الكذب المباح.......مطروح للمناقشة [الأرشيف] - موقع الدي في دي العربي

مشاهدة النسخة كاملة : الكذب المباح.......مطروح للمناقشة

poisonivy_otety

11-05-2008, 09:23 PM

السلام عليكم ورحمة الله وبركاته
ازيكوا يا شباب وبنات الدى فى دى
انا جايالكم النهاردة بموضوع يمكن يكون بيقابل ناس كتييير قوى وبيبقوا محتاجين ياخدوا رأى حد فيه فقلت مفيش أحسن من بنات الدى فى دى- أصل الولاد غالبا مش بياخدوا رأى حد فى الحكاية دى:winktongue:- الموضوع هو:
هل هناك ما يسمى بالكذب المباح مع الحبيب؟؟
اسمحولى اوضّح أكتر, يعنى مثلا مباح للرجل انه يحلف لمراته انها أحلى واحدة فى الدنيا مع انها ممكن ماتكونش كدة فعلا:smile: ومباح للمرأة انها تحلف لجوزها انها ماحبّتش حد قبله:ange: وكل دة ده مباح بس لسبب واحد ان البيت يبقى مستقر والحياة هادية
انما بقى اللى بسأل عليه : إذا كان جوزى أو خطيبى أو حبيبى عنيد مثلا أو من النوع اللى معندوش نقاش أو مخه صغير وبييجى ع الهايفة ويتصدّر:glasses: وممكن يقول لأ على حاجات انا شايفاها صح أو عادية أو العكس, يبقى ايه التصرف ساعتهاااا؟؟؟

1)اسمع كلامه مهما حصل ويبقى الصدق مسألة مبدأ؟
2)أحاول معاه مهما اتخانق معايا أو اتخنق منى مادمت مقتنعة انى على حق؟
3)اعمل اللى عاوزاه من وراه مادام شايفاه صح ومش عيب؟
4)أريح نفسى واسيبه خالص:smile:؟

عاوزة اعرف آراء البنات والولاد طبعا( انا كنت بهزّر فى الأول):ange:

JACKSAW

12-05-2008, 01:54 AM

poisonivy_otety

12-05-2008, 03:16 AM

السلام عليكم ورحمة الله وبركاته

انا اختار الحل التانى ولكن مع بعض الزيادات

مثل اولا الحوار والنقاش والعمل على اقناع الطرف الاخر

وتأكدى يا اختى انك ما دمتى على حق فستستطيع اقناع الاخر برأيك ولكن كل شى بهدوء وبدون اى عصبيه

لكن من الخطا ان تحملى نفسك اخطاء انتى غير مسئوله عنها بسبب ان الطرف الاخر لم يقتنع بذلك

واخيرا

اقول الصدق فى الكبيره والصغيره ( ذلك عن تجربه شخصيه) الى جانب التفاهم والحوار والمناقشه افضل بكثير من الكذب

مشكور مرورك الكريم, وانا كمان مع فكرة الصراحة حتى النهاية انما لأنى شفت ناس فعلا بتختار اختيارات تانية, فحبيت اعرف رأى الناس هنا
الموضوع أشبه بموضوع تيمور وشفيقة- للى شافوا الفيلم:smile: -بس بيحصل فى الواقع

dead man walken

12-05-2008, 05:18 AM

الكدب مباح لو كان هايمنع اضرار ممكن تحصل للاشخاص اللي حوالينا
و الغاية تبرر الوسيلة
و انا شايف ان الحل الثاني يناسبك خصوصا انك متزوجة

poisonivy_otety

12-05-2008, 06:08 AM

:blush-anim-cl:من بقك لباب السما ياااااااا رب, بس انا لسة مخطوبة:blush-anim-cl::ange:
أولا مشكور لمرورك الكريم
ثانيا انا شخصيا بسمع كلامه فى كللللللل حاجة سواء مقتنعة أو مش مقتنعة وربنا يشهد انى مش بشتغل حد:ange:
ثالثا :::يا جماعة انا مش باخد رأيكوا فى مشكلة تخصنى:glasses: انا حاسة ان الموضوع اختلط على الناس بس انا مجرد طرحت الموضوع للمناقشة بس والله:smile:
مستنية اعرف ردود أكتر وأكتر وخصوصا من البنات:cool:

koky25

12-05-2008, 10:57 AM

poisonivy_otety

12-05-2008, 05:00 PM

طبعا الحل التاني

2)أحاول معاه مهما اتخانق معايا أو اتخنق منى مادمت مقتنعة انى على حق؟

بس اساسا انا من الاول مش هرتبط بأنسان دماغه ناشفة بشكل دا خصوصا ان انا كمان دماغي انشف
دي هتبقي معركة مش جوازه

ليه كدة بس يا كوكى ربنا ما يجيب معارك:smile: بس خدى بالك ان فيه ولاد -معلش - بيتمسكنوا فى الأول وبعد كدة خلاص بقى بيأمروا وينهوا براحتهم عشان اتمكنوا :winktongue: ولّا ايه يا شباب؟؟:ange:

romanza

23-07-2008, 08:08 AM

موضوع جميل جدا يا نيمو

بصي يا بنتي

موضوع ان ممكن جوزي يقولي على حاجة لأ وانا مش مقتنعة بيحصل

وببقى متضايقة موت اني مش عارفة اعمل الحاجة دي

بس نقول ايه حكم القوي

ودي ضريبة الجواز بقى أيام الفسح والاصحاب راحت خلاص

1)اسمع كلامه مهما حصل ويبقى الصدق مسألة مبدأ؟

هو حاجة من اتنين يا انا اقنعه

يا إما لو ماقدرتش اقنعه مش هعمل حاجة من وراه أبدا حتى لو انا مش مقتنعة بلأ بتاعته

أجي على نفسي وماخبيش عليه

أو لو الموضوع مضايقني خالص افنعه بقى بالعافية هو كده D :

2)أحاول معاه مهما اتخانق معايا أو اتخنق منى مادمت مقتنعة انى على حق؟

لا دي اسمها غتاتة

يعني كل شوية يتخانق وأزن برضه؟

لا ياستي أنسى الموضوع وأريح دماغي

أينعم كل مافتكره هتخنق وممكن اكلمه بس برضه احاول انسى وخلاص (ده حسب الموضوع كمان)

3)اعمل اللى عاوزاه من وراه مادام شايفاه صح ومش عيب؟

إطلاقااااااااا لا طبعا

4)أريح نفسى واسيبه خالص؟

أسيب ايه؟؟

الموضوع وللا جوزي

أكيد الموضوع صح ؟ D :

اه اريح دماغي لو مش مستاهلة يعني

ميرسي خالص يا نيمو على الموضوع الجميل ده

نابليون_بونابرت

24-07-2008, 01:48 AM

اسمع كلامك اصدقك
اشوف امورك استعجب

no comment

ghaitho

24-07-2008, 07:08 AM

موضوع مهم جدا بجد احيك عليه يا نيمو اوى

وانا ليا راى فى الموضوع ده بس هقوله بعد مقرا الردود هنا

Bruce Willes

24-07-2008, 07:14 AM

صباح الفل يا بت يا ايمان
الاول ازيك اخبارك ايه وحشانا

تانى حاجه باه .. ندخل فى الموضوع

الكذب المباح ... مقدمه جميله جدا طبعا بس عاوز اقولك حاجه
لاااااااازم يكون فيه حاجات كل طرف من الاطراف بيخبيها على التانى
يعنى انا ممكن اخبى على حبيبتى حاجه وهى ممكن تخبى عليا حاجه
الحاجه دى ممكن تكون مش تزعل بس المهم انها استخبت عليا
اول معرفها من حد غيرها بتكون بالنسبالى عيب فى حقى وغلط وكده
هل باه المفروض من كلامى انى كل واحد فينا اى حاجه يروح يجرى يبلغ تقرير لحبيبه علطول
ناقص اخد اذن دخول التواليت ههههه

طبعا بيكون فيه حاجات انا شايف انها عاديه بس هى شايفه انها مش عاديه ودى النقطه اللى انتى بتتكلمى فيها تحديدا
اللى عاوز اقوله هنا ان العند اسهل طريق للفشل فى العلاقات
يعنى هنعاند مش هنوصل لبر الامان
يبقى لو فيه حب بجد يبقى نقعد مع بعض وبكل هدووووء وكل واحد فينا يقول للتانى وجهة نظره صح ويفهمها للتانى
ممكن تقولى افرض مقتنعش اقولك بندخل بعد كده فى مرحلة التضحيه
محنا اتفقنا انه حب صادق يعنى تضحيه يعنى يعنى يعنى
يبقى لازم واحد فينا هيضحى مش شرط البنت هى اللى تضحى
اللى هيضحى مننا دلوقتى حتى لو حاسس انه صح هتكون نقطه حلوه فى حقه بعد كده ... مهو محدش شايف انه غلط كلنا شايفين اننا صح
بس لو انتى شفتى منى انى ضحيت عشانك فى موقف معين
وحصل حاجه تانى بعدين اكيد من نفسك هتفتكرى الموقف بتاعى وتضحى انتى المره دى
لان الحياه مش هتكون موقف واحد اختلفنا فيه اكيد هتون كذا موقف
ف انتى مره وانا مره ونكون مع بعض زى السكينه فى الحلاوه
وهى الحياه ايه غير حب وتضحيه وشوية حاجات فوق بعضها كده ههههه

ghaitho

24-07-2008, 07:47 AM

بعد مقريت الردود كلها

احب اقول رايى فى الموضوع ده

مبدئيا كده الكدب كدب حتى لو تنوعت اشكاله والمواقف اللى بيتقال فيه

سواء كان بنيه زيد ولا عبيد فى كل الاحوال هو كدب

فى الحاله دى ان الواحد بيكدب على حبيبه عشان مختلف معاه فى حاجه هو عاوزها انمااطرف الاخر لا

طيب ماهو منطقى جدا ان مش كل حاجه انا اعاوزها حبيبى هيكون موافق عليها والعكس صحيح

هل معنى كده ان الدنيا تخرب لا

هل معنى كده انى اكدب لالا

هل معنى كده انى استسهل الموضوع ده ويبقى ده مخرجى من المواقف دى لا لا لا لا

نفرض مثلا انى شايف الامر الفلانى بطريقه وحبيبى شايفه غلط ممكن اه اتناقش معاه واحاول اقنعه بوجهه نظرى

ومش معنى اننا مختلفين فى وجهه النظر ان فى حد مننا غلط لا ممكن نكون احنا الاتنين صح بس كل واحدشايف الموضوع من ناحيه غير التنى

وهنا يجى دور التفاهم والنقاش بكل هدوء وموضوعيه

انا اتكلم وهيا تتكلم ونشوف ممكن نوصل لحل وسط ولا لا

منفعش يبقى زى مقال كابو حد مننا يتنازل بس فى المقابل التانى لازم يقدر جدا انه اتنازل عشان خاطر حبيبه

ويقدرموقفه ده

انما يعمل اللى هوا عاوزه منورا حبيبه ........ده الكدب اللى بجد بجد يضايق جدا لانها مثلا هتكون مفهمانى انها بتعمل كده وتخدعنى وتعمل غير كده

انى اسيبه خالص عشان حاجه اختلفنا عليها يبقى بجد قمه الغلط لاننا بادينا نمشى امورنا وهنندم فى الاخر لو ده حصل

Bruce Willes

24-07-2008, 07:54 AM

منفعش يبقى زى مقال كابو حد مننا يتنازل بس فى المقابل التانى لازم يقدر جدا انه اتنازل عشان خاطر حبيبه

ويقدرموقفه ده

انا قلت التنازل هيكون فى حالة واحده يا احمد
اننا قعدنا مع بعض ومفيش حل قدرنا نوصله
هل يبقى ده اخر الطريق
اكيد لازم حد يضحى
بس انت كلامك صح فى انه التنازل اه مش كويس
بس لما نوصل فى النقاش لطريق مسدود يبقى عشان نحافظ على حبنا ده لازم حد يتنازل للتانى اهم حاجه ميكونش التنازل ده عن حاجه ف الدين او العقيده او حاجه تمس الاخلاق او الشرف او الكرامه غير كده عادى
عشان ده الحب تضحيه,,,

وسمعنى سلام انتى اللى طلبتى تطلقى اااااااااااااااااه
وتسيبى بيتك وتفلقى ااااااااااااااااااااااه

pink rose

25-07-2008, 03:21 PM

بحييكى على الموضوع الجميل ده
أنا شايفه ان الحل الثانى هو طبعا لازم يكون فى البداية ومش حنخسر حاجة دى محاولة
وإذا مكنش فى فايدة من الحوار ومحاولة إيجاد حل
ممكن بعد كده نفكر شوية نقدم تنازل لو كان فعلا كان فى تمسك بالشخص
ولو مفيش فايدة يبقى خلاص الحل الثالث هو الحل

poisonivy_otety

30-07-2008, 04:10 PM

أولا بعتذر جدا عن تأخرى فى الرد

ثانيا بجد عملتوا للموضوع قيمة وروح جميلة :glasses:
رورو: قمرايه آدم وحواء:0:
بينك روز: الملاك:2:
نابليون: اللى نوّر الموضوع بمجرد مروره فيه:0:
كابـــــــــــــو : يا مشردنى فى آدم وحوا والمنطقة كلها:jap:
غيثــــو الجميــــــــــل:glasses:

اسمحولى ارد على واحد واحد بقى
البنات الأول:0:

رورو: انا موافقة على كل كلمة قلتيها من غير أى تعليق, باستثناء بس انه عادة مش بيبقى فيه حاجة اسمها اقنعه بالعافية, في حاجة اسمها كلامه بيمشى غصب واقتدار ((أيوة بتكلم عن نفسى:jap:)) انما طبعا لا يجوز انى اعمل حاجة من وراه أو انى اغتت عليه كل شوية بنفس الطلب:0:

بينكى : اللى فهمته من كلامك, انك مع التفاهم ومحاولات الإقناع المستمر, انما اللى مش فهمته, انك قلتى فى حالة فشل المحاولات اننا نلجأ للحل 3:whistle: افهم من كدة انك موافقة على فكرة انه البنت تنفذ اللى عاوزاه اذا فشلت المفاوضات اذا كانت مقتنعة ان رأيها صح:detective2: ؟؟ اذا كان ردك أيوة, ف انا شايفة انه كدة كل البنات هايقولولك طب مانا مقتنعة طبعا ان وجهة نظرى صح:jap: اذا ردك لأ يا ريت تفهمينا رأيك أكنر:0:

كابو:41: بص , انا معاك فى انه اذا التفاهم منفعش انه حد يتنازل مرة, مفيهاش حاجة, بس فعلا فكرة التنازل دى نسبية, يعنى انت بتتنازل عن ايه؟؟؟ والإنسان اللى بتتنازل عشانه ده هايقدر التنازل ده ولا لأ وهكذا...ودى طبعا بتختلف من شخص للتانى, يعنى مانقدرش نعممها
بس فى جميع الأحوال, لازم يكون العقل والحكمة هما اللى بيحكموا الموقف مش العند, زى ما انت قلت:glasses:

غيثو بقى:glasses: انت حكايتك حكاية:jap: بس أظن ان مفيش كلام هايتقال بعد نقاشك انت وكابو:0:
انما عموما انا معاك انه الكذب كذب فى جميع الأحوال, مهما اختلفت الدوافع ليه, واللى بيختار الكذب بيبقى فاهم أكيد انه كذب
مــــش ((كذب مبـــاح)) مهما اختلق لنفسه أسباب:0:

نوّرتوا الموضوع:0:

MaX-love

30-07-2008, 06:45 PM

1)اسمع كلامه مهما حصل ويبقى الصدق مسألة مبدأ؟
انا احيى الرأى ده
2)أحاول معاه مهما اتخانق معايا أو اتخنق منى مادمت مقتنعة انى على حق؟
وده بردو انا معاه
3)اعمل اللى عاوزاه من وراه مادام شايفاه صح ومش عيب؟
لا طبعا مش صح خالص
4)أريح نفسى واسيبه خالص:smile:؟
ولا ده صح

انا قولت رائيى بصراحه
وبالتوفيق

poisonivy_otety

30-07-2008, 11:29 PM

ماكس لاف, مرورك شرفنى, وردك أسعدنى جدا والله:glasses:
ورأيك عين العقل على فكرة:wink:

HETLAR 2

31-07-2008, 03:18 AM

poisonivy_otety

31-07-2008, 05:06 AM

يسعدني ان اول رد ليا في الموضوع دة بعد مقاطعة للقسم دامت 3 شهور

انا شايف ان الكذب هو الكذب و هو ضعف مش اكتر و علي فكرة دة عبارة عن حل وقتي للمشكلة وليس حل كامل لئن اما بيتكشف بيكون لية عواقب كثيرة

قبل أى حاجة, انا يشرفنى انك ترجع القسم بمشاركة فى موضوعى:glasses:
بجد يا احمد نوّرت الموضوع

كلامك سليم. ووجهة نظرك صح 100% ومعليهوش اختلاف,و معنى كدة انك مع المحاولة لآخر لحظة طبعا, والتضحية بالطلب ده اذا مقدرناش نقنع الطرف التانى, تمام:0:

rwan99

31-07-2008, 01:32 PM

اشكرك على الموضوع الجميل دة مفيد جدا فعلا الموضوع دة بيختلف عند ناس كتير
بس انا من رايى ان الكذب كذب و مهما حصل لازم تقولى الحقيقة
لانك مادومتى قولتى الصدق خلاص اكيد ربنا هينجد يعنى دة لو كان فية مشكلة مثلا
لان الكذب بحرورة واسعة ومش هتوصلى لنهاية الا مع الصدق
شكرا تقبلى مرورى

poisonivy_otety

31-07-2008, 11:58 PM

روان : مرورك أسعدنى كثيرا , وأهلا بيكى نبض جديد بالدى فى دى:0:

معاكى حق طبعا . الكذب ك1ب, ورأيك متفق مع المشاركات السابقة

بس يــــــــــا جماعة, انا مش باخد رأى الناس فى مشكلة خاصة بيا انا, انما بطرح الموضوع للنقاش فقط لا غير, وذلك لأهميته:0:

ألف شكر لمرورك الكريم:0:

HETLAR 2

01-08-2008, 03:47 AM

قبل أى حاجة, انا يشرفنى انك ترجع القسم بمشاركة فى موضوعى:glasses:
بجد يا احمد نوّرت الموضوع

كلامك سليم. ووجهة نظرك صح 100% ومعليهوش اختلاف,و معنى كدة انك مع المحاولة لآخر لحظة طبعا, والتضحية بالطلب ده اذا مقدرناش نقنع الطرف التانى, تمام:0:

ربنا يخليكي يا ايمان و دة نورك انتي :glasses:

و يمام دة قصدي