اخلاقيات القيادة

[samehafez]

فيه قواعد معينة انا بالتزم بيها بس المشكلة اني بلاقي ناس كتيرة مبتلتزمشي بيها مع اني شايف ان دده الصح عادي ممكن انا اكون غلط يا ريت الناس تتكلم في الموضوع ده
يعني مثلا
1- في الميادين انا بعتبر دايما ان الاولوية في المرور للسيارة اللي جوة الميدان ....لان القاعدة بتقول الاولوية للقادم من اليسار و الموضوع ده عشان اللي علي يسارك انت بتكون شايفة اوضح انما لو انت داخل من علي يمينة ممكن مايشوفكش

2- لو انا ماشي علي الحارة الشمال و ماشي باقصي سرعة للطريق و حد جاي من ورايا بدي اشارة يمين و اعدية ....بس للاسف لما انا اجي اعدي الاقي الناس مخنوقه ...متعرفش مكسل والا ايه ....طيب حته لو مكسل ادي اشارة شمال و عرفني انك مش منقول من مكانك عشان مجيش اعديك من اليمين القيك بتكسر يمين و لو حصل حاجة لا قدر الله هطلع انا الغلطان

3 - بتخنق لما اكون و اقف في يو ترن مستني عربية جاية من بعيد علي متعدي و القي الاخ جاي يلف من اليوترن يعني مكسل يدي اشارة عشان محدش جاي وراه و انا ايه واقف مستني جنابة تشريفه يعني

4 - بعض الاشارات يطول صف الانتظار فيها حتي يصل الي يوترن قبل الاشارة ....اليس من الافضل اذا حدث هذا ان تقف بسيارتك قبل اليوترن لتسمح لمن يريد قطع الشارع بالعبور ( حدث هذا في شارع الطيران في الاشارة مع شارع مصطفي النحاس لقيت ان انا لو وقفت ورا اخر عربيى هقفل اليوترن فوقفت قبل اليوترن و جه سواق ميكروباص ورايا و كلاكسات بقي وهبل ....طب يعني انا لو طلعت قدام هكسب ايه 5 متر طيب ما لاشارة كدة كدة واقفة ...شوية و لقيت واحد محترم جه وقف جنبي فالميكروباص جه من يمينا احنا الاتنين و عايز يعدي فوقف قدام و احد بيعدي من الفتحة و قفلوا الطريق قدامنا و وقف الطريق


5- في اليوترن يفضل بعض الاخوة انه يلف من اقصي اليمين و يقطع الطريق علي اللي عاوز يمشي علي طول حاجة تخنق ...يعني اللي عاوز يمشي عل طول يعمل اية اطلع امشي علي الرصيف يعني


6 - اذا كنت داخل علي اشارة و هتدخل يمين مش هتقف في الاشارة بيخنقني اللي ميسبكشي تعدي و لازم يعدي من علي يمينك و يسبقك طب ليه مانتا كدة كدة هتقف في الاشارة و ليه تعدي من علي يميني متهدي و سيبني اعدي

7 - حاجة غريبة انا شايف انها غلط بس اكتشفت انها قاعدة في كل شوارع مصر قبل اي فتحة لاي تقاطع لازم قبل الداخلة اليمين تلاقي محطة اتوبيس عشان لما تكون عاوز تخش يمين تقف ورا الااتوبيسات و الميكروباصات اللي بتنزل و تحمل ( شارع صلاح سالم عند فتحة شارع يوسف عباس فيه محطة , شارع صلاح سالم عند فتحة الطيران فيه محطة ,,,,و الامثلة كتيرة

[alhnon99]

شكرا لك اخوى على الموضوع

[turbocharger]

واللة كلامك كلة صح وانا زيك بعانى من كدة وخصوصا سواقين الميكروباص اللى سواقتهم فعلا وحشة قوى بس زى ما انت بتقول هى دى اخلاق القيادة وانت صح فى التزامك وياريت كل الناس تلتزم لأن دة لو حصل الشوارع عندنا هتكون احسن كتييير وكفاية لما تلاقى شارع العربيات فية داخلة من الناحيتين وقافلين الشارع خالص ال اية علشان الاختصار وتلاقى انك بدل ما تقف فى الزحمة 10 دقائق تقف فى الشارع دة بالنص ساعة علشان كل واحد راكب دماغة ومش راضى يرجع 5 او 6 متر وكل عربية وراها 4 او 5 عربيات الموقف دة فعلا بيعصبنى جدا لكن تقول اية بقى على الدماغ النضيفة
ياريت فعلا الناس كلها تفهم ان القيادة فن وذوق واخلاق وشكرا على طرح هذا الموضوع

[GL@DI@TOR]

شكرا على الموضوع والخبر اخى الكريم

[waleedallam]

بتوع الميكروباص بيقولو عليكم كدة برضة

انا وجهى نظرى انى مدام قانون الغابة هو اللى بيحكم يبقى دراعك يا ابو دراع ولنعلنها حرب على سائقى الميكروباص وتاكد انة زى الكلب بيشم (الخوف) ريحة الاندرنيل ولا مش عارف اسمة اية دا المهم يعنى لما يلاقيك خايف انى عربيتك تتخبط يزود فى الاستهبال مع انك لو غلست علية هو اللى هيخاف يخبطك لانى ممكن تطلع ابن حد من اياهم ويدبهدل هو او على الاقل رخصتة تاخد ايقاف شهر لو جاية ظابط المرور دا فى افتراض وجود رخصة معاة اساسا يعنى القاعدة دى متعملهاش لما تبقى فى مناطق على الحدود زى شبرا او حلوان او المناطق الجديدة عموما

انا اتعلمت كدة بعد ما لاقيت نفسى بتبهدل من اشكال مفيش داعى خصوصا انى راكب مرسيدس 82 يعنى انا هتعور وهو كمان او بمعنى اصح
مضيها ولكن تعلم يا فتى انك هتعمل حادثة هتعمل حادثة(ربنا يسترها معانا ومعاكم يا رب) يبقى الحادثة تتعمل من خلال موقف رجولى والرجالة مواقف

تحياتى
صعيدى مقطع صلاح سالم

[samehafez]

المشكلة اللي بنواجها في مصر بجد ان مفيش حد بيغلط بيعترف انه غلطان ........انا عامل تامين يعني مش عاوز فلوس من اللي خبطني انا بس عاوزو يقول اسف مش يطلع يجري ... او يقعد يستهبل ...
برضه الحياة مش كلها حاجات وحشة فيه ناس لسة عندها زوق ... انا مرة كنت واقف في اشارة و الموبيل وقع تحت الكرسي نزلت اجيبة علي ما طلعت كنت طررررررررخ خبط في اللي قدامي .... نزلت عشان اتلقي وعدي .........لقيت راجل محترم سالني خير حصل ايه قلتله علي اللي حصل ....بص علي عربيته لقي الفانوس مكسور ( كنت راكب عربية عاليه شوية ) ....الراجل بكل بساطة قاللي حصل خير ...بس خد بالك ....عرضت عليه اشتريله فانوس قاللي انت زي ابني و انا مش هاخد من ابني فلوس .


****** برضه فيه نقطة مهمة طريقة تعاملك مع اللي قدامك بتحدد طريقتة معاملتة معاك *******
اختي خبطت عربية راكنة فنزلت و كتبت اعتذار و سابت رقم تليفوني عشان صاحب العربية يتصل بيا عشان الاصلاح .....فين بعد يومين لقيت واحد بيتصل .... و بيعتذر اي و الله بيعتذر عشان ماتصلش اول ما لقي الورقة و بيشكرني و بس خلص الموضوع علي كدة ...
القصة .... ان احنا اول ما بنقعد ورا الدريكسيون اخلاقنا بتتغير ...و انت خارج من الاسانسير تقعد سنة انت و جارك تتعازموا مين يخرج الاول مفيش بعديها بدقيقة انتم الاتنين عاملين حادثة في مخرج الباركنج بتاع العمارة عشان عاوزيين تخرجوا قبل بعض ( مش هزار و حصلت قدامي ):winktongue:

[elbasem]

اكيد عندك حق انا في اعتقادي ان في نسبة كبيرة من الزحمة بسبب تقفيل الدماغ بتاعنا عشان نمشي 5متر اوحني10متر زيادة بس لازم كل
واحد يدنة يزنق ويحشر عربيتة ولو حتي في المخالف
والله حتي لو عملوا قانون مرور جديد العيب فينا ما في قانون موجود ممكن يكون محتاج شوية تعديلات بس احنا لانلتزم به
وربنا يستر معانا واحنا علي الطريق

[ahmedhlmey]

على فكره الكلام ده هو اللى بيحصل فعلا ادامى فى الطريق وحاصل معايا مواقف كتير منها يعنى مثلا لما تبقى ماشى بلعربيه وتلقى فجاه واحد بى عربيه واقف ادامك ليه؟؟؟؟؟؟ علشان حضرته مكسل يرمى كيس الزباله رايح بلعربيه يرمى ومعطل الشارع السواقا فى مصر بقت حاجه مستحيله جدااااااااااااااااااااااااااااااااا

[ahmedhlmey]

ياريت سواقين المكروباص والاتوبيس ينقرضو من مصر تمام

[moh_elspa3y]

الموضوع كله في إن قسم من الناس بتمشي بمبدأ إنها حمير وباقي الناس كلها بتفهم وبيخش زي الحمار اعزكم الله على الناس كده على أساس الناس هتفهم وتبعد عنه وقسم آخر فاكرة ان كل الناس حمير وهم بس اللي بيفهموا وبيمشي بمبدأ الحيطة والحذر والتعليمات
بس المفروض يكون في نظام في البلد علشان الناس مش بيحكمها إلا حاجتين الدين أو القانون لو ردع كويس وفي أمانه من الحكومة مش هيبقي في مشاكل انا قاعد دلوقتي في السعودية ما شاء الله في نظام عامينه كويس جدا في المرور والناس خلاص اخدت عليه لما تحصل حادثة لا قدر الله بين اثنين يقفوا في مكانهم من غير كلام خالص ويستنوا الشرطة وتحكم بينهم وقتي أو على الأقل قضية وبتاخد بالكتير شهر
ربنا يهدينا
شكرا على الموضوع

[وديعة الغالية]

شكرا لك على الموضوع

[samehafez]

يا جماعة انا سعيد جدا ان لسة فيه ناس بتتصرف صح
انا مش بقول ان انا صح 100% بس بحاول
في حاجات انا كنت فاهمها غلط
يعني انا كنت فاهم ان الاولوية للقادم من اليسار وده في التقاطعات و الميادين و لكن فوجئت ان الاولوية للقادم من اليمين و طبعا الاولوية لمن بداخل الميدان ( لمن بداخل الدوار ) دي مفيهاش خلاف
لو حد عندة معلومة جديدة او حاجة شايف انها خطا شائع يا ريت يفيدنا بيها

[tamer_a7]

من المضحك جدا في الشوارع عندنا في مصر هيه تصرفات السواقين الذين يمتهنون السواقه
ميكروباص, تاكسي, نصف نقل ,نقل
طبعا دول ما بيحترموش اي حاجه في الكون
السير عكس الاتجاه هويه وممكن ان تصل الي حد العشق
طبعا لو شارع اتجاهين واقف لازم اليبه العبقري يعمل صف تاني ويقف في وش اللي جاي ونقف نتفرج علي بعض وقتها امني لو كا معايا دبابه واخش اخلص علي الصف الخالف دا كله واهوه هنخلص من شويه عباقره
انا نفسي لو نبص علي جميع الحوادث الخطره اللي بتتسبب في عدد كتير من الضحايا هتلاقي عنصرين رايسيين
النقل+الميكروباص
انا واحد من الناس قدام عيني بتاع ميكروباص طلع من وراي وحبب يتفلسف ويخش معاكس طبعا نقل كان في العاكس كله الجنب كله والناس اللي كانو موجودين في الجنب هما اللي اتعورو من القزاز حاجه تقرف عقول غير موجوده وبلطجه وجري علي الفاضي والله انا لو امسك مدير للمرور ما في سواق ميكروباص هيكون معاه رخصه
مسمين نفسهم عفاريت الاسفلت يا رب العفريت تخدهم وتريحن منهم
معلش لاني بروح وباجي كل يوم عن طريق الاوتوستراد ودا معناه اني اتعرض لمكيروباصات حلوان والعتبه ورمسيس