ايهما تفضل كشافات الزينون ام كشافات الهالوجين

[dr mad]

في الآونة الأخيرة رأينا الكثير من الشباب يركب أنوار الزيون في الكشافات ويدعي أنها تزيد مدى الرؤيا ولاكن البعض يقول أنه لافائدة من وجود أنوار الزينون في الكشافات إذا كانت الأنوار الامامية يوجد بها أنوار زينون

انا عن نفسى لا افضلهالانها تسبب عمى مؤقت للى جاى عكسك.
وخصوصااما تبقى مكان كشافات الضباب لان ضوء الزينون لا يستطيع الاظهار فى الضباب.على العكس من الهالوجين.


ايه رأيكم انتم؟؟

[amrgamea]

الزينون إتعمل علشان يتحط في فوانيس مصممه يركب عليها زينون و بس, علشان كده اي واحد بيركب زينون على فوانيس عاديه بيعمي إلي قدامه و إلي جاي من الناحيه العكسيه علشان نسبه تجميع و تشتيت الضؤ تختلف من الزينون عنها في الهالوجين, علشان كده الضوء بيتشتت في الزينون إلي متركب في الفوانيس العاديه و يصيب الآخرين بالعمى.

يعني لو حد عايز يركب زينون لازم يجيب فوانيس تانيه غير إلي عنده تكون مصممه للزينون :jap: غير كده يبقى بيؤذي الناس التانيه :whistle:

[cobraa2008]

الاتنين حلوين بس كل واحد يركب في المكان المخصص له

[sonby]

انا اعرف الزينون لكن الهالوجين ده ايه انا عندي لمبات زئبق هل دي هي الهالوجين ؟

[amrgamea]

انا اعرف الزينون لكن الهالوجين ده ايه انا عندي لمبات زئبق هل دي هي الهالوجين ؟

أيوه يا باشا, الزئبق يعني هالوجين :jap:

[dr mad]

الزينون إتعمل علشان يتحط في فوانيس مصممه يركب عليها زينون و بس, علشان كده اي واحد بيركب زينون على فوانيس عاديه بيعمي إلي قدامه و إلي جاي من الناحيه العكسيه علشان نسبه تجميع و تشتيت الضؤ تختلف من الزينون عنها في الهالوجين, علشان كده الضوء بيتشتت في الزينون إلي متركب في الفوانيس العاديه و يصيب الآخرين بالعمى.

يعني لو حد عايز يركب زينون لازم يجيب فوانيس تانيه غير إلي عنده تكون مصممه للزينون غير كده يبقى بيؤذي الناس التانيه


الاتنين حلوين بس كل واحد يركب في المكان المخصص له

انا اعرف الزينون لكن الهالوجين ده ايه انا عندي لمبات زئبق هل دي هي الهالوجين ؟


أيوه يا باشا, الزئبق يعني هالوجين

شكرا لمروركم

[dr mad]

ياريت يكون فى تفاعل اكتر من كده

[ahmed shebl]

انا الزينون عندي في الشبوره كويس قوي
وسايب الهالوجين العادي في النور العالي زي ماهو

[الجريمة لاتفيد]

مفيش احسن من النور الاصفر العادى سيبك كلة تمثيل
كرولا الحوت
http://www.piccs.net/files/Image0221.jpg

[amr000000]

هوة اكيد بينور أكتر من النور الأصفر العادى بس حرام عشان بتعمى اللى فى وشك حتة لو كان قدامك عشان النور بيضرب جامد فى المراية

[vicoline2002]

اكيد طبعا الزينون احسن كتير من الهالوجين وزي ماقال استاذ عمر هوه المفروض انه يتركب صح بس مش الفانوس كله هيا بتبقا زي عدسه مجمعه للضوء يعني بتركزه في اتجاه واحد وبتتركب قدام اللمبه الزينون مباشرة زي اللي بتنزل في البي ام الفئه السابعه وفي شويه عربيات تاني والعدسه دي بتركز علي الطريق اللي قدامك بس يعني اللي ماشي في الاتجاه العكسي مش بيشوف الا خط الضوء بتاعك ومش بيتاثر خالص وحتى اللي ماشي قدامك برضه مش بيتاثر لان خط الضوء بيبقا مايل بزاويه لتحت علي الطريق فمش بييجي في مرايته

وعشان اقول السبب اني افضل الزينون عن الهالوجين طبعا لما يتركب صح لانه نوره اقوى بدرجه كبيره جدا عن الهالوجين وفي نفس الوقت بيحتاج كهرباء اقل من الهالوجين يمكن توصل للنص

يارب اكون افدتك

[timon]

والله ياجماعة انا هقول رأئى بصراحة

احنا شعب بيحب يخترع

ياعنى العربيات اللى نزله مصصمة بمصابيح هالوجين نخترع فيها احنا (ونعدل على الخواجة) ونركب زينون معتقدين انة افضل على الرغم ان العربيات اللى بتتصنع برة فى اوربا وامريكا تصماميم المصابيح بيكون موجة للأرض مش لقدام ياعنى لو فاتح كشافاتك على الاخر اللى قدامك عمرة ماهيتعمى.


وحاجة تانية لو اخوة لاحظوها معايا على الطرق
ان كل واحد ربنا قدرة وركب زينون فى عربيتة لازم ولابد يمشى فاتح النور على الاخر ولو حتى واقف فى اشارة لازم يفتح الكشاف على الاخر لحد اما يعمى اللى قدامة - معرفش اية السبب