>>>>[[[ عـوده بعـد غياب ]]] <<<< ونقد لحاضر أليم

[dxman]

http://www.lovemoons.com/Generation/Www.Zerovb.Com/Photo/Ex/03.gif
بـصـوا يجمـاعـه اولاً اهلا بيكمـ كلكمـ فى المـوضوع .... ثانيا انا مش عامـل الموضوع ده عشان اتخنقت من مصر .... لأ انا بحب مصـر ولونى بآسى عليها كـدا لأنى بحبها اد كدا ومرضلهاش تفضل كدا عشان كدا هقول اللى هقوله ومتفتكروش انى كدا .....
http://sadkiss.jeeran.com/heart.gif
أنـا طـالب فى التعليمـ الاسـاسـى وبالتحـديد فى الصف الثالث الاعدادى ...... زمـان ايامـ لما كانت وزارة التربيه والتعليمـ دى اسمها وزارة المعارف على كلامـ كتاب التاريخ بتاعنا .... كان اعلى شئ ممكن يوصله المفكر فى البلد هو انه يبئى وزير للمعارف وكان لازم يبئى متمرس فى التعليمـ ومجربه بكل انواعه واشكاله .... وده طبعاً لأن الناس كانت فاهمه انه عشان يبئى التعليمـ صح لازم اللى يمسكه واحـد يعرف التعليمـ بجـد .... على سبيل المثـال عمـنا على مبـارك اللى مسك التعليمـ وهـو متساوى بالأرض ايامـ بدايـة عصـر محمـد على وفضـل يحارب عشان يرتقى بيه وبدء سياسة ارسال البعثات الى باريس ودول اوروبا وده كان شئ غاية فى الابداع .... ولا كبيرنا كلنا الاديب العظيمـ عميتد الادب العـربـى طـه حسـيـن لمـا قال التعليم كالماء والهواء مقالش كدا من الهوا ولا كان بيقول شعارات بس كدا وخلاص مش هينفذها لأ ده برضـه عمـل انجازات ولو لاحظتمـ انه ممسكش وزارة المعارف الا بعد كل الانجاز الرائع جداً اللى حققه ......
http://www.mowjeldoha.com/mix-pic/animated-borders/line13%5B1%5D.gif
أمـا الان ..... انقلب كل شئ رأساً على عقب ..... عـصر وزارة التربيه والتعليمـ((اللى عمرها معملت حاجه فيها تربيه ولاتعليم)) اصبخنا نرى وزراء ملهمش دعوه بالتعليم خالص واخرهم الجمـل اللى اهتم بالمدرس ((ده زى مهـو فاكر يعنى)) ونفض للتلميذ ..... ولا اللى رجع سنة سته الراجل الجهبذ حسين كامـل بهاء الدين ومعرفناش ايه الهدف الجامـد اوى اوى اوى اللى يخليه يرجع سنه سته تانى وينزل منهج اعدادى على ابتدائى ويقلبها عجه كدا اعتقد انه كان بيهزر مع الطلبه ..... وفى عـصـر التربيه والتعليم بئى اى حد بيمسك الوزاره وخلاص وبئت الدروس اكتر وبئت المصاريف اكتر نتيجة لأنحطاط مستوى المعلم وده مش من المعلم لأ ده من اللى خلاه الفرد الادنى فى المجتمع ......
http://www.mowjeldoha.com/mix-pic/animated-borders/glitterline-041.gif
من كـل ماسبق نستنتج ان التعليمـ ليس له علاقه بوزارة التربيه والتعليم ووزارة المعارف هى شئ اخر غير وزارة التربيه والتعليمـ .... فالماضـى جميـل ..... والحاضـر ضائع ..... والمستقبل مظلمــ
http://www.alamuae.com/gallery/data/media/123/0465.gif

[اولتميت واريور]

انا متفق معاك فى الكلام الى انت بتقولة بس هنعمل ايه بقى منه لله يسرى الجمل ابو منخير كبيرة ده

[dxman]

ههههههه شكراً لردك يباشا

[WWE_CHAMPION20]

البركة فيك يا محمد تسمك وزير وتظبط الدنيا هههههههههههههه
وانت وعدتنى على اول سطر انت كاتبة على حاجة خليك اوفى بوعدك زى ما طلبت منك

[dxman]

بالنسبه للوعـد ماشى لكن بالنسبه للوزير دى بلاش كلام فيها احسن نتحبس يمعلم

[WWE_CHAMPION20]

دا لو هنتحببس بس يبقى ربنا بيحبنا

[almajro7]

الله يكون في العون وشد حيلك

[walid26]

والله يا محمد مفيش حاجه هاتتظبط في البلد دي أبدا ، طب تعرف إن سرور رئيس مجلس الشعب كان وزير التعليم وأنا في سنك كده ؟ تعرف كان نفس العك ونفس القرف ، أيامها شالو سنه 6 إبتدائي ولما مشي سرور رجعوها تاني ، طب شالوها ليه ؟ محدش عارف

تعالي بقي كمان 20 سنه ، هاتلاقي نفس الشكوي ونفس المسؤولين اللي مش فاهمين حاجه ونفس الطلبه إللي بتعاني ونفس الأهل إللي بتصرخ

ده بالنسبه للتعليم

تعالي بقي للتجارة والصناعه والسياسه والتموين والإقتصاد والبنزين والأكل والشرب والمواصلات والبنيه الأساسية والكهرباء والغاز والأخلاق والفلوس وكتر الفولس وقلة الفلوس والفقر والتشرد والعشوائيات والعقارات والأراضي والعمل والبطاله ، عايزين مجلدات يابني والله

منك لله يا بلد عايزه ال.......

[dxman]

بس بنحبها يمستر وليد لأنها هويتنا وفى دمنا ونفسنا بجد تبئى احسن من كدا عشان منرضلهاش كدا ..... مش كدا

[guvara]

هو انت لسة شوفت حاجة
مصر بلد لو نيلها صلصة مش هتكفي الكوسة اللي فيها
كان زمان بقولك مصر ام الدنيا دلوقتي السودان ودول افريقيا تقدمت علينا(لا تعليق)
بس بردوا بنرجع ونقول
انا مصري وابويا مصري وكل مصري الله عليه
الصراحة مش كل مصري
تحياتي

[air_man707]

حبيب قلبى أنا أول دفعه أخدت خمسة وسته مع بعض أيام فتحى سرور وإلغاء ثانوى عام علمى علوم وعلمى رياضه...(برنجان).
تخيل إنك بتذاكر سنتين فى سنه واحده يعنى ومناهج بالعبييييط وحشو للركب وكلام لوش علاقه بالناحية العمليه (قاعده فيلمنج لليد اليمنى وملف رومكورف )... تصدق لسه فاكر أنا الكلام ده.. إكتشفت بعد كده فى كلية الهندسه إن الكلام إلى أخدناه فى الإبتدائى والإعدادى ده كان مشروح أكتر من مناهج الكليات تقولى إزاى أقولك هو كده و أنظر كتاب المدرسه ص 12003 (على أيامى كان الكتاب له وزنه) أظن إنى من كتر الكتب فى الفتره دى والحشو بتاعها تمشى تحس إنك ماشى فى نوتردام (كل الناس زى أحدب نوتردام كده).
يعنى الراجل مغلطش إنه ظبط المناهج وجابلك منهج بلد متطوره جداً فى التعليم (بورتريكو) وحاول يحسن إسلوب التدريس بما وجده مطابق للتجربه الناجحه فى (زامبيا) يعنى الراجل بيسافر وبيجيب أفضل أساليب التعليم لكن على ما الإسلوب بيوصلك يكون إتحور وإتعور وإتلخبط لأن إحنا عالم جهله ولا نرتقى لمستواهم الفكرى الناضج العاقل الواعى ...
وكمان لما يجيبلك مدرس يبقى وزير تربيه وتعليم هتلاقيه وزير وأخر النهار بيدى دروس برضه (هههههههه هأعملها لو خلونى وزير).
مش عاجبك مستشار يبقى وزير تعليم أو دكتور (معلش يعنى إنت هتفهم أحسن من الدكتور).
خد بالك من حاجه كل لما تقعد أكتر فى المدرسه ده هيحسسك بأخوك إلى قاعد عاطل فى البيت ولا منه إشتغل ولا منه فضل فى الجيش ولا منه إتجوز ولا منه بلط فى الخط فى كليته إلى هى أساساً كلية عاديه مش عايزه أكتر من تلات شهور ويدولك البكالريوس بتقدير جيد جداً مع مرتبه(الشرف)
عشان تنام وتريح بعد تعبك الجامد فى الكليه...
كل ده بلدك بتفكر فيه وفيك عشان تريح وإنت برضه جاحد ..
بأقولك إيه (قول الحمد لله إنك لاقى حد تفضفض معاه)
بارك الله فيك

[guvara]

حبيب قلبى أنا أول دفعه أخدت خمسة وسته مع بعض أيام فتحى سرور وإلغاء ثانوى عام علمى علوم وعلمى رياضه...(برنجان).
تخيل إنك بتذاكر سنتين فى سنه واحده يعنى ومناهج بالعبييييط وحشو للركب وكلام لوش علاقه بالناحية العمليه (قاعده فيلمنج لليد اليمنى وملف رومكورف )... تصدق لسه فاكر أنا الكلام ده.. إكتشفت بعد كده فى كلية الهندسه إن الكلام إلى أخدناه فى الإبتدائى والإعدادى ده كان مشروح أكتر من مناهج الكليات تقولى إزاى أقولك هو كده و أنظر كتاب المدرسه ص 12003 (على أيامى كان الكتاب له وزنه) أظن إنى من كتر الكتب فى الفتره دى والحشو بتاعها تمشى تحس إنك ماشى فى نوتردام (كل الناس زى أحدب نوتردام كده).
يعنى الراجل مغلطش إنه ظبط المناهج وجابلك منهج بلد متطوره جداً فى التعليم (بورتريكو) وحاول يحسن إسلوب التدريس بما وجده مطابق للتجربه الناجحه فى (زامبيا) يعنى الراجل بيسافر وبيجيب أفضل أساليب التعليم لكن على ما الإسلوب بيوصلك يكون إتحور وإتعور وإتلخبط لأن إحنا عالم جهله ولا نرتقى لمستواهم الفكرى الناضج العاقل الواعى ...
وكمان لما يجيبلك مدرس يبقى وزير تربيه وتعليم هتلاقيه وزير وأخر النهار بيدى دروس برضه (هههههههه هأعملها لو خلونى وزير).
مش عاجبك مستشار يبقى وزير تعليم أو دكتور (معلش يعنى إنت هتفهم أحسن من الدكتور).
خد بالك من حاجه كل لما تقعد أكتر فى المدرسه ده هيحسسك بأخوك إلى قاعد عاطل فى البيت ولا منه إشتغل ولا منه فضل فى الجيش ولا منه إتجوز ولا منه بلط فى الخط فى كليته إلى هى أساساً كلية عاديه مش عايزه أكتر من تلات شهور ويدولك البكالريوس بتقدير جيد جداً مع مرتبه(الشرف)
عشان تنام وتريح بعد تعبك الجامد فى الكليه...
كل ده بلدك بتفكر فيه وفيك عشان تريح وإنت برضه جاحد ..
بأقولك إيه (قول الحمد لله إنك لاقى حد تفضفض معاه)
بارك الله فيك
اسف يا باشا كلامك يحتاج الي بعض التفسير

[dxman]

التفاعل ده جميل يشباب جداً وبيبين ان لسه فى ناس فاخمة اللى بيحصل ومخها متمسحش زى الباقى

[wolf9]

ههههههههههههههههههه بلد تقرف بجد

[air_man707]

معاك يا guvara باشا ...
إيه مش مفهوم بالظبط..
كل إلى أنا عايز أقوله إن كده أحسن يأخد السنه السادسه براحته على الأخر و يجتهد ويتفوق وربنا يعينه لأنه فى جميع الأحوال حتى لو كمل ووصل للكليه وإتخرج مش هيلاقى شغل يبأه كده أحسن ولا لأ؟؟؟

[guvara]

معاك يا guvara باشا ...
إيه مش مفهوم بالظبط..
كل إلى أنا عايز أقوله إن كده أحسن يأخد السنه السادسه براحته على الأخر و يجتهد ويتفوق وربنا يعينه لأنه فى جميع الأحوال حتى لو كمل ووصل للكليه وإتخرج مش هيلاقى شغل يبأه كده أحسن ولا لأ؟؟؟
اوك ياباشا انا بس مكنتش فاهم الكلام دلوقتي فهمت
الرد: بس انا رأيي ان 6 ماتفرقش حاجة عن 5 كله هبل في هبل

[guvara]

بلد عايزة ؟؟؟؟؟؟؟؟؟؟؟؟؟؟؟؟؟؟؟؟؟
ولد

[dxman]

لو على الولاد بس يمعلم هتلاقى كتيييييييييييييييييرررررررررر اوى

[ABU MARIAM]

بس بنحبها يمستر وليد لأنها هويتنا وفى دمنا ونفسنا بجد تبئى احسن من كدا عشان منرضلهاش كدا ..... مش كدا


ايضــــــــــــــــــــاح
يامحمد المهندس وليد مبيكرهاش ولكن كلامه عن كل مسئول هى البلد مالها ....وكلنا بنحبها لانها اصلنا والكلام ده عن لسانى

هو معنى انك كاره مدرستك تبقى المدرسة وحشة ام انك تعانى من بعض المدرسين والطلبة

نظرة الخبرة تختلف عن نظرة الشعارات وا لاحساس مختلف
بمعنى ان والدك شايل كل العناء بكامله ام انت لاتعانى بشىء مهما كانت ظروفك وانت لاتشعر ولكن عندما يشتد عودك وتكبر وتصبح صاحب مسئولية هتحس بالامر

وسؤال شخصى اما انت بتحبه البلد بتشردها ليه فى موضوع ...عذرا محمد يوجد تناقض واتمنى ان افهم وجهة نظرك
وكما قال سهيل كان الله فى العون

[dxman]

انا مش بقول ان استاذ وليد بيكرهها وانا بتكلم عن التعليم بس ..... مش عن باقى المشاكل اللى لو اتكلمت عنها اكيد هيجيلى شلل رباعى ... وأنـا فى نفس الوقت ده بحب البلد دى بس نفسى انها تتغير وتتبدل وتبئى مصر بتاعت زمان مش مصر اللى كلها خراب وضياع ..... يعنى بالذمه هى دى اللى كانت بتعلم كل الشعوب ؟؟؟

[dxman]

وعلى فكره يبو مريم اول الطريق لحل المشكله هو الاعتراف بيها