المساعد الشخصي الرقمي

مشاهدة النسخة كاملة : الأن و حصريا : اسرار red alert 2 و general و zero hour وتنفع تتعمل على network

movieman
18-07-2005, 04:03 PM
شوفوا يا جماعه الحجات ديت تنفع لما تيجي تلعب نيتوورك .

اولا :RED ALERT2 :

عشان تبني في اي حته انت عايزها في طريقتين اول طريقه تعمل المنى لغايه
ما يبقى READY و بعدين دوس الزرار CTRL مع الزرار C كأنك بتعمل كوبي
ودوس معاهم زرار الماوس الشمال كذا مره بعدين تيجي على اي حته على الخريطه
وتدوس كذا مره على زرار الماوس الشمال هاتلاقي المبنى اتبنى في المكان الي انت
عملته فيه المهم بعد لما تخلص اللعبه خش على ملف اللعبه وامسح الصور الي طلعت .

والطريقه التانيه : لازم يكون معاك براشوتات وتكون READY والمبنى برضوا يكون
READY بعدين تدوس على المبنى وتدوس على البرشوتات بس اهم حاجه السرعه وبعدين تدوس في اي
حته على الخريطه الصغيره الموجوده على اليمين فوق بس طبعا ماتكونش الحته الي هتبني فيها مضلمه
هاتلاقي المبنى اتبنى في الحته الي انت عايزها .

عشان تدخل SPY جوى المبنى بتاعك ( للحصول على جندي جديد و ترقيه للدبابات و ترقيه للعساكر )
اولا انت هاطلع SPY و مهندس و تضرب المبنى الي انت عايز تدخل فيه SPY ضربه واحده ( مش تدمره )
بعدين تدوس على Z او علامه العلم الي تحت (الي تخلى الحاجه تروح عند حته معينه و تحود من غير ماتوجها )
المهم هادوس عليها و تعلم على المهندس الاول و تدوس على المبنى المضروب بعدين هاتلاقي مربع صغير على المبنى
علم على SPY ودوس على المربع الصغير ده بحيث الاتنين يتحركوا مع بعض للمربع الصغير ده بس هاتلاقي المهندس
دخل جوى المبنى بس طبعا لو انت دخلته جوه BATTLE LAP هيجيبلك العسكري الزياده ولو دخلته جوى مبنى بتاع العساكر
هيرقيلك كل العساكر الي هاتطلع ولو دخلته في مبنى الدبابات هاتلاقي الدبابات كلها الي هاتطلع مترقيه .

و نصيحه مني لو عايز تطلع جنود اسرع و دبابات اسرع و تبني اسرع وديت فعلا ابني كذا مره من مبنى العساكرو مبنى الدبابات و القاعده
كل ما تبني اكتر كل ما هيسرع في الطلوع يعني انا كنت مره بطلع المنطاد الروسي في 4 ثواني بس بس كنت باني اتر من عشر مباني دبابات .

اما بالنسبه ل general و zero hour : دلوقتي هاقولك ازاي تبنيbase بتاعت الي انت بتلعبه من غير ماتوصل الي بيبني لغايه ارضك
و ديت تنفع مع جيش china و gla اول حاجه تحتل العربيه ( china&usa) او مبنى الفلوس في (gla ) المهم هاتطلع اي عربيه او العامل
من المبنى الي هاتحتله و طبعا الي انت بتلعبه هياخد باله و يحاول يمنع ان اي حاجه توصلك المهم دوس على اي عربيه من الي طلعتهم جديد و دوس على base(ودوت كله
وانت في مكانك لسه ) ودوس في اي حته عندك ( وطبعا ممكن توصل بسرع للمنطقه بتاعتك لما تدوس على h ) المهم هاتلاقي ان حدود المبنى هاتتبني بس سيب بقى
الي بتلعبه يدمر في العربيات الي انت طلعتها خد انت اي عربيه من الي بتبني بيها من بتوعك انت (الجيش الاصلي الي بتلعب بيه ) وكمل بيها المبنى الي انت بنيت حدوده
والف مبروك على base .

الرجاء عدم نقل الموضوع لأي منتدى اخر
Mohammed Lotfy
18-07-2005, 04:59 PM
ألف شكر يا أيمن باشا على الموضوع الرائع ده
فعلا شوية مميزات رائعة
و المميزات الجامدة ده
ما أنت أصلك لعيب كبير و على طول Games Games لعب فى لعب فأكيد لازم تتطلع المهرات الحلوة ده كلها
movieman
18-07-2005, 05:03 PM
الف شكر ليك عشان انت رديت في ناس غيرك دخلت و طلعت من غير احم ولا دستور
wowo11231
18-07-2005, 07:08 PM
شكرا ياغالى و يريت كل الاستراتيجى تقولنا على شفراتة اول باول
movieman
18-07-2005, 09:08 PM
اوك يامان عشان انتم بس الي رديتوا على موضوعي
mahmoud koko
18-07-2005, 11:57 PM
روعه يا باشا روعه
movieman
19-07-2005, 12:03 AM
الف شكر يا باشا في غيرك كتير دخلوا و معبرونيش بكلمه شكر
commando020
19-07-2005, 02:14 PM
شكرا على الحاجات الحلوة دى
فى كمان حاجه ممكن تعملها تخلى معاك فلوس كتير فى red alert 2
اول ماتبنى مصنع الاستنساخ طلع seals كتير واول ما يطلعوا من مصنع الجنود حطهم فى مصنع الاستنساخ
وهيجيلك حقهم الضعف
movieman
19-07-2005, 04:01 PM
شكرا على الحاجات الحلوة دى
فى كمان حاجه ممكن تعملها تخلى معاك فلوس كتير فى red alert 2
اول ماتبنى مصنع الاستنساخ طلع seals كتير واول ما يطلعوا من مصنع الجنود حطهم فى مصنع الاستنساخ
وهيجيلك حقهم الضعف
اوك بس تعرف ازاي تطلع جنود ببلاش :smiletest اسمع يا سيدي في ابديت بيكون فيه مبنى للترقيات بحيث تدخل الجندي المبنى يطلع بثلاث ترقيات المهم انت هادخل اراجل من هنا و هتلاقي راجل زيه طلع من المبنى الاستنساخ بس عشان تبني مبنى الترقيات و مبنى الاستنساخ لازم يكون عندك القاعدتين بتاعت الجيشين
محمد العلمي
19-07-2005, 06:50 PM
يا سلام عليك يا باشا بجد بجد برنس كبير قوي
ألف شكر يا باشا على الحاجات الحلوه دي و ربنا يكرمك.
movieman
19-07-2005, 07:00 PM
يا سلام عليك يا باشا بجد بجد برنس كبير قوي
ألف شكر يا باشا على الحاجات الحلوه دي و ربنا يكرمك.

الف شكر ليك و اي واحد عنده فكره جديده في الالعاب ديت يقول وانا على العموم هاقولكم فكره مش بطاله شوف يا سيدي اختار اي جيش سوفيتي و طلع واحد يوري وواحد crazy evan وسيطر بيوري اي عربيه موجوده على الخريطه و لغمها بكريزي ايفان ووديها عند الجيش التاني و فجرها ( ملحوظه : هذه الطريقه لا يوجد سلاح لكشفها )
mr.hg
19-07-2005, 07:30 PM
شكرا ليك كنت فعلا محتاجها بالذات جينيرالذ
hero_19873
19-07-2005, 07:59 PM
الف شكر يا برنس:) على الحجات الحلوة دى خالص
movieman
19-07-2005, 09:54 PM
الف شكر يا جماعه و على العموم لو في اي حاجه تانيه انشالله هاضيفهالكم
DEARTITo
20-07-2005, 10:28 AM
الف شكر يا "Movieman"
على الموضوع ده بغض النظر عن كرهى لـــ
Red alert و general
اولا :RED ALERT2 :

عشان تبني في اي حته انت عايزها في طريقتين اول طريقه تعمل المنى لغايه
ما يبقى READY و بعدين دوس الزرار CTRL مع الزرار C كأنك بتعمل كوبي
ودوس معاهم زرار الماوس الشمال كذا مره بعدين تيجي على اي حته على الخريطه
وتدوس كذا مره على زرار الماوس الشمال هاتلاقي المبنى اتبنى في المكان الي انت
عملته فيه المهم بعد لما تخلص اللعبه خش على ملف اللعبه وامسح الصور الي طلعت .
الطريقة دية مش غريبة علية
هو انا اللى كنت قلتهالك ولا ايه ;)
half_life003
20-07-2005, 06:20 PM
شكرا على الخبرات الجميلة

وبلاش تكون حساس كده مش لازم الكل يدخل يحط رد

شكرا مرة تانية
movieman
21-07-2005, 01:18 PM
و عندكم الضربه القاضيه في لعبت ريد اليرت في جيش السوفيت طلع العربيات الي هي flok ( الي بتضرب دخان في الجو ) و حط فيها خمسه يوري و اعمل من الحكايه ديت قدر ماتقدر اما بقلى الي هايلعبك هايجم عليك بحاجتين اول حاجه ( لو كان مالوش فيها ) هايجم عليك بحاجه جوي و طبعا العربيات ديت هاتقوم بالواجب من حيث الجوي ( اما لو كان بيعرف يلعب بس ماشفكش وانت بدخل اليوري ) هيهجم عليك بحجات ارضيه ودوت طبعا الي انت عايزه المهم كل دبابه هاتنفجر من عندك هايطلع منها خمسه يوري هايسيطروا على خمس حجات من عنده او لو كان هاجم بكل جيشه كل العليك تعمل بعد لما تدخل الدبابات وسط جيشه تدوس على الحرف d وشوف المذبحه الي هاتحصل يا باشا اما لو كان محترف و شاف الي انت بتعمله هايجم على الدبابات ديت بالعناكب او الكلاب سعتها نصيحه مني ارجع بالدبابات بتاعتك .
aymon2222
21-07-2005, 01:32 PM
الف شكر ليك يا باشا على الأسرار دية
كمان في سر في ريد أليرت
ممكن تصنع راجل ناقل ذرة مدمر
أعمل دبابة ليزر وخليها تضرب مبنى التكنولوجيا بالضغط على control بعدين
دخل سباي مع مهندس في نفس الوقت بالضغط على control داخل مبنى التكنولوجيا
بعدين حيطلعلك راجل جديد من مبنى بناية العساكر أبني خمسة بالكتير ودمر العدو

والرجاء التوفيق في اتباع الخطوات
movieman
21-07-2005, 01:58 PM
الف شكر ليك يا باشا على الأسرار دية
كمان في سر في ريد أليرت
ممكن تصنع راجل ناقل ذرة مدمر
أعمل دبابة ليزر وخليها تضرب مبنى التكنولوجيا بالضغط على control بعدين
دخل سباي مع مهندس في نفس الوقت بالضغط على control داخل مبنى التكنولوجيا
بعدين حيطلعلك راجل جديد من مبنى بناية العساكر أبني خمسة بالكتير ودمر العدو

والرجاء التوفيق في اتباع الخطوات

الف شكر يا باشا على الطريقه التانيه عشان تدخل spy وياريت لو عندك اي حاجه تاني بخصوص اللعبه ديت يا ريت تقولي
abdelshakour
22-07-2005, 06:04 PM
شكرا يا باشاااا
amr_saed_1
22-07-2005, 06:57 PM
الف شكر يا اخي علي اللينيك والف شكر علي الموضوع الجميل ده ويا ريت تقولي ايه هو الجنديseals
movieman
22-07-2005, 11:24 PM
seal : دولت عاملين زي tania بس الفرق مابينهم و مابينها ان tania بتعمل ضحكه ممكن التاني يسمعها اما دولت محدش يسمعهم وهو ممكن يمشوا على البر و البحر اقوياء على اي جندي او كلب و ضعيف على الدفاعات و الدبابات و اي حاجه بتطير و قوي بالنسبه للمراكب الكبيره و ضعيف بالنسبه للغواصات
amr_saed_1
23-07-2005, 08:52 AM
الف شكر يا برنس
asemmido
24-07-2005, 01:16 PM
انا كان لية سؤال هوة فية جزء تالت لمكس بين نزل ولا لاء او i g i
رحمتك يا رب
24-07-2005, 01:34 PM
10/10 ya man wallahy
spider31
25-07-2005, 01:52 AM
الف شكر ياباشا
.............................................
انا عندي شبكه عايز اشغل اي العاب شبكه مش عارف
يريت حد يقول اعملها ازاي
علي اي لعبه مثلا ميدل اوف هونر
او اي لعبه
movieman
25-07-2005, 10:10 PM
الف شكر ياباشا
.............................................
انا عندي شبكه عايز اشغل اي العاب شبكه مش عارف
يريت حد يقول اعملها ازاي
علي اي لعبه مثلا ميدل اوف هونر
او اي لعبه
في قسم لشكاوي الاعضاء ياريت تكتب مشكلتك هناك
Black2Angel
10-08-2005, 12:49 PM
cooooooooooooooool you ar ethe man keab going
عصام روؤف
15-08-2005, 10:05 PM
انا عاوز اعرف ازاى العب red alert على النت
mostafasafaa
17-08-2005, 05:55 PM
مشكور يا باشا على المجهود دة
deeb22
18-08-2005, 05:05 PM
شكرا جزيلا صديقي البرنس وعندي سؤال لو تتفصل وتجاوبني عليه من اين انزل لعبة يوريز ريفنج او جنرالز لالعبها عن الكومبيوتر بتاعي
mizo_eg
06-09-2005, 12:13 PM
مجهود جبار
جزاك الله خيرا
وربنا ميحرمناش منك
movieman
09-09-2005, 02:19 AM
الف شكر لكل من شارك بالرد هنا و الى الاخ ديب انا جيبتلاك الاسرار و في واحد هنا بيتحدى الناس في اللعبه ديت و حاطط الرابط للعبه في موضوعه ممكن تنزلها منه
elhussiny_gohnm
09-09-2005, 07:01 AM
شكرا يا باشا على المعلومات وشكرا الى كل من ساهم واعطى نصيحته
بس انا عندى حبة حاجات يا ريت تنفع
اولا [list]
فى لعبة Red alert لو بتلعب بالجيش الروسى طلع Flak كتير وحط جواهم spider ولما اللى بيلعبك يهجم عليك باى نوع دبابات تعالى بالFlak وادخل فى وسط الجيش او قرب منه ودوس D واتفرج على الهيحصل
للعلم الدبابه Flak بتشيل 2 Spider (الطريقه ديت لو انت مركب عناكب كتيره مفيش جيش هيوصلك سليم)
ولو بتلعبوا فى خريطه كبيره وعايز تلم الدهب بسرعه نزل فى اول الدور 30 عربة دهب وابنى 4 مصانع فلوس واستنى لحد ما العربيات تنزل واتفرج على عداد الفلوس
لو بقى بتلعبوا بالقاعدتين لو دخلت spy بالطريقه اللى باقى الاعضاء شرحوها فى Battel lab بتاع روسيا هينزل يورى بيفجر او يورى مداه كبير جدا اوكريزى ايفان حبار
elhussiny_gohnm
09-09-2005, 07:28 AM
وقفنا لو انت بتلعب بالقاعدتين
نزل الراجل اللى بيجمد بتاع امريكا ولغمه بواسطة Crazy Evan وابعته للجيش اللى قصادك بس ابعت كذا واحد علشان تأثر ويسلام لو بعت 3او4 فى وسط دبابات قول عليهم السلام

خليك بقى معايا نزلIF الدبابه اللى بتضرب جوى بتاعت امريكا ودخل فيها Crazy Evan ودخلها فى وسط الجيش اللى قصادك وهو طبعا هيضربها تقوم مفرقعه نووى زى دبابة ليبيا(هم 4 دبابات منها وقول على اى حد السلام
elhussiny_gohnm
09-09-2005, 07:41 AM
نيجى بقى لجينرال zero hour
لو بتلعب بالعرب نزل موتوسيكل هات عامل عادى وركبه على المتوسيكل (مجرد علم على العامل وتعالى وعلم على المتوسيكل ومتنزلش العسكرى من فوق المتوسيكل الاول هو هينزل لوحده)
وخد بقىيا عم المتوسيكل وهم راكبه العامل وروح ابنى فى ظهر الجيش اللى قصادك Tunnel ومبروك عليك الجيم
للعلم الموتسيكل بيصعد الجبال فتتسحب من ورا الدفاعات)
تانى حاجه ممكن تركب القناص الموتوسيكل هيبقى Hidden وهيضرب من فوقه هيبقى اسرع ملين مره وبيصعد الجبال والهضاب من الاخر ملوش حل
ويسلام بقى لو بتلعب بجيش GLA Demolation ركب الموتوسيكل القناص اللى بيفجر و عيــــــــــــش
funyafifi
09-09-2005, 09:32 AM
thanks alot for your efforts but i want to ask a question does it works on all versions of red alert ? but thanks
FUNYAFIFI@HOTMAIL.COM
funyafifi
09-09-2005, 09:35 AM
No It Will Come At October
movieman
10-09-2005, 11:59 PM
thanks alot for your efforts but i want to ask a question does it works on all versions of red alert ? but thanks
FUNYAFIFI@HOTMAIL.COM

بتشتغل على اكتر انواع ريد اليرت
movieman
11-09-2005, 12:08 AM
و الف شكر لكل من ساهم في كبر هذا الموضوع
hossam_designer
12-09-2005, 01:13 AM
ممكن تراينير ممكن بس ما يعلقشي في اللعب في الشبكه اصل انا نزل كذا واحد وكل ما اللعب مع واحد صحبي يعمل( كونيكشون يرورر) coniction erorr :5flowerfa
movieman
12-09-2005, 01:25 AM
ممكن تراينير ممكن بس ما يعلقشي في اللعب في الشبكه اصل انا نزل كذا واحد وكل ما اللعب مع واحد صحبي يعمل( كونيكشون يرورر) coniction erorr :5flowerfa

اكيد يا باشا مافيش اي ترينر يتفع في النيت وورك عشان كده حطينا الخطط ديت والحركات عشان تساعدك في النيت وورك
™MαFiα
12-09-2005, 08:23 AM
لا بجد هايل الموضوع ده .. http://smilies.sofrayt.com/fsc/clap.gif
احييك يا movieman على المجهود الجميل ده ..http://smilies.sofrayt.com/fsc/gentleman.gif
تقبل تحياتى
movieman
12-09-2005, 06:20 PM
والف شكر ليك مع اني مش لوحدي في الموضوع ده
captmoody
15-03-2006, 08:03 PM
I NEED THE SERIAL NUMBER OF RED ALERT 2 please
alucky4ever
15-03-2006, 08:18 PM
1000 شكر و 100 /100 بس ياريت تدورلنا على تورنت ل red alert 2 او yuri علشان اتمسحت من عندى
alex_prince
03-09-2006, 02:19 PM
شكرا يابرنس على الموضع الجامد جدا منك

شكرا لجميع الاعضاء اللى قاموا بالمشاركة فى هذا الموضوع

شكرا يابرنس انك فتحت الموضوع ده
alex_prince
03-09-2006, 02:21 PM
الف شكر يابرنس على الموضوع

الف شكر للاعضاء