حرب أطاليا = Confidence

[B@SS@M]

هل سبق وشاهدت فيلم Confidence

إذن أنصحك ألا تحاول دخول فيلم حرب إيطاليا.. آه آسف أقصدي حرب أطاليا

الفيلم يدور حول تيمه الإنتقام من جانب محامي شاب يحاول أن يوقع بالذين لوثوا سمعته وافقدوه وظيفته
ولكنه يقوم بسرقه أوراق تهمهم وبعض التحف و......... وعقـــد ثمين كان بالصدفة مع الأشياء التي سرقها منهم.

وتدور الأحدات ويخطفون خطيبته الي ايطاليا أو أطاليا كما يصرون في الفيلم علي تسميتها وتبدأ خطه المحامي لإستعاده خطيبنه وفي نفس الوقت الفرار من المطاردين المصريين الذي يمثلهم الممثل الجبار (( خالد صالح )) والعصابه الإيطالية الأخري.

وفي منتصف الفيلم أخذت أحدث نفسي" أين رأيت هذه المشاهد أين أين أين " حتي لفظتها بصوت عال مما جعل زميلي يلتفت لي قائلا وقد التمعت عيناه " Confidence " .
ضربت جبهتي وأخذت أتابع الفيلم حتي لاأغضب المشاهدين في القاعه أكثر من ذلك وإزددت يقينا إنني أشاهد فعلا فيلم " Confidence " لكن بصيغه مصريه خالصه.

ولكني لا أقول أن الفيلم سيء الي النهاية يوجد بعض النقاط التي أود قولها عن آداء الممثلين في الفيلم:

1- ( سهام جلال ) : لم تأخذ مساحه كافيه للعمل .
2- ( مجدي كــامل ) : دور جيد رغم عدم وضوحه.
3- (رزان مغربي ) : رغم تفوقها كمذيعه إلا أنني لا أعرف سبب وجودها في الفيلم.
4- ( نيللي كريم ) : لم نظهر مواهبها التمثيلية حيث كانت طوال الفيلم تمثل دور الفتاه التي لا تعلم شيئاً عما يحدث حولها.
5- ( خالد أبو النجا ) : أظن أن سبب وضعه في الفيلم إن شكله يدي علي واحد مصري عايش طول عمره في إيطاليا.
6- ( خالد صالح ) : أتوقع له إذا استمر علي هذه النوعيه من الأدوار أن يكون توفيق الدقن الثاني.
7- ( أحمد الســـقا ) : تعمد أحمد السقا في هذا الدور أن يبتعد كل البعد عن الأكشن بعد أن إتهمه البعض أنه لايصلح إلا لتمثيل دور بودي جارد أو شاب مفول العضلات يضرب الناس ويحطم السيارات الا أن هذا الفيلم كان خال من الدراما .

وفي النهايه أري من وجهه نظري الشخصيه أن فيلم ( تيتــو ) أفضل 5 مرات من فيلم ( حرب أطاليا ).

[Mr.TaToo]

تحليل اكثر من رائع للفيلم اخ بسام وافقك فى رايك انا برضة راى ان فيلم تيتو افضل بس مفيش اختلاف ان احمد السقا ممثل رائع حتى لو كنا بنقتبس قصص من الافلام الاجنبية بس بيمثل فيها بحرفية شديدة تحياتى لك وللمثل الرائع
احمد السقا
تقبل خالص تحياتى

[ASER Conan]

أناما شوفتش فيلم Confidence و لكني شوفت أطاليا و أتمنى أشوف الأجنبي
و شكرا على تحليلك الرا ئع حيث أن معظمه يميل إلى الصواب خاصة في شخصية رازان

[body_asal]

نفس الفكره دي جاتني وانا بشوف الفيلم
واصلا نوعيه الفيلم ده كان ناقصه حاجات كتير لانه علي الطريقه المصريه زي مانتا قلت
نظام ان القصه تكون مبهمه طول الفيلم وتتفسر في اخر 5 دقايق مينفعش في مصر

[amr_als3any]

مشكور اخى


http://www.dvd4arab.com/forums/attachment.php?attachmentid=96017

[gamer]

لم اشاهد فيلم Confidence حتى الان , لكنى اختلف معك بالرأى فى هذا النقد الموجه لفيلم "حرب اطاليا"

اخى , ما هى المشكله فى اخذ فكره فيلم اجنبى لتنفيذها فى فيلم مصرى , فالاجانب نفسهم يقتبسوا افكارهم من افلامهم القديمه .
و بالنسبه لنقد الممثلين فأرى انك كنت صائب من ناحيه دور (خالد ابو النجا) , اما (رزان) فأنا ارى انها كانت متفوقه على نفسها فى هذا الفيلم بصفته اول تجربه تمثيل لها (بعد ان عملت كمقدمه برامج و كمطربه ايضا) , اما كلامك عن (نيللى كريم) فلا اتفق معك اطلاقا , فالدور الموكل لها يتطلب هذا الاداء , بصفتها هى الوحيده التى لا تفهم ماذا يدور حولها , اما (خالد صالح) فأرى انه مؤهل تماما ليأخذ مكان توفيق الدقن كما ذكرت .

و بالمقارنه ب(تيتو) , ارى ان الفيلمين لهم اتجاهين مختلفين تماما , و لكن عند المقارنه بمدى استمتاع المشاهد بالفيلمين فأرى ان (حرب اطاليا) يكسب :) .

[B@SS@M]

لم اشاهد فيلم Confidence حتى الان , لكنى اختلف معك بالرأى فى هذا النقد الموجه لفيلم "حرب اطاليا"

اخى , ما هى المشكله فى اخذ فكره فيلم اجنبى لتنفيذها فى فيلم مصرى , فالاجانب نفسهم يقتبسوا افكارهم من افلامهم القديمه .
و بالنسبه لنقد الممثلين فأرى انك كنت صائب من ناحيه دور (خالد ابو النجا) , اما (رزان) فأنا ارى انها كانت متفوقه على نفسها فى هذا الفيلم بصفته اول تجربه تمثيل لها (بعد ان عملت كمقدمه برامج و كمطربه ايضا) , اما كلامك عن (نيللى كريم) فلا اتفق معك اطلاقا , فالدور الموكل لها يتطلب هذا الاداء , بصفتها هى الوحيده التى لا تفهم ماذا يدور حولها , اما (خالد صالح) فأرى انه مؤهل تماما ليأخذ مكان توفيق الدقن كما ذكرت .

و بالمقارنه ب(تيتو) , ارى ان الفيلمين لهم اتجاهين مختلفين تماما , و لكن عند المقارنه بمدى استمتاع المشاهد بالفيلمين فأرى ان (حرب اطاليا) يكسب :) .

زميلي العزيز أنا لم أوجه نقد بالمعني الذي تقصده ولكني ذهبت الي دار العرض مؤملا نفسي بمشاهده فيلم في روعه تيتو وقد ذهب معي أغلب أصدقائي للسبب ذاته.
ولكني شعوي لأنني شاهدت الفيلم الأجنبي أدي بي الي حاله من الإستياء لكوني إنتظرت فكره جديده مثل ( تيتو ).
أما من ناحيه الممثلين فلكل شخص وجه نظر يري بها الأمور وأري أننا اتفقنا في بعض النقط وهذا جيد. :5bouncy:
لذا كما قلت في بدايه كلامي لمن شاهدوا الفيلم الأجنبي لا تدخلو حرب أطاليا ( وهم قليلون ) بالنسبة للشعب المصري ككل، لذا ستري أن الفيلم سيدخله الملايين من المصريين وسيعجبون بــه :) .

[shewawa2005]

اوافقك بشدة
و كل ما تقوله صحيح 100 %

الفيلم فى نصفه الاول
كان النفخ كله



و بصراحة انا حسيت ان المخرج متواطؤ
مع المؤلف فى نهاية الفيلم

[m_fekry21]

مشكوووووووووووووووووووووووووووووور

[فارس الجحيم]

انا راى مش عيب اننحنا نختار افلام اجنبية وعالمية ونعملها هنا فى مصر المهم ازاى نعملها صح
لان الاجانب بنفسهم بياخذوا افلامهم القديمة ويعملوها افلام حديثة بتكنلوجيا حديثة وبتحقق نجاح خارق مثل افلام
War of the Worlds _ King Kong وغيرها من الافلام
انتم لو لاحظتم ان افلام احمد السقا قصصها ماخوذة من افلام اخرى
مافيا _ The Jackal برس ويلز_ ريتشارد جير
تيتو _ جعلونى مجرما فريد شوقى
حرب اطاليا _ Confidence ادوارد برنس
ولكن هذا لا يمنع ان نقول احمد السقا ممثل عالى جدا ومن الممثلين الاوائل فى مصر
وبالنسبه لراى فى الافلام فيلم حرب اطاليا اقوى فيلم لاحمد السقا وهذا سيكون راى اغلب الجماهير لان اكثرهم
لم يشاهدوا فيلم Confidence لانه مش مشهور قوى
وبالنسبه لابطال الفيلم
احمد السقا _ جيد جيدا
نيلى كريم _ جيد
خالد صالح _ امتياز سوف يكون توفيق الدقن فعلا ممثل رائع جدا
رزان _ جيد جدا ممثلة رائعة لما تكون اول مرة تمثل وتعمل كدا هكون ممثلة قوية فى المستقبل _ مش زى واحدة مفكرة نفسها دنماركية والحدق يفهم
خالد ابوالنجا _ مقبول
مجدى كامل _ مقبول
هذا الكلام انا كتبته عن وجهت نظرى الشخصية ولكل واحد وجهت نظره الخاصة

[™AlprincE_B@seM]

مشكور جدا على التوضيح
بس انا ولا شوفت فلم confidence
ولا شوفت فلم تيتو
ولا شوفت فلم حرب اطاليا

[B@SS@M]

انا راى مش عيب اننحنا نختار افلام اجنبية وعالمية ونعملها هنا فى مصر المهم ازاى نعملها صح
لان الاجانب بنفسهم بياخذوا افلامهم القديمة ويعملوها افلام حديثة بتكنلوجيا حديثة وبتحقق نجاح خارق مثل افلام
War of the Worlds _ King Kong وغيرها من الافلام
انتم لو لاحظتم ان افلام احمد السقا قصصها ماخوذة من افلام اخرى
مافيا _ The Jackal برس ويلز_ ريتشارد جير
تيتو _ جعلونى مجرما فريد شوقى
حرب اطاليا _ Confidence ادوارد برنس
ولكن هذا لا يمنع ان نقول احمد السقا ممثل عالى جدا ومن الممثلين الاوائل فى مصر
وبالنسبه لراى فى الافلام فيلم حرب اطاليا اقوى فيلم لاحمد السقا وهذا سيكون راى اغلب الجماهير لان اكثرهم
لم يشاهدوا فيلم Confidence لانه مش مشهور قوى
وبالنسبه لابطال الفيلم
احمد السقا _ جيد جيدا
نيلى كريم _ جيد
خالد صالح _ امتياز سوف يكون توفيق الدقن فعلا ممثل رائع جدا
رزان _ جيد جدا ممثلة رائعة لما تكون اول مرة تمثل وتعمل كدا هكون ممثلة قوية فى المستقبل _ مش زى واحدة مفكرة نفسها دنماركية والحدق يفهم
خالد ابوالنجا _ مقبول
مجدى كامل _ مقبول
هذا الكلام انا كتبته عن وجهت نظرى الشخصية ولكل واحد وجهت نظره الخاصة

أشكرك أخي علي إبداء رأيك في الفيلم ومره أخري أنا لم أسفه الفيلم ككل ولكن كان لي بعض التحفظات عليه.

[B@SS@M]

مشكور جدا على التوضيح
بس انا ولا شوفت فلم confidence
ولا شوفت فلم تيتو
ولا شوفت فلم حرب اطاليا

طب ومستني ايه؟؟

[SmsmTheSpider]

يا عم بيسو صحيح انا وانت شوفنا فيلم Confidence والواد سحس كان معانا ومكنش فاهم حاجه من الفيلم بس برضه فيلم حرب( اطاليا) مش وحش
انا لما شوفت الفيلم معاك كنا عارفين انه مش اكشن وان احمد السقا بيحاول يهرب من تمثيل ادوار الاكشن
ويا عم بسام بلاش تحبكها اوي وخليك مرن زي في تقويم الفيلم

[Spidy2]

حرب اطاليا مش ملعوب صح يعنى من ربع الفيلم بتفهم ان السقا هوا اللى مرتب المواضيع كلها اما فيلم Confidence بصراحه من اروع افلام النصب اللى شفتها ملعوب صح الصح فيلم بجد هايل
شكرا

[Farmir]

مشكوووووووووووووووووووووووووووووور

[vito_corleone14]

شكرا على الموضوع...انا ماشفتوش..بس من الواضح انه فيلم هرتله

[khaled youness]

المشكلة ياجماعة إن 3/4 الناس كانوا فهمين الهجس بتاع الفيلم من نصه ,أما خالد صالح فهو ممثل كويس بس المفروض إنه طالع مهرب كبير,إزاي يطلعوه بالهبل ده؟!!!!!!!!!!!
بصراحة كده ياجماعة إحنا (اللي دخلو الفيلم) اضحك علينا فيه بس مكسوفين نقول.
الفيلم طلع بطيييييييييييييييييييييييييييييييييييييييييييييييي ييييييييييخ!!!!!

[محمود تيتو]

مشكوووووووووووووووووووووووووووووووووووووووووور

[SIGMA-ZERO]

ya3ni men el 2akher tidilo kam men 3ashara

l2n ana bafakar y2ima akhsho ya2mia akhosh el sifara fi el 3mara

ya reet tinsani

shokran 3ala ma3lomatik ya bashaaaaaaaaaaaaaaaaaaaa

[B@SS@M]

ya3ni men el 2akher tidilo kam men 3ashara

l2n ana bafakar y2ima akhsho ya2mia akhosh el sifara fi el 3mara

ya reet tinsani

shokran 3ala ma3lomatik ya bashaaaaaaaaaaaaaaaaaaaa

عايز فيلم تطلع منه بفكره وابتسامه يبقي ( السفاره في العماره )
بس علي فكره لاحظ إن ده رأي الشخصي.

[r3odi]

أتفك معك يا بسام فيما قلته و لكنه خطوة نحو الأفضل و أنا بصراحة مشفتش فيلم confidence بس لو كان الموضوع أقتباس للفكرة فقط فأنا لا أرى مانع فى هذا أما ان كان هو هو فهذا طبعا ضعف و فقر فنى مرفوض بس أنا عايز أعرف الأخ اللى بيقول ان الفيلم اللى مش مفهوم ويتفهم فى أخره مش نافع فى مصر ليه يعنى مينفعش هو أحنا مينفعش نطور من نفسنا خالص يعنى و فى الأخر أحسن فيلم الموسم ده هو فيلم ملاكى أسكندرية بلا منازع و أدعو كل الأخوة اللى مدخوهوش يدخلوه بجد يا جماعه أول مرة أخرج من فيلم مصرى و أقول الأخراج رائع جدا والموسيقى التصويرية رائعة جدا جدا والتمثيل هايل و القصة جديدة وكمان الفيلم مش مسروق بتاتا و فى الأخر شكرا لصاحب الموضوع

[XVID_WATCHER]

فيلم Confedence كان فيلم رائع وكان فيه غموض واثارة رائعين فى احداثه ,,, اما حرب اطاليا فانا لم اشاهده حتى الان ولكنى لاحظت اشادة الناس به الى حد ان احدهم شبه الفيلم ب Ocean Eleven ولكن هنا رايت انكم شبهتموه ب Confedence ,,,, عندما ارى الفيلم ساقول لكم رايىء

والى اللقاء حتى اشاهد الفيلم

[zezoooo_1984]

والله يا استاذ بيسوانا شوفت فيلم Confedence بجد فائق الروعه بس اما نت قلتنا ان حرب أطليا زيه يبقى برده يبسام فيلم جامد صح وبالنسبه للاقتباس مفيش مانع بس المفروض يكون فى جديد احسن من الاقتباس . وبرده ده راى خاص او وجهه النظر الخاصه.

[hitman47]

انا كنت لسة امبارح فى فيلم " حرب اطاليا "
و الفيلم اكثر من رائع
بس اللى انا كنت عايز اعلق عليه هو كلمة اطاليا هى فعلا اطاليا مش ايطاليا
و احمد القا شرح معناه و ووزعوا مع الفبلم كتيب فيه حاجات عن الفيلم و منها معنى كلمة اطاليا
و دى كانت لعبة نشان زمان ببندقية و فيها شريطة و اللى يضرب الطلقة تفرقع بصوت عالى و تلسع ايده

[sooo]

الفيلم مش فظيع بس شغال اول الفيلم كنت عايزة اعرف ايه الموضوع
اخدت بالي من الخدعه من بدري وعرفت النهايه قبل ما الفيلم يخلص من زمان
ايقاع الفيلم في اوله واخره كان سريع لكن الجزء بتاع الاتفاقات ملهوش لزمه لانه كان ممكن يبين ان كله بيضحك علي كله باتفاقين تلاته لكن كان فيه سيل من الاتفاقات يتدفق من الشاشه لدرجه تفرس
عموما من وجهة نظري ان تمثيل احمد السقا للدور كويس جدا وده مش جديد عليه
دور رزان جيد وكانت مساحته اكبر من البطله فدورها من وجهة نظري هو البطوله النسائيه في الفيلم
اما دور نيللي كريم كان من الممكن ان تقوم بيه اي ممثله ناشئه
وشكرا يا بسام علي تحليلك للفيلم

[إبراهيم صالح]

يا باشا بات عاده ان الافلام المصري تبقى مسروقه

[B@SS@M]

شكرا علي مروركم يا إخواني وشكرا علي جميع تعليقاتكم لأنه بالفعل علينا أن نؤمن بالمقوله التجاريه التي تقول
( لولا اختلاف الأذواق لبارت السلع ).

[kimodan]

انا دخلت فيلم حرب ايطاليا
ورائي انو فيلم سئ
علشان انا مش لاقي سبب ان الفيلم يتعمل في ايطاليا
بجد انا مش عارف ليه خالد صالح خطف نيللي كريم وراح ايطاليا
ماكان خطفها هنا وريح بالو ووفر على المنتج ووفر علينا علشان احنا اغلبيتنا مابيعرفش ايطالي
وكمان فيه كلام كتير ماترجمش
تقريبا هما معندوهمش subtitle edit
انا ارى ان احسن فيلم السنه ديه ملاكي اسكندريه
فهو فيلم رائع بكل المقاييس
في النهايه ده رأيي
وعلى فكره في تاس كتير بتقول على حرب ايطاليا انو حلو قوي مش عارف ليه

[maicky_dj]

اولا اعتذر عن تاخري في الرد
ثانيا وهو الاهم (عارف انكم حاسين ان سيادة اهم شخص في المنتدى حيتكلم مع اني لسه عضو مبتدئ ) انا لا شفت فيلم حرب أطاليا ولا فيلم Confidence بس مش عيب ان الممثلين يقتبسوا الفكرة من فيلم اجنبي او حتى يعملوا نفس القصة ودا مش يقلل من مستوى الفنان احمد السقا بالعكس ان مستوى السينما المصرية يرقى لمستوى السينما الامريكية دي حاجة تفرحنا كلنا حتى لو كان اقتباس بس هي مجرد بداية واكيد حتتحسن بعد كده ان شاء الله وبالنسبة لفيلم (تيتو) كان فعلا فوق المستوى وقبله (مافيا) انما بمناسبة المذيعة اللامعة رزان اصلا معتقدش انها تصلح للتمثيل اصلا
بس بجد يا اخ بسام اشكرك على الموضوع ده ودي مش منافقة بس كل واحد بيقول رأيه الخاص واشكر كل الاخوة الاعضاء اللي ردوا وشاركوا في الموضوع وبجد اراءكم كلها جامدة مووووووت وللاخ سمسم سبايدر دي مش تحبيكة ولا حاجة بس الراجل شاف الفيلم وبيقول راية وانا اتمنى اشوف الفيلم وان شاء الله قريب جدا حشوفه حتى بعد الكلام دا وفيلم Confidence اكيد حشوفه برضه ان شاء الله
اشكركم على اتاحة الرد في الموضوع ده

[dr zezo]

انا بصراحة ماشفتش الفيلم بس المناقشة الساخنة دى هاتخلينى ادخله لاحكم عليه بنفسى
خصوصا ان اخويا دخل الفيلم وموهوم بيه وعاجبه جدا :5shocking

[hossamostafa]

أولا شكرا يابسام علي الموضوع

ثانيا الفيلم كويس لا هو وحش ولا هو جامد جدا لكن كان ممكن يتصور أحسن من كده بكتير ويبقي فيه غموض أكتر من كده لإن الفيلم كانت أحداثه متوقعة وباينة قوي وديه وجهه نظري وعلي فكرة أنا ماأتفرجتش علي فيلم Confidence وبعد ماعرفت انه متاخد من الفيلم ده نفسي أشوفه

وعلي فكرة هو علي مستوي الأفلام العربية الفيلم جامد جدا جدا لإن كل الأفلام اللي بتنزل دلوقتي المفروض ان هي كوميدي لكن معظمها أفلام بايخة ومابتضحكش لكن أحسن فيلم نزل لحد دلوقتي "ملاكــــــــــــــــــي اسكنريــــــــــــــــــة" مش علي مستوي الصيف ده لكن علي مستوي الأفلام اللي نزلت علي مدار 6 أو 7 سنين من حيث الإخراج والتصوير والموسيقي التصويرية وأداء كل الممثلين اللي في الفيلم بصراحة فيلم تحفة ولو هنقارنه بالأفلام الأجنبي فهو يستحق المقارنة

بس أنا عندي سؤال ياجماعة احنا ليه دايما بنقارن أفلامنا العربية بالأفلام الأجنبية لإن احنا مهما عملنا حتي لو سرقنا فيلم أجنبي أو حتي كان الفيلم تأليف مصري خالص عمرنا ما هنوصل لمستوي الأفلام الأجنبي لإن هما بيصرفوا علي الفيلم جامد جدا وعندهم أفكار جامدة جدا وخيال علمي واسع جدا بيقدروا ينفذوه والفيلم المصري اللي اعتقد انه ماكنش مسروق وكان جامد جدا وفلتة كان فيلم تيتو وعلي فكرة ان احنا نأخذ فكرة فيلم أجنبي ونعملها فيلم عربي عادي لإن ناس قليلة في مصر هي اللي بتتفرج علي أفلام أجنبي فأن احنا تعجبنا فكرة فيلم أجنبي ونفذنا في شكل فيلم عربي ف ده كويس لإن معظم الناس مابتتفرجش أصلا علي أفلام أجنبي

وحكاية ان الفيلم طلع مش زي ما كنا متوقعين انه أجمد من كده بكتير ده راجع لإن ده أول اقتباس قصدي تأليف للصحفي "حازم الحديدي" وأول إخراج لــ "أحمد صالح"

أما عن أداء الممثلين في الفيلم

خالد صالح (ممتاز جدا جدا)
أحمد السقا (ممتاز)
خالد أبو النجا (جيد)
مجدي كامل (مقبول) هو دوره أصلا كان صغير جدا
نيللي كريم (مقبول)
سهام جلال تعتبر ملهاش دور في الفيلم أصلا

وهذا من وجهه نظري الخاصة

وانا من وجهه نظري الشخصية ايضا ان الأغنية بتاعة مدحت صالح اللي مش موجودة في الفيلم أصلا هي أحسن حاجة اتعملت للفيلم وأنا مش عارف ازاي هما محطوش الأغنية ديه في الفيلم وعملوها دعاية للفيلم كانوا علي الأقل حطوا الأغنية في تتر النهاية بتاع الفيلم ياريت ياجماعة تشاركوني في الموضوع ده
والأغنية اسمها أنا مش بعيد

كلمات : بهاء الدين محمد
ألحان : محمد يحيي
توزيع : وسام ممتاز

[hossamostafa]

معلش نسيت أقول رأيي في رزان هو كان تمثيلها مقبول بالنسبة لأول فيلم

[Bob2Bob]

أولا شكراً لصاحب الموضوع على مشاركته
لى تعقيب بسيط حول مسألة الاقتباس التى تحدث البعض عنها وبررها البعض باننا يجوز ان نقلد السينما الامريكية لانها الاقوى وهذه مصيبة فى راى !!
فلماذا اذاً لانكتفى بعرض الافلام الاجنبى ونخلص من وجع القلب طالما ان السينما الامريكية عندها الامكانيات وعندها ضمير ولاتسرق من غيرها
الاقتباس فى حد ذاته ليس عيباً اذا كتب على تترات الفيلم انه مقتبس من قصة فلان الفلانى واذا تم التمصير بشكل جيد ومقنع وقد فعل هذا كثيرون منذ بداية السينما أيام الشغل بضمير
التاثر بامكانيات السينما الامريكية ومحاولة الوصول الى مستواها فى الاخراج والتصوير والخدع امر مشروع وجيد بشرط الا يتحول الفيلم الى مسخ لاهو مصرى ولاهو امريكانى
ونجاح فيلم مثل ملاكى اسكندرية على المستوى السينمائى لايمنع ان فكرته مسروقة من فيلم Final Analysis الذى قدمه ريشارد جير وأوما ثورمان وكيم باسنجر فى اوائل التسعينات وربما يعيبه فقط انه سقط فى فخ الأمركة
وعيب ان تكون السينما المصرية بعد 4000 فيلم تسرق الافكار وتعاند وتبيع الوهم للناس وتضحك عليهم بعد مئات من الافلام الجيدة المصرية الخالصة التى قدمها نجيب الريحانى واسماعيل يس وفاتن حمامة ويوسف شاهين ونور الشريف ومحمود عبد العزيز بل وبعد سهر الليالى وباحب السيما وفيلم ثقافى وغيرها من الافلام الحديثة التى كانت مصرية خالصة وجميلة ايضاً
انه الاستسهال ورغبة المنتجين فى كسب المال دون مجهود كبير واى كاتب غلبان - فكرياً - الآن يمكنه عمل سيناريو فيلم :مسروق او ضعيف لايهم .... المهم الناس تدفع والمنتج يقبض
وسلم على السينما المصرية والاقتباس

[B@SS@M]

أشكرك أخي بوب 2 بوب علي تشريفك موضوعي وتعليقك الرائع.

[SIGMA-ZERO]

shokran ya bashaaaa

3ala r2yak

we insha2alllah

hakhosh el sefara fi el 3omara

[bichoy raouf]

انا دخلت الفيلم ..و شايف انة ممتاز،و مش عيب ان الفيلم مأخوذ عن فيلم اجنبى..و ان احمد السقا ممثل رائع..
لكن انا فى حاجة اعتقد ان هى خطأ فى الفيلم،و هى:اول مشهد كان فية احمد السقا و مجدو كامل بيحفروا،و بعدين راح مجدى ضرب ااسقا على ظهره،و فى اخر الفيلم جايبلك انهم بيحفروا و جيه مجدى يضربة راح السقا فلت من الضربة .
طب ازاى؟؟؟؟؟؟؟؟؟؟؟

[ScOrPiON^KinG]

تحليل رائع ايضا :)

[B@SS@M]

لكن انا فى حاجة اعتقد ان هى خطأ فى الفيلم،و هى:اول مشهد كان فية احمد السقا و مجدو كامل بيحفروا،و بعدين راح مجدى ضرب ااسقا على ظهره،و فى اخر الفيلم جايبلك انهم بيحفروا و جيه مجدى يضربة راح السقا فلت من الضربة .
طب ازاى؟؟؟؟؟؟؟؟؟؟؟

يعني هي جت علي دي عادي بقي!!! :D

[عصام وبس]

حرام عليك انت ظلمت الفيلم اوووووى

[B@SS@M]

حرام عليك انت ظلمت الفيلم اوووووى

سيد عصام أنا قلت رأي في الفيلم وهذا هو تحليلي الخاص قد ينال استحسان البعض أو غضبه

[Mr.Fi]

شكر ا علي الشرح بس الفيلم متقدم بالنسبة للسينما المصرية بس انا عايز فيلم " Confidenceممكن

[khaled youness]

الصراحة يا جماعة انا شايف ان الفيلم مش قد كده,بسبب:
1- الفيلم قبل الاستراحة كان نفخ
2-فكرة المقالب اللي موجوده في الفيلم مأخوذه من فيلم oceans11,ocean's12
علشان كده أي حد شاف الفيلمين دول,من نص الفيلم بيحس ان الفيلم فااااااكيس.
3-مش محتاجه أكلمك عن المخرج الجامد اللي دوخنا, كل ما اتنين يكلمو بعض في الفيلم يعد يلف ويدور حوليهم,هو ده السسبينس(حركات يعني)!!!!!!! إرحمونا بأه.........
4-مش فاهيم ليه كانو مٌصرين يستظرفو في الفيلم بدون مناسبة..مع إن الفيلم مش كوميدي والله!!!!
الحسنة الوحيدة في الفيلم:أحمد السقا
رزااااااااااااان

[B@SS@M]

الصراحة يا جماعة انا شايف ان الفيلم مش قد كده,بسبب:
1- الفيلم قبل الاستراحة كان نفخ
2-فكرة المقالب اللي موجوده في الفيلم مأخوذه من فيلم oceans11,ocean's12
علشان كده أي حد شاف الفيلمين دول,من نص الفيلم بيحس ان الفيلم فااااااكيس.
3-مش محتاجه أكلمك عن المخرج الجامد اللي دوخنا, كل ما اتنين يكلمو بعض في الفيلم يعد يلف ويدور حوليهم,هو ده السسبينس(حركات يعني)!!!!!!! إرحمونا بأه.........
4-مش فاهيم ليه كانو مٌصرين يستظرفو في الفيلم بدون مناسبة..مع إن الفيلم مش كوميدي والله!!!!
الحسنة الوحيدة في الفيلم:أحمد السقا
رزااااااااااااان

اشكرك أخي علي التعليق ورأيك أحترمه كثيراً.

[bichoy raouf]

انا عندى معلومة ان اسم الفيلم حرب اطاليا و اقصد كلمة اطاليا ، ليها معنى تانى و مش قصدهم يقولوها كدة زى ما عامة الشعب بيقولها..و هى اصلا حرب اطاليا كانت لعبه قديمه كان بيلعبها والدى و والدك زماااااااااااااااااااااااااااااااااااااااااااااااا اااااااااااااااااااااااااااااااااااااااااااان.

[khaled youness]

اشكرك أخي علي التعليق ورأيك أحترمه كثيراً.
العفو يا باشا , انا اللي بشكرك على الموضوع ده وفي انتظار المزيد

[shewawa2005]

انا راى مش عيب اننحنا نختار افلام اجنبية وعالمية ونعملها هنا فى مصر المهم ازاى نعملها
احمد السقا _ جيد جيدا
نيلى كريم _ جيد
خالد صالح _ امتياز سوف يكون توفيق الدقن فعلا ممثل رائع جدا
رزان _ جيد جدا ممثلة رائعة لما تكون اول مرة تمثل وتعمل كدا هكون ممثلة قوية فى المستقبل _ مش زى واحدة مفكرة نفسها دنماركية والحدق يفهم
خالد ابوالنجا _ مقبول
مجدى كامل _ مقبول
هذا الكلام انا كتبته عن وجهت نظرى الشخصية ولكل واحد وجهت نظره الخاصة

ايه مين ؟؟؟
رزان ... ايه
ممثلة رائعة

طيب يا عم قول جيدة
هنبلعها

بس ايه
رائعة

ايه يا عمنا
دى كانت عايزة كسر رقبتها فى الفيلم
لا عارفة تمثل و لا عارفة تعمل اى حاجة خالص
خاللللللص

[B@SS@M]

ايه مين ؟؟؟
رزان ... ايه
ممثلة رائعة

طيب يا عم قول جيدة
هنبلعها

بس ايه
رائعة

ايه يا عمنا
دى كانت عايزة كسر رقبتها فى الفيلم
لا عارفة تمثل و لا عارفة تعمل اى حاجة خالص
خاللللللص


شكرا علي المشاركة وابداء رأيك وأنا رأي من رأيك بالفعل.

[liro]

طبعا انا شوفت Confidence
ودخلت حرب اطاليا فهمت الفيلم من نصه وفهمت النهاية
لكن طبعا الفيلم العربى مفهوش اقناع يعنى ازاى اقدر اصدق ان واحد ادى لواحدة ما يعرفهاش فى المطار شنطة فيها عقد وخد عنوانها
دى ممكن تحصل فى الحقيقة
طبعا لا هتلاقى الاغلبية يقولوا مخدرات
ههههههههههههههه
وطبعا خالد صالح هو اللى عجبنى فى تمثيل الفيلم

[B@SS@M]

وطبعا خالد صالح هو اللى عجبنى فى تمثيل الفيلم

وأنا برضه رأي من رأيك أخي،
شكرا علي التعليق.

[rock82egy]

fe3llan kol2lle kano fee el cinema kano fahmen el 7ewar kolobas 7'alled sale7 fe3llan momaselraheeeeeeeeeeeeeb

[Marilyn Manson]

اخي وحبيبي بسام اشكرك علي هذا النقد الجميل ورايك في الفيلم الذي احترمو

ولكني ساخلتف معك في عده نقاط ومع بعض الاخوه الذيم ابدو رأيهم في جمال الفيلم وظاهره الاقتباس!!!
اولا الفيلم مأخوذ بالنص من فيلم Confidence واكاد اقسملك بالله اني عرفت كده من بعد 15 ساعه فقط من الفيلم وقعدت اضرب كف علي كف في السينما حتي اني اتخانقت في السينما مع ناس قالت ده فيلم عالمي :D :D !!!
المهم تعالو نبص لظاهره الاقتباس انا معاك ان الفكره تكون مقتبسه ماشي مفيش مشاكل
لكن فين الجديد الي انتا قدمتو
احمد السقا = دور ادوارد بايرن
الظابط الي قبض علي العصابه الاجنبيه في الاخر = اندي جارسيا
زعيم العصابه الايطالي =داستن هوفمان
رزان دورها = دور راشيل وايز
ياراجل ده حتي بدايه الفيلم هيا هيا نفس بدايه فيلم Confidence وحتي النهائيه لما قبضو علي العصابه الايطاليه كانو حاطين مخدرات في الشنطه بردو نهايه Confidence ياناس حرام عليكو ده حتي المشهد بعد ما لبسو العصابات في بعض
( احمد صالح + العصابه الايطاليه ) واتقبض عليهم جابو ابطال الفيلم وهما قاعدين بيضحكو في العربيه ودي كمان نفس نهايه فيلم Confidence
ايه التهريج ده حتي المشاهد بالنص !!!!!!!!!!!!!!!!!!!!!!!!!!!!!!!!!!!
والاغرب انهم بيقولو علي الفيلم كوميدي رومانسي طب فين الكوميديا وفين الرومانسيه
الفيلم تافه بكل المقاييس لانو COPY و PAST من الفيلم الاجنبي
وبعدين مش عارف ايه رزان الي بتمثل دي كمان !!!!!!!!!
ده حتي نيلي الكريم الي بتقولو عليها كويسه هيا نفسها قالت انا ممثلتش في الفيلم ده
خالد صالح الظاهر انو هيقلب ويقبل اي دور بعد كده بدليل الدور السئ الي قام بيه
كنت منتظر اني هشوف فيلم حلو لاحمد السقا بعد تيتو مع اني بكرهو بس للاسف كرهتو اكتر بعد الفيلم التعبان ده ..........
سامحوني واسف للاطاله وشكرا لك يا بسام باشا علي الموضوع

[hossamostafa]

ياجماعة انا اتفرجت علي فيلم Confidence وأنا لم أكن قد شاهدته قبل حرب اطاليا ولكن شاهدته بعد ما اتفرجت علي حرب اطاليا ووأنا باتفرج علي Confidence حسيت ان أنا بتفرج علي حرب اطاليا بس علي أجمد وأكثر غموضا
وفعلا فيلم حرب اطاليا فيه كتير من المشاهد مأخوذة بالنص من فيلم Confidence واللي غاظني المشهد بتاع القبض علي العصابة مأخوذ ايه بالنص حتي الشنطة طلع فيه مخدرات زي Confidence

وأنا أؤيد هذا الرأي
احمد السقا = دور ادوارد بايرن
الظابط الي قبض علي العصابه الاجنبيه في الاخر = اندي جارسيا
زعيم العصابه الايطالي =داستن هوفمان
رزان دورها = دور راشيل وايز
ياراجل ده حتي بدايه الفيلم هيا هيا نفس بدايه فيلم Confidence وحتي النهائيه لما قبضو علي العصابه الايطاليه كانو حاطين مخدرات في الشنطه بردو نهايه Confidence ياناس حرام عليكو ده حتي المشهد بعد ما لبسو العصابات في بعض
( احمد صالح + العصابه الايطاليه ) واتقبض عليهم جابو ابطال الفيلم وهما قاعدين بيضحكو في العربيه ودي كمان نفس نهايه فيلم Confidence


لكن هذا لا يمنع ان الفيلم جامد علي مستوي الأفلام العربية بتاعة اليومين دول
وهذا من وجهة نظري الشخصية

[ghandi007]

اضافه لموضوعك اريدك ان تشاهد فيلمocean eleven لان الفيلم ماخوذ من الفيلمين.

[B@SS@M]

fe3llan kol2lle kano fee el cinema kano fahmen el 7ewar kolobas 7'alled sale7 fe3llan momaselraheeeeeeeeeeeeeb

شكرا علي المرور أخي روكي.

اخي وحبيبي بسام اشكرك علي هذا النقد الجميل ورايك في الفيلم الذي احترمو

ولكني ساخلتف معك في عده نقاط ومع بعض الاخوه الذيم ابدو رأيهم في جمال الفيلم وظاهره الاقتباس!!!
اولا الفيلم مأخوذ بالنص من فيلم Confidence واكاد اقسملك بالله اني عرفت كده من بعد 15 ساعه فقط من الفيلم وقعدت اضرب كف علي كف في السينما حتي اني اتخانقت في السينما مع ناس قالت ده فيلم عالمي !!!
المهم تعالو نبص لظاهره الاقتباس انا معاك ان الفكره تكون مقتبسه ماشي مفيش مشاكل
لكن فين الجديد الي انتا قدمتو
احمد السقا = دور ادوارد بايرن
الظابط الي قبض علي العصابه الاجنبيه في الاخر = اندي جارسيا
زعيم العصابه الايطالي =داستن هوفمان
رزان دورها = دور راشيل وايز
ياراجل ده حتي بدايه الفيلم هيا هيا نفس بدايه فيلم Confidence وحتي النهائيه لما قبضو علي العصابه الايطاليه كانو حاطين مخدرات في الشنطه بردو نهايه Confidence ياناس حرام عليكو ده حتي المشهد بعد ما لبسو العصابات في بعض
( احمد صالح + العصابه الايطاليه ) واتقبض عليهم جابو ابطال الفيلم وهما قاعدين بيضحكو في العربيه ودي كمان نفس نهايه فيلم Confidence
ايه التهريج ده حتي المشاهد بالنص !!!!!!!!!!!!!!!!!!!!!!!!!!!!!!!!!!!
والاغرب انهم بيقولو علي الفيلم كوميدي رومانسي طب فين الكوميديا وفين الرومانسيه
الفيلم تافه بكل المقاييس لانو COPY و PAST من الفيلم الاجنبي
وبعدين مش عارف ايه رزان الي بتمثل دي كمان !!!!!!!!!
ده حتي نيلي الكريم الي بتقولو عليها كويسه هيا نفسها قالت انا ممثلتش في الفيلم ده
خالد صالح الظاهر انو هيقلب ويقبل اي دور بعد كده بدليل الدور السئ الي قام بيه
كنت منتظر اني هشوف فيلم حلو لاحمد السقا بعد تيتو مع اني بكرهو بس للاسف كرهتو اكتر بعد الفيلم التعبان ده ..........
سامحوني واسف للاطاله وشكرا لك يا بسام باشا علي الموضوع

أخي العزيز/ خالد
شكر علي مرورك وتعليقك وإضافه حكاية مشاهدتك لهذا الفيلم وأنا متفق معك في كل نقطه
واللي غاظني كمية الناس اللي كانت مبسوطه أوي من الفيلم في السينما.


ياجماعة انا اتفرجت علي فيلم Confidence وأنا لم أكن قد شاهدته قبل حرب اطاليا ولكن شاهدته بعد ما اتفرجت علي حرب اطاليا ووأنا باتفرج علي Confidence حسيت ان أنا بتفرج علي حرب اطاليا بس علي أجمد وأكثر غموضا
وفعلا فيلم حرب اطاليا فيه كتير من المشاهد مأخوذة بالنص من فيلم Confidence واللي غاظني المشهد بتاع القبض علي العصابة مأخوذ ايه بالنص حتي الشنطة طلع فيه مخدرات زي Confidence

وأنا أؤيد هذا الرأي

إقتباس:
احمد السقا = دور ادوارد بايرن
الظابط الي قبض علي العصابه الاجنبيه في الاخر = اندي جارسيا
زعيم العصابه الايطالي =داستن هوفمان
رزان دورها = دور راشيل وايز
ياراجل ده حتي بدايه الفيلم هيا هيا نفس بدايه فيلم Confidence وحتي النهائيه لما قبضو علي العصابه الايطاليه كانو حاطين مخدرات في الشنطه بردو نهايه Confidence ياناس حرام عليكو ده حتي المشهد بعد ما لبسو العصابات في بعض
( احمد صالح + العصابه الايطاليه ) واتقبض عليهم جابو ابطال الفيلم وهما قاعدين بيضحكو في العربيه ودي كمان نفس نهايه فيلم Confidence




لكن هذا لا يمنع ان الفيلم جامد علي مستوي الأفلام العربية بتاعة اليومين دول
وهذا من وجهة نظري الشخصية

أخي الحبيب/ حسام
شكرا علي مرورك الكريم ولكني كنت أنتظر من الفيلم أفضل من ذلك بكثير.


اضافه لموضوعك اريدك ان تشاهد فيلمocean eleven لان الفيلم ماخوذ من الفيلمين.

شكرا أخي وإن كان فيلم Ocean's 11 (1960) هو الأكثر من حيث الإقتباس منه