((( تماحيك ))) الامهات .. لتزويج البنات

[نوووونا]

[/SIZE][/COLOR]بمجرد ما تتخطى العشرين من عمرها تتحول البنت فى عين ماماتها الى حمل تقيل وبشكل غير مباشر تتعرض الى هجمات نفسية عنيفة والسبب يعود الى الام ,والسبب يعود الى عفريت العنوسة الى بيظهر فجأة فى دماغ الام ويظل يطارد خلايا المخ ويهديها الى وضع استراتيجيات لجر بنى ادم مناسب يشبك البنت ويطرد عفريت العنوسة
والنتيجة حتعرفها اخر سطر


تماحيك الصحوبية

ماتعرفش ليه بعد ماتتم البنت العشرين تهب فجأة رياح الحب الجارفة وتظهر الام تماحيك الصداقة وتبدا سهرات الدردشة والحطايات عن شغل البنت .... وعملتى ايه يا حبيبتى ؟ واسئلة عن زمايل الشغل ..ده منين ؟ وساكن فين؟ وفى النهاية دعوات تفتيح الدماغ .(ربنا يكرمك بابن الحلال) وقصص وحكايات شخصية (انا وباباكى كنا زمايل فى الشغل وكان بينا قصة حب جامدة )


الحفلات


تشمل الزواج والخطوبة والحنة والكلام من ده وينضم اليها احيانا العزاء وتصر الام على جر بنتها معاها بحجة تقديم التهانى وعمل الواجب وتكون حريصة ان تكون بنتها لابسة كويس ومظبطة الميك اب عشان تبقى غزال فى نظر الى حاضر المناسبة , ونتيجة الهوس الى فى دماغ الام من المحتمل حدوث مواقف محرجة وهى تعرفها على فلان ( ده ابن تانت عالات ) واحتمال تسيب بنتها (طب اسيبكم شوية يا اولاد تدردشو سوا مع بعض )



الاقارب المجهولون


رغم ان معظمهم ظلوا مستبعدين من ذاكرة الام وبالتالى من اجندة زياراتها لكن للضرورة احكام واقارب ايضا ....
لذلك يطلع عند الام كل شوية قرايب عمر ما البنت سمعت عنهم فى العشرين سنة من عمرها .... وتظهر جمل ( والله يا حبيبتى تانت تفيدة وحشانى . عايزين نزورها ) و (امبارح كلمنى عمك وحيد زعزمنا على الغدا يوم الجمعة ... اسكتى مش خالد خلص الهندسة وفتح مكتب غالا المسكينة (البنت) لاتعرف ان المقصود من الزيارة هو الباشمهندس خالد مش الحاج وحيد )


العزومات


لو البنت من النوع الخجول وكشفت سر عمليات الزيارات الى بتنادى بيها الام . تبدأ الام فى عكس النظرية الى فاتت وتحويلها الى عزومات فى البيت وتحرص فى كل مكالمة ان تأكدعلى الضيوف ان المحروس ابنهم يكون معاهم وغالبا ما تفاجىء البنت بالعزومة , ونوبة الكرم الى نزلت على الام . كما تفاجىء بشوية كدب ابيض على الاكل _كل يامحسن . دوق كده المكرونة الى عملهتا هنية بنتى )



عمايل تانية


وتشمل دعوة البنت للرد على تليفونات البيت واعطائها السماعة .(خدى سلمى على حمادة ابن خالتك ).........
الذهاب الى الاندية لتكوين علاقات جديدة مع الاعضاء ربما يظهر بينهم الى عليه العين

الكلام على البنت فى كل حتة . شطارتها . طبيخها.تدينها . دماغها . هدوئها . وربنا يحرسها

العاصفة


لما توصل الام لطريق مسدود مع بنتعا وتنكشف كل الخطط تضطر الام الى الاعتراف بما يدور بما يدور فى غرف عقلها وتنهال على البنت بالنصايح التى تبدأ فى الاول هادئة وبشكل غير مباشر ثم تصل العاصفة الى عبارات (’هو سى احمد الى انتى بتكلمينى عليه ده ....... صحوبية بس .. يعنى ماينفعش ييجى البيت ) والتانيب كل ماتحصل مشكلة (ياللى ماعمرك فرحتينى وجيبتى عريس معاكى )

مشهد النهاية



















الانسة فى البيت تحتفل بعيد ميلادها38 والام جالها الضغط والسكر



عشان كده لازم تصبرو زكلنا نصبر لحد ما ابن الحلال ييجى لوحده وعمرنا محنعرف نصيبنا فين

[HETLAR 2]

هههههههههه والله يا نونا موضوع جامد جدا و كلو صح
بس مش كل الامهات كدة
دي نسبة 99.99%

لاء بجد موضوع جامد

[alaa2007]

الموضوع جميل فعلاً .. بس الأمهات اللي بتعمل كدة نادرة جداً لأن الأم اساساً بتبقى خايفة على بنتها ومش عوزاها تختلط بأولاد ..
لكِ مني كل تقدير واحترام

[Mo7aMMeD SaLeM]

والله يا نونا موضوع جميييييييل جدا ودمه خفيف كمان أنا والله ما قادر أمسك نفسى ..
بس زى ما هتلر قال أن مكش كل الامهات بالنوعية دى .. والسبب فى كده اللى علاء قاله أنها مش بتبقى حابة أن بنتها يكون ليها اختلاط بدون دواعى أمنية شديدة يعنى بالاولاد ..
وكمان أنتى ما شملتيش بقية طبقات المجتمع يعنى أنتى بتتكلمى على فئة معينة ..
بس موضوع جميييييييييل جدا ..
وفى رعاية الله وأمنه

[نوووونا]

هههههههههه والله يا نونا موضوع جامد جدا و كلو صح
بس مش كل الامهات كدة
دي نسبة 99.99%

لاء بجد موضوع جامد



هتلر اخيرا لقيت موضوع عاجبك
عامل ايه بجد
ماهو طبعا مش كل الامهات كده وكل حاجة فيها الكويس وفيها الوحش بس بجد الحركات دى بتضايق اى بنت و الام بتبقى عايزة تتطمن على بنتها وكده
وبجد ميرسي على ردك التاريخى يا هتلر مش مصدقة انك مضربتنيش زى كل موضوع
بهزر اوعى تزعل

[نوووونا]

الموضوع جميل فعلاً .. بس الأمهات اللي بتعمل كدة نادرة جداً لأن الأم اساساً بتبقى خايفة على بنتها ومش عوزاها تختلط بأولاد ..
لكِ مني كل تقدير واحترام


ميرسي اوى ياعلاء على ردك لا والله اغلب الامهات بتعمل كده عشان خايفة على بنتها وفى الاخر مش بيجيب نتيجة والى متعرفهوش ان فى امهات بتسيب البنت تصاحب وتحب براحتها وفى كل الطبقات

[نوووونا]

والله يا نونا موضوع جميييييييل جدا ودمه خفيف كمان أنا والله ما قادر أمسك نفسى ..
بس زى ما هتلر قال أن مكش كل الامهات بالنوعية دى .. والسبب فى كده اللى علاء قاله أنها مش بتبقى حابة أن بنتها يكون ليها اختلاط بدون دواعى أمنية شديدة يعنى بالاولاد ..
وكمان أنتى ما شملتيش بقية طبقات المجتمع يعنى أنتى بتتكلمى على فئة معينة ..
بس موضوع جميييييييييل جدا ..
وفى رعاية الله وأمنه

مرسي اوى يا اوت فو كيل على ردك و زوقك بس اغلب الامهات بيعملو كده والله
يلا ربنا معانا و معاكم والله
ثانكس موت على ردك

[rhgrhg]

العنوسه مش شبح ومش عفريت هى قضاء الله اللى لازم العانس تقبله لانه اصبح حياتها ومحدش يقدر يعيش وهو مش راضى بحياته واذا كان ربنا ما رزقش البنت بالزوج الصالح فى الدنيا اكيد رزقها بحاجه تانيه لان ربنا مش بيظلم حد واذا اخد منك حاجه بيعطيك مثيلها ان لم يكن احسن منها وعلى فكره انا مش بقول كده علشان اصبر البنات لانى زيهم آنسه وعندى 22 سنه اه نفسى ابقى ام وعندى اسره جديده لكنى مستمتعه بانى طفله امى وابويا وان مقدرتش اعيش الامومه هعيش البنوه

[Mo7aMMeD SaLeM]

مرسي اوى يا اوت فو كيل على ردك و زوقك بس اغلب الامهات بيعملو كده والله
يلا ربنا معانا و معاكم والله
ثانكس موت على ردك

والله فعلا فى ناس حاسة بالشباب ... ده لما يبقى فيه تماحيك زى ما أنتى قولتى يا نونا ..
فتخيلى بقى لما الاستاذ يقع فى الفخ المنصوب سابقا ( كله مترتب :7: ) ويحب بنتها ويتقدم والشبكة والمهر والجهاز .. والدتها تقعد تقول عاوزة كذا وكذا وصاحبنا قاعد فاتح بقه :surprised: .. من كتر الطلبات ما هى أتاكدت أنه مش هايخلع لانه حب البنت .ولا عزاء لاى من الشباب .


فعلا ...فعلا هايصعب عليا أوووووووووى

[نوووونا]

العنوسه مش شبح ومش عفريت هى قضاء الله اللى لازم العانس تقبله لانه اصبح حياتها ومحدش يقدر يعيش وهو مش راضى بحياته واذا كان ربنا ما رزقش البنت بالزوج الصالح فى الدنيا اكيد رزقها بحاجه تانيه لان ربنا مش بيظلم حد واذا اخد منك حاجه بيعطيك مثيلها ان لم يكن احسن منها وعلى فكره انا مش بقول كده علشان اصبر البنات لانى زيهم آنسه وعندى 22 سنه اه نفسى ابقى ام وعندى اسره جديده لكنى مستمتعه بانى طفله امى وابويا وان مقدرتش اعيش الامومه هعيش البنوه


اوكى انا بردة زيك كده شايفاه انه مش حاجة وعادى يعنى و المهم ابقى مرتاحة ومبسوطة
بس الناس باة وانتى عارفة كلامهم وبصراحة البنت الى مش بيهمها كلام الناس متنفعش و الى تقولك ( ان شاء الله ياحبيبتى السنة الجاية تكونى فى بيتك )

هو يعنى بيت بابا مش بيتى ياحول الله
بس بصراحة انا لسة مش مدخلتش مرحلة العنوسة وانتى كمان بردة لسة صغيرة بس انا اصغر منك بشوية كده و ربنا يرزقنا كلنا بابن الحلال
و ميرسي على ردك او ياجميل

[HETLAR 2]

هتلر اخيرا لقيت موضوع عاجبك
بس ماتخديش علا كدة لاء بس بجد موضوع صحيح مية في المية البنت دلوقتي الي عندها 30 سنة و متجوزتش يبقا حتجة وحشة و غريبة و يبقا في حاجة فيها غلط مش عارف لية يعني مع ان برا عادي جدا
عامل ايه بجد
الحمد لله كويس انتي اية اخبارك ؟
ماهو طبعا مش كل الامهات كده وكل حاجة فيها الكويس وفيها الوحش بس بجد الحركات دى بتضايق اى بنت و الام بتبقى عايزة تتطمن على بنتها وكده
بس بجد دية كدة بتخنق البنت و ممكن تعقدها و ممكن تخليها تتسرع في اختيار شريك حياته فا ممكن يحصل خلافات كتير بنها و بين الي اختارتو
وبجد ميرسي على ردك التاريخى يا هتلر مش مصدقة انك مضربتنيش زى كل موضوع
يالا حظك حلو اصلك بقالك كتير مابتعمليش مواضيع فا قولت اجمال شوية هههههههه :na:
بهزر اوعى تزعل
لاء مافيش اي زعل

و عايزين نشوفك كتير في المنتدي

[نوووونا]

والله فعلا فى ناس حاسة بالشباب ... ده لما يبقى فيه تماحيك زى ما أنتى قولتى يا نونا ..
فتخيلى بقى لما الاستاذ يقع فى الفخ المنصوب سابقا ( كله مترتب :7: ) ويحب بنتها ويتقدم والشبكة والمهر والجهاز .. والدتها تقعد تقول عاوزة كذا وكذا وصاحبنا قاعد فاتح بقه :surprised: .. من كتر الطلبات ما هى أتاكدت أنه مش هايخلع لانه حب البنت .ولا عزاء لاى من الشباب .


فعلا ...فعلا هايصعب عليا أوووووووووى



وبيصعب عليا انا كمان بس بجد حرام الى بتعملو الام فى البنت وفى الولد

بس بردة لازم تستحملو عشان الحب ولا ايه
و ربنا معانا ومعاكو تانى

[نوووونا]

و عايزين نشوفك كتير في المنتدي



مرسي ياهتلر على الرد والمجاملة
والله بتعبك معايا


ربنا مع كل الناس و نبطل الحاجت دى بأة

[سيلامورا]

موضوع جميل يا نونا وضحكتيني بجد
لانه فيه كتير من الواقع بس بيكون خوف من الام فقط علي بنتها فقط
وكل الامهات عامه عاوزين بناتهم في افضل حال
والمساله كلها في الاخر تندرج تحت مسمي قسمه ونصيب

[نوووونا]

صح يا سيلاورا طبعا اكيد كل ام عايزة بنتها فى احسن حال بس مش لدرجة الاحراج والكلام ده
ز عندك حق والله يعنى انتى ممكن لو مش مرتبطة تصحى تلاقى عريسك فى بيتك بيتقدم
وميرسي على ردك اوى

[هدىالعربى]

رائع بجد وهو ده الى بيحصل



اللهم لك الحمد كما ينبغى لجلال وجهك وعظيم سلطانك

[mazforever]

أهلا أهلا
فى البداية أحب أقول الكلام ده مش بيحصل مع البنات بس , دلوقت بيحصل مع الشباب وبطريقة أكثر دهاءا ومكر من جانب الأم(مع الأعتذار لجميع الأمهات , فهم يقومون بهذا بدافع الحب و البحث عن مصلحة الأبناء )
نقول إزاى الطريقة أكثر دهاء ومكر
فالأم بتحاول تعطل بوصلة الأبن أو بتعبيرأدق توجيه بوصلته ,مثل::
شوفت فوفا بنت عمو محمود زى القمر بس هى عصبية شوية؛ أمبارح كنت بكام طنط بهيجة وبنتها ردت عليا دمها خفيف قوى بس مغلبة مامتها علشان مابتسعدهاش فى شغل المطبخ والبيت؛ أمبارح كنت فى النادىوشفت ديدى بنت الأستاذ أكرم جميلة وهادية بس حاطة مناخيرها فى السما وبتتكلم بالقطارة.
من الأخر بتشرك كل البنات اللى مش على مزاجها(بالطبع مابتكلموش فى موضوع الجواز ولا حاجة) بحيث الولد ييأس ويخليى مامته تختار له ويريح دماغه.
وشكرا
سلام
ملحوظة أخيرة:هناك فرق بين مواصفات الولد والبنت بالنسبة للأم (الراجل مايعيوبش إلا جيبه أما البنت لازم تكون منكسرة وست بيت عارفين ليه طبعا!!!؟؟؟)
ملحوظة بعد الأخيرة: الموضوع ده حصل مع واحد صاحبى مأأعرفوش

[سليمان الجلاتمة]

هههههههههههههههههههههههههههههههههههه
حلو حلو

[pink rose]

موضوعك جميل جدا يا نونا شكرا لكى
المشكلة دى بتحصل فعلا زى ما قلتى بس بيختلف رد فعل الأمهات
ومش كلهم بينفذوا اللى انت ذكرتيه فى الموضوع لأنها كده تبقى بعدت تماما عن صفات الأم وكده هى بتعرض بنتها للخطر مش بتحميها
وارجع وأقول ده نصيب ولا أحد يستطيع تغييره

[wxyzf3]

لا تعليق هههههههههههههههههههههههههههههههههههههههههههههههههه هههههههههههههههههههههههه

[nasser_102]

موضوع جميل يا نونا والله هلكتينى من الضحك بس انا فعلا لاحظت الكلام اللى بتقولى عليه بيحصل بجد ومش بس من الامهات لا كمان من الأباء اول ما الواحد فينا يخلص الكليه وجارنا اياه عنده بنته بعد ما كان يشوفنى فى الشارع مبيعبرنيش من يوم ما اتولدت يسلم عليا وازيك وازى بابا وعامل ايه انت مبجيش ليه :oh: ده احنا اهل طب اتفضل اشرب حاجه:surprised: هههههههههه بس على مين الحركات القرعه دى مش علينا ههههههههههههه
شكرا ليكى على موضوعك اللذيذ ده

[فتاه اسلامية]

ايوة كلامك مظبوط بنسبة88% وكمان هى اكيد الامهات دى هتلاقيها دقة قديمة يعنى الى تقولك البنت مسيرها للجواز وعيب ان الوحدة تكون مستقلة يعنى مش حرة يعنى تفضل طول عمرها من غير ما تتجوز
حاجة تشل والله
عايزة اعلق على العنوان العنوان بجد رائع ولو كنتى كتبتبى عنوان غير كده انا كنت هعلق تعليق مش هيرضيكى
موضوعك جميل اوى بس هنعمل ايه بئة فى الامهات
وفى الاخر هى ام وهتفضل امنا ولازم نحترمها ولا نتطاول عليها
وفى الاخر بشرك تانى على الموضوع

[mondego]

هههههههههههههههههه . و الله موضوع جميل أوووى يا نونا و واقعى جدا و بيحصل و انى قدرتى تعرضيه بشكل لذيذ . ميرسى أوووى و فى انتظار مزيد من التألق .