المساعد الشخصي الرقمي

مشاهدة النسخة كاملة : #$%يا ترى بلدنا وحشة اوى للدرجادى#$%

دلبييرو
23-04-2008, 11:20 AM
بسم اللة الرحمن الرحيم


انا موش عارف الموضوع دا يتحط فينا حتة بس انا لقيت انة يتحط هنا
احسن اهو بالقليلة يتشاف ودا لان المنتدى هنا الناس بيدخلوة كتير




حاجات كتير بتتميز بيها بلدنا .. منها اللي يزعل ومنها اللي يقهر .. ومنها اللي يشرح القلب .. وتشتاقله لو روحت فين .. زي طبق الفوووول المعمر اللي لازم أي بلد يحل فيها المصريين .. يحل معهم هذا الحارس الخاص وهذا المضاد الحيوي .. وتفتح المحلات والمطاعم لتلبية طلب المصريين في لندن والسعودية وأمريكا وبلاد الفرنجة فرنسا حاليا .. وإليكم بعض هذه المشاهد الحصرية.


* لم يذكر السجن في القران الكريم إلا في مصر (في سورة يوسف )

*في مصر فقط .. الأموات ينفقون علي الأحياء "الفراعنة والأهرامات والذي منه"

*في مصر فقط .. تجد شخصا أقل منك في المستوي العلمي وحصل علي 50% فقط في الثانوية العامة .. ولكنه يتنطط عليك أو بالبلدي يركب ويدلل رجليه لأنه ببساطة دخل بيهم شرطة .. اللي في خدمة قفا الشعب.

*في مصر فقط .. ينمو نبات البردي وورد النيل والجرجير والخبيزة والليف - حتة ثقافة -

*في مصر فقط .. توجد السلعوة وهي "مسخ" ناتج عن تزاوج الكلاب الضالة في جو العاصمة الملوث - حتة جيولوجيا -

*في مصر فقط .. تأكل الحواوشي والشكشوكة والكشك الأسيوطي والملوخية بالأرانب والمسقعة والكشري ومحشي الكرنب وطاجن العكاوي والكبدة الاسكندراني .. آه نسيت .. والفووووووووووووووووول اللي مش سوداني.

*في مصر فقط .. يمتلك المواطن بالوقت والممارسة مهارات خاصة في ركوب الأتوبيسات المسرعة والتسلل إلي العمق أو الوقوف بأطراف أصابع القدم علي أخر درجة في السلم "اطلع من علي الباب يا فندي العربية فاضية أدام" .. طبعا ربنا ما يوريك بقى لو كانت مليانه.

* في مصر فقط .. تنشب الصداقة سريعا وفي اقل من ثوان في إشارة المرور أو في مصلحة حكومية أو في الأسانسير أو حتى في طابور العيش.

* في مصر فقط .. ملك فرعوني بني لنفسه تمثالا ضخما لا تشرق الشمس علي وجهه إلا مرتين في السنة مرة يوم عيد تتويجه ملكا ومرة يوم عيد ميلاده هو شخصيا .. "صبح .. صبح .. يا عم الحاج"

* في مصر فقط .. وزير ( يسرطن ) الشعب ثم يرشحه الحزب الحاكم في انتخابات مجلس الشعب .. بس مش أي شعب .. ده شعب على أبوه.

* في مصر فقط .. ينادي وزير التعليم بإلغاء مجانية التعليم.

* في مصر فقط .. يتم إنفاق ملايين الجنيهات من أجل الحصول علي "صفر كبير" أمام العالم .. كانوا خايفين ياخدوا درجة بالسالب .. بجد الصفر أرحم.

* في مصر فقط .. يقدم الكشري ساخنا في أكياس بلاستيكية شفافة.

* في مصر فقط .. ادفع وبعدين اشتكي - لتحصيل أولا -

* في مصر فقط .. الاختيارات السياسية المتاحة أمام المواطن هي التصويت بـ "نعم " او "نعم"

*في مصر فقط .. لا يتم وضع الملصقات إلا تحت لافتة "ممنوع لصق الإعلانات"

* في مصر فقط .. لا يمتلك المواطنون زيا رسميا موحدا ويصعب أن تعرف المصري من مجرد ملابسه ( إلا لو كان لابس تي شيرت مكتوب عليه بالأخضر "فكر جديد")

*في مصر فقط .. يوجد نوع من المسكنات علي هيئة مصطلحات يتم تقديمها للشعب بجرعات مكثفة مثل ( الشفافية) ,( التمثيل المشرف) , ( إشادة البنك الدولي بمصر),( أهمية الدور الذي يلعبه شباب النيل .. جيل المستقبل).

أخيرا فإن ما يوجد في مصر فقط وحصريا على أرض الواقع أكثر بكثير مما نستطيع حصره في مجرد سطور .. ولكننا نقولها وبكل شاعرية ودراماتيكية وحنية:"عظيمة يا مصر يا أرض النعم"

والآن نترككم مع الفنان الشعبي شعبان عبد الرحيم – اللي مفيش منه برضه غير في مصر – مع نشيد بلادي بلادي .. لك حبي وفؤادي



وفى النهاية مقدرش اقول الا ان دى بلدنا ولازم نحبها
وبردو مقدرش اقول الا انو دى طريقتى وموش هغيرها
:slap:
Jilan Hamdy
23-04-2008, 11:45 AM
موضوعك حلو - والغريبة إن رغم كل ده مهما كانت بلاد الدنيا جميلة ومتحضرة إلا إن مصر أدفأ حضن ( الحرارة النهارده 42 ) - لأ بجد فيه دفأ فى البلد دى مش موجود فى أى حتة تانية ...
وإنشاء الله مصر مش حتفضل كده .. مصر حتقوم على رجليها تانى ... بس إحنا ننوى إننا نفيد البلد دى بإننا نحسن من أنفسنا أولا .. نتعلم كويس وما نكتفيش بالكليات لأ ناخد كورسات ونعمل دبلومات ... نشتغل بضمير فى أى شغلانة نشتغلها مهما كانت بسيطة ...وطبعا قبل أى حاجة نتقى الله فى كل أعمالنا لأن الله لا يغير ما بقوم حتى يغيروا ما بأنفسهم

يعنى الحل واضح ، ما نعتمدش على القادة إن هم اللى يرفعوا البلد وإنما نعتمد على أنفسنا .. والتغيير سيأتى من عند ربنا ، ده وعد من ربنا

بحبك وحشتــينى بحبك وإنت نورعينى
ولو مطلعة عينى بحبك مووووت
DR MO7@MED
23-04-2008, 11:45 AM
ههههههههه

موضوع هايل يا محمود

واللي يلخص اللي انت قلته دا كله كلمه واحده

انت اكيد في مصر

في حاجات كتي رلو مش موجوده فمصر من اللي ذكرتهم اكيد مش هنحس اننا فمصر


تحياتي ليك عالموضوع الرائع
دلبييرو
23-04-2008, 01:30 PM
موضوعك حلو - والغريبة إن رغم كل ده مهما كانت بلاد الدنيا جميلة ومتحضرة إلا إن مصر أدفأ حضن ( الحرارة النهارده 42 ) - لأ بجد فيه دفأ فى البلد دى مش موجود فى أى حتة تانية ...
وإنشاء الله مصر مش حتفضل كده .. مصر حتقوم على رجليها تانى ... بس إحنا ننوى إننا نفيد البلد دى بإننا نحسن من أنفسنا أولا .. نتعلم كويس وما نكتفيش بالكليات لأ ناخد كورسات ونعمل دبلومات ... نشتغل بضمير فى أى شغلانة نشتغلها مهما كانت بسيطة ...وطبعا قبل أى حاجة نتقى الله فى كل أعمالنا لأن الله لا يغير ما بقوم حتى يغيروا ما بأنفسهم

يعنى الحل واضح ، ما نعتمدش على القادة إن هم اللى يرفعوا البلد وإنما نعتمد على أنفسنا .. والتغيير سيأتى من عند ربنا ، ده وعد من ربنا

بحبك وحشتــينى بحبك وإنت نورعينى

ولو مطلعة عينى بحبك مووووت


ميرسى لمرورك بس ياريت اللى حاكمنها واللى ليهم كلمة فيها يعرفو اد اية احنا بنحب البلد دى
دلبييرو
23-04-2008, 01:33 PM
ههههههههه


موضوع هايل يا محمود

واللي يلخص اللي انت قلته دا كله كلمه واحده

انت اكيد في مصر

في حاجات كتي رلو مش موجوده فمصر من اللي ذكرتهم اكيد مش هنحس اننا فمصر



تحياتي ليك عالموضوع الرائع


اللة يكرمك بس الحاجة الوحيدة اللى لو الواحد ماعملهاش قبل مايخرج من البيت بيحس انو نقصة حاجة
هى طبق الفول صح ولا اية
DR MO7@MED
23-04-2008, 02:46 PM
اللة يكرمك بس الحاجة الوحيدة اللى لو الواحد ماعملهاش قبل مايخرج من البيت بيحس انو نقصة حاجة
هى طبق الفول صح ولا اية


ههههههههههههه

بجد كدا انت راجل تمام جدا

واحنا الشعب الوحيد اللي بيصطبح بيه

ههههههههههههههههههه

ومن غيره اساسا منعرفش نعيش ولونه غلي اليوميسن دووول :glasses:
big_big882000
23-04-2008, 03:02 PM
أنا كنت دايماً بقول إن العيب مش في مصر العيب في اللي فيها بس دلوقتي بس إكتشفت من كلامك إن العيب في مصر
Mo7aMMeD SaLeM
23-04-2008, 10:50 PM
شكرا يا محمود بجد الكلمة الوجيزة ..
تبقى هى .. يبقى انت أكيد فى مصر ..
والفول أساسى .. وشكرا يا باشا
geen2000
23-04-2008, 11:08 PM
مهما كان هيا بلدنا
ومنقدرش نغيرها
تقدر انت؟
دلبييرو
24-04-2008, 11:37 AM
مهما كان هيا بلدنا
ومنقدرش نغيرها
تقدر انت؟


انتى كدا حرجتينى بس الاجابة هيا طبعا انها بلدنا ومنقدرش نغيرها بس فى ناس بتقول انها لو الظروف سنحت ليهم هيغيروها او بالاصح يسيبوها وفى الختام احلى سلام ليكو يا حبايب قلبى
kokyboky
24-04-2008, 11:51 AM
ههههههههههههههههه
لنا الله
فتاه اسلامية
24-04-2008, 02:29 PM
طبعا الانسان مننا مايقدرش نعمة بلده الا ما يتغرب ويدوق المر
بلدنا دى جنة والله واحنا مش حسين بكده
دلبييرو
24-04-2008, 08:31 PM
طبعا الانسان مننا مايقدرش نعمة بلده الا ما يتغرب ويدوق المر
بلدنا دى جنة والله واحنا مش حسين بكده



انا متفق معاكى فى وجهة نظرك بس
احنا اصلا عايشين فيها وكأننا موش عايشيين صح
وكل واحد فينا حاسس بالغربة فيها
موش كدا بردو
moustatfa
25-04-2008, 11:28 PM
موضوع جميل جداا يا مان
بس انا رايي ان مصر احسن من اى بلد تانية مهما حصل فيها
و مبيعرفش كدة غير اللى سافر و اتبهدل برة و حتى اللى متبهدلش بير جعلها تانى
SadSouL
26-04-2008, 01:51 AM
بحبك وحشتــينى بحبك
mohhamed111
26-04-2008, 02:35 AM
في الجامعة عندنا لما بادخل المعامل أو قاعات المحاضرات بأحس إني داخل ورشة نجارة او ورشة حدادة .. لكن الصور اللي بتجيلي من زمايلي اللي بيدرسوا في أوروبا باحسن إن قاعات المحاضرات والمعامل صور من مفاعل نووى أو كأنهم في جو معقم

في الجامعة عندنا ما زال الدكتور هو الإله الذي لا يخطئ والطالب يستمع فقط دون مناقشة .. لكن زمايلي اللي درسوا في أوروبا حكوا لي عن ورش العمل وحلقات المناقشة والمشاريع التي ينفذها الطلبة

بلدنا حلوة بس احنا اللي وحشين
دلبييرو
26-04-2008, 04:25 PM
ميرسى جدا لمروركو وانا بشكر اللى نقل الموضوع وخلانى اشوفكو وارد عليكو
doctorbloody
28-04-2008, 02:05 AM
يا جماعه الموضوع مش هزار مصر فعلا في حالة انهيار ,,,قريب جدا سوف يتجه كل شيء الى فوضى هدامة.. حالات السرقة بالاكراه في الشوارع تزايدت والشحاتين والمتسولين تضاعفوا بشكل رهيب حتى اني فكرت باقتناء سلاح ادافع في عن نفسي !!!
شريحة كبيرة من المصريين كانت عايشة على حافة الحياة دلوقت الفقر بيهدد حياتهم
ثورة الجياع قادمة لا محالة و اذا بدأت لن تنتهي الا بالخراب الكامل !
pinkyman
28-04-2008, 01:54 PM
ثووووووووووووووووووورة تطيح بكل الكفره الكلاب


ثورة الجيااااااااااااااااااااااااااااااااااااااااع