المساعد الشخصي الرقمي

مشاهدة النسخة كاملة : لو قررت تختار وظيفة....تشتغل ايه...؟؟؟

N_O_U_R
01-08-2005, 02:47 PM
لو قررت تختار وظيفة....تشتغل ايه...؟؟؟

أفتكر كل واحد فينا كان ليه حلم ...يعني الا كان نفسه انه يغني و بعدين راح معهد الموسيقي العربية و أخذ السلم من أوله...و اللي كان نفسها تطلع فاتن حمامة و لا سعاد حسني ....و أكيد كان فيه حد شايف نفسه الخطيب ...و اللي كان بيحلم يبقي مدرس أو دكتور ...وكمان كان فيه واحده نفسها تكون محامية و تدافع عن الغلابة.............تفتكروا الأحلام دي أتحققت....
عن نفسي كان نفسي أكون شاعر ... و كنت قريت اشعار للمتنبي و أحمد شوقي .." المفضلين عندي " و من 10 سنين و لما كان عندي 21 سنة رحت و قلت أنشر ديوان ...و كان أسمه.." قيثارة " و كان بيضم 25 قصيدة...و كنت فاكر أن عالم الأدب فاتح ذراعية و بيقولي تعالي...و لما رحت عند صاحب دور نشر قالي شوف...طالما هتدفع هنشر و لكن و من واقع خبرة الكلام ده مكلكع...ايه يا سيدي ده بقي في بيت في شعر بيقول " فارسا أضناه باليل أنغام قيثارة...فأرتحل " ده ايه ده...سهل الدنيا كده ربنا يسهلهالك...قلتله يا باشا و لا يهمك..نغير البيت و نحط بيت بنفس المعني يقول" سواق ميكروباص و المطب محيره......و عسكري المرور كمان مكدره".....
و اللي حصل مع دور النشر ده حصل مع غيره....و فعلا الشعر مش جايب همه اليومين دول....أحنا في عهد " يا حبيبتي خبطي و حياة أبوكي علي بابي.......خليني أتفشخر كده قدام أصحابي" و ده برده من تأليفي....
و كنت مش فاهم ان الأحلام حاجة...و الواقع حاجة تانية....بس أكيد في واحد أو واحدة فلتوا...و حققوا اللي هما كانوا بيحلموا بيه...و سؤال كمان...يا تري لما الأحلام دي أتحققت...طلغت وردي و بمبي مسخسخ زي ما كانت في خيالنا....؟؟؟؟؟؟
حدوته مصريه
24-08-2005, 09:01 PM
السلام عليكم
اخي العزيز نور انا بهنيك علي الموضوع ..................كتير لذيذ
و يا سلام بئا لو حطيت عليه شويه جوز الهند علي الوش ...يبئا يجنن
بالنسبه لي ...............كان حلم حياتي ادخل كليه الهندسه..................و قد كان
بس المشكله بئا اني كنت مفكره اننا هانخترع الزره ............اصل مهندس .........كانت معني ان الواحد يشغل مخه و يبتكر .و دي اللي كانت محبباني في الكليه
اصلي و انا صغيره كنت بحب اوي افكك اللعب بتاعتي و اعمل اختراعات و قنابل و غواصات ( كنت خاربه الدنيا علي الاخر)
قلت بئا لما ادخل هندسه ...زهاعمل اللي محدش عمله و هاسبق اديسون و عمنا واط و الناس الحلوين دول
بس لاقيت نفسي كنت بحلم..............و لاقيت معظم المواد عندنا لازم تحفظ( و دي انا فاشله فيها( اذا ما فهمتش معرفش احفظ و فالحه بئا كل معادله و الا قانون اتفزلك فيها و دي جت منين و ليه ) و ده ما ينفعش عندنا) لازم تحفظ علشان تجيب تقدير ..................و اتعودت .حاولت ادي مخي اجازه احيانا علشان اعرف امشي في الكليه
دلوقتي نفسي اخرج من الكليه دي علي خير من غير اي عاهات مستديمه و ربنا يستر
ادعولي
و طبعا كده الاحلام الورديه اللي كنت راسمها لنفسي صحيت لاقيتها كحلي مقلمه ععلي اسود
متشكره يا نور ....خليتني افك عن نفسي شويه:((((((((((((((
تحياتي و تقديري ليك اخي
™Mo7aMMad FaDl
29-09-2005, 03:14 AM
بصراحة أنا اللى بحلم بيه انى أبقى رجل أعمال
على الرغم من انى كيميائى
بس انا بحب ادخل فى مشاريع كتير واخرها اهتمامى بمجال الكمبيوتر

عموما هو لحد دلوقتى حلم
وفى انتظار تفعيله :shiny000:

وشكرا يا نور على الموضوع الجميل
وبالتوفيق ان شاء الله
وكل سنة وانت طيب :bye10000:
valentinoagain
29-09-2005, 07:56 AM
انا كان حلمى بصراحة و ما حدش يتريق

انى اكون بقال ( شغال فى سوبر ماركت صغير ) او كشك
ما اعملش حاجة غير انى قاعد اخد فلوس و ادى سجاير او لبان ........ و اتفرج ع التليفزيون واقرا جرايد و اتفرج على خلق الله
و ده حقيقة كان حلمى .......................

للاسف او للخير ما حصلش
و ادينا اهوه ماشيين بنخبط , بس يل ريت تدعولى ربنا يحقق حلمى دلوقتى اللى انا عايش فيه

موضوع جيد جدا
memo1151990
29-09-2005, 08:01 AM
شكرا يا باشا انا ناوى انشاء الله اكون ويب ديزنر اد الدنيا بس ربنا يوفقنى انا
لسه مشوارى طويل بس بنحاول نكملة ويا رب ميكنش فى عقبات
N_O_U_R
29-09-2005, 10:31 AM
بصراحة أنا اللى بحلم بيه انى أبقى رجل أعمال
على الرغم من انى كيميائى
بس انا بحب ادخل فى مشاريع كتير واخرها اهتمامى بمجال الكمبيوتر

عموما هو لحد دلوقتى حلم
وفى انتظار تفعيله :shiny000:

وشكرا يا نور على الموضوع الجميل
وبالتوفيق ان شاء الله
وكل سنة وانت طيب :bye10000:

الأخ الغالي ...رومانسي حقيقي ...
هبدأ بيك ...لأنك طلعت الموضوع ده من مرقده :icon2800: ...ده أنا اساسا كنت نسيته ...ده موضوع انتاج 1/8/2005 ...و حقق فشل ذريع عن عرضه لأول مره بدور منتدى النقاش ...بس الحمد لله بدا ينجح أخيرا :clap0000:
و كنت ساعتها حتى ما عملتش توقيع و لا اعرف كان بيتعمل ازاي :fish0000: ...
و الصراحة انا كنت داخل و بعدين لقيت اسم nou121212r علي موضوع قلت ...الأسم الملخبط ده بيفكرني بحاجة dumbbells ...و بعدين لقيته اسمي ...و ده موضوعي ...و الصراحة أنا نزلت هنا موضوعين ...الأول عن النرفذة و نجح جدا
و ده كان التاني و الحمد لله حقق فشل ذريع :no000000: ....

المهم ياباشا .... ربنا يكرمك و تبقى رجل أعمال ... و ياريت في مجال الكمبيوتر عشان يستمر ابداعك اللي انت معودنا عليه

و كل عام و أنت طيب

أخيك نورالدين
N_O_U_R
29-09-2005, 10:37 AM
السلام عليكم
اخي العزيز نور انا بهنيك علي الموضوع ..................كتير لذيذ
و يا سلام بئا لو حطيت عليه شويه جوز الهند علي الوش ...يبئا يجنن
بالنسبه لي ...............كان حلم حياتي ادخل كليه الهندسه..................و قد كان
بس المشكله بئا اني كنت مفكره اننا هانخترع الزره ............اصل مهندس .........كانت معني ان الواحد يشغل مخه و يبتكر .و دي اللي كانت محبباني في الكليه
اصلي و انا صغيره كنت بحب اوي افكك اللعب بتاعتي و اعمل اختراعات و قنابل و غواصات ( كنت خاربه الدنيا علي الاخر)
قلت بئا لما ادخل هندسه ...زهاعمل اللي محدش عمله و هاسبق اديسون و عمنا واط و الناس الحلوين دول
بس لاقيت نفسي كنت بحلم..............و لاقيت معظم المواد عندنا لازم تحفظ( و دي انا فاشله فيها( اذا ما فهمتش معرفش احفظ و فالحه بئا كل معادله و الا قانون اتفزلك فيها و دي جت منين و ليه ) و ده ما ينفعش عندنا) لازم تحفظ علشان تجيب تقدير ..................و اتعودت .حاولت ادي مخي اجازه احيانا علشان اعرف امشي في الكليه
دلوقتي نفسي اخرج من الكليه دي علي خير من غير اي عاهات مستديمه و ربنا يستر
ادعولي
و طبعا كده الاحلام الورديه اللي كنت راسمها لنفسي صحيت لاقيتها كحلي مقلمه ععلي اسود
متشكره يا نور ....خليتني افك عن نفسي شويه:((((((((((((((
تحياتي و تقديري ليك اخي

حدوتة هنا ...لأ مش مصدق نفسي ...
شوفي نص أحلامك اتحققت و دخلتي هندسة ... و ان شاء الله نص أحلامك التانية برده تتحقق ...
... و عادي أن الوان الأحلام تبقي كحلي على اسود ....ده حتى اللونين بيبعثوا علي التفاؤل :bigsmile: ....
و لايهمك ان شاء الله تخرجي من غير اي اصابات ...و لو حصل اهو المنتدى الطبي موجود ...

اخيك نورالدين
N_O_U_R
29-09-2005, 10:42 AM
انا كان حلمى بصراحة و ما حدش يتريق

انى اكون بقال ( شغال فى سوبر ماركت صغير ) او كشك
ما اعملش حاجة غير انى قاعد اخد فلوس و ادى سجاير او لبان ........ و اتفرج ع التليفزيون واقرا جرايد و اتفرج على خلق الله
و ده حقيقة كان حلمى .......................

للاسف او للخير ما حصلش
و ادينا اهوه ماشيين بنخبط , بس يل ريت تدعولى ربنا يحقق حلمى دلوقتى اللى انا عايش فيه

موضوع جيد جدا

أخي الغالي .... ليه نتريق ...
بس عادة بيكون الحلم شيء صعب تحقيقة في الواقع أو عايز مجهود كبير ... و لكن يبدو ان حلمك كان سهل لدرجة كبيرة ... و ده جميل جداااااااااااااااااااااااااااااا ... و ان شاء الله يا باشا ربنا يحققلك حلمك اللي انت فيه دلوقت و لو اني مش عارفه :no000000:
N_O_U_R
29-09-2005, 10:45 AM
شكرا يا باشا انا ناوى انشاء الله اكون ويب ديزنر اد الدنيا بس ربنا يوفقنى انا
لسه مشوارى طويل بس بنحاول نكملة ويا رب ميكنش فى عقبات

أخي الغالي ...ان شاء الله ما يكنش فيه اي عقبات و لو فيه ...حاول تذللها ...و نشوفك ويب ديزاينر أد الدنيا ياباشا بس ما تنسناش ساعتها :surrende:
نورالدين
roosha
29-09-2005, 03:25 PM
السلام عليكم ورحمة اللة وبركاتة
للاسف انا ولا حلم من الاحلام اللى حلمتها اتحققت والحمد للة اللة اعلم لو كانت اتحققت كان هيحصل اية يعنى الى الان ماشفتش بمبة مسخسخ خالص كلة سود ومهبب وفى انتظار اى لون فاتح يعدى عليا طبعا انا بهزر كل حاجة مرت على الانسان سواء خير اوشر لازم يحمد ربنا عليها لانى دايما اقول لنفسى الخير من عند اللة والشر من عندك والابتلاء نعمة طبعا انا رغاية موت بس معلش اما عن احلامى فكانت كالاتى اما ان اكون كاتبة سواء شعر روايات او صحفية تتابع اخبار وتفيد بيها الناس او مهندسة يعنى انا كان نفسى احقق اى طموح من دول لانى بحب دايما الحلم اللى يوصل لهدف مفيد واحس انى بشوف من خلال تحقيقة نتيجة مفيدة للناس لانى بفرح جدا لما احس انى حققت حاجة لاى شخص :icon2600:
أيمـن
29-09-2005, 04:14 PM
لو قررت اختار وظيفة اشتغل ايه
صحفي طبعا بس مش في السياسة ولا الحوادث ولا الرياضة
انا كان نفسي ابقى كاتب صحفي من اللي بيكتبوا المقالات البارزة في اي موضوع ويعلقوا على الاحداث من وجهة نظرهم
ahmed_ezzat_355
29-09-2005, 04:41 PM
أعتقد ان وظيفة عربجي حنطور هي الوحيده المتاحه قدامنا دلوقت ولمده حوالى خمسون قرنا من الزمان - ده لو القيامه ماقامتش قبل التاريخ ده - للأسف (فى ظل وجود الحزب الوطني فى الحكم)
semsem911
29-09-2005, 08:54 PM
انا كان نفسي اطلع طيار بس للأسف كانت اسباب عدم تحقق الحلم ده اسباب جسمانيه اني قصير شوية مش اوي وكمان لابس نضارة وغير لائق بالمرة لأي كليه عسكرية لأني كنت حاطط في بالي اني لو ماطلعتش طيار هبقى بحار
يظهر ان انا مش نافع لا في الجو ةلا في البحر هجرب ليه الأرض ايه رأيك اطلع سواق تاكسي ولا خيال ولا جمال (بتشديد الميم )
انا الحمد لله بدرس دلوقتي برمجة وهبقى programmer وان شاء الله اعمل حاجات مفيدة وتجيبلي فلوس اشتري بيها يخت واطلع رحلة الف فيها العالم ( حوالين الكرة الأرضية ) وبعدين اشتغل تاني واشتري طيارة واطير بيها بس ياريت تكون طيارة حربية عشان الطيارات دي عشقي الأول قبل العربيات .
شكرا على موضوعك الجميل يا نور وربنا ويفقك وتلاقي دور نشر بتفهم وتعملك الديوان بس انت اتجدعن وما تيأس ماشي يا man
valentinoagain
29-09-2005, 08:58 PM
أخي الغالي .... ليه نتريق ...
بس عادة بيكون الحلم شيء صعب تحقيقة في الواقع أو عايز مجهود كبير ... و لكن يبدو ان حلمك كان سهل لدرجة كبيرة ... و ده جميل جداااااااااااااااااااااااااااااا ... و ان شاء الله يا باشا ربنا يحققلك حلمك اللي انت فيه دلوقت و لو اني مش عارفه :no000000:


شكرا يا بيه

و ان شاء الله ربنا يوفقنا جميعا لتحقيق الاحلام التى فيها خيرنا
TheXman
01-10-2005, 10:01 PM
لو قررت تختار وظيفة....تشتغل ايه...؟؟؟
حانوتي
اصلهم بيكسبوا جامد اليومين دول
mr.virus
02-10-2005, 01:30 AM
انا كان نفسى ابقى رئيس انجلتر و محدش يسالنى ليه ؟
bebo2debo
02-10-2005, 05:12 AM
عندما حصلت على الثانويه العامه كان كل أملى أن ألتحق بالكليه الحربيه كنت عاوز أبقى ضابط جيش
و لكن لأسباب كثيره إلتحقت بكلية التجاره جامعة القاهره و تخرجت منها بعد 4 سنوات أحمل لقب محاسب
و الآن أعمل تاجر ( أعمال حره ) ....... يا ريت لو فيه مكان ليا فى الكليه الحربيه ...... يبقى كتر خيركم
ghedor
03-10-2005, 05:21 PM
بالنسبة لى أحلام الطفولة لم تتحقق ، بس كنوع من التكيف يعنى ، بنيت أحلام تانية بعد الثانوية العامة
وحلمى أنى اشتغل بالتدريس فى الجامعة ، وأنا ما زلت فى طريق تحقيق هذا الحلم ، وعلى وشك إنهاء رسالة الماجستير
وبعدها أخطط للمرحلة التالية بإذن الله

تمنياتي بتحقيق أحلامكم جميعا ، فالحلم مهما كان غريب أو بسيط أو ... أو ... فأنه يعني لصاحبه الكثير والكثير

تحية للأستلذ الشاعر نور الدين nou121212r على هذا الموضوع الجيد ، وهذا شأنه دائماً
N_O_U_R
03-10-2005, 05:30 PM
السلام عليكم ورحمة اللة وبركاتة
للاسف انا ولا حلم من الاحلام اللى حلمتها اتحققت والحمد للة اللة اعلم لو كانت اتحققت كان هيحصل اية يعنى الى الان ماشفتش بمبة مسخسخ خالص كلة سود ومهبب وفى انتظار اى لون فاتح يعدى عليا طبعا انا بهزر كل حاجة مرت على الانسان سواء خير اوشر لازم يحمد ربنا عليها لانى دايما اقول لنفسى الخير من عند اللة والشر من عندك والابتلاء نعمة طبعا انا رغاية موت بس معلش اما عن احلامى فكانت كالاتى اما ان اكون كاتبة سواء شعر روايات او صحفية تتابع اخبار وتفيد بيها الناس او مهندسة يعنى انا كان نفسى احقق اى طموح من دول لانى بحب دايما الحلم اللى يوصل لهدف مفيد واحس انى بشوف من خلال تحقيقة نتيجة مفيدة للناس لانى بفرح جدا لما احس انى حققت حاجة لاى شخص :icon2600:

أختي الغالية ....roosha
جميلة كل احلامك و طموحاتك و هي فعلا مفيدة و مميزة ...و من الرائع أن نحقق احلامنا و لكن الأروع أن نحقق احلام الغير أو ان نشارك في تحقيقها ...و في ابسط الأمور نتمنى لهم الخير ...

شكرا لتشريف الموضوع و لك كل التحية و التقدير

أخيك نورالدين
N_O_U_R
03-10-2005, 05:34 PM
لو قررت اختار وظيفة اشتغل ايه
صحفي طبعا بس مش في السياسة ولا الحوادث ولا الرياضة
انا كان نفسي ابقى كاتب صحفي من اللي بيكتبوا المقالات البارزة في اي موضوع ويعلقوا على الاحداث من وجهة نظرهم

ايمن باشا هنا ...يا مرحبا يا مرحبا
و الله ياباشا حلمك جميل جدا ... و انا و عن نفسي بحب الصحافة جدا ...و السياسية بالأخص .. لأن الفترة الأخيرة الأحداث السياسية اصبحت اكثر اشتعالا...

شكرا ياباشا على المشاركة

اخيك نورالدين
N_O_U_R
03-10-2005, 05:37 PM
أعتقد ان وظيفة عربجي حنطور هي الوحيده المتاحه قدامنا دلوقت ولمده حوالى خمسون قرنا من الزمان - ده لو القيامه ماقامتش قبل التاريخ ده - للأسف (فى ظل وجود الحزب الوطني فى الحكم)

أخي الغالي أحمد

ليه بس التشاؤم ده ياباشا ....ان شاء الله الأمور تتصلح و تبقي كويسة و مش هتحتاج لا 50 قرن و لاحاجة ...كلها 48 قرن بس :shiny000:
ان شاء الله ربنا يكرمك و يحققلك كل أحلامك ...و قبل ال 50 قرن كمان :bye10000:

أخيك نورالدين
N_O_U_R
03-10-2005, 05:57 PM
انا كان نفسي اطلع طيار بس للأسف كانت اسباب عدم تحقق الحلم ده اسباب جسمانيه اني قصير شوية مش اوي وكمان لابس نضارة وغير لائق بالمرة لأي كليه عسكرية لأني كنت حاطط في بالي اني لو ماطلعتش طيار هبقى بحار
يظهر ان انا مش نافع لا في الجو ةلا في البحر هجرب ليه الأرض ايه رأيك اطلع سواق تاكسي ولا خيال ولا جمال (بتشديد الميم )
انا الحمد لله بدرس دلوقتي برمجة وهبقى programmer وان شاء الله اعمل حاجات مفيدة وتجيبلي فلوس اشتري بيها يخت واطلع رحلة الف فيها العالم ( حوالين الكرة الأرضية ) وبعدين اشتغل تاني واشتري طيارة واطير بيها بس ياريت تكون طيارة حربية عشان الطيارات دي عشقي الأول قبل العربيات .
شكرا على موضوعك الجميل يا نور وربنا ويفقك وتلاقي دور نشر بتفهم وتعملك الديوان بس انت اتجدعن وما تيأس ماشي يا man

اخي الغالي semsem

أتمني أنك تقدر تشتري اليخت و الطيارة و بعدين ياباشا ...شوية مجهود كمان ...و تشتري جزيرة ...امال هتركن اليخت فين ..!!! و هتنزل بالطيارة علي فين ....!!!
يا باشا ان شاء الله تحقق كل أحلامك و طموحاتك و تقدر تشتري فعلا اللي انت نفسك فيه ...
أما بخصوص الديوان ...أنا الان بفضل اني أكون هاوي و عاشق للشعر ...بدلا من احترافه
شكرا على تشريفك الموضوع

أخيك نورالدين
N_O_U_R
03-10-2005, 06:02 PM
حانوتي
اصلهم بيكسبوا جامد اليومين دول

:no000000: :no000000: :no000000: :no000000: :no000000: :no000000: :no000000:

أخي الغالي The Xman

حانوتي ...لأ....صعب أوي أوي اوي ....أنا حاسس انهم لو عرضوا علي مليون جنيه في اليوم عشان اشتغلها ...!!!!

الصراحة هشتغلها يعني ...ده مليون جنيه ...!!!

بس بجد و الله و بامانة ...لو لقيت فرصة تشتغلها .....فعلا تعملها و تشتغل حانوتي ...؟؟؟

شكرا ياباشا على المشاركة الرائعة

أخيك نورالدين
N_O_U_R
03-10-2005, 06:07 PM
انا كان نفسى ابقى رئيس انجلتر و محدش يسالنى ليه ؟

أخي الغالي ...mr.virus

ليه انجلترا ...؟؟؟؟ ... يعني لو عرضوا عليك فرنسا ...أو....حتى السودان ...؟؟؟ مش هتوافق ...

عموما أنا لو حد عرض عليا رئاسة اي دولة و لو زي ...جواتيمالا ...هوافق ...شوف انا سلس جدا و ما بعقدش الدنيا ...

بس هما الأول يعرضوا :surrende:

شكرا على الحلم الجميل

أخيك نورالدين
N_O_U_R
03-10-2005, 06:12 PM
عندما حصلت على الثانويه العامه كان كل أملى أن ألتحق بالكليه الحربيه كنت عاوز أبقى ضابط جيش
و لكن لأسباب كثيره إلتحقت بكلية التجاره جامعة القاهره و تخرجت منها بعد 4 سنوات أحمل لقب محاسب
و الآن أعمل تاجر ( أعمال حره ) ....... يا ريت لو فيه مكان ليا فى الكليه الحربيه ...... يبقى كتر خيركم

أخي الغالي bebo2debo

على فكرة ياباشا ...أخوك نورالدين خريج تجارة برده ....بس و لا يهمك ....هشوف ليك مكان في الكلية الحربية ...

بس استناني لما ابقي وزير الدفاع :bye10000: ...و انا احقق لك كل احلامك ...

شكرا على الحلم الرائع

اخيك نورالدين
N_O_U_R
03-10-2005, 06:20 PM
بالنسبة لى أحلام الطفولة لم تتحقق ، بس كنوع من التكيف يعنى ، بنيت أحلام تانية بعد الثانوية العامة
وحلمى أنى اشتغل بالتدريس فى الجامعة ، وأنا ما زلت فى طريق تحقيق هذا الحلم ، وعلى وشك إنهاء رسالة الماجستير
وبعدها أخطط للمرحلة التالية بإذن الله

تمنياتي بتحقيق أحلامكم جميعا ، فالحلم مهما كان غريب أو بسيط أو ... أو ... فأنه يعني لصاحبه الكثير والكثير

تحية للأستلذ الشاعر نور الدين nou121212r على هذا الموضوع الجيد ، وهذا شأنه دائماً


أختي الغالية ghedor

في البداية شكرا علي تشريفك للموضوع

أعجبتني جدا جدا ... طريقة تفكيرك ...فانت لا تضعي نفسك اسيرة لحلم واحد ...و لكنك تبني أحلام لكل مرحلة حتى و ان كانت الأحلام كنوع من التكيف مع الواقع... و هذا رائع ...لأن هذا البناء يكون أوضح و أوقع ... و تكون احتمالية تحقيق الحلم كبيرة ...لانه بني على اساس واقعي ...

حقيقة اختي الفاضلة ...طريقتك رائعة في التفكير

لك مني كل الشكر و التقدبر على هذه المشاركة الطيبة و الجميلة و ان شاء نراك متألقة في سماء التدريس الجامعي

أخيك نورالدين