سؤال عن نجم كبير بجانب القمر اراه كثيرااااااااا

[ماريان و بس]

يا جماعه انا على طول بشوف لما السما تكون
صافيه جدا .. بشوف نجمه كبيره جدا جنب القمر
وملازماه على طول ..
ايه النجمه دى ؟؟؟؟؟؟؟؟؟؟؟؟؟:jap:

[waleed mohamad]

مافيش حاجه اسمها على طول النجمه دي بتكون جمب القمر
علشان القمر بيتحرك علطول وبيدور حول الارض ... والارض كمان بتلف
يبقى ازاي النجمه دي ثابته جمب القمر !!
بصي تاني عليها لما السما تكون صافيه وانتي مش حتلاقيها
المعروف ان فيه نجمه كبيره في السما وهيا كوكب الزهره ممكن تكون الي انتي شوفتيها

[MeSoOo™]

ممكن توضحي اكتر اختي ؟؟؟

هل ترينها بدون عدسات اي بالعين المجرده ؟؟؟ هل في وقت محدد؟

مكانها اين بالضبط ؟؟
ياريت توضحيلنا اكتر ...

[chebeno]

لا يمكن لان الارض تكون جاذبيه قد تكون هذه ظاهرة جديده او علامه من علامات يوم الحساب

[chebeno]

:glasses:لا يمكن لان الارض تكون جاذبيه قد تكون هذه ظاهرة جديده او علامه من علامات يوم الحساب

[ماريان و بس]

ممكن توضحي اكتر اختي ؟؟؟

هل ترينها بدون عدسات اي بالعين المجرده ؟؟؟ هل في وقت محدد؟

مكانها اين بالضبط ؟؟
ياريت توضحيلنا اكتر ...
أنا اراها كثيرااااا بالعين المجرده وبالذات فى فصل الصيف والسماء تقريبا صافيه
بس دى نجمه كبيره وبتلمع اوى لدرجه انى كنت فاكراها تابعه للقمر
وده طبعا لانى مبتدأه فى مجال الفضاء:0:

لا يمكن لان الارض تكون جاذبيه قد تكون هذه ظاهرة جديده او علامه من علامات يوم الحساب

لا اعتقد ذلك .. لكن عموما علامات القيامه الصغرى كلها ظهرت
اطمئن ... والحق اعمل حاجه كويسه :jap:

مافيش حاجه اسمها على طول النجمه دي بتكون جمب القمر
علشان القمر بيتحرك علطول وبيدور حول الارض ... والارض كمان بتلف
يبقى ازاي النجمه دي ثابته جمب القمر !!
بصي تاني عليها لما السما تكون صافيه وانتي مش حتلاقيها
المعروف ان فيه نجمه كبيره في السما وهيا كوكب الزهره ممكن تكون الي انتي شوفتيها

واحده واحده عليا يا اخى الكريم
انا بس وصلت وجهه نظرى .. لانى مش محترفه زيكوا:whistle:

[فلسطيني العروبة]

انا باعرف النجم الواضح جنب القمر هو كوكب الزهرة

[MAHMOUDSAID.NET]

احتمال كبير يكون كوكب الزهرة

بس هوا بيظهر فى اى وقت وفى اى ساعة؟

وعمره ما هيكون ثابت بجوار القمر دايما لان القمر يدور فى مساره ويتحرك دائما .

[karem2007]

الله اعلى اعلم

[ms_ms30]

السلام عليكم ورحمة الله وبركاته
اختي الكريمة ارجو ان تجاوبي علي هذه الاسئله
1- هل الجرم الذي تراه ثابت الاضاءة ام يتلالا ؟
2- في اي وقت تريه ؟ وهل يظهر يوميا في نفس المكان ؟
3- ما هو اخر مرة رايته فيه ؟

[ماريان و بس]

السلام عليكم ورحمة الله وبركاته
اختي الكريمة ارجو ان تجاوبي علي هذه الاسئله
1- هل الجرم الذي تراه ثابت الاضاءة ام يتلالا ؟
2- في اي وقت تريه ؟ وهل يظهر يوميا في نفس المكان ؟
3- ما هو اخر مرة رايته فيه ؟

ايه يا جماعه :41:
هو الموضوع صعب للدرجه دى ؟؟؟؟؟؟؟ :whistle:

عموما هى نجمه متلألأه جدا بجوار القمر
اشاهده فى فصل الصيف بكثره
ومن تلألأها اعتقدت انها تدور بسرعه حول نفسها لانها
متلألأه جدا
حاولت اشوفها بكاميرا فيديو الاوبتيكل زووم عالى ومعرفتش
لانها مشعه جدا

عموما لو شوفتها هصورها باى طريقه
او اقلوكوا انها موجوده الليله مثلا اخرجوا وشاهدوها

ياجماعه الموضوع بسيط جدا بس كل الحكايه كنت عايزه اعرف ليه
النجمه دى حجمها كبير بالنسبه لباقى النجوم ومتلألأه زياده ليه ؟

بس .......... وشكرا لكل من تعاون

[abvt]

السلام عليكم....
والله ياجماعه انا بشوف النجمة دى من شهر فبراير 2007 ولسه لغاية انهاردة بشوفها ولكنى مش عارف هى ايه بالضبط.
وبالنسبة للاخوة اللى بيقولوا ان هى ممكن تكون كوكب الزهرة فانا كنت بشوف كوكب الزهرة فى مكان وهى فى مكان تانى خالص والكلام ده كان من آخر عشر ايام فى رمضان لما الزهرة كان بيظهر قبل وقت الفجر وخلاص الزهرة بئى مش بيظهر وهى مازالت بتظهر .
وموقعها دلوقتى يمين اتجاه القبلة يعنى ادى وجهك للقبلة وبعدين استدير ناحية اليمين هتلائى حاجة منورة وتتلألأ.
وعلى فكرة هى بدأت تزداد فى اللمعان مؤخرا اكتر من الاول .مش بقولكم بشوفها من فبراير 2007 .
وربنا يستر..........

[rey_mysteriowww]

السلام عليكم ,
اعتقد انتى تقصدين كوكب المشترى ياماريان ,
هو المع جرم يشرق حاليا مجاور للقمر.

[ماريان و بس]

السلام عليكم ,
اعتقد انتى تقصدين كوكب المشترى ياماريان ,
هو المع جرم يشرق حاليا مجاور للقمر.

ايه ده ؟؟؟؟ :oh:

معقوله النجمه اللى بتلمع اوى دى كوكب المشترى ؟؟؟؟؟

طب اللى اعرفه ان اى كوكب بيدور حول محوره ببطء :whistle:

ليه النجمه اللامعه دى لو دققت النظر هتلاقيها بتلف بسرعه ؟

وياترى عندك صوره اوضح من كده شويه بس يكون القمر جنبها؟

واشوفها من خلال منظار كاسر ويكون كام X تقريبا ؟؟؟؟؟؟؟

وشكرا لك

[rey_mysteriowww]

السلام عليكم,
نعم ياماريان ممكن جدا يكون كوكب المشترى.
انا معرفش انتى منين , لكن سأعتبرك من مصر مثلى , انظرى الى جنوب شرق حوالى الساعة 2 صباحا , ستجدى جرم لامع جدا اشرق وسط نجوم اقل منه لمعانا , هذا هو كوكب المشترى.
وبعدها بحوالى ساعة سيشرق القمر.
ان كان هذا ما رأيته فهو المشترى لا شك.
بس انا عاوز اعرف حاجة هو انتى بترصدى بتلسكوب ولا بالعين المجردة؟

[rey_mysteriowww]

اما بالنسبة لكوكب الزهرة , فهو الان يشرق حوالى الساعة 5 صباحا , فسترى انه بعيد عن القمر , فانا لا اعتقد انه هو الجرم المقصود.

[ms_ms30]

اختي العزيزة
الموضوع بسيط جدا وليس معقد ولكن انت لم تعطي معطيات كاملة واما بالنسبة لاسلتي فالمراد بها ان كان يتلالا فهذا يعني انه نجمة اما ان كان ثابت الاضاءة فهذا يعني انه كوكب فهذا سوف يسهل عملية البحث ثانيا المقصود بالوقت لمعرفةالنجم في اي كوكبة وبالتالي من السهل معرفه اسمه
فالموضوع ليس معقد او صعب وانما هذه اسئلة عادية لتحديد المطلوب

[ماريان و بس]

السلام عليكم,
نعم ياماريان ممكن جدا يكون كوكب المشترى.
انا معرفش انتى منين , لكن سأعتبرك من مصر مثلى , انظرى الى جنوب شرق حوالى الساعة 2 صباحا , ستجدى جرم لامع جدا اشرق وسط نجوم اقل منه لمعانا , هذا هو كوكب المشترى.
وبعدها بحوالى ساعة سيشرق القمر.
ان كان هذا ما رأيته فهو المشترى لا شك.
بس انا عاوز اعرف حاجة هو انتى بترصدى بتلسكوب ولا بالعين المجردة؟

بس انا عرفت ان الكوكب ثابت الاضاءه ولا يتلألأ هكذا
كأنك ماسك قطعه كريستال وربطها فى دوباره ثم سلطت عليها
ضوء ثم لفتها .. سوف تتلألأ .. عموما الرد بتاعك هو اقرب رد
ممكن يكون مقنع .. وعلى فكره انا مش معايا تليسكوب
ولا اى حاجه .. انا لسه مبتدأه بس مجنونه بالفضاء :jap:

اختي العزيزة
الموضوع بسيط جدا وليس معقد ولكن انت لم تعطي معطيات كاملة واما بالنسبة لاسلتي فالمراد بها ان كان يتلالا فهذا يعني انه نجمة اما ان كان ثابت الاضاءة فهذا يعني انه كوكب فهذا سوف يسهل عملية البحث ثانيا المقصود بالوقت لمعرفةالنجم في اي كوكبة وبالتالي من السهل معرفه اسمه
فالموضوع ليس معقد او صعب وانما هذه اسئلة عادية لتحديد المطلوب

اشكرك جدا .. بس انا كنت اعطيتكم معطيات كثيره جدا
وانظر الى اول الموضوع .. عموما انت ايه رأيك فى كلام الاخrey_mysteriowww
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مع العلم انك قولت ان الكوكب لا يتلألأ واضائته ثابته ؟ :whistle:

[rey_mysteriowww]

السلام عليكم,
بالنسبة لتلألؤ (مش عارف اتكتبت صح ولا لأ) الجرم , فهو فعلا الكوكب لا يتلألأ والنجوم تتلالأ , الا اذا كان الجرم المرصود قرب الافق لأن الغبار فى الغلاف الجوى قرب الافق يجعل الكوكب ايضا يتلألأ.

بصى يا ماريان , انا انصحك تنزلى برنامج محاكاة فلكى من الموجودين هنا فى المنتدى , انتى هتزودى البرنامج بمكانك وبالوقت عندك هيديكى صورة طبق الاصل لشكل السماء, بس , هتلاقى بقى القمر وكل الاجرام اللى حواليه ومكتوب اساميها وانتى من الشكل واللمعان هتعرفى كل حاجة .

انا انصح جدا بموضوع البرنامج ده , لأنى اول ما اهتميت بالفلك كان فى الشتاء والجو برد جدا وكنت بكسل اطلع ابص عالسماء , فكنت بفتح البرنامج و احاول احفظ ترتيب المجموعات النجمية وشكلهم وفضلت كده شهر.
واول ما اشتريت التلسكوب طلعت فوق السطح ونظرت للسماء لأول مرة بعين فلكية وقدرت اتعرف على حاجات كتييييييرة قوى. فلو معندكيش تلسكوب ازدادى خبرة عن طريق البرنامج.
انا بحب برنامج starry night جدااااااااااااااااا

[ms_ms30]

انا معك اخي الكريم ان الكواكب تتلالا اذا كانت قريبة من الافق ولكن يجب الوضع في الحسبان ان الكواكب تتحرك في صفحة السماء

اما بالنسبة لرائي في كلام الاخ rey_mysteriowww فانا حتي الان لا اعرف ان كان الجرم يتلالا ام لا

وعموما اذا كان ثابت الاضاءة اي كوكب فاليك الاتي

1- فالمريخ هو ذلك الجرم اللامع والأحمر (البرتقالي المصفر ) بالقرب من الثريا ( الثريا هي العنقود النجمي الصغير مكون من سبعة نجوم متجمعة في أقل من مساحة قبضة اليد ونراها ليلاً فوق رؤوسنا مائلة قليلاً إلى الغرب ) .

2- أما زحل فهو الكوكب الأصفر الذهبي الشاحب يرى بعكس اتجاه المريخ مائلاً إلى الشرق وهو ألمع جرم فوق رأسنا من الجهة الشرقية ، أي أنه الأبعد ناحية الشرق بين الجوزاء والسرطان

3- والزهرة ترى صباحاً ولا تحتاج إلى خبرة فهي الألمع وهي متوهجة ونراها جهة الشرق بعد الفجر أو حتى قبله .

4- في حين أن المشتري يرى كذلك صباحاً لكنه مائل نحو الغرب وهو أقل لمعاناً من الزهرة بقليل ( ابيض مصفر ) .

5- أما عطارد فيرى بعيد غروب الشمس لكنه قريب جدا من الأفق ومحاولة رصده هي لمن سيكون مبدعا .


وفي النهاية انصحك بقتناء احد البرامج المحاكاة للسماء :-

مثل برنامج Starry Night من البرامج الجيدة او برنامج winstar

[rey_mysteriowww]

تمام كلامك

[خريج قديم]

السلام عليكم
الفرق بين النجم والكوكب عند النظر بالعين المجردة هو ان النجم تجده يتلالا اي يلمع ثم يخبو قليلا، وتختلف درجة التلالا حسب نوع النجم وحجمه، اما الكوكب فهو ذو إضاءة ثابتة لا تتغير.
وللعلم فإنه من الصعب ملاحظة اي نجم او كوكب وهو يدور حول نفسه وذلك بالعين المجرة او حتى بالتلسكوبات الصغيرة ويلزم لها تليسكوب يتحرك اليا عند متابعة الجرم السماوي ومتابعته لفترة طويلة كذلك.

[k50_]

انا عارف النجمة دي
وديما بشوفها وبتظهر بليل عادي جدا حتي الساعة عشرة او حداشر بليل
وفعلا بتكون غالبا جمب القمر , بس مش ف كل الاوقات
بس كتير بشوفها ونفسي اعرف هيا اسمها ايه ولا اي معلومات عنها !