مشكلتى مع nokia 6630 أرجو المساعدة

[shady_science]

انا عندى نوكيا 6630 من سنة تقريبا وشغال كفاءة الحمد لله بس عندي مشكلة ان كل بطارية تشتغل عليه تخلص بعد نص يوم بس وكل مايقرب من التلفزيون يحصل الذبذبات اللى كلنا عارفنها لما يكون فى اتصال او رسالة وعرفت انه بيبعت رسايل لرقم معين هو 339600394 من log وانا مش عارف ده ايه لو كان فيرس انا عايز الانتى فيرس اللى يمسحه ولو كان حاجة تانية؟ ايه الحل
أرجوكوا ساعدونى

[medoop]

لو جايبو جديد واديه الضمان علشان دة عيب دبرة الشحن بتهرب شحن بسرعة و الرسالة الى بتتبعت دى هتقف لوحدها مفيش خوف منها

[Mr.Albert]

بص يا سيدي الفيرس الغلس ده عدى علي و دوخت لغاية ما عرفت طريقة إزالته و هي الآتي :
لو عند أي فايل مانجر على الموبايل زي فايل مان أو سلكيو إفتح السي ثم إفتح السيستم ثم المجلد Apps دور فيه على مجلد اسمه جوردان Jordan أول ما تشوفه إمسحه من غير ما تفتحه و بعد كده إطلع و إدخل في درايف E ثم السيستم ثم Apps و برضه دور على نفس المجلد السابق و أول ما تشوفه إمسحه من غير ما تفتحه و بعد كده إعمل ريستات للجهاز و إنشاء الله مش هيكون فيه حاجة خالص بس مشكلة الشحن دي مش عارف إيه سببها بس يمكن علشان بيبعت الرسايل دي بيخلص الشحن و ياريت ترد علي و تقول طريقة إزالة الفيرس نفعت و لا لأ ؟؟
و أي خدمة يا باشا

[lancer glx]

بص يا سيدي الفيرس الغلس ده عدى علي و دوخت لغاية ما عرفت طريقة إزالته و هي الآتي :
لو عند أي فايل مانجر على الموبايل زي فايل مان أو سلكيو إفتح السي ثم إفتح السيستم ثم المجلد Apps دور فيه على مجلد اسمه جوردان Jordan أول ما تشوفه إمسحه من غير ما تفتحه و بعد كده إطلع و إدخل في درايف E ثم السيستم ثم Apps و برضه دور على نفس المجلد السابق و أول ما تشوفه إمسحه من غير ما تفتحه و بعد كده إعمل ريستات للجهاز و إنشاء الله مش هيكون فيه حاجة خالص بس مشكلة الشحن دي مش عارف إيه سببها بس يمكن علشان بيبعت الرسايل دي بيخلص الشحن و ياريت ترد علي و تقول طريقة إزالة الفيرس نفعت و لا لأ ؟؟
و أي خدمة يا باشا


فعلا كلام مظبوط 100% وممكن عن طريق الريدر وتحط فيه الميمورى وتوصله بالكمبيوتر وتعمل اللى قالك عليه Mr. Albert

[shady_science]

شكراااااااا يا جماعة على الاهتمام انتوا كلامكم مظبوط 100% بس الحقيقة هى اختفت من عندي لواحدها وبعدين انا مش عندي ملف بالاسم ده باسم تانى هو gauardian مش jordan
وشكرا على مساعدتكم مرة تانية

[shady_science]

نسيت اقول ان البطارية كانت بتخلص شحن بسبب الموضوع ده وهى دلوقتى كفاءة زي الاول