(¯`•.¸ رابــطــة ابـــــنـاء ابـــــطــال اكــــــتـــــوبـر ¸.•´¯)

[رحمتك يا رب]

بسم الله الرحمن الرحيم

رابطه ابناء المحاربين القدماء

http://*****************/_NYSLUhqGTPU/RwQUJKdF_PI/AAAAAAAAAFs/sjvQXf_JNjQ/s320/6_october_1973l7102004.jpg
http://*****************/_NYSLUhqGTPU/RwQUYKdF_QI/AAAAAAAAAF0/g0iz9QOP62k/s320/news.424818

او رابطه ابناء ابطال اكتوبر

ياترى فيه كام عضو هنا والده كان محارب

انا متأكد انه عدد كبير جدا لأن اللى حاربو كانو جيل

وفيه من الجيل ده ناس عايشه ومش بتعرف تقعد على النت

تعالو احنا ناخد آرائهم وقصصهم وحكاويهم ندوّنها هنا

تعالو نحكى قصص اقوى من الافلام اللى لحد دلوقتى ماتعملش فيلم محترم يحكى اللى حصل بالدقه ويكون فيلم ناجح

هتقولى امال الافلام اللى عندنا دى ايه . هقولك ده مش انتاج

والانتاج لازم يكون دولى عشان ده تاريخ

والرئيس مبارك اتكلم فى الموضوع ده قبل كده .. وقال ان الانتاج هيكون دولى .. لكن ماحصلش اى حاجه .. تعالو نصحى الموضوع ده تانى


تعالو نشوف وقت الحرب قالو ايه وبعد الحرب اكتشفو ايه

الجيل ده يا جماعه شاف كتيييير .. تعالو نلحق منهم آخر كلمتين عشان نقولهم للأجيال الجاية

وصدقونى زى ما طلع ناس بتدور على حقوق الاسرى المصريين

اكيد هتطلع ناس تدور على حقوق المحاربين القدماء

والدليل ان فيه اماكن بتحترم المحاربين القدماء زى الاوبرا .. بتعملهم تخفيض على التذاكر

تعالو ندوّن الموضوع ده ونملاه تاريخ وقصص ومواقف وصور

انا عايز اكبر عدد من الاشبال عشان ابدأ فى تصيم اللوجو

[fares_misr]

انا دخلت ابارك لك علي الرابطة الجديدة
بصراحة بابا لم يشارك في حرب أكتوبر لكن عمي شارك في الحرب
اتمني الازدهار لهذه الرابطة الوليدة

[رحمتك يا رب]

انا دخلت ابارك لك علي الرابطة الجديدة
بصراحة بابا لم يشارك في حرب أكتوبر لكن عمي شارك في الحرب
اتمني الازدهار لهذه الرابطة الوليدة



اهلا وسهلا بيك وبمرورك الكريم

الله يبارك فيك .. وانا كمان اتمنى ذلك لكن للاسف لحد دلوقتى مافيش اقبال كفاية زى ما كنت متوقع .. لكن الصبر ان شاء الله

شكرا اخى الفاضل وياريت تعرفنا بنفسك وتشاركنا بآرائك والقصص اللى كان عمك بيحكيهالك

[fares_misr]

اهلا وسهلا بيك وبمرورك الكريم

الله يبارك فيك .. وانا كمان اتمنى ذلك لكن للاسف لحد دلوقتى مافيش اقبال كفاية زى ما كنت متوقع .. لكن الصبر ان شاء الله

شكرا اخى الفاضل وياريت تعرفنا بنفسك وتشاركنا بآرائك والقصص اللى كان عمك بيحكيهالك


انا fares

السن : مابين 22 و23

لا تقلق الأقبال هيزيد علي الرابطة قدام شوية

الأقبال ضعيف دلوقتي لأن أغلب الناس مش بتدخل عالنت كتير علشان الأمتحانات قربت

وبالتوفيق للجميع

[diiesel299]

بجد فكره حلوه اووووووووى وفعلا الناس دى محتاجه تقدير ومحتاجين نعرف هما عملو ايه فى الحرب مع الاسف انا معرفش اى حد فى عيلتنا حارب .
بس كنت عاوز اقولك على حاجه .
(اكيد هتطلع ناس تدور على حقوق المحاربين القدماء

والدليل ان فيه اماكن بتحترم المحاربين القدماء زى الاوبرا .. بتعملهم تخفيض على التذاكر)
بجد الدوله مش بتقدر حد وده اللى انا بشوفو فى كل حاجه ولو اتكلمنا عن المحاربين القدماء انا كنت فى عزبه النخل مره لو تسمع عنها وشفت واحد فاتح كشك شاى وحالتو ربنا اعلم بيها والراجل ده بينام ويقوم وكل حياتو فى كشك الشاى اقل حاجه ممكن تعملها الدوله للراجل ده انها توفر له مستوى معيشى احسن شويه من كده الراجل اكيد عمل كتير عشان منبقاش محتلين للوقت ده لازم يكون فى تقدير واهتمام شويه من الحكومه عشان الناس اللى ضحو بحياتهم عشان البلد.