&&قضيه بالغة الاهمية لكل من يهمه الأمر من أعضاء ومشرفين&& [الأرشيف] - موقع الدي في دي العربي

مشاهدة النسخة كاملة : &&قضيه بالغة الاهمية لكل من يهمه الأمر من أعضاء ومشرفين&&

-=kimo=-

29-07-2005, 04:31 AM

السلام عليكم ورحمة الله وبركاته

انا النهاردة جاى لانى لقيت فى الايام اللى فاتت اعضاء مميزين جدا فى المنتدى متضايقين
اعضاء طول عمرهم بيدوا للمنتدى من غير مقابل
احنا هنا يا جماعة ارتبطنا بصداقة ومحبة جميلة من غير اى منافع
يبقى لو واحد فينا وقع فى ضيق لازم نقف جنبه
لازم مانخليش الضيق يهزمه

اكيد احنا كلنا هنا بشر
وفينا الكويس وفينا الوحش
بس المشكله فى الوحش
الوحش اللى بيكون السبب فى ان ناس عزوا علينا يسيبونا
ناس اتميزوا وكانوا سبب فى تميز المنتدى
ناس بيسيبونا ويسيبوا الفراغ وراهم
وللاسف كتير منهم راحوا ومارجعوش

ومن الناس اللى اللى كانوا مضايقين فى الفترة الاخيرة
اخت عزيزة علينا كلنا
دايما كانت بتدى لمنتداها من غير مقابل
اتميزت موضوعاتها بالبساطة الجميلة
واللى كانت سبب فى جذب الناس لموضوعاتها
وهى فى الفترة الاخيرة اتضايقت وسابت المنتدى لفترة

الاخت دودا شوقى

واحنا من هنا بندعوها ترجع لمنتداها وماتسيبهوش
يمكن الوحش اللى فينا كان سبب فى خروجها
بس اكيد احنا مش هنخلى الوحش يتغلب على الكويس اللى بينا
دودا انتى دايما كنتى وهتفضلى مميزة فى منتداكى
واحنا عايزينك ترجعى وسط اخواتك واصدقائك
احنا فى انتظارك يا داليا
وفى انتظار كل عزيز على المنتدى أعطى ولم ينتظر المقابل

.

™Mo7aMMad FaDl

29-07-2005, 04:37 AM

فعلا يا كريم القضية بقت مؤرقة حكاية ان عضو مميز
يختفى من المنتدى فجأة بدون سابق انذار
وعموما الاخت داليا اتضايقت شويه
ووضحت ان فى ناس بتدخل فى طريقة ردها واسلوبها
وده اللى ضايقها :5bomb:
ومش من حق حد هنا يدخل فى اسلوب حد او طريقته
مادامت بكل ادب واخلاق
وعموما يا داليا احنا عايزينك تنسى كل حاجه وترجعى للمنتدى :)
وماتخليش الوحش فعلا ينتصر على الكويس اللى فينا
وتبداى فى موضوعاتك تانى
اللى كانت سمة من سمات المنتدى العام
واحنا فى انتظارك ان شاء الله :)

.

Developer

29-07-2005, 04:43 AM

لا لا لا لا لا لا لا لن نسمح بكده ليه يا دودا انتى كنتى من احسن العضوات

و لو كان سبب تركك للمنتدى عشان الموضوع اللى اتقفل يا سيتى اينعم الموضوع كان جميل جدا و انا كنت مخطط اشارك

بس بجد قرارك ده اسمحيلى اقلك انه م سليم ازاى حاتسيبى المنتدى اللى عملتى فيه احلى اصدقاء انا متوقع اشوف بكرة موضوع اشوف فيه قرارك بالاستمرار بين عيلتك التانية و انا بجد زعلت لما سمعت الخبر ده

мυѕтαfα

29-07-2005, 04:50 AM

احيك بشدة اخى وصديقى العزيز كريم على هذا الموضوع الرائع
وانا بضم صوتى لصوتك لرجوع اخت عزيزا علينا كلنا
نكن لها كل تقدير واحترام
تقديرى لك اخى العزيزعلى روحك الجميلة

enrique_raul

29-07-2005, 04:57 AM

لأ ازاي يا دليا ازاي تمشي معلش مش من حقك انك تمشي وتسيبي اخواتك والمنتدي بيتك التاني

انت لو زعلانه من حاجه يبقي تقوليها عشان تتحل

لو فيه ظروف تجبرك انك تمشي يبقي فيه كلام تاني

لكن لو مش فيه ظروف يبقي معلش انتي كده غلطانه في حقنا وانا مش هسامح في حقي الا لما تدخلي وتقولي انك مش ماشيه

فكري يا دليا الموضوع مش مستاهل احنا اسره واحده ولازم نفضل اسره واحده عشان منتدانا او بتنا التاني

hemo1983

29-07-2005, 05:00 AM

إيه ده يا دودا عيب قوي لما تمشي كده عشان واحد بيعدل عليكي
أساساً مش من حق أي حد يدخل في شغل حد تاني إلا لما يكون مشرف و لما يكون مشرف مش من حقه يتدخل إلا في حدود شغله و يتدخل لما يلاقي حاجة مخالفة بس أما بالنسبة للناس اللي بيعدلوا عليكي لهم حل واحد حأنصحك بيه و أديك الحل و ببلاش
نفضي لهم و طنشيهم خالص و بس..
أتمني ترجعي في كلامك يا داليا و متخليش حد يمشينا علي كلامه

™HERO

29-07-2005, 05:05 AM

انا بجد مكنتش متوقع ان دودا تفكر تسيب المنتدى .. لان دودا مش هى الممكن تفكر بالطريقه ده ويكون حلها انها تسيب المنتدى .. يا دودا عمر الانسحاب ما كان الحل لاى موضوع .. ياريت ترجعى للمنتدى تانى عشان المنتدى عن جد بيفتقدك وبيفتقد أعضاء مميزين أخرين ....
وفى نهاية كلامى بقولك انا منتظر رجوعك المنتدى فى أقرب وقت ..

احمد طاهر

29-07-2005, 05:43 AM

السلام عليكم ورحمه الله وبركاته

اولا الف الف شكر يا كريم انك اتكلمت في موضوع مهم زي ده

لان الاخت داليا من الاعضاء اللي الكل بيحترمها وبيقدرها هنا في المنتدي

ثانيا الاخت داليا لالالالالالالالالالالالالالالالالا والف لالالالالالالالالالا انك

تسيب المنتدي عشان واحد وحش المهم انتي هنا بتتعاملي مع الناس اللي بتحبيهم وهما

بيحبوكي لانك من الاعضاء الكويسين جدا واللي الواحد يزعل لو حد كلمك المهم لازم

ترجعي لانك فعلا مقصره فينا كلنا واحنا مستنينك قريب وبسرعه

amiraaa

29-07-2005, 05:56 AM

فعلا انا اول ما دخلت المنتدى كنت بقرأ لدودا مشاركات كتير
وفجأه مش بشوفها
صحيح انا عضوه جديده وانتى مش تعرفينى بس انا اعرفك ومعجبه بمواضيعك جدا
وبعدين انا دلوقتى خوفت جدا
ده انا كنت ناويه اعمل مواضيع وابدع
لكن لو الموضوع فى زعل كده لا بلاش احسن لحسن انا بزل من اقل حاجه
بس الغريب انى لما اشتركت فى المنتدى اللى عجبنى فيه الاول ردودكم على بعض
اد ايه لطيفه جدا وبنكم محبه وصداقه
وده اللى فرحنى وقولت اكيد هيكون فى ليا اصدقاء يحترمونى واحترمهم ونكون زى الاخوات
والاحساس ده جالى فعلا من ردودكم على بعض حسيت انكم بتعزو بعض
فلو سمحت يا داليا ارجعى المنتدى عشان اتشجع انى افضل معاكو واوريكم ابداعاتى
لحسن انا كده ممكن يجيلى احباط لو بجد انك زعلتى من عضو هنا فى المنتدى وسبتى المنتدى عشانه

-=kimo=-

29-07-2005, 06:02 AM

انا يا جماعه الموضوع ده تعبت في اعداده
لأننا فعلا حنفقد جزء كبير مننا لو داليا هانم مرجعتش
وطبعا بشكر اخويا وحبيبي رومانسي حقيقي
لأ نه ساعدني كتير في فكره الموضوع

الله ينور عليك يا رومانسي كلامك كله صح
فعلا اهم اسباب دخولنا المنتدى اننا ندخل نكلم بعض ونعرف بعض
مش عمليه مواضيع ومعلومات
الاهم هو العلاقات المحترمه وتبادل الافكار
وانا مش حتكلم على اللي زعلها
انا حسيبها براحتها لو عاوزه تتكلم او تعفو على طول من غير كلام
وده طبعا بعد عودتها لبيتها التاني واخواتها اللي هما احنا ;)

Developer™
اشكرك على ردك الجميل العقلاني
وفعلا داليا من احسن العضوات والاعضاء كمان
وان شاء الله ترجع في اسرع وقت وتهرينا موايع اجتماعيه ولذيذه زي زمان

tefatato
ربنا يخليك يا تيفا
طبعا كلمه اخي دي عزيزه عليا اوي
وان شاء الله تكون كلمه اختي عزيزه علي داليا هانم
وتستجيب لنداء اخوانها

enrique_raul

فعلا يا انريكي
انا لو بعاتب اختي مش حلاقي احلى من كلامك ده واقوله
وان شاء الله مفيش ظروف ولا جوابات وترجعلنا اختنا العزيزه دودا

hemo1983
كلامك سليم يا محمود
بس الاهم من اننا نفتكر الموضوع القديم
اننا نقنع داليا هانم اننا اخواتها
مش بالساهل كده تسيبنا وتمشي مهما حصل

amrhero2020

فعلا يا عمرو محدش ابدا كان يتوقع انها تعمل كده لننا كلنا عارفينها طيبه ومتسامحه
وفي انتظار عودتها ان شاء الله

احمد طاهر
العفو يا احمد
انا لو متكلمتش في الموضوع ده كان غيري كتير حيتكلموه فيه
وفعلا هروبك ده غلطه في حقنا

amiraaa
انا فعلا يا اميره اول مره اخد بالي منك
بس عاوزك تعلي صوتك وتسمعيها
انتي اخدتي بالك من ردودنا على بعض وحسيتي اننا اخوات
قوليلها بقى عشان متقولش الموضوع متكوس
وان شاء الله حترجع وحنشوف ابداعها من تاني وابداعك انتي كمان يا اميره
وحتكوني صداقات جميله وتعتزي بيها
واولها دودا ان شاء الله

وبعدين المنتدى مش حينقص واحد بهروبك يا داليا
لكن حينقص حاجه اهم
حينقص اخت عزيزه وصديقه
اخت كان اغلب مواضيعها وكلامها في الاستماع لمشاكل اخواتها

ما علينا

المهم دلوقتي هي حتشوف الكلام ده ازاي
وحتعرف منين ان اخواتها هنا بيكلموها
دي بقى مهمه دينا (اهلاويه مووووووووووووووووووت)
تشوفلنا حل في اختها دي وتعقلها
ولا دينا بتخاف منها :D
ولوكانت متضايقه من حد تضيفه لقائمه التجاهل وتريح دماغها
لكن متقلبش على الكل كده وتسيب اخواتها وتخلع

يا رب صوتنا يوصلك يا داليا
وتكبري دماغك من موضوع الوصايا ده
وترجعي بطبيعتك التلقائيه اللي احنا فاهمنها كويس
واللي يفهم كلامك غلط مسئول عن فهمه وخلاص كده

أهلاوية موووت

29-07-2005, 11:40 AM

بجد ياجماعة بما اني اختها يعني
مافيش كلام أحلي من كدة ممكن يتقال علي حد
بجد بجد انا قريت كلامكم كله وبناءا علي الكلام الجميل ده
انا قررت اني اسيب المنتدي انا كمان عشان يتقال ليا الكلام الحلو ده
بصوا بقي انا مش بخاف من حد ياسي كريم وليكوا عليا والله العظيم مش حقنعها ولا ليا دعوة
انا بس حقولها كلمة واحدة اول ماتصحي
حقولها اقري الموضوع ده واقري الرسايل الخاصة اللي بتتبعتلي واقعدي فكري هل العضو او الاتنين او الخمسة حتي
اللي دايقوكي دول يستاهلوا انك ترضيهم علي حساب الناس الجميلة دي ما أعتقدش
وميرسيه تاني لكل الكلمات الرقيقة دي

OzoS@iD

29-07-2005, 11:54 AM

اولا شكرا أخي العزيز كريم

ثانيا أختي العزيز دودا أعتقد أنه لا يوجد سبب يجعلك تتركين المنتدي
وبالنسبة للأعضاء السيئين فنحن كمشرفين نتعامل مع هؤلاء الأعضاء
لذا فمن الأفضل أن ترجعي للمنتدي
لإننا يصعب علينا فراقك

ninja911

29-07-2005, 03:55 PM

أنا تلقيت الخبر بحزن شديد بالفعل...

دودا من أفضل أعضاء المنتدى فى بساطتها و مواضيعها...

والجميع يشعرون أنها أخت لهم....

فلذلك أرجوا أن تعدل من رأيها وتفكر مرة أخرى ...

وأنا على ثقة إن شاء الله أنها ستعود أخت عزيزة لنا جميعاً...

мυѕтαfα

29-07-2005, 04:11 PM

ايـــــــــــة دة هيا داليا لسة ما رجعتش مش معقولة
انا كنت فاكر انها بتحب اخواتها اكتر من كدة انا رديت امبارح على الموضوع
وبصراحة كنت متوقع آن النهاردة ادخل المنتدى واشوف داليا منوراة بمشاركتها وردودة الجميلة
طيب لية يا داليا مش معقولة تكونى فضلتى السىء على الكويس واخترتى تبعدى عن المنتدى
بسبب شخص او اتنين او عشرة .. بس لزم تعرفى ان فى اكتر من كدة بيحبوكى كاخت عزيزة
وعايزينك تكونى معاهم .. يا ريت يا داليا تفكرى شوية لان مش معقولة تفضلى السىء عن الكويس
فــــــــي انتظــــــــــــار رجوعك آن شاء الله اليوم وهانعملك حفل تكريم يا سيتى ولا تزعلى بس هاتى الحاجة الساقعة معاكى وانتى جاية :D

أيمـن

29-07-2005, 04:13 PM

مين دي اللي هتسيب المنتدى يا كريم؟
داليا!
ايه يا رومانسي؟
بتقول هي هتسيبه ليه؟
علشان مش عارف مين مضايقها
ا ا ا ا ا ا ا ا ا ا ا ا ه
لو كل واحد عزّل من المنتدى علشان عضو كلمه ولا مشرف اتخانق معاه يبقى النت هيقع
صح ولا انا غلطان
اي حد يضايقك انتي بس كلمي هاني او ديناميتا او معتز
اظن انك عارفة الكلام دة كويس
انما تسيبي المنتدى وتضحي بألف واحد بيحبوكي من غير ما يشوفوكي فقط من كتاباتك وكلامك علشان عضو ممكن نوقفه عند حده
ما اعتقدش انك بتفكري بالاسلوب دة
انا مستنيكي بكل استعجال علشان تيجي تعلنيها هنا
ان المنتدى بيتك التاني وهيفضل طول عمره بيتك التاني
رغم انف الحاقدين والحاسدين والمفرّقين
ونتعاون احنا وانتي على اننا ما نسيبلهمش مكان بيننا

moodyelgamal

29-07-2005, 05:40 PM

ramaa

29-07-2005, 06:19 PM

السلام عليكم ورحمة الله وبركاته

واضح ان الاخت العزيزة داليا ناويا انها تمشي!!!!!!!!!!!!

وواضح ان عندها اسباب........بالرغم اني مش عارفاها ........

بس هأقلك على حاجه ......لما يكون في مكان بيجمع ناس كتير بيحبوكي ويحترموكي ودول

اغلبيه و انت كمان نفس الشيء........فمش ينفع تمشي....علشان الاقليه ...

كون ان اي احد ممكن يختلف معاكي ...ده طبيعي ...يمكن المزعج هو طريقه الخلاف

بس ممكن ده كمان تتجنبيها .......

اذا كل واحد انزعج من شخص هيمشي ويسيب المنتدى يبقى كان غيرك مشي;)

وانا مستنيه موضاعتك الجميله :smiletest

ahmed2611

29-07-2005, 06:36 PM

لا يا دودا ماينفعش كده يعني إيه تسيبي المنتدى إنت مش حتسيبي المنتدى ما هو يعني إيه منتدى غير إنه مجموعه من الناس إنتي هتسيبينا إحنا الناس اللي حبتك في الله من غير ما تشوفك و لا تعرفك و لكن عرفوا فيكي
إسلوبك المهذب و المواضيعك الحلوه و حبك لبلدك
و سيبيكي من أي حد هزعلك كل حاجه في الكويس و الوحش

إرجعي عن التنحي عايزينك معانا بجد و الله أنا هزعل لو سيبتي المنتدى

spider_arch

29-07-2005, 07:45 PM

يا أخت داليا
أنا لا أعرف ما حدث ولكن ما أعرفه جيداً أنك عضوة متميزة ننتظر مشاركتك دائماً
فلا تتركى المنتدى وراجعى قرارك
أن أنتظر موضوعك القادم لأنى واثق أنك ستعودى بين أصدقائك
تحياتى وتقديرى لكى

-=kimo=-

30-07-2005, 05:07 PM

up up up up up up

moodyelgamal

30-07-2005, 05:34 PM

واضح إن قرارها أخير و مش حتغيره

آخر تواجد ليها كان 28 - 7 الساعة 8 بالليل يعنى من يومين تقريبا

لا حول و لا قوة إلا بالله

-=kimo=-

30-07-2005, 05:37 PM

واضح إن قرارها أخير و مش حتغيره

آخر تواجد ليها كان 28 - 7 الساعة 8 بالليل يعنى من يومين تقريبا

لا حول و لا قوة إلا بالله
لا يا مودي
اعتقد انها متضايقه شويه واول ما تروق حترجع
برده احنا عملنا اللي علينا وربنا يسهل

yagami

30-07-2005, 07:21 PM

بصراحة أنا لا أعرف من تكون داليا
ولكن يحزنني أن أعلم أو أسمع أن هناك عضو أو مشرف ترك المنتدى
و خاصة إذا كان هذا الشخص مميزا بمواضيعه الرائعة كما يقول عنك الأعضاء و المشرفين
لهذا أضم صوتي لهم و أقول عودي إلى المنتى وليكن قلبك واسع و لا تتضايقي من بعض الأعضاء
شكرا جزيلا لك يا أخ كريم سعد على حسن نيتك

yagami

30-07-2005, 07:22 PM

عودي إلى المنتدى

-=kimo=-

30-07-2005, 07:31 PM

هااااااااااااااااااااااميس
عووووووووووووديي

-=kimo=-

30-07-2005, 07:32 PM

ههههههههههههههههههههههههههههههههههههههههههههههه

™Mo7aMMad FaDl

30-07-2005, 07:43 PM

ماعتقدش داليا بعد الكلام الجميل ده كله
انها مش هترجع
بس هى يمكن فى ظروف ولا حاجه
وان شاء الله ترد علينا وتفرحنا برجوعها بينا

mashakel

30-07-2005, 08:19 PM

انا ماكنتش ناوي ارد لاني بجد عارف شعور الانسان لما يحس انه مظلوم او يحس ان فيه ناس متضايقه منه و ناس بتكرهه و هكذا

و انا باناشدكم اننا نسيب دودي تفكر براحتها و مش عايزين نضغط عليها في الفترة ديه لان اكيد فيه مليون حاجة و اسباب اخرى بتفكر فيها و انا واثق ان شاء الله انها هتتخذ القرار الصائب و ترجع لينا و تثبت للي بيكرهوها ان اللي بيحبوها اكبر معزة عندها منهم

بس قبل ما ترجع لازم الادارة تحل مشكلتها اللي اتسببت في خروجها و نعرف ايه اللي ضايقها هنا

و انا كلي اسف للادارة لانها لم تفكر في معرفة المشكلة منها حينها و كان يجب الاهتمام باعضاء المنتدى المتميزين مثلما يهتم هؤلاء الاعضاء بالمنتدى

و فيه حاجة عايز كل الناس تعرفها هنا في المنتدى .... اننا مانقعدش نقول لعضو او لعضوة الصورة بتاعة مين و هي صورتك ولا لااا .... و اللي يقول مش عاجبنني التوقيع غيره او غير الصورة الشخصية و هكذا ... و اللي عمالين بيطلبوا الايميلات على الفاضي و المليان " يعني لو حد لرفض خلاص احترم رغبته او رغبتها " مش تستخدم اساليب رخيصة و الكلام ده و ياريت الناس ديه تبطل سخافة و تعرف ان العضو او العضوة احرار في العضوية بتاعتهم و الانسان مش هيغير نفسه علشان عضو او اتنين لان الانسان بيغير نفسه من اجل الزوج او الزوجة فقط فمفيش حد وصي على حد و الكلام ده

و علشان تعرفوا الاساليب الرخيصة ديه " هام للعضوات و المشرفات " جدااا

اضغطوا هنا (http://www.dvd4arab.com/forums/showthread.php?t=86261)

يعني انا عن نفسي مش هاغير من نفسي علشان خاطرحد " مع الاعتذار للجميع " هي ديه شخصيتي و عجبانني و ماحدش ليه تعليق عليها فانا حر ما لم اضر ... و لو الانسان يريد ان يصادق انسان لا عيب فيه لما صادق نفسه ابدا و يجب على الجميع ان يدرك هذا جيدا

و كفاية لحد كده و احنا داخلين المنتدى ده علشان نفيد و نستفيد ... مش .... شغالين و بنعمل كمائن لبعض و اعتراضات على طول الخط

و احنا مستنيين عودة الاخت العزيزة دودي

و سلامي ليكي يا اهلاوية

dodashawky2

01-08-2005, 02:02 AM

بسم الله الرحمن الرحيم

السلام عليكم ورحمة الله وبركاته

في البداية أحب أعتذر عن تأخيري في الرد على أجمل أعضاء في أجمل منتدى

لكن أكيد أنتوا عذرني والله كنت في حالة كارهة فيها نفسي

ثانيآ أحب بقى أشكر كل الاعضاء اللي ردوا وطالبوني بالرجوع واللي بعتولي رسالة خاصة واللي رسلوني عالمسنجر

غير طبعآ شكري لكريم سعد ورومانسي حقيقي اللي عمله الموضوع دة

صحيح هما دبسوني بس معلش دة من معزتهم ليا والمعزة متبادلة

واحب أقول أني بجد كفاية جدا عليا اللي بعتولي هما فعلا الشخضيات اللي بحبهم في المنتدى وبتابعهم وحزعل لو مشيوا

وكمان في أشخاص بعتولي عالخاص أنا بشكرهم وناس وصلني انهم سألوا عليا برضو بشكرهم جدا جدا

بصراحة يا جماعة أنا مش قادرة أوصف سعادتى بعد كل كلامكوا الجميل والمشجع واللى ان دل على شئ فيدل على جمال الصداقة والاخوة فى منتدانا يمكن لما قررت اسيب المنتدى كنت متأثرة بشخصيات سيئة حسستنى ان المنتدى ماينفعش افضل فيه انما بصراحة بعد كل كلامكوا الجميل انا عرفت انهم اقلية وان الناس الكويسين باخلاقهم اكتر بكتير

وطبعا عارفة أني في ناس كتير عايزة تعرف السبب اللي خلاني أعمل كدة

والسبب بسيط جدا للي يعرفني أو حتى قرألي كام موضوع

وهو اني لما بحب وأعز حد بتعامل ببساطة وبتكلم بصراحة بس اللي يعرفوني يعرفوا أني مغلطتش في حد خالص في المنتدى ألا في حالات معدودة ولحد دلوقتي مش ندمانة عليها

بس المشكلة في كوني بنت ودايمآ الناس بتتصيد للبنات الغلطات في مجتمعنا لكن انا كنت عاملة موضوعي الأول عشان الناس اللي يعرفوني ولو فيه في دماغهم أي حاجة وحشة يشيلوها ويعرفوا أني بس بتكلم ببساطة مش اكتر وأني مش ببقى بقصد اي حاجة ولأني معنديش النية لأني أغير نفسي عملت الموضوع

والمفاجأة كانت الردود

تحبوا تفهموا أية اللي ضايقني هو ان كل اللي ردوا تقريبآ عرفني كويس وعرفوا أني عمري ما غلطت في أي حد خالص في المنتدى وردودي طبيعية جدا ومبتخرجش عن الحد

ولكن ردودهم وكأنهم فضلوا انهم يقولوا رأيهم عن انهم يقولولي لأ أحنا عمرنا ماشفنا منك رد مش مناسب ودي الحقيقة

الكل أتكلم في نقطة الصراحة وسابوا الموضوع الأساسي اللي انا عملاه عشانه وللأسف كانت كمان في ردود لأشخاص ميعرفوش عني حاجة

وحموت واعرف هما أصلآ كانوا داخلين الموضوع يقولوا أية طالما هما اصلا مش عارفين عني حاجة

لكن ارجع وأقول أذا كان اللي عارفني كانت دي ردودهم امال اللي مش عارفني حيقولوا أية
وبصراحة كانت صدمتي من هنا وقررت ان الغلط فيا والما مش قادرة أغير من طبيعتي يبقى بلاش أدخل المنتدى اصلآ عشان أريح وأستريح
بس دي كل الحكاية
بس بجد في ردود كتير ابهرتني وخلتني حسيت أن الدنيا لسة بخير وأنا لسة في ناس حساني وحباني في المنتدى اللي ضيعت اكتر من نص يومي وانا عليه واحب أقول أن الموضوع انتهى خلاص بمجرد الردود اللي طالبت برجوعي ولو اني والله العظيم الموضوع كان بالنسبة لي مقفول نهائي بس الردود اللي خليتني اقول مش ممكن أرد ناس بتحبني زي دول عشان ناس بيتمنه أني أمشي النهاردة قبل بكرة

وياريت باب الحوار في الموضوع القديم يتقفل و منتناقش فيه تاني بليز

وان شاء الله ابدا معاكوا من جديد

ابدا مع ناس عرفت انهم مصدر لحب وخير كتير فى المنتدى

وبشكر كل شخص اهتم ورد فى الموضوع

devolper

tefatato

enrique-raul

hemo1983

amrhero2020

أحمد طاهر

amiraaa

أهلاوية موووت

ozosaid

ninja911

أيمن

moodyelgamal

ramaa

ahmed2611

spider-arch

yagami

mashakel

وطبعا كريم سعد ورومانسي حقيقي اللي بشكرهم جدا جدا على حاجات كتير

وبشكر en-mhmd وكريمزون رد على كلامهم اللي بجد ريحني جدا جدا

وبالتوفيق للجميع ان شاء الله

واسفة جدا عالتطويل الرهيب دة

moodyelgamal

01-08-2005, 02:07 AM

هيه هيه هيه :5bouncy: :5bouncy:

دودا رجعت يا رجالة

الحمد لله

حمدا لله ع السلامة يا دودا ... كنت متأكد إنك مش حتسيبى أصحابك و أخواتك

dodashawky2

01-08-2005, 02:14 AM

الله يبارك فيك يا مووووودي
انا فرحانة لنك اولل مشاركة تبعتلي وأن شاء الله ميحصلش زعل تاني أبدآ

فجرالإسلام

01-08-2005, 02:30 AM

انا اسمى مكتوب اكيد لا دودا انا بقلك اسف عشان انا اخر واحد يعرف الموضوع دة ومش عارف اقول اية والله مكسوف من نفسى اوى مش عارف اقول اية اصلى عندى مشكلة فى النت ومش عارف ادخل على النت كتير انا كنت عارف ان انتى البنت الوحيدة الي فى المنتدى محبوبة عشان كدة عمرك متسيبى المنتدى وان شاء الله حصل خير وكلامك جميل بس بقى اكتبى اسمى وقولى شكرأ ليك يا ايبو عشان رديت عشان هزعل اوووى

وبعدين اية البنت الامورة دى معندهاش اخت كبيرة شوية اخطبها ههههههههه

بهرج طبعأ

مستنى الشكر على رسلتى

قولو لا اله الا الله تفلحو

mohammed2050

01-08-2005, 02:44 AM

أختى العزيزه جدا جدا جدا جدا داليا

انا سعيد جدا جدا بعودتك

و بجد اسف جدا جدا جدا انى مسألتش عنك بس انا كان تواجدى قليل جدا اليومين اللى فاتوا

يارب تسامحنى لانى مش هسامح نفسى الا لو سمحتينى

و هقولك حاجه مهما عملوا المفروض محدش يأثر عليكى ولا تتضاقى ابدا

اعملى اللى انتى شايفاه صح و اثبتى على رأيك

بس بلاش تسيبينا و تمشى تانى

سامحينى من فضلك

اخوكى محمد

dodashawky2

01-08-2005, 02:45 AM

يا أيبو اسفة اني نسيتك ونسيت اعاتب عليك
بس يا سيدي خلاص ولا يهمك أنت اخ عزيز وانا مسمحاك حتى شوف
روح يا أيبو أنا مسمحاك لله في لله
طبعآ يا أيبو حضم أسمك للأسماء السابقة لأنك اخ عزيز من أيام هدف ومش هدف ههههههههههههه
شكرآ يا أيبو

dodashawky2

01-08-2005, 02:52 AM

فجرالإسلام

01-08-2005, 02:57 AM

شكرا يا دودا يا على كلامك الجميل دة الحمد الله انك مش زعلانة

mohammed2050

01-08-2005, 03:00 AM

محمد أخويا الصغير
والله لأ مش زعلانة خالص
أنا أسفة على جملتي ان اللي رد بس هما اللي يهموني
يا جماعة اعذروني
لكن أنا حلوم عليك يا محمد لأنك لخبطت في الأسامي
لأني داليا يا جميل مش دينا
ههههههههههههههههههه
شكرآ محمد

شكرا لانك سمحتينى

و متلومنيش عشان الاسم

لانى كده

لما اكون مخنوق بتلخبط و الشمال بيبقى يمين و اليمين بيبقى شمال

و انا والله كنت مخنوق من نفسى جدا لانى حسيت انى مقصر جدا فى حقك

اخوكى الصغنن الى الابد

محمد

™HERO

01-08-2005, 07:06 AM

ايه ده دودا رجعت المنتدى .... مش معقوله بجد والله مش مصدق
للدرجادى يا داليا بتعزينا ورجعتى المنتدى عشان خاطرنا
احنا يا داليا عارفين إننا كنا بنطلب منك طلب صعب اوى اوى
لكن انا عارف انك متقدريش ترفضى اى طلب لاخواتك فى المنتدى
وانا فرحان جدا برجوعك المنتدى وعايزين بقا نشوف منك المواضيع الجميلة بتاعتك فى العام
وعلى فكره أنا عاجبنى كمان جدا النيولوك ال انتى راجعه بيه :D بجد الصوره ما شاء الله جميله اوى
وفى نهايه كلامى بشكرك مره أخرى يا دودا على تلبية طلبنا ليكى وبشكرك جدا جدا ...

egyptianlion

01-08-2005, 07:45 AM

.. على فكرة دى اول مرة اشوف فيها الموضوع ده .. والحمد لله انى لما شفته كان انتهى على خير :)

وعايز اقول للاخت داليا حاجتين مهمين جدا .. اتمنى انها متنساهمش بعد كدة !

وهي ان مش بس الى شارك فى الموضوع ده ، ولا اللى بعت رسايل خاصة او وصلك عنه رغبته فى استمرارك معنا بس هو عدد الاعضاء اللى كانوا ولايزالوا يتمنوا بقاءك معنا .. فهناك اضعاف اضعاف هذا العدد من كل الى شاركوا فى مواضيعك او شافوا مشاركاتك وعرفوكى واحترموكى منها .. لكن ادت اى ظروف الى انهم ميشوفوش الموضوع ده عشان يعلنوا فيه رغبتهم في عودتك سريعا ..

وان مواضيعك ومشاركاتك داخل المنتدى وبطبيعتك المرحة التلقائية البسيطة اللى اثريتي المنتدى بيها دي اعطت روح جميلة داخل المنتدى كنا فعلا نحتاجها .. وان الروح دى لو غابت عن المنتدى كانت حتترك فراغ كبير من الصعب جدا ان يملأه أحد بدون اى مجاملة ..

.. وشكرا للاخوين كريم سعد ومحمد رومانسي على الموضوع الجميل ده الى اعاد اخت عزيزة وغالية علينا جميعا الينا من جديد :)

biznaser

01-08-2005, 07:57 AM

لسه هقول عودى يا بلية قصدى يا دالة, لقيتك رجعتى

منورة تانى يا دودا

new-DVD

01-08-2005, 08:02 AM

بصراحة يا شباب موضوع يستاهل الرد عليه

انا مش هقدر اقول جديد بس انا نفسى اعرف الناس اللى بتزعل الناس الحلوين دول انى انا لو مسكت حد فيهم الله اعلم مين هيخلصهم من ايديا خاصة وانى بلعب مصارع ومستنى اى خناقة وبقول شكل للبيع بس قلبى الطيب هو اللى مضيعنى

بالتوفيق وان شاء الله اللى زعلان يرجع وهو متراضى وفرحان

enrique_raul

01-08-2005, 08:56 AM

الحمد لله يا داليا علي العوده مره تانيه علي المنتدي وبجد كنا هنخسر اخت عزيزه علينا كلنا وشخصيه اكثر من رائعه والحمد لله اننا قدرنا نقنعك انك لازم تفضلي في بيتك التاني المنتدي وشكرا ليكي ا داليا علي اهتمامك بينا

amiraaa

01-08-2005, 10:13 AM

حمدلله على سلامه يا داليا
والحمد لله انك عرفتى ان فى ناس كتير بتحبك
ويالا بأه صافى يا لبن
واعملى حسابك اننا لازم ولابد وحتما نكون اصحاب انا بقولك اهوه مليش دعوه
ومستنيا مواضيعك

OzoS@iD

01-08-2005, 10:25 AM

سالمة يا سلامة
روحتي وجيتي بالسلامة

احمد طاهر

01-08-2005, 10:34 AM

http://www.capricorn007.com/6789/flowerline5.gif

السلام عليكم ورحمه الله وبركاته

الف الف الف الف حمد لله علي السلامه يا دودا والله المنتدي كان مظلم

من غيرك نورتي بيتك يا دودا وياريت مايحصلش الكلام ده تاني عشان منزعلش منك

http://www.capricorn007.com/6789/flowerline5.gif

أهلاوية موووت

01-08-2005, 10:45 AM

مبروك يادودا علي رجوعك للمنتدي
وبعدين الا مافي واحد قال شكرا يا اهلاوية علي دور الوسيط الرائع ده
علي العموم انا حشكر نفسي لاني مقدر المجهود اللي قمت بيه
ألف ألف شكر ليك يااهلاوية ويارب دايما تكوني واسطة خير كدة
ومرة تانية المنتدي والله نور يا دودا

™Mo7aMMad FaDl

01-08-2005, 12:29 PM

نورتى المنتدى من تانى يا دودا
وبالتوفيق دايما ان شاء الله

http://www.w6w.net/album/45/w6w_w6w_2005042609461934b06516e.jpg

السيد س

01-08-2005, 01:37 PM

ايه اللي بيحصل ده
انتم بتتكلموا جد
لا لا لا لا
لازم ترجع شوفولكم صرفه ورجعوها
دي كانت محترمه جدا و عندها اخلاق
هي مشيت ليه
!!!!!!!!!!!!!!!!!!
شوفولكو صرفه ورجعوها

™Mo7aMMad FaDl

01-08-2005, 01:45 PM

ايه اللي بيحصل ده
انتم بتتكلموا جد
لا لا لا لا
لازم ترجع شوفولكم صرفه ورجعوها
دي كانت محترمه جدا و عندها اخلاق
هي مشيت ليه
!!!!!!!!!!!!!!!!!!
شوفولكو صرفه ورجعوها

يا س اقرا اخر الردود يا باشا وانت تفهم

мυѕтαfα

01-08-2005, 02:46 PM

حمد لله على السلامة يا داليا والله فعلا خبر اسعدنى كثير برجوعك مرة اخرا
وليا عندك طلب بعد ازنك يا ريت تنسى كل اللى فات واعتبرية كأن لم يكن
تقديرى لك اختـــــــــــي العزيزة وبالتوفيق ان شاء الله فى الفترة القادمة.

-=kimo=-

01-08-2005, 05:30 PM

اخييييييييييييييييييييييييييييييي على منظري
بقى معقوله داليا رجعت وانا كل ده لسه مباركتلهاش على الرجوع
بجد مكسوف من نفسي اوي :5bomb:

بس معلش كل تأخيره وفيها خيره :D
المهم حمد لله على السلامه يا دودو
وان شاء الله متعمليهاش تاني

ramaa

01-08-2005, 07:22 PM

لووووووووووووووووووووووووووولي:5bouncy:

الف حمدلله ع السلامه ..........:)

منورة ...........:5shocking

.وسيبك من اللي فات وخليكي في اللي جاي ......قوللي موضوعك الجديد نازل امته ؟:smiletest

dodashawky2

02-08-2005, 12:32 AM

أنا بجد شاكرة جدا جدا لأهتمامكم بمباركتي بالرجوع
بجد سعادتي بتكبر
ياريتني عملت كدة من زمان عشان أشوف الحب دة منكم
ان شاء الله نبدا من جديد
وشكرآ لكل
اللي هنأوني
عمرو هيرو
egyptianlion
biznaser
new_DVD
enrique_raul
amiraaa
ozosaid
أحمد طاهر
البت أهلاوية موووت
السيد س
tefatato
ramaa

dodashawky2

02-08-2005, 12:32 AM

وطبعا طبعا
كريم سعد
رومانسي حقيقي

hemo1983

02-08-2005, 12:40 AM

و فين هيمو؟؟؟

spider_arch

02-08-2005, 04:18 AM

مبروووك العودة للمنتدى
وأهنئ أعضاء المنتدى بعودتك
تحياتى وتقديرى لكى وأنتظر موضوعك القادم

enrique_raul

02-08-2005, 04:55 AM

و فين هيمو؟؟؟

ههههههههههههههههههههههههههههههههههههههههه

مين هيمو ده يا جماعه ههههههههههههههههههههههه

انت معانا اصلا في المنتدي ؟؟؟ :D :D :D

معلش يا داليا ادخلي تاني واكتبيله شكر هتعملي ايه بقي ههههههههههههه

dr_ahmed2004

02-08-2005, 05:09 AM

الف الف مبروك على عودتك للمنتدى ياداليا مرة أخرى أرجو أنك تنسى اللى فات وتبتدى من جديد مواضيع جديدة متميزة وشيقة
أخوكى فى الله د.أحمد عمار
بجد فى المنتدى فى ناس كتير زى العسل (مش مجاملة والله)
مبروووووووووك لرجوعك مرة أخرى

:smiletest :smiletest :smiletest :5bouncy: :5bouncy: :cool: :cool: :cool: :D :D :D

hemo1983

02-08-2005, 05:17 AM

ههههههههههههههههههههههههههههههههههههههههه

مين هيمو ده يا جماعه ههههههههههههههههههههههه

انت معانا اصلا في المنتدي ؟؟؟ :D :D :D

معلش يا داليا ادخلي تاني واكتبيله شكر هتعملي ايه بقي ههههههههههههه

يعني يا هندسة إنتا داخل تعلق و تقول مش عارف إيه و هيمو ده أشهر من نار علي علم إنتا بقي مين.........؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

-=kimo=-

02-08-2005, 12:44 PM

يعني يا هندسة إنتا داخل تعلق و تقول مش عارف إيه و هيمو ده أشهر من نار علي علم إنتا بقي مين.........؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كله هزار في هزار في هزار في هزار

hemo1983

02-08-2005, 01:15 PM

كله هزار في هزار في هزار في هزار

شفت يا عم إنريكي أهو حتي كريم بيستغرب من كلامك و بيتسأل في مكنون نفسه عن هويتك و عن إنتا مين

-=kimo=-

02-08-2005, 04:27 PM

شفت يا عم إنريكي أهو حتي كريم بيستغرب من كلامك و بيتسأل في مكنون نفسه عن هويتك و عن إنتا مين
لا يا هيمو انا عارفه كويس وعارفك انت كمان كويس
والنتم الاتنين احسن من بعض
بس انا خفت تمسكوا في بعض بسبب الهزار
وربنا ميجيب مشاكل ;)
هههههههههههههههه

hemo1983

02-08-2005, 05:34 PM

يا كريم يا حبيبي أنا و إنريكي بنهرج طبعاً
أنا لغاية دلقوتي مقابل إنريكي مريتن و خارج معاه و بس إحنا بنرخم علي بعض فما تقلقش

هانى احمد

02-08-2005, 07:31 PM

واضح انى عامل زيى الاطرش فى الزفة :D
دايما بحضر المواضيع متأخر :cool:
المهم
بصى يا دودا
احنا كلنا اتعرضنا لمواقف كتير زيى ديى وحسينا بالظلم برضه
بس مهما كنا بنبعد عن المنتدى كنا برضه مبنقدرش نسيبه
يعنى فاكرة لما عملنا استقالة جماعية
بالرغم من اننا عملناها الا اننا رجعنا تانى
ليه؟
لان الديفيدى اسرة كبيرة واحنا جزء منها ولما خرجنا من الاسرة دى حسينا بالغربة وباننا تايهين
رحت منتديات تانية وتعاملت معاها وكان معايا احمد طاهر وعماد
بس صدقينى انا واحد من الناس مكنتش بقدر اسيب الديفيدى وكنت بدخله حتى من غير ما اشارك واخيرا قررت العودة لانه حسيت انه مكانى هو منتدى الديفيدى مش اى منتدى تانى وانه الديفيدى ده جزء منى اتعرفت فيه على اشخاص طيبين وجدعان وشباب متدين ومحترم واخوات فاضلات وبيتهيالى مكنتش هلاقى كل ده فى منتدى تانى
فعرفت انى غلطت لما سيبت الدفيدى وانى لازم اتحمل لانه مفيش حلاوة من غير نار وكل حاجة لازم حتما ولابد هتلاقى ليها جانبين واحد حلو والتانى وحش فزيى ما قبلتى الحلو وحبتيه لازم تيجى على نفسك وتقبلى الوحش مهما كان
وبعدين انا بحب مواضيعك وبدخل ارد فيها وكل الاعضاء كذلك
ويا اما اتقفلى مواضيع واتحذف لى مواضيع بالرغم من انى مكنتش بغلط فى حد ولا بسىء لاحد وبامكانك رؤية ذلك فى مواضيعى
فيا دودا انا عايزك متزعليش من اللى حصل لانه وارد لاى شخص ولكل شخص فى المنتدى مش انتى او انا او ناس محددة وبس
ومستنين العودة مرة اخرى وبكامل نشاطك السابق ;)
اخوكى \: هانى احمد

ninja911

02-08-2005, 07:49 PM

ـــــــــــــــــــــــــ
http://www.althkra.net/pic/ep/e9.gif
http://planets.uaeplanet.net/upload/1096021468.jpg
http://www.althkra.net/pic/ep/e9.gif
http://www.al-wed.com/pic-vb/239.gif

عوداً حميد يا دودا

amertx

02-08-2005, 08:06 PM

السلام عليكم
الاخت العزيزة داليا
رغم اني تعاملت معك مرة واحدة من خلال موضوع الكمات المتقاطعة
الا اني لمست منك اخلاقا عاليا وادبا واعتبرتك اخت حقيقية
ارجو ان تتقبلي نصيحتي
في حياة اي انسان تعاملات كثيرة مع اشخاص غيره وخاصة عندما نكون في مجتمع مفتوح وبالطبع الانتر نت اكبر المجتمعات المفتوحة حاليا التجمعات هنا اصبحت اكثر من مجال العمل والاندية علي سبيل المثال
من الطبيعي ان تقابلي اشخاصا ممتازين والعكس صحيح
ولكن هل معني اننا نقابل اشخاصا ليسوا علي نفس المستوي هل يعني هذا انسحابنا
الابتعاد ليس هو الحل الامثل
بامكانك وبادبك واخلاقك العالية ان توقفي كل شخص عند حده وصدقيني شخصيتك واسلوبك هما من سينتصر في النهاية
ارجو ان تعودي كما تعودنا منك واكثر
لانك طالما كنتي جادة في مواضيعك ومصداقيتك كما تعودناها منك دوما ستجدين داخلك الحماس والطاقة للعودة اروع مما كنتي وفي انتظار تالقك كما تعودنا جميعا

اما الاخ العزيز كريم سعد جزاك الله خيرا علي الموضوع
وده مش غريب علي اسكندراني جدع
ما انا كمان زيك اسكندراني لكن عايش خارج مصر حاليا
تحياتي للجميع

mashakel

02-08-2005, 09:40 PM

حمدا لله على السلامة يا دودي

و قرار الرجوع حكيم جدا و ماكناش هنقبل اقل من كده

و اتمنى ان تهتمي بالفترة القادمة و تنسي اللي فات و احمدي الله ان الذين يحبونك و يقدروك هنا اكثر من الذين يكنون لك الضغينه

و الف حمدا لله على السلامة

-=kimo=-

02-08-2005, 10:49 PM

اما الاخ العزيز كريم سعد جزاك الله خيرا علي الموضوع
وده مش غريب علي اسكندراني جدع
ما انا كمان زيك اسكندراني لكن عايش خارج مصر حاليا
تحياتي للجميع

الف شكر يا اسكندراني يا جميل
كلامك كله تمام

بس عاوز انبهك ان دودو نورتنا ورجعت خلاص
ونفس الكلام لهاني باشا احمد
باركولها وباركولنا على رجوعها

اخوك كريم الشهير بكيمو

dodashawky2

04-08-2005, 02:55 AM

يا جماعة والله ما عارفة أشكركم ازاي أنا مشفتش سوري الردود الاخيرة دي
وشكرآ يا كيمو خايف عالموضوع هههههههههههههههههه
ألف شكر لكل من كتب حرف واحد وفرحان برجوعي

dodashawky2

04-08-2005, 03:39 AM

شكرآ يا كيمو على ردودك في غيابي
وياريت متعملهاش تاني :D
هههههههههههههههههههههههه
طبعا انت صاحب الموضوع وتعمل اللي انت عايزه شكرآ ليك أنت ورومانسي