ماذا تفاعل ان كنت الرئيس المنتخب (ارجو من الجميع ابداء الاراء)

[gdi2000]

نحن نسمع هذة الايام ان الرئيس محمد حسنى مبارك سوف يتم ترشيح نفسة للرئاسة مرة اخرى
وان يوجد ناس كثرة جدا توافق على ان الرئيس يمسك الرئاسة مرة اخرى

لو انت تقدمت بطلب الترشيح امام الرئيس وان الشعب انتخبك

ماهى اهم مايشغلك للتطوير من شأن مصر

وما هى اهم اهدافك والانجازات التى تريد انت تفعالها

وما هو وجهت نظرك من حيث هذة المشاكل ومن اهمها


1- البطاله 2- الاقتصاد 3- الفساد 4- الديون الخارجية 5-رفع مكانة مصر بين الدول الكبرى

6- المكانة العلمية 7- التعليم 8- الفقر 9-الخصخصة 10- كل ما يخص الدولة من كل شيى


وما هى التعديلات التى سوف تفعلها فى الفترة الرئسية التى انت بها مثل

الاشخاص( رجال الاعمال ) التى تسبب الفساد (ماذا تفعل بهم وكيف يتم محاكمتهم ) او اى شخص اخر يتسبب فى الفساد ويهدر المال العام

ومناهج التعلم كيف يتم تحديثها لنواكب هذا العصر



ضع مكانك مكان الرئيس

ماذا تفعل

لمصر ام الدنيا


ارجو مناقشة هذا الموضوع

[gdi2000]

اية هاو مفيش حد خالص نفسة يكون الرئيس
طيب بلاش
ياريت تحط ردو على المشاكل وى اكيف يتم حلها

[TheXman]

انا هعمل حاجات كتير اوي اوي اوي اوي اوي
منها على سبيل المثال
.
.
.
.
.
.
.
.
.
.
.
.
.
.
.
.
.
..
1- هعمل شعري
2- هعمل كباية شاي
3- هعمل جمعية واقبضها الاول
وبس على كده لحد ما افكر هعمل ايه تاني
امال اللي موجود دلوقتي بيعمل ايه؟؟؟؟؟؟؟

[OzoS@iD]

سيتم نقل الموضوع لقسم النقاش وإبداء الرأي

[new-DVD]

هههههههههههههههههههههههه

هقعد على عرش مصر وازع واقول تعليلى يا بطة وانا مالى هيه وشيليلى الشنطة وانا مالى اهه


ياعم بلا وجع راس بلا صداع ناقصة قرف العملية

منتا عارف اللى هيحصل وعموما انا بشجع مبارك والله الراجل ده احسن من غيره يا جدعان على الاقل انا باكل واشرب وانا وانا مستريح


ودمتم سالمين

[SmsmTheSpider]

انشاء الله لما اسيطر علي عرش مصر
اولا
اول حاجة هعملها اشوف حد من رجالتي يروح الشهر العقاري ويغير صك ملكية مصركم الحبيبه من ملكية عامة للشعب لملكية خاصة للزعيم
ثانيا
بقرار جمهوري او ملكي مش مهم
يتم طرد جميع افراد الشعب لخارج الوطن ثم ادخال المؤيدين فقط مع اغلاق الحدود في وجه اي معارض (اسف الشعب كله هيكون بيحبني) وبالتالي مش هيكون معارض بل عميل وخائن
ثالثا
بموافقة مجلس الشعب بالاجماع يتم تغير النشيد الوطني الي
يا حلاوتك يا ريس
يا كاسينا يا ريس
يا مشخلعنا يا ريس
وطبعا مع بعض الحباشتكانات

[N_O_U_R]

شوف يا مان....لو بقيت رئيس جمهورية مصر أو النيجر حتي ان شالله جزر القمر.....
هعمل الاتي....
1 ....دمج مجلس الشعب و الشوري و جميع الهيئات الحكومية في هيئة واحدة يتولاها رئيس مجلس الهيئات المدموجة .... و ذلك من أجل توفير النفقات
2......دمج كل الوزرات في وزارة واحدة ....يطلق علي من يتولاها و هو رئيس الوزراء الجامع بأمر الله...
3......دمج جميع الأحزاب في حزب واحد يطلق عليه...الحزب الاندماجي التعاوني الاشتراكي الليبرالي ...و يكون رئيسة هو رئيس الحزب الواحد المدموج عشان ما حدش يقول ان رئيس الجمهورية بيسيطر علي كل حاجة
4....ان يكون رئيس الجمهورية هو نفسة رئيس الوزراء هو نفسه رئيس الهيئات المدموجة هو نفسه رئيس الحزب الواحد المدموج.....مش عايزين مصاريف
5......دمج كل الاندية الرياضية في ناديين و ان يقام الدوري من مبارتين بنظام الذهاب و العودة...مع الاحتكام للهدف الذهبي في حالة التعادل....
6... دمج كل الفنانين في فنان واحد....و سيبولي مسألة دمج الفنانات...ده انا هدموجهم دمج...
7.....دمج الابتدائية و الاعدادية....في مرحلة واحدة يطلق عليها...الاعدائية...تتكون من 2 سنة مع دمج الثانوية العامة...في سنة واحدة ...عايزين العيال يخشوا الكلية صغيرين...
8 ....دمج قنوات التليفزيون الكتير في قناة واحدة...و هعملها تشفير ...عايزين العيال تذاكر...

يتم تغيير النشيد الوطني لجمهورية مصر المدموجة........

يا حبيبنا يا ريس.....يا كاسينا و كويس....كل أنت الفته....و سبنا احنا نهيس...و ان جم الأعادي...اضربلك واحد زبادي...و طير بالهيلوكوبتر...و احنا هنفادي....بلادي بلادي بلادي..يحيا الريس و الزبادي..."

اااه...نسيت أقول اني طبعا هشيل النسر من العلم عشان جمعيات الرفق بالحيوان ما تزعلش...و هحط صورتي ال 5 × 8 ....و ممكن أغير الألوان بتاعت العلم لا مش مهم المره دي.....
و نسيت...

قرار جمهوري مدموج رقم 1 لسنة 2015

ردم النيل من أجل حل أزمة المساكن ...و توسيع الرقعة السكانية...مع شق نيل اخر في الصحراء الغربية عشان الرقعة الزراعية و تبقي الميه جنب الصحراء...مش كده و لا ايه...

و اخر حاجة...
دمج منتدي الدي في دي بكل مواضيعة في موضوع واحد ...و لما اخش الموقع ما الاقيش حد لحد ما اخلص و بعدين تحصلوني.....و لازم لما يبدء الموقع الاقي صورتي في البداية و بعدين كليك علي مناخيري ... تطلع المواضيع ...و كليك علي ضرسي المسوس نعمل exit .....

[samah samy]

لو كنت رئيس للجمهورية
أول ما انفذه هو إيجاد فرص عمل للشباب بدل قعدتهم كده ....

[zicoooooo82]

اول حاجه هعملها احكم بدين الله و الشريعه الاسلاميه

[bad_boys]

اول حاجه هعملها اخلص البلد من الفقر الي فيه

بعد كده اسلح جيشيوابني اسطول حربي كبير


اعمل علاقات مع العراق ومؤتمرات مع كل رؤساء الاحزاب والفصاءل علشان اخلص العراق من البؤس الي فيها


اعمل علاقات مع ايران وكوريا

[hamada_linkin]

شوف يا مان....لو بقيت رئيس جمهورية مصر أو النيجر حتي ان شالله جزر القمر.....
هعمل الاتي....
1 ....دمج مجلس الشعب و الشوري و جميع الهيئات الحكومية في هيئة واحدة يتولاها رئيس مجلس الهيئات المدموجة .... و ذلك من أجل توفير النفقات
2......دمج كل الوزرات في وزارة واحدة ....يطلق علي من يتولاها و هو رئيس الوزراء الجامع بأمر الله...
3......دمج جميع الأحزاب في حزب واحد يطلق عليه...الحزب الاندماجي التعاوني الاشتراكي الليبرالي ...و يكون رئيسة هو رئيس الحزب الواحد المدموج عشان ما حدش يقول ان رئيس الجمهورية بيسيطر علي كل حاجة
4....ان يكون رئيس الجمهورية هو نفسة رئيس الوزراء هو نفسه رئيس الهيئات المدموجة هو نفسه رئيس الحزب الواحد المدموج.....مش عايزين مصاريف
5......دمج كل الاندية الرياضية في ناديين و ان يقام الدوري من مبارتين بنظام الذهاب و العودة...مع الاحتكام للهدف الذهبي في حالة التعادل....
6... دمج كل الفنانين في فنان واحد....و سيبولي مسألة دمج الفنانات...ده انا هدموجهم دمج...
7.....دمج الابتدائية و الاعدادية....في مرحلة واحدة يطلق عليها...الاعدائية...تتكون من 2 سنة مع دمج الثانوية العامة...في سنة واحدة ...عايزين العيال يخشوا الكلية صغيرين...
8 ....دمج قنوات التليفزيون الكتير في قناة واحدة...و هعملها تشفير ...عايزين العيال تذاكر...

يتم تغيير النشيد الوطني لجمهورية مصر المدموجة........

يا حبيبنا يا ريس.....يا كاسينا و كويس....كل أنت الفته....و سبنا احنا نهيس...و ان جم الأعادي...اضربلك واحد زبادي...و طير بالهيلوكوبتر...و احنا هنفادي....بلادي بلادي بلادي..يحيا الريس و الزبادي..."

اااه...نسيت أقول اني طبعا هشيل النسر من العلم عشان جمعيات الرفق بالحيوان ما تزعلش...و هحط صورتي ال 5 × 8 ....و ممكن أغير الألوان بتاعت العلم لا مش مهم المره دي.....
و نسيت...

قرار جمهوري مدموج رقم 1 لسنة 2015

ردم النيل من أجل حل أزمة المساكن ...و توسيع الرقعة السكانية...مع شق نيل اخر في الصحراء الغربية عشان الرقعة الزراعية و تبقي الميه جنب الصحراء...مش كده و لا ايه...

و اخر حاجة...
دمج منتدي الدي في دي بكل مواضيعة في موضوع واحد ...و لما اخش الموقع ما الاقيش حد لحد ما اخلص و بعدين تحصلوني.....و لازم لما يبدء الموقع الاقي صورتي في البداية و بعدين كليك علي مناخيري ... تطلع المواضيع ...و كليك علي ضرسي المسوس نعمل exit .....
ههههههههههه
اجابة جميلة بس مكانها فى منتدى الترفية و اللقطات الكوميديا بس انتا المصاريف ده كلها اللى بتوافرها هتروح فين ؟ :rolleyes:

على فكرة انا معا للرئيس حسنى مبارك

الحزب الوطنى 4 life

[semsem911]

1- هخلي الشباب هما الي يمسكوا الوزارات بدل الكبار دول عشان اتضح أن الشباب بيفهم اكتر منهم .

2- همنع حاجة اسمها التشريفه عشان حرام علي اجيب ناس غلابه من أخر البلاد عشان يقفوا مستنيين سعادتي لما اوصل .

3- هخلي كل طالب يدرس الي يحبه بمنتهى الحرية وانضف الجامعات من الدكاترة الي مالهومش لازمة .

4- تطوير الجيش اكتر من كده ومحاولت ادخال الطاقة الذرية للبلاد .

5- تشجيع المخترعين والمبتكرين والمبدعين والعلماء لأن العلم هو السلاح الفعال دلوقتي .

6- توفير فرص العمل الحقيقية لكل عاطل .

7- بعد كل ده هستقيل وأتجوز وأشوفلي شغلانه تانيه وأنتخبوا واحد غيري .

[DEARTITo]

انا شايف ان تلت تربع اللى ردوا بيهزروا
ده بيوضح حالة اليأس او التشبع اللى احنا فيها
المهم اول حاجة ها اعملها
مش ها اخد تعليمات من امريكا
تانى حاجة
ها اوحد الدول العربية ويكون شغلنا الشاغل هو تحرير المسجد الاقصى
(على فكرة علشان الاقصى يتحرر مش ناقصنا غير اللى ياخد بأدينا )
تالت حاجة
ها ارجع عمرو خالد الى مصر
رابع حاجة
ها افك تشفير الماتشات :D (عايزنى ما استغلش فرصة انى حاكم ) و ها اقبض على صالح كامل
خامس حاجة
ها ادخل التربية الدينية كمادة مجموع وتبقى هى دى المادة رقم واحد
سادس حاجة
ها اوقف كل تعاملاتى مع اسرائيل
سابع حاجة
ها اغير نظام التعليم تماما 180 درجة يعنى اللى بيحب حاجة وقادر يدى فيها هنعمله دروس مكثفة فيها
ونشوف ممكن يدى فيها ايه والله لايناه شغال يبقى خلاص
مش ادخله ثانوية عامة وفى الاخر يجيبلى مجموع يدخله جهنم :D يارب يجيب حتى جهنم
تامن حاجة
ها اطرد كل المغنيات (اللى يستاهل يطرد وما اكثرهم )
تاسع حاجة
ها اغير نظام الانتخاب واخليه زى امري ........ زى ايران
عاشر حاجة
يتم اغتيالى و ييجى واحد بعديا فاشل ويا مولاى كما خلقتنى وتتكرر الاية
وشكرا

[محمد أمير22]

هههههههههههههههههههههههه

هقعد على عرش مصر وازع واقول تعليلى يا بطة وانا مالى هيه وشيليلى الشنطة وانا مالى اهه


ياعم بلا وجع راس بلا صداع ناقصة قرف العملية

منتا عارف اللى هيحصل وعموما انا بشجع مبارك والله الراجل ده احسن من غيره يا جدعان على الاقل انا باكل واشرب وانا وانا مستريح


ودمتم سالمين



هوا ده الكلام الصح



مبارك أحسن من غيره واللي نعرفه أحسن من اللي منعرفوش




وعالأقل عارفين سياسته الهادية المحفوظه واللي ليها مزاياها وعيوبها مفيش إنسان كامل




لكن لو كنت الريس كنت هظبط البلد دي




ولو عايزين نخش في الكلام الجد كنت هدرب نص شباب مصر واجندهم وكفاية إن الحماسه فينا أساسا



واشوف مين من الدول معايا هيدخل الحرب ضد إسرائيل


الموضوع مش بالبساطه دي بس المصريين أول ناس هيتطوعوا


حد مش مصري داخل معايا في الموضوع ده؟؟؟؟؟؟؟؟؟؟؟


عايز اسمع عالأقل واحد من كل دوله عربيه يتخيل نفسه رئيس دولته ويللا نحط خطه مع بعض


:5bomb:

[wowo11231]

انا عيز السؤال دة بطرقة تانية
تعمل اية لما تلاقى نفسك اب؟
اكيد هاتعمل اللى كنت انت نفسك يتعمل معاك و انت طفل
طبق الاجابة دية على سؤالك

[N_O_U_R]

الكلام الجد..........ان عملية الرئاسة دي امر مش سهل..........يعني مش كل واحد ....ييجي يرشح نفسه....اصل دي مش انتخابات نادي و لا مركز شباب ....العملية ....مش سهلة...و لازم اللي يمسك البلد دي يكون واعي و عنده خبرة....العملية مش سهاة

[DEARTITo]

"wowo11231"
انا عيز السؤال دة بطرقة تانية
تعمل اية لما تلاقى نفسك اب؟
اكيد هاتعمل اللى كنت انت نفسك يتعمل معاك و انت طفل
طبق الاجابة دية على سؤالك
الله على كلامك ده
على فكرة ده احسن رد فى الموضوع
صحيح يا شباب خير الكلام ما قل ودل

[booraaee]

[SIZE=5]أنا شايف أن كل الردود اللى أتكتبت هزار وفشنك .. وسيبكم من حكاية اللى تعرفه أحسن من اللى ماتعرفوش ومفيش حد كامل ، اللى تعرفه قولله عيوبه علشان يصلحها وإلا تبقى مش أمين ...... ولما تبقوا تتكلموا جد أبقوا قولولى ................ وصباح الصباح عليكم . :5crackup: :5crackup: :5crackup:

[mr_zoro_2010]

أعتقد إن أهم حاجة لأي انسان هيتولى المسئولية إنه يعمل مصالحة وطنية يلم فيها كل القوي الوطنية وتتناقش بحرية وتوجد صيغة الكل يشارك بيها في المسئولية ومحدش يحتكر السلطة البلد ملك للجميع
الناس يعني الشعب لازم بكل طريقة احسسه إن البلد ملكه وإن قراره هوه اللي بيحدد اتجاهي يعني لازم يشارك ويهتم وده عايز مجهود كبير جدا بس مفيش غنى عن كده مش هيبقى فيه أي تنمية ولا تقدم إلا إذا حس المواطن إنه بيصنع مستقبله ومستقبل وطنه بنفسه وإنه جزء أساسي من صناعة القرار و المستقبل ...عن طريق الإعلام عن طريق العمل الحزبي والفيادة تكون قريبة من الناس بتقابلهم في كل مكان بدون استعلاء ...ممكن صحيح نعمل تنمية عن طريق تسيير الناس لكن عمرنا ما هنضمن إن التنمية دي تستمر إلا إذا كان الناس هما اللي بيحموها عن طريق المشاركة وصناعة القرار مش هييجي حاكم بعد كده يقولهم شمال ويسمعوا كلامه
تطهير المؤسسات من الفساد المستشري وتقديم الفاسدين للمحاكمة وفتح كل الملفات بدون حرج والجميع يبقى أمام القانون سواء ووضع المسئولية في أعناق من يستحقوها بدون تفرقة وإطلاق يد الأجهزة الرقابية لتراقب وتكون سيف على رقاب الفاسدين وحماية لأموال البلد
وضع حلول للاقتصاد مبنية بشكل أساسي على تنمية صناعية والاهتمام بصناعة التكنولوجيا وتوفير ميزانية مناسبة تتصاعد تدريجيا وبشكل مستمر والاهتمام بتوظيف الشباب وتأهيله بشكل جيد واستيعابه في سوق العمل وبكل السبل حتى لو اضطرينا لتدعيم الميزانية فوجود شباب خارج سوق العمل مساوئه أكبر بكثير من مجرد عبء في الميزانية
لابد من الاهتمام بصناعة الانسان لأنه هو المستهدف الأول من كل عمليات التنمية من خلال تعليم جيد يستوعب ويدرس فيه ما يريده وما يحتاجه سوق العمل من خلال توجيه محترف واستكشاف للإمكانيات وتنميتها وتقديم أكبر الميزانيات المطلوبة في هذا الشأن
تشجيع البحث العلمي ورصد ميزانيات مناسبة له في عالم أصبح لاغنى فيه عن صناعة التكنولوجيا بدل من استهلاكها من خلال معامل البحوث المستقلة وأيضا في الجامعات والتعاون مع القطاع الخاص في هذا الشأن للصالح المشترك ومن خلال مشروعات تنموية تهدف إلى رفع المستوى العلمي لطلبة الجامعات وكذلك خدمة القطاع الخاص من خلال استثمارات يقدمها لتعود عليه بكوادر بشرية يستغلها وقت الحاجة في أعمال التطوير والتنمية

إعادة قيادة الاقتصاد للقطاع العام من خلال تهيئته بشكل مناسب وتأهيله وكذلك إعطاء الفرصة للقطاع الخاص بشكل تدريجي في خطط التنمية وعلى حسب استعداده وقدرته على المساهمة في خطط التنمية و استيعاب العمالة ورفع مستواها وإعطاء الأولوية للمشروعات الصناعية ذات الطابع الاستراتيجي لأنها الركيزة الحقيقية للتنمية وتدعيمها بشتى السبل وذلك لن يتم إلا من خلال سن قوانين تطلق يد الاستثمار الوطني و(الخارجي المعروف أهدافه) وكذلك تمنع الاحتكار وتفشي الفساد والبيروقراطية
تدعيم قطاعات السياحة والبترول بجانب ما هو قائم حاليا وإعطاء الأولوية للمستثمر المصري والعربي على ما سواه

تطوير قطاعات الصحة بشكل أساسي وتغيير مفاهيم المعاملة وتدعيم العلاج لغير القادرين وتوفير الدواء بشكل أساسي وتغير المفهوم من صناعة إلى عمل إنساني بشكل أساسي وإلغاء علاج القادرين على نفقة الدولة
إلغاء قانون الطوارئ وتقليص دور الأجهزة الأمنية من خلال سن القوانين المقيدة والتي تنظم كافة الأمور المتعلقة باعتقال المواطنين أو العمل السياسي وإطلاق العمل الحزبي ومؤسسات المجتمع المدني مع تجريم تلقي التبرعات الخارجية من أي جهة
فصل السلطة التنفيذية عن التشريعية بحيث يمكن أن تؤدي السلطة التشريعية دورها في مراقبة أعمال الحكومة بنزاهة وحيادية من خلال نواب يتم اختيارهم بشكل ديموقراطي عن طريق الشعب

إعادة الدور المصري لأفريقيا بشكل فعال وحيوي كما كان من قبل عندما ساهمنا في تحرير معظم الدول الأفريقية جعلت لهذه الدول دور الداعم لمصر في أوقات الحرب وكذلك ممر للمنتجات المصرية في السوق الأفريقية وعمق للأمن الاستراتيجي المصري الذي يرتبط بشكل أساسي بأفريقيا
السير في مشروعات تكامل اقتصادي مع السودان يتم فيها استثمار الثروة الطبيعية الهائلة للسودان من خلال كوادر بشرية مدربة ومتوفرة مما يعود بالنفع الهائل على البلدين والعرب

ربط سياسة مصر بالأمن القومي العربي كما كان دائما ورجوعها لتلعب دورها بشكل جوهري عندما ساهمت في تحرير العديد من البلدان العربية والتي مثلت عملا في منتهى الأهمية لدعم الدور المصري في النهاية سياسيا وعسكريا واقتصاديا ...ودعم القضية الفلسطينية بشكل كامل من أجل الضغط على اسرائيل التي تمثل تهديد واضح لريادة مصر وتحاول استنزاف طاقتها وقطع اتصالها بالعالم العربي ويتم ذلك عن طريق تدعيم المنظمات الفلسطينية وتأمين الدعم السياسي والاقتصادي المستمر لها لتقوم بدورها
طرد النفوذ الأمريكي من مصر تماما ومطاردته في البلدان العربية من خلال إدراكنا أن هناك حالة عداء واضحة يفرضها الطرف الآخر علينا ويفرض فيها أن نكون تابعين له ومرتبطين بمصالحه التي تتعارض مع مصالحنا ولذلك يجي أن ندرك أن ليس أمامنا إلا مواجهة تلك الضغوط إذا كنا راغبين حقيقة في التطور والتنمية...كما يجب أيضا تقليص العلاقات مع إسرائيل بشكل كامل وتصعيد الضغوط ضدها بشكل تدريجي حتى تنسحب من مصر تماما
وذلك كله يستلزم جيش قوي يستطيع أن يدعم هذه الأهداف ويوفر الحماية لها طوال الوقت من خلال تنويع مصادر التسليح وتأمين مصادرها طوال الوقت وكذلك الدخول إلى المجال النووي في الوقت المناسب كضرورة أساسية ولا بديل عنها إذا كنا راغبين في مواجهة تحديات عالم لا يعرف إلا لغة القوة