{}خبر عاجل (•̪●) : وفاة الملك Hhh في حادث مأساوي /̵͇̿/'̿..إن لله و إنا إليه راجعون {}

[wolf9]

http://img218.imageshack.us/img218/8145/4bdc0b8188at5jn5uy0.gif

أسف جداا أن أنقل لكم هذا الخبر الحزين
الذي زلزل كيان عالم المصارعة الحرة
أعلنت الخبر ال WWE
* إنا لله و إنا إليه راجعون *

توفي إلي رحمة الله تعالي ملك المصارعة الحرة في العالم أسطورة
اللعب التي لن تتكرر في التاريخ ..الرجل الذي يعشقه الملايين حول العالم
HHH
http://img149.imageshack.us/img149/7367/hhh20oldyx2.jpg
في حادث مأساوي
عنيف بــ منزله

عند عودته صباح اليوم من الجيم ...فوجئ بقشرة موز تعترض طريقه
أتزحلق و قع علي رقبته ...لكن الحمد لله متكسرتش
قام زعلان قوي هدومه الغالية أتوسخت ..دخل لستيفاني عشان تغسلو هدومه ..لقاها قاعدة تتفرج ع التلفزيون
و مبسوطة ...يشاء القدر أن ينظر إلي سقف منزله ليجد ..أن
النجفة تهتز بشكل غريب و لاحظ أن
السلسلة التي تربطها في السقف ...تكاد أن تنقطع و ستسقط علي
زوجته الحبيبة يقفز كالأسد بل أنه الأسد بنفسه و يدفع زوجته بضربة كتف مع الطرح أرضا ..ليبعدها بعيدا عن النجفة العملاقة ...و من سوء حظه أن تسقط عليه هذه النجفة ...
و لكن قبل أن ترتطم برأسه لتدمرها ..تتوقف النجفة في الهواء و كأنها أرادة القدر
أن يكتب له عمر جديد ..بفضل الله ثم السلك الكهربائي المتصل بها ...الذي أعاقها عن أكمال السقوط فور
أنقطاع الحامل الحديدي ...
قام تربل أتش و قيم مراته و راح
قايلها
أنتي كويسة
قالتله
أنت أزاي تزقني كده و تضربني ..
طبعا شرحلها أنه أنقذ حياتها من النجفة و كان هيموت بسببها
ستيفاني مكنتش مصدقة نفسها من الفرحة ...راحت عنيها دمعت من الفرحة
و حضنته و رمت راسها علي كتفة و
قالتله
أنا مقدرش أتخيل حياتي من غيرك كانت هتبقي عاملة أزاي
راح قايلها و أنا عمري ما هتخلي عنك أبداا...و أشتغلت موسيقي أغنية تايتنك السلو الهادية
و العصافير اللي في جنينة الفيلا قعدت تزقزق ..و الزهور لونت و الجو بقي رومانسي خالص
و الباب رن و معرفش مين اللي فتحه و دخل الدلفري شايل أتنين لمون و شجرتين ههههههه
لما شاف المنظر الرومانسي ده عيط و حط الحاجة في هدوء و خرج ...
و راحت أستفني تجيب اللمون
هنتر قالها
متسيبنيش و تمشي
قالتله
دا أنا هجبلك كباية اللمون بس من ع الطربيزة
قالها
هتوحشيني في الثنيتين اللي أنتي هتجيبي فيهم اللمون
.............
جابت اللمون وقبل ما يشربه
قالها
أمال أنتي طبخالنا أيه النهاردة؟
...قالتله
الطبخين في أجازة
و أنا كنت مشغولة جداا بدهن منوكير علي صوابعي ..و مطبخطش حاجة النهاردة يا روحي
http://i267.photobucket.com/albums/ii310/rocky-wolf9/image207.gifفجأةhttp://i267.photobucket.com/albums/ii310/rocky-wolf9/image207.gif
الدنيا ظلمت و الموسيقي و قفت و العصافير طارت و الورد مات
و إبتسامة الحب اللي علي وشة أتقلبت لتكشيرة و كأن الشرارة هتطلع من عنيه
و راح أخدها و احد بدجري ...الفنش بتاعه و رازع وشها في الأرض
البت ضاعت ...وراح جاري ع التلاجة
يشوف حاجة يكولها ..لقاها فاضية
بيبص يمينه لقي
البت بنته النو نو ..ماسكة البزازة ..بتشرب قيها
راح أبتسملها و قالها ممكن شوية لبابا
و راح أخد منها البزازة جاي يشرب
راح شنق و زور ووقع ميت
ههههههههههههههههههههههههههههههههه

لو مش مصدقين أدخلو ا ع المصدر
المصدر (http://www.dvd4arab.com/showthread.php?t=822855)

هههههههههههههههههههههههههههه
طبعا الموضوع ده كله تهريج ورد ع المقلب اللي عمله فينا أستاذنا الكبير الكنج و ليد ...في موضوع عصام الحضري
هههههههههههههههههههه
http://img524.imageshack.us/img524/544/3653lt3.gif

مثبت: إنفراد : دخول 5 أهداف في مرمي الحضري في أول مباراة له مع سيون وصورة له بعد المباراة (http://www.dvd4arab.com/showthread.php?t=822855) ‏(http://www.dvd4arab.com/Romntic1/misc/multipage.gif


تحياتي للكنج ....مش قولتلك هردلك المقلب قريب قوي .http://img341.imageshack.us/img341/9168/36229go7.gif
...شوف بقي كام واحد هيدخل مخضوض
كام واحد هيدخل جري عشان حبيبك هههههههه
و ياخدوا المقلب .....
أوعي حد يزعل بنهزر يا جماعة
و يارب يعيش هنتر لحد ما يا خد الحزام للمرة ا 50 ههههههههههههههه

[guvara]

الله عليك يا علوة وعلي اخبارك الحصرية اهم حاجة في الخبر اللمون هههههه
جامدة بجد

[HeEsH@M]

هههههههههههههههههههه
بجد انا صدقت و قولت خسارة كبيرة اوى للاتحاد

[@Bo$h@_Cen]

ياراجـــــــــــــــل وقـــــعـــــت قلــــــبـى والله الــــعظيم
لاـــــــتتنى بـــــعشــق تــــــــرابــل اــــــتش
الحـــــمدلله اــــنو ـبخيــــــــــــر

[أحمد الكعبي]

انا اتوقعت اول ما ما شفت العنوان اننه مقلب
و مشكككككككككور على المقلب العجيب

[supermaruo]

حرام عليك انا كان قلبى هيقف من الخضة خاصتا قبل ما افتح الموضوع وصدقت لما لقيت اسمك لانى بثق فى مواضيعك بس موت من الضحك بعد اللمون بس اشتغالة حلوة

[almajro7]

حرام عليك يا علي خوفتنا يا أخوي وانا أول ما لمحت الموضوع قلت خلاص راح تربل أتش بس لعبتها صح يا معلم ههههههههههههههههههههه

[WWE_CHAMPION20]

الله يخرب بيتك
حرام عليك
والله انا زهلت

[WWE_CHAMPION20]

والله العظيم انا اتخضيت خضة
منك لله والله العظيم انا صدقت
قريت وانا بقراء قلت هغير اسمى ل hhh20
بس ضحكت علية يابن ال ...........

[bat_man]

ههههههههههههههههه

بصراحه موضوع مسخره

انا قلت فى حتة البزازه بنته مش هترضى تديها له يقوم يرزعها بدجرى ويروح لستيف اوستن يصبر نفسه بصندقين بيره

[walid26]

ههههههههههههههههههههههههههههههههههههههههه

إللي عجبني الشجرتين إللي مع اللمون ، وبعدين إنت نسيت الرعد والبرق والمطر والسحاب الإسود

يا راجل ده إنت عامل فيلم هندي من بتوع أميتاب باتشان وعامل قصه مالهاش حل والله ، ههههههههههههههههه جامدة منك

بس مدخلتش عليا يا جميل أول ما شوفت عنوان الموضوع وافتكرت ردك في موضوعي عرفت إللي فيها

تسلم أفكارك النيرة

[walid26]

موضوع البزازة ده صحيح فكرني بالإعلان بتاع الأب إللي بياخد الزبادي من إبنه

هو كان حقه فينيش بدجري فعلا في البت ويروح يوشفله كام واحده بيرة من عمونا أوستن هههههههه

[® TaKeR $ BeCkHaM ®]

ههههههههههههه يخربيتك وقعت قلبي يا جده اول واحد جه علي بالي وليد قولت هيعمل ايه لما يعرف هههههههه

حلوه الخدعه دي بس القصه جميله قوي ولمون ومروق نفسك انتا هههههه

[wolf9]

ههههههههههههههههههههههههههههههههههههههههه

إللي عجبني الشجرتين إللي مع اللمون ، وبعدين إنت نسيت الرعد والبرق والمطر والسحاب الإسود

يا راجل ده إنت عامل فيلم هندي من بتوع أميتاب باتشان وعامل قصه مالهاش حل والله ، ههههههههههههههههه جامدة منك

بس مدخلتش عليا يا جميل أول ما شوفت عنوان الموضوع وافتكرت ردك في موضوعي عرفت إللي فيها

تسلم أفكارك النيرة

هههههههههههههههههههههههههههههههههههه كنت أصبر عليك يومين و أحط الموضوع في قسم الأخبار
أه ...و أتمني أشوف وشك و أنت بتقرأ الخبر ساعتها هههههههههههه
لكن قلت بلاش ..لمن كتر غيظك توقفني ولا حاجة هههههه
أنا مبسوط قوي أنها عجبتك ..و الجيات أكتر من الريحات ..ههههه
تحياتي يا كنج المنتدي

موضوع البزازة ده صحيح فكرني بالإعلان بتاع الأب إللي بياخد الزبادي من إبنه

هو كان حقه فينيش بدجري فعلا في البت ويروح يوشفله كام واحده بيرة من عمونا أوستن هههههههه

أنت شفت الأعلان ده برضه ههههههههههههه دا يستاهل ياخد فينش بدجري علي قزاز مكسر ههههههه

[WWE_CHAMPION20]

اة احب اقول لك يا على
انا جبت اختى الصغيرة بتموت ف حاجة اسمها اتش وقلبها دق جامد
وشتمتنى ف الاخر وانت بردوا اتشتمت لك شوية
حرام عليك ياعلى

[wolf9]

ههههههههههههههه خبر حلو أه ......
.نورتوا الموضوع يا رجالة أي خدعة
أنا تحت أمركم هههههههههه تحياتي للجميع...

[wolf9]

اة احب اقول لك يا على
انا جبت اختى الصغيرة بتموت ف حاجة اسمها اتش وقلبها دق جامد
وشتمتنى ف الاخر وانت بردوا اتشتمت لك شوية
حرام عليك ياعلى

ههههههههههه أحسن ما توصل للضرب ...الشتيمة مبتلزقش ههههههه

[guvara]

ههههههههههه مردودة بردوا يا علوة

[wolf9]

ههههههههههه مردودة بردوا يا علوة


ماشي يا حودة دا أنت حبيي يا حودة

[bat_man]

على فكره ياعلوه

انا كنت عاوز اكتب ان اتش بعد ماادى بنته البدجرى الحقها بتلات اواربع ضربات بالهامر بس قلت كفايه عليها كده واكيد هتعرف غلطتها


بجد بقى الموضوع ده اثبت انك دمك زى الشربات بجد وربنا مايحرمنا من خفة طلك دى

[عماد متعب]

تصدق بالله ا على انا لحد اول كلمتين فى الموضوع مكنتش هكمل لانى اتأكدت انه مات لحد ما كملت قراية و عرفت المقلب ههههههههههههههههههههه حتة مقلب جاااااااااااااامد جدا
ده انت مصيبة سودة
انت عارف لو انا مشرف منتدى المصارعة كنت وقفتك يا حبيب قلبى الغالى هههههههههههههههههههههههههههههههههههههه

[wolf9]

على فكره ياعلوه

انا كنت عاوز اكتب ان اتش بعد ماادى بنته البدجرى الحقها بتلات اواربع ضربات بالهامر بس قلت كفايه عليها كده واكيد هتعرف غلطتها


بجد بقى الموضوع ده اثبت انك دمك زى الشربات بجد وربنا مايحرمنا من خفة طلك دى

هههههههههههههههه مهو لما مزاجه بيتعكر توقع منه أي حاجة ههههههه
ربنا يخليك يا بات مان دا أنت حبيبي من أيام الجيزة ههههههه

[wolf9]

تصدق بالله ا على انا لحد اول كلمتين فى الموضوع مكنتش هكمل لانى اتأكدت انه مات لحد ما كملت قراية و عرفت المقلب ههههههههههههههههههههه حتة مقلب جاااااااااااااامد جدا
ده انت مصيبة سودة
انت عارف لو انا مشرف منتدى المصارعة كنت وقفتك يا حبيب قلبى الغالى هههههههههههههههههههههههههههههههههههههه


هههههههههههههههههه حبيبي يا شادي و الله .... أنت مبتحبش غير أتنين باتيستا و أتش
كان هيروح منك الملك ...و يفضلك الحيوان .هههههههههه يلا زي بعضه نسيبو شوية
المرة الجاية هرعبك يا شادي ....و أنت عارف أنا أقدر أعملها أزاي هههههههههههههههه

[عماد متعب]

طول عمرك عسل يا على ...........لا يا عم احنا مش قد مصايبك دى سيب الحيوان فى حاله عمتا انا حطه فى القفص ههههههههههههههههههههههههههه لم الدور احسن اسيبه عليك هههههههههههههههههههههه

[ABU MARIAM]

كده ياعلى ينفع الكلام ده تنشف دم الناس ومكمان يصحينى من النوم ويقولى لم من الاستراحة وولف صحبك لاء مش كده
والكينج وليد يجى يعزى بنفسه كمان ومحدش يقولى
عيب عليك بجد ياصحبى هههههه
بجد رووووعة وكلمة السر كاتكوووووت

[Deadman Taker]

هههههههههههههههههههههههههههههههههه
يا راجل دة أنا صدقت أنة مات بس من العنوان أول ما شوفت حكاية المووز قولت الموضوع شكلة هزار بس موضوع ممتع جداا وكلة ضحك
حتي المصدر غريب هههههههه شكرا لك يا غالي علي المقلب
القصة الجميلة دية

[guvara]

يا راجل ده انت خليت ابو مريم يصحيني من النوم ويقولي ينفع اللي صحبك علي بيعمله ده
رحت انا قيله براحته يعمل اللي هو عايزه راح هو عملي بيداجري هههههه
ابو مريم مش تريبل اتش

[Mr_Ahmedvip4u]

هههههههههه انت مبدع ياعلى ياصاحبـى ،، والله أنا صدقت الخبر ياجدع ،،
لحد ما شوفت الموزة ،، لا بجـد فنان ويسلم مخك العبقرى ده يامتر ،،
تحياتى ليك ياجميل ومنتظرين المزيد من المقالب الجامدة أوى دى ياغالى ،،

[THE GAME ™]

هههههههههههه والله أتخضيت
وقلت الراجل مات بجد وزعلت
بس فكرة جميلة وقصة حلوة شكرا ليك ياجميل

[van hels]

انا قلت انه واحد بيزاولنا و عامل دعاية لمنتديات تانية اول ما شفت الموضوع من بره

بس جامدة ياعلى القصة دى

حتة البزازة فكرتنى باعلان الولد اللى مش عارف ياكل الدانيت من ابوه و الله بيصعب عليا اوى الولد ده

[foxy007]

ليه كداااااا وقعت قلبنا والهى.

[extreme123]

يا عم دنا كونت هزعل عليه بغباء اسلن......بس كويس انا لسا عايش هههههه فل عليك يا على

[kapoo_ahmed2010]

مشكوووور جدا على الخبر اللى غلط دع هههههههه

[Em 99]

تسلم يا وولف عل الخبر الحصري دلوقتي هتلاقي الموضوع انتشر في منتديات المصارعة والنس مصدقه ان ترابل مااااات

وتسلم ع المقلب

[hiishaam]

شكرااااااااااا جزيلااااااااااا على الخبر
هههههههههههههههههه

[MostĄfa ĐamĄna]

ههههههههههههههههههههههههه

جامده ياعلوه بجد

.........

[wolf9]

هههههههههههههههههه بنهزر معاكوا يا رجالة مهو أمبارح كانت ليلة
الهزار العالمية ..و أنتو نايمين هههههههه
نورتوا الموضوع يا رجالة ...تحياتي للجميع

[omar#7525]

ياعم حرام عليك
كنت حط تحذير لضعاف القلوب
انا شوفت العنوان كان حايحصلي حاجة

بس الخدعة جامدة موت
شكرا يا غالي

[EL FeRaoN]

والله أنا صدقت ياض ياعلى هههههههههههههههههههههه

[ak1thesword1]

انا شوفت موضوع وليد بتاع الحضرى الاول وشفت ردك علشان كدة دخلت الموضوع وعارف انة مقلب بس مكنتش متوقع القصة والسناريو والحوار دة يا راجل دة انت مبدع

بس انا عجبتنى اللحظة الرومانسية دى وتياتنك ولمون موت على نفسى من الضحك

تسلم ايدك بجد ع الموضوع

[obos2006]

مقلب شديد يا مان
طيب وليد وعمل فيك مقلب احنا ذنبنا ايه ههههههههه
عموما قصة حلوة بس ناقصة دخول مكمان ويقفشهم مع بعض مع كوباية الليمون في ايديهم متلبسين ههههههههههه
وبعض كده يدخل مستر موني موني الي هو اخوها ويشوف الجميع واقف متنح فيدخل علي طول علي اختهم ويبصلها جامد اوي ويقوم واخد كوباية الليمون من ايديها ويروح رفعها في ايده فيجري هنتر ويمسكه مكمان علي أساس يظبطه لأبنه فيروح شين مكمان شارب كوباية الليمون كلها علي بق واحد ..... اي خدمة يا باشا حبيت بس اكملك بقية الحكاية الي انت نسيتها هههههههههههه
سلام يا اجدع ديفيداوية في الدنيا

[bashar_altayar]

المرة دي عملتها المرة الجاية متعملهاش !!!!
يا راجل انتة وقعت قلبي
الى ان لاحظت ان الموضوع دة ضحك وفكاهة انا منت حاموت فيها
بس حلوة قوي السيناريو الفكاهي دة

[STAR_THENET]

ههههههههههههههه والله يا جماعه مقالب زى الفل

[MIRO_89]

هههههههههههههههههههههههههههههههه كبير من يومك والله حوار لذيذ فشخ وبجد رديتلنا على استاذ وليد في موضوع الحضري

تسلملنا دماغك

[red_alert22222]

ياراجل

اناقومت الصبح ذي الباشا الساعة 5 الصبح وعملت لنفسي كوباية شاي

وقولت اخش المنتدي اشوف ايه الاخبار

ومرة واحدة ( ان الله وان اليه راجعون ) وفاة الملك Hhh

الدنيا خربت وتوقف الزمن وكل حاجة حصلت

قولت اما خوش اشوف فيه الي جري

الراجل كان ذي الفل

بس هلكت علي نفسي من الضحك لما دخلت وخصوصا الراجل بتاع الليمون

دا قضية لوحده ههههههههههههه

ماشي يا علي

[::Mr.CeNa::]

إللي عجبني الشجرتين إللي مع اللمون

هههههههههههههههههههههههههههههههه ارحم الناس من اليمون كفاية انا اكيد فاهم

[Dracoo]

كونت عارف انه مقلب بس قولت اتاكد على العموم موضوع جامد ههههههههههههه

[dxman]

هههههههههههه يواد يجااااااامد

[khaledbebo9]

يأخى وقعت قلبى حوالى تلت اربع مرات و فى الاخر تدينى بمبه كده
ليك يوم يا ظالم

[KiNG MS]

و قـــعـــت قــلـــبـــى و الله يـــا لـــول
اخوك مصطفى

[wolf9]

هههههههههههههههههههههه دا أنا أدعي عليا دعا ههههههههههه
دا أنا بقيت مطلوب حيا أو ميتا ههههههههههههه
و الله يا رجالة ...مش عارف أقولكوا أيه ....ههههههههههه
تعيشوا و تاخدو غيرهــا بقي هههههههههههههههههههههههههههههه

[khaledtag]

قلبى كان هيقف من عنوان الموضوع ولما قرأت الموضوع قلبى تقريباً وقف لغاية ما قريت "مطبختش حاجة النهاردة" ههههههههههه عرفت إنه مقلب

أووووووووووووف وقعت قلبى ياعلى

[ترابل اتش]

ياريت الموضوع ده ميتكررشى تانى..

شكرا ليك

[MaN-OF-MeN]

هههههههههه موضوع ظريف

لك انتا نسيت حاجه

ثربل اتش كاااااااااااافرولا يجوز فى الدين الاسلامى الى احنا بننتسبله ولو بالبطاقه

ان نترحم على الكافرين

وشكرا للموضوع

[air_man707]

مش عارف اقول إيه (فى البدايه أول ما قريت الخبر جريت على موقع الإتحاد).
بأه بتعمل فيها مقالب (ماشى ياعم مردودالك).
كنت خايف ليموت زى بنوا وجريرو فطيس

[guvara]

ايه يا علوة الناس اتخنقت منك كده ليه ههههههههههههه

[vezikon]

حرااااااام عليك يابني
ده انا كان هايجرالي حاجه لو الخبر ده طلع صح

[wolf9]

ايه يا علوة الناس اتخنقت منك كده ليه ههههههههههههه

هههههههههههه حبيبي يا حودة دا نص المنتدي عايزين رقبتي
ههههههههه ...أعمل أيه !! المقلب كان جامد حبتين ههههه


حرااااااام عليك يابني


ده انا كان هايجرالي حاجه لو الخبر ده طلع صح



هههههههههههههه بعد الشر عنك يا غالي ...و الله بنهزر هههه
نورت الموضوع يا عزيزي ...

مش عارف اقول إيه (فى البدايه أول ما قريت الخبر جريت على موقع الإتحاد).
بأه بتعمل فيها مقالب (ماشى ياعم مردودالك).
كنت خايف ليموت زى بنوا وجريرو فطيس

هههههههههههههههه لا يا عم الملك بخير أطمن
أحنا بس بنهزر ...تعيش و تاخد غيرها هههههه
نورت الموضوع يا غالي


هههههههههه موضوع ظريف


لك انتا نسيت حاجه

ثربل اتش كاااااااااااافرولا يجوز فى الدين الاسلامى الى احنا بننتسبله ولو بالبطاقه

ان نترحم على الكافرين


وشكرا للموضوع



العفو يا غالي ...و ربنا وحده اللي يعلم مين المسلم الحقيقي و مين اللي في البطاقة بس و الله غفور رحيم ...
و يمكن هو عند ربنا أحسن من ناس كتيير ....الله أعلم في الأخر
وشكرا عزيزي علي تنويهك ...نورت الموضوع يا غالي

ياريت الموضوع ده ميتكررشى تانى..

شكرا ليك

عزيزي أعتزر لو كان الموضوع ده زعلك ...و متخفش هي خضة واحدة في العمر
أحنا بنهزر يا غالي ...نورت الموضوع

قلبى كان هيقف من عنوان الموضوع ولما قرأت الموضوع قلبى تقريباً وقف لغاية ما قريت "مطبختش حاجة النهاردة" ههههههههههه عرفت إنه مقلب

أووووووووووووف وقعت قلبى ياعلى

حبيبي يا خلود و الله ...تعيش و تاخد غيرها يا صاحبي
نورت الموضوع يا غالي

[diabloman]

ههههههههههههههههههههههههههه لا حلوة و اللهى

[ahlawyyy]

بصراحه مقلب جامد جدا جدا وانا صدقته وده تانى مقلب كده فى يومين كتييييييييييييييير والله كده هههههههههههههههههههههههه بس احلى حاجه فيه ان القصه جامده جدا

[The Hardy Boyz]

هههههههههههههههههههههههههههههههه
هههههههههههههههههههههههههههههههه
يخربيتك انت مجرم بجد
بس انا عارف انها مقلب منك
بس قولت اخش اشوفك عامل ايه هههههههههههه
تسلم ايديك بجد
بس ايه ياعم السيناريوهات دي ؟ هههههههههه

[SAKR666]

حراااااااااااااااااااااااام عليك قلبى لسه واقف لحد دلوقتى بجد حرااااااااااااام

[GHOST.RIDER™]

وقعت قلبي والله لاني من عشاق ترابيل موت وهو المصارعه ربنا يستر ويحميه ههههههههه الف شكرعلي الموضوع ياباشا

[ANGEL DRAGON]

هههههههههههههههههههه

لو اقولك على مقدار الشتيمة اللى انا وانت خدناها من اختى مكنتش هتصدق البنت كانت هتموت لغاية لما قرات الموضوع :42:

[MOHAMED3ASHOOR]

ايه يا عم الاخبار دى وقعت قلوبنا

[m_eldereny]

وايه يعنى عادى

هههههههههههههه

بارد انا ؟؟؟ صح!!!

[hima265]

انا كنت هعملعا علي روحي لما شفت الخبر

[hardrock_0009]

مقلب تمام
انا صدقت فى الاول
حلوة منك يا باشا

[TRIPLE.H]

والله انا صدقت ..حرام عليك انا مش عارف كنت حعمل ايه لو الخبر ده صح حرام عليك والله .... ارجو ان الموضوع ده ميتكررش

[m7nsh]

ههههههههههههههههه

جااااااااااااااااااااامد يا ماااااااااااااااااااان

حلوه اوى اوى منك

بس انا فقستها عشان علامات التعجب اللى حطتها جمب العنوان !!! اكيد لومات بجد مش طالبه علامات تعجب خالص هههههه

بس حلوه اوى يا مان .. تمام

[welkoppa]

ياراجل دا انا كنت خلاص بشد علبة المناديل علشان اعيط
بجد مقلب جامد جدا

[eslam_pepse]

والله انتى بيتستهبل وقعد قلبى ياخى حرام عليك على العموم شكرا ياجامد

[a_elgost]

انا صعبان عليا النجفه

[kwa_ahmed]

شكرا ع المقلب الجميل
ياغالى

[ehab_elmasry_77]

يعني انت عشان تعمل مقلب في واحد توقع قلبنا وتاني حاجه انا مكنتش هازعل عشان تربل اتش مات انا كنت هازعل اني مروحتش اعزي فيه عشان دا كان حبيبي من ايام الجيزه

[memekaka]

حرام عليك يا راجل
ده انا اتفزعت
ده انا فضلت قاعد ربع ساعه بلا اي حركه قبل ما اقرا الخبر و ايدي مش مطوعاني انزل بالصفحه و اقرا الخبر
بس مقلب جامد و ملعوبه جامد اوي بس يا ريت ماتعملهاش تاني

[M!ĐǾNH0]

ياأستاذ اللي انت بتقوله دا مينفعش يطلع من واحد مسلم خالص الناس دي مينفعش يترحم عليها ولا تقول انا لله وانا اليه راجعون
دا كافر وحتي لو كان تهريج برده وياريت متزعلش مني
وشكرا ليك

[wolf9]

ياأستاذ اللي انت بتقوله دا مينفعش يطلع من واحد مسلم خالص الناس دي مينفعش يترحم عليها ولا تقول انا لله وانا اليه راجعون

دا كافر وحتي لو كان تهريج برده وياريت متزعلش مني

وشكرا ليك




و النبي بس متقولش مينفعش و ينفع ...و تعمللي فتوة و تحور عليا .... أنا مسلم و الحمد لله
هتيجي أنت بكلامك تطلعني يهودي ...لا يا عم الحج ...أنت تعرف أيه اللي هيحصلك بعد دقيقة
طبعا لأ ...مين دراك أن هنتر ده هيدخل النار ....الله أعلم بما في القلوب يا أستاذ ...و يمكن يكون هنتر ده
عند ربنا أحسن من 100 مسلم بالأسم بس ....
ثم الرحمة تجوز ع الحي و الميت
و ده دعاء مني له بالرحمة من عقاب الله ....أيه مشكلتك بقي
لا بترحم و لا بتسيب رحمة ربنا تنزل ...


ثانيا أنت حاططلي صورة بوش في صورتك الرمزية و جاي تنتقضني ....عيب عليك يا راجل ...
أنتقض نفسك الأول ...

وياريت تزعل مني و شكرا ليك

[HeEsH@M]

براحة شوية يا جماعة الموضوع مش مستهال خلاف

[M!ĐǾNH0]

و النبي بس متقولش مينفعش و ينفع ...و تعمللي فتوة و تحور عليا .... أنا مسلم و الحمد لله
هتيجي أنت بكلامك تطلعني يهودي ...لا يا عم الحج ...أنت تعرف أيه اللي هيحصلك بعد دقيقة
طبعا لأ ...مين دراك أن هنتر ده هيدخل النار ....الله أعلم بما في القلوب يا أستاذ ...و يمكن يكون هنتر ده
عند ربنا أحسن من 100 مسلم بالأسم بس ....
ثم الرحمة تجوز ع الحي و الميت
و ده دعاء مني له بالرحمة من عقاب الله ....أيه مشكلتك بقي
لا بترحم و لا بتسيب رحمة ربنا تنزل ...


ثانيا أنت حاططلي صورة بوش في صورتك الرمزية و جاي تنتقضني ....عيب عليك يا راجل ...
أنتقض نفسك الأول ...

وياريت تزعل مني و شكرا ليك[/center]
لا حول ولا قوه ألا بالله العلي العظيم فعلا
انت ليه خدت الموضوع بحساسيه كدا انا لا طلعتك يهودي ولا حاجه:31::31:
وافهمك تاني يامسلم ..........
لغايه دلوقتي هنتر دا مش مسلم يعني متترحمش عليه ولو حتي تهريج
وموضوع انك شايف ان هنتر عند ربنا احسن من 100 مسلم انشالله بالاسم بس:thumbdown:!!!!!!!! ف دي انت محتاج تراجع نفسك الف مره قبل ماتقولها والله العظيم, وادعيله ان ربنا يهديه الاول,بدل منتا خايف انه يتعاقب ؟؟؟؟؟؟؟
وكلمه انك لا بترحم ولا بتخلي رحمه ربنا تنزل دي حرام يا ولف
متتقالش لأن فيها تآلي علي الله عز وجل.
وانت لو خدت بالك هتلاقي ان صوره بوش الرمزيه دي جنبها الارموطي
يعني مش من اعجابي ببوش حاططت الصوره والله؟
ونقطه انك تتمني اني ازعل منك ف دي خليها ع الله.

[wolf9]

لا حول ولا قوه ألا بالله العلي العظيم فعلا
انت ليه خدت الموضوع بحساسيه كدا انا لا طلعتك يهودي ولا حاجه:31::31:
وافهمك تاني يامسلم ..........
لغايه دلوقتي هنتر دا مش مسلم يعني متترحمش عليه ولو حتي تهريج
وموضوع انك شايف ان هنتر عند ربنا احسن من 100 مسلم انشالله بالاسم بس:thumbdown:!!!!!!!! ف دي انت محتاج تراجع نفسك الف مره قبل ماتقولها والله العظيم, وادعيله ان ربنا يهديه الاول,بدل منتا خايف انه يتعاقب ؟؟؟؟؟؟؟
وكلمه انك لا بترحم ولا بتخلي رحمه ربنا تنزل دي حرام يا ولف
متتقالش لأن فيها تآلي علي الله عز وجل.
وانت لو خدت بالك هتلاقي ان صوره بوش الرمزيه دي جنبها الارموطي
يعني مش من اعجابي ببوش حاططت الصوره والله؟
ونقطه انك تتمني اني ازعل منك ف دي خليها ع الله.


لا حساسية ولا حاجة ...يعني أنت سايب الموضوع الرئيسي و جاي تكلمني في الدين ...لما يكون
ليك أي رأي أو نصيحة أو توضيح عايز توصلهولي في أي موضوع موجود و رأيك ده خارج نطاق الموضوع
تقدر سعادتك تبعتهولي ع الخاص في رسالة ...و أنا هرحب بيك

لكن لما تيجي ...تقول في بداية كلامك أن ده ميطلعش من راجل مسلم ...يبقي أن كده اللي بدأت بالغلط

و تاني حاجة أنا مقلتش هنتر أحسن عندي من 100 مسلم بالأسم بس ...أنا قلت يمكن عند ربنا ...و الله أعلم
بما في الصدور ....ولا أيه

ثم أنت برضه موضحتش أنت حاطط صورة بوش ليه ...طبعا أنا شايف جنبها القرموطي أيه الجديد ...
أنت فرحان بيهم هما الأتنين طب دي حرية شخصية وحاجة ترجعلك ...بس زي ما بتنصح ...تقبل النصيحة

تزعل مني متزعلش أنت حر .... لكن متنساش أنت اللي بدأت غلط ...يعني تهاجمني كده و ترجع تقولي متزعلش
ههههههههههههههههههه
عمتا
حصل خير ...

[seka_m5]

على فكرة و الله انتا دمك زاى العسل انا شفت ردك فى الموضوع بتاع الكينج وليد وقلت هيرد عليه ازاى اتريك محضر مقلب جامد بس حلو اوى حكايت الشجرة والموين يا ولف ياجــــــــــــــــمد

[hoihy]

يابايخ حد قلك دمك ظريف قبل كدة انا سمعت الحكاية دة حصلت معاك

[hoihy]

يابايخ حد قلك دمك ظريف قبل كدة انا سمعت الحكاية دة حصلت معاك

[wolf9]

يابايخ حد قلك دمك ظريف قبل كدة انا سمعت الحكاية دة حصلت معاك

بلاش أقولك مين اللي قالتلي أن دمي ظريف قبل كده ....لبجد هتتصدم فيها وتزعل يا قمور ...هههههههههههههههههههه

ولو نفسك تقول حاجة خليك راجل و قولها و أنت بعضويتك
الأصلية ...مش تستخبا ورا عضوية تانية ...
و علي فكرة أنت برضه هتتعرف من ال ip بتاعك فاحترم نفسك
أحسن ...

[@Bo$h@_Cen]

بلاش أقولك مين اللي قالتلي أن دمي ظريف قبل كده ....لبجد هتتصدم فيها وتزعل يا قمور ...هههههههههههههههههههه

ولو نفسك تقول حاجة خليك راجل و قولها و أنت بعضويتك
الأصلية ...مش تستخبا ورا عضوية تانية ...
و علي فكرة أنت برضه هتتعرف من ال ip بتاعك فاحترم نفسك

أحسن ...

معلش ياعلوة بس والله انتا عملت الواجب معاة
دمك زى العسل يبنى والله
هههههههههههههههههههه

[M!ĐǾNH0]

ياسيدي انا قصدي خير والله ومش بهاجم ومش دي نيتي خالص
ان حبيت اوضحلك الموضوع
وانت عندك حق المفروض كنت ابعتلك ردي ف رساله خاصه بس انا حبيت اوضح النقطه دي قدام الناس عشان تفتكرو لما بنوا اتكل اللي قال الله يرحمه والمرحو بنوا
دا اذاكان مينفعش اساسا نقول مرحوم علي المسلم_ايوه مينفعش نقول مرحوم لأن احنا مش متأكدين ان ربنا هيرحمه ولا لأ فنقول الله يرحمه او المتوفي _يعني المغفور له والكلام دا مش تمام
وبخصوص صوره بوش اللي مش عارف مضايقاك ليه اوي كدا ف دا ممثل بيعمل دور بوش ف فيلم القرموطي-كوميديا يعني بس-واكيد يعني مفيش واحد عاقل ولا مسلم ولا بني ادم فنزويلي حتي بيطيق الملعون دا
وشكرا علي مواضيعك الجميله دايما وللمره التالته حصل خيرياعم ولف ي(((((انت صعيدي))))) وتكون بدايه معرفه احسن ياباشا