لعبة جدية(كل واحد يختار اسم كان نفسه فيه)واللي بعده يختار اسم ويقول رايه في اللي قبله

[gemy_moon_light]

دي لعبة جديدة وفي نفس الوقت جميلة جدا

اللعبة هدفها التعرف علي شخصيات الاخرين

وتتمثل اللعبة في

ان كل واحد مننا يختار اسم كان يحب انه يكون اسمه الحقيقي

والعضو اللي بعده يقول رايه في اسم اللي قبله ويختار اسم ليه هوه

[FaReSALandloS]

انا كنت عايز ام العيال ولعت

ههههههههههههههههههههههههه

لا بهظر كان نفسي يكون اسمي الحقيقي فااااااااارس او سيف

[mostafa tarek]

شكرا جدا يا اخ جمال علي اللعبة الحلوة دى



بالتوفيق و النجاح في كل مواضيعك ان شاء الله

[mostafa tarek]

فارس اسم جميل جدا 0(فارس بلا جواد) انا كان نفسي يبقي اسمى مصطفى

[gemy_moon_light]

مصطفي يا طارق

انتا كان نفسك اسمك يبقي مصطفي صح

انا عارف ده لو افتكرنا ان اسمك سيد يعني ولا ايه

[احمد طاهر]

مصطفي اسم حلو بس مش لايق عليك يا درش

انا كان نفسي يبقا اسمي طارق

بس مفيش نصيب

اسمي طبعا انتوا عارفينه

[gemy_moon_light]

والله يا اخ احمد لو اسمك كان طارق كان بقي احلي حتي كان هايمشي مع المدام


طارق توتي

[FaReSALandloS]

ههههههههههههههههههههههههه
لاطارق لالا


لا لا

[أنس النور]

طارق .. اسم جامد ..

انا كان نفسى يبقى اسمى نور ...
وبس


النور

[abdo_eldesokey]

[b]فعلا ً اسم نور جميل جدا ً ....

أنا بقى مبسوط باسمي جدا ً .... لكن مكنتش بحبه وأنا صغير عشان طويل .... لكن لما كبرت حبيته لأن كل الناس بتحبه ...

وألف شكر يا باشا على اللعبة الحلوة

[سهرت الليالي]

عبده الدسوقي كويس يامان

انا كان نفسي يبقى اسمي طــــــــه بحبه موت

انشاء الله اذا ربنا رزقني بولد هسميه طه ولو مراتي او حماتي رفضوا

هطلق مراتي و اخد الولا واسميه طه برضه و بجد هعملها

[سهرت الليالي]

مع اني مش متجوز ولا خاطب بس هعملها انشاء الله

[star_girl]

هههههههههههه
طيب اتجوز الاول حلو اسم طه بس قديم شوية
انا بقى بحب اسم ياسمين

[A N G E L]

انا بقى بحب اسم ياسمين
حلو ياسمين بس لو واحد تخين بيقولو عليه يا سمين هههههه بهزر بجد انا بموت في الاسم ده

هو طبعا اسمي مافهوش اعتراض بس انا كان نفسي اسمي يبقي سيف بس انا لايق عليا محمد يلا هما الاختارو ههههههههه

مع اني مش متجوز ولا خاطب بس هعملها انشاء الله

ان شاء الله يا سهرت الليالي هتسمي ابنك طه و تعمل اللي انت عايزه حتي لو سميته عباس او دسوقي او اي حاجه
وحشتني بجد با سهرت و كل سنه و انت طيب