ذكريات الطفوله

[ramaa]

السلام عليكم:)

يارب تكونوا كويسين .........:)

انا كنت سرحانه في ملكوت الله ........واذ فجأة ....خطرتلي فكرة :5shocking

وهي ايه رأيكم نسترجع ذكريات الطفوله ........

يعني اكيد كل واحد وهو صغير كان مميز في حاجه او معروف عنه حاجه معينه ....

فياريت يدخل يقول عليها ........لانها غالبا بتكون حاجه تضحكنا ......:D

يارب الفكرة تعجبكم ..........والاقي تفاعل من الجميع :smiletest

[Mezo_germany]

ياااااااااااااه انتي فين ياراما ... يارب تكوني بخير

بصوا بقي هي مش طفوله قوي يعني بس اهو ، كنت في سنة خمسة ابتدائي وبعد ماجبت النتيجة قلت لواحد صاحبي تعالي نروح ماتش النهائي بتاع الكاس كان باين مابين ( الأهلي - المنصورة ) انا اساسا مش بحب الأهلي بس قلت يلا خروجة والسلام ، وغم ان العبد لله ساكن لزق في الأستاد الا اني خرجت من الباب الي علي البانورما مش المعرض فطبعا كنت صغير انا وصحبي الصراحة من غير تريقة انا الي عيطت وهو بقلب جامد والله وقف في وسط الطريق ووقف عربية بوكس شرطه وقلهم انا وصاحبي تاييهين وعاوزين نروح :) فخدونا ووصلونا البيت ، من ساعتها مرحتش متشات تاني خالــــــــص :D هو انا ناقص بوكسات

[ramaa]

ياااااااااااااه انتي فين ياراما ... يارب تكوني بخير

بصوا بقي هي مش طفوله قوي يعني بس اهو ، كنت في سنة خمسة ابتدائي وبعد ماجبت النتيجة قلت لواحد صاحبي تعالي نروح ماتش النهائي بتاع الكاس كان باين مابين ( الأهلي - المنصورة ) انا اساسا مش بحب الأهلي بس قلت يلا خروجة والسلام ، وغم ان العبد لله ساكن لزق في الأستاد الا اني خرجت من الباب الي علي البانورما مش المعرض فطبعا كنت صغير انا وصحبي الصراحة من غير تريقة انا الي عيطت وهو بقلب جامد والله وقف في وسط الطريق ووقف عربية بوكس شرطه وقلهم انا وصاحبي تاييهين وعاوزين نروح :) فخدونا ووصلونا البيت ، من ساعتها مرحتش متشات تاني خالــــــــص :D هو انا ناقص بوكسات




:smiletest انا موجوده اهه ........:smiletest مش ناقصني غير اني اعرف انطلق في المنتدى زي زمان

بس كويس ان كان معاك واحد صاحبك :smiletest يعني مش كنت لوحدك :)

انا لمى بتوه بكون لوحدي ......واخر مرة تهت فيها كنت في اولى كليه اول لما نزلت

مصر .......بس ياريتني سكت لأه وده تيجي .........رحت وقفت وعيطت:eek:

ولغايه دلوقتي اذا تهت حتى اذا مش في حته مقطوعه ....لازم اترعب:eek:

بس اهم مافي الموضوع ان الواحد لما بيتوه بيعرف قيمته عند الناس;)

وشكرا لمشاركتك :)

تعالى كل يوم;)

[crimzon red]

ألا ليت الطفولة تعود يوما ! :p . فكرتيني بأحلى أيام بالدنيا ياراما.

لو على القصص الكوميدي، كلها كوميدي بصراحه. يعني اختاري أي عمر أي موضوع، اكيد في قصه :D

*معروفه بأيه؟ بصراحه اني كنت مهووسة باللون الأحمر. لما كنت صغننه خالص ومن قبل المدرسة حتى. أي حاجه أمي تجيبهالي لازم تكون أحمر.
فستان أحمر، بلوزة. حمرة, طيب يا ما ما غيري ابدا عايزة احمر ! ، حتى الجزمة افتكر زمان لففتهم قد ايه لحد ما لقيت وحده حمرة :p
لحد دلوقتي باخد تريقة لما حد يفتكر هذا الموضوع :o

[hemo1983]

و انا صغير كنت فاكر لو ورا العربية اللي أنا راكبها عربية نص نقل علبة المنديل عمرها ما تقع و كنت فاكر إن العربية وقت اللزوم ممكن تطير و بالمرة يا ميزو انا أكتر واحد في العالم تاه و أنا صغير و أنا في السعودية عند الحرم النبوي كنت علي طول لازم أتوه

[ramaa]

ألا ليت الطفولة تعود يوما ! :p . فكرتيني بأحلى أيام بالدنيا ياراما. لو على القصص الكوميدي، كلها كوميدي بصراحه. يعني اختاري أي عمر أي موضوع، اكيد في قصه :D
*معروفه بأيه؟ بصراحه اني كنت مهووسة باللون الأحمر. لما كنت صغننه خالص ومن قبل المدرسة حتى. أي حاجه أمي تجيبهالي لازم تكون أحمر.
فستان أحمر، بلوزة. حمرة, طيب يا ما ما غيري ابدا عايزة احمر ! ، حتى الجزمة افتكر زمان لففتهم قد ايه لحد ما لقيت وحده حمرة :p
لحد دلوقتي باخد تريقة لما حد يفتكر هذا الموضوع :o

فعلا الا ليت الطفوله تعود :o

أحمر من صغرك يا كريميزون ...........ده ادمان بقى :5headache

بس كويس انه لون مش صعب اوي يعني .........

وفي انتظار باقي طرائف كريميزون والطفوله ;)

[ramaa]

و انا صغير كنت فاكر لو ورا العربية اللي أنا راكبها عربية نص نقل علبة المنديل عمرها ما تقع و كنت فاكر إن العربية وقت اللزوم ممكن تطير و بالمرة يا ميزو انا أكتر واحد في العالم تاه و أنا صغير و أنا في السعودية عند الحرم النبوي كنت علي طول لازم أتوه

ههههههههههههههههههههههههههههههه:D

ايه العلاقه طيب ؟!!!!!!!!!:D

[ramaa]

طيب .....انا قلت اقول حاجه من حاجات اللي كنت معروفه بيها ..............

كنت معروفه اني بخاف من من كل حاجه غامقه :o

زمان كانت غرفه الطعام بتاعتنا بني غاااااااااامق (محروق يعني)....

المهم ان كان من المستحيل ان ع المغرب كده اروح الجهتها نهائي.......الا اذا في حد معايا

والسبب .........ومن غير ضحك ولا تريقه ...........

اني كنت بخاف تطلع عليا تضربني :o :eek:

مش عارفه ازاي ...بس فعلا انا كنت بشوف رجلها بتتحرك :D

بس انا قلت على حاجه اهه ومش عاوزة تريقه :smiletest يعني ديه بس البدايه :smiletest

[Mezo_germany]

عيطتي ؟؟؟؟ ليه دا انتي المفروض مش اقل من 18 سنة لما كنتي في اولي كليه ... :) طيب كنتي اندهيلي وانت كنت هتشوفي ، والله ولا واحد هيعبرك :D

أنا باجي والله انتي الي مش هناك خالص علي العموم يبقي اسأل بس :smiletest

[د. عماد الدين]

و انا صغير كنت فاكر لو ورا العربية اللي أنا راكبها عربية نص نقل علبة المنديل عمرها ما تقع و كنت فاكر إن العربية وقت اللزوم ممكن تطير و بالمرة يا ميزو انا أكتر واحد في العالم تاه و أنا صغير و أنا في السعودية عند الحرم النبوي كنت علي طول لازم أتوه


هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههه

[moodyelgamal]

و انا صغير كنت فاكر لو ورا العربية اللي أنا راكبها عربية نص نقل علبة المنديل عمرها ما تقع و كنت فاكر إن العربية وقت اللزوم ممكن تطير و بالمرة يا ميزو انا أكتر واحد في العالم تاه و أنا صغير و أنا في السعودية عند الحرم النبوي كنت علي طول لازم أتوه

هههههههههههههههههههههههه

أنا أنقح منك :rolleyes:

أنا مرة كنت واقف فى الشباك بابص ع السما ... و لقيت المفاجأة

شفت عربيات ( مش عربية واحدة ) طايرة فى الهوا و ماحدش يسألنى إزاى :eek:

أموت و أعرف إيه اللى أنا شفته عشان افتكره عربية :D :p

و شكرا يا ramaa على الموضوع الجميل

[mohammed2050]

هههههههههههههههههههههههه

أنا أنقح منك :rolleyes:

أنا مرة كنت واقف فى الشباك بابص ع السما ... و لقيت المفاجأة

شفت عربيات ( مش عربية واحدة ) طايرة فى الهوا و ماحدش يسألنى إزاى :eek:

أموت و أعرف إيه اللى أنا شفته عشان افتكره عربية :D :p

و شكرا يا ramaa على الموضوع الجميل

هههههههههههههههههههههههههههه

و الله ضحكت بجد

[ramaa]

عيطتي ؟؟؟؟ ليه دا انتي المفروض مش اقل من 18 سنة لما كنتي في اولي كليه ... :) طيب كنتي اندهيلي وانت كنت هتشوفي ، والله ولا واحد هيعبرك :D

أنا باجي والله انتي الي مش هناك خالص علي العموم يبقي اسأل بس :smiletest





وماله يعني لما اعيط؟؟؟؟!!!!!!!!!!!:5crackup: ها ماله :)

انا بعيط وانا تايه من غير ما اقصد :) يعني اصلا مش جميل ابقى في اولى كليه واعيط

في الشارع :o

اساسا انا لما حد بيقرب مني في الشارع باترعي وامشي ابعد جرييييييييييي:D

بس انا استاذه في الرعب والخوف...........انا احيانا بكون لوحدي في اللشارع بخاف من

خيالي .:o بذات اذا مش كنت واخده بالي انه خيالي:o

بس الحمد لله باكتشف انه خيالي...اي نعم بعد ما خلاص اكون اترعبت بس مش مشكله

[ramaa]

هههههههههههههههههههههههه
أنا أنقح منك :rolleyes:
أنا مرة كنت واقف فى الشباك بابص ع السما ... و لقيت المفاجأة
شفت عربيات ( مش عربية واحدة ) طايرة فى الهوا و ماحدش يسألنى إزاى :eek:
أموت و أعرف إيه اللى أنا شفته عشان افتكره عربية :D :p
و شكرا يا ramaa على الموضوع الجميل

هههههههههههههههههههههههههههه

يمكن كنت نايم ...........او سرب طيور مهاجرة كان معدي :D :D

والعفو يا فندم نورتنا بالمشاركه :)

[underground3]

انا بأة وانا صغير ماكنتش بخاف ولا باختشى من حد

مرة واحنا على الشط ماكنش بنسمع كلام ماما < كنا صغيرين خالص >
فجة خالى قال لماما العيال دول بيخافوا منى
فجاى بيقولى هاااااااااااااااااااااااااااااااااااا< بيهوشنى يعنى >
رحت جاى ضربة على وشة موقعلة النضارة
ونفس الحكاية عملتها مع بابا
ههههههههههههههههههههههههههههههههههههههههههههه

وشكرا يا راما على الموضوع الموضوع

[dodashawky2]

فجة خالى قال لماما العيال دول بيخافوا منى
فجاى بيقولى هاااااااااااااااااااااااااااااااااااا< بيهوشنى يعنى >
رحت جاى ضربة على وشة موقعلة النضارة

ههههههههههههههههههه
مش عارفة ليه يا اندرجراوند حاسة انك بتخاف من خالك اوي ههههههههههههه

و انا صغير كنت فاكر لو ورا العربية اللي أنا راكبها عربية نص نقل علبة المنديل عمرها ما تقع
هههههههههههههههههههههههههههههههههههههههههههههه
دة أنت خليت بطني وجعتني من كتر الضحك يا هيمو

أنا مرة كنت واقف فى الشباك بابص ع السما ... و لقيت المفاجأة
شفت عربيات ( مش عربية واحدة ) طايرة فى الهوا و ماحدش يسألنى إزاى
أموت و أعرف إيه اللى أنا شفته عشان افتكره عربية
هههههههههههههههههههههههههههههه
خير اللهم اجعله خير يا مودي
وبعدين ايدك اتخبطت في السرير اكيد
ضحكتني يخرب عقلك

[dodashawky2]

انا بقى كنت شقية مووووووووووت وانا صغيرة (وأنا صغيرة بس هااااااااا)
ححكيلكوا موقفين
مرة وانا صغيرة اوي استخبيت ورا المكيف ومن كتر الشقاوة طول اليوم نمت
وبابا ومامي خرجوا يدوروا عليا لما تعبوا من اللف
وطبعا مقولكوش الخضة بقى عليا كانت ازاي
ومصحتش غير على عياط مامي يا حرام ولما خرجت اقعدت اعيط عشان ميضربونيش هههههههه
بس على مين خدت علقة تمام

ومرة تانية كنت عندي سنة واحدة والجكاية دي بسمعها مع بابا ومامي كتير مووووووت
وللعلم كل لما يحكوها أعيط لحد من شهور بس سمعتها وبرضو عيطت
خايفة يحكوها لولادي واعيط قدامهم بعدين
الحكاية اني كنت برضو شقية موووووووت حتى من يومي
وفي يوم عيد ميلادي اول عيد ميلاد بحياتي كنت حتم سنة
بابا راح يجيبني من الحضانة لانه ومامي بيشتغلوا
لقاني متبهدلة عالاخر وكل حتى في جسمي لون
متشلفطة يعني
قالهم لأ دي مش بنتي ومش عارف اية مين عمل فيها كدة
قالوله اصل بنت حضرتك شقية اوي ودايما بتشد الاولاد اللي بيقربولها من شعرهم
فاليوم هما أتجمعوا عليها وزنقوني بين السرير ومكتب وبهدلوني بقى
مامي يومها عيطت جامد وعملتلي ميك اب كل تعويرة تحط عليها لون
والله الصور دي عندي بس بمصر لو كنت اقدر اجيبلكوا الصور تشوفوا منظري مش حتصدقوا
منهم لله الاطفال الاشقيا اللي عوروني لو اشفهم حموتهم الموقف دة بيخليني اصعب على نفسي جدا واعيط
شكرآ راما عالموضوع العسل دة

[valentinoagain]

برافو عليكم ..
انا مش فاكر فى طفولتى غير الحاجات الاليمه ..
معلش اصلى كنت الكبير ... و غالبا كنت مسئول عن كل اللى ورايا من الاخوه ....

بس ضحكت فعلا .,. هيمو . و ميدو جرمانى ..

بس دودا بالذمة عيال عندهم سنة و انتى عندك سنة .. ازاى يعنى ؟؟؟؟؟؟؟؟؟؟؟؟

مش مهم اصدق ما دام ماما و بابا متاكدين ...و ما دمتى انتى بتحلفى

[dodashawky2]

بس دودا بالذمة عيال عندهم سنة و انتى عندك سنة .. ازاى يعنى ؟؟؟؟؟؟؟؟؟؟؟؟

مش مهم اصدق ما دام ماما و بابا متاكدين ...و ما دمتى انتى بتحلفى

أولا يا فالا مش من عادتي التأليف
ثانيآ أقسم بالله دة حصل وعندي صوري وانا بيبي منظرها فظيع ولو كان ينفع احط الصور كنت ورتهالك
انا عارفة أنك مش بتقتنع غير بصور حقايق يعني
وبعدين انا مقلتش انهم عندهم سنة
هما اكبر مني ولانهم لما بيلعبوا معايا بشد شعرهم فمتغاظين مني فضربوني
وبعدين مش مهم تصدق اعتبرها نكتة وأضحك
ههههههههههههه

[survivor]

لذيذ بجد الموضوع جدا و كل القصص دى تموت من الضحك :1eye0000: :essen000:
و بجد مووش عارف حاجه معينه احكيها الان, لكن حتخلف عن القاعده فى الاول و احكى كام لغابيط كده :crazy000:
و منها الغريب هو انى كنت بحلم بحجات رعب كتيــــــر, مثلا ان الناس كلها كلها ماتت :5headache و بمشى على اجسامهم, حتى رئيس الجمهوريه افتكر انه كان مات برضه, و انا تقريبا بس اللى عايش فى العالم :flex0000: :flex0000:
يمكن علشان كنت بتفرج على افلام رعب كتير, بس كنت بصحى متوتر شويه و اجرى ادور على اى فيلم كارتون يهدى اعصابى. :icon_conf :clap0000:
و اللى فاكره ايضا كنت بجلس امام سماعات كبيره للكاسيت منتظر خروج المغنين من داخل السماعه :smileinbo :evil_lol: و كنت بتعجب من عددهم و المعدات اللى بيستخدموها اذاى دخلوا كلهم بيها جوه السماعه :icon_shak . و كنت بعمل نفسى موووش واخد بالى لما اغنيه تخلص علشان يخرجوا , لكن حتى الان من اكتر من عشرين سنه و السماعه جبتها موصلها على الكمبيوتر بعد ما ببطل اسمع اغانى و الكاسيت باظ و لسه مفيش حد راضى يخرج. http://img372.imageshack.us/img372/576/10112317fq.gif :blow0000: