المساعد الشخصي الرقمي

مشاهدة النسخة كاملة : كدة ناقص ايه عشان اكون معمارى جامد :-)

mr_lonely2006
07-02-2008, 11:45 AM
السلام عليكم و رحمة الله و بركاته ...

عندى سؤال بس و يا ريت اجابة عليه ...

انا طالب فى الفرقة الاولى فى كلية هندسة جامعة عين شمس ..

قسم هندسة معمارية ...و سؤالى هو ..ايه المؤهلات او الشهادات الناقصة عشان لما اتخرج الاقى شغل فى مكان كويس ؟؟ و بمرتب كويس ؟؟؟

الحمدلله انا مستوى جيد بالدراسة و انوى للمزيد من التفوق باذن الله ..

حاصل على شهادة فى الاوتوكاد 2D من معهد القوات المسلحة ISI
و باذن الله فى شهر 9 اكون قد انتهيت من باقى الكورسات و هى ...

الاوتوكاد 3D
الفوتوشوب
الاركى كاد
3D Max

و كلها شهادات معتمدة من مايكروسوفت و اليونسكو ..

اما عن الاجتهاد الشخصى فالحمد لله اتعلم تصميم المواقع و المنتديات web design و اسعى الى الاحتراف بامر الله ...

اما عن الانشطة الطلابية و لا اعلم ان كانت تفيد فى مجال العمل ام لا ؟؟

اننى حاصل على شهادة قيادة طلابية من جامعة عين شمس كاصغر قيادة طلابية ..
شاركت بمعسكريين لاعداد القادة بالاسماعيلية و مطروح...

لجنة منظمة لاحد المعسكرات التدريبية و كانت على ارض عين شمس ...

عضو باتحاد الطلبة لعامين متتاليين ..

كما اننى افخر بان اكون الرئيس التنفيذى لاحد فروع المنظمات العالمية المتخصصة فى العمل الخيرى و تسمى SIFE و تقدرو تدورو عليها فى جوجل او اى حتة ...و انا الحمد لله team head ain shams university ...


ايه اللى محتاجه لاحصل على مهنة جيدة و تكون على ارض الحبيبة مصر ...لانى عيب اوى بعد ما ادتنى كتير ارجع و اسافر ...و عيب برضه بعد ما طلع عينى و استنذفت ماليا و اهلى لحسو التراب عشان يصرفو عليا ملاقيش شغل ...

مستنى ردودكم
mr_lonely2006
08-02-2008, 12:30 AM
هو سؤالى عيب و لا ايه ؟؟؟ اصل محدش رد ؟؟؟
hsamman
22-02-2008, 11:15 PM
أخي الكريم , أعانك الله علي دراستك , من سلك طريقا يبتغي فيه علما سلك الله طريقا الي الجنة
انت ماشي كويس واستمر في ممارسة هذه البرامج حتي لو ساعدت بها زملائك في الدفعات الأعلي , وكمان لازم تشتغل في الصيف في أي مكتب ولو مجانا , صدقني الموضوع ده هايفرق جامد جدا معاك في الدراسة المقبلة والمستقبل , لسبب بسيط هو ان الحياة العملية أحيانا بتختلف تماما عن الدراسة , وكمان حاول تطلع علي الكتب المعمارية والتفاصيل المعمارية التنفيذية

نصيحة من دفعة 1988
aziznouh
23-02-2008, 06:12 AM
ولو مهتم انك تكون معمارى كويس
أنصحك بالدراسة الفنية
تشكيل, رسم, نحت
فى مجموعة كتب ممتازة لراجل قديم من أوائل القرن اللى فات اسمه andrew loomis
عليك وعليها