مساعدة

[رنوشة]

انا عايزة اشترى موبايل بس محتارة مابين النوكيا والسونى اريكسون

انا خايفة ليمون السونى اريكسون مش جامد وبيستحمل زى النوكيا ونفس الوقت عايزة اغير شويه

فا تنصحونى با ايه انا معايا 1500 وممكن اخليهم 1600

فا ياريت تنصحونى ب حاجة كويسة انا بحب الصوت يكون نقى والكاميرا حلوة والجيل التالت كمان اصل انا مش بغير الاجهزة كتييير

انا من اسكندرية تنصحونى اشترى منين.

شكرااا مقدمااا

[المفكر.]

بالنسبة للسونى اريكسون فهى أجهزة ممتازه تمتاز بالشكل الجميل و القوة فى نفس الوقت فبالنسبة لموضوع الخوف ده لازم تشيليه من دماغك

أما بالنسبة لطلبك ففيه مجموعة أجهزة جميلة من سونى و تنفع للذوق الحريمى زى ال Z610 خصوصا" اللون الوردى و دى صورته



http://img.gsmarena.com/vv/pics/sonyericsson/sonyericsson-z610-01.jpg

و دى مواصفاته

http://www.gsmarena.com/sony_ericsson_z610-1665.php

و الجهاز يمتاز بالصوت العالى وكان نازل عرض من اتصالات بسعر 1080 دقيقه + 30 دقيقه مكالمه فيديو + 30 دقيقه موبيل تي في



و كمان فيه ال K610

صورته:

http://img.gsmarena.com/vv/pics/sonyericsson/sonyericsson-k610-00.jpg

مواصفاته
http://www.gsmarena.com/sony_ericsson_k610-1431.php

كان نازل عرض من اتصالات بسعر 1111 جنيه

و فيه كمان ال W850 شكله جميل وصوته عالى و نقى
صورته:

http://img.gsmarena.com/vv/pics/sonyericsson/sonyericsson-w850-00.jpg


http://img.gsmarena.com/vv/pics/sonyericsson/sonyericsson-w850-01.jpg




مواصفاته:
http://www.gsmarena.com/sony_ericsson_w850-1563.php

مش متذكر سعره بصراحه


و فيه كمان اجحهزة كتير زى ال W660 بس دول بصراحه اللى فى دماغى دلوقتى
وما دمتى من اسكندريه فممكن تشترى من الشناوى و أسعاره موجودة هنا

http://elshennawy.com/prices/v/Mobile/SonyEricsson/

[رنوشة]

شكرااا جدااا لحضرتك ولردك واهتمامك

انا محتارة مابين نوكيا 6120 واى جهاز سونى اريكسون فا ياريت اشوف ردود تانية وحد يفيدنى لو مجرب 6120 فى النوكيا او k610
z610


وياريت الى ليه تجارب مع الاجهزة دى ياريت يفيدنى افادكم الله جمييييييييعا


شكراااا لردك واهتمامك يا مفكر شكرااا جدااا وياريت تقولى اكتر لو ليك خبرة مع السونى اريكسون


شكراا

[M.Rgb]

من الاخر هاتى K770i او زى مالمفكر قالك

انا برشح ال K770 او ابن خالته ال K810 ليه .. لانهم صوتهم عالى الاتنين وكمان كاميرتهم 3.2 ميجا بيكسل ( احسن من N73 ) وجيل تالت وبلاوى كتير وشكلهم شيك جدا وال K770 فى منه الوان بناتى روشة وجميلة طحن

وصوره اهيه .. ( كل صوره ستات اللى شايلاه .. حاجة غريبة )

http://www.slipperybrick.com/wp-content/uploads/2007/08/sony-ericsson-k770i-cyber-shot-cellphone.jpg

http://img512.imageshack.us/img512/5814/42958813og2.jpg

http://www.planete-nokia.com/phpBB2/uploads/post-4-1189096158.jpg

بس نصيحة ابعدى عن النوكيا .. لان السونى ف تقدم مستمر عكس النوكيا اللى لو مسكتى منها جهاز قديم ولعبتى ف السوفت وير بتاعه شوية وجيتى تمسكى جهاز جديد تلاقى نفس السوفت وير مفيش اختلاف

بعدين الناس كلها بتبيع النوكيا وبتجيب سونى .. خلاص الناس فتحت .. وكمان السونى بيتباع اغلى من النوكيا مستعمل دلوقتى خلاص .. ده غير انك حتبقى متميزة بانك شايلة سونى

وصدقينى مش حتحسى بقيمة كل ده الا لما تشيلى الجهاز وتجربى بنفسك

وفعلا ال 6120 جهاز جميل وكل حاجة بس شكله سورى وحش اوى وشبه ال 6210 القديم خالص ده بس الفرق انه بكاميرا يعنى شكله تقليدى جدا جدا ( يبقى فين التجديد بقى .. الاسم غيرتى تليفون وخلاص ) .. ف شوفى ودورى كويس واسألى هنا وهنا عشان تجيبى حاجة كويسة وانا تحت امرك ف اى استفسار

وف النهاية القرار قرارك

ازيك ياباهر عامل ايه واحشنى والله ( باهر ده المفكر ) .. بس اصل نسيت اسلم عليه

[m7md7star]

على فكره ال K770و ال K810
الاتنين دول اجهزه جامده اوى على فكره
وانا من اسكندريه برضه
وبقولك هاتى اى واحد فيهم
مع انى شايف ان K770
انسبلك
وبالنسبه لسعره هوكان من حوالى شهر ونص عامل 1900
بيتهيالى ممكن تلاقيه دلوقتى ب 1700 او 1750
ولو هتجيبى ال K810
كان عامل 1450 او 1500
تقريبا
والقرار ليكى

[المفكر.]

ازيك ياباهر عامل ايه واحشنى والله ( باهر ده المفكر ) .. بس اصل نسيت اسلم عليه
حبيب قلبى محمد انت اللى عامل ايه أتمنى تكون بخير و بعدين انت و جودك فى اى موضوع بينوره :)

انا كنت هاقول للأخت صاحبة السؤال عن ال K770 بالذات لانه صوته عالى وجميل وكمان ما فيهوش جويستيك ودى انا بصراحه باعتبرها ميزة مهمه علشان الواحد يريح دماغه من موضوع التعليق فى يوم من الأيام بس قلت يمكن يكون غالى شوية و على فكره فعلا" مش هتعرفى قيمة الأجهزة غير لما تمسكيهم بايدكى وتشوفيهم بنفسك.
على العموم انا فى رايى طبعا" ان ال K770 أقوى بكتير من ال 6120 فى كل حاجه

وبالتوفيق ان شاء الله

[M.Rgb]

ال K770i سعره مش خيالى زى مانتوا ماقلتوا كدة .. بالعكس سعره ف اسكندرية رخيص جدا .. سعره بالظبط وعن سؤال مش من الانترنت 1750 جنيه

وعلى فكرة امكانياته توصله ل 2400 جنيه بالراحة يعنى .. ولسة كان من قريب سعره 1999 جنيه وثبت على كدة مدة طويلة

بس مفيش حاجة بتقعد على حالها بقى

وتصحيحا لمعلومة الاخ محمد ستار سعر ال K810i مش 1500 جنيه .. K810 مش K800 .. سعر ال K810 وصل ل 2000 جنيه

وياريت صاحبة الموضوع الانسة رنوشة تدخل تقولنا ايه رأيها ف الكلام ده واستقرت على ايه

ودمتم

تحيتى للكل

[رنوشة]

متشكرة جدااااااااااااااااااااااااا للجميع

انا انشاء الله قررت انى اجيب k770 شكله عاجبنى وزى ماقولتو ان مميزاته حلوة وادعولى

متشكرة يا ميدو ع الصور والكلام الجميل الوافى
وشكرااا جدااا يا محمد ستار ومنور اسكندرية يا باشا وانا فعلا اقتنعت

واخيرااا متشكرة جدااا للمفكر والف الف شكر ليكوا جمييعا ولو لسه حد عنده اى نصيحة ان حكون مبسوطة انى اسمعها وانا انشاء الله حلف وادور بس لحد دلؤتى سونى اريكسونk770 وانا عاجبنى السونى اكتر من النوكيا اشيق ولذيذ

شكرااا للجميع

سؤال اخير اجيب بالضمان من توكيل السونى اريكسون ولا من عند اى محل زى الشناوى يعنى.
انا انشاء الله حجيبه كمان 15 يوم اخر الشهر يعنى
شكراا جميعاا ودمتم بود