₪Ξ_‗ـ▫♫‗=¨‾ خايــف مرة أحــب ‾¨=‗♫▫ـ‗_Ξ₪

[alaa2007]

http://img301.imageshack.us/img301/2686/8c392bca13ls6ev0xb4.gif



http://img128.imageshack.us/img128/9676/get62007uk1i1tj5nz8.jpg



أمبارح بالليل كنت بتفرج على فيلم ( يوم من عمري ) بتاع عبد الحليم وزبيدة ثروت .. ورجعني الفيلم لأيام الزمن الجميل زمن الحب .. لكن لفت انتباهي أغنية رائعة ( خايف مرة أحب )

وكانت بتقول

خايف مرة أحب .. و خايف ينسى الحب يوم يقابلني

خايف أجرب .. خايف أهرب خايف أأقرب يبعد عني

ناس من الحب شافوا قاسية .. و ناس إتهنوا

خايف يقسى الحب عليَ .. خايف منه

أندم لو حبيت و قاسيت

و أندم لو عمري ما حبيت

بس لو ألاقي اللي أحبه

و اللي قلبي يروح لقلبه

و اللي ترتاح روحي جنبه

يومها عمري ما أبقى خايف


ومعناها طبعاً هو موضوعنا النهاردة اللي هنتكلم عنه ..
فيه حد مننا له نفس يحب دلوقتي ؟! هتسألوا طبعا وتقولوا ليه؟ ( قرب يا بني انت وهي علشان تركزوا)
حتحب ازاي وانت مفيش في جيبك تمن كوزين درة مشوى ولا حتى كوباية حمص الشام ( بيقولوا عليه حلابسة )
طيب بلاش دي .. حتحب ازاي وانت خايف اساساً تروح تتمشى على الكورنيش علشان ممكن أي أمين شرطة يمسكك ويمسح بيك الرصيف والشارع ومش بعيد يرميك في النيل :boulay: طبعاً انت راجل ومش مهم يحصل معاك كدة المهم انه ميحصلش قدام حبيبتك :38:

تحب ازاي ومفيش امان يا معلم .. ولا فيه فلوس والغلا عمال يزيد :surprised:.. طيب وبعدين ..
ابداً .. الحل في ايدك أنت .. وأول حاجة تعملها أنك متفكرش في مسألة الحب من أساسه :bye1: مش كدة وبس
أنت كمان لازم لو لقيت حد بيحب قدامك حاول تلحقه وتفهمه انه كدة بيرمي نفسه في التهلكة :6:
وان كنت اظن انك مش هتلاقي ولو تحب تجرب اقول لك :whistle:
بص في وشوش الناس اللي في الشارع .. في المترو وفي الأوتوبيسات كمان .. شوف كام واحد حالق دقنه .. كام واحد مبتسم :eek: تقدر تقول لي بتقابل كام واحد بيضحك وانت ماشي في الشارع كل يوم :whistle:
طيب تعالى نجرب ابقى أتأمل في وشوش الناس كام يوم وابقى قابلني .. أحم قصدي ابقى قول لي لقيت ايه ؟
انا في الأنتظار :40:

[habibi4ever]

علاء باشا وحشتني موضوعاتك الجامده
يا عمنا
اللي عايز يحب يحب بس ميجيش يقول ياريت اللي جرا ما كان
انا بجد بقول لاي حد بيفكر انه يتنيل ....لا مؤاخذه قصدي يحب
اقوله اعقل ياباشا وخليك عايش كدا احسن
ممكن وانت مبتحبش تقعد اسبوع متضحكش
بس ممكن وانت بتحب تقعد عمرك كله متضحكش
نصيحه اخويه متضيعش نفسك
تقبلوا مروري
السلام عليكم

[poisonivy_otety]

لاااااا حول ولا قوة الا بالله:smile:
ليه يا جماعة شايفين الدنيا غامقة أوى كدة:glasses: مع ان فيه بنات كتييييييييييير لسة عبيطة- قصدى راضية بقليلها :winktongue: لأ بجد بقى فيه بنات كتير بتبقى مقدّرة ظروف الولاد خصوصا ان نسبة البنات فى مصر أكبر من الولاد ف اللى بتلاقى ولد ما بتصدّق طبعا:jap:
لا والله يا جماعة إذا الواحد لقى الحب بجد مش هيبقى أصلا عنده فرصة يفكر يبعد ولا لأ
مهما كانت الظروف........وعموما فى الأول و فى الآخر....:ange:ربنا يدّى كل ولد على قد نيّته:ange:

[koky25]

لو اللي انت بتقوله دا صح
ان الناس متحبش وتبطل حب
مكنتش لاقيت حد في الشارع اساسا سواء حالق دقنه او لا
لازم تعرف ان الحب اساس كل حاجة في الدنيا
حتي لو مكنش باين
بص انت حواليك تاني وشوف واسأل نفسك
- ليه بتلاقي الطلبه كبار او صغيرين ورغم كرههم للعلم والتعليم بتلاقيهم بياكلوا كتبهم اكل قبل الامتحانات
- ليه بنروح على الشغل لو مكناش بنحبه وعايزين ننجح فيه ؟؟
- ليه الاب او الزوج او الاخ او العم او الخال او الشاب بينزل من النجمة وبيجري ورا لقمة عيشه عشان اهل بيته لو مكنش بيحبهم ؟؟
- ليه رغم الغلا والهم كل ماحد فينا بيغمض عنيه بيحلم ببيت وسكن وونس؟؟
- ليه اول ما بنسمع عبد الحليم وفريد وام كلثوم وفيروز قلوبنا تدق وخيالنا ياخدنا بعيد ؟؟

(الحب في الارض بعضا من تخيلنا لو لم نجده عليها لاخترعناه)

مفيش حب = مفيش امل = مفيش حلم = مفيش حياه

[alaa2007]

علاء باشا وحشتني موضوعاتك الجامده
يا عمنا
اللي عايز يحب يحب بس ميجيش يقول ياريت اللي جرا ما كان
انا بجد بقول لاي حد بيفكر انه يتنيل ....لا مؤاخذه قصدي يحب
اقوله اعقل ياباشا وخليك عايش كدا احسن
ممكن وانت مبتحبش تقعد اسبوع متضحكش
بس ممكن وانت بتحب تقعد عمرك كله متضحكش
نصيحه اخويه متضيعش نفسك
تقبلوا مروري
السلام عليكم

الله يخليك .. ده بس من زوقك
ههههههه حلو يا غالي رأيك من رأيي ورأيي تسعين في المية من الشعب .. بلا حب بلا بتنجان
لك مني كل احترام وتقدير

[alaa2007]

لاااااا حول ولا قوة الا بالله:smile:
ليه يا جماعة شايفين الدنيا غامقة أوى كدة:glasses: مع ان فيه بنات كتييييييييييير لسة عبيطة- قصدى راضية بقليلها :winktongue: لأ بجد بقى فيه بنات كتير بتبقى مقدّرة ظروف الولاد خصوصا ان نسبة البنات فى مصر أكبر من الولاد ف اللى بتلاقى ولد ما بتصدّق طبعا:jap:
لا والله يا جماعة إذا الواحد لقى الحب بجد مش هيبقى أصلا عنده فرصة يفكر يبعد ولا لأ
مهما كانت الظروف........وعموما فى الأول و فى الآخر....:ange:ربنا يدّى كل ولد على قد نيّته:ange:

ما هو أخرة الحب ايه ؟ جواز صح .. طيب لو مفيش الواحد هيتجوز ازاي ؟ وهيجيب شقة منين ؟ وعفش ومهر .. يبقى ياخدها من الأول وميقعش في الحب .. علشان مش هيعرف يكمل معاها .
لك مني كل تقدير واحترام

[rorobsa]

لو اللي انت بتقوله دا صح
ان الناس متحبش وتبطل حب
مكنتش لاقيت حد في الشارع اساسا سواء حالق دقنه او لا
لازم تعرف ان الحب اساس كل حاجة في الدنيا
حتي لو مكنش باين
بص انت حواليك تاني وشوف واسأل نفسك
- ليه بتلاقي الطلبه كبار او صغيرين ورغم كرههم للعلم والتعليم بتلاقيهم بياكلوا كتبهم اكل قبل الامتحانات
- ليه بنروح على الشغل لو مكناش بنحبه وعايزين ننجح فيه ؟؟
- ليه الاب او الزوج او الاخ او العم او الخال او الشاب بينزل من النجمة وبيجري ورا لقمة عيشه عشان اهل بيته لو مكنش بيحبهم ؟؟
- ليه رغم الغلا والهم كل ماحد فينا بيغمض عنيه بيحلم ببيت وسكن وونس؟؟
- ليه اول ما بنسمع عبد الحليم وفريد وام كلثوم وفيروز قلوبنا تدق وخيالنا ياخدنا بعيد ؟؟

(الحب في الارض بعضا من تخيلنا لو لم نجده عليها لاخترعناه)

مفيش حب = مفيش امل = مفيش حلم = مفيش حياه




انت كنت خلاص عقدتنى من كل حاجه وكنت بدات افكر طب لو حتى الحب مبقاش موجود طب احنا عايشين ليه لكن بعد ما قريت التعليق ده فعلا اكتشفت ان الحب لسه موجود وهيفضل مش مشكله تتجوز مش مشكله تشتغل مش مشكله تعيش بس المهم انك تحب وشكرا تانى مره للى كاتب التعليق ده وشكرا برده لكاتب الموضوع

NICE TOPIC

[dead man walken]

لو الناس سمعت كلامك او فكرت كده خلال 20 سنة هانكون 50مليون و الدنبا رخصت و كل حاجة بقت حلوة
لا يا باشا الدنيا مش كده طيب انت لية مافكرتش ان اللي هاتحبها دي هاتساعدك انك تبني البيت السعيد بتاعكوا و تعيشوا عيشة جميلة مع بعض يوم في اكل و يوم مفيش صدقني يا معلم المشاكل هي اللي بتخلي الحب يكبر و الدنيا تكون حلوة
و بعدانمفيش حد بيبدأ كبير ولا مستريح ماديا و مفيش حد بيفغضل تعبان ماديا علي طوللل

[DR MO7@MED]

موضوع بجد هايل يا استاذ علاء
بس بالرغم من الظروف اللي اتذكرت دي كلها الا ان الحب موجود
وهيفضل موجود باذن الله
بالرغم من وجود بنات كتير اوي عاوزين الاخ الجاهز المخلص
الا ان في برضو بنات ممكن يستحملوا ويساعدوا
بس مش كتير الصراحه
انا حاسس ان باه في خوف الناس تحب
خوف من قلة الامكانيات والفلوس
بس بالرغم من دا كلو الحب مش هينتهي
عشان الحياه تستمر
موضوع اكتر من رائع استاذ علاء

[MON@LIZA2008]

موضوع جميل اوى اوى يا علاء شكرا ليك

و فعلا معاك حق مبئاش فيه حب بس مش علشان الفلوس لا ابدا

عارف لو البنت حبت بجد مش هتبص للفلوس ابدا حتى لو هتعيشها فعشة بس المهم انها تبقى مع الى بتحبه

بس للاسف انك تلائى الى تحبه و يستاهل حبك و ميكنش بيلعب بس او بيتسلى و يكون بيحبك بجد ده الى صعب جداااااا فالزمن ده بس اكيد موجودين بس بئوا قليلين اوووووى

و من الاخر الحب =عذاب

كده كده مهما حصل لازم تتعذب طب ليه تزهق نفسك و تحب من الاول

خليك فرىىىى احسن بكتييييير

شكرا يا علاء للموضوع

[poisonivy_otety]

موضوع جميل اوى اوى يا علاء شكرا ليك

و فعلا معاك حق مبئاش فيه حب بس مش علشان الفلوس لا ابدا

عارف لو البنت حبت بجد مش هتبص للفلوس ابدا حتى لو هتعيشها فعشة بس المهم انها تبقى مع الى بتحبه

بس للاسف انك تلائى الى تحبه و يستاهل حبك و ميكنش بيلعب بس او بيتسلى و يكون بيحبك بجد ده الى صعب جداااااا فالزمن ده بس اكيد موجودين بس بئوا قليلين اوووووى

و من الاخر الحب =عذاب

كده كده مهما حصل لازم تتعذب طب ليه تزهق نفسك و تحب من الاول

خليك فرىىىى احسن بكتييييير

شكرا يا علاء للموضوع

ليه كدة يا كوكو بس, والله يا موناليزا الدنيا احسن من كدة:kiss:
يا جماعة والله بس شوية صبر وشوية حب بجد ان شاء الله الدنيا هاتبقى أحسن كتير
وفعلا ماحدش بيتولد غنى ولا حد بيفضل مزنوق العمر كله.......بس اذا الناس تصبر وتشكر ربنا ان شاء الله هيرزقهم
و فعلا فيه ولاد وبنات كتير بيبقوا مخلصين, بس المهم اننا نختار الإنسان الصح فى الوقت الصح كمان
عشان الحياه تحلى كدة ويبقى لونها بمبى على رأى الست سعاد:glasses:

[mmffee]

ازيك يا علاء
في البداية احب اهنييك على الروقان اللي انت فيه ده
ثانيا معنى العنوان ده ينطبق عليا بس انا خايف اظلم اللي بيحبني
ثالثا الموضوع ده قدر يعني مكتوب علينا نجوز و نحب و كده
يعني في شبه اتفاق على موضوع الجواز ده بين البنات و الشباب ( بس اخلعني من الاتفاقات دي)

يلا سلام علشان قلبتها غم

[alaa2007]

انت كنت خلاص عقدتنى من كل حاجه وكنت بدات افكر طب لو حتى الحب مبقاش موجود طب احنا عايشين ليه لكن بعد ما قريت التعليق ده فعلا اكتشفت ان الحب لسه موجود وهيفضل مش مشكله تتجوز مش مشكله تشتغل مش مشكله تعيش بس المهم انك تحب وشكرا تانى مره للى كاتب التعليق ده وشكرا برده لكاتب الموضوع

NICE TOPIC

طيب ما هو كدة عذاب .. اروح احب وبعد كدة اسيب حبيبتي علشان مفيش مقدرة اتجوزها .. دي هي حتى مش هتسترجلني .. وكمان اتعذب من نار الفراق المحتوم .. على العموم جرب .. وقول لي .
لك مني كل تقدير واحترام

[elpop211]

علاء باشا جربت تنزل المترو او الاتوبيس او اي مكان عام يعني ... وتلاقي بنت حبوبه لذيذه وشكلها كويس او بنت ناس وتبص في عنيها تحس انها عايزه تحب زيهها زيك وزي اي بني آدم ساعتها بجد هتصعب عليا وتصعب عليا نفسي قبلها عشان معنديش الجرأه اني اروح اطلب منها عينيها اللي هتوديني بيتها عشان اطلب اديها .... محدش ينكر انو فعلا بيحس باللي انا بقولو دا ... بس المشكله انهم بيدبسو الواحد بدري بدري ومعنهمش صبر لا هما ولا الاهالي ... عشان شايفين الغلا والحياه الصعبه اللي عايشنها وبالتالي هما شايفين البنت بتحبو ومتمسكه بيه يبقى نضغط عليه عشان يضمنو انها هتعيش عيشه كويسه .... ومحدش بيحس بالغلبان اللي بياخد مرتبو ويجري يدفع تلات ارباعو قسط شقه وللا حاجه ....
مش عارف اقول ايه بس والحمدلله على كل حال عايش من غير ارتباط ولا وجع دماغ رحت فين وهتنزل امتى ولما ترجع رنلي او حتى لو خاطب او متجوز عايزين نجيب هديه لفلانه وفلانه دي عمرها ما زارتني مثلا .... دا غير بقى موضوع الاطفال اللي كلهم طالعين بيه موضه من اول سنه جواز عايزين بيبي يملا حياتها زي مايكون متجوزة عشان تجيب البيبي طيب وانا ..... !!!! بــجـــد كــدا احـــســـن بــكـــتــيـــــرررررررررررر

[alaa2007]

لو اللي انت بتقوله دا صح
ان الناس متحبش وتبطل حب
مكنتش لاقيت حد في الشارع اساسا سواء حالق دقنه او لا
لازم تعرف ان الحب اساس كل حاجة في الدنيا
حتي لو مكنش باين
بص انت حواليك تاني وشوف واسأل نفسك
- ليه بتلاقي الطلبه كبار او صغيرين ورغم كرههم للعلم والتعليم بتلاقيهم بياكلوا كتبهم اكل قبل الامتحانات
- ليه بنروح على الشغل لو مكناش بنحبه وعايزين ننجح فيه ؟؟
- ليه الاب او الزوج او الاخ او العم او الخال او الشاب بينزل من النجمة وبيجري ورا لقمة عيشه عشان اهل بيته لو مكنش بيحبهم ؟؟
- ليه رغم الغلا والهم كل ماحد فينا بيغمض عنيه بيحلم ببيت وسكن وونس؟؟
- ليه اول ما بنسمع عبد الحليم وفريد وام كلثوم وفيروز قلوبنا تدق وخيالنا ياخدنا بعيد ؟؟

(الحب في الارض بعضا من تخيلنا لو لم نجده عليها لاخترعناه)

مفيش حب = مفيش امل = مفيش حلم = مفيش حياه


انا قصدي حب الراجل للبنت وبعد كدة الجواز .. بمعنى راجل مثلا معندوش شقة ولا محوش جنيه واحد وكمان مش بيشتغل .. ينفع بقى يروح يحب ويتمشى ويقول كلام غرام .. طيب بذمتك هيجي له نفس منين يقول كلمة واحدة حب ؟؟
لك مني كل تقدير واحترام

[alaa2007]

لو الناس سمعت كلامك او فكرت كده خلال 20 سنة هانكون 50مليون و الدنبا رخصت و كل حاجة بقت حلوة
لا يا باشا الدنيا مش كده طيب انت لية مافكرتش ان اللي هاتحبها دي هاتساعدك انك تبني البيت السعيد بتاعكوا و تعيشوا عيشة جميلة مع بعض يوم في اكل و يوم مفيش صدقني يا معلم المشاكل هي اللي بتخلي الحب يكبر و الدنيا تكون حلوة
و بعدانمفيش حد بيبدأ كبير ولا مستريح ماديا و مفيش حد بيفغضل تعبان ماديا علي طوللل
لا طبعا أنا مش معاك في دي .. تلات ارباع شعب مصر بيفضل تعبان مادياً على طول .. يعني انا مثلاً بقى عندي 33 سنة ومش معايا ربع جنيه حتى ههههههه ولا شقة ولا اي حاجة ، حتى الشغل مش مضمون يستمر ومرتبه مش بيكفي المواصلات ..
لك مني كل احترام وتقدير
موضوع بجد هايل يا استاذ علاء
بس بالرغم من الظروف اللي اتذكرت دي كلها الا ان الحب موجود
وهيفضل موجود باذن الله
بالرغم من وجود بنات كتير اوي عاوزين الاخ الجاهز المخلص
الا ان في برضو بنات ممكن يستحملوا ويساعدوا
بس مش كتير الصراحه
انا حاسس ان باه في خوف الناس تحب
خوف من قلة الامكانيات والفلوس
بس بالرغم من دا كلو الحب مش هينتهي
عشان الحياه تستمر
موضوع اكتر من رائع استاذ علاء

بس هي نظرية غريبة ان اللي معاه فلوس بيبقى بيفكر بشكل عملي من غير مشاعر ، يبقى برضه اللي مش معاه لازم يفكر بشكل عملي ومن غير مشاعر برضه .. لو حب على فكرة وظروفه تعبانه عمره ما هيقدر يعمل حاجة علشان هيضيع فلوسه على المواصلات والسينما والخروج .. صح .. ده غير الضغط النفسي والعصبي .
منور يا باشمهندس محمد الموضوع ، وبشكرك جدا على مرورك الجميل
لك مني كل تقدير واحترام

[alaa2007]

موضوع جميل اوى اوى يا علاء شكرا ليك

و فعلا معاك حق مبئاش فيه حب بس مش علشان الفلوس لا ابدا

عارف لو البنت حبت بجد مش هتبص للفلوس ابدا حتى لو هتعيشها فعشة بس المهم انها تبقى مع الى بتحبه

بس للاسف انك تلائى الى تحبه و يستاهل حبك و ميكنش بيلعب بس او بيتسلى و يكون بيحبك بجد ده الى صعب جداااااا فالزمن ده بس اكيد موجودين بس بئوا قليلين اوووووى

و من الاخر الحب =عذاب

كده كده مهما حصل لازم تتعذب طب ليه تزهق نفسك و تحب من الاول

خليك فرىىىى احسن بكتييييير

شكرا يا علاء للموضوع

,والله برافو عليكي يا موناليزا .. تصدقي كل بنت حبيتها لازم اتعذب في الاخر وهما كمان كانوا متعذبين قبل كدة ههههههه الظاهر كله بيعذب في كله ومش فاهم ايه السبب .. مفيش حب حقيقي غير في الافلام وفي قصصي هههههه
لكِ مني كل تقدير واحترام

[alaa2007]

ازيك يا علاء
في البداية احب اهنييك على الروقان اللي انت فيه ده
ثانيا معنى العنوان ده ينطبق عليا بس انا خايف اظلم اللي بيحبني
ثالثا الموضوع ده قدر يعني مكتوب علينا نجوز و نحب و كده
يعني في شبه اتفاق على موضوع الجواز ده بين البنات و الشباب ( بس اخلعني من الاتفاقات دي)

يلا سلام علشان قلبتها غم

معلش اتأخرت في الرد عليك يا محمد .. بس والله كنت مشغول شوية
المهم رأيك صح وانا موافقك عليه .. بس بصراحة مش شايف مسألة الاتفاق دي .. هو صحيح كله عاوز يتجوز بس انا بتكلم عن الحب .. الزمن خلاص مينفعش فيه حب
لك مني كل تقدير واحترام

[Forever Love ™]

الحقونى يا جماعة أنا خلاص بموت من الضحك..ههههههههههههههههههههههههههههههههههههههه
علاء باشا مواضيعك منوره الدى فى دى كالعادة..وأنا عن نفسى مش بشوف فى الشارع أو الأتوبيس
غير الخناقات اللى عمال على بطال..خد عندك دى:
كل ما تركب اتوبيس مينى باص خليك واثق 100% ان هتحصل مشكلة بسبب الأجرة..الراكب هيركب
وبعدين هيجى يدى التباع جنيه..
- التباع: لا يا افندى..الأجرة جنيه وربح (قصده وربع يعنى!!!!)
الراكب: جنيه وبع ليييييييييييييييه؟؟ انتوا:15: هتنهبوا..هو جنيه مفيش غيره!!
- التباع: اهو احنا كده منتشطرش غير على بعض..ما تروح تتخانق مع الحكومة اللى رفعت الجاز ( قصده يعنى السولار)
- الراكب: هو الجنيه اللى هتخده مفيش غيره.
- التباع: طب خلاص انزلى بقى كده يا فندى.
- الراكب: مش نازل واطلع بينا بقى على أول قسم شرطة!
- التباع: يا عم قسم ايه على الصبح..دى كانت فرده (قصده يعنى دور) منيله بنيله..تعالى لى هنا بقى!!
وبعد كده بقى عينك متشوف الا النور :13::13::45:
وتنتهى المجزرة بكسر مضاعف فى عظام يد الراكب..وارتجاج جمجمة التباع..وتوقف الأتوبيس لاجل غير مسمى!!!

معلش طولت عليكوا ..ألف شكر يا علاء..تقبل تحياتى.

[سيلامورا]

موضوع واقعي جدا

[big_big882000]

أحلي إحساس لما تملي الكاس
سوري مش هوا ده الرد بس مرتبط بية برده
علاء ردي عليك هو كلمتين إتنين
حب إية اللي إنت جاى تقول علية إنت عارف قبله معنى الحب إية
هش هش يا ديك الفرخة دي مش ليك هههههههههههههههههههههه
يا علاء ما أنا بمشي في الشارع بضحك عادي مافيش مشكلة إنت معقدها لية وأنا ولا بحب ولا حابب إنى أحب

[tawfik2006]

و الله موضوع شبه واقعي ..............

لو مفيش حب مش هيبقى للحياه معنى .....


شكراااااااااااااااا جدا يا علاء

[السيد حلمى]

السلام عليكم
والله العظيم انت عندك احساس جميل
واحسن حاجه عجبتنى فى الموضوع ال انت حفظت كلامات الاغنيه وكلامك انت.......
احساس جميل جدا
اانا عضو جديد لفت نظرى الموضوع بتاعك ,,,,
ورديت على الموضوع , وربنا يوفقك ,,,,,,,

[alaa2007]

علاء باشا جربت تنزل المترو او الاتوبيس او اي مكان عام يعني ... وتلاقي بنت حبوبه لذيذه وشكلها كويس او بنت ناس وتبص في عنيها تحس انها عايزه تحب زيهها زيك وزي اي بني آدم ساعتها بجد هتصعب عليا وتصعب عليا نفسي قبلها عشان معنديش الجرأه اني اروح اطلب منها عينيها اللي هتوديني بيتها عشان اطلب اديها .... محدش ينكر انو فعلا بيحس باللي انا بقولو دا ... بس المشكله انهم بيدبسو الواحد بدري بدري ومعنهمش صبر لا هما ولا الاهالي ... عشان شايفين الغلا والحياه الصعبه اللي عايشنها وبالتالي هما شايفين البنت بتحبو ومتمسكه بيه يبقى نضغط عليه عشان يضمنو انها هتعيش عيشه كويسه .... ومحدش بيحس بالغلبان اللي بياخد مرتبو ويجري يدفع تلات ارباعو قسط شقه وللا حاجه ....
مش عارف اقول ايه بس والحمدلله على كل حال عايش من غير ارتباط ولا وجع دماغ رحت فين وهتنزل امتى ولما ترجع رنلي او حتى لو خاطب او متجوز عايزين نجيب هديه لفلانه وفلانه دي عمرها ما زارتني مثلا .... دا غير بقى موضوع الاطفال اللي كلهم طالعين بيه موضه من اول سنه جواز عايزين بيبي يملا حياتها زي مايكون متجوزة عشان تجيب البيبي طيب وانا ..... !!!! بــجـــد كــدا احـــســـن بــكـــتــيـــــرررررررررررر

جميل أوي ردك ده وأنا بضيف أن تكاليف الزواج بقت مستحيلة الأيام دي

من رابع المستحيلا

ايه ده شكلي هكتب موضوع بالأسم ده ههههههههههههههههههههههه قريباً

[الشبح المنتقم]

جميل أوي ردك ده وأنا بضيف أن تكاليف الزواج بقت مستحيلة الأيام دي

من رابع المستحيلا

ايه ده شكلي هكتب موضوع بالأسم ده ههههههههههههههههههههههه قريباً

يسعدني اني احييك والله علي الموضوع الجميل دة

واقعي جدااااااااااااااااااا

انا معاك في كل كلمة كتبتها وفعلا محدش بيحس بالغلبان

كل بنت ..، او اهل البنت عايزين يجوزو بنتهم لواحد موظف عندة دخل ثابت
واللي شغليين في الاعمال الحرة او اللي شغال بشغل مؤقت دة لا يساوي نكلة عند اهل البنت

يا خسارة سنين التعليم

[LOVELY.HEART]

السلام عليكم

http://www.falntyna.com/img/data/media/10/4_1152194721.gif


http://www.yesmeenah.com/smiles/smiles/38/1%20(713).gif

موضوع جميل و واقعى يا أخ علاء حقيقى

و حقيقى طبعا لو بصيت للناس و هما ماشيين تلاقيهم قرفانين و ناقص يتخانقوا مع الكل و هما فعلا في منهم بيتخانقوا غير التكشيرة العريضة :jap:حاجة غريبة الحقيقة

و فى ناس لسة بيحبوا و فى ناس قافلين قلبهم و راميين مفتاحه :jap:

لكن لو بصيت لأبعاد الحب أصلا

هل تمشية على الكورنيش و الكلام داه ف لا و ألف لا " عارفة انة الفيلم " مش كلامك

اللى بيحب بجد بيحافظ عليها مش هياخدها على الكورنيش يقزقزوا لب و ياكلوا حمص الشام او الحلابسة او حتة يكلوا كوزين ذرة

اللى اعرفوا شارى و حابب ادخل من الباب

ظروف مادية مهما كانت

و انت محترم و سمعتك كويسة و متدين و عارف ربنا

الاهل هيرفضوا لية ؟؟؟؟ ادام هتصون البنت و هتعاملها معاملة الاسلام و هتعيشها راضية و سعيدة بقليلة

مش احسن ما تاخد واحد غنى و فى الاخر الصبح علقة و بليل علقة و شوفت دا للاسف فى واحدة صحبتى :sadwalk:

http://www.yesmeenah.com/smiles/smiles/38/1%20(713).gif


و غير كدا و كدا الشباب بفرعية بيتسلوا اليومين دول يخرج من دى يروح لدى و مش كلهم طبعا و زيهم زى معظم البنات

خلينا واقعيين شوية

اصلا مبقاش فية ناس لسة لدلوقتى بتقول عايزين كزا و كزا و لو بصيت لية لانى عدد البنات كبر جدااااااا

و فى ناس اصلا ما بتصدق حد اتقدم لبنتهم و بيرضوا بقليلهم

و بعدين خدوهم فقرا يغنيكم الله

مع انى مش هكدب عليك فى اهالى صعبة بردوا و بيتحموا جامد فى المهر و الشبكة و الجهاز و الحاجات دى :detective2:


http://www.yesmeenah.com/smiles/smiles/38/1%20(713).gif


و غير كدا و كدا يا علاء

مفيش حب و تضيحية اليومين دول كلوا مصلحة و كلام فارغ و تسلية

الافضل انتظار النصيب و قفل باب القلب نهائيا حتى لا يجرح ,

و الحب أفضل فى الخطوبة ثم الزواج ان شاء الله

لية الحب و وجع القلب و السهر ليلاتى و الدموع و الاهات على اية ما كدا كدا النصيب هيجى لحد عندنا و فى وقتة :0:


اللى بيحب بجد و من قلبة بيعمل حاجات كتير علشان اللى بيحبها و يحاول يحسن ظروفة كتير علشان يوصل للانسانة دى

مش لازم دايما نحط الظروف المادية و الحاجات دى كشماعة نعلق عليها فشلنا فى النجاح فى حياتنا العملية

آة الشغل قليل يمكن طب اللى اشتغلوا دول اشتغلوا ازاى ما الكل يدور زيهم و ياخد كورسات و يعمل دبلومات لحد ما يبقا كفاءة و يلاقى بردوا شغل اللى عايز بيعمل



http://www.yesmeenah.com/smiles/smiles/38/1%20(713).gif


و أخيرا يا علاء موضوعك جميل و واقعى و دا تفكير كل شباب اليومين و انا مش متفقة معاهم خالص انى يكشروا و يقولوا ظروفنا و يعلقوا كل حاجة على شماعة الظروف

و ربنا يوفقك يارب و تلاقى الانسانة اللى تسعدك و تقدرك و تغير فكرتك ان شاء الله

خلى أملك فى ربنا كبير و الطيور على أشكالها تقع

ادام أنت شخص طيب و مسيرك تقابل انسانة طيبة زيك

أختك فى الله

[alaa2007]

السلام عليكم

http://www.falntyna.com/img/data/media/10/4_1152194721.gif


http://www.yesmeenah.com/smiles/smiles/38/1%20(713).gif

موضوع جميل و واقعى يا أخ علاء حقيقى

و حقيقى طبعا لو بصيت للناس و هما ماشيين تلاقيهم قرفانين و ناقص يتخانقوا مع الكل و هما فعلا في منهم بيتخانقوا غير التكشيرة العريضة :jap:حاجة غريبة الحقيقة

و فى ناس لسة بيحبوا و فى ناس قافلين قلبهم و راميين مفتاحه :jap:

لكن لو بصيت لأبعاد الحب أصلا

هل تمشية على الكورنيش و الكلام داه ف لا و ألف لا " عارفة انة الفيلم " مش كلامك

اللى بيحب بجد بيحافظ عليها مش هياخدها على الكورنيش يقزقزوا لب و ياكلوا حمص الشام او الحلابسة او حتة يكلوا كوزين ذرة

اللى اعرفوا شارى و حابب ادخل من الباب

ظروف مادية مهما كانت

و انت محترم و سمعتك كويسة و متدين و عارف ربنا

الاهل هيرفضوا لية ؟؟؟؟ ادام هتصون البنت و هتعاملها معاملة الاسلام و هتعيشها راضية و سعيدة بقليلة

مش احسن ما تاخد واحد غنى و فى الاخر الصبح علقة و بليل علقة و شوفت دا للاسف فى واحدة صحبتى :sadwalk:

http://www.yesmeenah.com/smiles/smiles/38/1%20(713).gif


و غير كدا و كدا الشباب بفرعية بيتسلوا اليومين دول يخرج من دى يروح لدى و مش كلهم طبعا و زيهم زى معظم البنات

خلينا واقعيين شوية

اصلا مبقاش فية ناس لسة لدلوقتى بتقول عايزين كزا و كزا و لو بصيت لية لانى عدد البنات كبر جدااااااا

و فى ناس اصلا ما بتصدق حد اتقدم لبنتهم و بيرضوا بقليلهم

و بعدين خدوهم فقرا يغنيكم الله

مع انى مش هكدب عليك فى اهالى صعبة بردوا و بيتحموا جامد فى المهر و الشبكة و الجهاز و الحاجات دى :detective2:


http://www.yesmeenah.com/smiles/smiles/38/1%20(713).gif


و غير كدا و كدا يا علاء

مفيش حب و تضيحية اليومين دول كلوا مصلحة و كلام فارغ و تسلية

الافضل انتظار النصيب و قفل باب القلب نهائيا حتى لا يجرح ,

و الحب أفضل فى الخطوبة ثم الزواج ان شاء الله

لية الحب و وجع القلب و السهر ليلاتى و الدموع و الاهات على اية ما كدا كدا النصيب هيجى لحد عندنا و فى وقتة :0:


اللى بيحب بجد و من قلبة بيعمل حاجات كتير علشان اللى بيحبها و يحاول يحسن ظروفة كتير علشان يوصل للانسانة دى

مش لازم دايما نحط الظروف المادية و الحاجات دى كشماعة نعلق عليها فشلنا فى النجاح فى حياتنا العملية

آة الشغل قليل يمكن طب اللى اشتغلوا دول اشتغلوا ازاى ما الكل يدور زيهم و ياخد كورسات و يعمل دبلومات لحد ما يبقا كفاءة و يلاقى بردوا شغل اللى عايز بيعمل



http://www.yesmeenah.com/smiles/smiles/38/1%20(713).gif


و أخيرا يا علاء موضوعك جميل و واقعى و دا تفكير كل شباب اليومين و انا مش متفقة معاهم خالص انى يكشروا و يقولوا ظروفنا و يعلقوا كل حاجة على شماعة الظروف

و ربنا يوفقك يارب و تلاقى الانسانة اللى تسعدك و تقدرك و تغير فكرتك ان شاء الله

خلى أملك فى ربنا كبير و الطيور على أشكالها تقع

ادام أنت شخص طيب و مسيرك تقابل انسانة طيبة زيك

أختك فى الله

هو الكلام ده ممكن ينفع مع الأجيال الجديدة الشباب الصغير علشان ممكن يكون بيملك الوقت لتحقيقه..

لكن اللي كبر من غير ما يحقق شيء خلاص مش ينفع لا يخطب اي واحدة ولا حتى ينفع يكون نفسه ..

بشكركِ طبعاً على ردكِ التفصيلي الصائب

لكِ مني كل تقدير واحترام