استفسار ؟؟؟ هل اشترى ده و لا ده !؟ :(

[SMALL ANGLE]

السلام عليكم و رحمه الله و بركاته

اولا انا من بورسعيد و نزلت امبارح بعد فتره غايب كبيره عن المويبلات

قلت اتفرج على الجديد

و هووبا اول حاجه لفتت نظرى ال N95 8G

و كان السعر امبارح بس 3700 جنيه بورسعيدى فقط لا غير

و بعديين قلت لنفسى لا لا ده صينى

و ميشت شويه و لقيت واحد بيقولى قرب قرب قرب

لا تقولى نوكيا و لا بلوتوث مفيش غير i phone :cool:

الصراحه انا احترت و غير كدا بما انى خبرتى فى الموبيلات على قدى فا مش عارف اختار ايه و فى انتظار رايكم يا رجاله؟:cry:



http://nds3.nokia.com/pressphotos/public/global/events/goplay_launches/nokia_n95_8gb_02_low.jpg

http://www.mobilebrowser.de/bilder/apple%20iphone.jpg




و لا اشترى ده فى الاخر

http://forum.*********/uploaded4/83455_01208346040.jpg

[mm_kotb]

لو الGPS وال 3G مش هيفرقوا معاك يبقى اشتري الiPHONE وانت مغمض

[SMALL ANGLE]

لو الGPS وال 3G مش هيفرقوا معاك يبقى اشتري الiPHONE وانت مغمض

اولا شكرا على ردك

بس انا كنت عايز اسال يعنى الكاميرا فى iphone = 5 بيكسل زى النوكيا و لا اقل

و برد بالنسبه للصوت مين الاعلى و الانقى ؟؟؟

[Mr.Albert]

شوف يا باشا أنا مانصحكش ب Iphone لأنه أقل كتير في إمكانياته عن ال N95 فمن حيث الكاميرا فهي في ال Iphone فقط 2 ميجا بيكسل بينما في ال N95 فهي 5 ميجا بيكسل و عموما دي صفحة فيها مقارنة بين الإثنين ال Iphone و ال N95 8GB :
http://www.gsmarena.com/compare.php3?idPhone2=2088&idPhone1=1827 و هتلاحظ أن ال N95 8GB متفوق على ال Iphone في كل حاجة 0
لو عايز تجيب موبايل من نوكيا أنا بأفضل نوكيا N82 و دي الصفحة بتاعته من موقع GSMArena :
http://www.gsmarena.com/nokia_n82-2177.php
و ليك طبعا حرية الإختيار في الأخر

[mm_kotb]

للاسف بعد التحري اتضح ان صوت الi phone واطي جدا لدرجه انه مش مسموع

[cabrel]

i phone اقل فى الكاميرا والصوت ودول اكتر حاجات بتهتم الناس بيها

[دريم بارك]

انا بصراحة اول مررة اعرف ان ال Iphone موجود فى مصر ... دة لسة مدخلش هنا كندا لحد دلوقت ( بس هيدخل قريب ان شاء الله ) .... يا اما بقة العدة متهرربة ومعمولها unlock
المهم بالنسبة للفرق بين العديتين ..
نبتدى بالشكل ... طبعا فى صالح ال Iphone ... فشكله احسن بمراحل عن ال n95
الكاميرا زى ما قال لك Mr.Albert .. ال n95 كاميرته 5 ميجا بيكسل ب Auto focusوفلاش وكمان بتصور فيديو
انما ال Iphone كاميرته 2 ميجا بيكسل من غير Auto focus ولا فلاش ولا بتصور فيديو
بالنسبة للشاشة ف ال n95 شاشتة 2.8 و16 مليون لون بس مش touch
ال Iphone شاشتة 3.5 انش و 16 مليون و طبعا اهم ميزه لل Iphone شاشته multiTouch .. يعنى ممكن تتحكم فيها بأكتر من صابع فى نفس الوقت
ال N95 فيه GPS و WiFi و 3G
ال Iphone فيه WiFi و مفيهوش ولا GPS ولا 3G
ال N95 ينفع توصل علية اى سماعة انت عايزها عشان فيه 3.5 Audio jack
انما ال Iphone مينفعش ... غير السماعة اللى جية معاه بس
طبعا ال N95 فيه bluetooth وطبعا ينفع تستخدمة فى ارسال واستقبال الملفات او توصله بسماعة بلوتوث
ال Iphone فيه Bluetooth بس لشبك السماعة فقط لا غير
ال N95 8gb فيه فلاشة مساحتها 8gb
ال Iphone فيه مساحات مختلفة ( 8 و 16 و 32 جيجا )
من ناحية الأستخدام فطبعا ال Iphone اسهل بكتير من ال n95 ... والسوفت وير بتاع ال Iphone ابسط بكتير من ال N95 ... بس طبعا ال N95 ليه برامج اكتر
طريقة النقل من الكمبيوتر للتليفون .. فا دة لصالح ال n95
ال Iphone بيستخدم itunes وانا مبستظرفوش تماما والتعامل معاه مش سهل
بالنسبة للسمعات الخارجية فزى ما قال kotb ..صوت ال Iphone ضعيف جدا ومش ستيريو وكمان مينفعش تختار نغمة رن من عندك .. لازم من النغمات اللى جية معاة بس
انما ال n95 سمعاته ستيريو ونقى وعالى وتحط اى نغمة رن اللى تعجبك
من الاخر ال Iphone هو عبارة عن Ipod touch فيه تليفون
انما ال n95 فهو كمبيوتر وكاميرا و gps و mp3 player و تليفون فى عدة واحدة
غير كدة مظنش ان فى توكيل apple فى مصر ,, يعنى لا قدر الله الجهاز حصله اى حاجة مش هتعرف تعمل فيه حاجة واكيد محدش بيفهم فيه فى مصر زى النوكيا ..
فا بعد كل النقط دى انا برشحلك طبعا نوكيا :)

[lancer glx]

NOKIA N95 8G is the best

[SMALL ANGLE]

الف الف الف شكر يا رجاله

انا جربت التلفونين امبارح تانى و بالفعل شغلتهم بالصراحه فى الشكل iphone يكسب و كمان التحكم باكثر من صابع يحسد عليه

لكن فى الاخر انا حشترى طبعا N 95 8G بعد كل النصايح ديه شكرا مره تانيه

بس سوال اخير معلش

ازاى تفرق بين الفرلندى و الصينى ؟؟؟؟

و بالذات فى بورسعيد صعب اوى

[cabrel]

الف الف الف شكر يا رجاله

انا جربت التلفونين امبارح تانى و بالفعل شغلتهم بالصراحه فى الشكل iphone يكسب و كمان التحكم باكثر من صابع يحسد عليه

لكن فى الاخر انا حشترى طبعا N 95 8G بعد كل النصايح ديه شكرا مره تانيه

بس سوال اخير معلش

ازاى تفرق بين الفرلندى و الصينى ؟؟؟؟

و بالذات فى بورسعيد صعب اوى


متقلقش من الحتة دى فرق كبير جدا بينهم
غير كدة الصينى حتلاقى مكتوب علية Nokla

[elgamalhosam]

متقلقش من الحتة دى فرق كبير جدا بينهم
غير كدة الصينى حتلاقى مكتوب علية Nokla

NoKia الاثنين مكتوب عليهم

[shatou]

الف الف الف شكر يا رجاله

انا جربت التلفونين امبارح تانى و بالفعل شغلتهم بالصراحه فى الشكل iphone يكسب و كمان التحكم باكثر من صابع يحسد عليه

لكن فى الاخر انا حشترى طبعا N 95 8G بعد كل النصايح ديه شكرا مره تانيه

بس سوال اخير معلش

ازاى تفرق بين الفرلندى و الصينى ؟؟؟؟

و بالذات فى بورسعيد صعب اوى

بص يا سيدى الموضوع ده مفاجأة لصاحبى النوكيا N82 ... (http://www.dvd4arab.com/showthread.php?t=1330520) معمول اساسا علشان يفيد اصحاب الـ N82 لكن ان شاء الله تقدر تستفيد منه...
قبل ما تشترى اى جهاز خد رقم الـ IMEI وده حقك ومفيش بياع يقدر يقولك لأ وانا فى خلال ساعه اجبلك قراره بالكامل وصناعته والمنشا وهل دخل صيانه ولا لأ....