shadyyassin
17-05-2008, 09:53 AM
الاخ الكريم عايزك تطول بالك عليا لغايه محكيلك المشكله اللي انا فيها مع سرعه الرد انا كنت مشتري شقه تقسيط من شركه اسمها الحجاز رويال بلازا بمدينه نصر و كنت بدفع الاقساط عادي في معادها و كان في اقساط صيانه كنت تقريبا مخلصها يعني بدفع كل شهر قسطين تلاته مقدم المهم الشركه كانت لسه مطلعتش قرار البناء و حصلت عليها مشاكل كتيره قوي و اتكتب عنها في الجرايد لانها دخلت في عمليه رشاوي و حاجات من اللي انت عارفها المهم عملت الشركه للملاك اجتماعات كتيره عشان تسويه الموضوع واحد صاحبي قالي انت تروح قسم مدينه نصر عشان تعمل اثبات حاله انك ليك فلوس عند الناس دي و تصور الايصالات بتعتك و ترفقها في المحضر رحت و عملت المحضر وكنت في الفتره دي بحاول اتكلم مع صاحب الشركه كان بيهرب من كل الناس و كتير كانوا بيقفلوا السكه في وشي لما كنت بتصل بيهم ولكن بعد قتره من كنت بتصل بيهم المحاسب اللي هناك قاللي احنا هاندي للناس فلوسها و حدد لي ميعاد عشن اروح اخد الفلوس و رحت في الميعاد اللي كان بعد المكالمه بتلت 3 اسابيع و خدت فلوسي بس مش كلها طبعا نقصوا منها مبلغ بسيط المهم الكلام من سنه 2005 كنت غيرت نمره موبيلي 4 مرات واشغلت و اتجوزت في قانون جديد لقيت واحد بيتصل بيا و بيقول انه محامي الشركه واني كنت عامل محضر جنحه نصب لصاحب الشركه و اني لازم اجي اتنازل عن القضيه عشان النيابه حولتها لمحكمه و المحكمه خدت حكم علي الراجل و قاللي اني لو ماجيتش هايرفع عليا بلاغ كاذب و لازم اروح اقابله عشان نسوي الموضوع انا خفت بصراحه مع العلم انه طبعا حرام لان الراجل اداني فلوسي بس انا خايف مع العلم انه قاللي ان هايوصلك اعلان علي عنوانك بس انا كمان عنواني في البطاقه اتغير وخفت اني اروح لما كلمني تاني و قاللي اجي المحكمه عشان اتنازل اعمل ايه افادكم الله مع العلم اني اصلا مروحتش المره الاولانيه