محمد سعد كوميديان حقيقي رغم أنوفنا

[hippo]

http://www.arabic.arabia.msn.com/pidl/2043986/elLembi0001.jpg


محمد سعد واحدا من المواهب الكوميدية التى ظهرت صدفة فى السنوات الأخيرة رغم انه ليس من جيل الشباب من الممثلين وعمره الفني أكثر من عشرون عاما ، ولعبت الصدفة دورا كبيرا فى ظهور نجمه بعد دوره الشهير فى فلم الناظر مع الراحل علاء ولي الدين حين نجح محمد سعد فى أن يسرق الكادر من باقي أبطال الفلم بما فيهم علاء ولي الدين نفسه وهو ما جعل المنتجين والمخرجين يعيدون اكتشافه ... حتى قدموه فى فلم مستقل عن شخصية اللمبي التي أداها فى فلم الناظر ، فى الفلم الشهير بنفس الاسم وهو الفلم الكوميدي الذي حقق نجاحا غير مسبوق فى السينما المصرية وشاهده الملايين من عشاق السينما فى الوطن العربي كله وحقق إيرادات تخطت الثلاثين مليون جنيه




http://www.art-tv.net/Images/ShowsImages/Movie2Channel/4046/Large/ellmbi_medium.jpg




ومحمد سعد فنان يتميز بذكاء وخبرة لا تتوافر في معاصريه من الفنانين ، فمحمد سعد يختلف عن معاصريه انه بدأ سلم الفن ليس من أول درجة ولكن كما يقال من البدرون فقد أدي العديد من الأدوار الصغيرة للغاية طوال مشواره وكم كانت مفاجأة للعديد من محبي هذا الفنان الذين كانوا يعتقدون أن بداياته كانت فى السنوات الأخيرة رغم تواجده فى العديد من الأفلام والمسلسلات ولكن فى ادوار تشبه ادوار الكومبارس



http://www.omeldonia.com/adminupload/entertainment/movies/spot/68.jpg


لذا فعندما واتت الفرصة محمد سعد لإظهار مواهبه لم يتأخر واستغل كل خبراته لكي يضع نفسه فى مصاف أوائل نجوم الكوميديا المصريين بل انه أفضل الكوميديانات فى الوقت الحالي لأنه يتفوق على معاصريه مثل محمد هنيدي الذي لم يستطع الخروج من الإطار الذي وضعه فيه عادل إمام عندما استعان به فى ادوار قصيرة فى أفلام بخيت وعديلة والذي كان شرارة البداية الفنية له ، كما انه يفوق بكثير نجوم مثل هاني رمزي ثقيل الظل واشرف عبد الباقي وغيرهم من ممثلي الكوميديا ....وهذا هو السبب فى تحقيق افلامه اعلى الايرادات دون الحاجة الى اي دعاية من اي نوع .


http://www.art-tv.net/PplImages/MovieChannel/Actors/122/Hamam-Fe-Amesterdam_thumbs_star1.jpghttp://www.art-tv.net/PplImages/MoviesAmerica/Actors/1107/Gabr-Al-Khawater_star2_ashraf%20abd%20el%20baky.jpghttp://www.art-tv.net/PplImages/MovieChannel/Actors/326/Gawaz_thumb_star2.jpg




ويتميز كاركتر محمد سعد بلهجة وتعبيرات مميزة والملاحظ انه يقدم كوميديا بها خليط من الكوميدي الأمريكي الكبير جيري لويس والممثل الكوميدي البريطاني نورمان ويزدوم الذي كانت أفلامه تملا دور السينما المصرية فى الستينيات ولكن فى طابع مصري مميز ...


http://digilander.libero.it/comedian/online.jpg








ورغم شعورنا بالفقر الفني فى السينما المصرية إلا أني اعتقد انه باتت ظاهرة عالمية فالأفكار الجديدة نضبت والقوالب الكوميدية المعروفة استهلكت وهنا تصبح مهمة ومخرج الكوميديا أكثر صعوبة ولا أنكر أن محمد سعد مهما كانت أفكار أفلامه بسيطة (وليست تافهة كما يعتقد البعض) يستطيع أن يسرق بسمة من على شفاهنا ، ولا اعتقد انك تندم على ثمن التذكرة التى دفعتها لمشاهدة أفلامه كما يحدث مع الأفلام الاخري . في النهاية كما كنا بالامس فى زمن عادل امام واول امس فى زمن فؤاد المهندس فاليوم هو زمن محمد سعد


http://elaph.com/elaphweb/Resources/Images/Entertainment/2005/7/Thumbnails/T_5817edc7-95e6-447f-9c29-3cf67e030c85.gif

[ScOrPiON^KinG]

كلام صحيح بنظري فحتى لو الفلم قيل عنه تافه وليس له اية معنا فنرى احمد سعد بفلمه الاول اللمبي :
1. يحقق اكبر الايرادات بالسينما المصريه وهذا يؤكد عكس هذا
2. يظهر معناة عدد من الشبان ليس بقليل من مشكلة الزواج بطابع كوميدي
3. يظهر بفلمه اللي بالي بالك تسلط بعض مدار السجن وطابع الرجل الاكثر فقرا وتعدد الاحداث

وما الى النهايه
فهمها حدث لن تندم على مشاهدة فلمه فانت بالكاد ستخرج مع ابتسامه صغيره منه

[aust3003]

أنا معاكم و منكرش إنه كوميديان كويس
بس الأخ hippo عيبت على محمد هنيدي إنه معرفش يخرج من القالب اللي هوه فيه
و كذلك محمد سعد فما الفرق بين اللمبي و عوكل و بوحة الصباح سوى لوعة البؤ وحركات الوجه المختلفة
لم يقدم لنا شخصية محترمة مختلفة سوى شخصية رياض المنفلوطي
و لكن نحن لا نعيب على محمد سعد بل ننقده و نقول له
أنه لو فضل على الحال ده حيتركن على الرف زي محمد هنيدي دلوقتي
و على فكرة فيلم بوحة الصباح البعض يقول أنه أسوء أفلامه
لكن الأمر ليس كذلك بل أن المشاهد بدء يمل من تكرار شخصية اللمبي
و لازم محمد سعد ياخد وقفة مع نفسه في إختيار أدواره بعد كده
لازم يغير ، مينفعش يعيش على قفى نجاح اللمبي

[win79]

اولا لايمكن ان يغير اللمبي لسبب واحد انه ما يعرفش مثل هنيدي غير من دور صديق البطل ـمناسبة له ـ الى بطل مانفعتش
اما اللمبي فهو ينفع لسكيتشات 5دقائق نضحك عليها.لكن يجمعها في فيلم هذا كذلك لا ينفع

والاخBob2Bob اعطاناالصلصة اللي بيخليها في افلام
http://www.dvd4arab.com/forums/showthread.php?t=79376

[wellyba]

واللة عمرى ماشفت فى حياتى فيلم يعرض كل ساعتين والناس تشاهدة كل مرة وتضحك ويستمر الحال اكثر م شهر
حدث ذلك مع فيلم المبى وعوكل فى art سنيما
اذا لم يكن ذلك قمة النجاح للكومديان مع الفيلم ممكن يكون اية
فى النهاية اذا كنت تريد فيلم للفكير فاعتقد ليس الفيلم الكوميدى مكان بشكل واسع او حصرى ذلك

[(The Whale)]

[b]السلام عليكم
احب ان اوضح ان لكل منا وجهة نظر ولن نتفق على وجه نظر واحدة ابدا لان كل فرد يرى الامور من زاوية معينة يكاد الاخر لا يراها .
الفنان محمد سعد ومحمد هنيدى هما الاثنان موهوبان ومن غير كلام لكن لا احد يستطيع احد البقاء على القمة طويلا
فعندما نشاهد فيلم لاى منهما فإننا نضحك عليه كثير ولن نستطيع الجزم ان اى من محمد سعد او محمد هنيدى
افضل من الاخر فالهذا جمهور ولهذا جمهور وايضا لهم هما الاثنين اناس لا تحب تمثيلهم وهذا طبيعى جدا
فالذى يسطتيع الحكم على هذه الافلام هو راى هؤلاء الجماهير وليس الايرادات لان اغلبنا الان لايدخل السينما كما لا يشترى شرائط كاسيت لان عنده كمبيوتر ويستطيع ان يشاهد هذه الافلام من على الكمبيوتر كما تعلمون وانا قلت اغلبنا ولسنا جميعا كما ان القنوات التى تعمل باشتراك وارى كثير من الناس الان يشتركون فيها تاتى بهذه الافلام بعد فترة قصيرة من نزولها فيديوفالضغط على السينما لم يعد كالسابق . وليس هذا بموضوعنا
فأغلب الفنانين الان يسألون الجمهمور الذى شاهد الفيلم ليعلم ماذا يريد ان يرى الجمهور فعندما عرض فيلم اللمبى لقى استقبال رائع بدون مناقشة فأغلب من شاهده اعجب به كثيرا فكرر محمد سعد الاداء فيما يليه من افلامه لان الناس هى التى طلبت هذا النوع ولكن بطريق غير مباشر ففى النهاية الفنان يريد ان يستمر فمن غير المعقول انه يقدم غير ما تريده الناس وهذا ما فعله محمد سعد فلو ارادت الناس نوع اخر اعتقد انه وبلا تردد سوف يفعل هذا النوع ان كان فى مقدوره وسيجتهد فيه جدا وفى راى الشخصى ان ظهور محمد سعد كان بسبب التغير الذى قدمه فى نوع الكوميدا وهذا النوع هو من علا به فكيف يكون لا يصلح لان يكون فيلم ناجح ؟؟؟؟[b]

[™AlprincE_B@seM]

مشكور جدا جدا

[Bob2Bob]

محمد سعد ليس له اى رصيد حقيقى يمكن ان نسمى باسمه زمن او حقبة باكملها كما استحق عادل امام او فؤاد المهندس أو اسماعيل يس ... انه اشبه بالممثل محمد عوض الذى كانت له افلام تعجب الناس بسبب قربه للشكل التهريجى بحركات جسده وصوته ولم تكن هناك مرحلة اسمها مرحلة محمد عوض ... وسعد امامه مشوار طويل ليستحق نجم مرحلة او حقبة لاننى شخصيا اتوقع أفول نجمه تماماً اذا لم يستطع الخروج من حلقات مسلسل اللمبى التى يواصل تقديمها كل عام

وجمهورنا يتحمس بسرعة ويفتر حماسه بسرعة وبالامس كانت شهرة شعبان عبد الرحيم كنجم للاغنية الشعبية مدوية وكنت اراه فى كل البرامج والافلام والحفلات ولكن هذا اللحن الواحد صار من الذكريات الآن ولم يعد لشعبان تلك الجاذبية وهذا ماسيحدث للمبى.
وقد صارت طريقة كلام اللمبى وسلوكياته مرضا يصيب الاطفال ويذهب أبائهم الى اطباء للسلوك وعلم النفس لتخليص ابنائهم من هذا العته ( هذه حقيقة وليست مزاح)
وأخيرً وارجو الا يندهش احد من ذلك ان محمد سعد كوميديان رغم انفه وليس انوفنا فادواره التراجيدية التى قدمها فى المسلسلات كانت افضل من كوميدياته وحتى شخصية اللمبى فى فيلم الناظر كانت افضل ماقدمه حتى الآن وافضل من الفيلم نفسه الذى يحمل اسم الشخصية
وشكراً للاخ هيبو على الموضوع

[Dr_M_N@bil]

بالعكس

هذا هو زمن اللمبي

الشخصيه دي هي اللي رجعت الابتسامه للناس

انا ما شفتش فيلمه الجديد و لكن اقول ان الفتره دي فترته

[hassan30]

شكرا على مقالتك عن محمد سعد يا هيبو واراء الاعضاء وبالتأكيد هو افضل الكوميديانات حاليا بشهادة ايرادات افلامه بس مابيعجبنيش وهوه بيشغل وسطه زى الزمبلك على الفاضى والمليان

[win79]

Bob2Bob you know a lot man are you studing cinematology or something like this.
another thing -sorry I write in english (easier and time)you don't thing he dosen't have a charm for an actor.
so he can't play -lover,arousto9raty,or women hartbreaker......he's constricted as mekaniky,sabbak.....thats only my opinion

[hitman47]

انا رايى بقى مختلف عنكوا
انا شايف ان محمد سعد ممكن ينجح اوى فى افلام الاكشن
و افتكروا ايلات
مش عارف ليه لما بشوفه بيفكرنى ببروس ويلز :)

[crimzon red]

بالرغم من كل مادار حول اللمبي من رفض وقبول، انا ارى انه من أقوى الأفلام المصرية من فترة وعمل قلبة في السينما حيث انه اضطر كثيرين لإعادة النظر ومحاولة البقاء.
العمل الجيد يفرض نفسه وينجح بالرغم من كل شيء، وباختلاف المواضيع.
ان تبكي الناس اسهل بكثير من ان تضحكهم.
مسألة استمرار النجاح.. هذا موضوع آخر ;)

[ellemby]

بامانه الراجل ده يا جماعه عامل الى محدش عمل ان فعلا الناس وانا كنت واحد من الناس ديه يتفرج على فلم كل يوم واقعد اضحك برده وعلى زى ماقال صاحبناthewhale الناس هى الى طلبت التكرار بس بطريقه غير مباشره

[minningengineer]

يخرب عقلك يا hitman
آسف للأسلوب بس انت جبت اللى أنا كنت بافكر فيه بالضبط
هو فعلاً إمكانياته الجسديه عاليه جداً ما شاء الله
بدون تمرينات أو أى شىء مابالك لو اهتم ؟
خفيف الحركه جداً جداً وذكى جداً
كل تلك المواصفات كافيه لتجعله أعلى بكتير من
أحمد السقا اللى معندوش ربع امكانيات محمد سعد
بالإضافه لأن بإمكانه أداء الأدوار الجاده بالإضافه
لأداء الأغانى أضف الى كل هذا خفة الدم اللى صعب تجدها
فى الممثلين الحاليين اللى أعتقد انهم ممثلين بالإكراه... وأنا لا أوافق
العضو اللى كاتب بالإنجليزى وبيقول انه معندوش جاذبيه عشان يعمل أدوار رومانسيه
وما ينفعش فى دور غير سباك أو ميكانيكى أو جزار
أحب أقوللك ان الرومانسيه لا تتطلب الفتى الوسيم مثلما كان فى الماضى
وحتى فى الماضى تجد عماد حمدى يمثل رومانسيه وهو ليس بالشاب الوسيم
ولو كانت الرومانسيه لا تصلح إلا بالوسامه
لكانت حِكراً على رشدى أباظه وحسين فهمى وألان ديلون فى فرنسا وبراد بيت فى أمريكا
ولكن حضوره الطاغى وحب الجماهير له كافى ليمثل أى دور
وشكراً لــ هيبو لأنه لم ينساق ولم يتأثر بكلام النقاد الذين يقولون أن أفلامه بدون معنى
ومعلش آخر حاجه يعنى
أطلب من Win79 انك تضغط على نفسه شويه وتكتب بالعربى
لأنى تعبت لغاية ما فهمت انت تقصد ايه
وبعدين الموقع اسمه For Arab
?:) sorry win97, No hard feelings
I meant no offence :5bowtie:

[hippo]

هناك فارق كبير بين استعداد كل مرحلة عمرية لتقبل الكوميديا فعندما كنا فى العشرينيات من العمر كان بالنسبة لنا عادل إمام هو ملك الكوميديا رغم انه كان مثار وسخط رهيب من كل النقاد والمهتمين بالسينما وقتها واعتقد أنهم كانوا فى نفس المرحلة العمرية التى نمر بها الآن ...





فانا أقول أن كل جيل يتوقف قبوله لفناني الكوميديان عند مرحلة الشباب وهذه حقيقة فمن عاش عصر إسماعيل يس لا يتقبل عادل إمام ومن عاش عصر عادل إمام مثلنا لا يتقبل محمد سعد وجيله



وانان اقولها حقيقة اننى لا اضحك لا من من محمد سعد أو غيره إلا على استحياء ولكني اري البسمة فى وجوه الكثيرين وكلهم تقريبا من الشباب والصغار واذكر اننى دخلت السينما فى وقت ظهيره حار فى القاهرة لكي استمتع بالتكييف قبل مشاهدة الفلم ولاحظت استمتاع جميع أفراد العائلة من اصغر طفل فيهم بفلم اللمبي ورغم اننى كنت انام أحيانا واشاهد الفلم أحيانا إلا اني ضحكت على ضحكهم ...



وانا الان تنبهت إلى أن لكل جيل معشوقيه من الفنانين وهذا ما دفعني إلى الكتابة عن محمد سعد ....



ولنقارن محمد سعد بفؤاد المهندس كمثال ينطبق على عادل امام واسماعيل يس وغيرهم ...

فجيلي أو الجيل السابق لي يحب المهندس ولكن ؟؟؟


هل فؤاد المهندس أفضل من محمد سعد ؟

هل أفلام فؤاد المهندس أكثر حبكة وحرفية ?



محمد سعد وفؤاد المهندس أصحاب حركات بهلوانية تافهة وجودها ضروري لانهم ممثلي كوميديا ولا انسي مشهد المهندس وهو يغازل شويكار في المسرحية ويقول ياه ياه ياه هل يفرق عن اللمبي في تصرفاته ؟؟؟؟؟ الاثنان كوميديانات ولكنهم يختلفون فى أن كلا منهم يضحك ابناء عصره...



بل اني اجزم أن مهارات الاخراج فى أفلام اليوم أفضل بكثير جدا من أفلام الامس فعندما كانت أفلام فؤاد المهندس تصور فى بلاتوهات فقيرة بديكورات اقل من متواضعة وعندما يودون تصوير مشهد خارجي فيكون فى الشارع المقابل للاستوديو ودمتم اما اليوم فهناك تصوير خارجي واستوديوهات وفيلات وقصور وفنادق وشرم الشيخ ومارينا واحيانا فى دول اخري بالإضافة إلى حبكة درامية وسيناريو محكم وللاسف لم يتوافر هذا في زمن المهندس .



وليس ذنب محمد سعد أن نقاد اليوم من ابناء جيل الامس يعيشون و قد توقفت متعة الكوميديا عندهم عند أفلام عادل امام ومن قبله وانا لا انكر اننى احد ابناء جيل الامس هذا واعتز به ولست استثناء فانا لا اعشق سوي أفلام من عاصرتهم فى صدر الشباب والطفولة ولكنها الحياة تسير وقطار النجوم يغير ركابه دائما



واكاد اتخيل صورة المستقبل بعد عشرون عاماً مثلا لاجد من هم شباب اليوم عندما يكونوا رجال الغد وهم يقولون الله يرحم ايام الضحكة الحقيقية والمتعة البسيطة أيام الفنان الكبير القدير محمد سعد .... موش كوميديانات اليومين دول المملين توتو منصور ولولو قمور ويرد عليهم ابناءهم ويقولوا وفيه حد يعرف يمثل زي توتو منصور يا بابا

[win79]

اظن اني مخطا فالجميع متفق على انه كوميدي
ممكن طول الوقت اللي قضيته في الغرب غير ذوقي والنكات اللي ضحكني
وكترت مشاهدت الافلام الكوميدية الامريكية كذلك لاني اقارن مع martin lawrence,Jim Carrey,Eddie murphy

يله مادام العائلات تتسلى على افلامو الله معاه
مع ارى انه يمثل لاطفال في الابتد

[lbc_lebanon]

thxxxxxxxxxxxxxxxxxxxx

[Bob2Bob]

بصراحة لاأعتقد أن مقارنة الممثل الحالى بنجوم الأمس أوبتقارب سنوات عمر الناقد مع عمر النجم سيصل باى ناقد جاد لهدفه النقدى فالنقد مهما كان شخصيا لكنه مبنى على معايير لفيلم له عناصر وليس مجرد استلطاف البطل فقط
فتقييم "الشخصية" الوحيدة التى قدمها محمد سعد فى 4 افلام لن يكفى للحكم عليه او مقارنته بالمهندس او اسماعيل يس او عادل امام حتى محمد عوض ولكل هؤلاء افلام تافهة كثيرة ولكن كانت الدراما والهدف والموضوع موجودة فى اعمالهم مهما كانت ساذجة فلو كانت كل افلام فؤاد المهندس مثل "شنبو فى المصيدة" لانتهى مبكراً ولكنه صنع نجاجات كثيرة فى السينما واكبر منها فى المسرح الذى صرح هو نفسه انه كان يعمل افلام احيانا لينفق منها على مسرحه
واسماعيل يس مهما خرف وهبل وهرج فمع قصة لابو السعود الابيارى كان يتحرك فى اطار دراما لها مضمون حتى ولو كانت اقرب للفارص ( كوميديا افيه الممثل)
وعادل امام رغم ان بداياته مع نجومية الشباك كانت فى دور الفلاح الساذج فى رجب وشعبان ورمضان الا ان كل فيلم كان فيه دراما
وانا شخصيا لاتعجبنى كوميديات جيم كارى ولكن اعجبنى فيلم liar liar جداً
واجماع جمهور كبير على محمد سعد ليس معناه انه يقدم اعمالا عظيمة وانما معناه انه استطاع جذب الجمهور ... ثم .........
فى فيلمه الاخير بوحة .... اين الفيلم ؟.. ماذا كانت تعمل الكاميرا بالضبط وباقى الممثلين ..الخ
أتمنى من كل قلبى أن يستطيع محمد سعد اخراج عفريت اللمبى من داخله وعمل أفلام يشاهدها الجميع ويصنع تاريخا لنفسه .............

[linkinbase]

مع احترامي لكل الأراء خاص الأراء التي ترى ان محمد سعد كويمديان بجد... الأخ اللي قال وسطه بيتهز زي الزمبلك وكده عاااااااااااادي حركات كوميدية وجيم كاري ليه حركات عبيطة كتير... ده ممثل كوميدي ولازم يكون له حركاته الخاصة... كما قال الأستاذ هيبو... محمد سعد ممثل جامد جداً ومش في الكوميديا بس وباين كتير جداً في بعض مشاهد "اللمبي واللي بالي باللك وعوكل" والله باين جداً... يعني مأثرش فيك في اللمبي في المشهد اللي بعد عربية الكبدة لما اتخدت منه؟؟؟ وفي اللي بالي بالك اكثر من مشهد مؤثر.... وفي عوكل لما اتهمه حسن حسني انه حرامي وكده... كل ده ومش مقتنيعين والله لو مثل اي فلم من اي نوع هينجع وهيعمل إيرادات... وفيلم بوحة حلو جدا"مضحك جداً" انا داخل فيلم كوميدي عشان اضحك مش عشان قصة"المطلةب من الفيلم كوميدي يكون مضحك في كوميديا هادفة بس المطلوب هنا في مص كوميديا مضحكة عشان كده شوف اي مسرحية هادفة بتسقط فشل ذريع "... وياما افلام قصصها اتكررت وعجبتنا بس الكلام ده لو امريكية عشان عقدة الخواجة اللي مزروعة فينا"بس طبعاً طبعاً مفيش مقارتة بينا وبينهم " انا بكره الأفلام العربي جداً بس بحب الأفلام الكوميدية جداً لأن ده مجتمعنا واحنا بنضحك على حاجات عارفينها اما الافلام الكوميدية الأمريكية في حاجات مبهمة عشان غريبة على مجتمعنا وهما بيضحكوا بلقطات خليعة جداً زي Euro trip وScary Movie وهنا في ممثلين كتير بيضحكوا الناس بكلام قليل الأدب... ومحمد سعد افلامه مضمونة 100 ال100 عشان مفيش اي لقطات خليعة في الفيلم.... يعني تخش مع العائلة وي منتا عايز وضامن ان مفيش لقطات خليعة... محمد سعد كان بيطلع الأول في معهد التمثيل... يعني ليه في كله.... فعلا محمد سعد كوميديان رغماً عن انفنا...

[underground3]

انا رايى زيكو يا جماعة بس للاسف فى ناس كتير بتكرة محمد سعد وخصوصا طريقة كلامة
وفعلا عمرى ما شفت فيلم وضحكت علية زى ما ضحكت على فيلم اللى بالى بالك بالذات
بس اكتر حاجة بتدايقنى فى افلامة ان فيلم زى دة لازم اتفرج علية 4 او 5 مرات علشان افهمة
وان مستعد اتفرج على فيلم اللى بالى بالك كمان مع انى اتفجت علية حوالى 15 16 مرة كدة

[hitman47]

ههههه شكرا على ردك الجميل يا minningengineer
بس انت حسستنى ان بيبو او ابو تريكة
يا مدحت شلبى ;)

[ellemby]

محمد سعد كوميديان محمد سعد من الاخر جيم كارى2

[ضربة شمس]

محمد سعد هو الرقم الصعب في السينما العربية الحالية

محمد سعد في كفة ...... و الباقي في كفة ( الأزعة هنيدي و الاهبل هاني و غريب الاطوار احمد و المهرج حماده.... )

الزمن هذا هو زمن محمد سعد


انا كان نفسي اشوف وجه هنيدي و هاني و باقي الشلة في عام 2002 عندما اكتسح اللمبي العالم العربي و الى الآن هو يكتسح السوق

لسان حالهم يقول ( دا جالنا منين ده ؟؟ مكنا كويسين و حلوين )

هههههههههههه

[Gemy_Hitss]

Mr Hippo ...2awlan askrok bgd enk Fat7t mawdoo3 Mohamed sa3d We 2olt eno fanan gamd...we da Kan Ra2y men el2awel we etkdony Fi mawdoo3 2azmt elsanyma el masrya....we 3alfkra a7na fi elmwd3 Bet el2azma etf2na fi 7agat...fa thanks u
2nd....Lazem yeb2a 32lna motft7 aktr we ne3raf en le kol momsl style aw no3 7at2olo enhom kmdynat bas lazem ne3rf en Mo7med s3d 3'er mo7med hendy 3'er hany Ramzy 3'er elking 3adel emam..kol wa7d leh elStyle Elcomdey Bet3o..Mo7med s3d Fe3lan kmdyan gamed we momsel Mo7trf..Betre2t El comdya bet3to we Sytrto 3al esh7'sya Men awel El Film 7ata A7'ro
We Hendy Bardo Comdyan Gameed Bas fi mant2to...ya3ni Moken n2ol en le kol Comdyan Mant2a howa 7areeef Feha...We Kaman 3ayz a2ol en Mo7amed S3d Trgdan Gameed Bardo (Trgdan ....Ya3ni Bel3b Trgdy Kwyas) we bdyto kaman Men awel Eltre2 Ela Elat....Fa Ana men Ra2y en Aflam M7med S3d bed7kna we Betklm Besra7a bas Mesh 3araf Ana 7ases En M7med S3d Kafa el Mant2a Bet3to We lazem yebd2 Yosoof Mant2a Gdeeda......& thanks to u hippo & all the other User Who Give their Opioin

[asamirmid]

يــــا جماعة هوا لو محمد سعد مش كومديان يبقي مين اللي كومديان بقه ... (omi) .... :5bomb: :5bomb:


بس انا مع الرأي انه يخرج من أدوار تقمص الشخصيات الغريبة ... ويعمل افلام كوميدية أو درامية بس فيها قصة محبوكة ...


وسواء كده أو كده أنا برده بحب الراجل ده وهاتابع كل افلامه :5flowerfa :5bouncy: :5flowerfa ..... واللي مش عجبه يبقي يضحك من واحد تاني (ده إن لقي بقه)...

ســــــــلام :5headset: :5headset: :5headset:

[ayman20100]

معلش ياجماعة انا رايى مختلف شوية معاكم كل الى اتكلمتم عنهم اشتهروا لما كانوا لسه فى بداية الطريق لما كانوا قريبين من الناس حاسين بيهم وبيتكلموا زيهم بيضحكوا زيى الناس الى فى الشارع او القهوة ياعنى من الاخر اصل الكوميديا من الناس من الشعب ولما بيبعدوا عنهم ويشتهروا ويبقوا من الطبقة العليا الى طبعا بعيد عن الناس ومنبع الكوميديا بالنسبة ليهم ما بيبقاش عندهم رصيد من الحياة وزيى ما بيقولوا دمهم بيبقى تقيل مين يشوف هنيدى كان عامل ازاى فى اسماعليه رايح جاى ولا حتى صعيدي فى الجامعة الامريكية شوفوا اسلوبه واسلوبه فى الافلام الاخيرة وحتحسوا بالفرق ........
زمعلش ياجماعة مع احترامى لكل الاراء برضة الى بيضحك واحد ما بيضحكش كل الناس انا كتير اشوف واحد بيضحك والناس مستغربة بيضحك على ايه والعكس الى يضحك غيره ممكن ما يضحكهوش هيه اختلاف اذواق مش اكتر واظن من حق الناس كلها تضحك وعلى راى ريكو خلي الشعب يعيش ................

[hippo]

الاخ بوب والاخوة المشاركين
ما دمنا قد قتحنا ملف فؤاد المهندس فلا مانع من الخوض فيه واعتبره كمثال على موضوعنا
اولا ظروف نجاح المهندس تشبه ظروف محمد سعد رغم ان مشوار محمد سعد كان اصعب فقد انقضت عشرون عاما قبل ان يظهر كبطل في حين ان المهندس كان من ابطال المسلسل الاذاعي ساعة لقلبك وكان طريقة ممهدا للغاية للنجومة فى السينما ... وكما ان عفريت اللمبي تلبس محمد سعد فان عفريت شنبو فى المصيدة تلبس فؤاد المهندس وكل ادواره فى تلك الفترة كانت لمبي من نوعية فؤاد المهندس فأفلام كثيرة مثل العتبة جزاز وانت اللى قتلت بابايا وغيرها كانت مجرد شبح لشنبو فى المصيدة .....

وانا لا اقلل من فؤاد المهندس لانه من الممثلين الذين رسموا بسمة عريضة للغاية على وجوهنا حتى فى افلامه التى تقول ان فؤاد المهندس قام بها للانفاق على مسرحه ورغم جرعة المتعة المضاعفة التى كنا نشعر بها فى مسرحيات المهنس الا انها لم تكن سوي صدي لمسرحيات عالمية مثل سيديتي الجميلة بالاضافة الى اعادة و تقليد لأسلوب الريحاني في مسرحياته القديمة

وبالمناسبة هناك فلم لمحمد سعد اسمه 55 اسعاف قبل اللمبي في رايي انه اجمل أفلامه كلها لم يتم الاشارة اليه

ورأيي ان الكوميديا كلها بما فيها من الريحاني الى يس الى المهندس الى امام الى سعد سواء ... كلها كوميديا farce اما ما يسمي بالكوميديا الجادة فلا يلجاوون اليها الا في خريف عمرهم الفني

[مشاكسكو]

والله انه اروع ممثل مصري

انا ماحب الافلام العربية... بس محمد سعد ....غييييييييييييييير

[tariq66]

مع احترامي لكل الأراء خاص الأراء التي ترى ان محمد سعد كويمديان بجد... الأخ اللي قال وسطه بيتهز زي الزمبلك وكده عاااااااااااادي حركات كوميدية وجيم كاري ليه حركات عبيطة كتير... ده ممثل كوميدي ولازم يكون له حركاته الخاصة... كما قال الأستاذ هيبو... محمد سعد ممثل جامد جداً ومش في الكوميديا بس وباين كتير جداً في بعض مشاهد "اللمبي واللي بالي باللك وعوكل" والله باين جداً... يعني مأثرش فيك في اللمبي في المشهد اللي بعد عربية الكبدة لما اتخدت منه؟؟؟ وفي اللي بالي بالك اكثر من مشهد مؤثر.... وفي عوكل لما اتهمه حسن حسني انه حرامي وكده... كل ده ومش مقتنيعين والله لو مثل اي فلم من اي نوع هينجع وهيعمل إيرادات... وفيلم بوحة حلو جدا"مضحك جداً" انا داخل فيلم كوميدي عشان اضحك مش عشان قصة"المطلةب من الفيلم كوميدي يكون مضحك في كوميديا هادفة بس المطلوب هنا في مص كوميديا مضحكة عشان كده شوف اي مسرحية هادفة بتسقط فشل ذريع "... وياما افلام قصصها اتكررت وعجبتنا بس الكلام ده لو امريكية عشان عقدة الخواجة اللي مزروعة فينا"بس طبعاً طبعاً مفيش مقارتة بينا وبينهم " انا بكره الأفلام العربي جداً بس بحب الأفلام الكوميدية جداً لأن ده مجتمعنا واحنا بنضحك على حاجات عارفينها اما الافلام الكوميدية الأمريكية في حاجات مبهمة عشان غريبة على مجتمعنا وهما بيضحكوا بلقطات خليعة جداً زي Euro trip وScary Movie وهنا في ممثلين كتير بيضحكوا الناس بكلام قليل الأدب... ومحمد سعد افلامه مضمونة 100 ال100 عشان مفيش اي لقطات خليعة في الفيلم.... يعني تخش مع العائلة وي منتا عايز وضامن ان مفيش لقطات خليعة... محمد سعد كان بيطلع الأول في معهد التمثيل... يعني ليه في كله.... فعلا محمد سعد كوميديان رغماً عن انفنا...
انا معاك في كل كلمة يا باشا الا موضوع عقدة الخواجة لان فعلا الافلام العربي وحشة جدا والممثليين سيئين حتى في الكوميديا ولكن اكبر مشكلة هي الجمهور الغبي الذي يدخل هذه الافلام
يعني ازاي افلام زي كلم ماما وسيد العاطفي وحمادة يلعب تنجح

[Bob2Bob]

والله ياأستاذ هيبو لازلت أرى انه من المبكر جداً الحكم على القيمة الفنية لمحمد سعد سواء كممثل فارص أو غيره
هى ظاهرة أو طفرة خلال السنوات القليلة الاخيرة ربما تستمر وتتطور وربما تفتر وتتلاشى او تاخذ حجمها الحقيقى .. وهذا التعصب الشديد لشخصية اللمبى جماهيريا ليس له دلالة فنية له وفعلا (شنبو فى المصيدة) كانت ايراداته كبيرة جدا وقت عرضه وفى نفس الموسم كان فيلمى (الرجل الذى فقد ظله) و (شىء من الخوف) ترتيبهم السابع والثامن كايرادات ... ومع هذا فافلام المهندس التى تراوحت بين الكوميديا الخفيفة وبين الكوميديا التافهة لم تصل الى كوميديا البذاءة أو التطجين فى الكلام أو النموذج المسطول او البلطجى ولم يكن تاثيرها سلبى الى هذه الدرجة على الاطفال كما هو الحال الآن
النقد الفنى لايعنى اننى ضحكت وانبسطت اذا الفيلم عظيم وهايل .. الامر اكبر وابعد من ارائنا المزاجية
واتمنى بالفعل ان اسمع من الاعضاء مايمكن ان يقنعنى "فنياً" بهذا اللمبى غير انه بيضحكنا
ايه قيمة محمد سعد او اللمبى الفنية؟
علماً بانى لااحبه ولااكره
والله انا عاوز اعرف بس :rolleyes:

[wowo11231]

انا معاكم ان محمد سعد افضل كومديان حاليا

[Medo_sb]

طبعا شكرا للأخ هيبو على الموضوع الجميل دة

انا رأيي انة فعلا كوميديان جميل وظريف
ويكفي انة قلب كل حسابات السينما بفلم واحد
وافلامة لحد دلوقتي عايشة
والناس كلها فكراها
وصعب انك يوم تنسى اللمبي وفيلمة
ودايما مقياس نجاح الفنان مش النقاد
الجمهور هو مقياس النجاح
لان النقاد ميجوش 1% من الشعب
وللاسف نصهم بيكتب لمصلحتة
بس مافيش جمهور هيخش فيلم ومستني من الممثل غير الفيلم وبس

[(The Whale)]

السلام عليكم ورحمة الله وبركاته

أولا : مشكورين جميعا

ثانيا : الاختلاف فى الرأى لا يفسد فى الود قضية على الرغم من انى جديد وما ليش صدااقات

ثالثا : محمد سعد فنان ؟
نعم

ما الدليل ؟

الدليل انه له اكثر من فيلم وعمل مختلف الادوار وليس نمط واحد من التمثيل وانه لم يصعد الا بعد عناء

هل هو مخترع شخصية اللمبى ؟

بالطبع لا ولكنه اضاف للشخصية الاداء المناسب لها فكيف يمثل دور شاب او رجل غارق فى المسكرات والمخدرات الا بهذا الشكل هذا هو انسب شكل لمثل هذا الدورفماذا يفعل ممثل صغير عندما يعرض عليه دور فى فيلم مع ممثل مشهور مثل علاء ولى الدين بالطبع سيوافق ويجتهد فهذا ما فعله قبل الشخصية وبالطبع تردد فى اداءها خوفا لما سيحدث ولكن هذه كانت بالنسبة له فرصة فقام بالعمل ولولا حبنا لهذا الدور وتاييد اغلب شعب مصر وكثير من الوطن العربى لما كان محمد سعد الان موجود فى الساحة
فمن بداية دور اللمبى كبر الدور حتى اصبح فيلما وفيما يلى من الافلام نستطيع ان نقول بانه اهتم بمشاهد اخرى واثبت نجاحه ولم ياخذ دور كبير فى تمثيل السكر وخلافه وكانت اغلب المشاهد مشاهد كوميدية مثل اى مشه فى فيلم اخر ولكن هنا محمد سعد هنا يؤدى فلابد ان يكون مختلف مع من سبقه من كوميديانات الاجيال السابقة لانه اختلف اصلا مع كوميديانات جيله ومن الطبيعيى ان تختلف وجهات النظر فلابد من وجود من لم يحب اسماعيل يس وفؤاد المهندس وعادل امام ومحمد هنيدى واعرف امثلة ومقربين إلى هذا طبيعى.

اما الحكم على انه سيستمر ام لا هذا فى علم الغيب لا يسطتيع احد منا الجزم بسقوطه او نجاحه ونتمنى له التوفيق لانه مصرى ويحبنا كما نحبه وهذا على ما اعتقد

اسف للازعاج مشكورين :smiletest :smiletest :smiletest

[™HaTeM]

والله يا استاذ ايهاب فعلاً محمد سعد ممثل كويدى من الطراز الاول وكلام حضرتك كله جميل:5flowerfa
بس انا ليا تحفظ وهو إنى اتخنقت جدا من فيلمه الاخير :5bomb: كنت حاسس انه عامله عشان يثبت وجود فى موسم الصيف مش اكتر :5headache
ولا أيه رأيك يا كبير ؟
على العموم هو كومديان العصر رغم أنف الجميع وهذا هو الكلام المظبوط

[®Mr.Hamdy]

موضوع جميل استاذى ايهاب وبيناقش

نقطه مهمه فى عالم الكوميديا وهوه الكوميدى محمد سعد

بس ليه تحفظ صغير وهوه بأنى ما بعترفش بالكومديان اللى ممكن يتشقلب قدامك

وانه يكون نسخه من الاراجوز فى انه يضحكك

انا فعلاً بضحك وبحترم افلامه وهوه من الكومديان الصاعدين

لاكن امثال عادل امام بالكلمه يضحكك .. من النظره يضحكك

ولا احترم او اعترف بالكوميديان الاراجوز

لاكنه لم يتيح ليا الحق فى انى انفره

كا كوميديا وتحترمه فئه كبيره من مهمومين الشعب :D

لك تقديرى استاذى الكبير للموضوع الجميل ده

[linkinbase]

انا معاك في كل كلمة يا باشا الا موضوع عقدة الخواجة لان فعلا الافلام العربي وحشة جدا والممثليين سيئين حتى في الكوميديا ولكن اكبر مشكلة هي الجمهور الغبي الذي يدخل هذه الافلام
يعني ازاي افلام زي كلم ماما وسيد العاطفي وحمادة يلعب تنجح
هههههههههههه والله عندك حق على فكرة انا والله مش بحب الأفلام العربي غير الكوميدي وافلام معينة كمان بس انا كان قصدي ان في ناس بيشوفوا افلام امريكي متكررة وبينبهروا برضه وفي افلام كتير كده وفي افلام في قمة الهبل ... تخيل ان كان في فيلم امريكي بيحكي عن طاعون سببه عضة ديك... بس في النهاية مفيش اي مقاااااااااااااااااااااااااااااااااااااااااااااااا اااااااااااااارنة...احنا فييييييييين وهما فييييييييين

[smsm061274]

يا سيدى هو كلامنا لن يؤثر ومن الطبيعى ان الفئه الاغظم تحب سعد والدليل ايرادته
أما عن رأى الشخصى فأشعر بالهبل كلما شاهدت فيلم للمبى الذى تنكر فى عوكل وبوحه والقادم

[lbc_lebanon]

thxxxxxxxxxxxxxxxxxxxxx

[(The Whale)]

السلام عليكم ورحمة الله وبركاته

يا جماعة الى شايف محمد سعد فنان فهو فنان والى شايف محمد سعد مش فنان يبقى هو مش فنان

ود متم

[aymaan]

السلام عليكم جميعاً ،
بس أهم حاجة ان احنا نتفق علي حاجة ، ان محمد سعد ممثل ممتاز فعلاً ، لو إديته اي دور هايعمله حلو قوي ،
انا شايف ان افلامه احلي حاجة فيها هو محمد سعد واي حاجة في الفيلم سواء قصة ولا سيناريو ولاإخراج ياريت ماحدش يدور عليها ويتعب نفسه لأنه مش هيلاقيها وكده كده غصب عنك هاتضحك

[melody]

محمد سعد هو البريمو بتاع اليومين دول

[ellemby]

محمد سعد هوده الممثل الصح والله

[Jerusalestine]

أولا شكرا لمشرفنا الكبير الأستاذ هيبو (مع إني بكره المجاملات بس يللا حنعمل إيه .. أصلي عربي .. ولأن هيبو الصراحة يستاهل)

مع إن مشاركاتي قليلة جدا بالرغم من قدم عضويتي في هذا المنتدى الوحيد بالنسبة لي، بس حبيت أقول اللي عندي لما قريت الموضوع
أستازنا الكبير Bob2Bob أنا معاك (بس مش أوي يعني)، أنا معاك إنه أغلب الشخصيات اللي أداها محمد سعد فيها عفريت اللمبي، بس ده مش معناه إن محمد سعد ما بيقدرش يعمل دور ما فيهوش عفريت اللمبي، ومحمد سعد أقدم دليل على ده (ولو إنه مش دليل قاطع) في فلمي" اللي بالي بالي" و"عوكل" لما عمل شخصيتين بيختلفوا كتير في نفس الفلم، حتى إنه أكتر الناس ما لاحظتش إن محمد سعد لعب دور "الست قطاطة" في "عوكل".
محمد سعد في رأيي يمتلك موهبة الكوميديان، يمكن لسة بدري شوية تسمية الزمن ده بـ"زمن محمد سعد" بس مع وجود ممثلين مثل محمد حلمي وهاني رمزي وغيرهم، والتراجع الكبير بمستوى أفلام "هنيدي" أتوقع حيكون من السهل على محمد سعد إنه يتربع على عرش الكوميديا المصرية في السنوات المقبلة.

قبل ما أنام عاوز أقول كلمتين، يا جماعة فن النقد والتنقيب عن العيوب والأخطاء حاجتين مختلفتين اختلاف كلي وما بيلتقوش أبداً غير عندنا، ودايما أنا بسأل نفسي لما أتصفع موقع الـIMDB ليه أفلام أمريكية زي Lord of the Rings متقدمة بكتير على أفلام أجنبية غير أمريكية، ناس كتير مننا بيشوفها أفضل من الأفلام الأمريكية دي؟
عارفين ليه؟؟ .. لإنهم ما بيخدوش بنصيحتنا لبعضنا كعرب (لما تحب تشتري حاجة إقلبها، ولو شفت "Made in USA" خدها وإنت مغمض، ولو شفت "Made in Egypt" إرميها واغسل إيدك اللي مسكتها.

[Bob2Bob]

الاخ Jerusalestine
أولا اشكرك على ردك المعتدل .. والاعتدال صفة غير موجودة هذه الايام
وأسوأ مايمكن ان اقراه بالمنتدى هو من يدخل مناقشة كمناقشتنا هذه ليكتب كلمتين وبس من قبيل "محمد سعد اجدع ممثل" أو يكتب آخر"محمد سعد ممثل سخيف" والحقيقة ان لاهذا ناقش ولاهذا اقنعنا برايه واحترم فيك انك رديت وشرحت رايك ودللت عليه بامثلة - رغم اختلافى مع بعضها كما ساذكر لاحقا - والنقد ياعزيزى هو رصد للعمل الفنى سواء بذكر العيوب او طرح المزايا او تفسير الغامض وهناك مدارس كثيرة للنقد بعضها يخلط التنظير الاكاديمى السينمائى بكتابة ساخرة لايصال المعنى بشكل فنى ولايوجد شىء اسمه :النقد يعنى شتيمة الفيلم .. النقد رصد أمين للفيلم ولامجال لمجاملة فنان او فيلم حتى لو كان الناس معظمها مبسوطين منه فاذا انبسط احد من التفاهة لن استطيع ان اؤيده او اعوم على عومه

الأمر الثانى فيما يختص بمحمد سعد : نعم اتفق معك على انه ممثل موهوب وقد ذكرت ذلك سابقا ولكننى لاأتحدث عن النوايا ولا على مايمكن ان يقدمه .. انا اتحدث عن حقائق اسمها (بوحة) و(اللى بالى بالك) و (عوكل) و (اللمبى) وهى مجمل افلام محمد سعد واذا كان يستطيع عمل افلام افضل من هذه فعلا لماذا لم يفعل؟
لم يفعل لانه لايهتم لابفن ولااصول سينما وانما يسعى للقمة وفلوسها وثروتها وعنده استعداد يكرر نفسه الف مرة مادام الجمهور يدفع ويضحك .. تلك هى الحقيقة المرة

أمر ثالث أحب ان اذكره ان السينما الامريكية مليئة بالتفاهة مع الفارق طبعا فى المستوى ومعظم افلام شباك التذاكر الامريكى تجارية صرفة وتافهة ولاتفرق كثيرا عن بعض الافلام المصرية سوى فى انها هيافة متكلفة شوية

[hippo]

انا شايف إن هناك مايشبه اتفاق ان أفلام كوميديا الفارص لا تخضع لقواعد النقد الفني المتعارف عليها وهي افلام بتاعة وقتها وخلاص

وستجد أفلام الكوميديا وابطالها دائماً في صراع دائم مع النقاد ....

فعادل امام من ابرز نجوم كوميديا الفارص ( بغض النظر عن افلامه الاخيرة في خريف العمر) لم يسلم من النقد المرير بل المرير جدا حتى اجبر النقاد على اعتباره واخذ مكانته الحالية ...

وحتى على المستوي العالمي نادرا جدا ما تجد التقدير لنجوم كوميديا الفارص او كوميديا الاضحاك من اجل الاضحاك فجيري لويس نجم نجوم الكوميديا لم يحصل على اية جائزة سينمائية عن اي من افلامه.
، بل ان نجمة كوميدية جادة ورائعة هي دوريس داي لم تحصل على اية جائزة رئيسية فى اعمالها ...

بل ان نجم نجوم الكوميدي الامريكي جاك ليمون وهو من اكثر من ترشحوا للاوسكار فى تاريخ السينما دون فوز فاز بالاوسكار في نهايات عمره الفني عن فلم درامي بحت هو (انقذوا النمر ) وليس عن ادواره الكوميدية التى برع فيها ...

المحصلة .... طالما أننا نشاهد كوميديا اضحاك من اجل الاضحاك وخلاص يبقي مالوش لازمة النقد الفني

ويكون المعيار هو : الفلم بيضحك ولا مبيضحكش .

[rock82egy]

mohammed sa3d gamed ta7777777777777777777n

[lbc_lebanon]

salam all mohammed sa3d men e momasl domide bl lisa bl komide fakad walahi ana eli shaifo eno mohammed sa3d law edolo aina door ana motakd eno ader 3ala kel el adwar

mohammed sa3d men el nadirin bi aflam al komidya

w salam lal jamin

wa haza kan rayi ana

ta7yati al

lbc_lebanon

[mohamed_a_d]

الموضوع معمول حلو قوي بس الراجل بيكرر نفسه ومبينقيش مواضيعه

[Ali_Judge]

اعتقد ان شعبية محمد سعد اصبحت فى تراجع واضح

لانه ببساطة لا جديد

استنفذ كل ما لديه فى افلامه

مدة صلاحيته انتهت

[blackeastern]

انت كلامك صح مليون فى المية

[jim_halim]

محمد سعد .... ممثل من النوعية اللي تتحط في القاموس صورتها و يتكتب جنبها : (( لكل مجتهد نصيب )) الراجل ده بيحرق في أعصابه , و في بطارية عمره بسرعة رهيبة ....
تمثيله بيجيبلي أرتكاريا .... بيبذل مجهود خرافي في تمثيله ... بيرقص و كأنه يريد أن يكسر عاموده الفقري , و بيتكلم كأنه بيطلع في الروح , و بيعمل أشياء بملامح وجهه .. كنت أعتقد أنها فوق مستوي مدي العضلات البشرية ...
أعتقد انه بيروح يموت شهرين بعد كل فيلم ... من فرط التعب ... و كمان لأنه دائماً بيكون هو الشخصية الوحيدة فيه ... و 99% من وقت الفيلم الكاميرا موجهه إليه ...
هل أفلامه و حشة ؟؟ طبعاً , هل بتجيب إيرادات ؟؟ طبعاً , هل أعرف انا لماذا ؟؟ طبعاً لأ

[roudypasta]

اولا شكرا على المقال الرائع ان كنت لا اتفق معك انه زمن محمد سعد او حتى مقارنته مع المهندس و امام لأن محمد سعد خلاص بينتهي لأنه بيدفن موهبته غهو اكاديمي لكنه ام يستفد من هذه النقطة ابدا و في توقعاتي ان هذا الكتكوت هو بداية السقوط انشاء الله ان لو لم يعدل في فكره و طريقته

[handasacivil]

أنا من عشاق محمد سعد ، وماضحكتش فى فيلم عربى زى ما ضحكت فى اللى بالى بالك
وأنا من عشاق أدواره غير الكوميدية قبل ما يتشهر ، وفعلا الراجل ده عنده موهبة تمثيلية عالية جدا
بس هو لازم يعمل شوية حاجات يعمل بيها رصيد فنى محترم ، يعنى مثلا عادل إمام عمل مجموعة من أتفه الأعمال السينمائية والمسرحية فى التاريخ ، سواء الأفوكاتو أو عصابة حمادة وتوتو (المسروق) أو ثلاثية بخيت وعديلة أو..... ، بالإضافة إلى جميع مسرحياته (رغم انها مضحكة) ، ولكنه قدم مجموعة من الأفلام الرائعة مثل الإرهاب والكباب وطيور الظلام وكراكون فى الشارع وغيرها ، حتى أصبح فى مكانته الحالية
طبعا ألف شكر يا أستاذ إيهاب على الموضوع

[blackeastern]

محمد سعد من اجمد الممثلين اللى مصر جابتهم و سعد بيأدى دوره فى الفيلم بمنتهى الدقة والاتقان اللى فى الدنيا
انت تلاقى اى فنان فى الفيلم لما ييجى دوره فى الكلام يكلم الا محمد سعد تلاقى من قبل ما يكلم بيعمل تعبيرات فى وشه تحس ان ده حقيقة مش تمثيل
ع العموم متشكرين ع الموضوع الرائع

[NaAZoOR]

محمد سعد رأيته كممثل في عملين "وهما ما اتذكرهم له كممثل" مسلسل من الذي لا يحب فاطمة .. وقد لفت انتباهي جداً وقتها وكنت اتوقع له نجاح مدو .. واحبطت تماماً لإختفاؤه باستثناءات بسيطة مثل الطريق إلى إيلات. والعمل الآخر هو فيلم اللي بالي بالك .. لأن شخصية الضابط رياض اتاحت الفرصة لنا لنعرف ان سعد قادر على التمثيل .... أما ككزميديان فشخصياً لا أعترف له إلا باللمبي الأصلي الذي أداه في فيلم الناظر.

وشخصياً لا اتوقع انهيار ايراداته قريباً لأن ذوق الشعب في انحطاط مستمر .. ربما تنهار ايراداته اذا جاء من يأخذ مكانه كصاروخ شباك "كما أخذ هو مكان هنيدي"

[omargold]

أنا شخصيا بحب جدا اداء محمد سعد وكوميديا الحركة اللي بيقوم بيها

كان دايما ايماعيل ياسين وعبد الفتاح القصري و كتير من كومديانات زمان ليهم لزمات في افلامهم

ولما يجي حد يعمل لزمة معينة في فيلم جديد ينقلب عليه النقاد ويقطعوه

اعتقد سعد عنده موهبة جميلة وممكن يعمل افلام اجمد بس يشوف منتج محترم

ويختار نصوص احسن من كدا...

[هشام صقر]

مين محمد سعد ده ؟؟ اللي بيطلع في كله افلامه التافهة زيه بالظبط طالع مسطول تخيل ممثل طالع طول الفيلم مسطول والفاظ غير لائقة ان اي حد يسمعها انا مش شايف انه ممثل اصلا ولا ينفع يتقال عليه كدا الممثل لازم يكون انسان محترم بيقدم حاجات محترمة يحترم بيها الناس اللي بيتفرجوا عليه مش اي حاجة تجيب فلوس وخلاص حتى ولو تافهة
بس الغلط مش عليه الغلط على الجمهور اللي شجع الذوق ده وحبه والدليل اهو الموضوع ده