إشاعات + ساعات + ثني المستطيل

[almaeihm]

السلام عليكم جميعا و رحمة الله و بركاته...

بمناسبة تعييني مشرف للمنتدى هأديلكم 3 ألغاز خفيفة...


http://www.frenchspot.com/Dividers/Fancy/fancy03.gif


اللغز الأول/ إشاعات

انت ضمن مجموعة من 10 أشخاص... كل شخص مستقل بمنزله... و لكن تجمعكم طبيعة واحدة و هي حب نشر الإشاعات ما بينكم... و علشان كده كل واحد منكم قاعد في بيته جنب التليفون مستني الإشاعات علشان ينشرها...

انت دلوقت عندك إشاعة.. رفعت سماعة التليفون علشان تبدأ في نشر الإشاعة.. و كلمت واحد من التسعة الباقيين... و بكده انت بدأت سلسلة نشر الإشاعة... طبعا كل شخص هتوصل له الإشاعة هيرفع السماعة ثاني و ينشرها لشخص آخر(و الطبيعي انه مش هيكلم الشخص اللي لسه قايل له عن الإشاعة)...

المطلوب هو/ ما هي احتمالية ان تتلقى انت المكالمة الخامسة في السلسلة إذا كان:

- الحالة الأولى: الشخص يستطيع مكالمة شخص آخر سبق و أن تهاتفا و تحادثا بشأن الإشاعة بشرط أن لا يكون الشخص اللي لسه مكلمه...

- الحالة الثانية: ان أي شخص لن يحادث أي شخص آخر مرتين (لأنه أكيد هيبقى عارف الأشاعة فالمكالمة ما لهاش لازمة و أهي توفر في فاتورة التليفون)...


http://www.frenchspot.com/Dividers/Fancy/fancy03.gif


اللغز الثاني/ ساعات

عندنا ساعة ديجيتال تظهر لنا الوقت بالصيغة التالية H:M1 M2... بحيث أن الـ H دي بتمثل الساعات بشكل عدد من خانتين.. و M1 بتمثل خانة العشرات من الدقايق.. بينما M2 خانة الآحاد من الدقايق...

المطلوب/ كم مرة خلال اليوم تظهر الساعة توقيت يحقق الشرط بأن H قابلة للقسمة على M1 و يكون ناتج القسمة هو M2.. إذا كان:

- الحالة الأولى: التوقيت بصيغة 12 ساعة

- الحالة الثانية: التوقيت بصيغة 24 ساعة (منتصف الليل نعبر عنه بـ 00:00)...


http://www.frenchspot.com/Dividers/Fancy/fancy03.gif


اللغز الثالث/ ثني المستطيل

قطعة مستطيلة من الورق... قمنا بثنيها بحيث أصبحت زاويتين متقابلتين ملتصقتين مع بعض... طول الثنية اللي عملناها اتضح انه مساوي لطول الضلع الأطول من المستطيل...

السؤال/ ما هي نسبة طول الضلع الأطول من المستطيل إلى طول الضلع الأقصر؟


http://www.frenchspot.com/Dividers/Fancy/fancy03.gif


تحياتي

[DR_OZY]

السلام عليكم

انا قلت الاشراف ده هييجى على دماغنا

بالنسبه للغز الاول

هو كل واحد هينشر الاشاعه مره واحده بس؟

ما اعتقدش.

[طه محسن]

دى ألغاز خفيفة ؟!!!!

دا كفاية اللغز الأول !!! .. علي العموم جاري المحاولة في اللغزين التانيين والأول دا أنا مش هحاول فيه عشان شغل الإحتمالات دا صعب أوى .

شكرا علي الألغاز الجميلة يا (هاشمتو) :)

[DR_OZY]

السلام عليكم

بالنسبه للساعات
الحاله الاولى 58 مره

[DR_OZY]

الحاله التانيه

49 مره

[usama ahmed]

ازيكم يا شباب
والله اللى قدرت عليه لغايه دلوقت هو اللغز التالت
النسبه بين الضلعين3:4
طبعا الاطول 4 والاقصر3
وجارى التفكير فى البقيه

[طه محسن]

بالنسبة لحل اللغز التانى فهو مختلف عن حل الدكتور ..

الحالة الأولي 24 مرة

الحالة الثانية 24+12 = 36 مرة ...

صح ولا لأ ؟؟

[usama ahmed]

والله ده اللى وصلتله
ومحدش يضحك عليا
بس اللغز الاول النقطة الاولى الاحتمال1/512

[usama ahmed]

والنقطة التانيه 1/41

[.:GOGO:.]

بالنسبه للغز التاني .. أنا لا حظت إن هاشمتو قال إن (h) .. مكونه من رقمين ... فلما حسبتها ...
طلع في الحاله الأولي ... 5 مرات
و في الحاله التانيه ... 16 مره ...

ولا أنت قصدك بخانتين يعني ( 09 ) مثلا ... أصل أنا خدت من ( 10 ) ل ( 24 ) .

لو كان كده ...
يبقي الحاله اأولي ..... 24 مره ...... زي حبيبي طه محسن .
بس الحاله التانيه 31 مره ....
عشان ممكن يطلع معاك 16:82 .. وده غير صحيح لأن الساعه 60د فقط ... يعني عندك لغايه ( H:60 ) . وقف .

[.:GOGO:.]

آسف الحاله التانيه 35 .. مره

[DR_OZY]

مش تقول ان الساعه 60 دقيقه


يبقى كده فى الحاله التانيه

39 مره

[.:GOGO:.]

بالنسبه للغز الثالث :أنت جننتني يا هاشمتو .... أنا مش فاهم حاجه ... طول الثنيه ..... هو قطر الإسطوانه ؟ .... و لا محيط مقطع الإسطوانه ؟ ... لو محيط مقطع الإسطوانه .. يبقي ما كنش ليها لازمه .. عشان أكيد لما نثني القطعه المستطيله من الورق .. لازم يكون مجيط اللفه .. هو طول أحد الضلعين .. أنت وضحت إنه الضلع الأطول بس !!!!!! ..... أنا شكلي مش فاهم ... يا ريت حد يفهمني ..

[DR_OZY]

هى الرسمه اللى طلعت معايا مافيهاش اسطوانات خالص

هتطلع زى ما تقول كده شبهين منحرف

انت حاول تطبق الزاويه على زاويه مقابله ليها مش مجاوره
والثنيه اللى طلعت هى الخط الفاصل بين شبهين المنحرف دول

[almaeihm]

السلام عليكم

انا قلت الاشراف ده هييجى على دماغنا

بالنسبه للغز الاول

هو كل واحد هينشر الاشاعه مره واحده بس؟

ما اعتقدش.
هههههههههههههههه :)... انت لسه شفت حاجة يا دكتور... ده أنا حأهريكم ألغاز... أهو كل يوم من ده :D

بالنسبة للغز الأول... فعدم إعتقادك كان في محله :)... يعني الطريقة هي ان الشخص يتلقى الإشاعة.. يقوم هو مبلغها لشخص آخر... بعدين يستنى جنب التليفون... و لو حد اتصل ثاني يبلغه.. يقوم هو يتصل بشخص كمان علشان يبلغه... و هكذا...

تحياتي

[almaeihm]

دى ألغاز خفيفة ؟!!!!

دا كفاية اللغز الأول !!! .. علي العموم جاري المحاولة في اللغزين التانيين والأول دا أنا مش هحاول فيه عشان شغل الإحتمالات دا صعب أوى .

شكرا علي الألغاز الجميلة يا (هاشمتو) :)
هههههههه :)... معليش يا طه باشا... الألغاز لازم تكون ثقيلة علشان الناس ما تقولش ده مشرف متهاون... أنا لازم أعمل لي صورة تتحلى بالصرامة :D

الألغاز لا صعبة و لا حاجة... و خصوصا اللغز الأول.. ده لذيذ خاااالص... و انت بس شد حيلك و هتجاوبه...

تحياتي

[almaeihm]

السلام عليكم

بالنسبه للساعات
الحاله الاولى 58 مره
و عليكم السلام...

لا يا دكتور... مش 58

الحاله التانيه

49 مره
برضه لا... مش 49 يا دوك...

حاول مرة أخرى...

تحياتي

[almaeihm]

ازيكم يا شباب
والله اللى قدرت عليه لغايه دلوقت هو اللغز التالت
النسبه بين الضلعين3:4
طبعا الاطول 4 والاقصر3
وجارى التفكير فى البقيه
أهلا يا أخ أسامة...

للأسف إجابتك مش صحيحة...

حاول ثاني :)

تحياتي

[almaeihm]

بالنسبة لحل اللغز التانى فهو مختلف عن حل الدكتور ..

الحالة الأولي 24 مرة

الحالة الثانية 24+12 = 36 مرة ...

صح ولا لأ ؟؟
حلك يا طه بالنسبة للحالة الأولى مش صح...

و بالنسبة للحالة الثانية مش صح برضه :) ...

حاول مرة أخرى...

تحياتي

[almaeihm]

والله ده اللى وصلتله
ومحدش يضحك عليا
بس اللغز الاول النقطة الاولى الاحتمال1/512
طب بالعند فيك يا أسامة.. هههههههههههه (أصل أنا مشرف رخم :D )

لا يا عم... الحالة الأولى مش صحيحة...

والنقطة التانيه 1/41
الحالة الثانية أحسن من الأولى... بس مش صحيحة مية في المية...

أنتظر محاولاتك القادمة

تحياتي

[almaeihm]

بالنسبه للغز التاني .. أنا لا حظت إن هاشمتو قال إن (h) .. مكونه من رقمين ... فلما حسبتها ...
طلع في الحاله الأولي ... 5 مرات
و في الحاله التانيه ... 16 مره ...

ولا أنت قصدك بخانتين يعني ( 09 ) مثلا ... أصل أنا خدت من ( 10 ) ل ( 24 ) .

لو كان كده ...
يبقي الحاله اأولي ..... 24 مره ...... زي حبيبي طه محسن .
بس الحاله التانيه 31 مره ....
عشان ممكن يطلع معاك 16:82 .. وده غير صحيح لأن الساعه 60د فقط ... يعني عندك لغايه ( H:60 ) . وقف .
أهلا يا عسل...

أنا فعلا كان قصدي ان الخانتين هتبدأ من 01...

أما بالنسبة للحلول اللي قدمتها فهي و للأسف الشديد غير صحيحة...

أتمنى المحاولة مرة أخرى... و بتركيز المرة دي...

تحياتي

[almaeihm]

آسف الحاله التانيه 35 .. مره
برضه مش صح يا أمجد...

زودها حبتين

تحياتي

[almaeihm]

مش تقول ان الساعه 60 دقيقه


يبقى كده فى الحاله التانيه

39 مره
ممتاز يا دكتور أوزي...

هي فعلا 39 مرة بالنسبة للحالة الثانية...

نصف إجابة اللغز الثاني من نصيب DR_OZY

لسه الحالة الأولى... و أنا متوقع أمجد أو طه هيجاوبوه لأن حلهم قريب جدا...

تحياتي

[almaeihm]

بالنسبه للغز الثالث :أنت جننتني يا هاشمتو .... أنا مش فاهم حاجه ... طول الثنيه ..... هو قطر الإسطوانه ؟ .... و لا محيط مقطع الإسطوانه ؟ ... لو محيط مقطع الإسطوانه .. يبقي ما كنش ليها لازمه .. عشان أكيد لما نثني القطعه المستطيله من الورق .. لازم يكون مجيط اللفه .. هو طول أحد الضلعين .. أنت وضحت إنه الضلع الأطول بس !!!!!! ..... أنا شكلي مش فاهم ... يا ريت حد يفهمني ..
هاه؟!؟!!!؟!! أسطوانة؟!!! هي فين الإسطوانة دي؟!! :confused::confused::confused:


يا أخواننا لو سمحتوا... اللي معاه اسطوانة مخبيها في جيوبه يطلعها بسرعة.. علشان امجد يشوفها و يتأكد ان اللغز ما فيهوش أي أسطوانات :)

بص يا امجد... انته تجيب الورقة.. و بعدين تنقيلك أي ركنين متقابلين (مش متجاورين) يعني يصل بين الركنين دول قطر و ليس ضلع... و بعدين تحط الركنين دول على بعض و تكبس الورقة... بالتأكيد هيكون عندك ثنية في الورق... أهي دي بقى الثنية اللي بنتكلم عنها...

تحياتي

[almaeihm]

هى الرسمه اللى طلعت معايا مافيهاش اسطوانات خالص

هتطلع زى ما تقول كده شبهين منحرف

انت حاول تطبق الزاويه على زاويه مقابله ليها مش مجاوره
والثنيه اللى طلعت هى الخط الفاصل بين شبهين المنحرف دول
شكرا على الإيضاح يا دكتور...

تحياتي لك

[DR_OZY]

السلام عليكم

طالما الجزء التانى صح يبقى الجزء الاول 48 مره

[.:GOGO:.]

طب أنا طلعت الجزء الأول ....37 مره ؟؟؟؟؟؟؟؟؟؟؟

[DR_OZY]

بالنسبه للغز الاول عاوز افهمه كويس

دلوقتى انا كلمت واحد فى التليفون

دى المكالمه الاولى

المكالمه التانيه بقى هتكون عباره عن مكالمتين ؟

يعنى انا هاتصل برضه بواحد تانى غير اللى كلمته ؟
وفى نفس الوقت اللى كلمته فى الاول هيتصل بواحد غيرى عشان يقول له الاشاعه ؟؟

[almaeihm]

السلام عليكم

طالما الجزء التانى صح يبقى الجزء الاول 48 مره
صح يا دكتور... هي فعلا 48 مرة...

حل اللغز الثاني كاملا من نصيب DR_OZY

هلاّ تفضلت يا دكتور و وضحت للأعضاء بإختصار طريقة وصولك للحل... بدون إسهاب.. و لكن لتعم الفائدة...

تحياتي

[.:GOGO:.]

بالنسبه للغز بتاع المستطيل ... نسبه طول الضلع الأكبر للأصغر ( جذر2 : 1 ) ...... لو صح قولي عشان أشرح ......

[almaeihm]

طب أنا طلعت الجزء الأول ....37 مره ؟؟؟؟؟؟؟؟؟؟؟
لا يا امجد...

الـ 24 اللي انت و طه قلتوهم في البداية كانوا صح... و لكن ده كان بيحصل في خلال 12 ساعة بس... طيب اللغز بيسأل عن عدد المرات في اليوم... يبقى ضروري تضرب في 2...

كنت قريب يا أمجد... و لكن سبقك دكتور أوزي...

خيرها في غيرها...

تحياتي

[almaeihm]

بالنسبه للغز الاول عاوز افهمه كويس

دلوقتى انا كلمت واحد فى التليفون

دى المكالمه الاولى

المكالمه التانيه بقى هتكون عباره عن مكالمتين ؟

يعنى انا هاتصل برضه بواحد تانى غير اللى كلمته ؟
وفى نفس الوقت اللى كلمته فى الاول هيتصل بواحد غيرى عشان يقول له الاشاعه ؟؟
نشرح يا دكتور... ما نشرحش ليه... هو احنا عندنا كام دكتور :)...

الطريقة هي انك تستلم مكالمة.. و تعمل مكالمة.. بعدين تستلم مكالمة و تعمل مكالمة اخرى...

لو انت استلمت مكالمة من شخص.. و عملت واحدة لشخص آخر... يبقى هتقعد تستنى تجيلك مكالمة ثانية... انت ما تعملش مكالمة إلا بعد ما تستلم مكالمة...

ده بينطبق على الجميع... ما عدا اول مكالمة اللي انت عملتها.. يعني انت أخترعت الإشاعة من دماغك... يبقى هتعمل اول مكالمة علشان تنشرها... و بعد كده سلسلة المكالمات هتتوالى بالطريقة المشروحة فوق...

أتمنى تكون وضحت...

تحياتي

[almaeihm]

بالنسبه للغز بتاع المستطيل ... نسبه طول الضلع الأكبر للأصغر ( جذر2 : 1 ) ...... لو صح قولي عشان أشرح ......
شوف يا أمجد...

الطريقتين في الحل اللي عندي بيدوني نتيجة واحدة تختلف عن النتيجة اللي انت قلتها...

و لذلك فالخيار متروك لك... يعني عايز تشرح و تثبت لي إن حلي بالطريقتين علط... فأنا متشوق لذلك...

و لو عايز تقصر الشر :).. و تدور لك على حل ثاني.. فأنت حر...

بص يا أمجد... أنا مشرف ديموقراطي... سايب لك الخيار :)...

تحياتي

[usama ahmed]

ده ايه الفشل اللى انا فيه ده
ولا حاجة صح
بس انا كنت متأكد من اللغز التالت وجربتها
يمكن انا مفهمتوش صح ولا ايه؟
انا قربت ايأس
سلام

[.:GOGO:.]

أنت طبعا مشرف ديمقوقراطي جداا ... و عشان كده أنا هكتبلك الإثبات وتقولي إيه الغلط فيه ...

لو فرضنا إن الشكل ده مربع طول ضلعه A .... يبقي طول الثنيه هو ... A× جذر2 .. صح ؟
طيب إحنا كده عندنا طول الثنيه ... عاوزين بأه نخلي طول أي من ضلعين المربع قد طول الثنيه ....
إضرب أي ضلع فيهم × جذر2 ... و بكده يبقي مستطيل أبعاده ( A ) و ( A × جذر2 ) ....... بس

[almaeihm]

ده ايه الفشل اللى انا فيه ده
ولا حاجة صح
بس انا كنت متأكد من اللغز التالت وجربتها
يمكن انا مفهمتوش صح ولا ايه؟
انا قربت ايأس
سلام
لا.. لا.. لا.. يا أسامة... انا كده هأزعل...

أولا انت مش فاشل إطلاقا... و أنا شفت مشاركاتك في المواضيع الأخرى... انت بس محتاج شوية هدوء و تركيز...

و بعدين لا مكان لليأس في المنتدى ده... حاول ثاني و ثالث و رابع.. كل مرة هتكتشف طريقة جديدة في الحل... و هتوصل في الآخر...

بالنسبة للغز الثالث فأنا شرحته لـ X-GoGo فوق... ممكن التوضيح ده يساعدك...

انتظر مشاركاتك القادمة...

تحياتي

[almaeihm]

أنت طبعا مشرف ديمقوقراطي جداا ... و عشان كده أنا هكتبلك الإثبات وتقولي إيه الغلط فيه ...

لو فرضنا إن الشكل ده مربع طول ضلعه A .... يبقي طول الثنيه هو ... A× جذر2 .. صح ؟
طيب إحنا كده عندنا طول الثنيه ... عاوزين بأه نخلي طول أي من ضلعين المربع قد طول الثنيه ....
إضرب أي ضلع فيهم × جذر2 ... و بكده يبقي مستطيل أبعاده ( A ) و ( A × جذر2 ) ....... بس
هههههههههه :)... و الله أنا بأحب أقرأ ردودك... عندك دائما أفكار غير تقليدية... أهنيك على مجالك الواسع في التفكير...

طيب يا أمجد... حلك و الله العظيم عاجبني.. و علشان كده هأستخدم حلك في إعطاء هينت... المشكلة في حلك يا أمجد ان انت لما هتزود طول أحد الأضلاع.. طول الثنية هيتغير برضه... يعني انت هتفضل تطول في الضلع.. و تقصر (بشكل اتوماتيكي) في طول الثنية... و لكن في وقت ما أثناء هذه العملية الإثنين (الضلع و الثنية) هيكونوا قد بعض... هو ده الطول اللي يحقق المعطيات اللي في السؤال... يبقى تشوف النسبة اللي عندك بين الضلعين... و أي مستطيل تحقق اطوال أضلاعه هذه النسبة سيكون طول الثنية فيه يساوي طول الضلع الأكبر...

اتمنى المحاولة مرة أخرى...

تحياتي

[majic]

ازيك يا هاشمتو.
أولا ألف مبروك عالإشراف.
ثانيا انت عارفني بحب أحل الألغاز الهندسية . عشان كدة ححاول في اللغز ده.
النسبة بين الطول الأصغر إلى الأكبر المفروض تبقى حوالي 0.786

طريقة الحل :
عند ثني المستطيل من ركنين متقابلين تكون الثنية الناتجة عمودية على القطر أي أن بالنظر إلى الشكل تكون EG متعامدا على AC
ومن تماثل الشكل أيضا يتقاطع الخطان في مركز المستطيل أو بمعنى آخر يكون EM=MG
نفرض الآن طول ضلع المستطيل الأطول x وطول الضلع الأصغر y
في الشكل AECG القطرين متعامدين وينصف كل منهما الآخر أي أنه معين وبالتالي أطوال أضلاعه متساوية
إذن EC=CG = x-z
المطلوب إثبات أن طول EG يساوي x
انظر الرسم....
في المثلث CDG القائم الزاوية يكون
y^2 + z^2 = (x - z)^2
then y^2 = x^2 - 2.x.z

في المثلث EFG
y^2 + (x - 2z)^2 = x^2
then y^2 = 4xz - 4z^2

من المعادلتين السابقتين
x^2 - 6xz + 4z^2 = 0
إذن x = 5.236 z
وبالتعويض في إحدى المعادلتين يكون
y = 0.7861 x

[almaeihm]

ازيك يا هاشمتو.
أولا ألف مبروك عالإشراف.
ثانيا انت عارفني بحب أحل الألغاز الهندسية . عشان كدة ححاول في اللغز ده.
النسبة بين الطول الأصغر إلى الأكبر المفروض تبقى حوالي 0.786

طريقة الحل :
عند ثني المستطيل من ركنين متقابلين تكون الثنية الناتجة عمودية على القطر أي أن بالنظر إلى الشكل تكون EG متعامدا على AC
ومن تماثل الشكل أيضا يتقاطع الخطان في مركز المستطيل أو بمعنى آخر يكون EM=MG
نفرض الآن طول ضلع المستطيل الأطول x وطول الضلع الأصغر y
في الشكل AECG القطرين متعامدين وينصف كل منهما الآخر أي أنه معين وبالتالي أطوال أضلاعه متساوية
إذن EC=CG = x-z
المطلوب إثبات أن طول EG يساوي x
انظر الرسم....
في المثلث CDG القائم الزاوية يكون
y^2 + z^2 = (x - z)^2
then y^2 = x^2 - 2.x.z

في المثلث EFG
y^2 + (x - 2z)^2 = x^2
then y^2 = 4xz - 4z^2

من المعادلتين السابقتين
x^2 - 6xz + 4z^2 = 0
إذن x = 5.236 z
وبالتعويض في إحدى المعادلتين يكون
y = 0.7861 x
:eusa_clap:eusa_clap:eusa_clap

برافو.. برافو.. يا بروفيسور... بصراحة... حل و شرح قمة في الجمال...

طبعا السؤال بيطلب نسبة طول الضلع الأطول إلى الضلع الأقصر... و بالتالي إحنا هنقلب النسبة اللي انت جبتها... و هتكون 1.272...

و ربنا يبارك فيك يا باشا... و أنا سعيد جدا جدا بمشاركتك و حلك الجميل...

حل اللغز الثالث من نصيب majic

تحياتي

[.:GOGO:.]

أنت والله مخك هندسي 500% يا أستاذ majic ...

يس بالنسبه للغز الأول يا هاشمتو ... في الحاله التانيه نسبه المكالمه الخامسه هي 12.5% ؟؟؟؟؟؟

[almaeihm]

أنت والله مخك هندسي 500% يا أستاذ majic ...

يس بالنسبه للغز الأول يا هاشمتو ... في الحاله التانيه نسبه المكالمه الخامسه هي 12.5% ؟؟؟؟؟؟
هو من ناحية ان ماجيك مخه هندسي... فهو هندسي... ده اللغز الهندسي ما بياخدش في إيده غلوة... ما شاء الله تبارك الله :) ...

أما بالنسبة لحلك يا أمجد فبصراحة هو مش مضبوط... و لكن علشان أثبت لك إني ديموقراطي... فأنا هأسيب لك الخيار بأنك تشرح إجابتك و تثبت لي إنها صح.. أو تلم الليلة و تروح تنام و تفكر فيه بعدين :)... براحتك...

تحياتي

[.:GOGO:.]

بص ياسيدي ... أنا لما أعمل مكالمه لأي واحد من أل 9 .... أل أنا كلمته ده هبقي قدامه 8 أشخاص يكلمهم ...

يعني المكالمه التانيه ليها إحتمال 8 أشخاص ...
و المكالمه التالته ليها إحتمال 8 أشخاص ...
و المكالمه الرابعه ليها إحتمال 8 أشخاص ...
و المكالمه الخامسه ليها إحتمال 8 أشخاص ... أنا ممكن أكون منهم ..

فــ إحتمال المكالمه الخامسه .. هي ( 1/8 ) .... يعني 12.5%

[almaeihm]

بص ياسيدي ... أنا لما أعمل مكالمه لأي واحد من أل 9 .... أل أنا كلمته ده هبقي قدامه 8 أشخاص يكلمهم ...

يعني المكالمه التانيه ليها إحتمال 8 أشخاص ...
و المكالمه التالته ليها إحتمال 8 أشخاص ...
و المكالمه الرابعه ليها إحتمال 8 أشخاص ...
و المكالمه الخامسه ليها إحتمال 8 أشخاص ... أنا ممكن أكون منهم ..

فــ إحتمال المكالمه الخامسه .. هي ( 1/8 ) .... يعني 12.5%
منطقك سليم يا أمجد.. و لكن فيه حاجة انت مفوتها في النص...

أنا هأسيبك تفكر في حلك شوية... و صدقني لو ركزت هتعرف الغلط فين... و على فكرة.. الحالة الأولى أسهل.. حاول فيها ;) ...

تحياتي

[usama ahmed]

بصوا بقى يا جماعة
انا لغاية دلوقت حظى وحش معاكوا مش عارف دماغى ضاربه ولا ايه
المهم اللغز الاول الحاله الاولى
4/41
وربنا يستر
وسلامو عليكو

[almaeihm]

بصوا بقى يا جماعة
انا لغاية دلوقت حظى وحش معاكوا مش عارف دماغى ضاربه ولا ايه
المهم اللغز الاول الحاله الاولى
4/41
وربنا يستر
وسلامة عليكو
ههههههه :)... يا أسامة حظك ان شاء الله بدأ يتعدل...

انت قريب جدا من الإجابة الصحيحة... بس لسه فاضل تكة... و المهم.. تقول لنا جبت حلك ازاي...

انتظر مشاركتك القادمة...

تحياتي

[usama ahmed]

طب بس قولى قبل ما اشرح
هو الحل مش 3/41
يا رب الحل ده يبقى الصح

[almaeihm]

طب بس قولى قبل ما اشرح
هو الحل مش 3/41
يا رب الحل ده يبقى الصح
لا يا أسامة انت كده بعدت...

اشرح يا بني يمكن أقدر أديلك hint والا حاجة ;) ...

تحياتي

[usama ahmed]

طب معلش انا زهقتك
بس ممكن تقولى المكالمه الاولى فى السلسلة هى اللى انا هاكلمها(اول مكالمه خالص) ولا اللى بعدها

[almaeihm]

طب معلش انا زهقتك
بس ممكن تقولى المكالمه الاولى فى السلسلة هى اللى انا هاكلمها(اول مكالمه خالص) ولا اللى بعدها
و لا زهقتني و لا حاجة... انت من حقك تسأل.. و من واجبي أجاوبك... لا تتردد في طلب إيضاحات أبدا...

أول مكالمة في السلسلة هي اللي انت هتعملها... يعني أول مكالمة خالص... اللي بعدها تعتبر الثانية...

تحياتي

[usama ahmed]

3/32
ولو غلط انا خلاص دماغى فرقعت
يظهر فى تكة واقعة منى
سلاااااااااام

[almaeihm]

3/32
ولو غلط انا خلاص دماغى فرقعت
يظهر فى تكة واقعة منى
سلاااااااااام
معليش يا أسد...

بصراحة الناتج النهائي مش بعيد جدا... و لكن الرقمين اللي انت حاططهم في النسبة مش مضبوطين.. و لذلك أنا أعتقد ان عندك حاجة مفقودة في الحل بتاعك...

يا بني هتطير برج من نافوخي:5bomb: .. اشرح و خلصني :)

أكرر لك يا أسامة.. لا تيأس و لكن غير طريقة تفكيرك شوية...

تحياتي

[.:GOGO:.]

إيه يا شباب مفيش حد عارف يحل اللغز الأول !!!!!!!!!! ... ده في ألغاز كتيره مرميه في الصفحات ألـ قدام و لسه ما تحلتش ...

[almaeihm]

إيه يا شباب مفيش حد عارف يحل اللغز الأول !!!!!!!!!! ... ده في ألغاز كتيره مرميه في الصفحات ألـ قدام و لسه ما تحلتش ...
يا أمجد... أنا أشكرك انك طلعت الموضوع ده... و اللغز على فكرة موجود في الموضوع المثبت "ألغاز المنتدى غير المحلولة"...

يبدو ان ألغاز الإحتمالات مش مرغوبة كثير لأنها أصلا رخمة :)... و لكن أنا بتعجبني جدا...

تحياتي

[usama ahmed]

ازيك يا هاشمتو.....
انا طبعا تعبت من لغز عيد الميلاد وان كنت مستغرب من حكايه نص الحل اللى عندى.... :5bomb:
المهم انى ابتديت افكر فى لغز الاحتمالات -اللى انت بتحبها- ولو انى ماليش فى الاحتمالات اوى...
وانا كنت حاولت فيه قبل كده وطبعا كله كان غلط...
السؤال الول فى اللغز ده انا طلعتها 1/9 ....
على فكرة انا حاسس ان الحل ده غلط بنسبه 99% :D
بس عشان انا عارف كرمك يا هاشمتو ومعاملتك اللطيفه انا قلت اكتب وخلاص
يا ريت لو غلط وده اكيد ما تقوليش فو وشى كده عشان قلبى ما يقفش :eek: :eek:
ربنا يستر
سلااااااااااااااااااااام

[almaeihm]

ازيك يا هاشمتو.....
انا طبعا تعبت من لغز عيد الميلاد وان كنت مستغرب من حكايه نص الحل اللى عندى.... :5bomb:
المهم انى ابتديت افكر فى لغز الاحتمالات -اللى انت بتحبها- ولو انى ماليش فى الاحتمالات اوى...
وانا كنت حاولت فيه قبل كده وطبعا كله كان غلط...
السؤال الول فى اللغز ده انا طلعتها 1/9 ....
على فكرة انا حاسس ان الحل ده غلط بنسبه 99% :D
بس عشان انا عارف كرمك يا هاشمتو ومعاملتك اللطيفه انا قلت اكتب وخلاص
يا ريت لو غلط وده اكيد ما تقوليش فو وشى كده عشان قلبى ما يقفش :eek: :eek:
ربنا يستر
سلااااااااااااااااااااام
أهلا يا أسامة...

فعلا انت كنت بتحاول بإجتهاد في اللغز ده قبل كده... و لكن للأسف لم يحالفك الحظ...

مش عارف أقولهالك إزاي... بس مش فيه في البلد كوبري.. قريب من الإشارة اللي وراء الميدان العام... مش عندها واحد بيبيع كفتة... أهو ده بالذات بطل تشتري من عنده... كفتته بايتة و بتبوظ تفكير الواحد :D... يومين تلاتة و هتبقى بعدها زي الفل :) ...

تحياتي

[.:GOGO:.]

إزيك يا هاشمتو ...
بالنسبه للغز الأول ده ... فاكر محاولتي فيه ... أهه المحاوله ده كانت لسه دراسه الجامعه ما بدأتش لكن دلوقتي خدنا الإحتمالات يا حلو ... و لوني شاكك برضه إن الحل ألـ أنا هكتبه دلوقتي ده غلط ...

عارف توزيع ثنائي الحدين ... هحلها بيه ..
آااااااه إنسي ألـ أنا كتبته قبل كده خاااااااااالص :bigsmile:

إحنا دلوقتي عندنا 10 أشخاص ... و أنا ألـ هبدأ الإشاعات ...
يعني قي 9 أشخاص مستنييني ..

إحتمال تلقي المكالمه الأولي لواحد من ألـ 9 أشخاص = (1/9)
إحتمال عدم تلقي المكالمه الأولي لواحد من ألـ 9 أشخاص = (8/9)

معني كده إن إحتمال المكالمه تلقي المكالمه الأولي = (9ق1) × [(1/9)^8] × [(8/9)^1]
= 1.85844585 × (10^-7)

----------------------

إحتمال تلقي المكالمه الثانيه لواحد من ألـ 8 أشخاص = (1/8)
إحتمال عدم تلقي المكالمه الثانيه لواحد من ألـ 8 أشخاص = (7/8)

معني كده إن إحتمال تلقي المكالمه التانيه = (8ق1) × [(1/8)^7] × [(7/8)^1]
= 3.337860107 × (10^-6)

----------------------

المكالمه الثالثه إحتمالها نفس المكالمه الثانيه لأنها من بين 8 أشخاص يرضه ...

المكالمه الرابعه نفس النظام (8أشخاص)

المكالمه الخامسه نفس النظام .

-----------------------

و بما أن مينفعش نروح كده للمكالمه الخامسه من غير ما نعدي علي الأولي و التانيه و ....

يبقي إحتمال أن أتلقي المكالمه الخامسه = إحتمال المكالمه الأولي ×...×...×...× إحتمال المكالمه الخامسه
= 2.306866359 × (10^-29) !!!!!!!!!!!!! :strongsa:
------------------------------------------------------

أنت تقدر تقول إن أنا متأكد إن الحل ده غلط بنسبه 500% .... بس بجد ألـ مخليني مقتنع إن إحتمال المكالمه الخامسه صغير أو كده .. إن إحنا لازم نغطي جميع إحتمالات المكالمه الأولي و كل إحتمال من إحتمالات المكالمه الأولي متفرع منها إحتمالات المكالمه التانيه و كل إحتمال من إحتمالات المكالمه التانيه متفرع منها التالته و هكذا لغايه المكالمه الخامسه .. عشان كده أنا إستخدمت التوافيق

بس عشان حاطري يا هاشمتو خلي ردك عليا هين شويه .. أنا عارف إنه مش هينفع بس حاول :shiny000: :surrende: :surrende: :surrende:

[.:GOGO:.]

طب بلاش الحل ده و لا تزعل نفسك ... خلينا بالفهلوه :shiny000: :

دلوقتي أنا مينفعش أتلقي مكالمات إلا بعد المكالمه التانيه .. ده هتساعدنا ...

................

خلينا نخدها وحده وحده .... ( إيه إحتمال إن أي شخص عدا أنا إنه يتلقي المكالمه التانيه ؟ مثلا الشخص رقم 3 )
أنا الشخص رقم 1

أنا في أول مكالمه إحتمال ألـ هكلمه هو (1/9)
و ألـ هكلمه ده .... إحتمال إنه يكلم رقم 3 هو (1/8)
و الإحتمال المطلوب هو تحقق الإثنان معاً ....

يعني الإحتمال = (1/9)×(1/8) .... بس الإحتمال ده إتكرر كام مره من الأشخاص بتوع المكالمه ألـ قبليها إتكرر 8 مرات .

عشان تيقي واضحه الإحتمال (1/9)×(1/8) .. ده حاله خاصه يعني مثلا ده إحتمال إن أنا كلمت رقم 2 و رقم 2 كلم رقم 3 ......
لكن أنا ممكن أكلم الشخص رقم (10,9,8,7,6,5,4,2) و كل واحد منهم هيكلم رقم 3

فيبقي إحتمال إن رقم 3 يتلقي المكالمه التانيه = (1/9)×(1/8)×8 = 1/9

كده إحنا عرفنا ألـ System ... علي فكره (1/9) ده إحتمال إن أي شخص يتلقي المكالمه التانيه ...
...............
المكالمه التالته : ليها إحتمال إن الأشخاص ألـ يتلقوها 8 أشخاص من ضمنهم أنا ... فلو المكالمه التالته ده جاتلي يبقي مفيش أي إحتمال إن المكالمه الخامسه تيجليي ...

فهيبقي إحتمال المكالمه التالته : هم 7 أشخاص فقط يعني (1/7)


يبقي إحتمال تلقي المكالمه التالته = (1/9)×(1/7) ... لكن الإحتمال ده إتكرر كام مره من الأشخاص بتوع المكالمه ألـ قبليها .. 8 مرات.
ألـ (1/9) إحتمال المكالمه التانيه ..

يبقي إحتمال المكالمه التالته = (1/9)×(1/7)×8 = 8/63
..............
المكالمه الرابعه : ليها إحتمال إن الأشخاص ألـ يتلقوها 8 أشخاص من ضمنهم أنا ... فلو المكالمه الرابعه ده جاتلي يبقي مفيش أي إحتمال إن المكالمه الخامسه تيجليي ...

فهيبقي إحتمال المكالمه الرابعه : هم 7 أشخاص فقط يعني (1/7)

يبقي إحتمال تلقي المكالمه الرابعه = (8/63)×(1/7) .. لكن الإحتمال ده هيتكرر كام مره من الأشخاص بتوع المكالمه ألـ قبليها .. 7 مرات .

يبقي إحتمال المكالمه الرابعه = (8/63)×(1/7)×7 = 8/63
..............
المكالمه الخامسه : في 8 أشخاص و أنا من ضمنهم و أنا المطلوب و إحتمالي هو (1/8)

يبقي إحتمال إن أنا أتلقي المكالمه الخامسه = (8/63)×(1/8) = (((( 1/63 ))))

[hwd]

بالنسية للغز الثالث الحل هو 0.87

[almaeihm]

إزيك يا هاشمتو ...
بالنسبه للغز الأول ده ... فاكر محاولتي فيه ... أهه المحاوله ده كانت لسه دراسه الجامعه ما بدأتش لكن دلوقتي خدنا الإحتمالات يا حلو ... و لوني شاكك برضه إن الحل ألـ أنا هكتبه دلوقتي ده غلط ...

عارف توزيع ثنائي الحدين ... هحلها بيه ..
آااااااه إنسي ألـ أنا كتبته قبل كده خاااااااااالص :bigsmile:

إحنا دلوقتي عندنا 10 أشخاص ... و أنا ألـ هبدأ الإشاعات ...
يعني قي 9 أشخاص مستنييني ..

إحتمال تلقي المكالمه الأولي لواحد من ألـ 9 أشخاص = (1/9)
إحتمال عدم تلقي المكالمه الأولي لواحد من ألـ 9 أشخاص = (8/9)

معني كده إن إحتمال المكالمه تلقي المكالمه الأولي = (9ق1) × [(1/9)^8] × [(8/9)^1]
= 1.85844585 × (10^-7)

----------------------

إحتمال تلقي المكالمه الثانيه لواحد من ألـ 8 أشخاص = (1/8)
إحتمال عدم تلقي المكالمه الثانيه لواحد من ألـ 8 أشخاص = (7/8)

معني كده إن إحتمال تلقي المكالمه التانيه = (8ق1) × [(1/8)^7] × [(7/8)^1]
= 3.337860107 × (10^-6)

----------------------

المكالمه الثالثه إحتمالها نفس المكالمه الثانيه لأنها من بين 8 أشخاص يرضه ...

المكالمه الرابعه نفس النظام (8أشخاص)

المكالمه الخامسه نفس النظام .

-----------------------

و بما أن مينفعش نروح كده للمكالمه الخامسه من غير ما نعدي علي الأولي و التانيه و ....

يبقي إحتمال أن أتلقي المكالمه الخامسه = إحتمال المكالمه الأولي ×...×...×...× إحتمال المكالمه الخامسه
= 2.306866359 × (10^-29) !!!!!!!!!!!!! :strongsa:
------------------------------------------------------

أنت تقدر تقول إن أنا متأكد إن الحل ده غلط بنسبه 500% .... بس بجد ألـ مخليني مقتنع إن إحتمال المكالمه الخامسه صغير أو كده .. إن إحنا لازم نغطي جميع إحتمالات المكالمه الأولي و كل إحتمال من إحتمالات المكالمه الأولي متفرع منها إحتمالات المكالمه التانيه و كل إحتمال من إحتمالات المكالمه التانيه متفرع منها التالته و هكذا لغايه المكالمه الخامسه .. عشان كده أنا إستخدمت التوافيق

بس عشان حاطري يا هاشمتو خلي ردك عليا هين شويه .. أنا عارف إنه مش هينفع بس حاول :shiny000: :surrende: :surrende: :surrende:
أهلا يا أمجد...

كويس يا باشا انكم خدتوا الاحتمالات في الجامعة... علشان يبقى فيه واحد غيري بيحبها في المنتدى... و انا اقول الراجل جاي و فارد عضلاته عليه كده ليه... يحقلك يا عم... ما انت بقين بتفهم في الاحتمالات :)...

بالنسبة لحلك اللي فوق ده فأنا أفضل بصراحة انك تروح تذاكر الاحتمالات مرة أخرى... يعني أنا ما فهمتش حاجة منه.. فيه أشياء صحيحة بس بقية الرد كان طلاسم... و لذلك فأنا لن استطيع التعليق عليه... و لكن يبدو من الناتج النهائي ان الحل ليس صحيحا...

طب بلاش الحل ده و لا تزعل نفسك ... خلينا بالفهلوه :shiny000: :

دلوقتي أنا مينفعش أتلقي مكالمات إلا بعد المكالمه التانيه .. ده هتساعدنا ...

................

خلينا نخدها وحده وحده .... ( إيه إحتمال إن أي شخص عدا أنا إنه يتلقي المكالمه التانيه ؟ مثلا الشخص رقم 3 )
أنا الشخص رقم 1

أنا في أول مكالمه إحتمال ألـ هكلمه هو (1/9)
و ألـ هكلمه ده .... إحتمال إنه يكلم رقم 3 هو (1/8)
و الإحتمال المطلوب هو تحقق الإثنان معاً ....

يعني الإحتمال = (1/9)×(1/8) .... بس الإحتمال ده إتكرر كام مره من الأشخاص بتوع المكالمه ألـ قبليها إتكرر 8 مرات .

عشان تيقي واضحه الإحتمال (1/9)×(1/8) .. ده حاله خاصه يعني مثلا ده إحتمال إن أنا كلمت رقم 2 و رقم 2 كلم رقم 3 ......
لكن أنا ممكن أكلم الشخص رقم (10,9,8,7,6,5,4,2) و كل واحد منهم هيكلم رقم 3

فيبقي إحتمال إن رقم 3 يتلقي المكالمه التانيه = (1/9)×(1/8)×8 = 1/9

كده إحنا عرفنا ألـ System ... علي فكره (1/9) ده إحتمال إن أي شخص يتلقي المكالمه التانيه ...
...............
المكالمه التالته : ليها إحتمال إن الأشخاص ألـ يتلقوها 8 أشخاص من ضمنهم أنا ... فلو المكالمه التالته ده جاتلي يبقي مفيش أي إحتمال إن المكالمه الخامسه تيجليي ...

فهيبقي إحتمال المكالمه التالته : هم 7 أشخاص فقط يعني (1/7)


يبقي إحتمال تلقي المكالمه التالته = (1/9)×(1/7) ... لكن الإحتمال ده إتكرر كام مره من الأشخاص بتوع المكالمه ألـ قبليها .. 8 مرات.
ألـ (1/9) إحتمال المكالمه التانيه ..

يبقي إحتمال المكالمه التالته = (1/9)×(1/7)×8 = 8/63
..............
المكالمه الرابعه : ليها إحتمال إن الأشخاص ألـ يتلقوها 8 أشخاص من ضمنهم أنا ... فلو المكالمه الرابعه ده جاتلي يبقي مفيش أي إحتمال إن المكالمه الخامسه تيجليي ...

فهيبقي إحتمال المكالمه الرابعه : هم 7 أشخاص فقط يعني (1/7)

يبقي إحتمال تلقي المكالمه الرابعه = (8/63)×(1/7) .. لكن الإحتمال ده هيتكرر كام مره من الأشخاص بتوع المكالمه ألـ قبليها .. 7 مرات .

يبقي إحتمال المكالمه الرابعه = (8/63)×(1/7)×7 = 8/63
..............
المكالمه الخامسه : في 8 أشخاص و أنا من ضمنهم و أنا المطلوب و إحتمالي هو (1/8)

يبقي إحتمال إن أنا أتلقي المكالمه الخامسه = (8/63)×(1/8) = (((( 1/63 ))))
ايووووووه... خلينا بالفهلوة أحسن :)...

هو حلك ده من ناحية الطريقة فهو تقريبا ممتاز... و لكن يبدو ان فيه حاجة انت مش واخذ بالك منها و هي اللي مخليه حلك شوية خارج المسار الصحيح... يعني فكر ثاني يا أمجد في احتمالات تلقي المكالمات اللي في النص.. عندك حاجات مش مضبوطة.. و لكن الطريقة شبه صحيحة...

في انتظار محاولاتك القادمة...

تحياتي

[almaeihm]

بالنسية للغز الثالث الحل هو 0.87
أهلا بك يا أخ hwd...

اللغز الثالث سبق حله بواسطة الأستاذ majic في المشاركة رقم 38...

في انتظار مشاركاتك الأخرى...

تحياتي

[.:GOGO:.]

أهلاااااااااااااا .. هاشمتو باشا .. حمدله علي السلامه أنت كنت فين ........... و حشني و الله أوي ...
بس كده تعمل فييا العمله ده يا هاشمتو : أنا جاوبت سؤالك غلط في مسابقه ال خمسين نقطه ...
أنا كنت عارف من أولها الأسئله موضوعه من حضرتك و majic !!!!!! إنتوا عايزين آينشتين ييجي يشترك في المسابقه .. بس ماشي يا هاشمتو ...

بالنسبه للغز ده فبصراحه ردك شجعني حداااا .... بس ممكن تقولي لغايه فين أنا كاتب صح ؟؟؟
أنا شاكك إن هي لغايه المكالمه الأولي صح و في المكالمه التانيه انا نسيت أحسب مكالمات فرعيه ... صح ؟؟

[almaeihm]

أهلا بيك يا أمجد باشا...

الله يسلمك يا سيدي... أنا بس سافرت لمدة 24 ساعة و رجعت... لحقت تشتاقلي كده؟!! :)... و على فكرة... السلام أمانة توصله لأخوك laplac.. اللي تقلان علينا و نتمنى نشوفه...

و يا أخي هو فيه حد بيلحقك بعصاية أثناءمسابقة الخمسين نقطة علشان تستعجل كده... ياما قلت لك و برضه ما سمعتش كلامي... أديك وقعت المرة دي :)...

بالنسبة للصح اللي في حلك فهو المكالمة الأولى فعلا... البقية انت محتاج عليهم شوية شغل... بس اللي بأقوله ان طريقة تفكيرك بدأت تروح على المسار الصحيح...

هينت: انسى المكالمة الأولى ;)...

في انتظار محاولاتك القادمة...

تحياتي

[misho5210]

انا مش عارف بس مشكور جدا على المجهود الجميل ولو عايز حاجة انا فى قسم الاستشارات القانونية

[mostafasenga7]

انت على فكرة تستحق تكون من ادارة النتدى والحلول اهي :

الحل الأول :الحالة الاولى : 8
الحالة الثانية : 9

الحل التاني :الحالة الاولي : 48
الحالة التانية : 40


الحل التالت :

بصراحة انا مفهمتش السؤال قوي لكن متهيألي نفس النسبة بين الطول والعرض

مع تحيات زملكاوي للأبد

http://img451.imageshack.us/img451/4471/19hz.jpg (http://imageshack.us)

[almaeihm]

انا مش عارف بس مشكور جدا على المجهود الجميل ولو عايز حاجة انا فى قسم الاستشارات القانونية
طيب حاول بس شوية...

لا شكر على واجب... و الاستشارات القانونية دول كلهم حبايبنا... ابقى سلم لي على عبدالعظيم :)...

تحياتي

[almaeihm]

انت على فكرة تستحق تكون من ادارة النتدى والحلول اهي :

الحل الأول :الحالة الاولى : 8
الحالة الثانية : 9

الحل التاني :الحالة الاولي : 48
الحالة التانية : 40


الحل التالت :

بصراحة انا مفهمتش السؤال قوي لكن متهيألي نفس النسبة بين الطول والعرض

مع تحيات زملكاوي للأبد

http://img451.imageshack.us/img451/4471/19hz.jpg (http://imageshack.us)
أهلا يا أخ mostafasenga7... و حياك الله في منتدى الأذكياء...

إجابة اللغز الأول للأسف مش صحيحة...

اللغز الثاني تم حله في المشاركة رقم 12... و اللغز الثالث تم حله في المشاركة رقم 38...

حاول ثاني..

تحياتي

[usama ahmed]

الاحتمال الحاله الاولى طلع معايا ........49/512

لو صح يا هاشم قولى وانا اشرح...معلش انا عارف انك مابتحبش كده بس استحملنى

[almaeihm]

الاحتمال الحاله الاولى طلع معايا ........49/512

لو صح يا هاشم قولى وانا اشرح...معلش انا عارف انك مابتحبش كده بس استحملنى
برافو يا اسامة... الجواب صحيح...

اشرح يا اسامة... اشرح و عليك الأمان...

تحياتي

[usama ahmed]

الله اكبر....اخيرا... ده الشرح التفصيلى...
المكالمه الاول احتمال ان انا اتلقاها صفر لان انا اللى هاعملها واكيد مش هاكلم نفسى.....
المكالمه التانيه احتمال ان انا اتلقاها صفر لان اللى انا كلمته مش هيكلمنى تانى.....
يبقى ماليش دعوة بالمكالمتين دول خالص........
و دى شويه حقائق بنيت عليها الحل....
لو انا تلقيت المكالمه الثالثه يبقى مش هاتلقى الرابعه لانى مش هكلم نفسى....ومش هاتلقى الخامسه لان اللى انا لسه مكلمه مش هيكلمنى ....
ولو تلقيت الرابعه يبقى مش هاتلقى الخامسه لانى مش هكلم نفسى....

اذن لكى اتلقى المكالمه الخامسه لا بد ان لا اتلقى الثالثه او الرابعه....
اذن احتمال ان اتلقى المكالمه الخامسه = 8/1 (بتاع المكالمه الخامسه)*احتمال عدم تلقى الثالثه * احتمال عدم تلقى الرابعه
اذن احتمال ان اتلقى المكالمه الخامسه = 8/1 * 8/7 *8/7 = 512/49

يا رب يكون التفسير واضح وصحيح....

[almaeihm]

الله اكبر....اخيرا... ده الشرح التفصيلى...
المكالمه الاول احتمال ان انا اتلقاها صفر لان انا اللى هاعملها واكيد مش هاكلم نفسى.....
المكالمه التانيه احتمال ان انا اتلقاها صفر لان اللى انا كلمته مش هيكلمنى تانى.....
يبقى ماليش دعوة بالمكالمتين دول خالص........
و دى شويه حقائق بنيت عليها الحل....
لو انا تلقيت المكالمه الثالثه يبقى مش هاتلقى الرابعه لانى مش هكلم نفسى....ومش هاتلقى الخامسه لان اللى انا لسه مكلمه مش هيكلمنى ....
ولو تلقيت الرابعه يبقى مش هاتلقى الخامسه لانى مش هكلم نفسى....

اذن لكى اتلقى المكالمه الخامسه لا بد ان لا اتلقى الثالثه او الرابعه....
اذن احتمال ان اتلقى المكالمه الخامسه = 8/1 (بتاع المكالمه الخامسه)*احتمال عدم تلقى الثالثه * احتمال عدم تلقى الرابعه
اذن احتمال ان اتلقى المكالمه الخامسه = 8/1 * 8/7 *8/7 = 512/49

يا رب يكون التفسير واضح وصحيح....
برافو يا اسامة... حلك صحيح و شرحك واضح جدا...

الاحتمالات يا جماعة لذيذة جدا... بس محتاجة تركيز و تحليل.. و إلغاءات و افتراضات بسيطة.. و هووووب هتلاقي المسألة محلولة... ممتاز و الله يا أسامة... طريقة تفكيرك في حل اللغز ده مثالية جدا...

و بكده تبقى عندنا الحالة الثانية فقط... حاول تتبع نفس الطريقة...

نصف حل اللغز الأول من نصيب usama ahmed

تحياتي

[amorabi67]

أولا ألف شكر علي الحاجات الجميلة دي

ثانيا بقي والله أعلم أنا وصلت لحل بالنسبة للساعات

في الحالة الأولي اللي هي 12 ساعة هتكون 35 مرة لو كنت قصدك انها تكون Hh:mm:ss

و في الحالة التانية هتكون 106 مرة

[almaeihm]

أولا ألف شكر علي الحاجات الجميلة دي

ثانيا بقي والله أعلم أنا وصلت لحل بالنسبة للساعات

في الحالة الأولي اللي هي 12 ساعة هتكون 35 مرة لو كنت قصدك انها تكون Hh:mm:ss

و في الحالة التانية هتكون 106 مرة
أهلا و سهلا بالأخ amorabi67 في منتدى الأذكياء... و لا شكر على واجب.. و يسعدني ان الموضوع عجبك...

بالنسبة لصيغة الوقت فهي كما جاء في اللغز H:MM بحيث أن H دي ممكن تكون خانتين... و لو عايزها كده HH:MM برضه ما يضرش.. براحتك...

و لكن للمعلومية.. فقد تم حل هذا اللغز على جزأين.. يمكنك مراجعة الحلول في الردين 12 و 26...

أشكر لك مشاركتك و في انتظار محاولاتك لحل الحالة الثانية من اللغز الأول و هي الوحيدة المتبقية في هذا الموضوع...

تحياتي

[usama ahmed]

ازيك يا هاشمتو...يا رب تكون بخير...
الحاله التانيه فى لغز الاشاعات طلعت معايا 21 /256...
تمام؟

[usama ahmed]

ازيك يا هاشمتو...يا رب تكون بخير...
الحاله التانيه فى لغز الاشاعات طلعت معايا 21 /256...
تمام؟

الظاهر ان حبيبنا هاشمتو ...اضايق عشان انا ما شرحتش وقلت الاجابه على طول....اعتذر يا باشا...وده شرحى ويارب يكون صح....

نمشى زى الحاله الاولى..
المكالمه الاولى احتمال ان انا اتلقاها صفر لان انا اللى هاعملها واكيد مش هاكلم نفسى.....
المكالمه التانيه احتمال ان انا اتلقاها صفر لان اللى انا كلمته مش هيكلمنى تانى.....
يبقى ماليش دعوة بالمكالمتين دول خالص........
ونمشى على نفس حقائق الحاله الاولى ..وهى..
لو انا تلقيت المكالمه الثالثه يبقى مش هاتلقى الرابعه لانى مش هكلم نفسى....ومش هاتلقى الخامسه لان اللى انا لسه مكلمه مش هيكلمنى ....
ولو تلقيت الرابعه يبقى مش هاتلقى الخامسه لانى مش هكلم نفسى....
ولكن لو الشخص اللى تلقى المكالمه الاولى منى فى الاول.. تلقى المكالمه الرابعه...يبقى مش هيكلمنى تانى لانه ما بيكررش مكالماته..
اذن لكى اتلقى المكالمه الخامسه لا بد ان لا اتلقى الثالثه او الرابعه.... وان الشخص الذى تلقى الاولى لا يتلقى الرابعه...
اذن احتمال ان اتلقى المكالمه الخامسه =1/8 (بتاع المكالمه الخامسه)*احتمال عدم تلقى الثالثه * احتمال عدم تلقى الرابعه منى او من الشخص اللى تلقى الاولى
اذن احتمال ان اتلقى المكالمه الخامسه = 1/8*7/8*6/8 =21/256