رابطة محبى السيارات

[eng-mahmoud2008]

السلام عليكم ورحمة الله وبركاتة


نخش فى الموضوع على طول وعلى عرض

كان عندى اقتراح وهو اننا نعمل رابطة لكل نوع عربية نجمع فيها كل محبى العربية ده ونتناقش فى كل الأمور الخاصة بالعربية ده

يعنى مثلا نعمل رابطة محبى النجمة الذهبية ( مرسيدس ) ويكون فيه نقاشات بين اعضاء الرابطة ده فى كل الأمور الخاصة بمرسيدس من موديلات جديدا و مشاكل وأستفسارات وكده يعنى

وبرده رابطة للشركة البافارية ( BMW )
ورابطة للهوندا وانا اكون الريس بتاعها هههههههههههههههههههههههه
وهاكذا
وأرجو ان كل واحد لة رأى يقولة

[ELHDDAD]

فى الاول يا حوده الف مبروك التكريم وعقبال كل شهر
قولى بقه مين ماسليزاوى هنا
مش ملاحظ انه تقريبا مافيش عشاق للماسيلز هنا ( غير العبد لله ) وعبد الخالق برده
طبعا اتمنى من الجميع المشاركه فى هذا الموضوع

[turbocharger]

يا باشا انا معاك مع المرسيدس
بس برضة بحب ال Bmw

[™ ΛHM€D NΘUH]

ياريت طبعا وكل اللى بيحب ماركه معينه ممكن من دلوقتى يعمل الرابطه الخاصه بيه ويدعو كل محبى الماركه او الفئه اانه يشارك معاه

[eng-mahmoud2008]

فى الاول يا حوده الف مبروك التكريم وعقبال كل شهر
قولى بقه مين ماسليزاوى هنا
مش ملاحظ انه تقريبا مافيش عشاق للماسيلز هنا ( غير العبد لله ) وعبد الخالق برده
طبعا اتمنى من الجميع المشاركه فى هذا الموضوع

الله يبارك فيك
على فكرة لما يكون هناك رابطة لمحبى السيارات
ده هيخلى كل واحد يركز فى نوع معين ( مع مشاركاتة فى المواضيع التانية ) وهيخلى القسم يتملى بالمواضيع المميزة أكتر وأكتر وده فى حد ذاتة بيدى شهرة أكتر للقسم

وحكاية ان مفيش غيرك ده ممكن نبتدى بالأنواع المشهورة زى مرسيدس وبى ام دبليو وربنا يسهل فى الباقى



يا باشا انا معاك مع المرسيدس
بس برضة بحب ال Bmw

انت تنور يا ريس


ياريت طبعا وكل اللى بيحب ماركه معينه ممكن من دلوقتى يعمل الرابطه الخاصه بيه ويدعو كل محبى الماركه او الفئه اانه يشارك معاه

طيب هتكون الرابطة على هيئة ايه
يعنى هنكتب مواضيعها فى القسم العام ولا هيتعملها قسم مخصص
وعموما انا عندى اقتراح
ممكن مبدأيا نعمل قسم نسميه رابطة محبى المرسيدس وننقل فيه كل المواضيع الخاصة بالمرسيدس وكل اللى بيحب المرسيدس يحط مواضيعه الخاصة بالمرسيدس فى القسم ده
يعنى مش شرط نقسم الأعضاء الى روابط ونعمل تفرقة عنصرية ههههههههههه

وبعد كده نبقى نضيف قسم قسم

وأرجوا ان اكون وفقت فى الفكرة

[™ ΛHM€D NΘUH]

ماشى مبدايا هنعمل الروابط فى القسم العام على شكل مواضيع

المشاركه الاولى هعدلها بلينكات المواضيع دايما اللى هتتضاف عن الماركه دى

وباقى الموضوع هيبقى ساحه لنقاش كل عشاق الفئه دى

تقدرو تعملو الروابط

[HELSAADY]

فكره رائعه جداً يا محمود

[MHROOO]

طبعا حنبتدأ مع البافاريين
القوة العظمى بالقسم
فكرة هايلة يابوحميد

[m1st_man]

فكرة جميلة و الله و يا رب تتنفذ و اكيد كلنا هنستفيد منها ان شاء الله

[ELHDDAD]

ماشى مبدايا هنعمل الروابط فى القسم العام على شكل مواضيع

المشاركه الاولى هعدلها بلينكات المواضيع دايما اللى هتتضاف عن الماركه دى

وباقى الموضوع هيبقى ساحه لنقاش كل عشاق الفئه دى

تقدرو تعملو الروابط

والله فكره فعلا شيقه وهاتخلى الاعضاء يحاولوا يعرفونا على سيارات الروابط ديه وبالتالى احنا المستفيدين بس انا باقول برده نحالو نضم مع التقاير مواضيع التاريخ ولا ايه رأيكم

[™ MΘHΛMED SΛED]

انا طبعا البى ام دبليو لا غنى عنها

[™ ΛHM€D NΘUH]

طيب يا جماعه فى ناس كتير بتحب بى ام

منتظرين حد من عشاقها يعمل الرابطه فى القسم العام وهيتم تثبيتها فورا

[***الطيار***]

رابطه محبى الانسر
انا من المؤسسين لهزه الرابطه واحب اكون من صاحب الاجابه عن الاستفسارات والخيارات الخاصه بهاااااااااااا

[streetguy]

الفكره ظاهريا كويسه بس ليه اقتراح متواضع و هو ان كل ماركة يكون لها قسم خاص يناقش اصداراتها المختلفه بما فيها السيارات الصينى الخ
و يطرح مزايا و عيوب الاصدارات المختلفة كلما امكن

[misoalex]

انا نفسى اعمل رابطه لعربه الشعب السيات 133

[dr.tough]

Good idea ya bahsa