م.عمرو
03-05-2008, 07:03 PM
السلام عليكم ورحمة الله وبركاته
بتاريخ اليوم الحمد لله اشتريت موبايل نوكيا 6120 بعد ما قرأت مميزات وعيوب الموبايل ده في أكتر من منتدى
وفي الاخر اخدت قرار الشراء لأنه ممتاز فعلا بالنظر للإمكانيات الي بيوفرها
هتكلم عن أهم العيوب الي لاحظت تكرارها في معظم المنتديات وهي مشكلة الكاميرا ومشكلة السخونة
أولا مشكلة الكاميرا يا جماعة اللون الأخضر الي الناس بتتكلم عليه ده ناااااااااادر جدا ما بتحصل وده مش عيب في عدسات الكاميرا في حد ذاتها لكن لأن ده بسبب ضوء الفلاش بيأثر شوية على الصورة، وعلى فكرة اللون الأخضر ده تأثيره خفيف جدا جدا على الصورة يمكن كمان متلاحظهوش لو دققت في الصورة، وبيحصل بس لو كانت الاضاءة ضعيفة جدا لكن لو بتصور تحت اضاءة فلورسنت (نيون) مثلا فالصورة بتطلع جميلة جدا جدا
ثانيا مشكلة السخونة: اتكلمت في الموبايل اول ما اشتريته ربع ساعه كاملة لاحظت ان التليفون حرارته ارتفعت بسيط جدا جدا يمكن اقدر اقول درجتين بس وده برضه نتيجة حرارة ايدي كمان من كتر منا ماسك التليفون بإيدي، مش زي ما الناس بتقول دي حرارة بتلسع ولا كلام ده مش منطقي بالمرة
فيما عدا كده، من ساعتها وانا قاعد بفعص في التليفون علشان الاقي فيه اي عيوب تانية مش لاقيله عيب نهائي وده بمنتهى الأمانة ولسة مكملش معايا تلات ساعات على بعض
بتصفح موقع اتصالات بالـ 3.5g والنت طلقة
الصوت عالي عالي عالي بكل أمانة ويميزه عن اي موبايل تاني حتى ال N73 ان صوته نقي، يعني تحط عليه أي نغمة تسمعها واضحة ونقية جدا وكل الآلات الموسيقية فيها بتسمعها بوضوح شديد مع انه سماعة واحدة بس على الجنب، انا اول ما روحت المحل كلمت بتاع المبيعات قولتله انا بسمع عن مشكلة الصوت والكاميرا وانا مش عايز التليفون يكون فيه مشاكل من الناحية دي خصوصا الصوت
الراجل ابتسم وقالي مشكلة الكاميرا دي بسبب الاضاءة الضعيفة لكن غير كده جربه وشوف
وفعلا طلع التليفون من علبته ركبت الشريحة بتاعتي وشغله، صورني وصورته وصور المحل كذا صورة وبعد كده نقلهم بنفسه على الكمبيوتر عنده ومقولكمش على الجمال الروعة كأنها كاميرا ديجيتال بجد من غير مبالغة، اضاءة المحل طبعا نيون كلها فمظهرش عيب اللون الأخضر ده، شغلي نغمات الموبايل العادية ولاقيتها عالية جدا جدا حتى انا استغربت بيني وبين نفسي عن الي بيقولوا ده صوته واطي!!
اخدته منه عن كامل اقتناع وبكرة ان شاء الله انا خارج برة وهصور بيه كما صورة في النهار في الشارع وهجيبهالكم علشان تقتنعوا بجمال تصوير الكاميرا
دي تجربتي البسيطة مع الرائع 6120 وانصح الي يجيبه يكلف نفسه شويتين ويشتريه من مكان محترم او من التوكيل نفسه وابعدوا عن شارع عبد العزيز وبلاويه والنصب الي فيه
بتاريخ اليوم الحمد لله اشتريت موبايل نوكيا 6120 بعد ما قرأت مميزات وعيوب الموبايل ده في أكتر من منتدى
وفي الاخر اخدت قرار الشراء لأنه ممتاز فعلا بالنظر للإمكانيات الي بيوفرها
هتكلم عن أهم العيوب الي لاحظت تكرارها في معظم المنتديات وهي مشكلة الكاميرا ومشكلة السخونة
أولا مشكلة الكاميرا يا جماعة اللون الأخضر الي الناس بتتكلم عليه ده ناااااااااادر جدا ما بتحصل وده مش عيب في عدسات الكاميرا في حد ذاتها لكن لأن ده بسبب ضوء الفلاش بيأثر شوية على الصورة، وعلى فكرة اللون الأخضر ده تأثيره خفيف جدا جدا على الصورة يمكن كمان متلاحظهوش لو دققت في الصورة، وبيحصل بس لو كانت الاضاءة ضعيفة جدا لكن لو بتصور تحت اضاءة فلورسنت (نيون) مثلا فالصورة بتطلع جميلة جدا جدا
ثانيا مشكلة السخونة: اتكلمت في الموبايل اول ما اشتريته ربع ساعه كاملة لاحظت ان التليفون حرارته ارتفعت بسيط جدا جدا يمكن اقدر اقول درجتين بس وده برضه نتيجة حرارة ايدي كمان من كتر منا ماسك التليفون بإيدي، مش زي ما الناس بتقول دي حرارة بتلسع ولا كلام ده مش منطقي بالمرة
فيما عدا كده، من ساعتها وانا قاعد بفعص في التليفون علشان الاقي فيه اي عيوب تانية مش لاقيله عيب نهائي وده بمنتهى الأمانة ولسة مكملش معايا تلات ساعات على بعض
بتصفح موقع اتصالات بالـ 3.5g والنت طلقة
الصوت عالي عالي عالي بكل أمانة ويميزه عن اي موبايل تاني حتى ال N73 ان صوته نقي، يعني تحط عليه أي نغمة تسمعها واضحة ونقية جدا وكل الآلات الموسيقية فيها بتسمعها بوضوح شديد مع انه سماعة واحدة بس على الجنب، انا اول ما روحت المحل كلمت بتاع المبيعات قولتله انا بسمع عن مشكلة الصوت والكاميرا وانا مش عايز التليفون يكون فيه مشاكل من الناحية دي خصوصا الصوت
الراجل ابتسم وقالي مشكلة الكاميرا دي بسبب الاضاءة الضعيفة لكن غير كده جربه وشوف
وفعلا طلع التليفون من علبته ركبت الشريحة بتاعتي وشغله، صورني وصورته وصور المحل كذا صورة وبعد كده نقلهم بنفسه على الكمبيوتر عنده ومقولكمش على الجمال الروعة كأنها كاميرا ديجيتال بجد من غير مبالغة، اضاءة المحل طبعا نيون كلها فمظهرش عيب اللون الأخضر ده، شغلي نغمات الموبايل العادية ولاقيتها عالية جدا جدا حتى انا استغربت بيني وبين نفسي عن الي بيقولوا ده صوته واطي!!
اخدته منه عن كامل اقتناع وبكرة ان شاء الله انا خارج برة وهصور بيه كما صورة في النهار في الشارع وهجيبهالكم علشان تقتنعوا بجمال تصوير الكاميرا
دي تجربتي البسيطة مع الرائع 6120 وانصح الي يجيبه يكلف نفسه شويتين ويشتريه من مكان محترم او من التوكيل نفسه وابعدوا عن شارع عبد العزيز وبلاويه والنصب الي فيه