قصيدة من الريس للشعب [الأرشيف] - موقع الدي في دي العربي

مشاهدة النسخة كاملة : قصيدة من الريس للشعب

amera_java

05-04-2008, 02:15 AM

يا جماعة القصيدة ديه منقولة من موقع الفيس بوك
لقيتها جامدة قلت انقيلهالكم عشان تقولو رأيكم
انا شايفاها حقيقة وجريئة

شعر حسني مبارك .. اهداء الى شعب مصر
ياشعبي حبيبي ياروحي يابيبي ياحاطك في جيبي يابن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي شايف وعارف وخايف وبالع لسانه وكاتم ماقال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال
حبهدل جنابك واذل اللي جابك وحيكون عذابك ده فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
حتقبل ححبك حترفض حلبك حتطلع حتنزل حجيبلك جمااااال

Fly Feeling

05-04-2008, 02:35 AM

جميلة ! بس خطيرة :) خاف على نفسك بقى

basma_f1

05-04-2008, 04:02 AM

http://img185.imageshack.us/img185/6125/45gf2.gifمشكور وتسلم ايديكhttp://img185.imageshack.us/img185/6125/45gf2.gif
http://img50.imageshack.us/img50/9283/29dm9.gifhttp://img252.imageshack.us/img252/9717/62aj5.gif

jodhaa akbar

17-04-2008, 01:00 AM

هههههههههههههههههههههههههههههههههه

حلوه بجد ..تسلم ايديك ..و الحلو فيها انها قويه و واقعيه

طيب شوف دي بقي .. اختي لسه كاتباها و باعتاها لي و حطيتها في موضوع شكله هيتحذف قريب

و ربنا يستر علي عضوياتنا :whistle:

السلام عليكم

دي .. معرفش ايه دي بصراحه بس اعتقد انها شبه قصيده اختي كتبتها في احد المنتديات في مسابقه شعر عامي سياسي و بعتتها لي علي الايميل..عجبتني و قلت احطها هنا جايز تعجبكم ( هي صريحه شوييتين) .. بصراحه انا معرفش هي مكانها فين هنا في المنتدي ..يعني معرفتش ايه القسم اللي مفروض احطه فيها بالظبط .. فهحطها هنا و خلاص و لو الموضوع مخالف ياريت تحذفوه او تنقلوه ( براحتكم يعني ) .

*********************

سيادة الرئيس
كلامك يخلى الحياه هردبيس
يخلى الطراوه هتقلب فطيس
وفرحان هيقلب بفضلك تعيس

سيادة الزعيم
ياغايب ودايب فى فرش النعيم
وسبت الغلابه فى ايد اللئيم
هتقلب بعوجه وما تستقيم

سيادة الهمام
وفاكر زعامتك شوية كلام
وعايز نقول لك يافندم تمام
ومالك فى اهلك خير او سلام
وبس الاعادى لهم الابتسام

سيادة الامير الفخيم الجليل
وصاحب رياده وصاحب جميل
وشعبك مايلقى اقل القليل
دوام السياده امل مستحيل
وياريت سيادتك بقى تستقيل
ويبقى لجنابك شكرٌ جزيل

**********

سيادة الرئيس
قلبت الحكاية على دماغ الغلابه
هم اللى غلطوا وهم الهبابه
واه يا وطن ماحدش فاضيله
وانت تحاول عشانه النهوض
وهما فى طينه وشاريين ترابه
ده غلبان معفر
وعاجز مكسر
مخاخهم فى نظرك تلهيها كوره
وذمه شبهها حرامى الماسوره
ولولا وجودك يروحوا فى حديد
طب ادى ايديه ماددها لايديك
انا من مكانى بنادى عليك
بقول السواعد كتيره وقويه
وخير البلد دى انا استاهله ليا
وهات لى عمل
وانا اديك امل
ولو مش فى ايدك تدقق وتتعب
ومش لاقى حيله غير ان انت تنهب
يبقى تسيب المكان واستقيل
وانا اللى حاسبنى جربوع فقير
هاثور عالبطاله وهعوض كتير
واشوف لى مجاهد برأيه استنير
ويبقى رئيسى وابقى له خير
وبكره ميزان الحق العليل
هيعلا وعمره مايرجع يميل
ويللا بقى ماتروح تستقيل

*********

خلاااااااااااااااااااااااص

كده خلصت

amera_java

17-04-2008, 05:34 AM

هههههههههههههههههههههههههههههههههه

حلوه بجد ..تسلم ايديك ..و الحلو فيها انها قويه و واقعيه

طيب شوف دي بقي .. اختي لسه كاتباها و باعتاها لي و حطيتها في موضوع شكله هيتحذف قريب

و ربنا يستر علي عضوياتنا :whistle:

اولا ميرسي على مرورك
ثانيا القصيدة حلوة وجامدة اختك باين عليها موهوبة بس انت كده حتوديها في داهية كنت قلت انها منقولة وخلاص
ثالثا هيه مكانها هنا اه في قسم الاشعار المنقولة بس كنت حطتها افضل في موضوع لوحدها عشان تاخد حقها في الردود يعني
بس نصيحية بلاش تنزلها في منتديات تانية
او نزلها ونزل لجهازك برنامج تغيير الاي بي عشان متتجبش
وانت عارف
يالا معلش طولت عليك
ان شاء الله اشوفك في موضوع قادم

amour whatever

17-04-2008, 01:50 PM

تسلم على الموضوع و جزاك الله خيرا

فطااامي

27-04-2008, 11:53 AM

رهيبــــــــــــــــــــــــه

hisham_siaed

31-05-2008, 12:44 AM

إحــم إحــــم إحــــم ... ربنا يجعل كلامنا خفيف عليهم.
إيه ياست الكل.. خير قوليلي عايزاني إجيلك عيش وحلاوه إمتى
هههههههههههههههههههههه

وانا عايزك متخفيش إحنا مش هنسيبك.. أكيد هنكون اول ناس هتبلغ عنك
هههههههههههههههههههههههه
قصيده جامدة أخر حاجه.

medhatwagih

24-06-2008, 03:56 PM

يا بن الايه يا جامد
:31:

elpaky2010

24-06-2008, 04:13 PM

مش احنا اللى نعمل فى رئسنا كدا مهما كان وحش نقول حيبنا الله ونعم الوكيل

lplp] lkdv

25-06-2008, 02:33 PM

ههههههههه
جامدة جدا
ألف شكر

فـطـيـمـه

25-06-2008, 07:48 PM

فظيعه
رهيبه

zezolovly325

25-06-2008, 07:53 PM

ياللي إنت بيتك قش مفروش بريش

تقوي عليه الريح .. يصبح ما فيش

عجبي عليك حواليك مخالب كـــــبار

و ما لكش غير منقار و قادر تعيش

عجبي !!!!

عبده منصور

07-07-2008, 07:24 PM

جزاك الله خيرا

فلفل العبقري

07-07-2008, 11:29 PM

جامدة موت :31:

أكيد اللي كاتبها ما كانش في وعيه

لو كان في وعيه كان خاف

م اللي هيجراله :53:

نقلية موفقة :0:

emi21

17-07-2008, 02:58 AM

انا فعلا شفت القصيدة دى وقراتها قبل كده بس خفت هههههه جامدة اوى
تسلم ايدك يااميرة

HAZEM KAMEL

17-07-2008, 03:04 AM

قديمه اوى يا مان

بس تسلم ايدك