لكل من يستخدم الDreambox 500 غير الأصلى(أرجوا المساعدة)

[hotboy]

يا جماعة أنا عايز أشترى رسيفر جديد يدعم الشيرنج من خلال وصله النت مباشرتا,,وقدامى نوعين قلولى أنهم من أكبر الأنواع الموجودة ومحتار بنهم وهم

الدريم بكس 500(غير الأصلى 850 جنيه) و الترومان 1000 ب 680 جنيه

فى كام حاجة كدة بقى فهمتها من خلال النقاشات مع العديد من الناس ومنها

1- فى ناس ومن ضمنهم مشرف منتدى الشيرنج قلولى أبعد عن الترومان 1000


2- وفى ناس قلتلى أن الترومان 1000 بيقطع من على سيرفر المنتدى أبتدأن من الساعة 1 بليل إلى 12 الصبح


3- وفى ناس تانية قلتلى أن الدريم بكس الى موجود مش أصلى وأن الأصلى منه ب 1800 جنيه وده كتير جدا بس الناس الى قلتلى كدة قلتلى أن حتى الى مش أصلى دة برضة حلو,,

فأنا كل الى طلبه النصيحة,,هل أشترى الدريم بكس الى مش أصلى ولا أشترى الترومان 1000 ,,, ويريت أى حد شغال بالدريم بكس غير الأصلى يعملى أدد على الميل علشان عايز أستفسر على كذا حاجة وأكون شاكر جدا,,ولو حد عايز يبيع دريم بكس برضة أنا مستعد

ميلى: mfa_87@hotmail.com

موبيلى: 0125460472

[مشرف منتدى الشيرنج]

2- وفى ناس قلتلى أن الترومان 1000 بيقطع من على سيرفر المنتدى أبتدأن من الساعة 1 بليل إلى 12 الصبح

هههههههههههههههه مين الناس دى، طبعا لأ مالوش علاقة، هو الترومان 1000 محافظ ولا ايه وما بيحبش يسهر ههههههههههههههه

- وفى ناس تانية قلتلى أن الدريم بكس الى موجود مش أصلى وأن الأصلى منه ب 1800 جنيه وده كتير جدا بس الناس الى قلتلى كدة قلتلى أن حتى الى مش أصلى دة برضة حلو,,

أنا أؤيد هذا الرأى، وخلى بالك انا من اشد المعجبين بالصناعة الصينى، يعنى بكره الكورى والتايلندى وبطمن للصينى جدا وده من تجاربى الكتير مع الكمبيوتر فى الحاجات الصينى والرسيفرات الرخيصة ام 140ج كلها صينى وشغالة تمام

احنا لسه مش فاهمين الصين.. دول ناس عملاقة.. ومش معقولة حيصنعوا رسيفر ب800ج ويكون أى كلام ومش معقولة اصلا شركة دريم بوكس تدى توكيلها لأى حد

[مشرف منتدى الشيرنج]

وبعدين مين قالك ان الترومان 1000 اصلى

ده بيتجمع فى 6 اكتوبر يا هندسة

[hotboy]

ههههههههه ,, ولله أنك جامد اخر حاجة ههههههه


بس برضة حضرتك كدة مقولتليش أشترى أيه؟؟؟

يعنى أجيب الدريم بكس 500 ولا الترومان 1000

[therock_733]

انا اشتريت الدريم بوكس غير الأصلي بس للأسف اشتريته غالي بسعر 1200 جنيه عارف انه اضحك عليا بس عاوز اقولك انه شغال معايا من اكتر من 4 شهور والحمد لله زي الفل بس لازم تاخد بالك من حاجة مهمةانك لازم تاخد الريموت الأصلي بتاعه يعني الجهاز تقليد والريموت يكون اصلي دي اهم حاجة علشان انا جربت الريموت التقليد زبالة والأصلي زي الفل وفي الاخر بيعتمد على النسخة اللي انت بتستخدمها انا بستخدم جيمني والجهاز جميل جداً وشغال ذي الفل على سيرفر المنتدى
شكراً وتحت امرك في اي حاجة
mamdouh733@hotmail.com

[hotboy]

طيب يا جماعة أنا ليا كذا سؤال أرجوا الأجابة عليهم

1- أشترى dream box 500 ولا truman 1000 (يريت الأجابة تكون عن تجربة للجهازين)؟

2- هل يمكن أنى أضيف أكثر من سيرفر نيوكامد على الدريم بكس؟

3- لو عندى بيانات السيرفر أزاى أعمل الفيل بتاع النيوكامد للدريم علشان أحطه جو الجهاز(أنا سمعت أنه ملف txt بس يريت كيفية كتابتة)؟

[faridns]

يا جماعة هو في كذا شكل للدريم بوكس الصيني...... أصل في ناس قالتلي هات الدريم الرمادي

فا مش عارف هو في فرق ولا كلة صيني

[yts17]

انا شغال بال truman 1000 وجربته على 3 سيرفرات NEWCAMD وحتى الان لايوجد اى مشكلة اطلاقاً من الرسيفر وسرعته فى التنقل حلوة جداً !
الجهاز انا راى يستاهل كل مليم يدفع فيه حتو ولو انوا حتى الان لا يدعم ال GBOX وبقيت نظم الشيرنج ! بس هوا فى اختيار فى الزحمة ناس كتير ناسياه بقى مبين الترومان والدريم بوكس !!!! ألريلوك يا جماعة !! بيقولوا رسيفر تحفة وماركة انا مجربتوش بس حبيت اضيف معلومة !

[Baza_83eg]

بص ياغالى انا جربت الاثنين ومفيش اى مقارنة بينهم الدريم بوكس أنضف مئة مرة وعاوز اقولك انا رجعت الترومان بعد 3 اسابيع وجبت الدريم بوكس
والترومان مابيشغلش غير سيرفير newcamd بس وعن تجربه

وبالنسبه لباقى الاسئله فانا معرفش فانا جوابتك على انا استخدمته وعارفه

[samehsami]

طب والريلوك 200 انا فعلا سمعت انة جهاز ممتاز واحسن كمان من الدريم بوكس (فيما يتعلق بالتهنيج والتنقل بين القنوات المشفرة)
هل يعرف احدمن يبيعه فى مصر وبالضمان؟؟
انا سمعت انه سعره فى حدود 1000 جنيه

[THEBLACKARROW]

طب والريلوك 200 انا فعلا سمعت انة جهاز ممتاز واحسن كمان من الدريم بوكس (فيما يتعلق بالتهنيج والتنقل بين القنوات المشفرة)
هل يعرف احدمن يبيعه فى مصر وبالضمان؟؟
انا سمعت انه سعره فى حدود 1000 جنيه

هو جهاز خرافه أنا أعرف أنه ممتاز ويعتبر مثل الدريم بوكس إلى حد كبير ويقبل بعض صور الدريم ويكفى أنه لا يوجد منه تقليد ولكن مشكلته الوحيدة فى نظرى وأعتقد أنها ليست بالهينه أن الدعم الفنى له بطىء وليس مستمر كالدريم بوكس بمعنى أن الدريم بوكس كل فتره ينزل له أضافات وصور جديدة تجعل من الجهاز تحفه فنية وتحياتى للجميع.

[عيون قطر]

انا اشتريت الدريم بوكس غير الأصلي بس للأسف اشتريته غالي بسعر 1200 جنيه عارف انه اضحك عليا بس عاوز اقولك انه شغال معايا من اكتر من 4 شهور والحمد لله زي الفل بس لازم تاخد بالك من حاجة مهمةانك لازم تاخد الريموت الأصلي بتاعه يعني الجهاز تقليد والريموت يكون اصلي دي اهم حاجة علشان انا جربت الريموت التقليد زبالة والأصلي زي الفل وفي الاخر بيعتمد على النسخة اللي انت بتستخدمها انا بستخدم جيمني والجهاز جميل جداً وشغال ذي الفل على سيرفر المنتدى
شكراً وتحت امرك في اي حاجة
mamdouh733@hotmail.com

عزيزي من وين اخذ الريموت الاصلي لانه كلام صحيح التقليد زباله

[air_man707]

مفيش شك طبعاً الدريم بدون تفكير .
بس خد بالك إن دعمه الفنى وقدرة الجهاز و إمكانية التعامل معه هى الفاصل بينه وبين أى جهاز تانى