المساعد الشخصي الرقمي

مشاهدة النسخة كاملة : سؤال عن وصلة Av Psp Slim

مصطفي قندهار
22-04-2008, 11:03 PM
لو سمحت هو فيه وصلة الاوديو والفيديو الخاصة بالبلاي استيشن المحمول Psp Slim


فين بتتباع في مصر وثمنها كام .....

وياريت لو في محلات للبلاي استيشن المحمول بالمرة ....صيانة وكده يعني تقولولي عليها.


وشكرا ....
Jamaika
24-04-2008, 12:32 PM
بالنسبة لوصلة الPSP بتتباع في راديوشاك ب60 جنيه .. انا لسه شاريها
من شهر بالظبط من هناك
ENG_AEA
26-04-2008, 12:54 AM
شكرا يا غالى على المتابعه
king256
09-05-2008, 01:25 AM
قصدك آني وصلة أخي الكريم ؟؟
يوجد الAV و دي مش هتسمحلك تشغل ألعاب علي التليفزيون مجرد القوائم و الصور و كده
و يوجد الComponent و دي بتسمح بتشغيل ألعاب علي التليفزيون لكن لازم كده كده عشان تعرض ألعاب عالتليفزيون يكون بيدعم progressive scanning
إتأكد الأول عشان متدفعش عالفاضي
swatch2005
07-06-2008, 04:24 PM
ممكن توضح اكتراخى كنج لو سمحت .....
king256
09-06-2008, 08:55 PM
ال psp له نوعين من الوصلات عشان يتوصل بالتليفزيون

الأولي إسمها وصلة AV إختصار audio video و دي اللي هي تلات وصلات واحدة اصفر للفيديو و اتنين للصوت واحدة ابيض و التانية احمر ، الوصلة ال av هتمكنك من عرض كل شيء علي التليفزيون لكن الألعاب لا

الوصلة التانية إسمها وصلة component و دي خمس وصلات تلاتة للفيديو و اتنين للصوت ، و دي الوصلة اللي لازم تجيبها لو عايز تعرض الالعاب علي التليفزيون

لكن تذكررررررررررررر التليفزيون نفسه لازم يكون بيدعم خاصية اسمها progressive scanning

لو التلفاز مش بيدعم الخاصية دي يبقي مش هينفع للأسف تعرض العاب علي التليفزيون ايا كانت الوصلة اللي جبتها

الوصلة الcomponent موجودة في game valley في شارع سوريا في المهندسين ب 125 جنيه و شغالة زي الفل