مشاهدة النسخة كاملة : نـــــــقــطه تـــــــــحول
amiraaa
30-07-2005, 07:48 PM
http://up.w6wup.com/up2/2006/06/07/w6w_2006060720383704ef3263.gif
اولا: ولاول مره فى حياتى بعمل موضوع واتمنى انه بجد يعجبكم
ثانيا: توضيح للموضوع
اكيد يا جماعه كل واحد فينا عايش فى الدنيا بيشوف مواقف امامه كثيره ممكن تكون بتحصله هوه شخصيا او بتحصل امامه لاحد الاشخاص القرايبين منه او حتى بيسمع عنها من بعيد
وده ممكن يأثر عليه بالايجاب او بالسلب احيانا
بس احنا بنتكلم النهارده على الاشياء اللى اثرت بالايجاب
http://up.w6wup.com/up2/2006/06/07/w6w_20060607203919e3524b4d.gif
هبسطها شويه :msn-wink:
مثلا موقف حصل خلاك ترجع لربنا
او
شخص قابلته فى حيات غير منظورك للحياه
او
موقف حصلك خلاك تفوق
او
عمل اشتغلت فيه خلاك بقى ليك كيان تانى
او
دراسه معينه او دخولك كليه معينه
او
........................
او
........................
http://up.w6wup.com/up2/2006/06/07/w6w_20060607203919e3524b4d.gif
كتير اوى بس احنا نفكر كويس
حاجات كتير ممكن تكون نفطه تحول فى حياتنا من السلب للايجاب
ممكن يكون الموضوع ده فى حد ذاته نقطه تحول لشخص ما فينا
يالا انا فى انتظار مشاركتكم :bye10000:
http://up.w6wup.com/up2/2006/06/07/w6w_20060607204332ea8ef8e4.jpg
egyptianlion
30-07-2005, 08:26 PM
.. اولا : مبروك أول موضوع ليكي فى المنتدى .. وعقبال الموضوع الالف
.. ثانيا : الموضوع جميل جدا :)
.. ثالثا .. نقاط التحول كثيرة فى حياتى ..
ومنها نقطة اعيشها الآن ! ..
.. فأنا حديث التخرج هذه الأيام .. وبكل تاكيد هذا مفترق طرق كبير بالنسبة لى ، بعده ستتحدد بشكل أكبر ملامح هذا المستقبل ، الذى ظل مجهولا بالنسبة لى لمدة سنوات ..
.. أما عن نقاط التحول التى مضت بالفعل فسوف اسردها تباعا ... انتظرونـــــــــــــــــــا ;)
( انا باحجز مكانى بس عشان منساش الموضوع ! :p )
.. وشكرا يا اخت اميرة على موضوعك الجميل :)
mashakel
30-07-2005, 08:45 PM
مبروك اختي اميرة على موضوعك الاول و اتمنى انه لا يكون الاخير و ياريت تمتعيننا دائما بمواضيعك الشيقه مثل هذا الموضوع الجميل
*****
موقف حصل خلاك ترجع لربنا
كتيرررر و الله يا اميرة لان الانسان بطبيعته خطاء و كل مرة الواحد بيخطا بيرجع لربه مرة اخرى بس الحمد لله مافيش منهم اخطاء كبيرة الا خطا واحد بس .... و احب اذكر موقف عادي حصل معي عندما اغضبت والداي و للاسف تركوا لي البيت و على الرغم من ان المدة كانت قصيرة الا ان شغلي " الكافي نت " مر بالكثير من المشاكل ولكنني ذهبت اليهم في البيت الاخر و اترجيتهم لغاية لما رجعوا و من ساعتها حاولت ان لا اغضبهم بعد هذا حتى لا اغضب ربي
*****
شخص قابلته فى حياتك غير منظورك للحياه
هو ليس بشخص هي انسانة و ليست خطيبتي و ليست حبيبتي انما هي فتاة زميلة عرفتها و مش مصرية انما جنسيتها بولندية بس من معاشرتي معها في الكلام و الزمالة وضحت لي امور كثيرة و تعلمت منها الكثير
*****
موقف حصلك خلاك تفوق
ممكن اقول ان الموقف يتلخص في كلمتين " صداقة زائفة " ... اظهرت لي الكثير ممن يتسترون وراء الصداقة " اعذريني اذا لم اذكر الموقف "
*****
عمل اشتغلت فيه خلاك بقى ليك كيان تانى
الكافي نت الخاص بي عرفنني يعني ايه اشيل مسئوليه منزل فيه 3 افراد غيري " اسرتي " بدون ان اكون متزوجا
*****
دراسه معينه او دخولك كليه معينه
انا دخلت تخصص علوم كمبيوتر في مودرن اكاديمي بس كان هدفي ان اصبح مبرمج و هكذا بس للاسف الامل ده ماستمرش كتير لاني بعد كده اهتميت بالشغل اكتر من الدراسة و دلوقتي باركز على تكميل الدراسة " كي اخرج ناجح فقط و بعد هذا من الممكن ان ازيد من خبرتي بالممارسة فالتعليم ليس كل شئ فالدنيا عبارة عن تجارب يجب ان نخوضها
*****
و كفاية لغاية كده اصل مفيش اسئله في دماغي و لو فيه اي حاجة طرات على بالي هاكتبها هنا ...
و شكرا على الموضوع الجميل جدا ده يا اميرة
reem86
30-07-2005, 09:33 PM
الف الف الف الف مبروك لاختنا الغالية اميرة لانطلاق اول واحلي موضوعتها(الجاى احلي واحلي باءزن الله)
اما بالناسبة لنقط التحول في حياتى اممممممممممممممم بصراحة زهنى مش مجمع دلوقتى قريبا يبقي لينا عادوة تانية وابقي احكيلك
يالا سلام
moodyelgamal
31-07-2005, 01:01 AM
موضوع جميل يا أخت أميرة و إن شاء الله تعملى مواضيع أحلى و أحلى
فيه أكيد مواقف كتير و نقط تحول أثرت فى حياتى بس فيه نقطة مهمة قوى باعتبرها أهم واحدة و قلبت حياتى تماما
الموضوع باختصار إنى كان عندى ورم فى رقبتى و كان فيه احتمال 5 % إنه يكون ورم خبيث ( أعاذنا الله ) ... و على الرغم من ضعف الاحتمال بس لقيت نفسى مرعوب و خايف قوى لكن فى نفس الوقت لقيت نفسى باقرب من ربنا و بواظب أكتر على الصلاة و قراءة القرآن ... و بالتدريج بدأ الاطمئنان يدخل قلبى لحد ما عملت العملية و طلع الورم حميد و الحمد لله...
الموقف ده غير حياتى تماما و خلانى أعرف قد إيه ربنا كريم و فضله و كرمه كبير قوى
و شكرا مرة تانية على الموضوع الجميل
amiraaa
31-07-2005, 01:40 AM
.. اولا : مبروك أول موضوع ليكي فى المنتدى .. وعقبال الموضوع الالف
.. ثانيا : الموضوع جميل جدا :)
.. ثالثا .. نقاط التحول كثيرة فى حياتى ..
ومنها نقطة اعيشها الآن ! ..
.. فأنا حديث التخرج هذه الأيام .. وبكل تاكيد هذا مفترق طرق كبير بالنسبة لى ، بعده ستتحدد بشكل أكبر ملامح هذا المستقبل ، الذى ظل مجهولا بالنسبة لى لمدة سنوات ..
.. أما عن نقاط التحول التى مضت بالفعل فسوف اسردها تباعا ... انتظرونـــــــــــــــــــا ;)
( انا باحجز مكانى بس عشان منساش الموضوع ! :p )
.. وشكرا يا اخت اميرة على موضوعك الجميل :)
العفو يا اسد هيجى موضوعى ايه جمب مواضيعك
وكمان انا فرحنالك جدا عشان النقطه اللى بتعشها الان
اما عن نقط التحول الماضيه
احنا فى انتظارها ;)
واطمن خلاص مكانك محجوز
amiraaa
31-07-2005, 01:49 AM
مبروك اختي اميرة على موضوعك الاول و اتمنى انه لا يكون الاخير و ياريت تمتعيننا دائما بمواضيعك الشيقه مثل هذا الموضوع الجميل
*****
كتيرررر و الله يا اميرة لان الانسان بطبيعته خطاء و كل مرة الواحد بيخطا بيرجع لربه مرة اخرى بس الحمد لله مافيش منهم اخطاء كبيرة الا خطا واحد بس .... و احب اذكر موقف عادي حصل معي عندما اغضبت والداي و للاسف تركوا لي البيت و على الرغم من ان المدة كانت قصيرة الا ان شغلي " الكافي نت " مر بالكثير من المشاكل ولكنني ذهبت اليهم في البيت الاخر و اترجيتهم لغاية لما رجعوا و من ساعتها حاولت ان لا اغضبهم بعد هذا حتى لا اغضب ربي
*****
هو ليس بشخص هي انسانة و ليست خطيبتي و ليست حبيبتي انما هي فتاة زميلة عرفتها و مش مصرية انما جنسيتها بولندية بس من معاشرتي معها في الكلام و الزمالة وضحت لي امور كثيرة و تعلمت منها الكثير
*****
ممكن اقول ان الموقف يتلخص في كلمتين " صداقة زائفة " ... اظهرت لي الكثير ممن يتسترون وراء الصداقة " اعذريني اذا لم اذكر الموقف "
*****
الكافي نت الخاص بي عرفنني يعني ايه اشيل مسئوليه منزل فيه 3 افراد غيري " اسرتي " بدون ان اكون متزوجا
*****
انا دخلت تخصص علوم كمبيوتر في مودرن اكاديمي بس كان هدفي ان اصبح مبرمج و هكذا بس للاسف الامل ده ماستمرش كتير لاني بعد كده اهتميت بالشغل اكتر من الدراسة و دلوقتي باركز على تكميل الدراسة " كي اخرج ناجح فقط و بعد هذا من الممكن ان ازيد من خبرتي بالممارسة فالتعليم ليس كل شئ فالدنيا عبارة عن تجارب يجب ان نخوضها
*****
و كفاية لغاية كده اصل مفيش اسئله في دماغي و لو فيه اي حاجة طرات على بالي هاكتبها هنا ...
و شكرا على الموضوع الجميل جدا ده يا اميرة
شكرا ليك انت يا اخ مشاكل على وجودك فى موضوعى ده
واتمنى فعلا الموضوع يكون حلو
بالنسبه لنقاط التحول اللى مريت بيها كلها مؤثره ويارب احنا كمان نستفيد منها
وخاصا اننا ممكن نكون بنزعل والدينا مننا وده اكبر غلط بس المهم انك فوقت فبل فوات الاوان ويا رب كلنا نفوق
وشكرا يا مشاكل على مرورك
amiraaa
31-07-2005, 01:52 AM
الف الف الف الف مبروك لاختنا الغالية اميرة لانطلاق اول واحلي موضوعتها(الجاى احلي واحلي باءزن الله)
اما بالناسبة لنقط التحول في حياتى اممممممممممممممم بصراحة زهنى مش مجمع دلوقتى قريبا يبقي لينا عادوة تانية وابقي احكيلك
يالا سلام
متصوريش اد ايه انا فرحانه يا ريم انك من اوائل الناس اللى شرفتنى فى اول مواضيعى
ومستنيه منك مشاركه تانى تحكلنا بأه ;)
amiraaa
31-07-2005, 01:59 AM
موضوع جميل يا أخت أميرة و إن شاء الله تعملى مواضيع أحلى و أحلى
فيه أكيد مواقف كتير و نقط تحول أثرت فى حياتى بس فيه نقطة مهمة قوى باعتبرها أهم واحدة و قلبت حياتى تماما
الموضوع باختصار إنى كان عندى ورم فى رقبتى و كان فيه احتمال 5 % إنه يكون ورم خبيث ( أعاذنا الله ) ... و على الرغم من ضعف الاحتمال بس لقيت نفسى مرعوب و خايف قوى لكن فى نفس الوقت لقيت نفسى باقرب من ربنا و بواظب أكتر على الصلاة و قراءة القرآن ... و بالتدريج بدأ الاطمئنان يدخل قلبى لحد ما عملت العملية و طلع الورم حميد و الحمد لله...
الموقف ده غير حياتى تماما و خلانى أعرف قد إيه ربنا كريم و فضله و كرمه كبير قوى
و شكرا مرة تانية على الموضوع الجميل
مودى اولا الف الف حمدلله على سلامتك
ويارب يشفى كل مريض
ثانيا لو اخت بالك انا قولت ممكن الموضوع ده يكون نقطه تحول فى حد ذاته
وحكايتك ديه يا مودى اللى اقصد بيها كده
انك حكيت حكايه ممكن متكونش حصلت ليا بس حصلت ليك
قصتك ممكن تكون خلتنى انا كمان افوق وغيرى كمان يفوق
شكرا على اهتمامك بالرد على موضوعى والف حمدلله على سلمتك تانى
mooaa
31-07-2005, 10:47 AM
الف الف الف مبروك يا اميرة على الموضوع دة بصراحة الموضوع جميل جدا وبالنسبة لنقطة التحول فى حياتى فهى كتير جدا وكمان فى ناس كتير ليهم الفضل عليا
واهم نقطة تحول فى حياتى فى الشغل بجد يااميرة الشغل عرفنى اشيل مسئولية نفسى فى حاجات كتير فى حياتى وعرفنى اقدر احكم على الناس
احمد طاهر
31-07-2005, 11:37 AM
السلام عليكم ورحمه الله وبركاته
الف الف الف الف الف مبرووووووووووووووووووك علي موضوعك الممتاز ده
وكان نفسي اكون اول واحد يكون رد عليكي بس يالا بقا مفيش نصيب
مثلا موقف حصل خلاك ترجع لربنا
كانت مسافر في يوم في عربيه وعملت حادثه والناس اللي كانت معايا واحد مات وواحد لسه
في المستشفي وانا الوحيد اللي خرجت سليم الحمد لله
شخص قابلته فى حيات غير منظورك للحياه
خاطبتي الشخص الوحيد اللي غيرت نظرتي للدنيا كلها كنت ماشي في الدنيا
بالطول والعرض ولما شفتها كل حاجه اتغيرت وحسيت بالمسئوليه الكبيرة اللي عليا
موقف حصلك خلاك تفوق
قبلت واحده كانت عزيزة عاليا بس للاسف لما شفتها متغيرة وشكلها في الدنيا اتغير
قولتلها ليه كده يا بنتي قالتلي ان الدنيا دي مواقف ولازم الكل يستغل الموقف اللي يشوفه مناسب ليه
وحزنت اوووووووووي عليها ومش عارف من يومها حسيت ان الدنيا اتفقلت في وشي بس
لما شفت خاطبتي وحبتها نسيت كل اللي كان بيحصلي زمااااااااااااااااااان
عمل اشتغلت فيه خلاك بقى ليك كيان تانى
لما بدات اشتغل في مجال الكمبيوتر حسيت اني فعلا مقبل علي عالم جديد ومميز
poossy
31-07-2005, 12:02 PM
ألف ألف مبروك على الموضوع الجميل بخصوص نقطة التحول فأنا حياتى حصل فيها ظروف كثيرة خلتنى أتجة لربنا بجد منها صحتى مرت بظروف صعبة فترة طويلة وشكرا على الموضوع الجميل
roosha
31-07-2005, 12:15 PM
السلام عليكم ورحمة اللة وبركاتة اولا يا اميرة الف مبروك على الموضوع تحفة مووت وانا عايزة اقولك مش حصلى نقطة تحول واحدة لا قولى مليون نقطة وكلهم فى شخصيتى وطبعا يرجع الفضل للناس اللى باتقبليهم فى حياتك
بس افضل نقطة تحول حاصلتلى كانت فى الشغل وايضا اسواء تحول كان فى الشغل فالافضل انى اتعودت ان الصلاة اكتر حاجة تغنيك عن كل الناس لانك بتكونى مع احن الناس عليكى الاسواء ولا اقولك بلاش
amiraaa
31-07-2005, 08:41 PM
الف الف الف مبروك يا اميرة على الموضوع دة بصراحة الموضوع جميل جدا وبالنسبة لنقطة التحول فى حياتى فهى كتير جدا وكمان فى ناس كتير ليهم الفضل عليا
واهم نقطة تحول فى حياتى فى الشغل بجد يااميرة الشغل عرفنى اشيل مسئولية نفسى فى حاجات كتير فى حياتى وعرفنى اقدر احكم على الناس
شكرا ليكى mooaa
على مشاركيتك وخاصا انك عضوه جديده كده زيييى :5bouncy:
amiraaa
31-07-2005, 08:46 PM
السلام عليكم ورحمه الله وبركاته
الف الف الف الف الف مبرووووووووووووووووووك علي موضوعك الممتاز ده
وكان نفسي اكون اول واحد يكون رد عليكي بس يالا بقا مفيش نصيب
كانت مسافر في يوم في عربيه وعملت حادثه والناس اللي كانت معايا واحد مات وواحد لسه
في المستشفي وانا الوحيد اللي خرجت سليم الحمد لله
الف حمدلله على سلمتك يا بطل
خاطبتي الشخص الوحيد اللي غيرت نظرتي للدنيا كلها كنت ماشي في الدنيا
بالطول والعرض ولما شفتها كل حاجه اتغيرت وحسيت بالمسئوليه الكبيرة اللي عليا
ربنا يخليكو لبعض ;)
مرسى يا احمد على تشريفك اول موضوع ليا ودعواتك معانا :5bowtie:
amiraaa
31-07-2005, 08:56 PM
ألف ألف مبروك على الموضوع الجميل بخصوص نقطة التحول فأنا حياتى حصل فيها ظروف كثيرة خلتنى أتجة لربنا بجد منها صحتى مرت بظروف صعبة فترة طويلة وشكرا على الموضوع الجميل
مرسى على مشاركتك معايا يا بووسى
والف حمدالله على سلامتك
amiraaa
31-07-2005, 08:59 PM
السلام عليكم ورحمة اللة وبركاتة اولا يا اميرة الف مبروك على الموضوع تحفة مووت وانا عايزة اقولك مش حصلى نقطة تحول واحدة لا قولى مليون نقطة وكلهم فى شخصيتى وطبعا يرجع الفضل للناس اللى باتقبليهم فى حياتك
بس افضل نقطة تحول حاصلتلى كانت فى الشغل وايضا اسواء تحول كان فى الشغل فالافضل انى اتعودت ان الصلاة اكتر حاجة تغنيك عن كل الناس لانك بتكونى مع احن الناس عليكى الاسواء ولا اقولك بلاش
شكرا على وجودك معايا روشا
وربنا يثبتك ويثبتنا جميعا على طاعه الله
لان فعلا مفيش من احن الله على عبده
gemy_moon_light
01-08-2005, 01:21 AM
شكرا يا اخت اميرة علي الموضوع المتميز والجميل ده
انا نقطة التحول في حياتي هي قول لما قررة ان انهي
:
:
:
:
:
:
:
:
:
:
:
:
:
:
:
:
:
:
:
:
علاقتي باغلي انسانة في الدنيا
مع شدة حبي ليها
amiraaa
01-08-2005, 10:38 AM
شكرا يا اخت اميرة علي الموضوع المتميز والجميل ده
انا نقطة التحول في حياتي هي قول لما قررة ان انهي
:
:
:
:
:
:
:
:
:
:
:
:
:
:
:
:
:
:
:
:
علاقتي باغلي انسانة في الدنيا
مع شدة حبي ليها
شكرا جمى على تشريفك الموضوع
مع انى مش سعيده لنقطه التحول ديه :rolleyes:
ولكن كل شىء اسمه ونصيب
الحمد لله على كل حال
amiraaa
01-08-2005, 10:42 AM
يا جماعه انا عايزااكو تحكوا نقط التحول بتفسير شويا
احنا كلنا عايزين نستفيد من بعض
мυѕтαfα
10-08-2005, 03:57 AM
اولآ بشكرك على اول مواضيعك يا اميرة وتمنياتى القلبية بمزيد من المواضيع فى الفترة القادمة على ان تكون هادفة ومؤثرة ..
واسمحيلى انى اتكلم فى موضوعك عن نقطة خطيرة فى حياتى اعانى منها منذ ان عرفت هذة الدنيا
واسف على اطالتى مقدما
وارجو ان تسمحى لى بالحديث عنها فهذة النفطة من الممكن ان تكون نقطة تحول فى حياتى تدفعنى الى الامام ومن الممكن ان تجرنى الى زيل النهاية
فاللدنيا أمور غريبة و عجيبة و أغرب ما فيها هو نظامها الثابت الدقيق الذى لا يتغير مهما حاول الإنسان ان يغيره او يبدل فيه يخسر الإنسان و تنتصر الدنيا امور كثيرة فى حياة الفرد منا لا تتعلق كثيرا بأمور الدنيا العامة و لكنها تتبع نظامها و تخضع لها مهما كانت أمور خاصة و شخصية .
لقد بدأت حياتى من وجهة نظر الدنيا بالمقلوب فالدنيا قد حددت للإنسان الطريق و الهدف و لن تقبل بأى حال من الأحوال ان يصبح الطريق هدفا و الهدف طريق اما انا فقد اعتبرت ان الهدف طريق و الطريق هدف و بذلك اصبحت انا و الدنيا من الد الأعداء فى هذا الكون كلما تقدمت خطوة تلقى الى الدنيا بما يعثرنى و يعطلنى
تصورت اننى استطيع ان اصنع قدرى و ان اجبر الدنيا على ان تنصاع لإرادتى و لكنى كنت واهما احلم بما لم يستطع احد على مر التاريخ ان يفعله و فى النهاية هزمت و اندحرت قواى و تلاشت قوتى تحت عجلات الزمن الذى مر على بداية صراعى مع الدنيا فقد الهانى الصراع و الأمل فى الانتصار عن إدراك الزمن لا يتوقف حتى لالتقاط الأنفاس .
كان صراعى مع الدنيا نوع من انواع التحدى فقد تسلحت بمبادئ هى فى عصرنا نوع من الخبل
و اسف على اللفظ فلم اقبل النفاق بأنواعه و لم اقبل الانحراف مهما كان بسيطا و تافها رفضت الكذب مهما كان فاتح اللون او حتى بلا لون رفضت التسلق رفضت التواكل و رفضت حتى ان آخذ ما لم اقم بجهد يعطينى الحق فى الأخذ وكلماتى هذة ليست بتمجيد فى شخصى او اى شىء قد يخطر ببال من يقراء كلماتى فانا دومآ كنت مع سباق بإيجاد الأعذار لمن يخطئوا فى حقى سباق بالمغفرة و التسامح و لكن مع المقاطعة ان استدعى الأمر ولا أقبل ان ارى احدا يظلم فأسارع لنجدته و رفع الظلم عنه و هكذا كانت حياتى
ولكن بعد هذا الصراع الطويل اجد نفسى مهزمآ بلا اى مقدمات بلا اى اسباب وبعد عطائى لمن كان يحتاج المساعدة لم اجد المقابل الذى يساعدنى على الاستمرار فانهار وتنتصر الدنيا لمرة اخرا وتعلن انتصرها
ولكن برغم كل شىء اجد دائمآ من يخففون عنى بعض هذة المعناة ولو بكلمة واحدة
حتى هنا داخل المنتدى اجدا هذا الصراع وكنت ابذل كل طاقتى من اجل الكثير ولن اجد المقابل
وقد اعتكفت لفترة عن المشاركة فى اى موضوع ولكن هناك كما ذكرت البعض يمنحنى الثقة من جديد
على العطاء والمداومة عليها وبرغم ان كلماتهم كانت بسيطة الا انها كانت فى محلها ومكانها الصحيح
وكانت نقطة تحولى من جديد لبدء الصراع والوقوف على الطريق من جديد
فاشكرهم كثيرا على ذلك واعلم جيدا ان شكرى لهم جاء متاخرآ بعض الشى فارجو ان يلتمسو لى العزر عن ذلك التاخير ..
اشكرك يا اميرة شكرا جزيلآ فموضوعك كان نقطة تحولى للعودة من جديد.
تقديرى الشديد وتمنياتى لكى بمذيد من التقدم ان شاء الله.
™Mo7aMMad FaDl
10-08-2005, 04:22 AM
بسم الله الرحمن الرحيم
أولا أنا بحب أشيد بعقليتك يا أميرة لأنك بدأتى فى المنتدى بالردود
والتعرف على كيفية الردود والموضوعات المهمة فالأهم وماكنش همك موضوع وتلاقى فيه ردود وبس
وده كان سهل عن طريق الموضوعات المنقولة
عشان كدة انا بحييكى انك لما بدأتى بدأتى صح وبموضوع جميل
وبتمنالك التوفيق دايما فى اختيار موضوعاتك وفى حياتك كلها ان شاء الله
أما عن نقطة التحول
فماتستغربيش لو قلت ان المنتدى ده كان نقطة تحول بالنسبة لى
تحول من نت عديم الفائدة الى نت ليه فوائد كتير
واتعلمت منه حاجات كتير جدا
واثرت فعلا فى شخصيتى
ويكفينى انى اتعلمت معنى العطاء بدون مقابل
اتعلمت ان فى اصدقاء حقيقيين على النت
ولسه بتعلم لحد دلوقتى
شكرا يا أميرة مرة تانيه
وبالتوفيق دايما فى كل موضوعاتك
ان شاء الله
amertx
10-08-2005, 05:18 AM
[QUOTE=amiraaa]اولا ولاول مره فى حياتى بعمل موضوع واتمنى انه بجد يعجبكم
ثانيا توضيح للموضوع
اكيد يا جماعه كل واحد فينا عايش فى الدنيا بيشوف مواقف امامه كثيره ممكن تكون بتحصله هوه شخصيا او بتحصل امامه لاحد الاشخاص القرايبين منه او حتى بيسمع عنها من بعيد
وده ممكن يأثر عليه بالايجاب او بالسلب احيانا
بس احنا بنتكلم النهارده على الاشياء اللى اثرت بالايجاب
ابسطها شويه
مثلا موقف حصل خلاك ترجع لربنا
الحمد لله محصلش في حياتي اني كنت بعيد عن ربنا لكن في موقف حصلي ومش حنساه ابدا
لما قابلت شخصيا الشيخ الجليل محمد متولي الشعراوي رحمة الله عليه وكانت بالصدفة وفي الاسكندرية
ولما اتكلمت معاه قالي ربنا يبارك فيك وفي امثالك متعرفوش اد ايه الكلمة دي هزتني من داخلي
شخص قابلته فى حيات غير منظورك للحياه
كان صديق ليا مهندس اتوفي فجاة الله يرحمه كنت ايامها في الجامعة اخر سنة وزهقت جدا وكان فاضلي مادتين واخلص ونزلت القهوة العب دورين شطرنج لعبتي الي بعشقها شافني وهو بالمناسبة كان من ابطال مصر في الشطرنج ولما شافني قالي عاوزك وخرجت معاه من القهوة وصلني لباب البيت وقالي كمل امتحاناتك لان مستقبلك اهم ولما اتوفي بعدها وكل لما افتكر الموقف ادعيله ومن يومها اتعلمت معني عمل الخير والنصيحة من القلب هي الي بتبقي من عمل الانسان
موقف حصلك خلاك تفوق
اعتقد ان الموقف لما مرة ضربت ابني بقوة وبعدها شفت برنامج عن التربية حسيت انها رساله من ربنا سبحانه وتعالي بان فيه طرق تانية للتربية
عمل اشتغلت فيه خلاك بقى ليك كيان تانى
العمل هو اني كنت مدرب واداري لنادي الاتحاد السكندري للشطرنج واخدنا الدوري عام 87 و89
وده علمني معني العمل التطوعي في مجال الرياضة والنجاح فيه بيكون طعمه حلو جدا
واستفدت من المرحلة دي في حياتي بشكل عام لان ادارة الفرق الرياضية امر مش سهل جدا
وكمان العمل ده عرفني علي شخصيات كتير جدا في مجال الرياضة ومجالات تانية
دراسه معينه او دخولك كليه معينه
اعتقد ان دراستي بكلية التجارة افادتني مع اني كان نفسي اكون مهندس
كتير اوى بس احنا نفكر كويس
حاجات كتير ممكن تكون نفطه تحول فى حياتنا من السلب للايجاب
ممكن يكون الموضوع ده فى حد ذاته نقطه تحول لشخص ما فينا
amiraaa
10-08-2005, 10:25 AM
اولآ بشكرك على اول مواضيعك يا اميرة وتمنياتى القلبية بمزيد من المواضيع فى الفترة القادمة على ان تكون هادفة ومؤثرة ..
واسمحيلى انى اتكلم فى موضوعك عن نقطة خطيرة فى حياتى اعانى منها منذ ان عرفت هذة الدنيا
واسف على اطالتى مقدما
وارجو ان تسمحى لى بالحديث عنها فهذة النفطة من الممكن ان تكون نقطة تحول فى حياتى تدفعنى الى الامام ومن الممكن ان تجرنى الى زيل النهاية
فاللدنيا أمور غريبة و عجيبة و أغرب ما فيها هو نظامها الثابت الدقيق الذى لا يتغير مهما حاول الإنسان ان يغيره او يبدل فيه يخسر الإنسان و تنتصر الدنيا امور كثيرة فى حياة الفرد منا لا تتعلق كثيرا بأمور الدنيا العامة و لكنها تتبع نظامها و تخضع لها مهما كانت أمور خاصة و شخصية .
لقد بدأت حياتى من وجهة نظر الدنيا بالمقلوب فالدنيا قد حددت للإنسان الطريق و الهدف و لن تقبل بأى حال من الأحوال ان يصبح الطريق هدفا و الهدف طريق اما انا فقد اعتبرت ان الهدف طريق و الطريق هدف و بذلك اصبحت انا و الدنيا من الد الأعداء فى هذا الكون كلما تقدمت خطوة تلقى الى الدنيا بما يعثرنى و يعطلنى
تصورت اننى استطيع ان اصنع قدرى و ان اجبر الدنيا على ان تنصاع لإرادتى و لكنى كنت واهما احلم بما لم يستطع احد على مر التاريخ ان يفعله و فى النهاية هزمت و اندحرت قواى و تلاشت قوتى تحت عجلات الزمن الذى مر على بداية صراعى مع الدنيا فقد الهانى الصراع و الأمل فى الانتصار عن إدراك الزمن لا يتوقف حتى لالتقاط الأنفاس .
كان صراعى مع الدنيا نوع من انواع التحدى فقد تسلحت بمبادئ هى فى عصرنا نوع من الخبل
و اسف على اللفظ فلم اقبل النفاق بأنواعه و لم اقبل الانحراف مهما كان بسيطا و تافها رفضت الكذب مهما كان فاتح اللون او حتى بلا لون رفضت التسلق رفضت التواكل و رفضت حتى ان آخذ ما لم اقم بجهد يعطينى الحق فى الأخذ وكلماتى هذة ليست بتمجيد فى شخصى او اى شىء قد يخطر ببال من يقراء كلماتى فانا دومآ كنت مع سباق بإيجاد الأعذار لمن يخطئوا فى حقى سباق بالمغفرة و التسامح و لكن مع المقاطعة ان استدعى الأمر ولا أقبل ان ارى احدا يظلم فأسارع لنجدته و رفع الظلم عنه و هكذا كانت حياتى
ولكن بعد هذا الصراع الطويل اجد نفسى مهزمآ بلا اى مقدمات بلا اى اسباب وبعد عطائى لمن كان يحتاج المساعدة لم اجد المقابل الذى يساعدنى على الاستمرار فانهار وتنتصر الدنيا لمرة اخرا وتعلن انتصرها
ولكن برغم كل شىء اجد دائمآ من يخففون عنى بعض هذة المعناة ولو بكلمة واحدة
حتى هنا داخل المنتدى اجدا هذا الصراع وكنت ابذل كل طاقتى من اجل الكثير ولن اجد المقابل
وقد اعتكفت لفترة عن المشاركة فى اى موضوع ولكن هناك كما ذكرت البعض يمنحنى الثقة من جديد
على العطاء والمداومة عليها وبرغم ان كلماتهم كانت بسيطة الا انها كانت فى محلها ومكانها الصحيح
وكانت نقطة تحولى من جديد لبدء الصراع والوقوف على الطريق من جديد
فاشكرهم كثيرا على ذلك واعلم جيدا ان شكرى لهم جاء متاخرآ بعض الشى فارجو ان يلتمسو لى العزر عن ذلك التاخير ..
اشكرك يا اميرة شكرا جزيلآ فموضوعك كان نقطة تحولى للعودة من جديد.
تقديرى الشديد وتمنياتى لكى بمذيد من التقدم ان شاء الله.
متصورش انا مبسوطه اد ايه يا اخ tefatato
اولا بتخاذ القرار السليم بعدم التوقف عن المشاركه فى المنتدى :5shocking
تانيا بتشريفك موضوعى وكمان تقول ان موضوعى كان نقطه تحول بالنسبه ليك :5emoticon
ده ليا الشرف اكيد :5bowtie:
ثالثا وده الاهم انى استفد شخصيا منك ومن منظرورك للحياه :)
وده الى كنت اقصده اننا نعتبر نتعلم من تجارب بعض ونستفيد
واكتر شىء عجبنى جدا الجمله ديه انك فعلا مدرك معناها
ولكن برغم كل شىء اجد دائمآ من يخففون عنى بعض هذة المعناة ولو بكلمة واحدة
وده فعلا المهم فى كل المعاناه اللى ممكن نواجها يكون فى ناس تقف بجانبك :smiletest
انا بشكرك مره اخرى على وجودك فى موضوعى المتواضع
واتمنى يبقى الموضوع مفتوح لاننا ممكن نتعرض لاشياء ومواقف كثيره ممكن تكون نقط تحول فى حياتنا
لكى نستفيد من بعض :5emoticon
amiraaa
10-08-2005, 10:42 AM
بسم الله الرحمن الرحيم
أولا أنا بحب أشيد بعقليتك يا أميرة لأنك بدأتى فى المنتدى بالردود
والتعرف على كيفية الردود والموضوعات المهمة فالأهم وماكنش همك موضوع وتلاقى فيه ردود وبس
وده كان سهل عن طريق الموضوعات المنقولة
عشان كدة انا بحييكى انك لما بدأتى بدأتى صح وبموضوع جميل
وبتمنالك التوفيق دايما فى اختيار موضوعاتك وفى حياتك كلها ان شاء الله
أما عن نقطة التحول
فماتستغربيش لو قلت ان المنتدى ده كان نقطة تحول بالنسبة لى
تحول من نت عديم الفائدة الى نت ليه فوائد كتير
واتعلمت منه حاجات كتير جدا
واثرت فعلا فى شخصيتى
ويكفينى انى اتعلمت معنى العطاء بدون مقابل
اتعلمت ان فى اصدقاء حقيقيين على النت
ولسه بتعلم لحد دلوقتى
شكرا يا أميرة مرة تانيه
وبالتوفيق دايما فى كل موضوعاتك
ان شاء الله
اشكرك يا اخ رومانسى على اشادتك بعقليتى :5emoticon
مع انى مأختش بالى خالص :rolleyes:
يعنى بجد مكنتش اقصدها :5bouncy:
وبجد اشكرك على تواجدك فى موضوعى مع انى كنت هبدأ افقد الامل واقول خلينى اشارك بس فى مواضيع غيرى لانى شعرت ان موضوعى مش لاقى اهتمام شويه او مش حلو :5headache
بس وجودكم فى مواضيعى دلوقتى رفع ثقتى بنفسى اوى اوى
amiraaa
10-08-2005, 10:52 AM
[QUOTE=amiraaa]اولا ولاول مره فى حياتى بعمل موضوع واتمنى انه بجد يعجبكم
ثانيا توضيح للموضوع
اكيد يا جماعه كل واحد فينا عايش فى الدنيا بيشوف مواقف امامه كثيره ممكن تكون بتحصله هوه شخصيا او بتحصل امامه لاحد الاشخاص القرايبين منه او حتى بيسمع عنها من بعيد
وده ممكن يأثر عليه بالايجاب او بالسلب احيانا
بس احنا بنتكلم النهارده على الاشياء اللى اثرت بالايجاب
ابسطها شويه
مثلا موقف حصل خلاك ترجع لربنا
الحمد لله محصلش في حياتي اني كنت بعيد عن ربنا لكن في موقف حصلي ومش حنساه ابدا
لما قابلت شخصيا الشيخ الجليل محمد متولي الشعراوي رحمة الله عليه وكانت بالصدفة وفي الاسكندرية
ولما اتكلمت معاه قالي ربنا يبارك فيك وفي امثالك متعرفوش اد ايه الكلمة دي هزتني من داخلي
شخص قابلته فى حيات غير منظورك للحياه
كان صديق ليا مهندس اتوفي فجاة الله يرحمه كنت ايامها في الجامعة اخر سنة وزهقت جدا وكان فاضلي مادتين واخلص ونزلت القهوة العب دورين شطرنج لعبتي الي بعشقها شافني وهو بالمناسبة كان من ابطال مصر في الشطرنج ولما شافني قالي عاوزك وخرجت معاه من القهوة وصلني لباب البيت وقالي كمل امتحاناتك لان مستقبلك اهم ولما اتوفي بعدها وكل لما افتكر الموقف ادعيله ومن يومها اتعلمت معني عمل الخير والنصيحة من القلب هي الي بتبقي من عمل الانسان
موقف حصلك خلاك تفوق
اعتقد ان الموقف لما مرة ضربت ابني بقوة وبعدها شفت برنامج عن التربية حسيت انها رساله من ربنا سبحانه وتعالي بان فيه طرق تانية للتربية
عمل اشتغلت فيه خلاك بقى ليك كيان تانى
العمل هو اني كنت مدرب واداري لنادي الاتحاد السكندري للشطرنج واخدنا الدوري عام 87 و89
وده علمني معني العمل التطوعي في مجال الرياضة والنجاح فيه بيكون طعمه حلو جدا
واستفدت من المرحلة دي في حياتي بشكل عام لان ادارة الفرق الرياضية امر مش سهل جدا
وكمان العمل ده عرفني علي شخصيات كتير جدا في مجال الرياضة ومجالات تانية
دراسه معينه او دخولك كليه معينه
اعتقد ان دراستي بكلية التجارة افادتني مع اني كان نفسي اكون مهندس
كتير اوى بس احنا نفكر كويس
حاجات كتير ممكن تكون نفطه تحول فى حياتنا من السلب للايجاب
ممكن يكون الموضوع ده فى حد ذاته نقطه تحول لشخص ما فينا
الله :)
كل نقط التحول فى حياتك جميله ومأثره اوى ياamertx
والاحلى كمان انك ادركت ان الله باعت ليك رساله يوضح ليك الطريقه السليمه فى تربيه ابناءك :smiletest
وده اسعدنى اوى :5flowerfa
ويارب تفضل قريب من ربنا على طول لانها فى حد ذاتها سعاده متتوصفش
بشكرك على وجودك معايا فى موضوعى :smiletest
FaReSALandloS
21-08-2005, 05:49 PM
الف الف مبروووووووووووك يا اميره علي المواضيع الحلوه دي وياريت يوصلوا لمليون موضوع
ويكونوا احلي من بعض
وانا مستنيهم كلهم عشان اشارك فيهم يا ستي
عموما بالنسبه لموضوعك دا فانا بحجز فيه برضه عشان المواقف كتير
بس انا هحجز دبلوقتي زي الاسد المصري واقول بعدين لاني في الشغل حاليا
amiraaa
22-08-2005, 10:20 PM
الف الف مبروووووووووووك يا اميره علي المواضيع الحلوه دي وياريت يوصلوا لمليون موضوع
ويكونوا احلي من بعض
وانا مستنيهم كلهم عشان اشارك فيهم يا ستي
عموما بالنسبه لموضوعك دا فانا بحجز فيه برضه عشان المواقف كتير
بس انا هحجز دبلوقتي زي الاسد المصري واقول بعدين لاني في الشغل حاليا
شكرا ليك اوى يا فارس على تشجيعك الدائم ليا :)
اما بالنسبه للحجز معلش لازم تدفع 20 جنيه رسوم حجز :D
عشان بس نضمن انك هترجع تانى تحكلنا بأه :5flowerfa
roosha
16-09-2005, 12:09 PM
السلام عليكم ورحمة اللة وبركاتة انت عارفة يا اميرة اية احلى حاجة فى موضوعك بالنسبالى انى كل ما افتحة و اقراء فية اسال نفسى يا ترى نقطة التحول الجاية فى حياتى انشاء اللة هيكون شكلها اية يا ترى حاجة هتقدمنى خطوة ولا هترجعنى 100 خطوة وابقى نفسى تيجى علشان اسجلها فى موضوعك لانى حاسة ان موضوعك دة بالنسبالى عامل زى دفتر الذكريات اللى كل ما الانسان يقلب فية يعرف هو اتقدم فى اية و وقع فى اية وانا قولتلك قبل كدة يا اميرة ان نقطة التحول اللى حصلتلى مؤخرا كانت فى الشغل واكيد طبعا انت فكرة اما احدث نقطة تحول يا اميرة هى باردو فى الشغل الظاهر ان الشغل هيكون بداية للتحولات فى حياتى وطبعا يا اميرة انت عارفهاية هى نقطة التحول دى هى يا اميرة احلى نقطة تحول ممكن تحصل لاى انسان بس انا خايفة يا اميرة انها تكون من نقط التحول اللى بترجع100خطوة للخلف بجد يا اميرة انا خايفة جدااااااااااااا معلش يا طمطماية طولت عليكى بس اعمل اية موضوعك تحفة واللى بيدخل علية بيبقى مش عايز يبطل كلام
amiraaa
17-09-2005, 07:01 PM
السلام عليكم ورحمة اللة وبركاتة انت عارفة يا اميرة اية احلى حاجة فى موضوعك بالنسبالى انى كل ما افتحة و اقراء فية اسال نفسى يا ترى نقطة التحول الجاية فى حياتى انشاء اللة هيكون شكلها اية يا ترى حاجة هتقدمنى خطوة ولا هترجعنى 100 خطوة وابقى نفسى تيجى علشان اسجلها فى موضوعك لانى حاسة ان موضوعك دة بالنسبالى عامل زى دفتر الذكريات اللى كل ما الانسان يقلب فية يعرف هو اتقدم فى اية و وقع فى اية وانا قولتلك قبل كدة يا اميرة ان نقطة التحول اللى حصلتلى مؤخرا كانت فى الشغل واكيد طبعا انت فكرة اما احدث نقطة تحول يا اميرة هى باردو فى الشغل الظاهر ان الشغل هيكون بداية للتحولات فى حياتى وطبعا يا اميرة انت عارفهاية هى نقطة التحول دى هى يا اميرة احلى نقطة تحول ممكن تحصل لاى انسان بس انا خايفة يا اميرة انها تكون من نقط التحول اللى بترجع100خطوة للخلف بجد يا اميرة انا خايفة جدااااااااااااا معلش يا طمطماية طولت عليكى بس اعمل اية موضوعك تحفة واللى بيدخل علية بيبقى مش عايز يبطل كلام
لا لا لا لا يا روشا ده الموضوع كبير اوى ;)
وعايز فضفضه جامده :smiletest
بس اتمنى لكى اختى رشا ان نقطه التحول اللى بتتمنيها فى حياتك تتحقق
ومش تقدمك خطوه واحده بس للامام لا تقدمك 100 خطوه مره واحده
لان متهيقلى كده والله واعلم انى عرفتها ;)
وتأكدى من حاجه عمر ربنا ما هيسب عبد بيدعى من قلبه اوطلب تطلبيه من ربنا
وطلما انتى نيتك خير وفعلا عايزه حاجه ليكى تتحقق
ان شاء الله تتحقق :)
ومن قلبى بدعيك ربنا يوفقك وتكونى سعيده ويتحقق ليكى كل شىء بتتمنيه
واتبسط اوى لما قولتى ان موضوعى بالنسبه ليكى عامل زى دفتر الذكريات :5emoticon
en_mhmd
17-09-2005, 11:10 PM
عزيزتى اميرة احييكى ع الموضوع الجميل ده
وانا بالنسبة لنقطة التحول فى حياتى ... اقولك يا ستى
لما جالى نقل من الأدارة اللى بشتغل فيها لأدارة تانية كنت زعلانة جدا لأنى حسيب المكان والناس اللى اخدت عليهم وكنت بروح المكان الجديد وانا فى منتهى الضيق والزهق وكنت على وشك انى اسيب الشغل خالص واذ بى افاجأ بعد سنة ونص من وجودى فى المكان ده بزميل ليا يلفت انتباهى ليه بقوة وفى يوم وليلة والله بدون اى مقدمات لقيت نفسى مشدودة ليه مع ان مفيش بنا اى تعاملات بالمرة وسبحان الله ازاى حصل بينا كلام وحديث الله اعلم.... اكيد ربنا عاوز كدة
واحب اقولك ان الزميل العزيز ده اصبح بعد كدة زوجى وابو بنتى ربنا يخليهم ليا
ومن اليوم ده وانا ما بقيتش ازعل على حاجة ابدا و بقول اكيد ربنا له حكمه فى كدة ... لأن على اد ما انا كنت زعلانه من موضوع النقل ده على اد ما كان الخير مستنينى هناك
بسم الله الرحمن الرحيم
((وعسى ان تكرهوا شيئا وهو خيرا لكم وعسى ان تحبوا شيئا وهو شرا لكم والله يعلم وانتم لا تعلمون))
صدق الله العظيم
basta_6
18-09-2005, 12:56 AM
فكرة جامدة جدا
الف شكر
amiraaa
18-09-2005, 04:21 AM
عزيزتى اميرة احييكى ع الموضوع الجميل ده
وانا بالنسبة لنقطة التحول فى حياتى ... اقولك يا ستى
لما جالى نقل من الأدارة اللى بشتغل فيها لأدارة تانية كنت زعلانة جدا لأنى حسيب المكان والناس اللى اخدت عليهم وكنت بروح المكان الجديد وانا فى منتهى الضيق والزهق وكنت على وشك انى اسيب الشغل خالص واذ بى افاجأ بعد سنة ونص من وجودى فى المكان ده بزميل ليا يلفت انتباهى ليه بقوة وفى يوم وليلة والله بدون اى مقدمات لقيت نفسى مشدودة ليه مع ان مفيش بنا اى تعاملات بالمرة وسبحان الله ازاى حصل بينا كلام وحديث الله اعلم.... اكيد ربنا عاوز كدة
واحب اقولك ان الزميل العزيز ده اصبح بعد كدة زوجى وابو بنتى ربنا يخليهم ليا
ومن اليوم ده وانا ما بقيتش ازعل على حاجة ابدا و بقول اكيد ربنا له حكمه فى كدة ... لأن على اد ما انا كنت زعلانه من موضوع النقل ده على اد ما كان الخير مستنينى هناك
بسم الله الرحمن الرحيم
((وعسى ان تكرهوا شيئا وهو خيرا لكم وعسى ان تحبوا شيئا وهو شرا لكم والله يعلم وانتم لا تعلمون))
صدق الله العظيم
شكرا ليكى en_mhmd على تشريفك الموضوع
وفعلا نقطه تحو ل جميله فى حياتك
وسبحان الله النصيب
طب انا كمان جيلى شغل فى مكان تانى
وكنت عماله اقول مش عايزه اروح عشان زمايلى اللى اتعوت عليهم
وحبتهم وكده
بس بعد قصتك ديه خلاص هروح .......... يمكن ;)
amiraaa
18-09-2005, 10:49 AM
فكرة جامدة جدا
الف شكر
شكرا ليكى انتى basta
بس علايزاكى تشركى بأه ;)
warda111
19-09-2005, 11:50 AM
شكرا اختي اميره على الموضوع
نقطه التحول في حياتي لما تفقلت كل الابواب في وجهي ومرضت لجات لربي الكريم الذي لاتغلق ابوابه في وجه احد ولله الحمد
ونقطه اخرى لما تفاجات بمواقف ناس كنت اعتقد انهم قريبين مني خلاني اعيد حساباتي ولااصدق كلام الناس بسهوله
ويسلموا
en_mhmd
19-09-2005, 10:33 PM
شكرا ليكى en_mhmd على تشريفك الموضوع
وفعلا نقطه تحو ل جميله فى حياتك
وسبحان الله النصيب
طب انا كمان جيلى شغل فى مكان تانى
وكنت عماله اقول مش عايزه اروح عشان زمايلى اللى اتعوت عليهم
وحبتهم وكده
بس بعد قصتك ديه خلاص هروح .......... يمكن ;)
هههههههه
ربنا يقدملك مافيه الخير يا مرمورة وفعلا محدش عارف النصيب فين
amiraaa
19-09-2005, 11:31 PM
شكرا اختي اميره على الموضوع
نقطه التحول في حياتي لما تفقلت كل الابواب في وجهي ومرضت لجات لربي الكريم الذي لاتغلق ابوابه في وجه احد ولله الحمد
ونقطه اخرى لما تفاجات بمواقف ناس كنت اعتقد انهم قريبين مني خلاني اعيد حساباتي ولااصدق كلام الناس بسهوله
ويسلموا
الله :smiletest
كلامك جميل ونقطه تحول جميله
عجبتنى كلمتك اوى ( لجات لربي الكريم الذي لاتغلق ابوابه في وجه احد )
وفعلا اختى ورده لازم محدش يثق فى احد ابدا :o
شكرا ورده على تشريفك الموضوع :5emoticon
amiraaa
19-09-2005, 11:34 PM
هههههههه
ربنا يقدملك مافيه الخير يا مرمورة وفعلا محدش عارف النصيب فين
ربنا يخليكى يا ايناس :5flowerfa
انتى جميله وعسوله اوى ;)
ويقدملك الخير انتى كمان واشوفك احسن ام فى الدنيا :5bouncy:
en_mhmd
20-09-2005, 11:31 PM
ربنا يخليكى يا ايناس :5flowerfa
انتى جميله وعسوله اوى ;)
ويقدملك الخير انتى كمان واشوفك احسن ام فى الدنيا :5bouncy:
حبيبة قلبى ده انتى الأجمل
يارب انا كمان اشوفك احسن زوجة واحسن ام فى الدنيا
تلاقى دلوقت الأعضاء حيقولوا ايه اللى حيقضوها جمايل فى بعض دول ههههههههههه
انسان حالم
21-09-2005, 12:19 AM
والله يا آنسة أميرة الموضع حلو جدا
وانا عايز اكتب فيه..........فمعلش انا هحجز الموضوع عشان مايضعش منى
اصل انا عندى محاضرة الساعة 8.......وباينها محاضرة عقاقير فالعملية مزفلطة معايا خالص
وكمان انا عايز احكى حاجات....عشان افضفض شوية
طبعا بعد اذن سيادتك............
وشكرا.........جزيلا
amiraaa
21-09-2005, 10:47 AM
حبيبة قلبى ده انتى الأجمل
يارب انا كمان اشوفك احسن زوجة واحسن ام فى الدنيا
تلاقى دلوقت الأعضاء حيقولوا ايه اللى حيقضوها جمايل فى بعض دول ههههههههههه
هههههههههههههههههه
مش جمايل والا حاجه ديه حقيقه يا ايناس :5flowerfa
amiraaa
21-09-2005, 10:51 AM
والله يا آنسة أميرة الموضع حلو جدا
وانا عايز اكتب فيه..........فمعلش انا هحجز الموضوع عشان مايضعش منى
اصل انا عندى محاضرة الساعة 8.......وباينها محاضرة عقاقير فالعملية مزفلطة معايا خالص
وكمان انا عايز احكى حاجات....عشان افضفض شوية
طبعا بعد اذن سيادتك............
وشكرا.........جزيلا
طبعا انت مكانك محفوظ بس اوعه تروح ومترجعش زى ناس كتير :5bomb:
ومتحكلناش على نقطه التحول وتتفضفض ;)
بس حلوه اوى مزفلطه ديه ........ حاسب تتزحلق :p
مستنينك يا حالم :5bouncy:
انسان حالم
21-09-2005, 01:00 PM
السلام عليكم......
ازيك يا أخت اميرة........
أنا جيت من المحاضرة اهو عشان اكتب اللى كنت عاوز اكتبه(هو أنا كنت هكتب ايه!!!!!!)
أه أه افتكرت.....نقطة التحول
الصداقة
ممكن تقولى يا أخت أميرة ان الثانوية العامة هى كانت نقطة التحول فى حياتى...مش من ناحية الدراسة وكدة
أمال ايه؟؟.......سؤالك حلو.........أنا هقولك من ناحية ايه
أنا من الناس اللى بحب اكون صداقات.....يعنى أحب يبقى ليا أصدقاء فى الحياة عشان الصداقة شىء مهم
قبل ثانوى كنت ديما ييجى لى صدمة من اصحابى.....يعنى كانوا ناس مش فى دماغهم الصداقة وكدة(ويمكن يكون
العيب فيا) المهم فى ثانى اتعرفت على اتنين......اتعرفت على واحد وبعد كدة اتعرفت على التانى والأول دة لقيته
مناسب لى وكان فى تقارب كبير فى تفكيرنا.....فعلاقتنا بقت أحسن وكنت انا اصلا عاوز اتعرف على صاحبه التانى
عشان كان اهله ناس محترمين...واتعرفنا وبقت علاقتنا احنا التلاتة كويسة جدا وبقينا مع بعض على طول..........ودى
اول نقطة
الحب
دى بقى حصلت لواحد صاحبى بس انا اتعلمت منها كتير.........صاحبى دة من النوع الحساس الرومانسى حتى هو اللى
مختار لى اسم انسان حالم اللى انا مبسوط بيه دة........صاحبى دة وقع فى حب بنت كانت بتقوله انها بتحبه من اول
ماشفته من سنة تقريبا.........المهم قعدوا يحبوا فى بعض لغاية ماجت الناهية المتوقعة وقالت لمامتها ومامتها طبعا
رفضت عشان لسة صغير وهى عايزة لبنتها واحد جاهز و.....و.....و.....والكلام الفاضى دة........
والحكاية بتاعت صديقى انتهت بس طبعا هو اتجرح جرح عظيم جدا لأنه مش عارف البنت دى كانت بتلعب بيه ولا فعلا
حقيقة وانا كنت اخدت رأى الأخت ريم فى الموضوع دة وممكن تقريه لو عايزة
صاحبى المسكين (http://www.dvd4arab.com/forums/showthread.php?t=96306&page=3&pp=20)
وانا استفدت من حكايته حاجتين:
الأولى:عاطفة الحب اللى عند كل شاب اذا اتوجهت لأى حد غير ربنا بترجع بالوبال عليه وبآلام نفسية مالهاش حدود
(كنت تيجوا تشوفوا صاحبى..........بس هو الحمد لله بدأ ينسى)
الثانية:ان الصديق ابقى للشاب من البنت اللى بيحبها..........مش عارف هى حاجة غريبة بس جت فى بالى وقتها
وكمان ان الحب سهل ييجى بعد الزواج طالما هو اتجوز واحدة متدينة ومحترمة ممكن الحب يتوجد بينهم بعد الزواج
ومعلش يا أخت أميرة أتمنى أسمع رأيك فى حكاية صاحبى عشان انت بنت ويمكن يقتنع لما يقراه
وشكرا على حسن متابعتك وقرايتك للرغى بتاعى
وعلى فكرة أنا مااتزحلقتش :)
amiraaa
26-09-2005, 05:18 PM
شكرا على تشريفك يا انسان يا حالم
اسفه على تأخرى فى الرد عليك
بس انا دخله كده فى عجاله ارد عليك واقولك
استنانى هرجع ارد على موضوع صحبك
YASSER2250
15-10-2005, 04:30 PM
نقطه تحول
اسم موضوع جميل
بس المفروض يكون اسمه نقط كتيره
لانى فى كتير جدا حول من حياتى منها اصحابى المعامله مع الناس الوشوش الزائفه الحب غير من حياتى كتير وزواجى كل ده غير من حياتى وكان نقطه تحول فى حياتى اولا واخيرا كنت اتغلب على هذه الاشياء بالتقرب من الله سبحانه وتعالى والى الله .
انا ممكن انصح كل مسلم فى حاله انه مخنوق او لا يعرف فعل اى شىء ان يتقرب من الله ويشرب من نبع الرحمن ا لــــــــــلــــــــــــــــــــــــه سبحانه وتعالى .
لكن اكتر حاجه اثرت فيه انه اقرب صديق للواحد يمكن يخدعك اوممكن يحقد عليك اويحسدك ديه حاجه .
التانيه بقى : هى زوجتى ربنا يخليها ليه ويهديها يارب مفيش حد يتخيل انا بحبها قد ايه وديه كانت النقطه اللى غيرت حياتى فعلا جعلت الحياه ليها طعم جميل اكيد انك تحب وتتحب ليها شكل تانى انا بتكلم عن الزوجه مش الحبيبه او اى حد تانى بس كده يعنى .
ديه نقط الحول فى حياه الواحد اللى عايشها .
بس فى الاول والاخر وليس اخرا احب الفت الانظار الى ان التقر ب الى الله هو افضل شىء فى الوجود وله حلاوه فى الطعم والروح ليس لها مثيل ارجو من كل الشبا ب والفتيات اذا قراءو هذا التعليق التقرب الى الله وجربو مش هاتخسرو حاجه بالعس انتو هاتكسبو كتير جدا ابسطها هاتكسبو نفسكو ا
amiraaa
15-10-2005, 11:39 PM
نقطه تحول
اسم موضوع جميل
بس المفروض يكون اسمه نقط كتيره
لانى فى كتير جدا حول من حياتى منها اصحابى المعامله مع الناس الوشوش الزائفه الحب غير من حياتى كتير وزواجى كل ده غير من حياتى وكان نقطه تحول فى حياتى اولا واخيرا كنت اتغلب على هذه الاشياء بالتقرب من الله سبحانه وتعالى والى الله .
انا ممكن انصح كل مسلم فى حاله انه مخنوق او لا يعرف فعل اى شىء ان يتقرب من الله ويشرب من نبع الرحمن ا لــــــــــلــــــــــــــــــــــــه سبحانه وتعالى .
لكن اكتر حاجه اثرت فيه انه اقرب صديق للواحد يمكن يخدعك اوممكن يحقد عليك اويحسدك ديه حاجه .
التانيه بقى : هى زوجتى ربنا يخليها ليه ويهديها يارب مفيش حد يتخيل انا بحبها قد ايه وديه كانت النقطه اللى غيرت حياتى فعلا جعلت الحياه ليها طعم جميل اكيد انك تحب وتتحب ليها شكل تانى انا بتكلم عن الزوجه مش الحبيبه او اى حد تانى بس كده يعنى .
ديه نقط الحول فى حياه الواحد اللى عايشها .
بس فى الاول والاخر وليس اخرا احب الفت الانظار الى ان التقر ب الى الله هو افضل شىء فى الوجود وله حلاوه فى الطعم والروح ليس لها مثيل ارجو من كل الشبا ب والفتيات اذا قراءو هذا التعليق التقرب الى الله وجربو مش هاتخسرو حاجه بالعس انتو هاتكسبو كتير جدا ابسطها هاتكسبو نفسكو ا
اخى ياسر شرفنى كتير انك موجود فى مواضيعى
والاكتر ان نقط تغير فى حياتك واضح انها كانت للاحسن
وده واضح من تقربك لله عز وجل
وجميل اوى نقطه تغير هى زوجتك وحبك الشديد ليها
ربنا يخليكو لبعض ويكرمكم
قليل لما حد ممكن يذكر نفطه تحول تكون هى زوجته
ربنا يكرمك ويوفقك
شكرا ليك اخى
amiraaa
15-10-2005, 11:46 PM
السلام عليكم......
ازيك يا أخت اميرة........
أنا جيت من المحاضرة اهو عشان اكتب اللى كنت عاوز اكتبه(هو أنا كنت هكتب ايه!!!!!!)
أه أه افتكرت.....نقطة التحول
الصداقة
ممكن تقولى يا أخت أميرة ان الثانوية العامة هى كانت نقطة التحول فى حياتى...مش من ناحية الدراسة وكدة
أمال ايه؟؟.......سؤالك حلو.........أنا هقولك من ناحية ايه
أنا من الناس اللى بحب اكون صداقات.....يعنى أحب يبقى ليا أصدقاء فى الحياة عشان الصداقة شىء مهم
قبل ثانوى كنت ديما ييجى لى صدمة من اصحابى.....يعنى كانوا ناس مش فى دماغهم الصداقة وكدة(ويمكن يكون
العيب فيا) المهم فى ثانى اتعرفت على اتنين......اتعرفت على واحد وبعد كدة اتعرفت على التانى والأول دة لقيته
مناسب لى وكان فى تقارب كبير فى تفكيرنا.....فعلاقتنا بقت أحسن وكنت انا اصلا عاوز اتعرف على صاحبه التانى
عشان كان اهله ناس محترمين...واتعرفنا وبقت علاقتنا احنا التلاتة كويسة جدا وبقينا مع بعض على طول..........ودى
اول نقطة
الحب
دى بقى حصلت لواحد صاحبى بس انا اتعلمت منها كتير.........صاحبى دة من النوع الحساس الرومانسى حتى هو اللى
مختار لى اسم انسان حالم اللى انا مبسوط بيه دة........صاحبى دة وقع فى حب بنت كانت بتقوله انها بتحبه من اول
ماشفته من سنة تقريبا.........المهم قعدوا يحبوا فى بعض لغاية ماجت الناهية المتوقعة وقالت لمامتها ومامتها طبعا
رفضت عشان لسة صغير وهى عايزة لبنتها واحد جاهز و.....و.....و.....والكلام الفاضى دة........
والحكاية بتاعت صديقى انتهت بس طبعا هو اتجرح جرح عظيم جدا لأنه مش عارف البنت دى كانت بتلعب بيه ولا فعلا
حقيقة وانا كنت اخدت رأى الأخت ريم فى الموضوع دة وممكن تقريه لو عايزة
صاحبى المسكين (http://www.dvd4arab.com/forums/showthread.php?t=96306&page=3&pp=20)
وانا استفدت من حكايته حاجتين:
الأولى:عاطفة الحب اللى عند كل شاب اذا اتوجهت لأى حد غير ربنا بترجع بالوبال عليه وبآلام نفسية مالهاش حدود
(كنت تيجوا تشوفوا صاحبى..........بس هو الحمد لله بدأ ينسى)
الثانية:ان الصديق ابقى للشاب من البنت اللى بيحبها..........مش عارف هى حاجة غريبة بس جت فى بالى وقتها
وكمان ان الحب سهل ييجى بعد الزواج طالما هو اتجوز واحدة متدينة ومحترمة ممكن الحب يتوجد بينهم بعد الزواج
ومعلش يا أخت أميرة أتمنى أسمع رأيك فى حكاية صاحبى عشان انت بنت ويمكن يقتنع لما يقراه
وشكرا على حسن متابعتك وقرايتك للرغى بتاعى
وعلى فكرة أنا مااتزحلقتش :)
اولا انا بعتذر ليك عن تأخرى فى ردى الفتره اللى فاتيت كلها
تانيا عجبتنى اوى كلمه قولتها :عاطفة الحب اللى عند كل شاب اذا اتوجهت لأى حد غير ربنا بترجع بالوبال عليه وبآلام نفسية مالهاش حدود
عندك حق فى الجمله ديه جدا وانا من قلبى احيك عليها
وطبعا نفطه تحول فى حياتك كانت الصداقه وده شىء جميل
اما بالنسبخ لصديققك
انا شايفه ان الموضوع لا يستحق المعاناه
او انه يشك لحظه فى البنت اللى كان بيحبها
لانها واضحه جدا ان الرفض جاء من الاهل
وكمان البنت فى سن صغير بتكون مورغمه على الاشياء
وبعدين فى الاول وفى الاخر ياا ريت ميحزنش
لانها مش نصيبه
يعنى مهما كان استمر معاها وفضلو يحبو بعض
لو ربنا مش رايد انهم يرتبطو عمروهم ما هيرتبطو ابدا
يا ريت يهون على نفسه
وكلها مسأله وقت
بعتذرلك يا انسان على تأخرى فى الرد للمره التانيه
وشرفتنى اخى
shadow fax
16-10-2005, 02:26 AM
نفسى تصادفنى حاجة تهزنى وتكون نقطة تحول
لكن للاسف لسة
ومعتقدش حيكون فى لان فى حاجات بيعتبرها البعض نقاط تحول ولكن للاسف لم تكن بالنسبة لى
زى مثلا انى فقدت عائلتى كلها وفقدت الانسانة التى أحببتها بصدق و........كفاية عليكوا احسن يكون
ردى نقطة تحول لحد فى المنتدى
شكرا يا أميراااااااا
shadow fax
19-10-2005, 04:40 PM
ايه يا أميرة انتى كمان مش عايزة تردى ليه
مقولتيليش رأيك
amiraaa
19-10-2005, 08:18 PM
ايه يا أميرة انتى كمان مش عايزة تردى ليه
مقولتيليش رأيك
والله العظيم يا شادو انا رديت عليك :icon1366:
ولكن انا ليا مشاركات كتير اوى اتحذفت انا وبعض الاعضاء لما المنتدى وقع مش عارفه ليه :dunno000:
متزعلش منى :no000000:
وهرد عليك تانى :)
اول ما دخلت المنتدى يا شادو طلبت انك تحل مشاكل الاعضاء وتسمع فضفضتهم
ولكن اعتقد انك انت اللى محتاج تفضفض :rolleyes:
واتمنى انك تفضفض للاعضاء اللى فى موضوع الفضفضه
هيسمعوك زى ما انت سمعتهم
وانا من اولهم طبعا :shiny000:
بص يا اخى شادو كون ان لسه مجتش نقطه تحول ليك من حاله لحاله افضل
ده عادى انت اكيد لسه صغير يعنى لسه مقبلتش تجارب كتير فى حياتك
اما بالنسبه اخى لفقدانك اهلك ......
احنا كلنا اهلك :bye10000:
وديه مش كلمه وخلاص
لا والله
بس انا بجد بتعامل مع زمايلى فى المنتدى كأنهم اهلى
ولو شوفت تجمع بنات المنتدى على الماسنجر هتقول اننا عارفين بعض من زمان
وكأننا متربيين مع بعض
حاول شادو تكون صدقات وعمرك ما هتشعر بالوحده ابدا
وانا مستنياك تقابل نقطه تحول فى حياتك وتيجى تحكيلى فى الموضوع عليها بالتفاصيل :msn-wink:
اما فقدانك لحبيبتك ......
فديه مرحله مرينا بيها كلنا ومجرد وقت وهتتنسى
واخر كلامى
انا بعتزرلك عن الغلط اللى حصل فى حزف ردى عليك
ومستنياك يا شادو ترد تانى فى موضوع نقطه تحول الموضوع مفتوح :msn-wink:
saly12332144
19-10-2005, 10:25 PM
بسم الله الرحمن الرحيم
اختي اميره....حبيبه قلبي:icon2600: اشكرك علي هذا الموضوع الجميل..
في نقط تحول كتير جدا في حياتي وانا هتكلم معاكي بصراحه...
مع اني كنت متردده جدا في الكتابه خايفه من الاحراج...
بس خلاص جاتلي الجرأه اني اكتب.
اول نقطه:
يوم ظهور نتيجتي في اعدادي صيدله...والمفاجئه كانت سقوطي في السنه دي:no000000:
بجد دي كانت نقطه تحول لي كبيره جدا في حياتي اللي كنت عايشاها بالطول وبالعرض.
وفعلا السنين اللي بعدها كنت بخرج بتقديرات عاليه ..ومتخرجه ب جيد جدا مع مكتبه الشرف.
ثاني نقطه:
هي اني امسك شغل في شركه وده خلاني اتعلمل مع ناس كتير جدا.
واستفدت حاجات بالهبل مع التعامل مع الناس..
ثالث نقطه:
دي فيها احراج كبير جدا للرد فيها......وانتي اكيد عارفاها بس انا هحكي عليها برده
هي اصعب قرار في حياتي كلها....
فعلا مش كان سهل ....
استحملت كتير جدا...
حاولت كتير وكتير...
صعب قوي...اني استمر معاه..
وفي الاخر وصلت للقرار اني اسيب انسان كنت بحبه جدا جدا جدا
وفعلا لحد الان انا بتعذب من بعده...
بس انا كده مرتاحه اكتر كتير..
رابعا:
نقطه تحول اخري في حياتي.......هي الصداقه بزميل معايا في الكليه.....بجد انسان عزيز علي جدا.....يمكن حاليا اغلي انسان عندي في الدنيا....مع انه ولد بس والد ده بميت بنت من اصحابي..
هو اللي علمني معني الصداقه...
خامسا:
واكبر نقطه تحول في حياتي ........
الد في دي
shadow fax
20-10-2005, 01:39 AM
أميرة.......................
بأختصار شديد...........................شكرا
بس احب أقولك حاجة
انا أولا عندى 21
ثانيا انا كنت عارف انك رديتى بس بستهبل :evil_lol: :evil_lol: هههههههههه
معلش متزعليش
أما بالنسبة لكلامك فهو كلام يدوى الجروح لكن للى عنده جروح
انا كل اللى مأثر فية حبيبتى فقط واعتقد بل و متأكد ان نقطة التحول حتكون لما أرجلعها
وانا فعلا دلوقتى بسعى فى الحكاية دى.........ادعولى dumbbells
اما عن موضوع الفضفضة فأنا اشتركت فيه من اللى مريت بيه
انا فى صحابى بيحسدونى لانى مريت بحاجات كتيرة أوى وبرغم كدة الضحكة مش بتفارقنى
انا كل منايا انى ارجع لحبيبتى بأى تضحيات ....مش مهم
وبالنسبة لحكاية اهلى فى المنتدى ده شعور شكله من برة جميل ...........لكنه شعور جميل
وايه حكاية البنات اللى على الماسنجر دى..؟ ممكن تضيفونى معاكوا :evil_lol: :evil_lol: ههههه
ومتقلقيش اول ما تحصل نقطة التحول اياها مش حرد هنا وبس ده انا حعمل موضوع فى المنتدى
انتى مش متخيلة انا قد ايه نفسى أرجعلها بجد أدعيلى يا أميرة انا نفسى روحى تردلى
معلش طولت عليكى بس الواحد ما بيصدق يتفتح فى الكلام ااااااااااااااااااااااه
شكرا يا أميرة
amiraaa
21-10-2005, 12:43 PM
بسم الله الرحمن الرحيم
اختي اميره....حبيبه قلبي:icon2600: اشكرك علي هذا الموضوع الجميل..
في نقط تحول كتير جدا في حياتي وانا هتكلم معاكي بصراحه...
مع اني كنت متردده جدا في الكتابه خايفه من الاحراج...
بس خلاص جاتلي الجرأه اني اكتب.
اول نقطه:
يوم ظهور نتيجتي في اعدادي صيدله...والمفاجئه كانت سقوطي في السنه دي:no000000:
بجد دي كانت نقطه تحول لي كبيره جدا في حياتي اللي كنت عايشاها بالطول وبالعرض.
وفعلا السنين اللي بعدها كنت بخرج بتقديرات عاليه ..ومتخرجه ب جيد جدا مع مكتبه الشرف.
ثاني نقطه:
هي اني امسك شغل في شركه وده خلاني اتعلمل مع ناس كتير جدا.
واستفدت حاجات بالهبل مع التعامل مع الناس..
ثالث نقطه:
دي فيها احراج كبير جدا للرد فيها......وانتي اكيد عارفاها بس انا هحكي عليها برده
هي اصعب قرار في حياتي كلها....
فعلا مش كان سهل ....
استحملت كتير جدا...
حاولت كتير وكتير...
صعب قوي...اني استمر معاه..
وفي الاخر وصلت للقرار اني اسيب انسان كنت بحبه جدا جدا جدا
وفعلا لحد الان انا بتعذب من بعده...
بس انا كده مرتاحه اكتر كتير..
رابعا:
نقطه تحول اخري في حياتي.......هي الصداقه بزميل معايا في الكليه.....بجد انسان عزيز علي جدا.....يمكن حاليا اغلي انسان عندي في الدنيا....مع انه ولد بس والد ده بميت بنت من اصحابي..
هو اللي علمني معني الصداقه...
خامسا:
واكبر نقطه تحول في حياتي ........
الد في دي
لاول مره من ساعت دخولى المنتدى مش هقدر اعلق على مشاركه فى موضوع ليا!!!!
كان نفسى ارد على سالى
amiraaa
21-10-2005, 12:48 PM
أميرة.......................
بأختصار شديد...........................شكرا
بس احب أقولك حاجة
انا أولا عندى 21
ثانيا انا كنت عارف انك رديتى بس بستهبل :evil_lol: :evil_lol: هههههههههه
معلش متزعليش
أما بالنسبة لكلامك فهو كلام يدوى الجروح لكن للى عنده جروح
انا كل اللى مأثر فية حبيبتى فقط واعتقد بل و متأكد ان نقطة التحول حتكون لما أرجلعها
وانا فعلا دلوقتى بسعى فى الحكاية دى.........ادعولى dumbbells
اما عن موضوع الفضفضة فأنا اشتركت فيه من اللى مريت بيه
انا فى صحابى بيحسدونى لانى مريت بحاجات كتيرة أوى وبرغم كدة الضحكة مش بتفارقنى
انا كل منايا انى ارجع لحبيبتى بأى تضحيات ....مش مهم
وبالنسبة لحكاية اهلى فى المنتدى ده شعور شكله من برة جميل ...........لكنه شعور جميل
وايه حكاية البنات اللى على الماسنجر دى..؟ ممكن تضيفونى معاكوا :evil_lol: :evil_lol: ههههه
ومتقلقيش اول ما تحصل نقطة التحول اياها مش حرد هنا وبس ده انا حعمل موضوع فى المنتدى
انتى مش متخيلة انا قد ايه نفسى أرجعلها بجد أدعيلى يا أميرة انا نفسى روحى تردلى
معلش طولت عليكى بس الواحد ما بيصدق يتفتح فى الكلام ااااااااااااااااااااااه
شكرا يا أميرة
كده يا شادو يعنى توهمنى ان الرد اتشال وانا اصدقها كده :no000000:
على العموم ماشى
المهم انك تكون سعيد
وربنا يحقق ليك نقطه التحول اللى بتتمناها
وترجع حبيبتك ليك
شكرا ليك اخى على تشريفك
ومستنيا الموضوع بتاعك
elmo7tr@m
23-10-2005, 04:53 AM
نقط تحول في حياتي......كتيييييييير......بس المهم اني بتعلم منها.
فكره جميلة جدا منك أنك تركزي علي نقاط تحول أو مواقف صدمت ناس كتير
ممكن تجاوبينا علي نفس السؤال؟
amiraaa
26-10-2005, 02:10 AM
نقط تحول في حياتي......كتيييييييير......بس المهم اني بتعلم منها.
شكرا اخى elmo7tr@m على تشريفك ليا
وطبعا جميل اننا نتعلم منها
واتمنى انك تحكى عنهم
amiraaa
26-10-2005, 02:26 AM
فكره جميلة جدا منك أنك تركزي علي نقاط تحول أو مواقف صدمت ناس كتير
ممكن تجاوبينا علي نفس السؤال؟
اكيد هجوبك ولكن فى الوقت المناسب
شكرا ليك اخى akm
شرفتنى :shiny000:
elmo7tr@m
26-10-2005, 03:50 AM
شكرا اخى elmo7tr@m على تشريفك ليا
وطبعا جميل اننا نتعلم منها
واتمنى انك تحكى عنهم
انا عارف اني المفروض احكي...
.بس فعلا مش هقدر
...ولو عرفت في يوم من الايام احكي...
والجرأه جاتلي بكده....هحكي باذن الله
amiraaa
27-10-2005, 12:31 AM
انا عارف اني المفروض احكي...
.بس فعلا مش هقدر
...ولو عرفت في يوم من الايام احكي...
والجرأه جاتلي بكده....هحكي باذن الله
ان شا الله تجيلك الجراءه وتحكلنا :bye10000:
Eng : Ahmed
13-11-2005, 02:34 AM
أختى العزيزة أميرة انت بتقولى للناس تحكى
وانت نفسك صحبت الموضوع ما حكتيش حاجة
احنا مستنين نسمع منك قصه نستفيد كلنا منها
هارون
13-11-2005, 08:21 PM
لسه نقطه التحوووووووووووووووووووول ما جتش يا اميرة هيا جت وراحت او انا فيها دلوئتى
amiraaa
13-11-2005, 09:41 PM
أختى العزيزة أميرة انت بتقولى للناس تحكى
وانت نفسك صحبت الموضوع ما حكتيش حاجة
احنا مستنين نسمع منك قصه نستفيد كلنا منها
اكيد اخى هحكى
وقريبا جدا :msn-wink:
amiraaa
13-11-2005, 09:46 PM
لسه نقطه التحوووووووووووووووووووول ما جتش يا اميرة هيا جت وراحت او انا فيها دلوئتى
ايه يا هارون ده انا مش فاهمه :surrende:
انت مريت بنقطه تحول والا انت فيها دلوقتى !!! والا ايه ؟؟ :1eye0000:
فهمنى .. واحكلنا كده :msn-wink:
Eng : Ahmed
13-11-2005, 10:43 PM
اكيد اخى هحكى
وقريبا جدا :msn-wink:
وانا هفضل مستنى
مع انى عارف انتى ممكن تحكى ايه :msn-wink:
amiraaa
15-11-2005, 03:26 AM
يمكن بكتب اخر مشاركه ليا فى اول موضوع ليا بالمنتدى
طبعا مش مقصوده ولكن هى جت كده
يمكن عشان النهارده افتكرت نقطه تحول يمكن تكون قديمه ولكن كان تأثرها عليا وقتها قوى اوى
ولكن بمرور الوقت بدأت انسى
والنهارده بس قولت كفايه لازم ارجع لازم كفايه لحد كده
اسمحولى احكهلكم
كنت فى الجامعه مش محجبه والا بصلى والا اعرف حاجه عن دينى
يمكن مكنتش بعمل الغلط من باب انه غلط وعيب وميصحش
ولكن مش عشان حرام .....
وفى مره كنت راحه الكليه .....وانا فى طريقى للكليه لمحت شاب كان خارج من الصيدليه
مش عارفه ليه فضلت ابص عليه وكأن ربنا بيقولى بصى كويس عشان هتتصدمى دلوقتى وتشوفى حقيقه بعنيكى !
ومجرد لحظات عديت وانا بنظر للولد لاقيت اتوبيس خبطه وقعه على الارض..........
مات ....مات فى لحظه
وكان اول مره بحياتى اشوف حد يموت قدامى.
وفضلت اعيط اعيط وكأنى اعرفه .........واسأل نفسى ليه فضلت ابص عليه وكأنى يا ربى عارفه انه هيحصله حاجه!!
المشكله مش فى انه مات.
المشكله فى الى حصل بعد كده.
طلبه الاسعاف جت لحد المكان ورفضت تخده.....!
والطريق واقف والناس عايزه تمشى
بكل بساطه شلوه حطه على جمب عشان العربيات تمشى
وغطوه بورقه جرنال وثبتو ورق الجرنال بطوبه وجزء من خرطوم مياه كان مرمى على الارض.!
والنا س مشيت كل واحد فى طريقه وكأن ما فى حاجه حصلت
وانا واقفه مكانى وكأنى مشلوله ....وبعيط ومستغربه ايه اللى حصل وايه اللى بيحصل ده من الناس
ديه نهايه الشاب ده !!!!!!!!!!!
فين اصحابه ........فين اهله يجو بنقذوه...........فين حبيبه اللى كانه بيحبوه !
لوحده مرمى على الارض جنب الرصيف بكل اهانه ...!
مفيش حد دلوقتى يقدر ينفعه
وروحه شايفه اللى احنا كلنا مش شايفينه
وفضلت اسأل نفسى طب هو كان بيصلى !
طب هو كان بيكذب !
طب هو كان مش بيأذى حد!
...........و.............و...............و........ .....
روحت على بيتى تانى وانا لسه مش مصدقه اللى حصل
وفضلت اعيد حسباتى من اولها
اصحاب عندى كتير واهلى الحمد لله موجودين ..........لو كنت انا موت بدل الشاب كانو هينفونى بأيه.!!
والا حاجه والا حاجه ابدا .
وانا اللى كنت مدياهم اكتر ما بدى ربنا
يمكن كنت كمان بعصيه عشان ارضى اصحابى
قررت من يوميها البس الحجاب
وفعلا اول حجاب اشتريته لبسته وانا فى الشارع
وبدأت اصلى واصوم صح واطيع ربنا صح
حسيت بسعاده عمرى ما شعرت بيها قبل كده
وكان بيحصلى حاجات وكأن ربنا بيقولى انا بحبك يا اميره وهرضيكى.
وبعد مرور تقريبا سنه بدأت اشعر انى راضيه عن نفسى
وديه كانت بدايه المصيبه............
لان الرضا عن النفس يعنى خلاص انا واثقه انى داخله الجنه وكنت بتمنى ان ربنا يتوفنى وانا كده.
ولكن للاسف ربنا متوفنيش...
وبدأت ارجع واحده واحده
لاحد ما رجعت اوحش من الاول
وللاسف نظره الناس ليا متغيرتش فضلو يعملو اميره الملتزمه اللى بيحبوها عشان هى بتحب ربنا
ميعرفوش انى رجعت اعصى الله تانى اساس فى الصلاه او اخلاصى فى حب ربنا
واللى اقابلها وتقولى نفسى اكون زيك..!! وانا من جوايا عايزه اقولها انا مش ملتزمه زى ما انتى متخيله..
والشطان فضل ورايا يقولى اوعى تصغرى نفسك قدام الناس اللى بتحبك الللى مخدوعه فيكى.!
وبدأت وساوس الشطان وغضب ربنا يظهر عليا
بدايا من عدم رضا اهلى عليا ...وناس قابلتهم كتير واتخدعت فيهم......وعدم بركه فى كل شىء
حتى التعب الجسمى مسلمتش منه ........ طبعا غير تعبى النفسى الرهيب اللى انا كنت فيه
والنهارده بس قررت انى افوق وارجع احسن من ما كنت كمان
وهبعد عن كل شىء يساعدنى عن عدم التفكير فى ربنا او حتى قله التفكير
طبعا بعدى عن المنتدى او الانترنت عموما مش بسبب ده ..............
ولكن بسبب غضب ربنا عليا فى تعرضى لبعض المواقف داخل المنتدى اللى بجد حزنتنى كتير
ولكن انا اعتبرت تعرضى ليها .........هو نداء من الله سبحانه وتعاله
وكأنه بيقولى كفايه كده يا عبدى ...بعد ما ذوقت حلاوه الايمان ..ليه تبعدى وتروحى لدونيا
انا عندى جنه الخلد عندى الفردوس عندى الزوج الصالح عندى كل حاجه ترضيكى وتسعدك
والنهارده بس بعتبر نقطه التحول فى حياتى
اللى خلتنى اجرب قربى من ربنا ايه .....وبعدى عن ربنا جرالى ايه والمشاكل اللى وقعت فيها
والتعب النفسى الى شوفته ومعرفتى بناس لا تستاهل وتعرضى للاهانه مره واتنين .
بالله عليكم متنسونيش فى دعائكم
Mr.Energizer
18-11-2005, 03:45 AM
الله يا اميرة موضوعك جنااااااااااااااان بجد ما شاء الله جميل اوي ربنا يخليكي :clap0000:
وربنا يهديكي يا رب ويوفقك في كل حاجة بتعمليها ويبعدك عن الذنوب يا رب ويبعدنا احنا كمان :1eye0000:
بس بصراحة يا اميرة انا بهنيكي علي صرحتك وجرئتك دي اللي اتناولتي بيها الموضوع وكمان طريقتك حلوة بتشد الواحد وتخليه مستني عايز يعرف الباقي وميزهقش من الكلام بتاعك
وكويس اوي ان بقي في عندك نقطة تحول ودا بيدل ان قلبك طيب ولسه جواه خير وكمان قادر علي فعل الخير والثواب اللي ان شاء الله يكون من ميزان حسناتك يا رب
وربنا يشفيكي يا رب ويخفف عنك وعن المسلمين جميعا كل تعبهم ومشاكلهم ... واذ علي الواحد بس يموت فعلا كل حاجة بتروح الاهل والاصحاب والفلوس وكل حاجة ومش هيفضل غير عمله اللي بنتمني كلنا من ربنا ان يختم اعملنا بالصالحات يا رب
وكمان حكاية انه مات في الشارع ومحدش ساله فيه (تعددت الأسباب والموت واحد ) بس انا معاكي ان المنظر كان صعب اكيد
MoUnEeR
pooty
18-11-2005, 03:45 AM
يمكن فى ناس فى المنتدا يعرفونى وعارفين كمان ان سبب دخولى اميرة
وانا مشى رديت فى الموضوع دا من فترة بس متابعة
لكن الكلام اللى حاقوله علشان فى ناس فى المنتدا هنا اسواء من الناس اللى فى الحياة واللى بنتعامل معاهم
ومشى عارفة لى فى ناس بتلذ بتعذيب الاخرين واذيتهم من غير سبب
لى ياجماعة بننس اننا فى الاخر اى اخرن اى
انا حاقول نقطة تحول فى حياتى يكمن حد يستفاد منها
وانا حاقولها مشى علشان اقولها لكن علشان يفهما لكل وياريت يتعظه منها
اميرة كانت بتتكلم عن انسان واحد شافته ماتا امها
انا بقى بعد تخرجى تم تعينى فى مكان ابعد مايكون عن ذهنى تابع لشغل لكن لنى الصغير لازم اوافق
وكنت انا وزميلى مصدومين ووحدة مننا والله بعد اول يوم انهارت واستقالت من الشغل
المهم ان الشغل اتبقى فى انا واثنين بنات بس و3 ولاد اللى استحملنا مشى قوة اعصاب لكن تحدى للى حاولو يخالونا نرفض
ولاننا نزلنا مراقبين على ناس اكبر مننا كنا كل يوم بنتحدا انفسنا قبل غيرنااننا حانعرف نتعامل معاهم ومشى دى كانت المشكلةالوحدة المشكلة الاساسية
انى ودا رادت ربنا كنت اشراف ادارى على وحدة طب حرج مهمتى انى اشوف ان المرض يتم التعامل مهم صح وان المكان يكون حسب المواصفات المطلوبة وحاجات تانى المهم فى الموضوع ان القسم الطب الحرج والاسعاف كل يوم بتشوف مشى واحد بيموت لا
اكتر من واحد كل يوم كنت بقرا الفاتحة اكتر مابقول السلام عاليكم كل يوم بنهار وبحس انى بحس بعزرائيل
اناالحمدلله عمرى ماذيت حد ولا حتى فكرت فى اذيت مخلوق لكن كنت بضايق من الناس اوى اللى بيذو وبيكدبه وبيظلمه
لكن شغلى اللى كان من 3 سنين غيرنى كتير اوى اقوى ايمانى اكتر فهمنى اكتر ان الناس ولا شى
وان تصرفات البشر مشى المفروض ازعل منها ومشى ازعل منهم بالعكس ازعل عاليهم
ودا فعلا اللى بيخالينى افهم الناس اكتر احنااى ولا حاجة اخرنا اى تراب واللة كنت بشوفه اخرنا بنموت وكالاللى حوالينا بيمشه
ويفضل عملنا اتعلمت انى مشى اعتبر الكلام شر اد ماحاول افهم الناس واقدر الظروف ومشىائذى حتى لو بكلمة واكون حاريصا على مشاعر الناس اللى امامى وافكر فى كلامى كويس قبل ماقوله ولو حصل وحد زعل
منى من غير ماقصد بجد بكون مخنوقة اوى وابقى نفسىاعمل اى شى علشان يغفر لى
الحمدلله هدفى فى حياتى رضا ربى حتى لو ف فكرى حتى لو بكلمة الحسنة او الابتسامة
والحمدلله بكون حاريصا على انى افهم اللى حوالى علشان مشى اتصرف ولا اقول كلمة تهين او تاذى مشاعر غيرى للانى انا مشى احب حد ياذى مشاعر واحب اعامل الناس ذى ماحب انهم يعملونى
وياريت ياجماعة نعرف انك كما تدين تدان ونفهم اننا اذا عملنا شى مع حد بكرا حايتعمل فينا فىاولدنال فىحد محبب مننا ومقرب لينا اوى سوا بقى كان الشى دا كويس او وحش
اناالحمدلله اتعلمت كتير اوى من اول مرحلة فى مواجهة الحياة وهى ساعدتنى كتير اوى فى حياتى وان اساسا انا بحب اضيف بسمة لكل اللى حوالية ودا بيسعدنى
لكن يارت محدش يجرح حد وياريت كفاية كدا الاول والاخر اى
حانستفاد اى انا مشى عارفة اناالى فترةاللى فاتت شوفت وسمعت حاجات فى المنتدا خالتنى بجد اضايق لى ومشى فاهمة فىاى ياجماعة
يارت نخاف على بعض اكتر من كدا
وارجو انى اكون قدرت اوصل اللى انا عايزة اقوله
egyptianlion
18-11-2005, 06:54 AM
يمكن بكتب اخر مشاركه ليا فى اول موضوع ليا بالمنتدى
طبعا بعدى عن المنتدى او الانترنت عموما مش بسبب ده ..............
ولكن بسبب غضب ربنا عليا فى تعرضى لبعض المواقف داخل المنتدى اللى بجد حزنتنى كتير
والتعب النفسى الى شوفته ومعرفتى بناس لا تستاهل وتعرضى للاهانه مره واتنين .
بالله عليكم متنسونيش فى دعائكم
الأخت العزيزة أميرة
كلماتك رائعة .. لا أستطيع ان أزيد عنها .. لكن يصعب علينا مفارقة عضوة محترمة ونشيطة ومحبوبة ..
فان كان السبب فى ذلك رغبة فى القرب من الله بالفعل، ولا تستطيعي التوفيق بين هذا والمنتدى .. فليوفقك الله .. ونتمنى ان نسمع عنكى كل خير .. وقد كنتى خير عضوة واخت لنا جميعاً
اما ان كان السبب الحقيقي لتركك المنتدى هو ما تعرضتى له بداخله .. فغيابك عنا مرفوض ولن نسمح لكى بالمغادرة ابداً .. وان كنت تعرضتى لاى مضايقات من احد ايا كان وضعه او اسمه فهناك قوانين تسرى على الجميع كبارا وصغاراً، والمنتدى يعرف جيداً كيف يحافظ على اعضائه المحترمين .. ولن يقبل ابداً تعرضك لما يسوء بيننا
وسأنتظر ردك من خلال صديقاتك اللاتى سينقلن لكى هذه المشاركة
™Mo7aMMad FaDl
18-11-2005, 09:36 AM
فقط
سننتظر عودتك
فهنا أيضا تستطيعين الاقتراب من الله
وهنا أيضا لا يوجد من له المقدرة على اهانتك
لا يوجد :exclamat:
moodyelgamal
18-11-2005, 02:55 PM
السلام عليكم و رحمة الله و بركاته
أختى الكريمة أميرة
كما قال أخى الأسد المصرى ... إذا كان سبب تركك للمنتدى هو مضايقات تعرضت لها فانسحابك مرفوض
و لكن
إذا شعرت للحظة واحدة أن المنتدى قد أثر على علاقتك بالله سبحانه و تعالى فسأكون أول من يطلب منك عدم دخول المنتدى مرة ثانية إلى أن تتمكنى من إعادة الأمور إلى نصابها
هدانا الله تعالى و إياكِ إلى ما يحبه و يرضاه
M_H_Kamel
19-11-2005, 04:38 AM
نتمنى نراكى بيننا فى اقرب وقت
اختى الكريمه : ماحدث لكى سيعطيك قوه من الله وسيمتلا قلبك بالحب والايمان وستكون لديكى رساله لابد ان تقومى بتوصيلها للناس فهنا كل اصدقائك واخواتك
والكل منتظرين عودتك وانا حالا ابارك لكى على الاشراف فى احد اقسام المنتدى الاسلامى
الم تعلمين انها رساله ارسلها الله اليكى لتثبتى للجميع جدارتك
ومن منا لايخلوا من ذنوب 0
عودى لرسالتك ولن تندمى
egyptianlion
19-11-2005, 05:47 AM
{ وما تشاءون الا ان يشاء الله ان الله كان عليماً حكيماً } - ( 30 ) الإنسان
سبحان الله .. أراد ألا يحرمنا منكى ولا يحرمكي منه .. فجاء تدبيره وفى هذا التوقيت لتبقي معنا، وتحققي هدفك فى ذات الوقت ! :)
مبروك يا أميرة على الإشراف فى المنتدى الإسلامي .. وعسى أن تكون هذه " نقطة تحـــول " جديدة لكي .. داخل المنتدى .. وخارجه أيضا!
Eng : Ahmed
19-11-2005, 05:53 AM
الحمد لله انك يا اميـــرة رجعتى تانى للمنتدى
والف مبــــــــروك على الاشــراف
وربنا يعينك على مهامك الجديدة
enrique_raul
19-11-2005, 06:20 AM
المشاركة الأصلية بواسطة amiraaa
يمكن بكتب اخر مشاركه ليا فى اول موضوع ليا بالمنتدى
طبعا بعدى عن المنتدى او الانترنت عموما مش بسبب ده ..............
ولكن بسبب غضب ربنا عليا فى تعرضى لبعض المواقف داخل المنتدى اللى بجد حزنتنى كتير
والتعب النفسى الى شوفته ومعرفتى بناس لا تستاهل وتعرضى للاهانه مره واتنين .
بالله عليكم متنسونيش فى دعائكم
ايه ده القطة كانت هتمشي ..... وربنا مش ينفع احنا مع بعض وهنفضل مع بعض ومش ممكن حد يبعد عنا لاننا اسره واحده
وصدقيني مش فيه حد يقدر يقدر يعملك اي حاجه وزي ما قال الاسد فيه قوانين بتحافظ علي اعضائها المحترمين
والحمد لله ان الاشراف جه في وقته وان شاء الله نشوف شغلك الجميل في قسمك
أنس النور
19-11-2005, 06:25 AM
الاسد المصرى قال لاميرة الى كان نفسى اقوله تحياتى ليه الأخت العزيزة أميرة
كلماتك رائعة .. لا أستطيع ان أزيد عنها .. لكن يصعب علينا مفارقة عضوة محترمة ونشيطة ومحبوبة ..
فان كان السبب فى ذلك رغبة فى القرب من الله بالفعل، ولا تستطيعي التوفيق بين هذا والمنتدى .. فليوفقك الله .. ونتمنى ان نسمع عنكى كل خير .. وقد كنتى خير عضوة واخت لنا جميعاً
اما ان كان السبب الحقيقي لتركك المنتدى هو ما تعرضتى له بداخله .. فغيابك عنا مرفوض ولن نسمح لكى بالمغادرة ابداً .. وان كنت تعرضتى لاى مضايقات من احد ايا كان وضعه او اسمه فهناك قوانين تسرى على الجميع كبارا وصغاراً، والمنتدى يعرف جيداً كيف يحافظ على اعضائه المحترمين .. ولن يقبل ابداً تعرضك لما يسوء بيننا
وسأنتظر ردك من خلال صديقاتك اللاتى سينقلن لكى هذه المشاركة
الحمد اللله على السلامة
انا عن موقف غير مجرى حياتى ...
ف الحقيقة
كل فترة الواحد بيتغير مجرى حياته
اخر مرة لما دخلت الدى فى دى وسبت منتديات تانية
اما اهم مرة
لما والدى الله يرحمه اتوفى
مش لاقى كلام اوصف بيه الموقف
ولا يمكن يتوصف
الله يرحمه رحمة واسعة
النور
BonBony
19-11-2005, 02:24 PM
أولا ألف مبروك يا أميرة على موضوعك صراحة عجبنى جداً
وخصوصاً إنها الحمد لله بداية هايلة
والموضوع يخلى الإنسان يفتش فى ذاكرته جيدا قبل الرد لأن كل واحد فينا بيتعرض لمواضيع ووقفات كتير خلال حياته وكلها بتعدى بس فى مواقف أو موضوعات بتسيب أثر جامد مبيتمحيش على مر السنين، وبيغير نظرتنا سواء للحياة كلها، أو على الأقل لجوانب فيها
أنا الموقف اللى هزنى بجد وعرفنى قيمة وحجم الحياة التى نحياها وإننا بنكبر مواضيع متستهلش أو على الأقل بنديها أكبر من حجمها، ونخليها تغطى على المواضيع الأساسية فى حياتنا زى أهمية القرب من الله ورضاه عنا.
الموقف هو وفاة أمى مش بس لأنها توفت، لأ هى كانت موصية إن محدش يدخل عليها أثناء الغُسل إلا أشخاص محددين والحمد لله ربنا وفقنا لتحقيق ما أوصت به، وأنا كنت من الأشخاص اللى طلبت منى إنى أحضر الغُسل بتاعها، وطبعاً شاركت فيه بالفعل - ودى كانت أول مرة فى حياتى، وليس فقط بالحضور ولم أتركها لحظة إلا لحظة نزولها إلى بيتها الجديد لأنهم لم يسمحوا لنا أن ننزل معها للأسف.
والحمد لله أمى فى وفاتها كانت كأنها نائمة بل كانت فى أحسن أحوالها ووجهها جميل وقد زال عنه معالم الألم وظهرت عليه الراحة، وذلك على الرغم من قضائها ليلة فى ثلاجة المستشفى للأسف وهو مالم أستطيع أن أمنعه أو أتفاداه ولا أعرف كيف أعتذر لها عن ذلك ولكن يعلم الله أنه لم يكن فى يدى حيلة.
ولكن التجربة غيرت نظرتى لموضوع الموت أنا أقبل التجربة دى مكنش الموضوع فى دماغى أصلا يعنى كنت عايشة حياتى عادى جداً أه محجبة وملتزمة بس برضه كان الموت بالنسبة لى بعيد بس لما كنت مع مامتى حسيت إنى مش خايفة منه لأ بالعكس حسيت إنى لامساه، وإنه شئ عادى مجرد نقلة مرحلية فى حياتنا، فلم يعد موضوع بعيد عنى أو لا أستطيع أن أتصوره أن يحدث لى بمعنى لسة بدرى اللى دايما بنقولها لنفسنا، لأ حسيت إن الموضوع بسيط جداً وممكن يحصل فى أى وقت وإنه مجرد إنتقال فى المكان يعنى بمعنى أصح تغيير للعنوان وهذا ما أشعر به عندما أفتقد أمى وأذهب لزيارتها أشعر أنى ذاهبة لرؤيتها فى منزلها الجديد.
والأهم إنه أشعرنى بضرورة أن أستعد لها بما أستطيع وبما يمن علىّ الله به من نعمة القرب منه، وأصبح إهتمامى الأساسى الدعاء لأمى والصدقة والترحم عليها وعلى أموات المسلمين جميعا وقراءة القرآن وإهدائه لها، وليس هذا فقط فقد أفادنى ذلك أنه زاد قربى من الرحمن فلم أشعر بالوحدة بعد وفاة أمى لشعورى أن الله موجود معى، وأقول لشعورى وليس لمعرفتى فكلنا نعلم أنا الله موجود لكن أن تشعر بذلك موضوع له طعم تانى، طعم حلو جداً لم أجد حلاوة لأى شئ فى الحياة تقاربه, ولن يفهم كلامى إلا من ذاق تلك الحلاوة، أدعو لكم أن تذوقوا جميعا حلاوة القرب من الله وحلاوة اللجوء إليه.
على فكرة أنا مش متشاءمة خالص ولا مكتئبة ولا أى كلام من ده بس علشان محدش يفهم الموضوع غلط، أنا بس مفهومى للحياة تغير ومن وجهة نظرى للأفضل
عبودة
20-11-2005, 01:55 AM
ممكن أضع هذا الرد وأكيد لن يعارض احدكم
يا جماعة اقسم بالله العظيم انني اندهشت جداً عندما تم تنصيب الأخت الغالي مشرفة بالمنتدى الاسلامي و بعده بقليل اخبرني احد الأخوة ان الاخت تركت المنتدى و اعطاني رابط هذا الموضوع !!
فدهشت جداً و الإشراف للأخت اميرة قد تم و الحمد لله
ولم أشأ أن أتوج للأستاذ ابو عبد الله برفع الإشراف عنها لإنها خلاص سابت المنتدى و بقي إيماني بالله كبير بأن تعود هذه الاخت الطيبة التي اعترفت بذبها و هذه فيلة بحد ذاتها
و الآن بعدما عادت أنا أشكر الله لأنها رجعت من خلال الإشراف الذي منحها قوة مجددة للرجوع و خاصة على قسم ستتعلم منه الكثير من قصص الأنبياء و الرسل
بالله عليكم أليس بهذا حكمة من الله عز و جل ؟؟؟؟
أنا لم استطع حبس دموعي أبدااااااا بالفرحة
لأنها حقيقة لله حكمة برجوع الاخت بيننا فأنا عندما رشحتها للإشراف لم اكن اعرف عنها هذا الموضوع ولم اكن أعرف انها تركت المنتدى ........ سبحان الله سبحان حكمة الله
هذه معجزة من معجزات الله
ألف مبروك يا اميرة إن الله يحبك بإذن الله
مبارك طاعتك و عودتك بيننا يا اختي الغالية
انت انسانة صادقة و الصادق يحبه الله ......
Ahmed_Gebally
21-11-2005, 12:32 AM
بسم الله الرحمن الرحيم
السلام عليكم ورحمة الله وبركاته
الاخت الاميرة.....أميرة
كلماتك ببساطة تعبر عن مدى صدقك نيتك مع الله....لانك ذقت الايمان
حتى ولو كانت مده قصيرة...لكنك ذقتيه...واحسست بحلاوته التى لا يستطيع ان يرتوى منها ابدا..ولو طالت
تعرفى...
انا قرات موضوعك فى البداية...ومع انى اعرفه كويس جدا....لكن ما كنتش لاقى دفعة قوية من جوايا انى استحضر المواقف اللى سببت لمجرى حياتى تحول...
الاعترافات بتاعتنا هيه اللى فتحت الطريق لقلوبنا عشان على الاقل حتى لو ما كتبناش نقاط تحول حياتنا....يبقى استحضرناها من اعماق قلوبنا...واسترجعناها بين ذكرياتنا...
الفكرة مش فى انى عارف ان ربنا جنبى....وبيساندنى فى مواقف حياتى
الفكرة انى حسيت ازاى ربنا جنبى....بكل عظمته اللى بستمد منها ايمانى بيه...
وبكل رحمته اللى بيظلل بيها مشاعرى فى كل وقت...
وبكل حبه اللى بيعلمنى احب كل شئ واى شئ فى سبيله وفى رضاه ومن ثم فى سعادتى...
التحول عندما يكون فى توبة من بيده مافى السماوات وما فى الارض....عليا انا الضعيف جدا جدا جدا....يبقى مش نقطة لتحول....
وانما بداية لسعادة...تسكن فيها حياتى...
شكرا لموضوعك....اللى حرك المشاعر دى كلها لتنتج ردودا...لا يوجد اجمل منها...
وفقك الله لكل عمل ولاى عمل.....فى رضاه...وحبه...والى جنته
shadow fax
26-11-2005, 11:56 AM
ياجماعة انا فاهم قصدها
هى اتصرفت صح بس احنا لازم نتصرف ونرجعها لانها عضوة غالية علينا كلنا
مش عايز اقولكوا سيبوها براحتها بس لازم ترجع لااااااااااااااااازم
amiraaa
27-11-2005, 05:16 PM
قبل اى شىء فى كلمه عايزه اقولها لناس اعرفهم وناس محلفنيش الحظ انى اتعرف بيبهم من قبل
ولكن كلمهم جعلنى اشعر بالسعاده وقوانى واعطانى ثقه بنفسى
وأكدلى ان مهما قابلت ناس سيئه فى حياتى اكيد لسه فى ناس محترمه كتير وبتحب الناس فى الله
بدون اى اغراض
اعضاء لم اتعامل معاهم من قبل ولكن اصرو على وجودى بينكم
واعضاء اتعاملت معاهم من خلال المنتدى واكدولى حبهم ليا واصرو ايضا على بقائى بالمنتدى
غير انهم جعلونى اشعر بالامان بينهم
اما الاشراف فى المنتدى الاسلامى كانت اجمل مفاجأه ليا وده اكدلى ان ربنا عمره ما هيخذلنى ولسه بيحبنى
واسمحولى اشكر الناس اللى رديت فى الموضوع وكان لها تأثر عليا بالشعور بالامان داخل المنتدى
وهم اخواتى حقيقى
M_H_Kamell
مشاركه مكنتش تخطر على بالى من انسان جميل .......... المشاركه ديه اثرت فيها جدا وكانت من الاسباب القويه ليا انى ارجع واستمر
لو تسمحلى هكبرك شويه واقول انى اعتبرت ان الكلام ده من اب لبنته
وفى جمله بجد انا فرحت اوى بيها
(الم تعلمين انها رساله ارسلها الله اليكى لتثبتى للجميع جدارتك)ان شاء الله هثبت مهما ناس حولو يضايقونى و مش هضعف
egyptianlion
مهما اتكلمت مش هقدر اوفيك حقك لانك اخ عزيز على قلبى جدا ولمست فيك الاخلاق العاليه والاحترام وخوفك على اخواتك بالمنتدى
وكأنهم بجد اخواتك الحققيين .
Rom@ncY_7@2e2Y
محمد ..... امبهارى بعقليتك من اول دخولى المنتدى واحساسى الدائم انك انسان مختلف ومميز كل يوم بيزيد.
بشكرك يا محمد على وقوفك جمبى وعلى مساعدتك ليا الدائمه.
moodyelgama
شخصيه جميله يمكن لم نتعامل من قبل الا فى موضوع او موضوعين ومنهم موضوع جوازك من نسمه اللى اسعدنى كثيرا :evil_lol:
وعرفت من ساعتها اد ايه انت رجل عظيم وشهم :msn-wink:
بجد يا محمود شكرا على اهتمامك بأختك
enrique_raul
لو مكنتش قولت قطه يمكن مكنتش رجعت :evil_lol:
طبعا يا ابو المجد احنا اسره واحده وده اللى خلانى مقدرش ابعد عن اخواتى لانى بجد بحبكم
وانت اخويا الصغير كمان :msn-wink:
عبودة
والله يا اخى عبوده ما عندى كلام اقوله بعد كلامك ..
بس هقول حاجه واحده بس انا بجد فرحانه انى معاكم وبينكم وربنا كرمنى بأخوه واخوات عزاز على قلبى جدا
ولله الحمد حبى واعتزازى بيهم متبادل
shadow fax
كلماتك رقيقه وجميله اوى يا شادو
وانت اغلى عندنا :in_love0:
اطمن يا شادو انا رجعت ومش هبعد تانى ان شاء الله
amiraaa
27-11-2005, 05:28 PM
الله يا اميرة موضوعك جنااااااااااااااان بجد ما شاء الله جميل اوي ربنا يخليكي :clap0000:
وربنا يهديكي يا رب ويوفقك في كل حاجة بتعمليها ويبعدك عن الذنوب يا رب ويبعدنا احنا كمان :1eye0000:
بس بصراحة يا اميرة انا بهنيكي علي صرحتك وجرئتك دي اللي اتناولتي بيها الموضوع وكمان طريقتك حلوة بتشد الواحد وتخليه مستني عايز يعرف الباقي وميزهقش من الكلام بتاعك
وكويس اوي ان بقي في عندك نقطة تحول ودا بيدل ان قلبك طيب ولسه جواه خير وكمان قادر علي فعل الخير والثواب اللي ان شاء الله يكون من ميزان حسناتك يا رب
وربنا يشفيكي يا رب ويخفف عنك وعن المسلمين جميعا كل تعبهم ومشاكلهم ... واذ علي الواحد بس يموت فعلا كل حاجة بتروح الاهل والاصحاب والفلوس وكل حاجة ومش هيفضل غير عمله اللي بنتمني كلنا من ربنا ان يختم اعملنا بالصالحات يا رب
وكمان حكاية انه مات في الشارع ومحدش ساله فيه (تعددت الأسباب والموت واحد ) بس انا معاكي ان المنظر كان صعب اكيد
MoUnEeR
شكرا اخى Mr.Energizer
ربناا يهدينا جميعا
عندك حق كل شىء هيروح ومش هيفضل غير عير العمل والسيره الطيبه
اللهم اهدينا جميعا واجعل اعملنا كلها صالحه
amiraaa
27-11-2005, 05:36 PM
يمكن فى ناس فى المنتدا يعرفونى وعارفين كمان ان سبب دخولى اميرة
وانا مشى رديت فى الموضوع دا من فترة بس متابعة
لكن الكلام اللى حاقوله علشان فى ناس فى المنتدا هنا اسواء من الناس اللى فى الحياة واللى بنتعامل معاهم
ومشى عارفة لى فى ناس بتلذ بتعذيب الاخرين واذيتهم من غير سبب
لى ياجماعة بننس اننا فى الاخر اى اخرن اى
انا حاقول نقطة تحول فى حياتى يكمن حد يستفاد منها
وانا حاقولها مشى علشان اقولها لكن علشان يفهما لكل وياريت يتعظه منها
اميرة كانت بتتكلم عن انسان واحد شافته ماتا امها
انا بقى بعد تخرجى تم تعينى فى مكان ابعد مايكون عن ذهنى تابع لشغل لكن لنى الصغير لازم اوافق
وكنت انا وزميلى مصدومين ووحدة مننا والله بعد اول يوم انهارت واستقالت من الشغل
المهم ان الشغل اتبقى فى انا واثنين بنات بس و3 ولاد اللى استحملنا مشى قوة اعصاب لكن تحدى للى حاولو يخالونا نرفض
ولاننا نزلنا مراقبين على ناس اكبر مننا كنا كل يوم بنتحدا انفسنا قبل غيرنااننا حانعرف نتعامل معاهم ومشى دى كانت المشكلةالوحدة المشكلة الاساسية
انى ودا رادت ربنا كنت اشراف ادارى على وحدة طب حرج مهمتى انى اشوف ان المرض يتم التعامل مهم صح وان المكان يكون حسب المواصفات المطلوبة وحاجات تانى المهم فى الموضوع ان القسم الطب الحرج والاسعاف كل يوم بتشوف مشى واحد بيموت لا
اكتر من واحد كل يوم كنت بقرا الفاتحة اكتر مابقول السلام عاليكم كل يوم بنهار وبحس انى بحس بعزرائيل
اناالحمدلله عمرى ماذيت حد ولا حتى فكرت فى اذيت مخلوق لكن كنت بضايق من الناس اوى اللى بيذو وبيكدبه وبيظلمه
لكن شغلى اللى كان من 3 سنين غيرنى كتير اوى اقوى ايمانى اكتر فهمنى اكتر ان الناس ولا شى
وان تصرفات البشر مشى المفروض ازعل منها ومشى ازعل منهم بالعكس ازعل عاليهم
ودا فعلا اللى بيخالينى افهم الناس اكتر احنااى ولا حاجة اخرنا اى تراب واللة كنت بشوفه اخرنا بنموت وكالاللى حوالينا بيمشه
ويفضل عملنا اتعلمت انى مشى اعتبر الكلام شر اد ماحاول افهم الناس واقدر الظروف ومشىائذى حتى لو بكلمة واكون حاريصا على مشاعر الناس اللى امامى وافكر فى كلامى كويس قبل ماقوله ولو حصل وحد زعل
منى من غير ماقصد بجد بكون مخنوقة اوى وابقى نفسىاعمل اى شى علشان يغفر لى
الحمدلله هدفى فى حياتى رضا ربى حتى لو ف فكرى حتى لو بكلمة الحسنة او الابتسامة
والحمدلله بكون حاريصا على انى افهم اللى حوالى علشان مشى اتصرف ولا اقول كلمة تهين او تاذى مشاعر غيرى للانى انا مشى احب حد ياذى مشاعر واحب اعامل الناس ذى ماحب انهم يعملونى
وياريت ياجماعة نعرف انك كما تدين تدان ونفهم اننا اذا عملنا شى مع حد بكرا حايتعمل فينا فىاولدنال فىحد محبب مننا ومقرب لينا اوى سوا بقى كان الشى دا كويس او وحش
اناالحمدلله اتعلمت كتير اوى من اول مرحلة فى مواجهة الحياة وهى ساعدتنى كتير اوى فى حياتى وان اساسا انا بحب اضيف بسمة لكل اللى حوالية ودا بيسعدنى
لكن يارت محدش يجرح حد وياريت كفاية كدا الاول والاخر اى
حانستفاد اى انا مشى عارفة اناالى فترةاللى فاتت شوفت وسمعت حاجات فى المنتدا خالتنى بجد اضايق لى ومشى فاهمة فىاى ياجماعة
يارت نخاف على بعض اكتر من كدا
وارجو انى اكون قدرت اوصل اللى انا عايزة اقوله
ياريت يا هبه الناس تفهمك وتفهمنى وكفايه بأه كره فى بعض
والايذاء النتعمد فى الاخرين
بالنسبه لنقطه التحول اللى مريتى بيها ...زبجد الله يكون فى عونك
ولكن الحمد لله انها نقلتك من مرحله لمرحله وعلمتك ان الحياه لاتستحق كل هذا
وعشان انتى طيبه يا بوتى المرحله اللى انتى مريتى بيها اثرت عليكى
واصبح كل هدفك هو ارضاء ربك
والكلام ده انتى حتى اثبتهولى من معاملتى معاكى
لما كنت اشتكيلك من حد واقولك انا مش هكلمهم تانى ........تقولى اميره عاملى ربنا ومتبتديش انتى بالمقاطعه
عشان حرام افضلى حسنة النيه لاخر لحظه
ودلوقتى انا عرفت سر قلبك الابيض ده ايه
amiraaa
27-11-2005, 05:45 PM
الاسد المصرى قال لاميرة الى كان نفسى اقوله تحياتى ليه
الحمد اللله على السلامة
انا عن موقف غير مجرى حياتى ...
ف الحقيقة
كل فترة الواحد بيتغير مجرى حياته
اخر مرة لما دخلت الدى فى دى وسبت منتديات تانية
اما اهم مرة
لما والدى الله يرحمه اتوفى
مش لاقى كلام اوصف بيه الموقف
ولا يمكن يتوصف
الله يرحمه رحمة واسعة
النور
الله يرحمه ويسكنه فسيح جناته
احنا هنا كلنا هنفضل اهل وخوات
شكرا أنس النور
amiraaa
27-11-2005, 05:55 PM
أولا ألف مبروك يا أميرة على موضوعك صراحة عجبنى جداً
وخصوصاً إنها الحمد لله بداية هايلة
والموضوع يخلى الإنسان يفتش فى ذاكرته جيدا قبل الرد لأن كل واحد فينا بيتعرض لمواضيع ووقفات كتير خلال حياته وكلها بتعدى بس فى مواقف أو موضوعات بتسيب أثر جامد مبيتمحيش على مر السنين، وبيغير نظرتنا سواء للحياة كلها، أو على الأقل لجوانب فيها
أنا الموقف اللى هزنى بجد وعرفنى قيمة وحجم الحياة التى نحياها وإننا بنكبر مواضيع متستهلش أو على الأقل بنديها أكبر من حجمها، ونخليها تغطى على المواضيع الأساسية فى حياتنا زى أهمية القرب من الله ورضاه عنا.
الموقف هو وفاة أمى مش بس لأنها توفت، لأ هى كانت موصية إن محدش يدخل عليها أثناء الغُسل إلا أشخاص محددين والحمد لله ربنا وفقنا لتحقيق ما أوصت به، وأنا كنت من الأشخاص اللى طلبت منى إنى أحضر الغُسل بتاعها، وطبعاً شاركت فيه بالفعل - ودى كانت أول مرة فى حياتى، وليس فقط بالحضور ولم أتركها لحظة إلا لحظة نزولها إلى بيتها الجديد لأنهم لم يسمحوا لنا أن ننزل معها للأسف.
والحمد لله أمى فى وفاتها كانت كأنها نائمة بل كانت فى أحسن أحوالها ووجهها جميل وقد زال عنه معالم الألم وظهرت عليه الراحة، وذلك على الرغم من قضائها ليلة فى ثلاجة المستشفى للأسف وهو مالم أستطيع أن أمنعه أو أتفاداه ولا أعرف كيف أعتذر لها عن ذلك ولكن يعلم الله أنه لم يكن فى يدى حيلة.
ولكن التجربة غيرت نظرتى لموضوع الموت أنا أقبل التجربة دى مكنش الموضوع فى دماغى أصلا يعنى كنت عايشة حياتى عادى جداً أه محجبة وملتزمة بس برضه كان الموت بالنسبة لى بعيد بس لما كنت مع مامتى حسيت إنى مش خايفة منه لأ بالعكس حسيت إنى لامساه، وإنه شئ عادى مجرد نقلة مرحلية فى حياتنا، فلم يعد موضوع بعيد عنى أو لا أستطيع أن أتصوره أن يحدث لى بمعنى لسة بدرى اللى دايما بنقولها لنفسنا، لأ حسيت إن الموضوع بسيط جداً وممكن يحصل فى أى وقت وإنه مجرد إنتقال فى المكان يعنى بمعنى أصح تغيير للعنوان وهذا ما أشعر به عندما أفتقد أمى وأذهب لزيارتها أشعر أنى ذاهبة لرؤيتها فى منزلها الجديد.
والأهم إنه أشعرنى بضرورة أن أستعد لها بما أستطيع وبما يمن علىّ الله به من نعمة القرب منه، وأصبح إهتمامى الأساسى الدعاء لأمى والصدقة والترحم عليها وعلى أموات المسلمين جميعا وقراءة القرآن وإهدائه لها، وليس هذا فقط فقد أفادنى ذلك أنه زاد قربى من الرحمن فلم أشعر بالوحدة بعد وفاة أمى لشعورى أن الله موجود معى، وأقول لشعورى وليس لمعرفتى فكلنا نعلم أنا الله موجود لكن أن تشعر بذلك موضوع له طعم تانى، طعم حلو جداً لم أجد حلاوة لأى شئ فى الحياة تقاربه, ولن يفهم كلامى إلا من ذاق تلك الحلاوة، أدعو لكم أن تذوقوا جميعا حلاوة القرب من الله وحلاوة اللجوء إليه.
على فكرة أنا مش متشاءمة خالص ولا مكتئبة ولا أى كلام من ده بس علشان محدش يفهم الموضوع غلط، أنا بس مفهومى للحياة تغير ومن وجهة نظرى للأفضل
بجد مش عارفه اقولك ايه .....!
انا هقولك انك جميله...... قولك ان ربنا بعتك ليافى الوقت المناسب حتى بثبتنى اكتر
واعرف ان فى اشياء اهم بكتير كنت غافله عنها بجهل منى ويادوب ببدأ افوق الاقى كل ده بيحصلى
والاقى ربنا بيثبتنى والاقى ربنا بعتك ليا عشان تخلينى اقرأ كلامك واتأثر بيه لدرجه اصابتى بهستيره بكاء
بحيكى على شجعتك .. هقولك ان تجربتك ديه بمثابه نقطه تحول اخرى ليا
اختى العزيزه اتمنى من الله يثبتك ويقويكى وتكونى خير الابنه الصالحه التى تدعى لامها وتدعى لكل المسلمين جميعا
وفى النهايه هقولك شرفتينى واتمنى انك تكونى دائما معانا بالمنتدى
enrique_raul
28-11-2005, 12:47 AM
amiraaa
enrique_raul
لو مكنتش قولت قطه يمكن مكنتش رجعت :evil_lol:
طبعا يا ابو المجد احنا اسره واحده وده اللى خلانى مقدرش ابعد عن اخواتى لانى بجد بحبكم
وانت اخويا الصغير كمان :msn-wink:
لأ بقي انتي كده ظالماني انا اخوكي الصغير ده فارق سنع واحده بس علي العموم انتي اللي بتكبري نفسك
وده احسن قرار خدتيه يا اميره عشان احنا هنا كلنا مش نقدر نبعد عن بعض لازم نكون مع بعض علي طول في بيتنا التاني
Dentist_Keko
04-12-2005, 11:44 AM
هاااااااااااااااااااي اميرة لو لسه بتابعي موضوعك دوت فهو جميل جدا جدا جدا
وانا بقرا موضوعك ده كنت مستعجل رايح الكليه
انا لسه هقعد معاه قعده طويله انا لسه صغير ومحتاج خبرات ناس كتير وفعلا من قراءتي العابره لقيت فيه كلام كويس وتجارب مفيده
الي الامام دائما يا اميرة وادعيلي بالتوفيق في الكليه الصعبه دي ولو انها مش صعبه انا بس اللي مهمل
وان شاء الله اكتبلك عن نقط التحول في حياتي ولو انها مليانه وهتزهقوا منها
باااااااااااااااي مؤقتا اخوكي كيكو
amiraaa
21-12-2005, 05:36 AM
بسم الله الرحمن الرحيم
السلام عليكم ورحمة الله وبركاته
الاخت الاميرة.....أميرة
كلماتك ببساطة تعبر عن مدى صدقك نيتك مع الله....لانك ذقت الايمان
حتى ولو كانت مده قصيرة...لكنك ذقتيه...واحسست بحلاوته التى لا يستطيع ان يرتوى منها ابدا..ولو طالت
تعرفى...
انا قرات موضوعك فى البداية...ومع انى اعرفه كويس جدا....لكن ما كنتش لاقى دفعة قوية من جوايا انى استحضر المواقف اللى سببت لمجرى حياتى تحول...
الاعترافات بتاعتنا هيه اللى فتحت الطريق لقلوبنا عشان على الاقل حتى لو ما كتبناش نقاط تحول حياتنا....يبقى استحضرناها من اعماق قلوبنا...واسترجعناها بين ذكرياتنا...
الفكرة مش فى انى عارف ان ربنا جنبى....وبيساندنى فى مواقف حياتى
الفكرة انى حسيت ازاى ربنا جنبى....بكل عظمته اللى بستمد منها ايمانى بيه...
وبكل رحمته اللى بيظلل بيها مشاعرى فى كل وقت...
وبكل حبه اللى بيعلمنى احب كل شئ واى شئ فى سبيله وفى رضاه ومن ثم فى سعادتى...
التحول عندما يكون فى توبة من بيده مافى السماوات وما فى الارض....عليا انا الضعيف جدا جدا جدا....يبقى مش نقطة لتحول....
وانما بداية لسعادة...تسكن فيها حياتى...
شكرا لموضوعك....اللى حرك المشاعر دى كلها لتنتج ردودا...لا يوجد اجمل منها...
وفقك الله لكل عمل ولاى عمل.....فى رضاه...وحبه...والى جنته
اولا مفجأه جميله جدا انى الاقى زميلى واخويا الكبير بيرد فى موضوع ليا فى المنتدى
متصورش يا احمد انا اتبسط ازاى لما شوفت اسمك....
كلامك جميل وشجعنى اكتر .. ربنا يكرمك يا احمد ويوفقك فى حياتك ويثبتك
amiraaa
21-12-2005, 06:48 AM
هاااااااااااااااااااي اميرة لو لسه بتابعي موضوعك دوت فهو جميل جدا جدا جدا
وانا بقرا موضوعك ده كنت مستعجل رايح الكليه
انا لسه هقعد معاه قعده طويله انا لسه صغير ومحتاج خبرات ناس كتير وفعلا من قراءتي العابره لقيت فيه كلام كويس وتجارب مفيده
الي الامام دائما يا اميرة وادعيلي بالتوفيق في الكليه الصعبه دي ولو انها مش صعبه انا بس اللي مهمل
وان شاء الله اكتبلك عن نقط التحول في حياتي ولو انها مليانه وهتزهقوا منها
باااااااااااااااي مؤقتا اخوكي كيكو
ازيك يا كيكو وربنا يعينك فى الكليه :bye10000:
طبعا هستناك تحكلنا على نقطه تحول فى حياتك واطمن مش هنزهق:msn-wink:
شرفتنى ومستنينك
nova2006
23-12-2005, 03:31 PM
عزيزتى اميره مبروك ليكى اول موضوع وان شاء الله يكون ليكى مئات الموضوعات المفيده واحب ان احكى عن نقطه التحول فى حياتى وهى لقائى بانسان عزيز على قلبى التقيته وانا كنت فى غايه اليأس من الحياه فحول اليأس الى تفاؤل وحول الحزن الى فرحه وبعد ما كانت الحياه مجرد ايام تمر بلا اى شعور حقيقى بانى اعيش فعلا جعل لحياتى معنى وهدف هو ليس مجرد حب فى حياتى بل هو سر وجودى ارجو من الله ان يديم علينا الحب والاحترام (ارفعوا ايديكم وادعو له بالهدايه فهو شديد الغيره)
amiraaa
29-12-2005, 06:20 AM
عزيزتى اميره مبروك ليكى اول موضوع وان شاء الله يكون ليكى مئات الموضوعات المفيده واحب ان احكى عن نقطه التحول فى حياتى وهى لقائى بانسان عزيز على قلبى التقيته وانا كنت فى غايه اليأس من الحياه فحول اليأس الى تفاؤل وحول الحزن الى فرحه وبعد ما كانت الحياه مجرد ايام تمر بلا اى شعور حقيقى بانى اعيش فعلا جعل لحياتى معنى وهدف هو ليس مجرد حب فى حياتى بل هو سر وجودى ارجو من الله ان يديم علينا الحب والاحترام (ارفعوا ايديكم وادعو له بالهدايه فهو شديد الغيره)
ربنا يبارك لكم ربارك عليكما ويوفقكم فى حياتكم :icon2600:
حقيقى اجمل نقطه تحول ممكن تحصل للانسان فى الدنيا انه يلاقى نصه التانى
شرفتينى :bye10000:
alimehdi
07-02-2006, 11:22 AM
يا اخت اميرة موضوعك مهضوم قوي واقل مايمكن قوله انه امير المواضيع شجعتيني لاحضر موضوع يخصني
اما عن نقطة التحول في حياتي فهي
انا كنت ادرس في الجامعة وفي غفلة تامة ان احب ان اسميها غيبوبة انتو عارفين حال الجامعات كل ما كنت اعمله هي الصلاة في البيت و في الفترة دي كان عندي صديق ابن حارتي كان مواظب على صلاة الجماعة وكان يقول لي كل يوم تعال معاي نصلي الفجر في المسجد كنت اقوله امرة الجاية وحاول معاي كثير لكن الغيبوبة شديدة وحدث في هده الفترة انطلاق الانتفاضة الفلسطينية و رايت الصور الشنيعة في التلفزيون ......
البقية في الحلقة الثانية :msn-wink:
amiraaa
19-05-2006, 11:40 PM
يا اخت اميرة موضوعك مهضوم قوي واقل مايمكن قوله انه امير المواضيع شجعتيني لاحضر موضوع يخصني
اما عن نقطة التحول في حياتي فهي
انا كنت ادرس في الجامعة وفي غفلة تامة ان احب ان اسميها غيبوبة انتو عارفين حال الجامعات كل ما كنت اعمله هي الصلاة في البيت و في الفترة دي كان عندي صديق ابن حارتي كان مواظب على صلاة الجماعة وكان يقول لي كل يوم تعال معاي نصلي الفجر في المسجد كنت اقوله امرة الجاية وحاول معاي كثير لكن الغيبوبة شديدة وحدث في هده الفترة انطلاق الانتفاضة الفلسطينية و رايت الصور الشنيعة في التلفزيون ......
البقية في الحلقة الثانية :msn-wink:
اسفه انى اتأخرت فى الرد جدا
اصل ده اول موضوع ليا بالمنتدى افتكرت انه خلاص اتنسى :in_love0:
بس انا هستنى الحلقه القادمه عشان اعلق:bye10000:
alimehdi
24-05-2006, 01:53 AM
يا أخت أميره الأميره أنا كدت أنسى إني شاركت في الموضوع ده
المهم إني قعدت أبحث إيه أسباب الذل والهوان ده وإيه سبب عدم إكتراث الكفار بأمة تعدادها يتجاوز المليار فلاحظت تردد الآية إن تنصرو الله ينصركم على ألسنة الدعاة والعلماء فبحثت عن طريق نصرة الله فعلمت أن نصر الله يكون بطاعته و اتباع نبيه فاستيقنت هزيمة المسلمين حتى لو جمعو العدة والعتاد لأنهم مهزومين قبل مايحاربو هزيمه نفسية نكراء وعلمت كذلك أن بكائي أمام التلفزيون الذي يعرض صور مجازر جنين و الحمية الزايده و سب الحكام العرب إنما هو نفاق وأنو صلاة الفجر جماعه التي كان يعزمني عليها صاحبي حتكون بداية نصرة الله وفعلا بدأت إصلاح نفسي وبدأت أحس التغيير والفرق بين الحياتين أو بالأصح بين الحياة والموت دي هي نقطة التحول في حياتي ياست أميره لأول مره أحكيها لحد
gemy_000
08-06-2006, 03:25 AM
حيلتي هو يوم سفري للعمل بالخارج بس للاسف متوفقتش ومكملتش
amiraaa
09-06-2006, 04:28 AM
يا أخت أميره الأميره أنا كدت أنسى إني شاركت في الموضوع ده
المهم إني قعدت أبحث إيه أسباب الذل والهوان ده وإيه سبب عدم إكتراث الكفار بأمة تعدادها يتجاوز المليار فلاحظت تردد الآية إن تنصرو الله ينصركم على ألسنة الدعاة والعلماء فبحثت عن طريق نصرة الله فعلمت أن نصر الله يكون بطاعته و اتباع نبيه فاستيقنت هزيمة المسلمين حتى لو جمعو العدة والعتاد لأنهم مهزومين قبل مايحاربو هزيمه نفسية نكراء وعلمت كذلك أن بكائي أمام التلفزيون الذي يعرض صور مجازر جنين و الحمية الزايده و سب الحكام العرب إنما هو نفاق وأنو صلاة الفجر جماعه التي كان يعزمني عليها صاحبي حتكون بداية نصرة الله وفعلا بدأت إصلاح نفسي وبدأت أحس التغيير والفرق بين الحياتين أو بالأصح بين الحياة والموت دي هي نقطة التحول في حياتي ياست أميره لأول مره أحكيها لحد
الله
بارك الله فيك واكرمك
انت جيت على وتر حساس عندى وعند معظم الناس
الناس اللى بتسأل هو ايه اللى بيحصل للمسلمين ده
نسينا (إن تنصرو الله ينصركم ) .. واحنا للاسف !!!!
قبل كده سمعت من دكتور مش فاكره اسمه بصراحه..
بس قال ان المعركه الحقيقيه اللى المفروض نخوضها هى اللى ضدد اهوائنا وشهواتنا
وبعد ما ننتصر فى هذه المعركه اللى ضدد انفسنا
هيكون المعركه اللى جايه بعد كده اهون واسهل
لان ربنا هيكون راضى عننا وهينصرنا
يعنى اى حاجه بتحصلنا ... احنا السبب فيها
وزى ما انت اخى الكريم بدأت بنفسك احنا كمان لازم نبدأ بنفسنا اولا
حقيقى مشاركه جميله منك اخى
واسفه وبكرر اسفى على التأخير فى الرد الاول والثانى :in_love0:
اكرمك الله ووفقك لما يحبه ويرضاه
amiraaa
09-06-2006, 04:35 AM
حيلتي هو يوم سفري للعمل بالخارج بس للاسف متوفقتش ومكملتش
اخى gemy
انا مش عايزاك تضايق نفسك
تأكد ان اللى حصلك ده خير
ويمكن ربنا هيوفقك فى سفر تانى افضل
متزعلش :fruits_c:
vBulletin v3.6.10, Copyright ©2000-2008
Translated by www.hostarab.com