الحل النهائي لمشكلة أنخفاض صوت n82

[mahmoud_m3]

السلام عليكم ورحمة الله وبركاتة
------------------------------
طبعا الكل سمع عن مشكلة أنخفاض صوت n82 عن صوت n95 وn958g وبفضل الله أقدم بين يديكم الحل لهذه المشكلة نهائيا أن شاء الله. ندخل في الموضوع:
--------

n82 لايوجد فيه مشكلة في الصوت ولا حاجة أبدا حقلك المشكلة فين بالضبط
المشكلة في كارت الصوت الموجود في الموبيل(بس دي مش مشكلةولاحاجة) لانه تم وضع نوع جديد مكنش موجود في n95 و n95 8g مميزات هذا النوع الموجود في n82 هو crystal sound و super bass يعني صوت نقي ومجسم جدا جدا جدا و تضخيم وبيز عالي جدا والدليل علي هذا الكلام هات سماعات الأذن وضعها وأسمع الصوت في n82 و n95وn958g حتلاقي الصوت أعلي وأفضل بكثير في n82 , طبعا بسبب أن السماعات الخارجية الموجودة في n82 هي نفس الموجودة في n95و n958g طبعا متستحملش التضخيم والبيز العالي فتجد أن صوتها منخفض بسبب تأثيرالتضخيم و البيز عليهاوعلاج هذه المشكلة يكمن في تظبيط الأكوليزر أثناء سماعك للصوت وأن شاء الله حتلاقي الصوت عالى جدا والطريقة كلاتي:

1- أفتح Music Player
2- حتلاقي music و Podcats أختار music
3- حتختار all songs
4- شغل ملف الصوت إلي يعجبك
5- حتلاقي كلمة options في الزر إلي علي الشمال أضغط عليها
6- أختار من القائمةequaliser
7- ثم أختار options مرة أخرى ثم new preset
8- ثم سمي الأكوليزر كما تحب
9- سوف يظهر لك تظبيط الأكوليزر وكل الأوضاع في النصف
10- أعد ضبطهاكما في الشكل
http://up3.m5zn.com/uploads/c068f36c92.jpg (http://www.8asoh.com/)
11-أضغط back
12- سوف ترجع مرة أخرى إلى قائمة الأكوليز الرأيسية
13- سوف تجد أعداد الأكوليز الذي صنعته في القائمة
14- أضغط عليه وأختارactivate وسوف تجد أن الصوت أصبح أعلي وأفضل بكثير:oh:
15- (ملحوظة) عند السماع مرة أخري بسماعات الأذن أختر من قائمة الأكوليزر الأعداد إلي يناسبك غير إلي أنت عملته منذ قليل:detective2:

وأي حد عاوز يستفسر عن أي حاجة أنا موجود في الخدمة

وشكرا

[cabrel]

موضوع اكثر من رائع فعلا ناس كتير كانت بتشتكى ان N82 صوتة واطى

[lakaleko]

الف الف الف شكر
انا عملت الطريقه و الصوت على فعلا
جزاك الله خيرا

[mahmoud_m3]

شكرا يا باشا وأنا موجود في الخدمة

[dr:3skr]

جزاك الله خيرا

[HSM]

ألف شكر أخى على موضوعك الاكثر من رائع

بعد إذن حضرتك أنا لي سؤال سعر العدة فى دبى بالمصرى أو بالدولار

ألف شكر لحضرتك مرة أخرى

[mahmoud_m3]

التاريخ 9-1-2008
المكان: دبي - البراحة - مقابل فندق لؤلؤة الخليج
سعر العدة بالمصري يساوي 2500 جنيه مصري
:jap:
وأي خدمة يا باشا

[HSM]

التاريخ 9-1-2008
المكان: دبي - البراحة - مقابل فندق لؤلؤة الخليج
سعر العدة بالمصري يساوي 2500 جنيه مصري
:jap:
وأي خدمة يا باشا

ألف شكر حبيب قلبى على معلوماتك المفيدة

ومعلش هتقل عليك بسؤال كمان

أصل أنا ناوى أشترى العدة دى إنشاء الله

عايز أعرف بعد موضوعك بتاع الصوت ده تقارنلى بين صوت N82 و N73 music

وتديله كام من عشرة مع العلم إن موضوع الأستاذ شريف2000 الناس إدوله 8/10
دلوقتى لما أعمل موضوعك ده وخلى صوته يزيد تديله كام من عشرة

ثانيا: المكان: دبي - البراحة - مقابل فندق لؤلؤة الخليج

هل المكان ده موجود فيه العدة باللون الإسود عشان أنا بحب اللون ده جدا وشكل العدة السودة جامد

وألف مليون شكر ليك يا باشا

تقبل تحياتى

[mahmoud_m3]

السلام عليكم
-------------
أول شيئ أن العدة بالون الأسود غير موجودة أصلا والموجود علي النت كله خدعة متصمم ببرنامج الفوتوشوب:sadwalk:

ثانيا n82 أديله 10/10 السبب أنه :

1- أصبح عالي زي n95 8g
2- صوته أستريو نقي مجسم مش زي n73 صوته عالي على الفاضي مش نقي وعالي ومزعج

المشكلة أن الناس بتهتم بعلو الصوت فقط ولكن يجب أن يكون فيه أتزان بين علو الصوت ونقاء الصوت وده كله متوافر فيn82
:jap:

[HSM]

السلام عليكم
-------------
أول شيئ أن العدة بالون الأسود غير موجودة أصلا والموجود علي النت كله خدعة متصمم ببرنامج الفوتوشوب:sadwalk:

ثانيا n82 أديله 10/10 السبب أنه :

1- أصبح عالي زي n95 8g
2- صوته أستريو نقي مجسم مش زي n73 صوته عالي على الفاضي مش نقي وعالي ومزعج

المشكلة أن الناس بتهتم بعلو الصوت فقط ولكن يجب أن يكون فيه أتزان بين علو الصوت ونقاء الصوت وده كله متوافر فيn82
:jap:


شكرا على سرعة الرد حبيبى

عالعموم مش هتفرق كتير حكاية اللون مادام إمكانياتها عالية


تحياتى

[mahmoud_m3]

شكرا أخي وأنا في الخدمة

[mahmoud_m3]

سوف أعيد رفق الصورة مرة أخرى بسبب أن الصورة الموجودة في الموضوع لاتظهر
http://www4.0zz0.com/2008/03/01/09/702181606.jpg

[jbl99]

يعطيك الف عافية اخوي سويتها
مشكور الف شكر روعة جدا ماتطلع الوشوشة الحين

[zorro 60]

شكراااااااا

[zorro 60]

بعد اذنك انا احذت الموضوع وعملته في منتدى ثاني وطبعا انا كتبت اسمك واسم dvd4arab وانااسف لو دة سببلك اي زعاج ودة رابط الموضوع
في المنتدى الثاني http://www.arabnokia.net/showthread.php?t=566919

[mahmoud_m3]

السلام عليكم ورحمة الله وبركاته
------------------------------
مفيش مشكلة أخي أنقله في أي منتدي تريده فلا يجب كتم العلم عن أحد

وشكرا

[cabrel]

انا جربت الموضوع دة فى موبايل واحد صاحبى
والصوت فضل واطى جدا
N82 صوتة واطى جدا جدا عكس 6233 و N73
كل دى مجرد اجتهادات ومحاولات فاشلة
اى موبايل نوكيا بتنزلة بيكون فية ميزة
لازم تحط فية عيب عشان كل الموديلات تحقق مبيعات
بما ان N82 كاميرا عالية وفلاش زينون يبقى لازم يكون صوتة واطى
لانة لو جمع بين الكاميرا والصوت يبقى حيتباع لوحدة
ومحدش حيشتى الموديلات التانية ودى سياسة الشركات اللى بتتنتج الموبيلات وخاصة نوكيا

[KolYom]

من فضلك يا باشا انا من اسكندرية و نفسي اشتري الموبايل ده
يا ريت تقولي منين علشان انا مليش في الموبايلات

[mahmoud_m3]

كلامك هذا يا Cabrel غير صحيح لانه كل إلي معاه n82 جرب الطريقةوفعلا علي الصوت ممكن أنك عملت حاجة غلط راجع الموضوع تاني وأعملة مرة أخرى

[cabrel]

كلامك هذا يا Cabrel غير صحيح لانه كل إلي معاه n82 جرب الطريقةوفعلا علي الصوت ممكن أنك عملت حاجة غلط راجع الموضوع تاني وأعملة مرة أخرى

عملت زى ما قولت بالظبط والصوت ما عليش ولا حاجة
هوا اصلا N82 صوتة واطى حنعلية بالعافية ؟ هوا الموبايل اصلا كدة

[mahmoud_m3]

السلام عليكم
------------
يأخي يجب أن نتكلم على علم صوته واطي تنقسم إلى شيئين ممكن يكون عيب في الهارد وير أو عيب في السوف وير ولو جينا نتكلم على n82 نشوف ونحلل الموقف هل هوا عيب هاردويرد ولا سوفتوير طبعا بعد دراسة الأمكانيات على أشهر المواقع العالمية تجد ان

1- نفس الهارد وير بالنسبة للسماعات الخارجية لثلاث موبيلات هم
(N95 and n958g and n82)
2- يوجد أختلاف في كارت الصوت المدمج بداخل الموبيل بين(N95,N958g) و n82 (كارت الصوت أقوي مع خاصية super bass في n82)
3- نفس السوفتوير المشغل لكارت الصوت

بعد التحليل والأستنتاج نجد أن: :detective2:
بما ان الموبيلات الثلاثة مشتركون في نفس السماعات الخارجية فإيذا سماعاتn82 الخارجية قوية ومش ضعيفة
وطبعا نفس السوفتوير فإذا لايوجد مشكلة في السوفت الخاص بالn82
طيب جميل الكلام ده طيب المشكلة فين بالضبط؟؟؟:detective2:

المشكلة التي عملتها شركة نوكياأنها وضعت كارت صوت مدمج قوي في n82 بدون وضع سماعات خارجية مناسبة لهذا الكارت لان السماعات الموجودة فيn82 مخصصة لتشتغل على كروت لايوجدفيها خاصيةsuper bass مثل الكروت الموجوده في n958g و n95
إذا يمكنك حل المشكلة بكل بساطه أنك عندما تسمع الصوت عن طريق السماعات الخارجية أقفل خاصية الsuper bass عن طريق ضبط الأكواليزر كما في الموضوع السابق فيصبح الصوت عالي مثل n958g وعندما تسمع الصوت بسماعة الأذن شغل الخاصية مرة أخري بأعادة ضبط الأكواليزر لأن سماعات الأذن مخصصة لتشغيلsuper bass بال هذة الخاصية تزيد من نقاء الصوت والتضخيم في سماعات الأذن فقط

إذا المشكلة ليست عيب هاردوير بل هيا عملية عدم توافق الهاردوير مع بعض يعني السماعات الخارجية ليست متوافقة مع كارت الصوت المدمج
فأنتجواهذا العيب الموجود في n82 وأمكن حله بفضل الله كما قلنا منذ قليل

واخرا ليس أخيرا عندما يريد أي عضوا فاضل أن يضع أي معلومة أو يعبر عن رأيه الخاص يجب أن يضع أدلة تدعم كلامه حتا تكون المعلومات دقيقة تفيد بها أخوانك أن شاء الله

وشكرا لكم جميها

[zorro 60]

سؤال ينفع اشتري ريموت كنترول مثل nokia n95 /nokia n81/nokia n95 8gb واركبه بسماعات الاذن للتحكم في الاغاني

[cabrel]

السلام عليكم
------------
يأخي يجب أن نتكلم على علم صوته واطي تنقسم إلى شيئين ممكن يكون عيب في الهارد وير أو عيب في السوف وير ولو جينا نتكلم على n82 نشوف ونحلل الموقف هل هوا عيب هاردويرد ولا سوفتوير طبعا بعد دراسة الأمكانيات على أشهر المواقع العالمية تجد ان

1- نفس الهارد وير بالنسبة للسماعات الخارجية لثلاث موبيلات هم
(N95 and n958g and n82)
2- يوجد أختلاف في كارت الصوت المدمج بداخل الموبيل بين(N95,N958g) و n82 (كارت الصوت أقوي مع خاصية super bass في n82)
3- نفس السوفتوير المشغل لكارت الصوت

بعد التحليل والأستنتاج نجد أن: :detective2:
بما ان الموبيلات الثلاثة مشتركون في نفس السماعات الخارجية فإيذا سماعاتn82 الخارجية قوية ومش ضعيفة
وطبعا نفس السوفتوير فإذا لايوجد مشكلة في السوفت الخاص بالn82
طيب جميل الكلام ده طيب المشكلة فين بالضبط؟؟؟:detective2:

المشكلة التي عملتها شركة نوكياأنها وضعت كارت صوت مدمج قوي في n82 بدون وضع سماعات خارجية مناسبة لهذا الكارت لان السماعات الموجودة فيn82 مخصصة لتشتغل على كروت لايوجدفيها خاصيةsuper bass مثل الكروت الموجوده في n958g و n95
إذا يمكنك حل المشكلة بكل بساطه أنك عندما تسمع الصوت عن طريق السماعات الخارجية أقفل خاصية الsuper bass عن طريق ضبط الأكواليزر كما في الموضوع السابق فيصبح الصوت عالي مثل n958g وعندما تسمع الصوت بسماعة الأذن شغل الخاصية مرة أخري بأعادة ضبط الأكواليزر لأن سماعات الأذن مخصصة لتشغيلsuper bass بال هذة الخاصية تزيد من نقاء الصوت والتضخيم في سماعات الأذن فقط

إذا المشكلة ليست عيب هاردوير بل هيا عملية عدم توافق الهاردوير مع بعض يعني السماعات الخارجية ليست متوافقة مع كارت الصوت المدمج
فأنتجواهذا العيب الموجود في n82 وأمكن حله بفضل الله كما قلنا منذ قليل

واخرا ليس أخيرا عندما يريد أي عضوا فاضل أن يضع أي معلومة أو يعبر عن رأيه الخاص يجب أن يضع أدلة تدعم كلامه حتا تكون المعلومات دقيقة تفيد بها أخوانك أن شاء الله

وشكرا لكم جميها


كل الكلام دة جميل وكل حاجة
وحضرتك قولت بنفسك نفس الهارد وير بالنسبة للسماعات الخارجية لل3موبيلات N95 و N95 8GB و N82 واحد و نفس السوفتوير المشغل لكارت الصوت واحد
اذا كان N95 و N95 8GB صوتهم واطى هما كمان
انا قفلت خاصية الsuper bass عن طريق ضبط الأكواليزر زى ما حضرتك ما قولت وبردو الصوت واطى جدااااااااااااااااااا

كل دى اجتهادات متزعلش منى ومحدش يقدر يعلى صوت موبايل صوتة واطى اصلا

اكتر صوت موبايل عجبنى لحد النهاردة 6233 صوتة عالى جدا والله اعلى صوت موبايل شوفتة لحد النهاردة
انا نصحت صاحبى اللى معاة N82 انة يغيرة ب 6220 او N96 لما ينزلو بس بعد ما يتأكد ان صوتة مش واطى

شكرا ليك

[mahmoud_m3]

لا طبعا n95 و n958g صوتهم مش واطي وأحب أقلك حاجه في هذا الموضوع بنضع مشكلة ثم نضع حلها لستفيد جميع مشغلين n82 منها وليس وضعين الموضوع للجدل والمناقشات الحادة فأرجوا عندما يضع أحد ردا أن يتقى الله في هذا الرد

[cabrel]

لا طبعا n95 و n958g صوتهم مش واطي وأحب أقلك حاجه في هذا الموضوع بنضع مشكلة ثم نضع حلها لستفيد جميع مشغلين n82 منها وليس وضعين الموضوع للجدل والمناقشات الحادة فأرجوا عندما يضع أحد ردا أن يتقى الله في هذا الرد

انا لم اجادل
انا قلت انت بتتكلم عن فهم وتجربة وخبرة
انا كل اللى قولتة انى جرت الموضوع دة فى موبايل صاحبى
والصوت فضل زى ما هوا ممكن يكون فية حاجة غلط
وكررت المحاولة وعملت زى ما قلت بالظبط وبردو مفيش جديد
يا لو ممكن تشرح الموضوع بطريقة تانية
لانى عايز اشترى الجهاز دة بعد ما شوفتة مع صاحبى
بس معجبنيش صوتة عكس الكاميرا تماما اللى تصويرها حقيقى مشوفتش زية

ياريت فى الموضوع الجديد بقى

[ahmedeid100]

لي بس تعليق على موضوع إن ال n82 غير متوفر باللون الأسود ...
لأنه مكتوب على موقع gsmarena إنه متوفر باللونين silver, black

http://www.gsmarena.com/nokia_n82-2177.php

و فعلا لو صوت الموبايل ده حلو و بالشكل الأسود ... هكون مش مضطر استنا n78 مع إني مقلق من موضوع إنه مش هيتباع هنا في مصر إلا تهريب عشان ال gps ....

[mahmoud_m3]

كان مش متوافر عند كتابة الموضوع والأن متوافر أن شاء الله

[M.E.D.O]

يا جماعة هل انخفاض الصوت ده مشكلة في السماعات الخارجية ولا سماعات الاذن لانها تفرق كتير جدا
ارجو التوضيح

[mahmoud_m3]

المشكلة في السماعات الخارجية مش في سماعات الأذن

[cabrel]

رفع الموضوع للاهمية

[akrm80]

ألف شكر وجازاك الله خيرا

[gandy1986]

ألف شكر حبيب قلبى على معلوماتك المفيدة

ومعلش هتقل عليك بسؤال كمان

أصل أنا ناوى أشترى العدة دى إنشاء الله

عايز أعرف بعد موضوعك بتاع الصوت ده تقارنلى بين صوت N82 و N73 music

وتديله كام من عشرة مع العلم إن موضوع الأستاذ شريف2000 الناس إدوله 8/10
دلوقتى لما أعمل موضوعك ده وخلى صوته يزيد تديله كام من عشرة

ثانيا: المكان: دبي - البراحة - مقابل فندق لؤلؤة الخليج

هل المكان ده موجود فيه العدة باللون الإسود عشان أنا بحب اللون ده جدا وشكل العدة السودة جامد

وألف مليون شكر ليك يا باشا

تقبل تحياتى

الف شكر علي الموضوع بس تعليقي علي الرد ده وبالذات الكلمه اللي متظلله بالاحمر لأن دي حرام ولا يصح انك تقول إنشاء الله أي صنع الله وليعاذ بالله وإنما يجب كتابتها هكذا إن شاء الله
وشكراً مرة اخري

[glediator]

معلش هتعبك معايا هو n82فى مصر عامل كام

[spiderman_2007]

بليز انا عايز اعرف يا جماعه
1- هل الموبايل بيتغيرله وشوش من غير مسامير وكلام من ده ؟
2- هل الموبايل وشوشه متوفره ولو متوفره فين وبكام ؟
3- هل الموبايل بيقبل كروت كبيره ولا هو الـ 2 بس ولو بيقبل يبقى الكروت بكام ومنين ؟
4- هل الموبايل جاى معاه الاكسسوارات بتاعته اللى هى السماعات الاستريو والهيدفون والشاحن ؟

اهم حاجه يا جماعه موضوع الوش