اناعندي مشكلة في النت يا ريت حد يفيدني فيها

[أبو الورد]

اناعندي مشكلة في النت يا ريت حد يفيدني فيها
انا عندي بعض المواقع مش شغالة و تيجيلي رسالة page not found مع العلم انها كانت شغلة قبل كده
مثال: الصفحة الرئيسية للياهو تفتح بس اللينكات اللى فيها ماتفتحش كذلك الوضع الماسنجر يفتح بس ما يخشش علي الأيميل....!!!
و هكذا الوضع مع 30% من المواقع مش عارف ليه....؟؟؟
نسيت اقولكم ان الجاك بتاع الكابل اللى داخل في الجهاز كان اتخلع و عملته من جديد و هذه المشكلة ظهرت بعد مشكلة الجاك ....فهل هناك علاقة.....؟؟؟؟
لو هناك علاقة ايه اللى يفسر بعض المواقع تفتح ة الأخر لا.....؟؟؟

[newharley]

مش عارف يا مان بس ممكن يكون الفاير وول بتاع الانتى فيرس عالى لو انت شغال مثلا بانتى فيرس انترنت سيكيورتى مثلا وريح دماغك وغير نسخة الويندوز او انت كنت شغال بالاكسبلور 7 فى شوية مشاكل من الشركة فيك انك تشتغل باى حاجة تانية فاهمنى تحياتى

[أبو الورد]

انا شغال بـ norton antivirus 2003 و باستخدم internet Explorer 6 و مش عارف ايه الحل....؟؟

[REDCAR]

بص يا باشا المشكله ممكن تتلخص فى كلمتين ممكن يكون فى كابل النت انت ممكن تقرشه تانى يعنى تشيل الجاك الى فى اخر الكابل وتعمله من جديد وممكن يكون فى الراوتر يعنى ممكن العيب يكون مش من عندك من عند الشركه او من الراوتر اتمنى ان اكون افادتك مع تحياتى

[أبو الورد]

شكرا على اهتمامكم يا جماعة لكن.....
ٍسألت الناس اللى معايا فى الشبكة قالو لى ان النت عندهم عادى
انا بصراحة احترت.... و مش عارف اعمل ايه....؟

[sam-pol]

صديقي صاحب المشكلةذكرت حضرتك بأن الكابل الموصل من الراوتر الي الحاسوب قد تلف وقمت انت بتغييره .. يجب أن تتأكد يا صديقي العزيز عند تكوين الكابل من حيث الألوان المجمعة ولابد من ترتيبها بالطريقة الصحيحة ثم تأكد جيدا من تركيب الكابل في مقبس RJ بطريقة صحيحة وبعد الانتهاء يجب قياس الكابل علي تيستر لمعرفة جودة التوصيل.
اما عن ترتيب الألوان فهي كالتالي :
1- ابيض برتقالي ـ برتقالي
2- برتقالي
3- ابيض ـ اخضر
4- ازرق
5- ابيض ـ ازرق
6- اخضر
7- ابيض ـ بني
8- بني
ارجو ان أكون قد قدمت المساعدة من خلال تلك الحل
مع خالص تحياتي

[أبو الورد]

صديقي صاحب المشكلةذكرت حضرتك بأن الكابل الموصل من الراوتر الي الحاسوب قد تلف وقمت انت بتغييره .. يجب أن تتأكد يا صديقي العزيز عند تكوين الكابل من حيث الألوان المجمعة ولابد من ترتيبها بالطريقة الصحيحة ثم تأكد جيدا من تركيب الكابل في مقبس RJ بطريقة صحيحة وبعد الانتهاء يجب قياس الكابل علي تيستر لمعرفة جودة التوصيل.

مع خالص تحياتي
ردا علي رسالتك يا صديقي :
أولا : انا لم اقم بتغيير السلك انما غيرت الـ RJ
ثانيا: المشكلة ان في مواقع بتفتح و الأخرى لا و لو أن كل المواقع لاتفتح كنت شكيت في في الــRJ انما الموقع التي لاتفتح تقدر نسبتها بـ 30% و هو ده اللي محيرني ....؟
فهل لو هناك خطأ في التأيريجة تحدث هذه المشكلة.....؟؟ وهل هناك احتمالات أخري....؟؟؟

[ewg]

بص يا باشا مدام المواقع شغالة يبقى الارجية تمام
ومدام الناس التانية فى الشبكة كلو تمام عندهم يبقى مش من الروتر
جرب مصفح تانى زى الفير فوكس
او جرب تقفل الانتى فيرس وشوف
ولو منفعتش اشترى دماغك وغير نسخة الوندز وخلاص

[mindvision]

بص يا باشا مدام المواقع شغالة يبقى الارجية تمام
ومدام الناس التانية فى الشبكة كلو تمام عندهم يبقى مش من الروتر
جرب مصفح تانى زى الفير فوكس
او جرب تقفل الانتى فيرس وشوف
ولو منفعتش اشترى دماغك وغير نسخة الوندز وخلاص
بالظبط كده... الموضوع كله ان الانترنت اكسبلورار اكتر برنامج بيتعرض لهجوم من كل هاكر وسبام في العالم... عشان كده بيتضرب بسرعه في اي موقع... وهو شكله اتضرب عندك خلاص وحله الوحيد بدل ماتنزل ويندوز من اول وجديد انك تستعمل الفايرفوكس آمن واسرع متصفح....

[أبو الورد]

مشكووووور جدا يا جماعة علي النصايح المهمة دي بس يعني اية Spam

[أبو الورد]

مشكووووور جدا يا جماعة علي النصايح المهمة دي بس يعني ايةSPAM
و مثلا عندما اعمل مشاركة على هذا المنتدي و أدوس "اعتمد هذه المشاركة" يديني رسالة Page not found هل هذة من نفس المشكلة

[mindvision]

مشكووووور جدا يا جماعة علي النصايح المهمة دي بس يعني ايةSPAM
و مثلا عندما اعمل مشاركة على هذا المنتدي و أدوس "اعتمد هذه المشاركة" يديني رسالة Page not found هل هذة من نفس المشكلة

نعم... هذه بسبب نفس المشكله وستري بنفسك عند استخدام الفايرفوكس عدم تواجد هذه المشكله تماما....
اما عن معني كلمة SPAM فيمكن وصفها بانها ملفات تجسسية يتم وضعها علي الجهاز عندك تبع اي موقع فعند استخدامك للانترنت اكسبلورار تدخل هذه الملفات بمنتهي السهولة لعدم وجود اي حماية منها.. عكس الفايرفوكس الذي سيسالك في اي خطوة للمزيد من الامان...

[moneer_bond]

ممكن تجرب تغير رقم الدي ان اس

[moneer_bond]

جرب غير رقم الدي ان اس dns
تقدر تخدة من الدعم الفني بتاع الشركة الي انت تبعها

[elraye2]

1- غير الآرجي ومش هتخسر حاجة ده كله بـ 1 جنيه
2- يمكن عندك توول بارز كتير ويمكن هية اللي بتعمل كدة
3- يمكن عندك فايروسات بتعمل لوود جامد على الكارت بتاعك
4- يمكن عندك مشكلة في الـ Dns
زي ما قال الأخ منير اتصل بالشركة وخد منهم الـ Dns بتاعهم واكتبه بإيدك وجرب .