اضراب 6 ابريل انت جاهز ؟

[الكميائى]

إضراب عام في كل مصر



إتفقت كافه القوي الوطنية في مصر على أن يكون
يوم 6 إبريل
يوم إضراب عام في مصر
يوم 6 إبريل
خليك قاعد في البيت أو شاركنا فى الميادين العامة
أوعي تنـــــــــزل لكن شاركنا
ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر
عايزين مرتبات تعيشنا
عايزين نشتغل
عايزين........
عايزين حرية وكرامة
مش عايزين رفع أسعار
مش عايزين........
قول لأصاحبك مايروحوش الشغل همه كمان وخليهم يدخلوا الإضراب
) حزب العمل المصري- حركة كفاية - الإخوان المسلمين - حزب الكرامة - حزب الوسط - حركة موظفي الضرائب العقاريه - عمال غزل المحلة - حركة إداريي وعمال القطاع التعليمي - نقابة المحامين - حركة أساتذه الجامعات)

6أبريــــــــــــل

...
أضراب سلمي عام في مصر
أبعت رسايل لخمسة من أصحابك
ولو كل واحد بعت لخمسة
في ظرف يومين البلد كلها حتعرف
بالموبايل
بالأرضي
بالأيميلات
أو حتي رسايل عالشات في قنوات التليفزيون
أنسخوا رسالتنا وأبعتوها تعليق على كل المقالات
بيكوا وبينا البلد دي حتتغير إن شاء الله



هتعمل أيه؟؟؟



تم الاتفاق حتى الان على الأتي في معظم التجمعات المتناقشة في الموضوع


- الإجماع على تعليق علم مصر في البلكونات و السيارات



- الإجماع على ارتداء ملابس سوداء و يفضل مطبوع عليها أي شعار للإضراب لو
أمكن مع حمل شاره أو أى إعلان عن "إنى مضرب إحتجاجا على الأسعار"



- تم بالإجماع بالإتفاق على الإضراب عن شراء أى سلعه لتمثل وسيلة تهديد للحكومة التى لا تعيرنا أي انتباه و كذلك تهديد لأي تاجر يرفع الأسعار أننا يمكن أن نتحد لمواجهته



- تم الإتفاق على أن يحاول الجميع قدر استطاعته بكل السبل على الإضراب عن العمل و الغياب عن العمل هذا اليوم و إعلان ذلك قبلها و إعلان الإضراب



- اجمع جميع الطلبه على الإضراب عن الدراسة في ذلك اليوم و إعلان ذلك مسبقاً



- لأصحاب المهن الحرجة كالطبيب مثلاً أو ما شابه و كذلك لمن لن يستطيع أن يمتنع عن العمل و كذلك بالنسبه للطلبه الذى يتوافق 6 ابريل مع امتحاناتهم فإنهم سيضطرون للذهاب لمصالحهم مع اعلان الاضراب لبعض أو كل الوقت و كذلك الإعتصام السلمي في مجموعات إن أمكن



- على من يستطيع النزول للتظاهرات السلمية و السلمية فقط (البلد ده بلدنا و مش عايزين نخربها عايزين نعمرها) التي ستكون في الميادين الرئيسية بالمحافظات يمكنه ذلك و لكن بعد الإتفاق مع القوى السياسية و منظمات المجتمع المدني على ميعاد و مكان التظاهرات



- على الجميع العمل بجد منذ اليوم على نشر كل تلك الأفكار بين الشعب المصري و هم اهلنا و اصحابنا و اقاربنا و زملائنا فى العمل مستخدمين فى ذلك كل الوسائل المشروعه من دعوات صريحة عامة أو فردية أو ارسال رسائل محمول أو مكالمات هاتفية أو البريد الإلكتروني و المنتديات و المدونات و المواقع الإعلانية و الجرائد و الصحف و المجلات و الإتصال بالفضائيات .. و كذلك تعليق اللافتات و ارتداء تى شيرت أو شاره يحمل الدعوه للإضراب من الان حتى ميعاد الإضراب



و الله الموفق

[seesoman]

اشتغاله دي ولا ايه اصل من الاخر بلدنا دي سلبيه جدا وعمرها ما هتتقدم

[ragheb]

انا اصلا كده كده قاعد في البيت اليوم ده فهشارك ان شاء الله

[elazab]

ههههههه
انا مؤمن بالموضوع ومعاكم بس للاسف محدش هيعبرنا الحكوم هتضرب الناس بالجزمه زى كل مره مفيش جديد متحولوووووووش

[ENG_AEA]

لا تعليق ؟؟؟؟؟؟؟؟؟؟؟؟؟؟؟؟؟؟؟

[الكميائى]

لازم نبطل هزار
مفيش مكان للهزار خلاص كل شى بيقع

لو مش مصدق اعمل بحث على جوجل واكتب 6 ابريل

لازم تشارك وحتى لو مش هتشارك قول كلمه حلوه
ولا بس اللى يشتم ويقلب لى البلد تقولوا عليه مش وطنى
من اللى بيشوفوا حتى لو حاول يعمل حاجه يتهزا ولازم يتحمل وهو ساكت
يبقى انت اكيد فى مصر

السيناريو القادم مظاهرات واعتصمات تدريجيه
الى ان تصل لحاله انفجار وعمليات ارهابيه
بس الارهاب هيكون فى اتجاه واحد من الفقراء الى الاغنياء

رابط على المنتدى
هنا (http://www.dvd4arab.com/showthread.php?t=865327&page=4)

[الكميائى]

اخر نكته


بعد موافقة مجلس الشغب تم الغاء يوم 6 ابريل واول الاسبوع الاثنين 7 ابريل . لعدم احراج الشعب

[science forever]

معلش مش فاهمة حاجة يعني النهاردة اجازة رسمية؟

[refaat_gh]

يا جماعه لازم ما نبقاش سلبيين

http://www3.0zz0.com/2008/04/06/10/344228270.jpg (http://www.0zz0.com)

[أبو زياد2009]

لا بد من أن نعبر عن أنفسنا لأن صمتنا سيذيد الحال سوءاً. وكل شخص عليه أن يحاول بأي طريقه حتى لو كان هذا عن طريق عدم شراء السلع الغاليه
وأكيد هنوصل فى الأخر لنتيجه بس نحاول

[refaat_gh]

مشكور يا أخ ابو زياد علي مشاركتك ونرجوا منك المزيد
http://www3.0zz0.com/2008/04/06/10/367458808.jpg (http://www.0zz0.com)