هـــــــــــــام جـــــــــــــــدا لجـــــــــميع اعضـــــــــاء المنتـــــــــــدى [الأرشيف] - موقع الدي في دي العربي

Miss Batista

07-08-2005, 01:28 AM

.................................

...............................

......................................

......................................

اولا احب ابدأ بــ السلام عليكم و رحمة الله و بركاته

على الرغم من انى عضوة جديدة و متهيألى كلكم عارفين كده كويس اوووى .... لكنى لاحظت شئ مستفز بجد فى اغلبية المواضيع اللى بشارك فيها... و ناس كتير كمان بيضايقها الموضوع ده .

بصوا بقى ............ تعالوا كده اتفرجوا فى اى موضوع على عدد الناس اللى دخلت اتفرجت على الموضوع و كمية الناس اللى كتبت رد ............. هتلاحظوا فرق كبير ... ساعات بيوصل الى اعداد كبيرة دخلوا اتفرجوا و يمكن كمان اخدوا الصووور اللى فى الموضوع و لا ولا رد اتحط و كمان اللى يفرس اكتر بيبقى عدد الردود " صفر " .....!!!!!!!!!!!!!!!!!!!!!!!!!!!!

متهيألى الحكاية دى بتضايق اى حد بيكتب موضوع ................ و اولهم انا .

نصيحة بقى لوجه الله : ادام انتوا خايفين على الكـــــــــى بووورد بتاعتكم تبوظ و لا حبرها يخلص مثلا و مش قادرين تكتبوا و لو حتى كلمة "شكرا " ............يبقى متعملووووش احباط للى كاتب الموضوع و تدخلوا الموضوع من اصله.

عايز تدخل تتفرج على شغل كويس ........... او مواضيع ناس كتباها ......... او صووور ناس حطاها

يا ريت تعبرهم و لو بكلمة شكرا ................. و الله الكلمة دى و لا حرام و لا منكر و مش هتاخد منكم دقيقتين بالكتير ....

اعملوا معروووف و بطلوا الاحباط اللى بيحصلنا ده لما نلاقى زيارات قد كده و كتيييييييييييير و ولا كلمة شكر محطوطة او حتى رأى .

و انا بعبر عن وجهة نظرى الشخصية ...... و بعتذر لو كنت قولت كلام مش ولا بد .

و احترامى للسادة المشرفين على منتدى المصارعة

و شكرا

samir_mantis

07-08-2005, 01:38 AM

والله دي مشكله الكل بيعاني منها
وكويس انك اتكلمتي فيها
بس متهيالي الناس اتعودت خلاص
وايه رايك لو حد دخل في موضوعك ده وقراه
ومردش كمان

walid26

07-08-2005, 01:52 AM

مشكور جدا علي الموضوع
( أنا رديت أهه ) :d

طيب ، إيه في رإيك حل الموضوع ده ؟

Miss Batista

07-08-2005, 01:52 AM

اولا احب يا Samir اشكرك انك تبقى اووول واحد اهتم اصلا من عنوان الموضوع و دخل و شرفنى برد
انا لقيت بجد ان دى مشكلة موجووودة و مزمنة و عاملة احباط و خصوصا ليا .........
حاجة تكسف و تغم اصلا .............شوفت الواقعة السودا اللى احنا فيها :d
و متهيألى بقى اللى يدخل هنا و ميردش كمان يبقى معندووووش ذووووق و لا احترام و مفيش حاجة حمرا اسمها دم
بجد انا متـــــــــــــــــــــــــــــــــــــــغاظة مووووووووووووووووووووووووت
و شكرا ليك مرة تانية

Miss Batista

07-08-2005, 01:54 AM

مشكور جدا علي الموضوع
( أنا رديت أهه ) :d

طيب ، إيه في رإيك حل الموضوع ده ؟

و الله ما عارفة يا وليـــــــــــــــد
على الله لما يقروا يبقى عندهم ذوووق بعد كده و يعبرونا

شكرا على اهتمامك

hokas

07-08-2005, 01:55 AM

ولا تزعلي يا ستي متشكرين على كل الحاجات اللي بعتيها و اللي لسة حتبعتيها
و شكراُ

Miss Batista

07-08-2005, 02:01 AM

ولا تزعلي يا ستي متشكرين على كل الحاجات اللي بعتيها و اللي لسة حتبعتيها
و شكراُ

اولا شكرك على اهتمامك ........ ثانيا انا مش زعلانة :D انا هفرقع بس :5bomb:

Miss Batista

07-08-2005, 02:04 AM

شايفين الاستفزاز برضه :5bomb: ابقوا بصوا و النبى على عدد اللى شافوا الموضوع و عدد اللى ردوا

شكلوا عند بقى :o

عماد عطية

07-08-2005, 02:11 AM

فعلا يا أمنية الموضوع دة يرهق مثلا موضوعي بتاع مسابقة اللقب المجاني . عدد الزوار بيتهيئلي أكتر من عدد المشاركين بالموضوع وكمان في كتير من المواضيع ردودها صفر فعلا ولكن نبدأ بأنفسنا وعايزك تردي علي كل مواضيعي ولو مردتيش هكلم باتيستا يفك الخطوبة بتاعتكم :cool: ويروح يجوز تريش إستراتش :D :D

ososh20

07-08-2005, 02:15 AM

والله عندك حق بس بيستهيئلى المفروض اللى يعمل حاجه ميستناش الشكر طبعا الشكر حيشجعه زياده و حيحسسه ان حد مقدر مجهوده بس لو حط فى دماغه من الاول انها خدمه للمنتدى مش حيزعل

Miss Batista

07-08-2005, 02:22 AM

اولا شكرا يا عماد انت و Oshosh على اهتمامكوا

عمــــــــــــــــاد : كله الا باتيستا انا فى عرضك :D و بعدين يا باشا انت تؤمر و احنا ننفذ .........و انا بشارك فى كل المواضيع اللى بدخلها ......... مع انى مش بدخل مواضيع كتيييير .

Oshosh : اولا يشرفنى انك هنا فى موضوعى و ان شاء الله تبقى معرفة خير ... انا مش بقوول ان حد فينا بيعمل و مستنى كلمة شكر .........الله الغنى يا ستى .... احنا بنعمل عشان المنتدى بتاعنا يبقى احسن و احسن على طوووول .... بس برضه كلمة الشكر بيبقى ليها طعم تانى و بتحسس الواحد انه عمل حاجة كويسة عجبت الناس .. انتى اكيييد فهمانى .... بس ابقى قارنى بجد بين عدد الزوار و عدد الردود و هتحسى بحجم المشكلة اللى احنا فيها

و شكرا ليكم

ghanema

07-08-2005, 03:56 AM

شكرا يا امنيه على الموضوع ده مع انى مبهتمش بالحكايه دى

Miss Batista

07-08-2005, 04:04 AM

شكرا يا امنيه على الموضوع ده مع انى مبهتمش بالحكايه دى

انا بقى بيجيلى احباط ................ عارف ليه ؟

عشان بحسسونى انى عاملة حاجة وحشة اووووووووووووووووووى :5headache

ghanema

07-08-2005, 04:50 AM

لا لا خليكى واثقه من نفسك وميهمكيش اى حد

Miss Batista

07-08-2005, 05:00 AM

لا لا خليكى واثقه من نفسك وميهمكيش اى حد

انا واثقة فى نفسى و كل حاجة .............. بس الواحد ميقدرش يعيش من غير ناس

يعنى شووف الاستفزاز كام واحد دخل و قرى الموضوع و مكتبش رد :5bomb: حاجة تنرفز و تغييييييظ و تحرق الدم كمان بالنسبة لى كمان

و شكرا

ghanema

07-08-2005, 05:18 AM

لا ميمكيش الى مبيردش يبقى حاقد على صاحب الموضوع لانه مش عارف يوصل

Rko killer

07-08-2005, 06:26 AM

Eng : Ahmed

07-08-2005, 06:40 AM

dead undertaker

07-08-2005, 09:16 AM

Miss Batista

07-08-2005, 10:11 PM

بسم الله الرحمن الرحيم

انا معكى يا اختى فى هذا الموضوع

ولكن هناك بعض المواضيع لاتخص الشخص الذى يشاهد الموضوع لكنة دخل الموضوع حبا فى الفضول

وبالبلدى يعنى فى ساعات لو الواحد رد بيقى غلس وبيدخل فى اللى ملوش فية

بس انا معاكى بردة ان الواحد يبقى حاطط الموضوع ورافع الملف وحاطط صور وطالع عينة والكل يخش ياخد من غير حتى ولا كلمة

شكر ودة فى حد ذاتة شئ ينرفز جدا

تحيتى

اولا تحياتى انا ليك و شكرا على اهتمامك و ردك.......و انا معاك انه شئ ينرفز .....بس بجد متحاولش تقنعنى ان مثلا 100 غلطوا و دخلوا الموضوع لمجرد الفضووول....احنا لازم يكون عندنا تقديييير للناس اللى بتتعب و تحط صووور دى ......و تكتب فى مواضيع.......انا عارفة انهم مش مستنين حاجة .. بس اكيييد مستنين مننا تشجيييع.......... و انا متفقة معاك فى معظم كلامك لانه منطقى
و شكرا ليك مرة تانية

Miss Batista

07-08-2005, 10:13 PM

انا رديت أهــــــــوة :D :D :D

وعلى فكرة انا يمكن اكتر واحد بيعانى من الموضوع دة

انتى لو شفتى المواضيع بتاعتى فى قسم المالتى ميديا عدد الردود ممكن يكون 10 بس اللى شاف الموضوع ومعلقش عليه ممكن يكون 50 او اكتر تعملى انتى ايه بقا

وشكر على الموضوع الجميل ويا رب الناس تفهم و ............................؟؟؟؟

نورتنى يا باشا .............. و اسمح لى اقولها انا بدالك .......... يا ريت يفهموا و يبقى عندهم ذوووق و يقدرووونا شوية :D انا عارفة ان فى كلام تانى مكتوووم جوايا :D بس بجد انا عاملة للمنتدى الجميييل ده احترام

و شكرا ليك

Miss Batista

07-08-2005, 10:18 PM

أعترف لكى بالسبق الجامد فى هذا الموضوع
والموضوع كان لازم المشرفين يشوفوا حل له
و ممكن يكون الحل اللى انت قولتيه قبل كدة ان لازم العضو يرد علشان يظهر المحتوى دة حل حلو , لكن إزاى العضو هيعرف الموضوع بيتكلم عن إيه !!!!!!!1
لإن هناك مواضيع كتيرة أصحابها بيرفعوا الماتش و يسموا الموضوع ماتش جامد ..ادخل و مش هتندم ..
و فى الاخر يطلع الماتش عندى أو وحش مش مستاهل
و شكرا على فتح الحوار الساخن ده

برضه كلامك منطقى جدا .......... و ده فتح كمان مشكلة تانية ............ ان لازم المواضيع تكون باينة من عنواينها ........... لان العنوان يدل على المضمووون ....... مش زى الاخ زبادى و لا مش عارفة اسمه ايه كده .......كاتب موضوع بعنوان باتيستا و صوره و هو صغير و فى الاخر نفتح نلاقى حديقة حيوانات

دى بجد مسخرة ....... و عدم احترام للمصارع ده و لا حتى للاعضاء و لا كمان الناس اللى بتحبه
و انا اهه و فى موضوعى بطالب برضه بحذف موضوع زبادى ده ..... لانه بجد عار على المنتدى
عايز يكتب موضوع ....يبقى يكتب موضوع يفيد ........ و لو عايز يهرج فى اسلوب احسن من كده و مؤدب اكتر من كده

و اشكرك يا باشا على المرور و الرد كمان و بجد نورتنى و شرفتنى

death joker

07-08-2005, 11:14 PM

بالفعل يا أمنية أنتى عندك حق ولازم نلاقى حل لهذا الموضوع .

samir_mantis

08-08-2005, 03:13 AM

ممكن نشيل عدد اللي قروا الموضوع ونخلص
ممكن ده يكون حل

ahmedalsid20

08-08-2005, 03:17 AM

اخيرا حد عرف يقول الكلمة الصح

Miss Batista

08-08-2005, 03:45 AM

يا جماعة انتوا مش حاسين بحجم المشكلة اللى احنا فيها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا و الله ما بهرج ......... انا بتكلم جد و جد الجد كمان

عايزين حلول و اقتراحات بقى :D
اتحفـــــــــــــــــــــــونى يا احلى اعضاء و احلى منتدى ;)

و بحب الفت نظركم للمشكلة اللى عرضها Dead Undertaker و اللى هى ان الناس لازم تبين مضموووووون الموضوع من خلال عنوانه :)
و لا انتوا ايه رأيكم :cool:

mm110575

10-08-2005, 01:24 AM

يا سلام عليك يا باشا

Miss Batista

10-08-2005, 02:17 AM

ايوة يابنى مش اى حد ...............

بس مقولتش رأيك ؟؟؟؟؟؟؟؟؟؟؟؟؟؟؟؟؟

ghanema

10-08-2005, 02:46 AM

بس برده رائى انا ان الموضوع ده مش مهم

bad_boys

10-08-2005, 04:16 AM

انا في راي ان الموضوع يترد عليه لو ليه اهكيه

mizogel

10-08-2005, 04:47 AM

يا جماعة معلش هنعمل أيه بس!!!!!!!!أنا مثلا عملت موضوع هتلاقوه لينك ليه في توقيعي و تعبت موووووووووووووت في رفع الحاجات اللي فيه مع أني معنديش دي أس أل و هتلاقوه الردود متجيش عشرين مع أن اللي دخلوه ممكن يكونوا 500!!!!!تخيلوا,بس معلش,هنعمل أيه, و الله اللي بيخليني أكمل العشرين اللي ردوا :D :D

R O M I O

10-08-2005, 12:19 PM

ولله انا كمان جربت نار الموضوع ده كان عندى موضوع عدد الزياريات 58 والى ردو 2 هههههههههههههه بس هاعمل ايه

Jeff Hardy

10-08-2005, 12:33 PM

والله يا أمنيه ليكي وجه نظر صح أشكرك عليها بس نعمل أيه في ناس بتدخل تاخد اللي هيا عجبهم ولا يعبروا اللي عملوا الموضوع خالص وراح تعبه :)

samir_mantis

10-08-2005, 02:34 PM

ياخونا انا برده كانت تواجهني المشكله دي
وكان لما محدش يرد الموضوع ينزل خالص في اخر الصفحه
ومحدش يقوم معبره طبعا
اقوم انا داخل عيه ورادد علي نفسي
عشان يطلع فوق تاني
وبكده بحس ان فيه ردود

وهقولكم حاجه عمنا الكبير بتاع المنتدي قالهالي استاذ وليـــــــــــــد
لو ليك اسم في المنتدي والناس بتحبك
هتلاقيهم بيدورا علي موضوعك عشان يردوا عليك
يارب كلنا نوصل للمرحله دي

Miss Batista

10-08-2005, 02:52 PM

كلامك صح .....................

بس برضه ميمنعش ان الناس ترد .......... و تقوول رأيها حتى لو كان وحش

ده رأيى و انا متمسكة بيه :cool: و طبعا محترمة وجهة نظر كل واحد فيكم

لان فى ناس زى Mizogel كده يتعمل للـ 20 اللى ردوا .......... و منكرش انى منهم

بس هو عشان كان موضوع غايظنى قوولت اعرضه عليكم و اسمع وجهة نظركم

و كمان اصلا الموضوع مينفعش فيه تحيز لحاجة ........ ردوا او مردووش هنكتب مواضيع :D عافية بقى

و نورتووونى و شكرا ليكم

egyptian mams

10-08-2005, 04:29 PM

أنا عندي فكرة يمكن تنفع بس المشكلة ان الفكرة دي ليها ضحايا . و أول ضحية هو السيرفي بتاع المنتدي
الفكرة باختصار انه يضاف عداد في لوحة تحكم كل عضو بحيث يعرف عدد المواضيع اللي زارها و بالطبع عداد المشاركات و تكون فيه نسبة و لتكن 50% أي حد حتكون نسبة المشاركات الي نسبة الزيارات أقل من هذه النسبة يتم ايقافه لمدة يومان فقط و طبعا بعد الايقاف يعود العدادان لحلة الصفر و هكذاد
و يكون هناك يوم ثابت تفحص فيه هذه النسبة كل أسبوع يعني نقول يوم السبت . بس طبعا المشرفين حيطلع عينهم في مراجعة النسبة لكل الاعضاء و دة ممكن التغلب عليه بجعل العملية أوتوماتيكية يعني المشرفين ملهومش دعوة انما حيكون في برنامج ( وأطلب من أحد مبرمجي الموقع مثل الاستاذ أحمد كتابته) علي السيرفر بيقوم بحساب النسبة أول بأول و القيام بالايقاف و الغاء الايقاف بعد يومين
طبعا فكرة ممتازة بس زي ما قلت فيها عيوب
و أهما ان السيرفر حيطلع عينه في الموضوع دة و اننا حنحتاج داتابيز جديدة للنسبة أو نفتح عمود جديد في الداتا بيز الاصلية بتاعة الاعضاء
بس ميزة الفكرة أن الكل حيبقي مجبر علي المشاركة عشان ميتوقفش و ميتزنقش في آخر الاسبوع . دة غير ان الادارة ممكن تاخد متوسط النسبة دي كاحدي المعطيات عند اختيار مشرفين جدد

بس فيه حاجة مهمة . اذا قررتوا انكو تمشوا الفكرة دي لازم تدوني خبر قبلها
ليه

طبعا عشان ابتدي أشارك . و لا عايزيني أتوقف
هاهاهاهاهاهاهاهاهاهاهاهاهاهاهاهاهاهاهاها

Miss Batista

10-08-2005, 05:44 PM

هههههههههههههههههههههههههههههههههههههههههههههههههه هه
اكيد يا باشا انت اخر واحد هنقوله طبعا :p
بس المهم بقى المشرفين يعدوا كده و يشوفوا اللى انت كتبته .... او حد يديهم فلاشر ان فى حل هنا ....و ممكن كمان يحطوا الحل ده فى دماغهم و هما بيجددوا فى المنتدى ده لو كانوا ناووين على تجديد......... فيا egyptian mams حاول تقوول لحد من المشرفين .... و اقنعهم ...
بس برضه احنا كده هنبقى بنجبر الناس انها ترد ......... احنا بنتكلم عن ان الرد بتاعهم يبقى طالع من قلبهم مش مجبرين ان هما يعملوا كده

انا قولت فكرة فى موضوع تانى قبل كده و هو ان مضمووون الموضوع ميظهرش غير لما العضو يكتب رد .... ده لو كان اصلا عايز يشووف الموضوع و يهمه بجد انه يشوفه .... مش داخل مجرد فضوول زى ما اتقال قبل كده ..
و لو فعلا عايزين حل يبقى على ايد المشرفين .... عشان كل واحد فينا هيقعد يقوول حل و فى الاخر الامر فى ايديهم هما مش احنا :D احنا ايدينا فاضية :DD:D

و ميرسى ليك على رأيك و حلك الحلو ده ;) و عايزينك تنورنا على طووول كده .........جوابات بقى :D

mizogel

10-08-2005, 07:04 PM

هههههههههههههههههههههههههههههههههههههههههههههههههه هه
بس برضه احنا كده هنبقى بنجبر الناس انها ترد ......... احنا بنتكلم عن ان الرد بتاعهم يبقى طالع من قلبهم مش مجبرين ان هما يعملوا كده

:D
دا نفس اللي أنا بقوله و مقتنع بيه 100 في ال100 و يمكن دا اللي مخليني أكمل و أنا عندي أن واحد يرد و يشكرني من قلبه أحسن من ألف واحد يبقوا مجبرين أنهم يشكروني عشان النظام كدا....صح الكلام؟؟؟و بعدين بصي بقا,الموضوع دا أتفتح 10000000000000 مرة و مرة من المرات الموضوع ولع و المشرفين دخلوا و شرحوا لينا و أقنعونا و عشان كدا ما أعتقدش أن أي مشرف هيدخل يتكلم حتى في الموضوع دا :D هيفضلوا بس يتابعوه من بعيد لبعيد.فالحل الوحيد للي أحنا فيه أنه ملوش حل :D يعني نتقبل الوضع اللي أحنا فيه و زي ما قولت موضوعي اللي عامله ألف و مئة شخص بالتمام و الكمال دخلوه بس الردود 60 أنا نصهم :p و مع ذلك مش زعلان,عارفة ليه؟؟عشان التلاتين واحداللي ردوا ردوا بمزاجهم محدش أجبرهم و كان ممكن ينضموا للألف اللي مردوش و لا عبروني حتى بكلمة شكرا بس هما عشان حسوا بتعبي ردوا و دا معناه كبير أوي أوي عندي أن في و لو شخص قدر مجهودي مع أني زي ما قولت تعبت جدا في الموضوع و لولا حبي للمنتدى و أعضاءه اللي 100 فل و عشرة :) عمري ما كنت كلفت نفسي و عملت موضوع زي دا. و أرجع و أقول تاني يا ريت نخلي الحال زي ما هو لأن عمرنا ما نقدر نجبر واحد يعمل حاجة مش عايزها و عمرنا ما هنحس بطعم اللي تعبنا فيه لو كل الردود كانت من نوع "مشكوووووووووور" "thanxxxxxxxxxxx" و كمان عارفين أن صحابها مضطرين يعملوا كدا. يا ريت يكون كلامي ليه فايدة و تحية كبيرة لكل الناس اللي صابرة زي و أجرهم أنشاء الله عند ربنا :) :) :)

Miss Batista

10-08-2005, 07:41 PM

على فكرة كلامك صح ......................... احنا مش مستنين من حد كلمة شكر ..... كفايا علينا الناس اللى بنحبهم و يحبووونا :cool: ............. دول عندى بالدنيا اصلا :5bowtie: .................. و ردهم كمان بيبقى غالى على الواحد اووووى :rolleyes: ..

نداء بقى ................ اى حد بيحب حد ميتردتش انه يدخل و يقوله شكرا ............ عشان انت كده بترفع من روحه المعنوية.............و اكيد احنا بنبقى مستنين رد اللى بنحبهم و مشاركتهم فى موضوعنا. :5bouncy: ............

و متهيألى كده خلص الكلام ؟؟؟؟؟؟؟؟؟؟؟؟؟ و لا فى حد عايز يقوووول كلام تانى ؟؟؟؟؟؟؟؟؟؟؟؟؟؟؟؟؟؟

على العموم انا راضية بنصيبى :D انا كنت عارفة ايه اللى هيحصل من الاول :5headache ........... بس مجرد انى فشيييت غللى هنا :D و سمعت ارائكم الجمييييييييييييلة دى :cool: .................
ربنا ما يحرمنا منكم :D
و شكرا لكل من شارك برأيه :5bowtie: ............. او حل للمشكلة المزمنة الغير منتهية دى :D ازليه يعنى :D

و لو فى حد عايز يقوول حاجة تانى انا موجودة :rolleyes:

شكرا مرة تانية :5flowerfa

™AlprincE_B@seM

10-08-2005, 09:45 PM

مشكورة للفت الأنظار لهذة المشكلة العويصة ......... بس مفيش حل غير ان اللى يخش اى مشاركة لازم يرد عليها

Miss Batista

10-08-2005, 09:50 PM

المفروووض يا برنس ..................بس نعمل ايه

لا حياة لمن تنادى ..........................و لا انا بتكلم غلط :cool:

egyptian mams

10-08-2005, 11:27 PM

الأخ mizogel اسلوب الثواب و العقاب معا دة أسلوب الحياة في الكون . و دة لان اللي واضعه هو خالق الكون بس و الا كان ربنا خلي الصالحين يدخلو الجنة و الفاسدين يفضلوا في الدنيا
لكن لأ الفاسدين لازم يتعاقبوه و يخشوا النار
و لو تلاحظ كل حاجة في الكون و الحياة البشرية مشاية علي المبدأ دة

يبقي لما أدي اللي بيتعب حقه في كلمة شكر مبآش غلطان . ثم لو الواحد لقي نفسه كدة كدة حيكتب رد أكيد حيكتب رد كويس

و انا قولت أن يكون فيه نسبة يعني لو دخل علي 30 موضوع في اليوم حيبقي مجبر يرد في 15 بس و نظرا لانه هو اللي بيختار المواضيع فأكيد حتكون مواضيع تهمه و أكيد حيلاقي فيها 15 يستاهلوا الرد و لا ايه
يبقي بجبره انه يعمل اللي عليه مش يعمل حاجة فوق طاقته

و اني اعاقب اللي مينفذش هذا دة مش غلط و لا يقلل من الاعمال الموجودة . لاني زي ما قلت وجودى عقاب لعدم عمل أعمال لابد من القيام بها شيء طبعي . خاصة أن 99% من مواضيع المنتدي الاصلية تستحق الاشادة

أخي انه مبدأ الهي . فأعلم أن الامور ستكون أفضل به
حتي لو بدأ البعض بكتابة ( مشكووووووووووووووووووور) كما ذكرت فان هذا لن يستمر طويلا بل مع الوقت هو نفسه حيمل و يبدأ في المشاركات الحقيقية حتي يشعر بمتعة المشاركة

حتي لو البعض ترك المنتدي فدة أحسن لان واحد مكسل يكتب كلمة شكر متتوقعش منه انه يكتب مواضيع كاملة
لاحظ هنا أني قلت النسبة بين المشاركات و المواضيع التي تم المرور عليها أي أن من لم يدخل المنتدي ( لأي ظروف ) لن تطبق عليهم هذه العقوبات

و السلام عليكم ورحمة الله و بركاته
أخوكم في الله
محمد سليمان

Miss Batista

11-08-2005, 12:19 AM

كلامك حلووو ............................... كنت فين من زمان

egyptian mams

11-08-2005, 10:57 AM

علي فكرة أنا كل الكلام اللي قلته كان في جانب العقاب لكن جانب الثواب في الفكرة دي
أول حاجة يقوم أحد المشرفين بفتح موضوع جديد و مثبت بالمنتدي الرئيسي للمصارعة و يكون اسمه ترشيح أكثر عضو محبوب و يتم اعادة فتحه كل شهر بحيث يكون في بداية كل شهر يبقي خالي من المشاركات و حشرح ليه بعد شوية
مش من حق أي حد يرشح أي عضو الا الاعضاء اللي كتبوا مواضيع جديد و يرشح عضو عن كل موضوع
يعني أنا كتبت 5 مواضيع جديدة : يبقي أدخل أشارك في موضوع الترشيح 5 مرات و أكتب اني برشح عن موضوع ( ................اسم الموضوع اللي كتبته ) العضو فلان و طبعا العضو اللي حرشحه حيكون أكثر عضو مشاركة معي في موضوعي في أول أسبوع له . و من حقي أرشح عضو أكثر من مرة عن أكثر من موضوع بس مش من حقي ترشيح أكثر من عضو عن موضوع واحد و من حق المشرف انه يشطب ترشيحي اذا دخل الموضوع و لقي ان فيه ناس تجاوبت مع الموضوع بتاعي اكثر من العضو المرشح ( يعني الترشيح كان كوسة و في محابة يعني رشحني و ارشحك )
المهم كل مرة بيتم ترشيح عضو بياخد نقطة و في نهاية كل شهر العضو صاحب أكثر عدد من النقط بيحصل علي لقب العضو المحبوب في منتدي المصارعة و طبعا حيحتفظ باللقب لمدة شهر و طبعا فور نهاية الشهر حيتم شطب كل الترشيحات من الموضوع الرئيسي بتاع المشرف عشان نبدأ الشهر الجديد علي نظافة
في حالة اخلال أي عضو بالشروط لأول مرة يحرم من الترشيح طوال الشهر لو كان الاخلال في النصف الاول من الشهر و يحرم شهر اضافي لو كان في النصف الثاني منه و في حالة الاخلال بالشروط أكثر من مرة يحق للمشرف اتخاذ أي عقاب رادع نحو هذا العضو و في الحالتين يشطب ترشيحه و الشروط كما يلي
1 - لا يحق الترشيح الا للاعضاء أصحاب مواضيع جديدة و لكن ان يتم ترشيحك لا يوجد له شروط الا مشاركة زميلك العضو صاحب الموضوع في موضوعه
2 - لا يحق للعضو صاحب الحق في الترشيح أن يرشح أكثر من شخص واحد عن كل موضوع
3 - من حق العضو أن يرشح أكثر من مرة بشرط أن تكون الترشيحات بمعدل مرشح لكل موضوع
4 - هام جدا : علي كل عضو كتابة ووضع لينك للموضوع الذي كتبه و الذي يعطيه الحق في الترشيح و يجب عليه كتابة اسم الموضوع ووضع اللينك معا
5 - موضوعات الاستفسارات و الطلبات لا تعطي العضو الحق في الترشيح
6 - من حق حق المشرف الغاء اي ترشيح مع احتفاظه بسبب الالغاء و ذلك للظروف الخاصة ( التي ستذكر لاحقا )
7 - لا يحق للمشرف اتخاذ عقوبة بخلاف الغاء لمشاركة الا بعد ابداء سببها

الظروف الخاصة : وهي كثيرة منها علي سبيل المثال ان المرشح يشارك كثيرا دون رفع لمستوي الموضوع مثل مشاركة مشكووووووووووووووووووووور أو انه يكرر من كلامه في أكثر من مشاركة أو أن المرشح موقوف أو أن عملية الترشيح تشوبها محابة و ما الي ذلك من الاسباب التي تلغي السبب الرئيسي الذي تم عمل الفكرة له
ملحوظة : هذه الفكرة فكرة مبدئية أي انني سأفكر في تطير لها لتصحيح مواضع الضعف التي سأجدها بها لذا ارجوا من الجميع ابداء اي اقتراح قد يؤدي لزيادة فاعليتها أو ان يقوم بتوضيح أي نقاط ضعف يجدها بها لتصحيحها

هذا و بالله التوفيق
و السلام عليكم و رحمة الله و بركاته
أخوكم في الله
محمد سليمان

penguin

11-08-2005, 05:51 PM

أنا لم أغفل عن الاشادة بأي أحد صاحب مجهود في المنتدى و أتمنى أن يفعل الجميع ذلك

Miss Batista

11-08-2005, 10:39 PM

محمد :D كلامك كبيييير :D شبه فاهمة :D بس مش مستوعبة :D

و على حسب اللى فهمته ..................... دى حاجة برضه فى ايد المشرفييين .............. و لازم حد يقووول للمشرفين يدخلوا هنا ................. عشان على الاقل يشوفوا الاقتراحات دى و يدونا رأيهم

و شكرا ليييييك :5flowerfa

Mohammed Lotfy

11-08-2005, 10:55 PM

للآسف فعلا فى ناس كتير أوى مش بتقدر المجهود إيلي بيعملوا الواحد فى الموضوع
و ده أوحش أحساس فعلا لكاتب الموضوع
و لكن لا نستطيع قول أى شئ غير
ربنا يهدى الجميع

عاصم دراز

12-08-2005, 12:34 AM

شكرا" ميس باتيستا قصدى يا امنية وانا فعلا" الموضوع ده بيزعجنى لفوق ما تتصورى والمفروض نشوف حل وانا ليا

اقتراحين وسبق اقترحت احهما على استاذى وليد وهما

1- اضافة هاك الأخفاء يعنى الموضوع اللى هتكتبه تظهر بعضه واهمه تخفيه بهاك الأخفاء ومعظم المواقع بتعمل كده

2-ان يكون هناك مراقبين علشان اللى بيردوا ردود سخيفة زى thanks & مشكوور والحاجات الهبلة دى ويكون فى

قائمات انذارات

3- دى مسابقة هنعملها بس مفاجاة وما قدرش اقولها وهى كفيلة تخلى كل الأعضاء يشاركوا لنيل اللقب؟؟؟؟

احب اقول ان الأخ وليد قالى صعوبة تنفيذ الأقتراح الأول فى منتدانا وانا تفهمت وجهة نظره

Miss Batista

12-08-2005, 01:11 AM

انا عارفة المفاجأة ............................و بأيد الاقتراح الثالث :d

ghanema

12-08-2005, 01:46 AM

انا بايد برده الاقتراح التات بس مش عارف الماجاة

R O M I O

12-08-2005, 01:54 AM

انا بأيد الاقتراح التالت

samir_mantis

12-08-2005, 01:58 AM

انا ارشح الفكره التالته مع اني لسه معرفتهاش
بس شكلها خطير

Miss Batista

12-08-2005, 02:08 AM

و انا بضم صوتى لصوتكم يا رداااااااالة ..........................و حد يقووول للمشرفين يدخلوا هنا :D

R O M I O

12-08-2005, 06:14 AM

هى بقت الردااااله دلوقتى هههههههههههههههه يلا انا بأيد الاقتراح التالت بس انا عايز اعرف ايه هى المفجأه

R O M I O

12-08-2005, 06:15 AM

هى بقت الردااااله دلوقتى هههههههههههههههه يلا انا بأيد الاقتراح التالت بس انا عايز اعرف ايه هى المفجأه

Miss Batista

12-08-2005, 03:03 PM

مش هقولكم :p و حد يقوووووووووووووول للمشرفين يدخلوا هنا :D اتحركوا

Miss Batista

15-08-2005, 03:07 AM

يا جماعة فين المشرفييييييييييييييين !!!!!!!!!!!!!!!!!!!!!!!!!!!!!!!!!!!

صباح الخير !!!!!!!!!!!!!!!!!!!!!!!!!!!!!!!!

عماد عطية

15-08-2005, 06:36 AM

يا جماعة فين المشرفييييييييييييييين !!!!!!!!!!!!!!!!!!!!!!!!!!!!!!!!!!!

صباح الخير !!!!!!!!!!!!!!!!!!!!!!!!!!!!!!!!

يا أمنية بصراحة موضوعك تمام وكل حاجة بس إحنا مش منفضين زي ما الأعضاء بتقول . ولكن إحنا كنا ندرس الموضوع وموضوعات أخري شبيهة للموضوع ومن أجل هذا قررنا أنا والأاخ العزيز ( عاصم دراز ) أن نعمل موضوع مسابقة العضو المثالي وهذة ىستكون عن كل شهر بأمر الله تعالي

أهم شروطها : ردودة فعالة غير كلمة (مشكوووووور) وهذا بالطبع سيقلل من هذة الكلمة . وسيكون مشارك مشاركات إيجابية . أنا رديت أهو في حد عندة أي إستفسار

Miss Batista

15-08-2005, 11:20 PM

لا يا باشا عداك العيب :D

R O M I O

17-08-2005, 05:08 AM

اوكى ياعماد عدك العيب انت كده ميه ميه

mostafasafaa

17-08-2005, 12:29 PM

مشكوررررررررة

dead undertaker

01-09-2005, 11:05 AM

بصراحة إنت إهتميت بموضوع مهم جدا و أكيد المشرفين لازم يلاقو حل بس حكاية إن إحنا نعمل زى المنتديات الهابطة اللى إنت لازم تكتبى الرد علشان تشوف الموضوع لإن منتدانا متميز دائما و بإذن الله كل من يدخل الموضوع ده أكيد مش هيبخل بالرد على الموضوع اللى يشوفه

saksakams

03-09-2005, 01:50 AM

عندك حق ياست امنية واعذريني ان كنت رديت متاخر شوية اوشويتين

zebdeyya

04-09-2005, 04:01 PM

كلامك مضبوط يا باطصطا و أكيد الموضوع ده يفقع الواحد يعنى. الناس داخلة خارجة خارجة داخلة ولا حتى حد يدحرج التماسى و لا شكرا ولا دياولو. أنا أؤيد الثورة بتاعتك دى و انتى فعلا رائدة رهيبة فى زمن لا تتحرك فيه المياه الراكدة. أتمنى لك دوام التوفيق و التقدم و الشموخ و الكبرياء و التألق و التلألؤ و التواضع اللا متناهى فى أوقات الحرب و السلام.
روحى يا شيخة
ربنا يكتر من امثالك.

™T I T O

05-09-2005, 12:52 AM

ايوة فعلا الناس داخله خارجه داخله خارجه من غير حتى اى كلمه حتى ولو السلام عليكم وده فعلا يا جماعه بيدى احباط للواحد لكن لو اى حد دخل الموضوع بتاعه ولقى كلمه شكر بسيطه بيتشجع عشان يعطى المزيد والمزيد وكل ده علشان منتدانا وانا اعلم والجميع يعلم ان فى ناس داخله المنتدى مش علشان تعمل مواضيع ولا تبقى حاجه فى المنتدى وتشارك برايها لا الناس دى بتبقى داخله علشان تحمل الحاجات الا احنا تعبنا على محطناها على المنتدى

اما على الاقتراح اللى هو نخفى محتوى الموضوع انا بأيد الاخ dead undertaker على رايه لان دى فعلا طريقه المنتديات الهابطه

والنهايه وبعد كل الردود دى المفروض اللى يخش اى موضوع يبقى عنده ذوووووووووووق ودم ويضع حتى كلمه شكر بسيطه (الموضوع اكثر من رائع)

Miss Batista

05-09-2005, 02:48 PM

عندكم حق ......... و شكرا على مرور كل من الاتى

***كا : و يا باشا و لا يهمك ... متأخر متأخر....كفايا انك اهتميت اصلا بالموضووع

زبادى : شكرا على مرورك يا باشا و شكرا على ردك و دعوتك دى

منفولطى : عندك حق ان الموضووع بيجيب احباط ........ بس برضه مش هنعمل حكاية المنتديات الهابطة دى عشان احنا مش من المستوى ده

و شكرا ليكم مرة تانية

death under taker

05-09-2005, 03:33 PM

شكراااااااااااااااااااااااااااااا معانى مش فاهم حاجه

death under taker

05-09-2005, 03:44 PM

شكرا على الموضوع مع انى مش فاهم حــــــــــــــــــــــــــــــــــاجه

Miss Batista

05-09-2005, 04:20 PM

و الله دى مشكلتك انت بقى :)

™T I T O

05-09-2005, 08:20 PM

بصى يا ست امنيه انا من رايى ان احنا نسبها لله واللى عنده دم وبيحس المفروض بعد الكلام ده ينكسف على دمه ويرد باى كلمه اوكى

انا منتظر ردك ( (ده اقتراح سهل وبسيط ) (احنا سيبنها على ربنا يا جماعه) )

وبعدين (ان الله لا يضيع اجر من احسن عمله)

ahmedalsid20

06-09-2005, 01:06 PM

ahmedalsid20

06-09-2005, 01:08 PM

جزاكى الله خيرا على موضوعك وطريقة تقديمه

Miss Batista

06-09-2005, 01:49 PM

ميرسى يا منفوطى انت و احمد السيد على اهتمامكم بالموضووع

و عندك حق يا منفلوطى احنا سايبنها على ربنا .........انا حتى بعد ما عملت الموضوع ده محدش بقى عنده دم و رد :) عادى يعنى :) كله بثوابه :)

و شكرا

™T I T O

06-09-2005, 07:35 PM

ايوة كده كبرى دماغك ومتحرأيش فى دمك اكتر من كده

Miss Batista

06-09-2005, 10:05 PM

ايوة كده كبرى دماغك ومتحرأيش فى دمك اكتر من كده

ما هو مش انا لوحدى اللى بيتحرق فى دمه :D عادى يعنى :D كلنا اخوات فى بعضينا :D

شكرا يا منفلوووووووووطى :5flowerfa

عماد عطية

06-09-2005, 10:13 PM

الله هي فين الصور . انتم قلبتوها شات ولا اية :D

shahmedzaki

06-09-2005, 10:28 PM

فعلا معاكي حق انا سعات اكتب مواضيع وملاقيش فيها الا ردين او ثلاثة فقط ورغم اني مشفتش ولا موضوع من مواضيعك اصل انا مش متابع قسم الجرافيك كثير واللة اعلم مواضيعك في انة منتدى بالضبط بس ولا يهمك قليلي انتي بس مواضيعك فين وان ارد عالطول
ومعاكي حق في الكلام اللي انتي بتقولية
وشكرا جدا لكي على الموضوع المحفز دة ..

Miss Batista

07-09-2005, 12:52 AM

اولا يا عماد صوووور ايه !!!!!!!!!!!!!!!!!!هو ده موضووووع صووور !!!!!!!!!!!!!!!!

و بالنسبة ليك يا احمد ..........انا بشكرك الاول على مرورك ......... و ردك و اشتراكك معانا برأيك فى الموضووع ده ............... و ثانيا انا كل مواضيعى هنا فى قسم الجرافيكس .............. انا اصلا مولودة هنا :) و عمرى ما هطلع من هنا

ده ده القسم اللى كبرنى يا باشا و مش معقوول اطلع منه ابدا

و شكرا ليك مرة تانية

™T I T O

07-09-2005, 03:14 AM

يعنى انا يا ست امنيه عامل مكتبه وممفيش حد اساسا دخل اتفرج على الصور والسبب الاستاذ كانجروا اللى شغال زى النحله عشان ياخد مشاركات كتير وطبعا اى موضوع تانى يروح فى الصفحه التانيه

قوللى اعمل ايه لمل تبقى اول مكتبه صور ليا ومفيش ولا رد انا جالى احباط الصراحه

ايه رايك

Miss Batista

07-09-2005, 07:52 PM

انت شفت بنفسك ........... انا عملت موضووع و وجهت له كلام ........... و يا ريت يعمل بيه

كل اللى انت تعمله انك ترووح هناك فى موضووعك و ترد على نفسك عشان الموضووع يرجع تانى فى الصفحة الاولى ........ و ربنا يوفقك ...............و انا كمان هرووووح هناك و اتفرج و اقولك رأيى هناك

بس :)

عماد عطية

08-01-2006, 09:10 PM

تم تثبيت الموضوع مع أنة قديم ولكن .... أعجبتني فكرة تثبيتة الأن

ASER Conan

08-01-2006, 09:48 PM

معلش سؤال
اشمعنى يا عمده؟؟

عماد عطية

08-01-2006, 09:52 PM

.... لأن الموضوع جاء وقتة يا أسر ... ولكي نتناقش هنا ويجب علينا فورا حل هذة المأساة .. أسف فعلا ماساة

وهي الردود الغير إيجابية وقلة الزيارت أيضا !!

ahmosa_angel

08-01-2006, 09:57 PM

3aned 7ak ya 7aga batista

ghanema

08-01-2006, 10:46 PM

ماشى يا عماد باشا الى تشوفه صح يبقى صح

عماد عطية

08-01-2006, 10:50 PM

ماشي بس لازم نحل قلة الزيارت ونحن في كبري المنتديات للمصارعة

™Hessein

09-01-2006, 12:01 AM

أولا شكرا ليكي يا أستاذه أمنيه على الموضوع لكن.......................!

لو هناك موضوع جامد وقوي ويستحق أعتقد أن كل واحد هيخش هيشارك فيه ومش بعيد يبلط فيها .
لكن لو موضوع أي كلام أو نص كم أعتقد أن ممكن يخش يشوفه ويوفر الرد للموضوع اللي بعده .
صح ولا لأ ؟

™M@Gic

09-01-2006, 12:24 AM

مشكورة جدا اختي العزيزة على طرح الموضوع
والله عندك حق بس بيستهيئلى المفروض اللى يعمل حاجه ميستناش الشكر طبعا الشكر حيشجعه زياده و حيحسسه ان حد مقدر مجهوده بس لو حط فى دماغه من الاول انها خدمه للمنتدى مش حيزعل

ASER Conan

09-01-2006, 12:33 AM

ما هي دي مشكله بصراحه ملهاش حل ازاي انا ممكن أجبر عضو على الرد و ازاي لو ما ردش اعاقبه

™Hessein

09-01-2006, 12:48 AM

والله كان فيه خاصيه لا أعرف أذا كانت متوفره هنا أم لا وهي لزوم اضافه الرد لظهور الموضوع .

mohammed ebbs

09-01-2006, 02:57 AM

شكرا ليكي علي الموضوع و هي فعلا حاجه تنرفز لكن للاسف مفيش حل عملي ليها.

ososh20

09-01-2006, 03:02 AM

والله كان فيه خاصيه لا أعرف أذا كانت متوفره هنا أم لا وهي لزوم اضافه الرد لظهور الموضوع .
هى مستخدمه بكثره فى منتديات كتير بس بجد مش مجامله من اكتر الحاجات اللى خلتنى احترم وليد واتأكد انو راجل محترم انو رفض تنفيذ الفكره دى
كده العمليه حتبقى نفاق انا ححط رد وخلاص عشان اشوف الموضوع افرد معجبنيش او وصلة مثلا طلعت غلط وحيبقى الموضوع فيه ردود كتير حتى لو ملوش لازمه

R O M I O

09-01-2006, 08:56 PM

السلام عليكم

احب اشكركم على الموضوع الجميل ده

احب اقول ان الموضوع ده محير جداااااااااااااااااااااااااااااا

لانه بيضايق الناس كلها والصراحه الواحد مش عارف حله ايه

انا عن نفسى بضايق من حكايه اننا نحط الرد عشان الموضوع يظهر
لانه كده هايبقى نفاق لان كل واحد هايرد ويقول مشكور والله ينور على حاجه هو مشفهاش اساسا
طب ولو الينك مش شغال مثلا الصوره مش حلوه اوالموضوع بايظ من اساسو يبقى كلو هايرد ويقول شكرا على الهوا
احنا عايزين رد عن اقناع ان صاحب الموضوع ده يستحق انك تقولو ولو كلمه الله ينور على الاقل تشجعو انو يستمر فى نشاطه

انا بيتهيالى اننا لازم دلوقتى وفى الموضوع ده نلقى حل للى بيحصل ده لان فى موضيع اتكتبت قبل كده زمان عن نفس الكلام ده ومفيش حاجه بتحصل ويبقى الوضع كما هو عليه

لازم من المشرفين يلاقو حل

وللهى انا مش عارف دلوقتى الحل هايبقى ايه بس اكيد كل مشكله وليها حل
وانا برجو من المشرفين انهم ميقفلوش الموضوع الا لما يبقى فى حل

وشكرا ليكى يا امنيه انك فتحتى الموضوع ده من جديد

ورجاء من الاستاذ وليد والاستاذ عماد يشوفلنا حل

وهاستنى الردود ان شاء الله

واخراا وليس الاخر كل عام وانتم بخير

مع تحيات اخوكم رامى

:icon2600: :icon2600: :icon2600: :icon2600: :icon2600: :icon2600: :icon2600:

drabdoxp2002

10-01-2006, 01:38 AM

انا عن نفسي شايف ياجماعة ان الواحد مش بيرضي يقول كلمة مشكوووووور كده علشان دي ماتسويش العمل بتاعه
ولو قال الكلمة دي هاتشكوا ان الواحد بيرد علشان يكسب عدد مشاركة وبس
بس وحياتكوا تشوفوا كده مشترك فى المنتدي ده من سنة 2004 وعلى الرغم من كده عدد مشاركاتى 130 بس
لأني شايف ان الموضوع الى يستاهل ارد فيه مش مجرد عايز اكسب مشاركة
والف شكر للجميع

SH@MS

10-01-2006, 02:28 AM

انا مع روميو في كلامه شكرا ومشكور متنفعش لو الوصلات مش شغالة يعني كده بس وممكن العضو يعمل اكتر
من عضوية ويكتب مشكور لنفسه

benoit4real

10-01-2006, 06:46 AM

والله عندك حق فى كل كلمه بس انتى بتنادى فى وادى فاضى يعنى ما اعتقدش انه هيستجيب الا قليل
عامه انا اتمنى ان كل الاعضاء يكونوا ايجابيين ويشاركوا ده يبقى شىء جميل

وشكرا على الموضوع

R O M I O

10-01-2006, 07:14 PM

لا بقى انا مش بنادى فى وادى فاضى وانا مش هاسكت غير لما يحصل حاجه

مليش دعوه انا مش هاسكت

:icon2800: :icon2800: :icon2800:

عماد عطية

11-01-2006, 07:25 AM

لا بقى انا مش بنادى فى وادى فاضى وانا مش هاسكت غير لما يحصل حاجه

مليش دعوه انا مش هاسكت

:icon2800: :icon2800: :icon2800:

شكرا عزيزي روميو لحرصك الشديد للإرتقاء بمنتدي المصارعة . ولكن ماذا نفعل مع أصحاب (( حمل وإجري )) ؟؟؟

هؤلاء بكل امانة لصوص ولكن يدهم خفيفة جدا ... يدخلون ويأخذون كل شيئ سواء كانت اخبار او صور او لينكات لمباريات دون رد .. وإن دخل ورد علي موضوع ما سيقول كلمة واحدة (( مشكوووووور )) لكي ينفضل المولد ولكي يذداد عدد مشاركاتة ولكن !

هل سنفعل مثل باقي المنتديات بوضع هاك (( ضع ردا لتري المخفي )) أنا بالطبع لا ولن ارشح هذا الكلام إطلاقا مطلقا ... فما الذي سنفعلة معهم إذن !!