المساعد الشخصي الرقمي

مشاهدة النسخة كاملة : ايه هو الشيئ اللي بينرفذك و يعصبك و يخرجك عن شعورك......؟

N_O_U_R
31-07-2005, 11:28 AM
و ازاي اهم من كل ده....انك تحاول الابتعاد عن مصادر النرفذة دي....
المشكلة دي انا بعاني منها جدا ...كل حاجة واخدها علي أعصابي و ما فيش يوم الا لما بتنرفذ ....أوقات بيبقي عندي حق و أوقات تانية بتنرفذ لان الظاهر انا خدت علي كده ....يمكن عشان ظروف شغلي ..و لا هي عادة...لدرجة ان لما يكون عندي موضوع هام ما بعرفش انام....و المشكلة اللي بتنرفذني اوي هي عدم الاهتمام .... يعني مرة من سنين و لما كنت طالب في كلية التجارة طلب الدكتور منا أعداد بحث...و لاني كنت طالب متفوق و بحب اكون شاطر و متميز ... عملت كل حاجة لدرجة اني جبت كتب من كل المكتبات و عملت بحث رائع و كان مشترك معاي زميل و صديق و كنا أصدقاء أوي ....و كان شاطر برده بس كانت تقديراتي احسن منه لاني كنت بذاكر كتير جدا....المهم...انه كان " ضاربها طبنجة " يعني مروق دماغه بمعني اللي ما يتعملش النهاردة يتعمل بكرة ..." و التقدير علي مذاكرة الشهر الاخير"...ده كان كلامه...و بعد ان انجزت ما علي في البحث كان دوره فقط ان يضع الاستنتاجات و الاقتراحات و يكتب المصادر اللي عملنا منها البحث ...و انا خليت ده دوره بس عشان انا عارفه ...و كان ميعاد تقديم البحث يوم الثلاثاء و يوم الاثنين باليل اتصلت بيه و قولتله ايه الاخبار....قاللي بالحرف الواحد .." البحث في التمام و ما فيش فيه حاجة ناقصة " و عندما ذهبنا الي الدكتور نقدم البحث فوجئت بصديقي ...بيقولي و عند باب غرفة الدكتور " معلش انا ما قدرتش اكتب المصادر لاني سهرت امبارح و ما قدرتش أخلص " و كانت الطامة الكبري طبعا اتخانقت معاه...و الموضوع ده ما خلص الا بعد النتيجة ما ظهرت ....مش عارف هل انا اللي مزودها لما بحب الشغل يكون كله 100 % و لا هو الاهمال .... و اللامبالاه اصبحوا سمة فينا......!!!!
makim4ever7
31-07-2005, 03:20 PM
اللى ممكن ينرفزنى الظلم! واللى ينرفنزنى اكتر لما يبقى المظلوم قادر ياخد حقه ولما يحس الظالم بكده يبقى جبان يقوم مرجع الحق لصاحبه, فيقوم المظلوم مكمل شكوته فى الظالم! يقوم الناس قايلين ليه كلمة !
ياخى عيب عليك ده هو اللى رجعلك حقك!!
طيب امال مين اللى ظلمنى لما هو اللى رجع لى حقى؟!!!
angeleyescoco
31-07-2005, 09:48 PM
فعلا موضوع جميل جدا وعفوا على تاخرى بالرد عليه بسبب مع المشاكل بتصفحى للمنتدى

بالنسبة لى انا اكتر حاجة بتنرفزنى ان انسان يبان ادام الناس ان هو طيب وكويس ودايما على حق وهو بالاخر يكون حقير وميستهلش حد يسلم حتة عليه
واكتر اكتر حاجة بتنرفزنى لما يكون انسان ظالم بموقع سلطة ويحئلو يتحكم بالناس

وشكرا
™Mo7aMMad FaDl
01-08-2005, 12:25 AM
اكيد انا بتنرفز فعلا
لو انا بقدر انسان وهو مش بيقدرنى
او ان انسان عزيز عليه يظلمنى ومش راضى كمان يسمع
فعلا ببقى مش فى شعورى

وشكرا على الموضوع الجميل
وبالتوفيق ان شاء الله
makim4ever7
01-08-2005, 01:04 AM
على فكرة , انا اسف لصاحب الموضوع عدم شكرى ليه , اسف ليك جدا جدا

وبزيد على كده وبأكد على نفس كلام الاخت انجل, انه حاجة تنرفز جدا ان واحد ظاهر انه طيب وغلبان ومحترم, وهو حقيقته من جوه كلها غدر وخباثة وحقارة, واللينرفز اكثر واكثر تلاقى ناس بتهلله وتدمدح فيه لمجرد انه وصلهم لشىء معين, واو خدمة معينة , وتبهت حقارته عليهم, والتلميذ يتفوق على الاستاذ, وتظهر حقارتهم اكبر واكبر مما يتصور !
N_O_U_R
01-08-2005, 10:39 AM
الأعزاء makim ...angel ...romancy ألف شكر علي المرور و الأشتراك...
و الظاهر أن الحاجات اللي بتنرفذ كتيرة أوي ...
بس السؤال
اذا تعرضنا لسبب من الأسباب التي تدفعنا للنرفذة .... هل الأفضل ان نبين مشاعرنا الغاضبة و نخرج ما بداخلنا من غضب أم نمصت و نكتم الغضب بداخلنا ؟
angeleyescoco
01-08-2005, 05:33 PM
, واللينرفز اكثر واكثر تلاقى ناس بتهلله وتدمدح فيه لمجرد انه وصلهم لشىء معين, واو خدمة معينة , وتبهت حقارته عليهم, والتلميذ يتفوق على الاستاذ, وتظهر حقارتهم اكبر واكبر مما يتصور !



كلامك مزبوط مية يالميةةةةةةةةةةةةةةةةةةةةةة :D :D اهنيك على هذه الجملة لانها الاكثر شعبية بهذه الايام وواضحة زى الشمس :cool:
بكل مكان اهنئك على هذه الجملة
makim4ever7
01-08-2005, 10:59 PM
الأعزاء makim ...angel ...romancy ألف شكر علي المرور و الأشتراك...
و الظاهر أن الحاجات اللي بتنرفذ كتيرة أوي ...
بس السؤال
اذا تعرضنا لسبب من الأسباب التي تدفعنا للنرفذة .... هل الأفضل ان نبين مشاعرنا الغاضبة و نخرج ما بداخلنا من غضب أم نمصت و نكتم الغضب بداخلنا ؟

لو الموضوع فيه ظلم, فأظن اكيد لازم نبين مشاعرنا الغاضبة, خصوصا لوكان الغضب ده بيدفعك للمحاربة بدون رحمة عشان تحصل على حقك ,
لاكن فى حالة الغضب لمجرد الاستفزاز فده اكيد شىء غير جديد, ربما كتم الغضب والاحتفاظ بالهدوء افضل عموما فى النهاية

شكرا ليك على الموضوع مرة تانية
makim4ever7
01-08-2005, 11:10 PM
كلامك مزبوط مية يالميةةةةةةةةةةةةةةةةةةةةةة :D :D اهنيك على هذه الجملة لانها الاكثر شعبية بهذه الايام وواضحة زى الشمس :cool:
بكل مكان اهنئك على هذه الجملة

للأسف فعلا الكلام واضح انه مزبوط, والايام بتقول كده!
وشكرا ليكى على تعقيبك على كلامى ,

بس ايه بقى ينرفز اكتر من ان الناس دى اللى كانت زى الحمل الوديع, اصبحت كلاب عمالة تنبح, صاحب الفضل عليهم بيختارلهم الهدف, وهما ما عليهم الا النباح عليه بأعلى صوت!!, وكل ما على صوتهم, كان تعبير على زيادة اخلاصهم ليه فى الحقارة والدنائة,!!

معلشى يا اخت انجل, للأسف دى حقيقة موجودة, بس اليأس ماهو موجود ! ومسيره يقع!
أيمـن
02-08-2005, 12:54 AM
انا اكتر حاجة تعصبني وتنرفزني اني اكون اخر من يعلم
ويكون فيه حاجة الناس كلها عارفاها الا انا
يعني قاعد زي الأطرش في الزفة زي ما بيقولوا عندنا في مصر
والف شكر يا Nou121212r
semsem911
02-08-2005, 11:03 AM
انا من الأخر كل الي قلتوه ده هو بالظبط الي يخليني في قمة ثورتي وازيد عليها ان لما شخص يفضل ينصحني عمال على بطال وفي مواضيع هبله وانا عارفها كويس وكمان هو ساعات ما بيعملش بالنصايح دي , ده بجد موضوع يغيييييييظ
samah samy
02-08-2005, 07:34 PM
أنا اكتر شئ ينرفزنى ويعصبنى
هو أن يتجاهلنى أحد
لقد نشأت فى جو كله اهتمام ورعاية وحب منذ صغرى وحتى الان وربنا يخليهم ليا ويكونوا دايما مهتمين بيا .... :5flowerfa
ولما خرجت الى الحياة العامة والدراسة والعمل كنت أريد دوما الاهتمام بى
والحمد لله وجدت ده فى صديقاتى وتبعه عملى ..... وكان اهتمام من حولى بى نابع من اهتمامى بهم وحبى لهم
بس الحمد لله مش بخرج عن شعورى حين يتجاهلنى أحد اكتفى بالبكاء دون ان يرانى احد
كمان بيتعبنى جدا ان حد يخاصمنى ويبعد عنى دون ان اعرف السبب ويتركنى فى حيرة.
تحياتى الى الجميع........
mashakel
02-08-2005, 08:45 PM
أنا اكتر شئ ينرفزنى ويعصبنى
هو أن يتجاهلنى أحد
لقد نشأت فى جو كله اهتمام ورعاية وحب منذ صغرى وحتى الان وربنا يخليهم ليا ويكونوا دايما مهتمين بيا .... :5flowerfa
ولما خرجت الى الحياة العامة والدراسة والعمل كنت أريد دوما الاهتمام بى
والحمد لله وجدت ده فى صديقاتى وتبعه عملى ..... وكان اهتمام من حولى بى نابع من اهتمامى بهم وحبى لهم
بس الحمد لله مش بخرج عن شعورى حين يتجاهلنى أحد اكتفى بالبكاء دون ان يرانى احد
كمان بيتعبنى جدا ان حد يخاصمنى ويبعد عنى دون ان اعرف السبب ويتركنى فى حيرة

انا باتفق مع الراي ده جدا

لان اكثر ما يضايقنني ان يتم تجاهلي من شخص لا يساوي اي شئ و يضايقنني اكثر ان يتم اتهامي بدون حق ...و يضايقنني ايضا ان يستخدم احد سلطته في المجاملات " يعين حبايبه في مناصب اخرى " و اللي يضايقنني كمان ان يقال لي كلمة هنا من اي شخص مهما كان لا يعرف ما هو مركزه في الحقيقة و لا يعرف مع من يتعامل

و شكرا على الموضوع اخي العزيز
ام شادى
13-08-2005, 04:43 AM
الحقيقه هى حاجات كتير بتنرفز الواحد بس فيه حاجات بتكون ساعات فوق طاقتنا ومنقدرش نستحملها
انا عن نفسى يعصبنى جدا جدا عدم الألتزام بالوعد ..وان الشخص اللى امامى يفهمنى غلط ويحور الكلام.. واخيرا الحرررررررر والرطوبه فى الصيف عندنا فى اسكندريه
™Hessein
13-08-2005, 11:30 AM
أكتر حاجه تنرفزني الحكم على الناس وعلى الأشياء من مظهرها الخارجي
en_mhmd
16-08-2005, 11:47 AM
انا بتضايق لما الاقى اى حد فى ايدة سلطة اى كانت السلطة دى ايه وبيتحكم فى الناس بشكل غبى مستغل وضعه ومكانته ساعتها بحس انى عاوزة اقول للشخص دة فوء انت زيك زى اى حد ولو كانت دامت لغيرك يبقى تدوم لك ,,, كمان بتنرفز من اللف والدوران والكذب ولما احس ان الشخص اللى ادامى خبيث وعمال يلف ويدور آل يعنى فاكرنى مش فاهمة حاجة ببقى خلاص حطق من الغيظ لأنى ساعتها مش بقدر اقوله انت كذاب,,, كمان بتعصب لما بيبقى فى حوار مع حد ومش قادرة اوصل وجهة نظرى بس فى الحالة دى العيب بيبقى منى انا لأن انا مش بعرف اعبر عن اللى جوايا كويس ببقى حاسة ان كلام كتير واقف على طرف لسانى ومش عارفة اقولة ساعتها ببقى عوزة انهى المناقشة بأى طريق علشان ارتاح وبعد كدة اقعد اعيط
crimzon red
16-08-2005, 04:11 PM
الحاجات الي تنرفز ولا أكثر منها، المهم تحاول ماتجيلك قرحه بسببها او يطقلك عرق :rolleyes: :D

منهم الي قلة يا نور. اني اضطرلسبب ما اني اعتمد على احد تاني، ويمكن يعمله ويمكن لأ, ما بحب ابدا :5forbidde

ما بحب اسلوب الاستعباط :rolleyes: ، او اللف والدوران. هذه اسرع طريقة انك تشوف توأمي الشرير :D

لكن بالعموم الحاجات الي بجد بتنرفزني بتكون خارجه عن سيطرتي وما اقدر اتحكم فيها مع انها
تخصني لسبب أو لآخر. الاشياء التانية ممكن التعايش معاها او ملاقاة حل ليها.


اما عن سؤالك عن الحل ، كتم الغضب او اظهارة.بصراحه لو قدر الواحد يضبط اعصابه، اكيد هو الحل الأمثل، يضبطها بحيث انه ما ياكل في نفسه لما يسكت :rolleyes:
هي عموما تعتمد على فداحه المشكله او المسبب، يعني مش كل شيء بيستدعي ابداء غضبك ولو كان بيحرق الدم :p
3asal
17-08-2005, 01:41 PM
أكتر حاجة بتخليني متنرفز الصوت العالي

وطبعاً مش حقولكوا على رمضان بـبــقى ......... ولا بلاش

ويا سلام على العربيات الكارو ومناظرهم في الشارع وبالذات لما الحمار أو الحصان يجي في نص الشارع ويــ.......
abdo_eldesokey
17-08-2005, 08:08 PM
أنا أكتر حاجة تنرفزني ..... الندالة والغباء .....

يعني محبش أشوف حد عايز يعمل فيها الواد الفتك وهوا كل كلامه مفقوس أساسا ً ..... يعني بمعنى أصح النفاق ....

تاني حاجة تنرفزني .... لما يحصل حاجة تمسني ومكنش عارف أتخذ موقف ..... ساعتها ببقى هاين عليا أولع في أي حد قدامي ....

وألف شكر يا نور على الموضوع
N_O_U_R
23-08-2005, 09:47 AM
انا اكتر حاجة تعصبني وتنرفزني اني اكون اخر من يعلم
ويكون فيه حاجة الناس كلها عارفاها الا انا
يعني قاعد زي الأطرش في الزفة زي ما بيقولوا عندنا في مصر
والف شكر يا Nou121212r

دي حاجة فعلا تحرق الدم ....
وشكرا لمرورك و ابداء رايك
N_O_U_R
23-08-2005, 09:49 AM
انا من الأخر كل الي قلتوه ده هو بالظبط الي يخليني في قمة ثورتي وازيد عليها ان لما شخص يفضل ينصحني عمال على بطال وفي مواضيع هبله وانا عارفها كويس وكمان هو ساعات ما بيعملش بالنصايح دي , ده بجد موضوع يغيييييييظ

شكرا لمروك يا سمسم ... و ربنا يبعد عنك كل الناس دي ..لانهم فعلا يغييييييييييييظوا
N_O_U_R
23-08-2005, 09:52 AM
أنا اكتر شئ ينرفزنى ويعصبنى
هو أن يتجاهلنى أحد
لقد نشأت فى جو كله اهتمام ورعاية وحب منذ صغرى وحتى الان وربنا يخليهم ليا ويكونوا دايما مهتمين بيا .... :5flowerfa
ولما خرجت الى الحياة العامة والدراسة والعمل كنت أريد دوما الاهتمام بى
والحمد لله وجدت ده فى صديقاتى وتبعه عملى ..... وكان اهتمام من حولى بى نابع من اهتمامى بهم وحبى لهم
بس الحمد لله مش بخرج عن شعورى حين يتجاهلنى أحد اكتفى بالبكاء دون ان يرانى احد
كمان بيتعبنى جدا ان حد يخاصمنى ويبعد عنى دون ان اعرف السبب ويتركنى فى حيرة.
تحياتى الى الجميع........

لما حد فعلا يبعد عنا من غير ما يقول ايه السبب .... ده شيئ بيحرق الدم فعلا ... و اللي يحرق الدم أكتر لما تعرفي ان الأسباب اللي بعد عشانها تااااااااااااااااااااااااافهه ....
شكرا لمروك بالموضوع يا سماح
N_O_U_R
23-08-2005, 09:57 AM
انا باتفق مع الراي ده جدا

لان اكثر ما يضايقنني ان يتم تجاهلي من شخص لا يساوي اي شئ و يضايقنني اكثر ان يتم اتهامي بدون حق ...و يضايقنني ايضا ان يستخدم احد سلطته في المجاملات " يعين حبايبه في مناصب اخرى " و اللي يضايقنني كمان ان يقال لي كلمة هنا من اي شخص مهما كان لا يعرف ما هو مركزه في الحقيقة و لا يعرف مع من يتعامل

و شكرا على الموضوع اخي العزيز

دي حاجات فعلا تضايق صديقي العزيز .... مشاكل ....
بس واضح ان في حد قالك كلمة هنا ضيقتك .... انا مش بحاول ....اتدخل في شئونك بس انا حسيت بكده من كلامك
شكرا لمرورك ايها الأخ الغالي

فاتني ان اهنئك علي اللقب الذي أخترته godfather ....
شكرا لمرورك ايها الأخ العزيز
N_O_U_R
23-08-2005, 10:01 AM
الحقيقه هى حاجات كتير بتنرفز الواحد بس فيه حاجات بتكون ساعات فوق طاقتنا ومنقدرش نستحملها
انا عن نفسى يعصبنى جدا جدا عدم الألتزام بالوعد ..وان الشخص اللى امامى يفهمنى غلط ويحور الكلام.. واخيرا الحرررررررر والرطوبه فى الصيف عندنا فى اسكندريه

امال الحر .... أختي العزيزة ....في القاهرة تقولي عليييييييييييييه اييييييييييييييييه

فعلا الشخص اللي بيحور الكلام .... بني ادم عايز الحرق ....انا بحب الأنسان الدوغري
يزعل مني .... يقول ....ما يعجبوش كلامي....... يقول ...

بس نصيحة الشخص اللي بيحور الكلام ....الأبتعاد عنه أحسن لأن ده بيبقي طبع فيه
شكرا لمرورك اختي العزيزة
N_O_U_R
23-08-2005, 10:02 AM
أكتر حاجه تنرفزني الحكم على الناس وعلى الأشياء من مظهرها الخارجي

أتفق معك أخي العزيز ....دي حاجة بتنرفذ جدا

شكرا لمرورك
N_O_U_R
23-08-2005, 10:06 AM
انا بتضايق لما الاقى اى حد فى ايدة سلطة اى كانت السلطة دى ايه وبيتحكم فى الناس بشكل غبى مستغل وضعه ومكانته ساعتها بحس انى عاوزة اقول للشخص دة فوء انت زيك زى اى حد ولو كانت دامت لغيرك يبقى تدوم لك ,,, كمان بتنرفز من اللف والدوران والكذب ولما احس ان الشخص اللى ادامى خبيث وعمال يلف ويدور آل يعنى فاكرنى مش فاهمة حاجة ببقى خلاص حطق من الغيظ لأنى ساعتها مش بقدر اقوله انت كذاب,,, كمان بتعصب لما بيبقى فى حوار مع حد ومش قادرة اوصل وجهة نظرى بس فى الحالة دى العيب بيبقى منى انا لأن انا مش بعرف اعبر عن اللى جوايا كويس ببقى حاسة ان كلام كتير واقف على طرف لسانى ومش عارفة اقولة ساعتها ببقى عوزة انهى المناقشة بأى طريق علشان ارتاح وبعد كدة اقعد اعيط

و الله عندك حق

بخصوص .... عدم قدرتك علي توصيل وجهة نظرك احيانا ..... حاولي أنك ... تحددي نقط معينه قبل ما تتكلمي مع الشخص .... عشان ما تنسيش ....و لكن في حالة الحوارات المفاجئة و في حالة لو فعلا ما قدرتيش توصلي وجهة نظرك .... امامك حلان ....
1 تأخري المناقشة و ترتبي افكارك
2 فعلا....ما فيش غير العياط

شكرا لمرورك الجميل...
و ربنا يوفقك
N_O_U_R
23-08-2005, 10:10 AM
الحاجات الي تنرفز ولا أكثر منها، المهم تحاول ماتجيلك قرحه بسببها او يطقلك عرق :rolleyes: :D

منهم الي قلة يا نور. اني اضطرلسبب ما اني اعتمد على احد تاني، ويمكن يعمله ويمكن لأ, ما بحب ابدا :5forbidde

ما بحب اسلوب الاستعباط :rolleyes: ، او اللف والدوران. هذه اسرع طريقة انك تشوف توأمي الشرير :D

لكن بالعموم الحاجات الي بجد بتنرفزني بتكون خارجه عن سيطرتي وما اقدر اتحكم فيها مع انها
تخصني لسبب أو لآخر. الاشياء التانية ممكن التعايش معاها او ملاقاة حل ليها.


اما عن سؤالك عن الحل ، كتم الغضب او اظهارة.بصراحه لو قدر الواحد يضبط اعصابه، اكيد هو الحل الأمثل، يضبطها بحيث انه ما ياكل في نفسه لما يسكت :rolleyes:
هي عموما تعتمد على فداحه المشكله او المسبب، يعني مش كل شيء بيستدعي ابداء غضبك ولو كان بيحرق الدم :p

ربنا يستر من التوأم الشرير ..... بلاش النرفذه ...

و انا متفق معك تماما .... ان اظهار الغضب او اخفاءه بيعتمد علي فداحة المشكلة .... يعني مش كل حاجة لازم نظهر غضبنا .... و مش كل حاجة لازم نخفي غضبنا

شكرا علي المرور الجميل ده .... و علي ابداء الراي الجميل ده
N_O_U_R
23-08-2005, 10:12 AM
أكتر حاجة بتخليني متنرفز الصوت العالي

وطبعاً مش حقولكوا على رمضان بـبــقى ......... ولا بلاش

ويا سلام على العربيات الكارو ومناظرهم في الشارع وبالذات لما الحمار أو الحصان يجي في نص الشارع ويــ.......

هههههههههههههههههههههههههههههههههههههههههههههههههه هههههههههههههههههههههه
ربنا يكون معاك .... دي حاجه فعلا تغيييييييييييييييييييييييييييييييييييييييييييييظ

و خاصة الحمار مش ممكن هننزل و نفهم غلطه ....

شكرا علي المرور الجميل و علي الرد الأجمل
N_O_U_R
23-08-2005, 10:15 AM
أنا أكتر حاجة تنرفزني ..... الندالة والغباء .....

يعني محبش أشوف حد عايز يعمل فيها الواد الفتك وهوا كل كلامه مفقوس أساسا ً ..... يعني بمعنى أصح النفاق ....

تاني حاجة تنرفزني .... لما يحصل حاجة تمسني ومكنش عارف أتخذ موقف ..... ساعتها ببقى هاين عليا أولع في أي حد قدامي ....

وألف شكر يا نور على الموضوع

طب و ذنب اللي قدامك ايه

بس تعرف ....انا معاك في النقطة دي .....انا لما ما اعرفش اخد موقف في الحال....ببقي هاين علي ...ان أولع في نفسي و في اي حاجة قدامي .... و بحس اني متغاظ أوي اوي اوي

شكرا علي مرورك يا أخي العزيز
™ LoVeR4arab
23-08-2005, 04:52 PM
موضوع جميل

الشيء اللى ينرفزنى جدا انى اتعامل مع شخص غبي وانصحه وبان الطريقه بتاعته في موضوع ما غلط وافاجاء بانه يتمادا في غبائه ويصر على غبائه بمعني اصح بتنرفز جدا من الانسان الغبي واللى بيصر على غبائه
The Blue Heaven
23-08-2005, 06:44 PM
الظلم

دة اكتر حاجة تخلينى بجد مش عارف انا بقول اية ولا بعمل اية

اول ما اشعر بالظلم بجد بخرج فعلا عن شعورى
free_butterfly2
23-08-2005, 08:55 PM
اولا: شوكورا شوكورا شوكورا على طرح الموضوع ده :rolleyes:
ثانياً : الحاجة اللى بتخلبنى اتنرفز و ابقى عايزة انفجر فى اللى بيكلمنى :5headache ان حد يتهمنى بالكذب لأنها صفة انا بحتقرها جدا فى الناس .. فميجيش حد و يتهمنى بالصفة دى .. و خصوصا و الحمدلله انا دايما بحاول انها مش تبقى عندى ....
و طبعا طبعا طبعا بأتضايق جداجدا من اللى ميحترمش مواعيده ... لدرجة انى لما مثلا ابقى رايحة مع صديقاتى اى مكان ويتأخروا عليا و لو حتى خمس دقايق ممكن انى انكد عليهم الخروجة كلها .. المشكلة انى بكون عارفة ان السبب مش مستاهل كل ده يعنى ممكن افهمهم الحاجة دى و خولاص .. بس العناد بيشتغل و مش بتنازل عن رأيى :5cold: ....
و اكيـــــد بتنرفز من ان حد يتجاهلنى و خصوصا لو كان الحد ده يكون حد له مكانه خاصه عندى :5shocking ...

ثالثاً: عن طريقة التعامل مع الحاجات اللى بتنرفز .. فأنا شخصيا بقعد اقنع نفسى انها مهما كان مش لازم تزعلنى .. يعنى انا ممكن افهم اللى قدامى انى بأتدايق من الحاجة دى و بعد كده مش يكررها
( بس ده نظريا فقط لانى لا استطيع التحكم فى نفسى عند الغضب )
amiraaa
23-08-2005, 09:12 PM
شكرا اخى Nou121212r على الموضوع
انا اللى بينرفزنى اوى بصراحه الغبــــــــــــاء والصوت العالى
بكره الغباء وبالذات لما يكون الواحد بيقاوح ومصمم انه صح وهوه اصلا مش فاهم حاجه عشان متسرع
والصوت العالى دليل على ضعف الشخصيه اصلا وبيحاول يبين العكس
N_O_U_R
23-08-2005, 11:49 PM
موضوع جميل

الشيء اللى ينرفزنى جدا انى اتعامل مع شخص غبي وانصحه وبان الطريقه بتاعته في موضوع ما غلط وافاجاء بانه يتمادا في غبائه ويصر على غبائه بمعني اصح بتنرفز جدا من الانسان الغبي واللى بيصر على غبائه

ده بقي عادي جدا أخي العزيز .... و المشكلة ان فيه كتير جدا من الناس ...فاكره نفسها بتفهم و بتتصرف صح ... و هي بتغلط جدا ... و بتضر نفسها و اللي حواليها

شرفتني في الموضوع ... و اتمني ان يوفقك الله في كل حياتك ....
N_O_U_R
23-08-2005, 11:53 PM
الظلم

دة اكتر حاجة تخلينى بجد مش عارف انا بقول اية ولا بعمل اية

اول ما اشعر بالظلم بجد بخرج فعلا عن شعورى

ياااااااااااااااااااه .... ده أنت حطيت ايدك علي بؤرة الفساد

و لكن يا صديقي العزيز .... حاول الا تخرج عن شعورك .... و خاصة ان الظلم هذه الأيام هو السائد ... و العدل ...اصبح عملة نادرة جدا..

شرفت الموضوع ....جدا جدا جدا
N_O_U_R
24-08-2005, 12:00 AM
اولا: شوكورا شوكورا شوكورا على طرح الموضوع ده :rolleyes:
ثانياً : الحاجة اللى بتخلبنى اتنرفز و ابقى عايزة انفجر فى اللى بيكلمنى :5headache ان حد يتهمنى بالكذب لأنها صفة انا بحتقرها جدا فى الناس .. فميجيش حد و يتهمنى بالصفة دى .. و خصوصا و الحمدلله انا دايما بحاول انها مش تبقى عندى ....
و طبعا طبعا طبعا بأتضايق جداجدا من اللى ميحترمش مواعيده ... لدرجة انى لما مثلا ابقى رايحة مع صديقاتى اى مكان ويتأخروا عليا و لو حتى خمس دقايق ممكن انى انكد عليهم الخروجة كلها .. المشكلة انى بكون عارفة ان السبب مش مستاهل كل ده يعنى ممكن افهمهم الحاجة دى و خولاص .. بس العناد بيشتغل و مش بتنازل عن رأيى :5cold: ....
و اكيـــــد بتنرفز من ان حد يتجاهلنى و خصوصا لو كان الحد ده يكون حد له مكانه خاصه عندى :5shocking ...

ثالثاً: عن طريقة التعامل مع الحاجات اللى بتنرفز .. فأنا شخصيا بقعد اقنع نفسى انها مهما كان مش لازم تزعلنى .. يعنى انا ممكن افهم اللى قدامى انى بأتدايق من الحاجة دى و بعد كده مش يكررها
( بس ده نظريا فقط لانى لا استطيع التحكم فى نفسى عند الغضب )

أولا ....عوفا عوفا عوفا ...

ثانيا ...أختي العزيزة ...أنا برده ممكن أتضايق من اصحابي ... لما يتأخروا علي في ميعاد ...لأ و اللي يغيييييييييييييييييظ ........لما تلاقيهم بيكرروا ده و بياخدوا الموضوع ببساطة ...
و معاك في حتة التجاهل ....
و معاااااااااااااااااااااااااااااااااااااااااااااك .... في حتة ........اني بتنرفذ ... لما حد يتهمني بالكذب ...لأ و المصيبة لما تكون الحقائق واضحة امامه علي اني مش كاذب

شرفتي الموضوع ...جدا جدا
N_O_U_R
24-08-2005, 12:05 AM
شكرا اخى Nou121212r على الموضوع
انا اللى بينرفزنى اوى بصراحه الغبــــــــــــاء والصوت العالى
بكره الغباء وبالذات لما يكون الواحد بيقاوح ومصمم انه صح وهوه اصلا مش فاهم حاجه عشان متسرع
والصوت العالى دليل على ضعف الشخصيه اصلا وبيحاول يبين العكس

بتفق معاكي جدا جدا .... و دي حاجة معظم الأعضاء بيتفقوا معانا فيها ....و الشخص اللي من النوعية دي بيضر نفسه و بعدين بيضر بالتبعية كل اللي حواليه

شرفتي الموضوع جدا جدا جدا...
حدوته مصريه
24-08-2005, 09:18 PM
بالنسبه لاكترنا اعتقد ما فيش اكتر من الحاجات اللي تنرفز كل حاجه
بدايه من دوشه الشارع و الكالكسات اليل نهار ....شغاله ...مفيش ان فيه حد تعبان ده ممكن يزعجه ..لا طبعا.........كله بيقول و انا مالي .هي جت عليا انا؟؟؟ .............زكلمه و انا مالي دي بتفرسني .مش بتنرفزني بس.:(و من الصووووووووووووت العالي اللي بتلاقي كل الناس شغاله بيه .مش عارفه( ليه حاسين ان الناس طرش مش بيسمعوا) و اذا قلت لحد صوتك عالي .يا دهيه دئي و ما تخلصش.
و الا الزحمه علي طوابير العيش ..و الا المعامله الغير ادميه اللي الكل بيشوفها لما يخلص اي حاجه من اي مصلحه حكوميه
و الا السلبيه اللي الكل عايش فيها
و الا عدم الالتزام بالمواعيد ..اللي هايرجعنا ورا اكتر ما احنا
و الا ...........و الا................و الا ..و قيس كده علي كل حاجه في حياتنا
هاتلاقي ان احنا نعد الحاجات اللي ما بتنرفزناش اسهل
لان مش هانخلص كده..

اكتر حاجه بئا بتنرفزني في نفسي اني مش بحب ازعل اي حد .........حتي لو الشخص اللي قدامي غلطان ........ما بيهونش عليا............ و يا ريت الناس تقدر ...................زانا جالي الضغط خلاااااااااااااااااااااااااااااااااااااااااص
:((((((((((((((((((((((
N_O_U_R
25-08-2005, 02:51 AM
أختي العزيزة حدوتة

فعلا أنت علي حق .... الدووووووووووووووووووووووووووووووووووووووووشه
حاجه بتنرفذ ....
شكرا للمرور الجميل ده .... و الف شكر
mashakel
25-08-2005, 04:51 AM
بس واضح ان في حد قالك كلمة هنا ضيقتك ....

طبعا اتعرضت لمواقف مثل هذا .... لان عمري ما كنت هاعرف انها هتضايقنني الا اذا كنت اتعرضت لها قبل كده ... فلا استطيع الحكم الا عن تجربه... بس مش ضروري تكون هنا لان المنتدى في نظري مجرد جزء من الحياة اتعرض فيه لمواقف لا استطيع الحكم عليها لان هذا بيكون من خلال شخصيات لم اقابلها او اعرفها حق المعرفة

انا مش بحاول ....اتدخل في شئونك بس انا حسيت بكده من كلامك

لا لا لا ... و مين قال انك بتتدخل في شئوني ... انا شايف استنتاجك عادي جدا و لا يمس الباطن كثيرا ...

و اخيرا شكرا لك اخي العزيز على الموضوع
BOB MARLEY
25-08-2005, 06:39 PM
اناكتر حاجة بتنرفزنى و الله العظيم
انى اشوف بيقرقض فى اظافره ببقى عايز اهجم عليه و اموته
N_O_U_R
25-08-2005, 08:10 PM
اناكتر حاجة بتنرفزنى و الله العظيم
انى اشوف بيقرقض فى اظافره ببقى عايز اهجم عليه و اموته

هههههههههههههههههههههههههههههههههههههههههههههههههه هههههههههههههههههههههههه

كان الله في عونك لأن في ناس كتير أووووووووووووووي بتحب القرقضة في ضوافرها

ألف شكر علي مرورك ....... و علي ردك اللي زي العسل ده
الدرع الذهبى
29-08-2005, 05:07 PM
أنا أكتر حاجه بتخنقنى وتنرفزنى
لما أسمع عن جريمة إغتصاب
أو لما الاقى واحد غلبان الناس بتاكل حقة لأنه غلبان ومنكسر
او لما الاقى حد أخد مجهودى وينسبه لنفسه


وشكرا على موضوعك الجميل
N_O_U_R
30-08-2005, 12:01 AM
أنا أكتر حاجه بتخنقنى وتنرفزنى
لما أسمع عن جريمة إغتصاب
أو لما الاقى واحد غلبان الناس بتاكل حقة لأنه غلبان ومنكسر
او لما الاقى حد أخد مجهودى وينسبه لنفسه


وشكرا على موضوعك الجميل

الغالي ...الدرع الذهبي
فعلا .... اللي قلته ينرفذ اوووووووووووووووووووووووووووووووووووووووي
و يحرق الدم و يخليك تخرج عن شعورك

و ما أكتر الحاجات دي دلوقت في مجتمعنا ....و بالذات .... أكل حقوق الغلابه

شكرا علي تشريفك
warda111
30-08-2005, 12:22 PM
الحاجت الي تنرفزني كثيرة لييه قلبت علينا المواجع :5bomb:
الكدب المكشوف والظلم وعدم إحترام راي الاخر للاسف :5headache
N_O_U_R
30-08-2005, 12:30 PM
الحاجت الي تنرفزني كثيرة لييه قلبت علينا المواجع :5bomb:
الكدب المكشوف والظلم وعدم إحترام راي الاخر للاسف :5headache

أختي العزيزة ورده ....

عدم أحترام رأي الاخر ...... ده منه كتيييييييييييييييييييييييييير أووووووووووووووووووووي
للأسف .....و اما الظلم ...ده بقي حدث و لا حرج و خصوصا الغلابه لانهم اكتر ناس في مجتمعنا بيتظلموا ...

شكرا علي تشريفك الجميل ده
PRINCE OF MINDS
18-04-2007, 04:42 PM
موضوع جميل جدا وهيخلينا نعرف اية اللى بينرفز كل واحد فينا
انا عن نفسى حاجات كتير بتخرجنى عن شعورى
لما اتكلم مع واحد ويحسسنى انه فاهم كل حاجة فى الدنيا علشان بس سنه كبير رغم انه ديما غلط
وده يعتبر جهل بالجهل
لما اعرف ان واحد ظن فيا ظن سىء او افتكر انه يقدر يعرف انا بفكر اذاى ورغم كدة يجيب حاجة
بعيدة كل البعد عن اللى فى دماغى
لما اكون بكلم واحد فى صالحه والاقيه قلب عليه ورد عليه وحش رغم انى بعمل كدة علشان مصلحته وقصدى انصحه
كفاية كدة لحد ما حاجات جديدة تنرفزنى :in_love0:
nova2006
19-04-2007, 12:56 PM
الحقيقه الشىء الوحيد اللى ممكن يعصبنى جدا انى اشوف ظلم امامى حتى لو الموضوع ماليش اى دخل فيه بس وجود الظلم بكل انواعه ممكن جدا يخرجنى عن شعورى وبتدخل دائما للدفاع عن المظلوم صحيح ده اوقات كتير بيوقعنى فى مشاكل لا حصر لها بس ده طبع فيا مش حقدر اغيره
atsh_h
20-04-2007, 06:37 AM
انا بقى مش من نوع الناس اللى بتتنرفز بسهوله بس اقدر اقولكم ان الضوضاء والزحمه بينرفزونى جدااااا
و ان حد يسوء الظن بكلامى بيضايقنى جدا، وعدم احترام الاخرين وعقليتهم..
يعني لما تروح تعمل انترفيو فى شركه وتفضل قاعد بالخمس ساعات وممكن بالتمن ساعات عشان فى الاخر واحد يقعد معاك خمس دقايق ،او انك تطخ مشوار لاخر البلد عشان تعمل انترفيو ويجيلك واحد بعدها بساعه يقولك ان المسؤل مش موجود النهارده تعالاله بكره!!! قمه عدم الاحترام والدنائه.. ساعتها بقول ربنا يحوجهم للناس عشان يذوقوا اللى هما بيعملوه..وشكرا ليكم
العـنـتـيـل
20-04-2007, 01:24 PM
أكتر حاجه بتنرفزني بجد ...
لما تروح تخلص أي مصلحه .. و تشوف الموظفين و هما في قمة البرود و الرخامه و اللا مبالاه
بيبقا نفسي أخنئهم و أخلص منهم !!!!!!!!!!!!!!!!!!!!
بجد بيشلوني !!!!!!!!!!!!!!!
Sa3eedi
20-04-2007, 02:28 PM
أكثر ما يثير حنقي أن يتكلم الإنسان ,, فيخالف قوله فعله ..

شكرا أخي للطرح الجيد ..
كوكي طراف 2
20-04-2007, 03:48 PM
اكتر حاجة بتنرفزني هية انا عايش برة مصر
لما كنت في مصر كنت بكرة اليوم اللي انا اتولدت فية و طبعا بشتم في الحكومة و اللي بيشكر فيها (( دة لو واحد مجنون يعني ))

دلوقتي و انا برة مصر لما بشوف او بسمع واحد بيشتم مصر او حتى بينتقدها بتنرفز بطريقة فظيعة جدا لدرجة ان ممكن اضرب اللي بيتكلم على مصر

وبجد مش عارف لية كدة

و الاول مثلا في المنتدى لما حد بيتكلم على مصر كان عادي (( مش في دماغي ))

بس كان في الموضوع بتاع الدستور وواحد فضل يتكلم على مصر اتنرفذت و كمان انتقدتة بطريقة مش كويسة

:clap0000: :clap0000: :clap0000: :clap0000: :clap0000:
:clap0000: :clap0000: :clap0000: :clap0000:
:clap0000: :clap0000: :clap0000:
:clap0000: :clap0000:
:clap0000:
PRINCE OF MINDS
20-04-2007, 05:41 PM
أكثر ما يثير حنقي أن يتكلم الإنسان ,, فيخالف قوله فعله ..

شكرا أخي للطرح الجيد ..

انا قعدت افتكر اية اكتر حاجة بتنرفزنى لحد ماشوفت كلامك افتكرتها
التناقض بين القول والفعل امر مش ينرفز بس ده يجنن
وانا كتبت حاجات قبل كدا بس انا مشترك معاك فى ان دية اكتر حاجة ممكن تنرفز
shamszan
21-04-2007, 06:12 PM
انا اتنرفز جدا من الافترا
يعنى واحد بيضرب الصبى بتاعه
ضابط بيفترى على حد غلبان
رئيس بيذل موظف عنده
واحده بتفترى على خدامتها
كل ده بيخلينى عايز اولع فى الدنيا
*عاشق بحب*
21-04-2007, 11:06 PM
انا اكتر حاجة تعصبني وتخليني مش قادر اتمالك نفسي اني سعات اشوف ناس كتير جدا في الشوارع والمنازل والورش الي جنبي لما تحدث خناقة السب بالدين يشتغل وكان الدين دة لعبة دول مش فاهمين حاجة
سلامة حامد
21-04-2007, 11:35 PM
الشئ الذى ينرفزنى هو ان يتجاهلنى احد ويقلل منى