ما هو ثمن Asus DVD Lightscribe فى مصر؟

[Akram Elsaiegh]

السلام عليكم:jap:
كنت أود الاستفسار عن ثمن هذه الدى فى دى ومدى كفائتها وهل هى أفضل الانواع أم لا وأين أجدها فى مصر وما هو ثمن الاسطوانات التى تستخدم فى الكتابه عليها ؟؟؟

وعندى أستفسار أخر
ما هو ثمن الهارد ال 320 وما هو أفضل نوع ؟
وهل الهارد ساتا 2 يعمل على المازربورد التى تدعم ساتا 1 فقط؟
وما هو أفضل نوع هارد ديسك فى الاسواق؟؟
أنا أفضل ماكستور فما رأيكم؟
أرجو أفادتى وشكرا:detective2:

[exit1988]

انا كمان عاوز اعرف ايه احسن نوع dvd writer فى السوق ويكون ساتا

انا اعرف ان سعر ال asus sata ب 170 جنيه تقريبا

بالنسبه للهارد
لو هيكون هارد أساسى للجهاز (يعنى مش هيطلع بره ) خليك فى الويسترن ديجيتال الساتا سريع فى النقل

لو هاردك هيكون تاكسى خليك فى الماكستور حمار شغل وبيستحمل

اللى اعرف سعره هو ال maxtor sata 160 gb أأقل سعر ليه فى المعرض كان ب250 جنيه كنت خلاص هشتريه بس قررت أزود فى البروسيسور وأخدت فلوسه

ممكن تلاقيه مابين 250 و280 حسب البياع
دى الأسعار اللى كانت فى المعرض

بس ال320 مش فاكر كان بالظبط سعره كام

[انسان]

كنت أود الاستفسار عن ثمن هذه الدى فى دى ومدى كفائتها وهل هى أفضل الانواع أم لا وأين أجدها فى مصر وما هو ثمن الاسطوانات التى تستخدم فى الكتابه عليها ؟؟؟

ثمن هذا الناسخ حوالى 180 جنيه
وهو يعتبر جيد
ومتوافره فى اغلب مراكز بيع هاردوير الكمبيوتر زى مول السخاوى والاسيوطى وسوق العصر بمصر الجديده
بالنسبه لثمن الاسطوانات فا هى بتبقى حسب النوع
انما متوسط سعر العلبه اللتى تحتوى على 10 اسطوانات حوالى 20 جنيه
اما اذا كنت تقصد سعر الاسطوانات اللتى يتم الكتابه او الرسم عليها من الخارج DVD Lightscribe
فا انا بصراحه معنديش خلفيه بسعرها
بس انا اتذكر انى اشتريت علبه ( 10 اسطوانات ) من نوع Benq
وكانت بنفس السعر الاسطوانات العاديه

ما هو ثمن الهارد ال 320 وما هو أفضل نوع ؟

بالنسبه لسعر الهارد الـ 320 جيجا
فا انت غالبا هتلاقى منه النوع الويسترن ديجيتال
الهارد ذو الكاش 8 ميجا بحوالى 450 الى 470 تقريبا
اما ذو 16 ميجا بحوالى 550 جنيه تقريبا

وهل الهارد ساتا 2 يعمل على المازربورد التى تدعم ساتا 1 فقط؟

المفروض انه هايشتغل
بس المفروض برضو انه مش هايشتغل بكامل سرعته المقرره للساتا 2
واللتى تصل الى 300 ميجا للثانيه
لان الساتا 1 سرعته 150 ميجا للثانيه

وما هو أفضل نوع هارد ديسك فى الاسواق؟؟

خليك فى الويسترن حاليا
لان هو غالبا اللى هتلاقى منه الـ 320 جيجا بس
بالاضافه الى ان الموجود منه حاليا يعتبر بجوده كويسه وصنع ماليزى

أنا أفضل ماكستور فما رأيكم؟

انا شخصيا بحب الماكستور جدا
وكنت امتلك واحد قبل الهارد الحالى اللى عندى
وكان ادائه اكتر من رائع بصراحه
بس هو مشكلته الوحيده ان صوته عالى شويه
ودرجة حرارته بتبقى عاليه
بس للعلم درجة الحراره بتاعتة لا تؤثر على ادائه اطلاقا

[Akram Elsaiegh]

الف شكر يا جماعه على الرد السريع والمفيد
مش عارف أشكركم أزاى والله يا جماعه وبالذات العضو أنسان لان مشاركته مفيده جدا

[انسان]

الف شكر يا جماعه على الرد السريع والمفيد
مش عارف أشكركم أزاى والله يا جماعه وبالذات العضو أنسان لان مشاركته مفيده جدا


تحت امرك فى اى وقت

[exit1988]

أنا أتأكدت من السعر زى ما قال أنسان فعلا 180 جنيه asus dvd rw lightscrib

ثمن علبه ال dvd ال LG
10أسطوانات ب 17 جنيه مساحه الأسطوانه 4.7 جيجا بس الاسطوانات دى عاديه مش
lightscribe

بس للأسف ما لقتش اسطوانات lightscribe

[Akram Elsaiegh]

شكرا لاهتمامك
بس أنا كنت عايز اعرف تمن الاسطوانه دى كام
طيب مفيش واحده بتيجى تجربه مع الدى فى دى ؟؟؟

[Akram Elsaiegh]

سؤال أخير هل هذه ال dvd من نوع sata ولا نوع pata???
وهل هى تدعم ال dual layer???

[Akram Elsaiegh]

يا ريت يا جماعه حد يرد عليا ضرورى