المساعد الشخصي الرقمي

مشاهدة النسخة كاملة : رأيك ايه فى نفسك

en_mhmd
31-07-2005, 10:09 PM
أكيد كل واحد مننا فيه مميزات وفيه عيوب لأن مفيش حد حلو على طول وحد وحش على طول يا ترى كل واحد فيكم عارف ايه هى المميزات والعيوب دى؟؟؟؟ طيب ايه رأيكم لو كل واحد يقول ويكتب بصراحة عن مميزاته وعيوبه
عارفة ان فى اللى حيقول محدش يقدر يقول مميزاته ايه وفى اللى حيقول ما يشكر فى نفسة الا ابليس
لكن احنا حنذكر مميزاتنا من وجهة نظر غيرنا بمعنى ان اكيد فى ناس كتير قالولك انت مميزاتك كذا وكذا فتقولها ونفس الشيء بالنسبة للعيوب
وانا عن نفسى حذكر مميزاتى وعيوبى بعد اول مشاركة..........ياترى حتكون لمين؟؟؟؟؟؟؟؟؟؟؟؟
gemy_moon_light
01-08-2005, 12:42 AM
انا ملك اتربع علي عرش نفسي
افعل ما يامر به سلطان عقلي
احب ما يشبع رغباتي
احترم من يحترم زاتى
وانسف من لا يقدرني
هذا
هو
gamal shaabaan
احمد طاهر
01-08-2005, 12:52 AM
انا عبد من عباد الله

اريد الزوجه الصالحه والحياه الناجحه والجنه في الاخره

العيب اللي عندي اني عصبي زياده عن اللزوم

الميزه اللي فيا اني بحب الناس كلها ومش بختلف مع حد نهائي
en_mhmd
01-08-2005, 02:08 AM
انا عبد من عباد الله

اريد الزوجه الصالحه والحياه الناجحه والجنه في الاخره

العيب اللي عندي اني عصبي زياده عن اللزوم

الميزه اللي فيا اني بحب الناس كلها ومش بختلف مع حد نهائي

ربنا يوفقك فى حياتك...ويوعدك بالجنة انت واحنا .....آمين
B@SS@M
19-08-2005, 05:30 AM
http://funnies.com/wackyheadpt/yellow_guy_sad_hr.jpghttp://funnies.com/wackyheadpt/yellow_guy_sad_hr.jpg



أنا الأيام خانتني
أنا الليالي سهرتني
أنا الدموع سقتني
أنا اللي كلي جروح
أنا اللي من الزمن مجروح
أنا الزمان هدني
أنا لا أحد بيودني
أنا اللي تايه أنا
أنا اللي يوم عذابي بسنة


http://funnies.com/wackyheadpt/yellow_guy_sad_hr.jpghttp://funnies.com/wackyheadpt/yellow_guy_sad_hr.jpg
en_mhmd
19-08-2005, 01:24 PM
أنا الأيام خانتني
أنا الليالي سهرتني
أنا الدموع سقتني
أنا اللي كلي جروح
أنا اللي من الزمن مجروح
أنا الزمان هدني
أنا لا أحد بيودني
أنا اللي تايه أنا
أنا اللي يوم عذابي بسنة


]

يا عينى يا ابنى ده انت قطعت قلبى
alnouran_77
19-08-2005, 01:47 PM
ايه يا en-mhmd
انتى مش قلتى هاتكتبى مميزاتك وعيوبك بعد اول مشاركة انتى فين؟؟؟؟؟؟؟؟؟؟
عموما انا هاقول مميزاتى من وجهة نظر الناس ورايى فيها صح ولا لا
كل الناس اجمعت على انى ذكية جدا بس انا مش شايفة غير انى غبية مش باتعلم الا لما اجرب واتقرص ساعتها باعترف انى كنت غلطانة
كل الناس بتقول انى زوقى حلو وده انا موافقة عليه من يوم ما اخترت زوجى وانا متاكدة انى زوقى حلو
كل الناس بتقول انى موهوبة وعندى احساس فنى عالى ممكن اكون كده فعلا لكن فى الديكور واللبس بس
كل الناس مش عارفة انى باحبهم وانا باعتبر دى اكبر ميزة فيا
الحمد لله كنت دايما بادعى ربنا انه يرزقنى انى احب الناس وصدقينى والله دى احسن ميزة بتخليكى مفيش فى قلبك غير الحب ولا حقد ولا حسدو لاغيرة ولا اى حاجة من ده
انا مش شايفة ان فيا مميزات كل ده كان كلام الناس
ولا ازكى على الله احد
ندعو الله بالهداية والتوفيق
en_mhmd
19-08-2005, 05:00 PM
ايه يا en-mhmd
انتى مش قلتى هاتكتبى مميزاتك وعيوبك بعد اول مشاركة انتى فين؟؟؟؟؟؟؟؟؟؟

l
معلش عنك حق انا اتأخرت فى الكتابة شوية
انا مميزاتى:
حسنة الظن بالناس بس مش لدرجة الهبل .. بكبر دماغى اوى مع الناس اللى بتحاول تستفزنى ومش بديهم الفرصة اساسا.. مستمعة جيدة لو حد عندة مشكلة وعلى اد ما بقدر بحاول اساعدهم فى حدود خبراتى ..
حبوبة وبتعامل مع الناس بحب .. لاهادية اوى ولا عصبية اوى (بس الصراحة عصبيتى زادت بعد ما ولدت بنتى وزادت المسئوليات عليا) .. بحب الهزار وصحابى بيقولولى دمك خفيف.. لو زعلت حد براجع نفسى ومش بستكبر انى اقول كلمة حقك عليا .. مش بحب الرغى ومش بحب اللف على المحلات.. يعنى هى دى اهم مميزاتى
بالنسبة لعيوبى:
كتومة جدا مش بسهولة حد يقدر يعرف اللى جوايا يعنى ممكن اكون حموت من الزعل والمضايقة ومحدش يعرف.. بحب اعمل كل حاجة صح وانفذها زى مانا مخططالها بس دة بييجى على حساب اعصابى .. مش بجامل حد على حساب نفسى وبيتى وزوجى .. ساعات لما بكون متضايقة ومخنوقة بتعامل مع الناس برخامة .. ماليش هوايات او اهتمامات ودة بيخلينى اوقات كتيرة اوى احس انى انسانه مخها فاضى .. مش صبورة بزهق بسرعة لو بعمل حاجة وطولت معايا او لو مثلا بتكلم مع حد فى موضوع والمسألة طولت شوية.. يعنى هى دى الحاجات اللى جت فى بالى دلوقت
noangel
25-08-2005, 09:14 AM
وانا عيوبى انى عصبية اكتر من زيادة عن اللزوم يعنى ممكن اذى نفسى من غير مااحس وشكاكة لابعد حدود وحساسة جدا ومميزاتى انى طيبة لدرجة العبط وصريحة جدا وصادقة
picksou
25-08-2005, 01:19 PM
l
معلش عنك حق انا اتأخرت فى الكتابة شوية
انا مميزاتى:
حسنة الظن بالناس.. بكبر دماغى اوى مع الناس اللى بتحاول تستفزنى..
مستمعة جيدة لو حد عندة مشكلة وعلى اد ما بقدر بحاول اساعدهم فى حدود خبراتى ..
حبوبة وبتعامل مع الناس بحب .. لاهادية اوى ولا عصبية اوى ..
بحب الهزار وصحابى بيقولولى دمك خفيف..
لو زعلت حد براجع نفسى ومش بستكبر انى اقول كلمة حقك عليا ..
مش بحب الرغى ومش بحب اللف على المحلات.. يعنى هى دى اهم مميزاتى
بالنسبة لعيوبى:
كتومة جدا مش بسهولة حد يقدر يعرف اللى جوايا
يعنى ممكن اكون حموت من الزعل والمضايقة ومحدش يعرف..
بحب اعمل كل حاجة صح وانفذها زى مانا مخططالها ..
مش بجامل حد على حساب نفسى وبيتى وزوجى ..
ساعات لما بكون متضايقة ومخنوقة بتعامل مع الناس برخامة ..

سؤال ملوش علاقه بالموضوع انا آسف
بس هو حضرتك من برج الحوت؟!!!!!!!!!
en_mhmd
25-08-2005, 07:12 PM
سؤال ملوش علاقه بالموضوع انا آسف
بس هو حضرتك من برج الحوت؟!!!!!!!!!

لا انا برج السرطان
ليه هو اللى انا قلته ينطبق على برج الحوت؟؟؟
samah samy
25-08-2005, 08:14 PM
انا سمـــــــاح
عيوبى ........... طيبة جدا لدرجة انى اصدق اى حاجة ....خجولة جدا لدرجة ان من حولى يستغربون من احمرار وجهى لهذا الشكل ...... ازعل من اقل حاجة لو صدرت من شخص احبه ...... احيانا اقول اشياء كنت اود كتمانها ولكن يخوننى الموقف ..... عنيـــــــدة الى حد ما خاصة فى الامور المتعلقة بذاتي .
مميزاتى كما اسمعها ممن حولى ..... هادئة .... نشيطة ...... نظيفة ...... يعنى كفاية كده
ولكن ارى نفسى واجمل ميزة فى ..... هى والفضل لله حفاظى على الصلاة والعبادات ...... والمفروض انكم هتقولوا ان الصلاة فريضة وليست ميزة ...
ولكنى أراها ميزة يعطيها الله لمن يحبه ..... والا معنى معنى ان هناك مسلمون ولا يصلون ..
فى النهاية .....رأى فى نفسى الحمد لله .... نفس طيبة
تحياتى الى الجميع......
en_mhmd
25-08-2005, 08:31 PM
ولكن ارى نفسى واجمل ميزة فى ..... هى والفضل لله حفاظى على الصلاة والعبادات ...... والمفروض انكم هتقولوا ان الصلاة فريضة وليست ميزة ...
ولكنى أراها ميزة يعطيها الله لمن يحبه ..... والا معنى معنى ان هناك مسلمون ولا يصلون ..

.

عزيزتى سماح والله دى فعلا اجمل ميزة ممكن يتحلى بيها الأنسان ... ربنا يهديك كمان وكمان ويثبت ايمانك ويقوية
وشكرا لمشاركتك الجميلة زيك فعلا
N_O_U_R
25-08-2005, 11:12 PM
و الله انا ...... رأي في نفسي
أني
انسان عادي زي غيري ... يمكن نشيط ...بحب شغلي أوي ...بس أكيد في ناس أنشط مني

مميزاتي
نشيط ... صريح بس الصراحة اللي ما تجرحش و ما تأذيش حد ... مش ودني و الله خالص يعني صعب أوي ان حد يوقع بيني و بين حد لمجرد انه قال كلام لأني في الحاله دي بواجه الطرفين ببعض أو بخلي الطرف المدعي يقدم دليل علي كده ...و دي أكترميزه كويسة في وفقا لكلام اصدقائي ... بعرف أنظم وقتي كويس يعني وقت الشغل للشغل ... وقت النت للنت :) ...

عيوبي

عصبي ... بحبكها أوي بمعني أحيانا ان الأمور ممكن تكون مش مستاهله و تلاقيني أحبكها ... بخاف من المستقبل أوي و اشيل هم كل حاجة ... و أكيد في عيوب تانيه بس اصدقائي هما اللي ممكن يقولوها أحسن لان صعب الواحد يشوف عيوبه كلها ...


في حاجة ...ناس بتعتبرها ميزة في و ناس بتعتبرها عيب

أني بعتز بنفسي أوي ......مش معني كده أني مغرور لا و الله و هاتغر علي ايه ...انا انسان عادي

بس علي سبيل المثال ... بحب اللي قدامي يحترمني و انا أحترمه

يحترم ارائي و العكس صحيح

بحب الصداقة بس لي تحفظ علي ان أحيانا الأصدقاء بيهزروا مع بعض بالأيدين و بالألفاظ و بيقولوا ده تهريج و روح الصداقه

انا بحب الصداقة و البساطه في التعامل بس ما بحبش الاسلوب ده

و شكرا لك صديقتي العزيزة ... انك خلتيني أفضفض شويتين

موضوعك رائع
en_mhmd
26-08-2005, 04:13 PM
QUOTE=Nou121212r]


بحب الصداقة بس لي تحفظ علي ان أحيانا الأصدقاء بيهزروا مع بعض بالأيدين و بالألفاظ و بيقولوا ده تهريج و روح الصداقه

انا بحب الصداقة و البساطه في التعامل بس ما بحبش الاسلوب ده

و شكرا لك صديقتي العزيزة ... انك خلتيني أفضفض شويتين

موضوعك رائع [QUOTE]

نورت الموضوع يا صديقى وميرسى على ذوقك

وانا متفقة معاك فى اخر جزء من كلامك بخصوص الصداقة

مش لازم ابدا علشان احنا اصحاب اوى وواخدين على بعض يبقى نهزء بعض الأحترام ما يتعارضش ابدا مع الروح المرحة وخفة الدم .... مش كدة ولا ايه
picksou
26-08-2005, 08:45 PM
لا انا برج السرطان
ليه هو اللى انا قلته ينطبق على برج الحوت؟؟؟
هو في منه كتير برج الحوت
اصلي من برج الحوت,عشان كده حبيت استفسر
powerman_159
27-08-2005, 02:55 AM
انا معرفش رأيي ف نفسي
Elkabos
27-08-2005, 03:17 AM
اولا الموضوع لذيذ و حلو قوي و يساعد الناس انها تكتشف و تحاول تصلح من نفسها
نقول بقي عني انا
مميزاتي :
بصراحه انا مش لاقي في نفسي اي ميزه تعجبني بجد و الله الا اني مش بعمل الا اللي دماغي تقولي عليه وانا مقتنع بيه

و عيوبي :
يووووووووووووووه كتير اولا التنفيض و برود الدم و الاعصاب و التغابي و اني بصراحه صريح اوي في كل حاجه حتي في حاجات مش ينفع اني ابقي صريح فيها لدرجه ان واحد صاحبي ملتزم حبتين بيقول عليا (دماغي بايظه و عايز فرمته ) ومش فارك عموما كل ما تيجي علي بالي حاجه تانيه هاخش اضيف للبروفيل بتاعي
اريفيدتشي بقي
aeffat
27-08-2005, 10:50 AM
أفقر العباد إلى الله .. أضعف العباد إلى الله .. أذل العباد إلى الله

ذلك هو هو شخصى القليل.. لا ميزةً واحدةً أحصيها فى نفسى.. وإن أحصى المقربون فبالظاهر حكموا

فأما العيوب فلا تعد ولا تحصى.. عافاكم الله مما ابتلانى به

وجزاكم الله خيرا
golden_knight_1
02-09-2005, 11:31 PM
موضوع مميز يا اخت en_mhmd
بالنسبة لمميزاتى
بتهيألى ان انا قلبى ابيض شوية مش غلاوى اشيل فى قلبي:cool: :cool:
باشتغل بمجهود غير عادى لما الاقى التشجيع المناسب من الرؤساء( و لو بكلمة حلوة)

عيوبى
عصبى لاتفة الاسباب :5headache :5headache
طول عمري جد و دوغرى عمرى ما عرفت الضحك و الهزار غير لما اتجوزت ( عشان تعرفوا بس احنا بنقدر زوجاتنا ازاي :D :D :D )
تنقصنى العزيمة الكافية للاقلاع عن التدخين :5bomb:
تيجى على ايام تطلب معايا شوية كأابة :o :o
كفاية كدة
و متشكرين يا en mhmd على الموضوع
و على فكرة انا مستنى موضوعك اللى هتردى بية على موضوع العكننة :D :D
tiger3
06-09-2005, 04:28 AM
:5shocking :5shocking أكيد كل واحد مننا فيه مميزات وفيه عيوب لأن مفيش حد حلو على طول وحد وحش على طول يا ترى كل واحد فيكم عارف ايه هى المميزات والعيوب دى؟؟؟؟ طيب ايه رأيكم لو كل واحد يقول ويكتب بصراحة عن مميزاته وعيوبه
عارفة ان فى اللى حيقول محدش يقدر يقول مميزاته ايه وفى اللى حيقول ما يشكر فى نفسة الا ابليس
لكن احنا حنذكر مميزاتنا من وجهة نظر غيرنا بمعنى ان اكيد فى ناس كتير قالولك انت مميزاتك كذا وكذا فتقولها ونفس الشيء بالنسبة للعيوب
وانا عن نفسى حذكر مميزاتى وعيوبى بعد اول مشاركة..........ياترى حتكون لمين؟؟؟؟؟؟؟؟؟؟؟؟
semsem911
06-09-2005, 05:51 PM
موضوع جامد يا en_mhmd وانا هقول الي بيتقال عليا بكل صراحة
اولا العيوب
كتوم لأبعد الحدود ومش أي حد اتكلم معاه بسهولة , ممل في بعض الأوقات لدرجة أني ممكن أقعد دون كلام ولا حراك لفترة طويلة ( زي هدوء التماسيح ) , غبي أحيانا , عنيد لدرجه أني ممكن أضيع حقي وحصلت كتير , ساعات بهرب من مشاكلي بالنوم , خجول جدا جدا , ,,,,,,,

ثانيا المميزات
صبووووووور جدا , منظم في بعض الأحيان , مستمع جيد جدا , الناس بتقول أني برسم كويس بس أنا شايف أني لسه ما طلعتش أي حاجة وغير راضي عن رسوماتي , لو حطيت حاجة في دماغي بجد بعرف أعملها , بيقولوا ذكي , مخلص وبحب كل الناس , رومانسي , بفكر ديما بعقلي مش بقلبي .
saly12332144
06-09-2005, 09:16 PM
بسم الله الرحمن الرحيم
موضوع كويس...بس انا مش بحب اتكلم عن نفسي..!!!

انا انسانه متواضعه جدا.....الحمد لله محبوبه.....عصبيه لابعد الحدود....بتبع قول (معرفه الناس كنوز)...
reem86
06-09-2005, 09:30 PM
اممممممممممممممممم
لو حبيت اتكلم عن نفسي هقول كتيييييييير
نككتفى بعبارة واحدة زى بقية الناس
maicky_dj
25-09-2005, 09:00 PM
انا انسان بسيط جدا من عيوبي المهمة جدا اني مستهتر جدا ومش مهتم بحياتي ولا مستقبلي (بعيش اللحظة )

وكمان من عيوبي التدخين بشراهة

انما الميزة الوحيدة فيا اني مخلص جدا لاصدقائي الحمد لله وعمري ما خنت واحد صاحبي او اتخليت عنه في وقت شدة
شكرا يا en على الفكرة
en_mhmd
25-09-2005, 09:07 PM
انا انسان بسيط جدا من عيوبي المهمة جدا اني مستهتر جدا ومش مهتم بحياتي ولا مستقبلي (بعيش اللحظة )

وكمان من عيوبي التدخين بشراهة

انما الميزة الوحيدة فيا اني مخلص جدا لاصدقائي الحمد لله وعمري ما خنت واحد صاحبي او اتخليت عنه في وقت شدة
شكرا يا en على الفكرة

شكرا يا مايكى على المشاركة
بس يا ريت حاول تقلل موضوع السجاير ده مش حنقول تبطله مرة واحدة بس يعنى واحدة واحدة وربنا معاك وحاول تنتهز فرصة شهر رمضان وتبدا بالتوفيق ان شاء الله وكل سنه وانت طيب
maicky_dj
25-09-2005, 09:21 PM
وانتي طيبة وشكرا على النصيحة الغالية
TheXman
25-09-2005, 11:29 PM
انا انسان زي اي انسان ..........ولا انا من المريخ مثلا
متهور ..............بتعصب بسرعة ............بندم كتير اوي على حاجات عملتها
وقت الجد بقف مع الحق حتى لو كان على رقبتي
لو ابويا عمل حادثة وهو الغلطان هافهمه غلطه وهقف مع المتضرر
اكثر حاجة في حياتي اكرها هي النفاق
باي شكل من الاشكال
كتوم جدا على اسراري جدا جدا حتى عن اقرب الناس ليا
بحس احيانا اني بوجهين ((ومعرفش ده بجد ولا ايه))
اقف مع الحق ولو الدنيا كلها ضدي
مصدع وعندي نزلة برد وكحة ومع ذلك مش قادر اسيب النت بقى ادمان
غامض اوي متعرفش انا معاك ولا ضدك الا لما تكون في مشكلة لازم اوضح موقفي كويس اوي
مليش في الكورة نهائيا بس بعرف اخبارها طشاش

اوقات كتيرة اوي بحس اني بق وخلاص ((بجد والله))
يعني بتكلم كتير ومبعملش حاجة

9909% متخافوش دي مش نتيجة انتخابات دي نسبة الوقت اللي بعده على الديفيدي للعرب من اجمالي الوقت الكلي للقعدة على النت

انا مش تبع الاخوان المسلمين بس لو رشحوا نفسهم في انتخابات مجلس الشعب هختار مرشحهم لاننا عايزين نغير ((عشان متفهموش الصورة اللي في توقيعي غلط)) وانا غير منتمي حركيا لها

ابطل كلام في السياسة بقى

انا بحب العيال الصغننين اوي اوي
بحب العدل يمشي بين الناس
بكره ان واحد يظلم حد
خصوصا لو بيقنع نفسه ان اللي بيعمله صح
باحترم المكان اللي ببقى فيه
انا هبقى طويل ((يارب))
انا هنجح في حياتي ((باذن الله))
انا هتغلب على نفسي ((يارب عني على ذلك))
انا ((والعياذ بالله من كلمة انا ))
TheXman
mashakel
26-09-2005, 04:05 AM
انا رايي في نفسي

اني انسان مش كامل لان الكمال لله وحده

و سيئاتي اكثر من حسناتي

و اخيرا

انا مش راضي عن نفسي ابدا
en_mhmd
12-10-2005, 11:14 PM
انا انسان زي اي انسان ..........ولا انا من المريخ مثلا
متهور ..............بتعصب بسرعة ............بندم كتير اوي على حاجات عملتها
وقت الجد بقف مع الحق حتى لو كان على رقبتي
لو ابويا عمل حادثة وهو الغلطان هافهمه غلطه وهقف مع المتضرر
اكثر حاجة في حياتي اكرها هي النفاق
باي شكل من الاشكال
كتوم جدا على اسراري جدا جدا حتى عن اقرب الناس ليا
بحس احيانا اني بوجهين ((ومعرفش ده بجد ولا ايه))
اقف مع الحق ولو الدنيا كلها ضدي
مصدع وعندي نزلة برد وكحة ومع ذلك مش قادر اسيب النت بقى ادمان
غامض اوي متعرفش انا معاك ولا ضدك الا لما تكون في مشكلة لازم اوضح موقفي كويس اوي
مليش في الكورة نهائيا بس بعرف اخبارها طشاش

اوقات كتيرة اوي بحس اني بق وخلاص ((بجد والله))
يعني بتكلم كتير ومبعملش حاجة

9909% متخافوش دي مش نتيجة انتخابات دي نسبة الوقت اللي بعده على الديفيدي للعرب من اجمالي الوقت الكلي للقعدة على النت

انا مش تبع الاخوان المسلمين بس لو رشحوا نفسهم في انتخابات مجلس الشعب هختار مرشحهم لاننا عايزين نغير ((عشان متفهموش الصورة اللي في توقيعي غلط)) وانا غير منتمي حركيا لها

ابطل كلام في السياسة بقى

انا بحب العيال الصغننين اوي اوي
بحب العدل يمشي بين الناس
بكره ان واحد يظلم حد
خصوصا لو بيقنع نفسه ان اللي بيعمله صح
باحترم المكان اللي ببقى فيه
انا هبقى طويل ((يارب))
انا هنجح في حياتي ((باذن الله))
انا هتغلب على نفسي ((يارب عني على ذلك))
انا ((والعياذ بالله من كلمة انا ))
TheXman

غريبة اوى حكاية احساسك انك بوجهين دى مش عارفة ده احساسك انت ولا حد لفت نظرك لكدة ؟؟؟
على العموم نورت الموضوع واتمنى زيارتك لباقى مواضيعى
en_mhmd
12-10-2005, 11:16 PM
انا رايي في نفسي

اني انسان مش كامل لان الكمال لله وحده

و سيئاتي اكثر من حسناتي

و اخيرا

انا مش راضي عن نفسي ابدا

طبعا الكمال لله وحده
وبصراحة احييك على شجاعتك فى اعترافك ان سيئاتك اكتر ... بس المهم انك تعالج السيئات دى
ومتهيالى ساعتها حتحس بالرضا عن نفسك
شكرا لمشاركتك
TheXman
13-10-2005, 11:07 PM
غريبة اوى حكاية احساسك انك بوجهين دى مش عارفة ده احساسك انت ولا حد لفت نظرك لكدة ؟؟؟
على العموم نورت الموضوع واتمنى زيارتك لباقى مواضيعى

انا بحس كده احيانا
مثلا
ببقى في قعدة مع قرايبي بنضحك وبنهزر
وبعدين اول ما يمشوا ادخل اوضتي واقعد اعيط والله
ساعتها بحس اني قدامهم بوش بس من جوايا حاجة تانية .........ليه؟؟
اقولك
في شرخ قديم قوي جوايا بحاول انساه لكن للاسف مش قادر
هتقولي ايه هو
اخويا الاكبر مني علطول كنت بنام جنبيه في السرير زمان كل يوم
المهم
يوم من الايام صحيت الصبح وماما كانت بتصحيه
بعد دقيقة حياتي اتغيرت........... ليه؟؟؟؟
امي بتصرخ
الحق :اخوك مات
الى لقاء اخر عشان انتي قلبتي المواجع عليا :sadwalk0:
en_mhmd
14-10-2005, 12:03 AM
انا بحس كده احيانا
مثلا
ببقى في قعدة مع قرايبي بنضحك وبنهزر
وبعدين اول ما يمشوا ادخل اوضتي واقعد اعيط والله
ساعتها بحس اني قدامهم بوش بس من جوايا حاجة تانية .........ليه؟؟
اقولك
في شرخ قديم قوي جوايا بحاول انساه لكن للاسف مش قادر
هتقولي ايه هو
اخويا الاكبر مني علطول كنت بنام جنبيه في السرير زمان كل يوم
المهم
يوم من الايام صحيت الصبح وماما كانت بتصحيه
بعد دقيقة حياتي اتغيرت........... ليه؟؟؟؟
امي بتصرخ
الحق :اخوك مات
الى لقاء اخر عشان انتي قلبتي المواجع عليا :sadwalk0:

والله انا اسفة جدا ...انا مش عارفة اعمل ايه فى نفسى
انا كنت اقصد من مواضيعى اننا نتكلم مع بعض ونفضفض لبعض لكن للأسف اغلب اللى شاركوا معايا فكرتهم بذكريات مؤلمة ... بجد حقكم عليا وصدقنى والله انا فعلا بتعب نفسيا لما بلاقى حد حزين وزعلان ... لأ وايه بقيت انا كمان السبب فى الحزن ده علشان بفكركم بيه
اسفة للمرة التانية
TheXman
14-10-2005, 12:14 AM
والله انا اسفة جدا ...انا مش عارفة اعمل ايه فى نفسى
انا كنت اقصد من مواضيعى اننا نتكلم مع بعض ونفضفض لبعض لكن للأسف اغلب اللى شاركوا معايا فكرتهم بذكريات مؤلمة ... بجد حقكم عليا وصدقنى والله انا فعلا بتعب نفسيا لما بلاقى حد حزين وزعلان ... لأ وايه بقيت انا كمان السبب فى الحزن ده علشان بفكركم بيه
اسفة للمرة التانية
وانتي ذنبك ايه
انا الجرح ده جواية من زمان وفعلا حاسس بضيق جداا رغم ان اخويا اتوفي من5 سنين الا شوية الا انني لسه متأثر لحد الان
وحضرتك ملكيش علاقة باي حاجة انا افتكرته بس وانا بكتب المشاركة الاولى ودايما افتكره لما اقعد لوحدي

بس سيادتك متزعليش نفسك ابدا لانك ملكيش دعو ة باي حاجة انتي غرضك من الموضوع غرض ممتاز فعلا واشكرك على المواضيع الرائعة دي
رقيقه
14-10-2005, 01:40 AM
انا طيبه ومحتاجه اللي يقدرني لان اللي بيقدرو مش كتير
انا عاوزة وبدعي ا ن ربنا يهديني للي اتمناه 00 ومبزعلش من حد ومحبوبه لاني ذوق مع الجميع

اما عيوبي
انطوائيه ومش بالسهل ان اخد علي اي حد
فيا عصبيه بسيطه
جد جداااااااااااااااااااا فشغلي وفتعاملاتي
وشكرا ليكي
en_mhmd
15-10-2005, 12:38 PM
انا طيبه ومحتاجه اللي يقدرني لان اللي بيقدرو مش كتير
انا عاوزة وبدعي ا ن ربنا يهديني للي اتمناه 00 ومبزعلش من حد ومحبوبه لاني ذوق مع الجميع

اما عيوبي
انطوائيه ومش بالسهل ان اخد علي اي حد
فيا عصبيه بسيطه
جد جداااااااااااااااااااا فشغلي وفتعاملاتي
وشكرا ليكي

ربنا يهديكى للى بتتمنيه
وشكرا لمرورك