وجهة نظر حول غلق منتدى الملتيمديا ... رجاء دخول الاعضاء المحرومين

[mmsa2005]

واضح ان الاخ وليد المشرف متأثر تماما بالمناخ السياسى الديكتاتورى اللى احنا عايشين فيه ...

يعنى هو يعمل اللى هو عايزه واللى مش عاجبه يمشى من هنا .... يقفل العروض ... يفتحها ... يقفلها ...

هو حر ... يخليها 50 مشاركة يخليها 200 بعد كده هيخليها 1000 ... هو حر مش هو الزعيم ....

يعمل اللى هو عايزه .... محش يقدر يتكلم .... واللى هيفتح بقه هيتنفى بره ... اقصد يطرد

بره المنتدى .... ولتسقط الديمقراطية والحوار والرأى والرأى الاخر ......

وتيجى تقول اخدت رأى الكبار ... هو الكبار عندكو بالادارة بس

وهل تعتقد حضرتك ان كل مواضيعكو من ابداعكو 100% ... استحالة لان فى الاف المنتديات العربية

فيها مواضيع مشابهة وكل واحد بيعى انه صاحب الفكرة... متقدرش تحكم مين المبدع الحقيقى

وطبعا مع احترامى الشديد للاخوة الين وافقوا على القرار فهم ضمنوا المشاركة ... أما الاعضاء الجدد فلا

احد يهتم بهم ..... كما تجد بعض الاعضاء لهم ردود غريبة بعض الشى ( مثل مجلس الشعب موافقة

وتصفيق وعشت ذخرا للمنتدى يا زعيم )...

وتلاقى واحد يقول فاصبر واحتسب .... هو بيجاهد ولا ايه .....

واحد يقول عشان السرقة ... ده انتوا نفسكو بتسرقوا حقوق غيركو بنقلكو لمباريات wwe ....

سرقة لحقوق الملكية وحقوق النشر لاتحاد المصارعة ..............

قد تشطبونى ... ولكن المهم هو ابداء وجهة نظرى .....

وأرجو من جميع الا‘ضاء مثلى والذين أصبحنا صغارا فى وجهة نظر الاستاذ وليد حين أخذ رأى الكبار فقط

والاطفال يمتنعون .... حيث ان هذا العرض للكبار فقط

[عماد عطية]

يا أخي الكريم أنت لماذا تشن هذة الحرب علي المشرف walid 26 فإذا كنت قديم شوية وعرفت هو بيعمل إية علشان الأعضاء لكنت تدعيلة يا عم دة مبينمش ساعات من أجل المنتدي .
وبالنسبة لموضوعك أنا في رأيي أن غلق المالتي ميديا قرار صائب 100 بالمائة . لأنة يوجد لصوص بالمنتدي وأنت لا ترضي أن يسرق غيرك حقك . والمواضيع طبعا ليس كلها من إبتكار الأعضاء بالمنتدي ولكن يوجد عروض ومواضيع أكثر من نصف القسم من إبتكار الاعضاء فبالله عليك إذا قمت بعمل تورتة وتعبت فيها وقعدت ساعات طويلة تجملها من أجلك ومن أجل غيرك فجاء شخص ليسرقها منك ويبعها علي أنها من إنتاجة فماذا تفعل

ويا باشا نحن نعمل في الحسبان أن كل عضو مبتدئ لا يستطيع تحميل مهرجانات وعروض فعملنا مالتي ميديا للمبتدئين أدخل لتري الإبداعات هناك
وأتمني أن أكون قد أقنعتك ومنتظر الرد الجميل

تقبل تحياتي

[death joker]

أيه دة أيه دة يا أخى ليه كدة وليد يقصد خمسين مشاركة لكى تدخل الماتى ميديا و طبعاً هى عايزة مجهود منك .

[mmsa2005]

الاستاذ عماد عطية
أشكرك على مشاركتك ... ولكن
أولا : انا لا أشن حربا على الاستاذ وليد فأنا ليس بطبعى هذا ولكن اعتراضى الشديد على طريقة ادارته للمنتدى ... أعتقد انه على الاقل فى بلادنا يجب ان تتوافر الحرية والديمقراطية على الاقل فى المنتيات
فكفانا ما نعيش فيه .... ولكن الاستاذ وليد حول المنتدى الى ملكية خاصة ... يفعل ما يشاء ولنذهب نحن ونشرب من المحيط .... للاسف كنت أعتقد ان المنتديات فى الوطن العربى هى الشئ الديمقراطى الوحيد ولكن اتضح ان ما يفعل فينا نفعله فى الاخرين .....
ثانيا : وبعدين ايه حكاية السرقة اللى طالعين فيها دى ..... امال تحميل الالعاب والبرامج الكاملة والمصارعة كل ده يبقى ايه ... اقتباس ولا نقل .... ومتقولش انتاجك دى خالص ده مجرد تسجيل
ثالثا : ما معنى ان الاخ وليد بيتعب عشان المنتدى ... شئ طبيعى انه يتعب عشان هو المشرف وده واجبه ... يبدو اننا فى وطننا العربى هذا اننا تعودنا على عدم العمل كل فى موقعه ولذلك فان من يعمل لا بد ان نشكره ونحييه ونقبل يديه لأن هذا هو الغير طبيعى عندنا .... بالظبط زى معلق المباراة لما يشكر السيد مدبر الامن والسيد مدير الاستاد على النظام برغم ان ده شغلهم أصلا مش بيحنوا علينا عشان خاطر بيحبوا مصر ولا الاخ وليد عشان مجرد بيحب المنتدى ....

وفى النهاية أرجو ان يصبح الحوار ديمقراطيا ليستفيد منه الكل

[walid26]

أخي العزيز mmsa2005 ، أولا أحب أن أعترف أن إسلوبك في الكلام ممتاز ومحترم وهو يجبرني علي إحترامك
ثانيا وهو الأهم ، انت قلت رأيك ، فاسمح لي أقول رأيي ، بس تأكد لن أدخل في مناقشات طويله في هذا الموضوع لأن الموضوع ده ( إطحن ) بحث وردود في موضوع الإعلان عن غلق القسم ، بس إحتراما لإسلوبك في الكلام سأعيد إيضاح بعض النقاط .

يا أخي ، أعتقد انك تريد أن تتزعم حركة تمرد كبيره مع الأعضاء المبتدئين وعنوان موضوع مثير جدا يقنع كل عضو جديد بالإنضمام للحركه الثائره ، ولو كنت دكتاتوريا لأغلق الموضوع ولكن سأتركه

حضرتك مش مقتنع بفكر المشرف ولا فكر الأعضاء الكبار ؟ ولا مقتنع بالقرار اللي أنا أخدته ولازم تعرف إني أخدته بعد موافقة المالك ، إللي هو فاتح المنتدي بفلوس ومن حر ماله ولا داخله منها حاجه ، دي بقي إسمها ( ملكيه بحته ) يعني المالك بيدفع فلوس من جيبه ، طب الراجل عايز يغلق القسم ، هو حر ؟، بفلوسه ، والأعضاء داخله هنا بمزاجها واللي مش عاجبه النظام في المنتدي ممكن يدور علي منتدي تاني النظام فيها يعجبه ، منتديات تانيه المالتي ميديا فيها مفتوحه للعاطلين ، وأصحاب المنتديات الأخري مش ممانعين ، هم أحرار ونحن أحرار . ، ولو لا يعجبك رأي المشرف ولا المالك ولا الأعضاء الكبار طب ناخد رأي مين ؟ الأعضاء أصحاب عدد الصفر من المشاركات ؟؟؟ واللا الأعضاء المسجلين من سنتين وعدد مشاركاتهم 10 ( مثل حضرتك ) ؟ طب كيف نأخذ رأيك وأنت أصلا مسجل معانا ومش معانا ومش شايفين منك نشاط ؟؟؟؟؟ زي شركه فيها تلاتين موظف منهم موظف معاهم بقاله سنتين ما حضرش منهم غير 10 أيام ، لو عايزين ناخد صوت الموظفين في نشاط جديد للشركه هاناخد صوته ؟؟؟؟؟ طبعلا لأ ولا حتي حد يفتكره .

يا أخي ، إعقلها قبل أن تتكلم ، أنا المشرف وهذا واجبي السهر بالليالي ، من قال لك هذا ؟؟؟؟؟؟؟؟؟؟؟؟؟؟؟؟؟؟؟؟؟؟؟ لو كنت أقبض مرتب ثابت أو commission سيكون لك الحق في ذلك ، ولكن أنا لا أكسب أي شئ من هذا سوي متعه شخصيه لي وإفاده لي وللأعضاء ، ولو تعلم انا من أنشأت منتدي المصارعه من تحت الصفر عندما بدأته بموضوع واحد في منتدي التلفزيون ، أنظر كيف أصبحنا الآن والمرفوض أنك عضو قديم وتتابع تطورات المنتدي ، هل تعتقد اني وبمركزي الآن في المنتدي ( مضطر ) أن أسهر الليالي من أجل أحد ؟ والله أخي لو أخدت رأي 1000 عضو وقلت لهم ( وليد مختفي لمدة ستة أشهر بدون ولا حتي مشاركه ما رأيكم نعزله من الإشراف ؟ ) ، ماذا سيكون رد الألف ؟ أعتقد سيكون شكلك وحش جدا قدامهم ، من يتعب ليس كمن لا يتعب ، وليس من واجب أحد هنا أن يتعب من أجل أحد ، فالجميع إخوه ومن يستطيع أن يساعد فهو يساعد ومن لا يستطيع لا نطلب منه شيئا ، وفي قسم طلبات الأعضاء ( منتدي التكنولوجيا ) الذي أنا مشرف عليه أيضا عندما يصرخ أحدهم قائلا أن ( ما فيش حد عايز يجيبلي البرنامج إللي هايموت عليه ) أرد عليه قائلا أن الله لا يكلف نفسا إللا وسعها ولو يعرف أحد أن يرد عليك ف ( كتر خيره ) ، غير ذلك فلا نطلب من أحد شيئا .

المنتدي ملكيه خاصه يسيرها أصحابها كيفما أرادوا ، غير ذلك ، كما قلت أخي ، أمامك ألف منتدي فيه مصارعه يمكنك إختيار المنتدي الذي يتفق نظامه علي هواك ، نحن لسنا بدوله يملكها شعبها ولو ساهمت بأموال في المنتدي ليبقي حيا سيكون لك حق الإعتراض .

ولا أعتقد أني أملك وقتا آخر للكتابه هنا

تقبل تحياتي .

[mm110575]

واللة يا جماعة الاخ وليد عندة حق وكفاية منأقشات فى الموضوع دا وانا حجتهد حتى يصبح مشاركاتى 200 مشاركة حتى احصل على الرقم السرى)

[عمر عبد الغفار]

أخي العزيز mmsa2005 ، أولا أحب أن أعترف أن إسلوبك في الكلام ممتاز ومحترم وهو يجبرني علي إحترامك
ثانيا وهو الأهم ، انت قلت رأيك ، فاسمح لي أقول رأيي ، بس تأكد لن أدخل في مناقشات طويله في هذا الموضوع لأن الموضوع ده ( إطحن ) بحث وردود في موضوع الإعلان عن غلق القسم ، بس إحتراما لإسلوبك في الكلام سأعيد إيضاح بعض النقاط .

يا أخي ، أعتقد انك تريد أن تتزعم حركة تمرد كبيره مع الأعضاء المبتدئين وعنوان موضوع مثير جدا يقنع كل عضو جديد بالإنضمام للحركه الثائره ، ولو كنت دكتاتوريا لأغلق الموضوع ولكن سأتركه

حضرتك مش مقتنع بفكر المشرف ولا فكر الأعضاء الكبار ؟ ولا مقتنع بالقرار اللي أنا أخدته ولازم تعرف إني أخدته بعد موافقة المالك ، إللي هو فاتح المنتدي بفلوس ومن حر ماله ولا داخله منها حاجه ، دي بقي إسمها ( ملكيه بحته ) يعني المالك بيدفع فلوس من جيبه ، طب الراجل عايز يغلق القسم ، هو حر ؟، بفلوسه ، والأعضاء داخله هنا بمزاجها واللي مش عاجبه النظام في المنتدي ممكن يدور علي منتدي تاني النظام فيها يعجبه ، منتديات تانيه المالتي ميديا فيها مفتوحه للعاطلين ، وأصحاب المنتديات الأخري مش ممانعين ، هم أحرار ونحن أحرار . ، ولو لا يعجبك رأي المشرف ولا المالك ولا الأعضاء الكبار طب ناخد رأي مين ؟ الأعضاء أصحاب عدد الصفر من المشاركات ؟؟؟ واللا الأعضاء المسجلين من سنتين وعدد مشاركاتهم 10 ( مثل حضرتك ) ؟ طب كيف نأخذ رأيك وأنت أصلا مسجل معانا ومش معانا ومش شايفين منك نشاط ؟؟؟؟؟ زي شركه فيها تلاتين موظف منهم موظف معاهم بقاله سنتين ما حضرش منهم غير 10 أيام ، لو عايزين ناخد صوت الموظفين في نشاط جديد للشركه هاناخد صوته ؟؟؟؟؟ طبعلا لأ ولا حتي حد يفتكره .

يا أخي ، إعقلها قبل أن تتكلم ، أنا المشرف وهذا واجبي السهر بالليالي ، من قال لك هذا ؟؟؟؟؟؟؟؟؟؟؟؟؟؟؟؟؟؟؟؟؟؟؟ لو كنت أقبض مرتب ثابت أو commission سيكون لك الحق في ذلك ، ولكن أنا لا أكسب أي شئ من هذا سوي متعه شخصيه لي وإفاده لي وللأعضاء ، ولو تعلم انا من أنشأت منتدي المصارعه من تحت الصفر عندما بدأته بموضوع واحد في منتدي التلفزيون ، أنظر كيف أصبحنا الآن والمرفوض أنك عضو قديم وتتابع تطورات المنتدي ، هل تعتقد اني وبمركزي الآن في المنتدي ( مضطر ) أن أسهر الليالي من أجل أحد ؟ والله أخي لو أخدت رأي 1000 عضو وقلت لهم ( وليد مختفي لمدة ستة أشهر بدون ولا حتي مشاركه ما رأيكم نعزله من الإشراف ؟ ) ، ماذا سيكون رد الألف ؟ أعتقد سيكون شكلك وحش جدا قدامهم ، من يتعب ليس كمن لا يتعب ، وليس من واجب أحد هنا أن يتعب من أجل أحد ، فالجميع إخوه ومن يستطيع أن يساعد فهو يساعد ومن لا يستطيع لا نطلب منه شيئا ، وفي قسم طلبات الأعضاء ( منتدي التكنولوجيا ) الذي أنا مشرف عليه أيضا عندما يصرخ أحدهم قائلا أن ( ما فيش حد عايز يجيبلي البرنامج إللي هايموت عليه ) أرد عليه قائلا أن الله لا يكلف نفسا إللا وسعها ولو يعرف أحد أن يرد عليك ف ( كتر خيره ) ، غير ذلك فلا نطلب من أحد شيئا .

المنتدي ملكيه خاصه يسيرها أصحابها كيفما أرادوا ، غير ذلك ، كما قلت أخي ، أمامك ألف منتدي فيه مصارعه يمكنك إختيار المنتدي الذي يتفق نظامه علي هواك ، نحن لسنا بدوله يملكها شعبها ولو ساهمت بأموال في المنتدي ليبقي حيا سيكون لك حق الإعتراض .

ولا أعتقد أني أملك وقتا آخر للكتابه هنا

تقبل تحياتي .

إستاذ / وليد ....انت انسان محترم وأنا شخصيا أكنً لك تقدير خاص ولكن خان سيادتك التعبير فى الرد على الأخ mm sa2005 عندما خاطبت جميع الأعضاء بتلك اللهجة القاسية والتى تفيد ان العضو اللى مش عاجبة يترك المنتدى .
أولاً يا إستاذ / وليد المنتدى بدون أعضاء لا يعتبر منتدى أم أن نجاح المنتدى و تزاحم الأعضاء على الإشتراك بة لما يقدمة من خدمات عالية للأعضاء قد أصاب من أصاب بالغرور .
ثانيا :- إذاكان ردك هذا قد جاء نتيجة إستفزاز من العضو المحترم وأن سيادتك تكن للأعاء كل التقدير كما يبادلونك هذا الإحترام فرجاء كتابة رد لجميع الأعضاء لتوضيح ذلك وهذا ليس بسبة أعيب لأن الأعضاء لا ذنب لهم فى سماع هذه الإهانة .
ثالثا:- أنا وبإعتبارى عضو محترم أحترم نفسى كما أحترم الجميع _ وأعلم يقيناً أنة لايهمكم إنسحابى من المنتدى من عدمة _ سأنسحب من هذا المنتدى رغم أنة المنتدى الوحيد الذى أرتادة على النت ويمكنك مشاهدة إشتراكاتى وساعات جلوسى بمنتدى التليفزيون والأغانى.وذلك فى حالة عدم رد سيادتكم بالإعتذار لجميع أعضاء المنتدى .
يمكنك أن تقول ومالة بناقص واحد هو يعنى كان مأثر فى المنتدى :::لك الحق فى ذلك ولى الحق فى أن أعامل - كما أعامل الجميع - بإحترام .............وشكراً جزيلا حتى ولو تم إلغاء العضوية من طرفكم دون إنتظار لإنسحابى لأنى أتوقع ذلك

[HikoZitta]

بص يا باشا هو فعلا قرار الغلق ده 100%

والمشرفين مش لاقيين حل للي بيحصل من نقل وسرقه لعروض الزعيم ( مع انه اصلا بينشرها في مواقع تانيه )

فعشان كده عملوا ال 200 مشاركه

وبعدين يا اخ وليد اللي مصمم علي السرقه هيوصل ل 200 ومش هيهمه وهياخد الباسورد

لكن المشكله ان مفيش حل

واعتقد ان ده انسب حل

[HikoZitta]

وبعدين ياباشا انا من اكبر المتابعين للمصارعه ومشاركاتي 39 ...

مفروض ارد ردود هايفه عشان اخد الباسورد ؟

لو راجعت مشاركاتي يا وليد هتلاقي ان معظمها مساعدات وفي مدرسه التطوير

مش لازم انافق يعني عشان اوصل لل 200

بس برده فكره صائبه :d

[G@ME OVER]

والله يا جماعة الكلام اللى انتم بتقولوة كله صح والواحد مش عارف يقف فى صف مين بس الحقيقة يا جماعة انا معاكم ان وليد قاسى شوية علينا بس فى الاول و فى الاخر هو همه على مصلحتنا و قلبة علينا و هو انسان محترم جدا جدا

[zebdeyya]

و نعم أسلوب الكلام المحترم والله!

[walid26]

إستاذ / وليد ....انت انسان محترم وأنا شخصيا أكنً لك تقدير خاص ولكن خان سيادتك التعبير فى الرد على الأخ mm sa2005 عندما خاطبت جميع الأعضاء بتلك اللهجة القاسية والتى تفيد ان العضو اللى مش عاجبة يترك المنتدى .
أولاً يا إستاذ / وليد المنتدى بدون أعضاء لا يعتبر منتدى أم أن نجاح المنتدى و تزاحم الأعضاء على الإشتراك بة لما يقدمة من خدمات عالية للأعضاء قد أصاب من أصاب بالغرور .
ثانيا :- إذاكان ردك هذا قد جاء نتيجة إستفزاز من العضو المحترم وأن سيادتك تكن للأعاء كل التقدير كما يبادلونك هذا الإحترام فرجاء كتابة رد لجميع الأعضاء لتوضيح ذلك وهذا ليس بسبة أعيب لأن الأعضاء لا ذنب لهم فى سماع هذه الإهانة .
ثالثا:- أنا وبإعتبارى عضو محترم أحترم نفسى كما أحترم الجميع _ وأعلم يقيناً أنة لايهمكم إنسحابى من المنتدى من عدمة _ سأنسحب من هذا المنتدى رغم أنة المنتدى الوحيد الذى أرتادة على النت ويمكنك مشاهدة إشتراكاتى وساعات جلوسى بمنتدى التليفزيون والأغانى.وذلك فى حالة عدم رد سيادتكم بالإعتذار لجميع أعضاء المنتدى .
يمكنك أن تقول ومالة بناقص واحد هو يعنى كان مأثر فى المنتدى :::لك الحق فى ذلك ولى الحق فى أن أعامل - كما أعامل الجميع - بإحترام .............وشكراً جزيلا حتى ولو تم إلغاء العضوية من طرفكم دون إنتظار لإنسحابى لأنى أتوقع ذلك
يا أخي الكريم ، ما هو الذي أخطأت فيه لأعتذر ، انا لا أنقل وجهة نظر ، أنا أخبركم بواقع الأمر ، المنتدي ملكيه خاصه لصاحبها وجميعنا نخضع لاختياراته

ويا أخي نحن لا نشطب الناس لأنهم قالوا رأيهم .

[TOTO_HMA]

والله يا جماعة انا من المؤيدين لعـــــــــــــــــــــــــدم غلق هذا القسم وكنت اتمنى من الاخ وليد انه يـــــــــــــــــسرد الاسباب التى

أدات الى غلق هذا القسم بشرح مفصل يـــــــــــــــــــعنى اية صاحب المنتدى عايز يقفل القسم دة

طيب اذا كان الامر كدة انت له موفق على الرأى دة المفروض ان انت بتتكلم بالنيبة عنا والمفروض انك تنقل وجهة نظرنا له

طيب له القسم دة بالذات اللى عايز يقفلة طيب ما فية أقسام كتير غير القسم دة الاعضاء بيتعبوا فيها وبيبذلوا مجهود كبير

عشان يفروا المديا للاعضاء زى مثلا قسم الاغانى فية اعضاء كتير بيتعبوا فى القسم دة عشان يوفروا اغانى نادرة

وطبعا بالمناطق اللى بتفكروا بى ممكن الاغانى دى تتسرق ويضيع مجهود العضوا يبقى المفروض انكوا بقا تشفروا جميع الاقسام

اللى بالشكل دة وفى الاخر المنتدى كلة هايتقفل

[walid26]

والله يا جماعة انا من المؤيدين لعـــــــــــــــــــــــــدم غلق هذا القسم وكنت اتمنى من الاخ وليد انه يـــــــــــــــــسرد الاسباب التى

أدات الى غلق هذا القسم بشرح مفصل يـــــــــــــــــــعنى اية صاحب المنتدى عايز يقفل القسم دة

طيب اذا كان الامر كدة انت له موفق على الرأى دة المفروض ان انت بتتكلم بالنيبة عنا والمفروض انك تنقل وجهة نظرنا له

طيب له القسم دة بالذات اللى عايز يقفلة طيب ما فية أقسام كتير غير القسم دة الاعضاء بيتعبوا فيها وبيبذلوا مجهود كبير

عشان يفروا المديا للاعضاء زى مثلا قسم الاغانى فية اعضاء كتير بيتعبوا فى القسم دة عشان يوفروا اغانى نادرة

وطبعا بالمناطق اللى بتفكروا بى ممكن الاغانى دى تتسرق ويضيع مجهود العضوا يبقى المفروض انكوا بقا تشفروا جميع الاقسام

اللى بالشكل دة وفى الاخر المنتدى كلة هايتقفل

اخي العزيز أنا أتناقش مع مالك المنتدي عن المنتديات التي أنا مشرف فيها فقط ، اما المنتديات الأخري فلها مشرفين يتولون أمرها

[Dr_M_N@bil]

انا شايف يا جماعه ان الناس كلها بتبص من وجهة نظرها هي بس و بيهملوا مصلحة المنتدى و انا شايف ان الحل للموضوع ده سهل جدا

اولا غلق قسم المالتي ميديا كما هو الحال الان

ثانيا فتح باب العروض الاسبوعيه و الشهريه و ده هيدينا شهره واسعه جدا لان اللصوص سيقوموا بنشر الوصلات في جميع المنتديات الاخرى

الوضع اللي احنا فيه دلوقتي عامل زي واحد عنده تحفه جميله قوي و قافل عليها و مش عايز حد غيره يتفرج عليها!!!!!!!!!!!!!!!

[REY MSTERIO]

شمكووووووووووووووووووووووووووووووووووووووووووووور

[drfox]

انا شايف ان المنتدى مفروض يتفتحو,يعنى انت تتكلم على التعب و سهر الليالى طب ما منتدى البرامج مثلا مليان برامج جديدة انتاج 2005 يعنى فى ناس بتتعب برضه بس ما بتبخلش علينا بمجهودها

[walid26]

انا شايف ان المنتدى مفروض يتفتحو,يعنى انت تتكلم على التعب و سهر الليالى طب ما منتدى البرامج مثلا مليان برامج جديدة انتاج 2005 يعنى فى ناس بتتعب برضه بس ما بتبخلش علينا بمجهودها

أخي أنا مشرف منتدي البرامج وأعلم ماذا يحدث هناك .

[egyptian mams]

أنا بقي شايف ( و متستغربوش ) ان وليد عنده حق و سبق اني طالبت بتعميم هذا الموضوع علي كافة الاقسام القوية في باقي منتديات الموقع . قبل متقولوا أي حاجة اسمعوا وجهة نظري . و هي ان الموضوع دة حيفيد الجميع بلا استثناء و دة اللي حشرحوا دلوقتي بس في البداية أحب اوضح ان المنتدي عبارة عن مالك و مشرفين و أعضاء نشطين و أعضاء ميتدئين و أعضاء خاملين فدعونا نمسكهم واحد واحد :
1 - المالك : مستفيد النجاح الخارق لمنتداه . ليه ؟ لانه بالطريقة دي حيحصل المبدعين عنده علي مكانة خاصة و مميزات مما سيدفعه لمزيد من الجهد و الابداع و محدش ينكر أن أي مبدع أو أي حد بيتعب في حاجة بيتوقف عنها اذا ملقاش التقدي المناسب و بيزود من عمله اذا لقي فيه تقدير . اما غير هذه الفئة فحيعملو جاهدين للوصول الي هذه الفئة يعني باختصار كل الاعضاء حتعمل لصالح المنتدي . يعني المنتدي حيشتهر و يعلي . يعني المالك ممكن يجي يوم و يستفيد منه علي الاقل ماديا من الاعلانات فيه
2 - المشرفين : لما يبقي للمشرف علي منتدي معين قسم فيه أفضل ما في المنتدي و مغلق لأفضل الاعضاء دة معنا زي موضحنا ان القسم دة علي الاقل كل المشاركين فيه حيكونوا نشطيين و فعالين يعني المنتدي حيزدهر . يعني المشرف دة حيبقي المسؤل عن أفضل منتدي في الموقع و أفضل منتدي من نوعيته في باقي المواقع و اللقب دة كفاية . لانه هدف بيسعي اليه كل عضو و محدش ينكر ان فيه تنافس شديد بس شريف بين المشرفين عشان يثبت للباقي ان منتداه هو الافضل
3 - الاعضاء النشطين : مستفادين بشيئين و هما الاول التميز عن باقي الاعضاء كما وضحنا سابقا و الثاني وجود من يساعدهم للنهوض بالمنتدي لان هذا الامر سيجعل الباقي يهرعون نحو العمل الجاد و المواضيع الشيقة
4 - الاعضاء المبتدئين : و هؤلاء هم الاكثر استفادة . ليه؟!!. لانه مثلا هنا في قسم المصارعة لما الاقي قسم المبتدئين بيحتوي علي كل هذه الماتشات و اسمع انه في قسم خاص مغلق هو افضل الاقسام دة حيدفعني للعمل عشان ادخلوه و طبعا حعمل مواضيع جديدة يعني مع الوقت خبرتي حتزيد في كتابة المواضيع و رفع الملفات و طبعا الخبرة دي افضل شيء و ممنساش ان اللي قبلنا قالو " علمني الصيد و لا تعطيني كل يوم سمكة " و غير الخبرة فيه الحماس اللي حيخدوه للعمل لان الهدف اللي هم عايزينه (القسم المغلق ) هم مشافوهوش و بيسمعوا بس عن اللي فيه فكل واحد حيشوفوه في احسن حالة و دة حيديه حماس عشان يوصلوه . دة غير احساسك لما تكتب موضوع جيدة متكامل اللي بيختلف عن احساسك و انت عضو مبتدئ حاس انك مش حتعرف تعمل حاجة و بتقول لنفسك أنا حاجي فين في وسط دول يا عم . و فيه حاجة هنا عايز اقولها انا احسن موضوع قريته كان لعماد عطية في قسم الجرافيكس و كان بعنوان صور لجميع المصارعين أطلب ....... المهم تعرفوا ليه ؟ عشان في أول الموضوع كاتب انه عضو مبتدئ و دي أول مشاركة و....الخ وشوفوا دلوقتي ادي عماد بقي مشرف قسم المصارعة و دة لوحده أكبر حافز ممكن يلاقيه عضو ممبتدئ . صح و لا ايه
5 - الاعضاء الخاملين : اللي كل علاقتهم بالمنتدي هو الدخول و التحميل و الستفادة من غير حتي كلمة شكر للي تعب في الموضوع و متلاقيش ليهم أي مشاراكات الا استفسار أو سؤال أو بسأل علي فيلم جديد و لا لعبة . المهم ميعرفش غير مصلحته . و الفئة دي وجود شرط زي دة اما يخليها يبقي ايجابية و كلنا نستفيد و اما تسيب المنتدي احسن و انا بقول الكلام دة بصفتي عضو في المنتدي

بس فيه شيء واحد احب اوضحه لوليد ان المشاركات الجيدة (5 مشاركات علي الاقل ) مش شرط تكون في قسم المصارعة لاني المنتدي الكل فيه بيفيد الكل يعني انا افيدكم باغاني و انت بماتشات مصارعة و تالت بالعاب و هكذا

و شيء اخير للاعضاء بدل تضيع الوقت ابدأ دلوقت و لو عايز مني نصيحة ( مع ان انا كدة بكشف اقوي مصادري ) جيب واحد من برامج الشير ( ارجح بيرشير أو ايرس ) و اعمل بحث عن المصارعة يعني تبجث عن wwe , raw , booker t, .........ect
و حتجيب شوية أفلام جامدة و كل مرة حط اسم مصارع أو بطولة و تجيب الماتشات و ارفعها علي مواقع الرفع و بعد كدة خد اللينكات و اعمل بيها موضوع جديد . فيه اسهل من كدة . طبعا لأ

[walid26]

بس فيه شيء واحد احب اوضحه لوليد ان المشاركات الجيدة (5 مشاركات علي الاقل ) مش شرط تكون في قسم المصارعة لاني المنتدي الكل فيه بيفيد الكل يعني انا افيدكم باغاني و انت بماتشات مصارعة و تالت بالعاب و هكذاأ


ألف شكر أخي العزيز علي كل كلامك ، وما قولته في الإقتباس هو ما أقوله بالفعل .

[wowo11231]

انا مع قرار الاغلاق

[amr_sim]

أنا ليا رأي في الموضوع و ياريت أسمع رد
مادام قرار الأغلاق كان عشان الناس بتقوم بسرقه اللينكت وتحطها في منتديات تانيه طب ما أنتو ممكن تنزلو اللينكات متأخره شويه
يعني الناس اللي في قسم المالتيمديا تشوف العروض أول ما تنزل
وبعديها بيوم أو يومين تنزلوها في القسم بتاع الأعضاء الجدد
ومحدش حيفكر ينقله العرض لأنه حيبقي العرض قديم
وممكن تعمل باسورد علي الفايل بالعربي عشان تضمن أن المنتديات الأجنبيه ما تخدش اللينك

[amr_sim]

أيه يا جدعان مش عاجباكو الفكره ولا أيه

[walid26]

أنا أترك وضع اللينكات في قسم المبتدئين ليكون بمجهود المبتدئين انفسهم

[amr_sim]

طب ماهم كل اللي حيعملوه حياخدوا اللينكات من أي سايت أجنبي وينشروها ويبقي أحنا كده بناخد لينكاتهم
يعني أزاي ننشر لينكات المنتديات دي وأحنا مش راضيين أنهم ياخدوا اللينكات بتاعتنا

[crush]

انا معاك يا اخ وليد

[walid26]

طب ماهم كل اللي حيعملوه حياخدوا اللينكات من أي سايت أجنبي وينشروها ويبقي أحنا كده بناخد لينكاتهم
يعني أزاي ننشر لينكات المنتديات دي وأحنا مش راضيين أنهم ياخدوا اللينكات بتاعتنا
طب تحب أشطب المواضيع التي تحوي وصلات منقوله من منتدي المبتدئين ؟

[mm110575]

فكرة واضحة وشكرا

[smart4ever0070]

يا جماعه انا مش عارف انتو بتتكلموا وتعيدوا وتزيدوا فى ايه
ماهوا الاخ وليد جابهالكوا على بلاطه ومن غير لف ودوران صاحب المنتدى ( الى هوا فاتح المنتدى بفلوسه) هوا الى عايز كده
يعنى حاجه كده زى مابنتقول ( صاحب المحل عايز كده)
يعنى الموضوع مالهوش دعوه بقى لا بحقوق ملكيه فكريه ولا تعب ولا مجهود ولا حق المشتركين الجدد ولا هما فى الدماغ اصلا
الحكايه ومافيها ان صاحب المحل عايز كده ( يعنى بفلوسه)
يفرج بقى الى عاوزه يتفرج ويمشى الى عاوزه يمشى والى يديهه للاعضاء الجدد يا اما يخدوه وهما بيبوسو ايدهم وش وضهر ويكتبوا شكر كمان ليه يا اما بقى لو مش عاجبهم يروحوا يدوروا على اقرب صندوق اونكس ويضربوا دماغهم فيه ( ملحوظه : لازم الصندوق يكون مليان)
وانا والله بجد عجبتنى صارحه وليد قوى المره ده
هوا قال لزومه ايه بقى اللف والدوران والحوارات الكتير الى انا بقولها ده انا اجيبهالهم من الاخر يمكن يخلوا عندهم شويه دم ويروحوا ياخدوا العروض الى فى منتدى المبتدئيين ( وخلى بالك من المبتدئئن ده) يا اما بقى باب المنتدى يفوت ديناصور
وهوا برضه صاحب المحل حق مش بفلوسه ولا ايه
ما هيا البلد كلها ماشيه كده يعنى هوا الراجل ده جاى من كوكب تانى مثلا ( معرفش ليه فى اللحظه ده افتكرت اغنيه يبقى انت اكييييييييييييييد فى مصر .... اه والله فى مصر)
ولو انى شايف ان الاعضاء الى المشرف وليد وصاحب المحل ( سورى... صاحب المنتدى) بيقوللهم فى ستين سلامه هما دول برضه الى عملوا المنتدى والى شهروه والى خلاهم يتحكموا فى الناس كده براحتهم لمجرد انه صاحب المنتدى ( وفاتحه بفلوسه ماتنسوش ده) ولان وليد هوا الى عمل منتدى المصارعه وبدأه من تحت الصفر ولازم الناس كلها تخلى عندها دم وتحس بكده
"ا جماعه جنه من غير ناس ماتنداس"
بس انا برضه انهم كانوا متساهين من الناس ده الى من عامه الشعب وبتعترض وشايف ان وليد يقولهم "هوا ده الى عندنا يا جماعه والى عاجبه عاجبه" مش كفايه
انا شايف ان اى واحد منهم يعترض تديوله بااااااااان فورا
مش كفايه انكو مستحملينهم ومستحملين قرفهم
بس المشكله انكو لو عملتوا كده هاخد انا كمان بان بس اهو الواحد يقول الى جواه ويسيبها على ربنا
وحسبنا الله ونعم الوكيل