المساعد الشخصي الرقمي

مشاهدة النسخة كاملة : جامعه مصر للعلوم والتكنولوجيا

dr_sambo
15-05-2008, 04:50 AM
Misr University For Scince & Technology
إنتهيت
08-06-2008, 02:52 PM
بسلم انا كمان ع كل اصحابى اللى فيها بس اكتير سبوها اوهى اللى سبتهم

بتهيقلى الدراسه فيها عايزة ناس دماغ

وكمان بعيدة ف 6 اكتوبر الطريق الدائرى وحورات بقا عشان توصل must

ثانكس ع التوبيك وانك فكرتنى اسلم عليهم
pokla
09-06-2008, 01:29 AM
انا كمان في جامعة مصر للعلوم و التكنولوجيا في كلية لغات و ترجمة و هي بجد جامعة لذيذة بس نظام التعليم فيها يعني فيه شوية عيوب
azaher77
11-06-2008, 04:00 PM
انا لا احترم اي جامعات خاصة
مستكنيص
23-06-2008, 10:21 PM
انا لا احترم اي جامعات خاصة

لييييييه بس الغلط ياعم الحاج !!
معروف ان مستوى التعليم عندنا ارقى بكتير م الحكومى
ومصانع و شركات الادوية الكبيرة ( فايزر و غيرها ) مابيشتغلش فيها الا طلبة الجامعات الخاصة لان معروف ان مستواهم العلمى احسن بكتير م الصيدلة الحكومى

و سلملى ع الحكومى .. !!
businessteam86
10-07-2008, 12:30 AM
بسم الله الرحمن الرحيم
بصوا يا جماعه انا حتكلم بس علشان الناس تعرف قبل ما تقدم في الجامعه وخصوصا ان اليومين دول حيبقي في تنسيق وحوارات كتيره اوي
المهم: جامعه مصر للعلوم والتكنولوجيا ان لم تكن افضل جامعه خاصه في مصر فهي من من افضل 3 جامعات خاصه لسبب بسيط اوي ان الدراسه فيها صعبه جدا جدا جدا جدا كمحتوي علمي وكنظام تعليمي علشان كده مبيكملش فيها غير الناس الجامده اوي
وفعلا في ناس كتيره بتحول من سنه 2 او 3 في بعض الاحيان لأنهم مبيعرفوش يكملو فيها

للاستفسار عن اي شئ يخص الجامعه ممكن تبعتولي انا بقالي 6 سنين في الجامعه وانا احب الناس تستفيد من خبرتي
Dr-Tarek
10-07-2008, 10:32 PM
i in must pharmacy
businessteam86
15-07-2008, 10:22 PM
بسم الله الرحمن الرحيم
يا جماعه في ناس كتييييييير بيكلموني علشان الفقبول والتسجيل في جامعه مصر للعلوم والتكنولوجيا اليومين دول خصوصا بعد موضوع ثانويه عامه .
علشان كده حسيت ان الموضوع شاغل ناس كتير اوي وحسيت ان الجامعه ديه مطلوبه جدا مشزفتوش المنظر النهارده كان عامل ازاي في الجامعه اي حد ليه استفسار عن الجامعه ونظام الدراسه او شروط القبول او طريقه التسجيل يقولي وانا حظبطه
businessteam86@hotmail.com
0108553503
سلاااااااااام
Kahn_91
17-07-2008, 08:37 AM
المهم: جامعه مصر للعلوم والتكنولوجيا ان لم تكن افضل جامعه خاصه في مصر فهي من من افضل 3 جامعات خاصه لسبب بسيط اوي ان الدراسه فيها صعبه جدا جدا جدا جدا كمحتوي علمي وكنظام تعليمي علشان كده مبيكملش فيها غير الناس الجامده اوي

ايه يا عم الكلام اللي انت بتقوله دا!!!!!!!!!
و راحت فين بقى ال Auc و ال Guc و ال Msa
جامعة مصر دي متجيش حاجة جنب الجامعات دي
و بعدين ايه علاقة صعوبة التعليم بانها تكون أفضل جامعة ؟!!!!!!!!
هو انت تيجي تصعبلي التعليم و تقولي أنا أحسن جامعة !!!!!
و بعدين أنا كل اللي أعرفهم في جامعة مصر بيشتموا فيها عشان حكاية صعوبة التعليم دي
و النبي بس يا جماعة بلاش نضلل الناس و نقعد نفتي
businessteam86
17-07-2008, 03:26 PM
ايه يا عم الكلام اللي انت بتقوله دا!!!!!!!!!
و راحت فين بقى ال Auc و ال Guc و ال Msa
جامعة مصر دي متجيش حاجة جنب الجامعات دي
و بعدين ايه علاقة صعوبة التعليم بانها تكون أفضل جامعة ؟!!!!!!!!
هو انت تيجي تصعبلي التعليم و تقولي أنا أحسن جامعة !!!!!
و بعدين أنا كل اللي أعرفهم في جامعة مصر بيشتموا فيها عشان حكاية صعوبة التعليم دي
و النبي بس يا جماعة بلاش نضلل الناس و نقعد نفتي
بص هو انا مش حقدر اتكلم علي ال A U C علشان بصراحه معرفش نظام الدراسه فيها ايه بس بالنسبه لل G U C اعتقد انك متعرفش حاجه عنها لأنك لو كنت روحتها كنت اكيد حتقول كلام غير ده انا ححكيلكم وانتوا احكموا
اولا الجامعه ملهاش حد ادني بس كل شريحه وليها مصاريف وطبعا كل لما قل المجموع زادت المصاريف يعني ممكن حد جايب 85 % ويدخل طب او صيدله لكن جامعه مصر وقدام عيني ناس جايببين 92 ومش حيقبلو في صيدله وطب 95 حد ادني يعني مش حيدخل معاك طلبه متوسطين المستوي
ثانيا : الG U C بتعمل امتحان زكاء I Q واللي بيسقط فيه بيدفع فلوس اكتر يعني من الاخر كلها نصبه كل حاجه عايزين ياخدوا فلوس وخلاص يعني لو ابوه تاجر مخدرات ومعاه فلوس ومش جايب مجموع حيدخلها من غير اي مشاكل .
الMSA
معرفش عنها غير ان مصاريفها عاليه علي الفاضي وغير كده اقل جامعه بتدي محتوي علمي للماده وده مش كلامي ده كلام ناس محولين من هناك عندنا
وطبعا ده ميمنعش ان يكون فيه شويه فلوس كده علي الماشي زي 300 جنيه استرليني تأمين لا يستردوا
غير كده بيحاسبوا الطلبه علي الكتب بأسعارها الحقيقيه بره ومش بتكون كامله ولما تسأل يقولوك انت حتعمل ايه بباقي الكتاب احنا اللي حندرسلكم وعارفين حنديك ايه وايه اللي حيفيدكم
حاجه تالته بيدفعوك مصاريف السنه كلها ولا يحق لك استرداد اي جزء منها حتي لو حولت
تعالي نقارن بين الاجماعتين دول وجامعه مصر
1- اولا الحد الادني للقبول اعلي من اي كليه في مصر واتحدي .
2-ارخص جامعه في اي كليه ناخد صيدله كمثال صيدله في ال G U C ب 40 الف جنيه وممكن تدخلها حتي لو مجموعك قليل لكن عندنا 20 الف ومش حتلاقي معاك طالب جايب اقل من 93
3- دفع المصاريف علي جزئين والتأمين يرد لك بعد التخرج
4-محتوي علمي مكدس جدا وده اللي انا بقول عليه نظام تعليمي وناخد كليه ادراه واقتصاد كمثال لو في حد هنا بياخد 14 ماده في السنه علي 4 سنين يقولي
5- بيدوا شهاده I C D L اجباري يعني مينفعش تتخرج من غيرها وامتحانتها وتدريسها من الجامعه مش يديلك الكتب ويقولك زاكر وروح امتحن وهات الشهاده زي جامعه الشروق مثلا .


نتكلم بئي عن موضوع صعربه التعليم فيها اللي محدش يقدر يختلف معاك فيها لأن فعلا نظام الدراسه فيها صعب الي حد ما يعني مثلا كليه اداره واقتصاد النجاح فيها من 65 او 60 % يعني الدرجه من 150 لو جبن 90 يبقي انت كده ناجح بالظبط وليك درجتين رأفه تقريبا
بتدخل الامتحان النهائي ولازم تكون امتحنت قبله 3 امتحانات مجموعها من 60 يعني بتفضل شغال طول السنه مبتلحقش تريح من امتحان وتلاقي نفسك بتمتحن التاني
لازم تكون نسبه الحضور لكل ماده 75 والا متدخلش ال FINAL
وغير الكلام ده في حاجات تانيه كتير

اما بالنسبه لموضوع ايه علاقه صعوبه التعليم بأن الجامعه كويسه
انا مش متصور ان ممكن طالب ينجع في كل اللي فات ويقدر يمشي في نظام تعليم بالطريقه ديه غير لما يكون ملتزم ومطحون مزاكره علشان كده مبيتخرجش منها غير الطالب المجتهد
واكيد طبعا في مميزات كتير في الجامعات التانيه وفي عيوب اكتر عندنا بس متهيئلي معندناش العيوب الجوهريه اللي في الجامعات التانيه
Kahn_91
17-07-2008, 09:50 PM
بص يا عم
عشان بس أنا مبكلمش و أنا مش عارف
أنا كنت مقدم في صيدلة الGUC السنة اللي فاتت

بالنسبة لموضوع الحد الأدني
هي طبعا ليها حد أدنى بس مش بالمعنى اللي احنا عارفينه....يعني ميقولكش مثلا الحد الأدنى لصيدلة 95 %
لأ......هما مثلا ليهم عدد معين من الطلبة في الدفعة الواحدة....مثلا 300....بيشوفوا أعلى 300 من المتقدمين للكلية و يقبلوهم و الباقي بيترفضوا
عشان بس متقعدش تقول في ناس جايبة 92 و ما اتقبلتش في طب جامعة مصر..........أنا كنت جايب 95 % و متقبلتش في صيدلة ال GUC.......يعني ال 300 اللي اتقبلوا جايبين أكتر من 95 %

بالنسبة لامتحان ال IQ
أولا الامتحان مش صعب للدرجة و أغلب الناس بتنجح فيه
و مش كل اللي بينجح بيتقبل في الجامعة
أنا شخصيا نجحت في امتحان ال IQ و ال English و رغم كده متقبلتش
و مفيش حاجة أصلا اسمها بيسقط فيه و يدفع فلوس أكتر أو حتى يتقبل
اللي بسقط بيبقى ليه كمان مرتين يدخل الامتحان عشان ينجح

أنا معاك
انتو من الجامعات اللي بتاخد أعلى حد أدنى
بس ده مش معناه التفوق
و الله أنا معايا ناس كانت جايبة 80 % و 85 % و 90 % و دلوقتي بيجيبوا امتيازات و بيطلعوا من الأوائل
هي أكيد حاجة كويسة ان الحد الأدنى بتاع الكلية يبقى عالي......بس مش شرط انه يضمن تفوق الطلبة اللي داخلة

الصيدلة في ال GUC فعلا ب 40 ألف أو أكتر شوية
بس تقريبا مفيش حد بيدفع المبلغ دا لأنه كده من غير أي منحة
انت لو مجموعك فوق ال 90 % عمرك ما هتدفع أكتر من 33 ألف
و كل ما مجموعك زاد المصاريف بتقل
في ناس و الله جايبة 99 % و 100 % داخلة ببلاش

بالنسبة لصعوبة التعليم
فانت معاك حق في ان محدش هيعدي غير المجتهد و كده
بس برضو في ناس كتير هتتظلم
businessteam86
17-07-2008, 10:07 PM
بص يا عم
عشان بس أنا مبكلمش و أنا مش عارف
أنا كنت مقدم في صيدلة الGUC السنة اللي فاتت

بالنسبة لامتحان ال IQ
أولا الامتحان مش صعب للدرجة و أغلب الناس بتنجح فيه
و مش كل اللي بينجح بيتقبل في الجامعة
أنا شخصيا نجحت في امتحان ال IQ و ال English و رغم كده متقبلتش

بص انا ححكيلك موقف حصل في الموضوع ده انا اعرف واحد صحبي كان بيقدم هناك السنه ديه ونجح في الانجليزي والiq جه اليومين دول بيسألهم بيقلهم اجي اقدم امتي ؟؟؟ تخيل قالوله ايه امتحان الi q مش لاقينه وكده حتدفع 1000 او 2000 زياده
أنا معاك
انتو من الجامعات اللي بتاخد أعلى حد أدنى
بس ده مش معناه التفوق
بس ان لم يكن معناه التفوق فهي من اهم المعايير اللي ممكن نقيس عليها مستوي الجامعه

و الله أنا معايا ناس كانت جايبة 80 % و 85 % و 90 % و دلوقتي بيجيبوا امتيازات و بيطلعوا من الأوائل
هي أكيد حاجة كويسة ان الحد الأدنى بتاع الكلية يبقى عالي......بس مش شرط انه يضمن تفوق الطلبة اللي داخلة

انا مش عارف انت تقصد اي جامعه بس كل مكان لازم يبقي فيه متفوقين حتي المعاهد لازم يبقي فيها متفوقين بس الفرق التفوق ده تفوق علي متفوقين لكي يحترم ولا تفوق لأنه احسن الوحشين


الصيدلة في ال GUC فعلا ب 40 ألف أو أكتر شوية
بس تقريبا مفيش حد بيدفع المبلغ دا لأنه كده من غير أي منحة
انت لو مجموعك فوق ال 90 % عمرك ما هتدفع أكتر من 33 ألف
و كل ما مجموعك زاد المصاريف بتقل
في ناس و الله جايبة 99 % و 100 % داخلة ببلاش
اولا مع احترامي لكلامك مفتكرش ان ممكن يكون حد جايب المجموع ده ويدخل خاص ده شئ بديهي
ثانيا معني كلامك برضوه ان لو قل المجموع زادت المصاريف يعني ادفع وعدي بالبلدي بالنسبة لصعوبة التعليم
فانت معاك حق في ان محدش هيعدي غير المجتهد و كده
بس برضو في ناس كتير هتتظلم

وده اللي مخلي الناس بتشتكي منها

كنت بس عايز اسأل هو انت في جامعه ايه ؟؟؟؟؟؟؟؟؟
Kahn_91
18-07-2008, 04:16 AM
هو طبعا أي مكان بيبقى فيه متفوقين....و حتى في وحش الأماكن بيبقوا أحسن الوحشين زي انت ما بتقول
بس اللي أنا أقصده مش بس التفوق.....الناس اللي بقولك عليها دي بتبقى مقفلة الامتحان و جايبة أعلى تقدير في المادة...مش مجرد انهم متفوقين على غيرهم حتى لو كان تقديرهم وحش

و الله أنا كمان كنت فاكر زيك كده لحد السنة اللي فاتت
أقول ازاي واحد جايب 99 % أو 100 % و من أوائل الجمهورية و يدخل جامعة خاصة !!!!!!!
لكن التفكير دلوقتي اتغير.....يعني أبقى معايا شهادة من ال GUC ولا شهادة مثلا من صيدلة القاهرة اللي فيها 3000 واحد زيك و معاهم نفس الشهادة....و كمان شهادة من جامعة زي ال GUC هتساعدك كمان لو حبيت تشتغل بره مصر سواء في الخليج أو أوروبا
و كمان الأوائل دول بيبقوا واخدين منح كاملة و بيدخلوا ببلاش و اللي بيدفع بيدفعلو ألفين ولا تلاتة....فيبقى ليه يضيع الامتيازات دي كلها

كنت بس عايز اسأل هو انت في جامعه ايه ؟؟؟؟؟؟؟؟؟

ليه الاحراج دا بقى ! :oops:
طب 6 أكتوبر
من قبا ما تقول حاجة أنا عارف انها جامعة زبالة و مينفعش تتقارن بأي جامعة من اللي بنتكلم عليها دول
businessteam86
18-07-2008, 07:27 AM
هو طبعا أي مكان بيبقى فيه متفوقين....و حتى في وحش الأماكن بيبقوا أحسن الوحشين زي انت ما بتقول
بس اللي أنا أقصده مش بس التفوق.....الناس اللي بقولك عليها دي بتبقى مقفلة الامتحان و جايبة أعلى تقدير في المادة...مش مجرد انهم متفوقين على غيرهم حتى لو كان تقديرهم وحش

و الله أنا كمان كنت فاكر زيك كده لحد السنة اللي فاتت
أقول ازاي واحد جايب 99 % أو 100 % و من أوائل الجمهورية و يدخل جامعة خاصة !!!!!!!
لكن التفكير دلوقتي اتغير.....يعني أبقى معايا شهادة من ال GUC ولا شهادة مثلا من صيدلة القاهرة اللي فيها 3000 واحد زيك و معاهم نفس الشهادة....و كمان شهادة من جامعة زي ال GUC هتساعدك كمان لو حبيت تشتغل بره مصر سواء في الخليج أو أوروبا
و كمان الأوائل دول بيبقوا واخدين منح كاملة و بيدخلوا ببلاش و اللي بيدفع بيدفعلو ألفين ولا تلاتة....فيبقى ليه يضيع الامتيازات دي كلها



ليه الاحراج دا بقى ! :oops:
طب 6 أكتوبر
من قبا ما تقول حاجة أنا عارف انها جامعة زبالة و مينفعش تتقارن بأي جامعة من اللي بنتكلم عليها دول

طيب ده احنا جيران يعني
بس علي فكره احنا تقريبا اتفقنا في حاجات قليله اوي بس اكتر حاجه تزعل اننا اتفقنا ان الشهاده من الجامعات الخاصه بئت مطلوبه اكتر وديه حاجه رغم انها في مصلحتنا بس تزعلك ان التعليم الحكومي بئه ده حاله
عموما انا سعيد اني اتعرفت علي شخصيه محترمه جدا زيك كصديق واخ
وفي النهايه احب اقول ان لكل مجتهد نصيب
بسم الله الرحمن الرحيم "" ان الله لا يضيع اجر من احسن عملا "" صدق الله العظيم
اللي عايز اوصله للناس ان لكل مجتهد نصيب مهما كان المكان اللي انت فيه اعمل اللي عليك وخلي الباقي علي الله .
واكيد ربنا حيكرمك .
Kahn_91
18-07-2008, 09:00 PM
أنا أسعد و الله يا باشا
بس انت في كلية ايه و في سنة كام ؟؟
businessteam86
19-07-2008, 03:15 AM
أنا أسعد و الله يا باشا
بس انت في كلية ايه و في سنة كام ؟؟
انا في تجاره انجليزي سنه 4
businessteam86
20-07-2008, 08:11 PM
يا جماعه اللي عايز يسأل علي الاسعار يقولي قبلها علشان اعرف أسأله
lakaleko
20-07-2008, 08:23 PM
لييييييه بس الغلط ياعم الحاج !!
معروف ان مستوى التعليم عندنا ارقى بكتير م الحكومى
ومصانع و شركات الادوية الكبيرة ( فايزر و غيرها ) مابيشتغلش فيها الا طلبة الجامعات الخاصة لان معروف ان مستواهم العلمى احسن بكتير م الصيدلة الحكومى

و سلملى ع الحكومى .. !!


استنكر ردك هذا يأخى
انا اعلم ان الجامعات الخاصه بها مستوى متميز و لكن ايضا يوجد جامعات خاصه ذات مستوى متدنى للغايه ومعروف انه توجد تجاوزات كثيره فيها ولا مجال للذكر الان ولا تنسى ان المستوى العلمى للجامعه احد العوامل التى تحدده هى مستوى الاستاف الجامعى بها ولا اعتقد انهم خريجى جامعات خاصه بل خريحى جامعات حكوميه اللى حضرتك بتقول ان مستواها منخفض يعنى الدكاتره اللى بيدرسوا لحضرتك فى الكليه هم خريجو جامعات حكوميه و مش بقول ان ايضا الجامعات الحكوميه هى الملاذ و المستوى فيها مرتفع ول كن يوجد منها ماهومناره للعلم فى منطقه الشرق الاوسط و منها ماهو متدنى فهى قاعده على جميع الجامعات الخاصه منها والحكوميه
ارجو ان تتقبل رايى
والاختلاف فى الرأى لا يفسد للود قضيه
تحياتى
businessteam86
22-07-2008, 02:43 AM
السلام عليكم
علشان كل الناس اللي سألت
مواعيد الكشف الطبي واختبارات اللغه
حتبدأ من 6/9 ال 10/9 والحضور بأيصال المصاريف