا او قاعه كذا او اى حاجه انا لما بحضر الافراح دى بقول ليه مستغلش الفلوس اللى ادفعت فى ليله واحده مثلا بانى اعمل فرح كويس فى مكان اقل فخامه شوية من المكان ده وبقيت الفلوس اروح بيها شهر عسل برا مصر او استغلها فى انى اعمل مشروع يفدنى ويساعدنى ماليا
انا معاك فى حتت ان الشباب بقى بيعانى والبنت كمان لما تبقى موافقه على اقل القليل وتلاقى حد من اهلها رافض تبقى محتارة بين انها ترضى اهلها وبين انها ترضى حبيبها لو كان الارتباط عن قصه حب
والصراحه انا ديما بقول البنت لو ترضى بالانسان اللى هتعيش معاه بقيت حياته باقل القليل اكيد ربنا هيكرمهم ويوسع عليهم بعد كده فى حياتهم ودى عن نماذج انا شوفتها بعنيه
طولت عليكوا وارجو ان ردى يكون فادكو