لغزي السائق الخاص [الأرشيف] - موقع الدي في دي العربي

DR_OZY

24-07-2005, 02:18 PM

السلام عليكم

1- كل يوم بنخلص الجامعه الساعه 3.00 وبعدين اخرج الاقى السواق وصل عشان يودينى البيت
بس السواق دا شاطر جدا لدرجة انه ظابط معاد خروجه من البيت على انه هيوصل فى نفس معاد خروجى من الكليه
بس فى يوم من الايام انا خرجت من الكليه الساعه 2.00
قلت فى نفسى هو انا لسه هاستنى السواق ساعه لغايه ما ييجى الساعه 3.00؟
انا هامشى فى الاتجاه اللى هو هييجى منه عشان اقابله فى اطريق وبكده اختصر الوقت
مشيت فى الاتجاه لغايه ما قابلته فى نقطه ما فى الطريق وركبت معاه ووصلت البيت
لقيت انى بكده وصلت بدرى 20 دقيقه عن المعاد اللى باوصل فيه كل يوم
يبقى انا كده مشيت كام دقيقه من الكليه لغايه ما قابلت السواق ؟؟؟؟؟؟؟
ملحوظه : ما تشغلش بالك بالوقت اللى خدته عشان اسلم فيه على السواق والوقت اللى هياخده عشان يعمل مارش بالعربيه كل ده مش محسوب وسرعه العربيه ثابته فى الذهاب والاياب

2-بعد كام سنه اتجوزت واشتغلت وخدت السواق هو هو معايا
اصله دقيق جدا فى مواعيده
برده بيظبط معاد خروجه من البيت عشان يوصل بالظبط وانا خارج من باب العياده
وفى يوم من الايام كنت مصدع وعاوز اروح بدرى
خرجت من العياده ساعه بدرى عن معاد كل يوم
وبدل ما انتظر السواق مده ساعه قلت امشى فى الاتجاه الى بييجى منه عشان اوفر وقت
مشيت ومشيت ومشيت والسواق عدى عليا وما خدش باله منى>>فكرونى ارفده بعد اللغز ما يتحل
قلت فى نفسى لو السواق كان خد باله منى كنت هاوصل البيت 18 دقيقه بدرى عن المعاد اللى باوصل فيه كل يوم لكن انا هافضل ماشى فى نفس الاتجاه لغايه ما السواق يوصل العياده ويرجع تانى فى اتجاه البيت ويقابلنى فى طريقه بعد 21 دقيقه من اللقاء الأول وياخدنى معاه وكده هاروح البيت فى نفس المعاد بتاع كل يوم
بس هنا فيه مشكله
ان الطريق مش مستوى من العياده للبيت
الطريق بيرتفع من البيت للعياده يعنى سرعه العربيه هتكون مختلفه فى الذهاب عن الاياب
ما تشغلش بالك بالوقت اللى هياخده السواق عشان يكتشف انى مش موجود فى العياده ويرجع على طول اصله ذكى اوى
يبقى كده انا مشيت كام دقيقه من العياده لغايه ما قابلت السواق اول مره .؟؟

almaeihm

24-07-2005, 02:31 PM

السلام عليكم يا دوك...

بالنسبة للغز الأول فشكلها كده إنك إديتها موتورجل لمدة 50 دقيقة...

أنا حسبتها في دماغي بس لسه مش عارف هأشرحها ازاي... و لكن ان شاء الله هاكتبه قريب...

بس لو إجابتي غلط يا ريت تقول لي و تريحني من الشرح :)

تحياتي

almaeihm

24-07-2005, 02:48 PM

بص يا دكتور

ما دام انتو بالنظام ده... يبقى السواق هيطلع من البيت كل يوم في نفس المعاد علشان يوصل للكلية في نفس المعاد بسرعة العربية الثابتة... طيب خلينا نفترض أن السواق بتاعكو مش شديد الملاحظة... و ممكن يكون ما شافكش في السكة و هو رايح للكلية... يبقى هو هيوصل للكلية الساعة 3 بالتمام... و لما ما يلاقيكش يروح راجع للبيت ثاني.. بس هيشوفك في السكة و هياخذك معاه... و هتوصلوا البيت في نفس المعاد بتاع كل يوم!!!

بس السواق قابلك أكيد على بعد 10 دقائق من الكلية و بالتالي هو وفر العشر دقائق اللازمة للوصول للكلية بالإضافة للعشر دقائق اللازمة للوصول من الكلية لمكان إلتقاءكم... و بكده انت وصلت للبيت 20 دقيقة بدري...

طيب بما أن السواق قابلك قبل الكلية بـ 10 دقائق.. و هو المفروض يوصل للكلية الساعة 3... يبقى هو قابلك الساعة 2:50... و بالتالي انت مشيت لمدة 50 دقيقة...

بصراحة أنا بأدور على حل رياضي بس مش لاقي... و لا زال التفكير قائما...

تحياتي

DR_OZY

24-07-2005, 03:11 PM

السلام عليكم

واضح ان عندك مشكله كبيره فى الالغاز السهله :D

الحل صح فعلا زى انت ما قلت 50 دقيقه

ومش محتاجه اثبات رباضى ولا حاجه
زى انت ما قلت بالظبط
انا اديتك وقت وعاوز وقت مفيش معطيات اكتر من كده ومفيش مطلوب اكتر من كده

حل اللغز الاول من نصيب هاشمتو

.:GOGO:.

24-07-2005, 03:13 PM

بالنسبه للغز الأول : أنا لقيت الحل الرياضي ..... و طلع إن أنت هتستمي 30د .... علي أنا حرمت أكتب خطوات إلا لما أعرف إن الحل صحيح

DR_OZY

24-07-2005, 03:17 PM

بالنسبه للغز الأول : أنا لقيت الحل الرياضي ..... و طلع إن أنت هتستمي 30د .... علي أنا حرمت أكتب خطوات إلا لما أعرف إن الحل صحيح

للأسف انت جيت متأخر يا جوجو

بس دا ما يمنعش انك حلك غلط

ركز فى طريقه الحل وخش علىالتانى

.:GOGO:.

24-07-2005, 10:21 PM

يبقى كده انا مشيت كام دقيقه من العياده لغايه ما قابلت السواق اول مره .؟؟

أول مره ده وهوه طالع المزلاقان ؟؟؟؟ .... لو كده .. إيه لازمه قصه إنه ما خدش باله منك ؟؟؟؟
علي العموم.... بناء علي حل أخي العزيز هاشمتو .... أنا طلعتها 51د ... هتمشيها و أنت نازل المزلاقان لغايه لما تقابل السواق أل هيسيبك و يمشي .

لو قصدك لما السواق يخلص المزلاقان وينزل منه عشان يقابلك ..... تبقي ده مش ....... أول مره .......
بس أنا بفكر فيها ...

DR_OZY

25-07-2005, 10:07 AM

إيه لازمه قصه إنه ما خدش باله منك ؟؟؟؟

ليها لزمه طبعا

بدليل انك لما اهملتها اجابتك طلعت غلط
خلى بالك ان سرعه العربيه مختلفه فى الذهاب والاياب
اعتقد انك ما فهمتش حل هاشمتوا مظبوط

try again

bluetec

25-07-2005, 11:57 AM

طيب انت مش مدينا اي معطى عن فرق السرعة بين الذهاب و الاياب. بافتراض ان سرعته و هو رايح العيادة هي نص سرعته و هو راجع البيت... يبقى السواق قابلك أول مرة على بعد 12 دقيقة لو هو رايح العيادة و ست دقايق لو هو راجع البيت.
يبقى هو قابلك أول مرة بعد ما كنت انت مشيت 48 دقيقة..... يا حرام, بتطل تطلع بدري يا عم انت, الدنيا حررررر موووت, او ابقى كلم الساق على المبايل يا اخي

DR_OZY

26-07-2005, 10:03 AM

adola2

30-07-2005, 01:24 PM

18+51=69]min................ملحوظة عندما رأيت السائق يتخطنى وقفت فى مكانى لأنتظرة

almaeihm

30-07-2005, 06:26 PM

معليش يا دكتور... أنا لي تعليق بسيط على حل الأخ adola2

يعني الدكتور بيقول انه خرج من العيادة قبل الوقت المعتاد بساعة... و ده معناه ان السواق كان لسه فاضل قدامه ساعة و يوصل للعيادة...

طيب الدكتور مشي فى الاتجاه الى بييجى منه السواق... و بالتالي اللقاء الأول حصل قبل ما يوصل السواق للعيادة فمن الطبيعي أن يكون الوقت اللي مشيه الدكتور أقل من ساعة... يعني الـ 69 دقيقة اللي انت قلتهم أعتقد أنهم كثير شوية...

و طبعا الرأي الأول و الأخير للدكتور... يعني هو اللي مشي و هو أدرى مشي قد أيه ;)

تحياتي

DR_OZY

31-07-2005, 11:54 AM

السلام عليكم

تم تعديل اللغز نظرا لوجود خطأ مطبعى :D

ولكن دا ما يمنعش من الرد على الاعضاء

ملحوظة عندما رأيت السائق يتخطنى وقفت فى مكانى لأنتظرة

كملت مشى فى اتجاه البيت لغايه ما السواق راح العياده ولف ورجع قابلك من ضهرك

18+51=69]min.

اجابه خاطئه والاخ هاشمتو قام برد منطقى
فعلا انا مشيت اقل من 60 دقيقه

أرجو اعاده قراءه اللغز بعد التعديل

bluetec

31-07-2005, 03:54 PM

almaeihm

31-07-2005, 05:01 PM

يا دكتور... أعتقد أن الحل كالآتي... و المرة دي حاولت انه يكون رياضي...

نفترض الآتي:

D1: المسافة اللي انت مشيتها لغاية ما قابلت السواق لأول مرة...
D2: المسافة اللي مشيتها من ساعة ما قابلت السواق لأول مرة لغاية ما وصل لك المرة الثانية...
V1: سرعة السيارة للعيادة...
V2: سرعة السيارة من العيادة...
Vw: سرعتك في المشي...

السواق لو كان شافك في المرة الأولى يبقى وفر 18 دقيقة.. و بكده نستنتج ان الطريق من نقطة اللقاء الأولى للعيادة ذهابا و إيابا بيستغرق 18 دقيقة... و يمكن صياغتها كالآتي:

(D1/v1) + (D1/v2) = 18

طيب انت السواق طنشك و كمل للعيادة... و بما انك خرجت من العيادة قبل وقتك المعتاد بساعة.. يبقى لما السواق يوصل للعيادة حضرتك هتكون مشيت ساعة كاملة... و ده ممكن نكتبه بالطريقة الآتية:

(D1/vw) + (D1/v1) = 60

انت بعد ما السواق عدى من عندك المرة الأولى فضلت ماشي و ما وصلش السواق ليك مرة ثانية إلا بعد 21 دقيقة... يبقة انت قطعت المسافة بين نقطتي اللقاءين في 21 دقيقة... و هذا يمكن ترجمته كالآتي:

D2/vw = 21

مش احنا كنا عارفين ان السواق لما يروح للعيادة و يرجع لنقطة اللقاء الأولى يبقى استغرق 18 دقيقة؟... و دلوقت احنا عرفنا منك انه استغرق 21 دقيقة علشان يرجع لك ثاني... يبقى هو قطع المسافة بين نقطتي اللقاء في 3 دقائق... أو:

D2/v2 = 3

نقسم المعادلة الثالثة على المعادلة الرابعة.. و بكده نستنتج أن:

V2 = 7*vw

بالتعويض بهذه القيمة في المعادلة الأولى... ثم طرحها من المعادلة الثانية نجد ان:

(6D1)/(7vw) = 42

و بالتالي فإن D1/vw تساوي 49... و نحن متأكدين بأن D1/vw تساوي الوقت الذي استغرقته يا دكتور لتقطع مسافة D1 من الكيلومترات بسرعة Vw...

إذن يا دكتور انت مشيت لمدة 49 دقيقة قبل لقاءك بالسائق لأول مرة...

تحياتي

usama ahmed

31-07-2005, 05:03 PM

انا بقول ان انت مشيت 43 دقيقه
بس انا حاسس ان الحسبه فيها غلطة
بس قلت اقول يمكن تطلع صح

almaeihm

31-07-2005, 05:07 PM

بما ان هو قابلك تاني مرة بعد 21 دقيقة , و لو كان وصلك من أول مرة كنت وفرت 18 دقيقة. يبقى نسبة سرعته و هو طالع إلى نسبة سرعته و هو نازل 12:9 يعني 4:3
طيب ده معناه ان ان هو قابلك و هو على بعد حوالي 7.7 دقايق لو رايح, و 10.3 لو راجع
يبقى هو قابلك أول مرة بعد ما كنت مشيت حوالي 52.3 دقيقة.
أتمنى تكون الإجابة صح المرة دي
معليش عندي تعلق بسيط على ردك يا أخ bluetec:

الدكتور بيقول ان الطريق بيرتفع من البيت للعيادة... يعني العربية هتبقى ماشية في طلعة و هي رايحة للعيادة... و المفروض انها تستغرق وقت أطول في الطلعة من الوقت اللي بتستغرقة و هي نازلة...

يبقى مسألة ان السواق كان هيستغرق 7.7 دقيقة لغاية ما يوصل العيادة لا أعتقد أنها سليمة...

تحياتي

bluetec

31-07-2005, 07:27 PM

معلش . . انا بس العملية دخلت معايا في بعضها.
مرة تانية و أخيرة علشان انا مش حفكر في اللغز ده تاني خلاص.....
بما ان هو قابلك تاني مرة بعد 21 دقيقة , و لو كان وصلك من أول مرة كنت وفرت 18 دقيقة. يبقى نسبة سرعته و هو طالع إلى نسبة سرعته و هو نازل 12:9 يعني 4:3
طيب ده معناه ان ان هو قابلك و هو على بعد حوالي 10.3 دقايق لو رايح, و 7.7 لو راجع
يبقى هو قابلك أول مرة بعد ما كنت مشيت حوالي 49.7 دقيقة.
أتمنى تكون الإجابة صح المرة دي

DR_OZY

31-07-2005, 07:53 PM

بما ان هو قابلك تاني مرة بعد 21 دقيقة , و لو كان وصلك من أول مرة كنت وفرت 18 دقيقة. يبقى نسبة سرعته و هو طالع إلى نسبة سرعته و هو نازل 12:9 يعني 4:3

بما انه قابلنى بعد 21 دقيقه ولو كان شافنى كان هيوصلنى 18 دقيقه بدرى
يبقى اللى نستنتجه انى مشيت من ساعه ما قابلنى اول مره لغايه ما قابلنى تانى مره مسافه العربيه بتقطعها فى 3 دقايق
لكن مش عارف انت جبت استنتاجك منين

يا دكتور... أعتقد أن الحل كالآتي... و المرة دي حاولت انه يكون رياضي...

نفترض الآتي:

D1: المسافة اللي انت مشيتها لغاية ما قابلت السواق لأول مرة...
D2: المسافة اللي مشيتها من ساعة ما قابلت السواق لأول مرة لغاية ما وصل لك المرة الثانية...
V1: سرعة السيارة للعيادة...
V2: سرعة السيارة من العيادة...
Vw: سرعتك في المشي...

السواق لو كان شافك في المرة الأولى يبقى وفر 18 دقيقة.. و بكده نستنتج ان الطريق من نقطة اللقاء الأولى للعيادة ذهابا و إيابا بيستغرق 18 دقيقة... و يمكن صياغتها كالآتي:

(D1/v1) + (D1/v2) = 18

طيب انت السواق طنشك و كمل للعيادة... و بما انك خرجت من العيادة قبل وقتك المعتاد بساعة.. يبقى لما السواق يوصل للعيادة حضرتك هتكون مشيت ساعة كاملة... و ده ممكن نكتبه بالطريقة الآتية:

(D1/vw) + (D1/v1) = 60

انت بعد ما السواق عدى من عندك المرة الأولى فضلت ماشي و ما وصلش السواق ليك مرة ثانية إلا بعد 21 دقيقة... يبقة انت قطعت المسافة بين نقطتي اللقاءين في 21 دقيقة... و هذا يمكن ترجمته كالآتي:

D2/vw = 21

مش احنا كنا عارفين ان السواق لما يروح للعيادة و يرجع لنقطة اللقاء الأولى يبقى استغرق 18 دقيقة؟... و دلوقت احنا عرفنا منك انه استغرق 21 دقيقة علشان يرجع لك ثاني... يبقى هو قطع المسافة بين نقطتي اللقاء في 3 دقائق... أو:

D2/v2 = 3

نقسم المعادلة الثالثة على المعادلة الرابعة.. و بكده نستنتج أن:

V2 = 7*vw

بالتعويض بهذه القيمة في المعادلة الأولى... ثم طرحها من المعادلة الثانية نجد ان:

(6D1)/(7vw) = 42

و بالتالي فإن D1/vw تساوي 49... و نحن متأكدين بأن D1/vw تساوي الوقت الذي استغرقته يا دكتور لتقطع مسافة D1 من الكيلومترات بسرعة Vw...

إذن يا دكتور انت مشيت لمدة 49 دقيقة قبل لقاءك بالسائق لأول مرة...

صح يا هندزه

انا فعلا مشيت 49 دقيقه
فكرنى ارفد السواق ده

نقاط اللغز التانى من نصيب هاشمتو

DR_OZY

31-07-2005, 08:00 PM

انا بقول ان انت مشيت 43 دقيقه
بس انا حاسس ان الحسبه فيها غلطة
بس قلت اقول يمكن تطلع صح

خطأ يا باشا وهاشمتو قام بالواجب وحلها

معليش عندي تعلق بسيط على ردك يا أخ bluetec:

الدكتور بيقول ان الطريق بيرتفع من البيت للعيادة... يعني العربية هتبقى ماشية في طلعة و هي رايحة للعيادة... و المفروض انها تستغرق وقت أطول في الطلعة من الوقت اللي بتستغرقة و هي نازلة...

يبقى مسألة ان السواق كان هيستغرق 7.7 دقيقة لغاية ما يوصل العيادة لا أعتقد أنها سليمة...

وانا ليا تعليق بسيط على تعليقك
اللغز الاصلى كان فيه غلطه مقصوده
وهو انه قايل ان الطريق بيرتفع من العياده للبيت
وكان المطلوب انك تحل اللغز وتكتشف الغلطه
بعد الاسلوب الرياضى اللى حليت بيه المسأله هتكتشف انه لايمكن ان ينحدر الطريق زى ما هو مكتوب
بس انا كتبت اللغز من غير الغلطه
مش عارف اللى أقصده وصل والا لسه

معلش . . انا بس العملية دخلت معايا في بعضها.
مرة تانية و أخيرة علشان انا مش حفكر في اللغز ده تاني خلاص.....
بما ان هو قابلك تاني مرة بعد 21 دقيقة , و لو كان وصلك من أول مرة كنت وفرت 18 دقيقة. يبقى نسبة سرعته و هو طالع إلى نسبة سرعته و هو نازل 12:9 يعني 4:3
طيب ده معناه ان ان هو قابلك و هو على بعد حوالي 10.3 دقايق لو رايح, و 7.7 لو راجع
يبقى هو قابلك أول مرة بعد ما كنت مشيت حوالي 49.7 دقيقة.
أتمنى تكون الإجابة صح المرة دي

كان نفسى اقوللك ما تياسش وفكر فيه وكلام من ده
بس اللغز اتحل خلاص
احيي فيك اصرارك

DR_OZY

31-07-2005, 08:03 PM

نقاط اللغز الاول والثانى من نصيب الاخ هاشمتو