لماذا قرار فراق المرءه يكون بالانسحاب

[yoppa]

لماذا عندما تقرر المرءه فراق حبيبها تنسحب من حياته دون مبررات ودون اى شىء يدل على ذلك وذلك يجعل الرجل فى قمه الالم هل لانه رجل شرقى عندما يجرح لايترك نفسه بالجرح ويداويه بل يجرح من جرحه ايضا ولضعف الانثى تخشى هذه المواجهه
لاكن هل هذا جيد؟عندما نحب نتكلم كثيرا وعندما نفترق لايهم حتى السؤال ولا الاطمئنان على ما احببنا

الموضوع للنقاش

[romanza]

الانسحاب أو قرار الفراق ده بيكون له أسباب كتيييييييير جدا

وعليه يعتمد سبب الانسحاب

خليني أديلك مثال

لو قلنا ان سبب قرارها ده جرح منه وانها انسحبت في صمت

ده ممكن يكون معناه انها اتحملت كتيييييير

لحد ما جه وقت مابقتش تقدر تتحمل أكتر من كده

ولا تقدر تتكلم من كتر الألم والجرح

عشان كده ممكن تنسحب في صمت

ومش شرط يكون ده السبب في الحالة دي

ممكن يكون زي مانت قلت

الموضوع مش مجرد سؤال وعايز جواب واحد

في حاجات كتييييير أوي يتوقف عليها الجواب ده

شخصية البنت.. سبب قرارها ده.. وشخصية اللي قررت تسيبه

عوامل كتير ممكن تغير في الإجابة على سؤالك

سبب تاني ممكن نقوله

ممكن يكون قرار الفراق اللي هي خدته هو قرار العقل بالنسبة لها

وتكون حاسة انها لو اتكلم ممكن ترجع في قرارها
وان ده مش في صالحها من وجهة نظر العقل مش القلب

عشان كده ممكن تقرر تنسحب في صمت

عشان ماتديش فرصة لقلبها يرجعها في كلامها

يعني

زي ماقلتلك العوامل كتير ودي أمثلة ليها

وبشكرك جدا على الموضوع الجميل ده

[yoppa]

شكرا ليك وكلامك وافى ومنطقى بس يتهيئلى لسه فى اكتر منتظر ردود الشباب والبنات