حرب أطاليا ... خطوة بعيداً عن الإعتيادية فى السينما المصرية

[s0uL-R1pp3r]

كتبت عنوان الفيلم كما كُتب على جميع بوسترات و أفيشات دور العرض و لم أعرف بعد المغزى من كتابة الكلمة بتلك الطريقة

يعلم الجميع أن لأفلام أحمد السقا مذاقاً خاصاً لأفلامه حيث يقدم لنا الفيلم فى مزيج من الأكشن و الرومانسية كما رأينا فى "أفريكانو" و "مافيا" أو قصة درامية يغلب عليها الطالبع البوليسى كما فى "مافيا" لكن , فى فيلم "حرب أطاليا" كان تحرراً كبيراً فى فكرة الفيلم بالنسبة للسينما المصرية و من حيث الفيلم فلم أشعر بالملل طوال الفيلم كما أن كان هناك العديد من المشاهد الكوميدية .. بالنسبة لأحمد السقا فلم يقم بالكثير من مشاهد الأكشن و ذلك لأن الفيلم لا يتحدث عن مجرم إرهابى أو عن قاتل مأجور

يتحدث الفيلم عن محام يدعى ياسين أجبر على ترك مهنة المحاماه و ذلك بسب التشهير به فى إحدى الصحف و قرر أن يجد وسيلة أخرى لمكافحة الشر و هى عن طريق أن يسرقهم كما يسرقون الناس ... ثم يقوم بسرقه عقداً من إحدى العصابات و التى بالتالى ترد على ذلك بإختطاف خطيبته "نيلى كريم" إلى إيطاليا ... و تبدأ أحداث الفيلم فى إطار مثير من التشويق لكن للأسف القصة مأخوذ منها الكثير من قصة الفيلم الشهير Confidence لراشيل ويسيز و داستن هوفمان و إدوارد بيرنز

الكل على حد سواء كان تمثيلهم جيد حتى خالد أبو النجا و رزان و التى تظهر لأول مرة فى فيلم عربى
لذا أعتبره أحسن أفلام صيف 2005 .. و انتظر آرائكم

[sasa5986]

alf shoukr 3al mawdo3

[jackal_man]

والله انا اول ما شفت الفيلم قلت مستحيل القصة دي تبقى مصرية خالص
بس الفيلم يعتبر من احلى افلام الصيف بعيدا عن افلام الهلس والضحك من أجل الضحك
وفي انتظار المزيد من الافلام الجيدة بس ياريت مناخدش من قصص افلام بره احنا عندنا ناس كويسين والله في مجال التأليف بس مين يشوف النور

[Mr.TaToo]

شكرا على الموضوع الجميل شوقتنا اكتر لمشاهدة الفيلم احمد السقا فنان حقيقى انا حاسس انة كتب شهادة ميلادة فى فيلم تيتو واكدها بالفيلم دة انا هاشوف الفيلم واكتبلك راى
مشكور على المجهود وتقبل خالص تحياتى

[melody2005]

شكرا لي الموضوع

[tarek roka aror]

عالعموم ديه حاجه تبشر بالخير

[Mezo_germany]

رغم ان الواحد مش بيطيق أحمد السقا بس الشهادة لله افلامه حاجة تانية غير الهبل الي
الواحد بيشوفه ، وانا عازم علي مشاهدة هذا الفيلم ان شاءالله
شكرا علي الموضوع

[shewawa2005]

بصراحة
الفيلم مفيهوش اى مشهد اكشن
مش (كما قلت ) >>> قليل من الاكشن

بالفعل : كان فيه مشاهد مضحكة

اما عن حكاية انك لم تشعر بالممل
>>>>>>>فانا اتمليت عالاخر
فى الفصل الاول من الفيلم ( اى قبل الاستراحة )
كنت منفوخ عالاخر
و كمان كنت عايز امشى
بسبب ممل الفيلم و عدم تسلسل الاحداث بسرعة

بس لما ابتدى الفصل التانى
اصبحت اشاهد الفيلم ببلاهة شديدة
بسبب سرعة و تلاحق الاحداث الشديدة
لدرجة انى بقيت اطرش فى الزفة
(كله بيضحك على بعضه )

>>>>> و بصراحة فى مشهد النهاية
كنت مشدود لمعرفة النهاية
و يا ليتنى كنت تمنيت هذا

>>>>>فالنهاية غريبة جدا
و شعرت انه كالعادة فيلم مصرى
(ده المشهد اللى قبل الاخير

>>>فى المشهد الاخير خالص
حسيت انه فكرة جديدة
و حركة ذكية

و بصراحة الفيلم حلو
و يستحق المشاهدة
و لكن بالتاكيد
ملاكى اسكندرية افضل بكثيييييييييييييييييييييييييييييير

كانت الصالة مليئة عالاخر


و بصراحة انا حسيت ان المخرج متواطؤ
مع المؤلف فى نهاية الفيلم

[shewawa2005]

اخخخخخخخ نسيت اقول حاجة :
و هى ان مش كل اذواق الناس هيعجبها الفيلم

فبعض الناس : يقولون الفيلم رائع

و البعض الاخر : يقول شغااااااال

[serag movies]

اشكر الاخ والصديق العزيزsOul_r1pp3r
على ذلك الموضوع الذى شوقنى كثيرا بالفعل لمشاهدة هذا الفيلم الذى يبدو رائعا من مشهدة الاول

[s0uL-R1pp3r]

بصراحة
الفيلم مفيهوش اى مشهد اكشن
مش (كما قلت ) >>> قليل من الاكشن


أنا قصدت مشهد الجرى بين العصابة و أحمد السقا و أعتقد أن ده يعتبر فى سياق الأكشن


اما عن حكاية انك لم تشعر بالممل
>>>>>>>فانا اتمليت عالاخر
فى الفصل الاول من الفيلم ( اى قبل الاستراحة )
كنت منفوخ عالاخر
و كمان كنت عايز امشى
بسبب ممل الفيلم و عدم تسلسل الاحداث بسرعة

بس لما ابتدى الفصل التانى
اصبحت اشاهد الفيلم ببلاهة شديدة
بسبب سرعة و تلاحق الاحداث الشديدة
لدرجة انى بقيت اطرش فى الزفة
(كله بيضحك على بعضه )


أنا مش فاهم أنت بتشكو من إيه .. من بطىء أحداث الفيلم ولا من بطىء فهمك

>>>فى المشهد الاخير خالص
حسيت انه فكرة جديدة
و حركة ذكية


يا راجل يا مفترى معجبش حاجة فى الفيلم إلا المشهد الأخير !!!

و أشكر كل من قام بالرد على الموضوع

[shewawa2005]

انا كنت بشكى
من الاول : من بطء الاحداث
(عندما كان احمد السقا متنكر )
بصراحة
لا يمكن حد يكون بالتخلف ده

اما مع بداية الجزء التانى :
(لما كل واحد قعد يضحك على بعضه )
شعرت اننى ابله

فهمت اخى ؟!

انا كنت اللى عايز اوصله :
ان بعد ما تخرج من الصالة هتلاقى نفسك
مش فاكر تفاصيل قصة الفيلم

يعنى دلوقتى
لو حد قالك :
ينفع تشرحلى قصة الفيلم بالتفصيل
هتيجى و انت عايز تقوله مشاهد الخيانة بالتفصيل
هتلاقى نفسك مش فاكر اى حاجة
و هتلاقى اللى قدامك مش فاهم هو الاخر و راح سأل

مين اللى ضحك عالتانى ف الاول
طيب ليه بعد ما كانوا اعداء بقوا اصحاب
طيب ليه صاحبوا بعض مادام بيضحكوا على بعض !!

او حاجات زى كده

انا اكيد عجبتنى مشاهد كتيييييييير
بس انا بصراحة
تهت فى النص
يعنى اللى بيضحك على مين

و يطلع فى الاخر احمد السقا اللى بيضحك علينا
و اخد فلوسنا

طبعا الفيلم جيد

بس حكايته
انك لو حاولت تربط النهاية بأحداث الفيلم فى النصف
هتلاقى نفسك مش فاهم حاجة

عشان كده بقيت اطرش فى الزفة
و عشان كده شعرت بالبلاهة

اما عن شكرك لكل من رد :
العفو اخى
فانا من واجبى ذلك

[khaled youness]

اخخخخخخخ نسيت اقول حاجة :
و هى ان مش كل اذواق الناس هيعجبها الفيلم

فبعض الناس : يقولون الفيلم رائع

و البعض الاخر : يقول شغااااااال
والبعض الاخر< زي حالاتي>:يقول الفيلم مش قد كده,بسبب:
1-زي ما قولت الفيلم قبل الاستراحة كان نفخ
2-فكرة المقالب اللي موجوده في الفيلم مأخوذه من فيلم oceans11,ocean's12
علشان كده أي حد شاف الفيلمين دول,من نص الفيلم بيحس ان الفيلم فااااااكيس.
3-مش محتاجه أكلمك عن المخرج الجامد اللي دوخنا, كل ما اتنين يكلمو بعض في الفيلم يعد يلف ويدور حوليهم,هو ده السسبينس(حركات يعني)!!!!!!! إرحمونا بأه.........
4-مش فاهيم ليه كانو مٌصرين يستظرفو في الفيلم بدون مناسبة..مع إن الفيلم مش كوميدي والله!!!!
الحسنة الوحيدة في الفيلم:أحمد السقا
رزااااااااااااان

[Fernando]

الفيلم نقله كبيرة للسينيما المصرية
الكاست كله فوق الرائع
بس مشهد القتل بتاع احمد السقا لسناء يونس مكانش مقنع
ازاي يقتل وهو محامي بيحافظ على حقوق الناس وبينقذ الناس
هو مش لص محترف زي ادواد بيرنز في confidence
بس الفيلم حلو قوي

[shewawa2005]

اخى خالد عندك حق فى كل كلمة قلتها

و احد النقاد بالفعل قال نفس كلامك فى الجرائد
و جابوا احمد السقا عشان يرد

قال (كان وقتها قبل ما ينزل الفيلم )

ازاى الناقد ده قال كده
رغم ان الفيلم لسه ما نزلش
حتى ان هو ما شافهوش

!ّ!!!

بس بالفعل الفيلم مش هيعجب اى ولد
بيتفرج على اجنبى كتيييير

لأن الافلام ديه بتكون مقتبسة من الافلام الاجنبى
-على ما اعتقد -

[liro]

اى فيلم مقتبس من فيلم اجبنى مش بيعجبنى مهما كان فيه من الممثليين