ايه اكثر حاجة بتحبها فسيارتك ؟؟

[بارون الضلام]

صباح الخير لكل محبي السيارات
كثير مننا بيعشق فعربيتو حاجة محدده بيخليه يشوفها على انها اجمد و حده
انا عن نفسي بعشق صوت التيربو :glasses: خصوصا فالسرعات العالية صوت اجمد من عمر دياب هههههه :glasses:
يا ريت ندردش شوية و نسمع افكاركم
بالتوفيق

[amrgamea]

مش حاجه محدده يا باشا, بس عامة أنا بحب كل عربيتي و بحب أشتغل فيها بإيدي علشان كده دايما إيدي مشحمه....., و الحمد لله الصنايعيه إيدهم قليله في العربيه. أصل أنا واخد بمنطق ما حك ظهرك مثل ظفرك.

[بارون الضلام]

مش حاجه محدده يا باشا, بس عامة أنا بحب كل عربيتي و بحب أشتغل فيها بإيدي علشان كده دايما إيدي مشحمه....., و الحمد لله الصنايعيه إيدهم قليله في العربيه. أصل أنا واخد بمنطق ما حك ظهرك مثل ظفرك.

ربنا يخليهالك يا باشا
كده احسنلك و اريحلك و بيطول من عمر العربية
مرسي على مرورك

[ahmed_su]

مش حاجه محدده يا باشا, بس عامة أنا بحب كل عربيتي و بحب أشتغل فيها بإيدي علشان كده دايما إيدي مشحمه....., و الحمد لله الصنايعيه إيدهم قليله في العربيه. أصل أنا واخد بمنطق ما حك ظهرك مثل ظفرك.

اوافقك الرأى تماما - وخاصة ان اغلب مافيها انى اعمله بنفسى لانى فعلا باحس ماحدش هيخاف عليها ادى - ولما بتكون فيها حاجة محتاجة مكانيكى ومش هقدر عليها بتكون ايدى فى ايديه لانى لو سيبته هيكروت ( هو مش وحش ) بس ده طبع

[***الطيار***]

السلام عليكم يا شباب
احب احيى صاحب الموضوع واقوله انى انا شخصيا بلا عجب اهم حاجه فى عربيتى علب المناديل من غيرها مقدرش اتحرك حركه واحده
وعلشان كده تلاقى فى عربيتى بدل العلبه خمس علب
واحده فى الدرج الامامى
واتنين فى الرف الخلفى دا غير الاكياس الصغير الى فى كل حته فى العربيه
وده كله كوم والى فى شنطه العربيه
مشكور ين
ههههههههههههههههههههههههههههههههههههههههه

[بارون الضلام]

السلام عليكم يا شباب
احب احيى صاحب الموضوع واقوله انى انا شخصيا بلا عجب اهم حاجه فى عربيتى علب المناديل من غيرها مقدرش اتحرك حركه واحده
وعلشان كده تلاقى فى عربيتى بدل العلبه خمس علب
واحده فى الدرج الامامى
واتنين فى الرف الخلفى دا غير الاكياس الصغير الى فى كل حته فى العربيه
وده كله كوم والى فى شنطه العربيه
مشكور ين
ههههههههههههههههههههههههههههههههههههههههه

الله عليك يا باشا
اجمل الاشياء بتبقى ابسطها واغربها
ربنا يخليلك السيارة و علبة المناديل الي فيها هههههههه
يعني لو حد حب يعملك هدية مش حيلاقي احسن من علة مناديل موديل 2008 :1::rofl:

[fox4]

احسن حاجه بحبها فى عربيتى
دا فى حاجتين
الاولى صوت الماتور
التانيه الكانبه الجديده الى مسقطها فى العربيه

[بارون الضلام]

احسن حاجه بحبها فى عربيتى
دا فى حاجتين
الاولى صوت الماتور
التانيه الكانبه الجديده الى مسقطها فى العربيه

اوع تاخد راحتك فالمنبة وتروح نايم هههههههه
مرسي يا باشا على ردك

[بارون الضلام]

اين انتم يا جماعة
مفيش حد عايز يشارك ولا ايه

[tmedhat]

انا بحب عربيتى اولا النها و الحمد لله عمرها ما بهدلتنى فى الشارع
ثانيا عمرها ما كسفتنى و انا بشد مع اى عربية و دايما رافعة راسى الا مع العربيات الفاجرة بس
ثالثا عشرة من سنة 1992 و انا راكبها و جايبها زيرو
محدش حط ايدة فيها من الميكانيكية غير فى اعمال العفشة بس
ناعمة و بحبها و دة كفاية و مش حغيرها غير بنفس النوع انشاء الله

[™ ΛHM€D NΘUH]

احلى حاجه فى العربيه انك تبقا بتحبها

ايا كانت فيها عيوب صدقنى فعلا الواحد لو بيحب عربيته مش بيهمه فيها اى مشاكل او حتى رأى الناس فيها

لكن اللى احبه فعلا فى عربيتى انها تكون مختلفه

تحس انها غريبه من بين كل اللى زيها وممكن يكون الشغل اللى فيها قليل قوى بس مخليها مختلفه فى نظرك

[cerebrum]

صوت الموتور

طلعة العربية

الملفات بسرعة عالية

الكلكس

وأخيراا صوت فرامل Abs

وبصراحة بحب أشوف عربيتي وهي مركونة ومتلمعة

[kingstars11]

احلى حاجه فى عربيتى انى بحافظ عليها و كمان الكاست الى مش بعرف امشى من غيره

[بارون الضلام]

الله عليكم يا جدعان كده الردود ولا بلاش
شكرا على تفاعلكم و ننتضر الاخرين

[ELHDDAD]

فى الاول يا يونس انا بحيك على الموضوع الهايل ده
ثانياً انا لسه لغاية دلوقتى والحمد لله ماجبتش عربيه
( ادعولى بقه )
انما اكتر حاجه بحبها فى اى عربيه هو
... صوت المحرك ...
بعشقه بجد ,,,,,
علشان كده تلاقينى بحب الامبريزا عن الايفو
وبموت فى السكاى لاين القديمه * لسه ماسمعتش صوت الجديده * وطبعا اعتقد ان اغلبكم يعرف انى عاشق متيم بالامريكان ماسيلز برده علشان صوت المحرك
بكرر شكرى مره تانيه ليونس على الموضوع ياباشا

[moutaz_essam]

بصراحه ياجماعه احلي حاجه بحبها في عربيتي انني اشفها محتفظه برونقها وانها تكون مميزه عن غيرها من حيث نظفتها او حالتها الاحلي منكده وانا سايق واعدعلي كرسيهاومستمتع بطاره الديركسيون ومشغل الcdوالتكيف ومستمتع وانا بشد مع عربيه تنيه

[بارون الضلام]

فى الاول يا يونس انا بحيك على الموضوع الهايل ده
ثانياً انا لسه لغاية دلوقتى والحمد لله ماجبتش عربيه
( ادعولى بقه )
انما اكتر حاجه بحبها فى اى عربيه هو
... صوت المحرك ...
بعشقه بجد ,,,,,
علشان كده تلاقينى بحب الامبريزا عن الايفو
وبموت فى السكاى لاين القديمه * لسه ماسمعتش صوت الجديده * وطبعا اعتقد ان اغلبكم يعرف انى عاشق متيم بالامريكان ماسيلز برده علشان صوت المحرك
بكرر شكرى مره تانيه ليونس على الموضوع ياباشا


حاسب يا باشا الموضوع حيولع بمرورك
مرسي جدا على ردك و ان شاء الله تجيب سيارة من سيارات الي بتحبها ليه لا نشوفك راكب شيلبي متوحشة :shutup:
شكرا على تفاعل الجميع

[jono_sakr]

والله انا اكتر حاجه بتعجبنى فى السيارات هى الزحمة .......... بتاعت الموصلات
لأنى معنديش عربية .....

والله انا بقيت مدمن تأخير فى المواصلات "و بقيت بأحس ان اليوم اللى موصلش فيه متاخر بيبقى يوم غلس وملوش طعم "

وده لان التاخير ليه فؤاد كتيره ومنها مثلا لما تتاخر فى المواصلات وتفضل مستنى الميكروباص او الاتوبيس نص ساعه ولا

ساعه ممكن تقابل اصحابك وانت مستنى وتتسلى شويه قبل ما تبدأ يومك فى الجامعة مثلا ..

وشكرا على الموضوع وآسف انى طولت عليكم .

[zika99_eg]

الموتـــــــــــور

[ELHDDAD]

حاسب يا باشا الموضوع حيولع بمرورك
مرسي جدا على ردك و ان شاء الله تجيب سيارة من سيارات الي بتحبها ليه لا نشوفك راكب شيلبي متوحشة :shutup:
شكرا على تفاعل الجميع


يــــاه شيلبى مره واحده
الله يخليك يا يونس ويخلى اهل المغرب كلهم ياباشا

[™ MΘHΛMED SΛED]

انا لو عندى فيرارى اعشق ناقل الركة بتاعها خطيرررررررررر

[بارون الضلام]

انا لو عندى فيرارى اعشق ناقل الركة بتاعها خطيرررررررررر

الفيراري كلها على بعضها بتخوف
بحس كانها سيارة batman مش فاضل غير انك نروح تقتل المجرمين ههههههههههههه
مرسي يا باشا على مرورك
وشكرا على ردود الجميع

[misoalex]

انا لسه مش عارف ايه اكتر حاجه بحبها فى عربيتى لانى لسه جايبها بس اوعدك لما اعرف حقولك

بس عربيتى القديمه كنت بحبها جدا لانها مميزه عن باقى العربيات الى زيها و لحد دلوقتى مميزه ربنا يبارك للى خدها

بس ممكن اقول اكتر حاجه بكرها كمان واكيد كلنا بنكرها لما العربيه تعطل بجد ببقا مخنوق وممكن منمش باليل

[eslam wega]

موضوع جامد من زمان مفيش افكار مواضيع جديده فى القسم
تسلم ايديك


نعومه المتور

الثبات على السرعات

قوه السحب

قوه التكيف

شكلها وتكون وسعه من الداخل

الجنوط

واخير صوت الكسيت

[بارون الضلام]

موضوع جامد من زمان مفيش افكار مواضيع جديده فى القسم
تسلم ايديك


نعومه المتور

الثبات على السرعات

قوه السحب

قوه التكيف

شكلها وتكون وسعه من الداخل

الجنوط

واخير صوت الكسيت

شكرا ليك يا باشا على رايك
باين من كلامك انو عندك سيارة فخمة
ربنا يباركلك فيها و يبعد عنها العين و الحسن:go:

[mody010]

اكتر حاجه بجد مقدرش استغني عنها

صوت الماتور و انت بتعمل كيك داون و انت بتبص لواحد كده شزرا و بتقولو شممها بصله و انت بتعدي منو :jap:

القدره الغير طبيعيه على المناوره

التلاجه الى انا لسه مركبها ب 300 درهم :jap:

شكل العربيه و هي لسه مغسوله و بتلمع

صوت فصله الانجكشين بيخلي دماغي تتكيف

و فرامل ال ABS

و طبعا تكييفها التلاجة

و فتحه السقف و انا معايا ازاه ديو مشبره و مولع سجاره و ماشى على مهلي كده

يااااااااااااااااااااة

احساس رهيب

[aly_elhawary]

اكثر حاجة بحبها فى عربيتى ثباتها فى كل السرعات ... اقصى سرعة قدرت أوصلها كانت 160كم وكانت العربية ثابتة عادى نيسان صنى99