خدعوك فقالوا: ايصال الامانه اخطر من الشيك

[semsm]

-
-
-
ساذهب معاكم فى هذا الموضوع خطوه خطوه واترك لكم الحكم فى النهايه

مقارنه بسيطه بين ايصال الامانه والشيك

اولا: الشكل القانونى لكل من ايصال الامانه والشيك

ايصال الامانه:ببساطه هى عمليه يجب ان تتم بين 3 اشخاص مثال محمد اعطانى 30 الف جنيه لاعطيهم لاحمد

فاذا لم اوصلهم لاحمد اكون خائن للامانه اذا ايصال الامانه اذا تم بين شخصين يكون فقد ركن من مصدر قوته ( ولكن الان يمكن لبعض القاضاه قبول ايصال امانه بين طرفين كنوع من الاستثناء)
اذا ايصال الامانه ورقه تتم بين ثلاث اشخاص يتعهد فيها شخص بتوصيل شئ من شخص الى شخص اخر ( ملحوظه:: قائمه المنقولات التى يوقع عليها العريس تعد من عقود الامانه

الشيك: هناك نوعان للشيك شيك بنكى وهو مسحوب على بنك معين مدون فيه رقم الحساب
وشيك خطى وهو الذى يباع فى المكتبات وتسعى الحكومه لالغاء الشيك الخطى


الوصف الجنائى لكل من الشيك وايصال الامانه:

الشيك يجرم الشيك بجريمه شيك لايقابله رصيد قائم
ايصال الامانه يجرم بجريمه خيانه الامانه
وكلاهما من مواد الجنح يعنى ادنى حد للعقوبه 24 ساعه واقصى حد للعقوبه 3 سنوات

حتى الان اعتقد انهما متساويان فى القوه

ناتى لاهم نقطه فى الموضوع كله

طرق الدفاع او الطعن عليهما

اولا : الشيك هناك نص قانونى يقول ( الشيك منزه عن غرضه) حتى لو ثبت للقاضى ان هذا الدين دين مخدرات او اعمال منافيه للاداب
-- الشيك كاداه وفاء والشيك كاداه ضمان
فاذا اعترف المتهم بتوقيعه للشيك فلا يملك الا حل من 3 حلول الدفع او الحبس او اثبات ان هذا الشيك اداه ضمان او ائتمان اى اذا استطاع المتهم ان يثبت ان هذا الشيك اداه لضمان عمله شئ معين وليس دين هنا بسقط الشيك ولكن المفترض او الاصل ان الشيك اداه وفاء ويقع اثبات العكس على المتهم
لانه لو استطاع المتهم اثبات ان الشيك اداه ضمان ضمن الا يحبس وتتحول الى دعوى مطالبه

ثانيا : ايصال الامانه اذا اثبت المتهم ان ايصال الامانه هذا ناتج عن تجاره غير مشروعه يسقط ايصال الامانه
يجوز للمتهم ان يتمسك ببطلان ايصال الامانه اذا تم بين شخصين فقط لان باتمام ايصال الامانه بين شخصين انتفت عله الايصال وانتفت صله التسليم والتسلم فهو يستلم ليسلم فاذا انتفت صله التسليم والتسلم قد يحكم ببطلان ايصال الامانه

ارجو ان اكون قد افدتكم

[عبودة]

الله يعطيك ألف عافية

و الله مجهود جبار بدون مقابل

تشكر يا محامينا يا باشا .

جزاك الله كل خير .

[semsm]

شكراااااااااااا يا عبوده لك على المرور على الموضوع

[ninja911]

والله كلام مفيد جداً .....ألف شكر ياباشا

[ahmed_221]

الف شكر ليك اخى العزيز semsm

فعلا استفد وكان نفسى من زمان اعرف معلومات مهمه زى دى

شكرا ليك واجمل تحيه وتقدير على مجهودك

[monaf]

thank you osooo much

[alaa eldin3]

الله يعطيك ألف عافية

[theblackpirate]

شكرا على الموضوع بس حكايه ان وصل الامان هيبقى بين اتنين بس دى غلطه الللى عمله و وطبعا هو يستاهل اللى يحصله اما نقطه ان موضوع الشيك والوصل غير مشروع فبرضه انا مش شايف ان واحد عمره هيكون معمله شيك تمن مخدرات وهيروح المحكمه يطالب بيه يعنى بتهيالى نقطه ملهاش فايده
وانا فاكر ان كل دكتره الجامعه بيقولوا ان وصل الامانه اقوى من الشيك واتقالى السبب بس مش فاكره
شكرا على الموضوع

[semsm]

اخى العزيز theblackpirate اهلا بك

ما الذى يمنع الشخص من ان يذهب الى المحكمه ويطالب بشيك ثمن دين مخدرات ههههه( هو الشيك مكتوب عليه يعنى) الشيك مكتوب عليه القيمه ورقم الحساب

اما الاعتقاد السائد بيننا ان وصل الامانه اخطر فاعتقد انه يرجع الى توصيفه

فوصل الامانه هو جريمه خيانه الامانه

اما الشيك فهو يمثل شيك لا يقابله رصيد قائم


ولكن مازالت عند رائى الشيك اقوى من ايصال الامانه

[m_elmogy]

اخى العزيز theblackpirate اهلا بك

ما الذى يمنع الشخص من ان يذهب الى المحكمه ويطالب بشيك ثمن دين مخدرات ههههه( هو الشيك مكتوب عليه يعنى) الشيك مكتوب عليه القيمه ورقم الحساب

اما الاعتقاد السائد بيننا ان وصل الامانه اخطر فاعتقد انه يرجع الى توصيفه

فوصل الامانه هو جريمه خيانه الامانه

اما الشيك فهو يمثل شيك لا يقابله رصيد قائم


ولكن مازالت عند رائى الشيك اقوى من ايصال الامانه

إسمح لى أضم صوتي إلى صوتك في أن تاجر المخدرات طبعا بكل هدوء وثقة سيلجأ للمحكمة المختصة لإستقضاء شيك تحت يده ... لأن الشيك منزه عن أسبابه كما ذكرت في الشرح الجميل بداية الموضوع وبما إستقرت عليه محكمتنا العليا (محكمة النقض) ..
أما بالنسبة لفرق القوة بين الشيك وإيصال الأمانة فحقيقة الأمر أن المعمول به في جميع المحاكم المصرية أنهما تقريبا متساويان ... حيث أن العقوبة تخف وتغلظ طبقا لمبلغ الايصال أو الشيك وليس طبقا لكونه شيك أو إيصال أمانة (هذا ما جرى علية عمل المحاكم) ..

[misho5210]

موضوع جميل من الاستاذ سمسم ورد جميل ايضا من استاذ محمد

[وحيد عاشور]

مجهود رائع وتفصيل مفيد يا باشا 000
لكن فى النهاية أعتقد أن الجريمتان إستيلاء على مال الغير وأكل حق الناس
وأعتقد أن قبل العمل بمصالحة المحامى العام فى إيصال الأمانة كان الشيك أسهل فى التخالص
والمحكمة غالباااااااااااااااااااااااااااااااا لا تسمع لأى دفوع فى هاتين الجريمتين 0

[hofo]

طيب دلوقتى انا عايز ابيع حاجة بالتقسيط واضمن حقى ازاى بئة حخلى وصل الامانة بين ثلاث افراد يعنى اجيب التالت منين

[bebo_s_80]

السلام عليكم
أعرف أن المحكمة تحكم بإلزام الجاني في قضية الشيك بدفع قيمة الشيك فما بال وصل الأمانة بمعنى لو أقمت دعوى على فلان لأنه كتب وصل أمانة فهل تلزم المحكمة المجني عليه بدفع قيمة وصل الأمانة
شكراً

[كابتن صخر]

بصراحه موضوع وبحث رائع
انا مكنتش عايز ارد علشان اشوف واستمتع بالمناقشه دى
خالص تحياتى،،،

[m_elmogy]

السلام عليكم
أعرف أن المحكمة تحكم بإلزام الجاني في قضية الشيك بدفع قيمة الشيك فما بال وصل الأمانة بمعنى لو أقمت دعوى على فلان لأنه كتب وصل أمانة فهل تلزم المحكمة المجني عليه بدفع قيمة وصل الأمانة
شكراً

الشيك وإيصال الأمانة لا فرق بينهما في القوة الجنائية
هي المحكمة مش بتلزمه بالدفع
لكن لو لم تدفع .. تحبس ....

[shayttoon]

طيب انا ليا سؤال وارجو الرد عليه دلوقتى نعتبر فرضا انى انا وقعت إيصال امانه وانا عمرى متجاوزسش ال 20 سنه هل من الممكن لو متمش سداد الايصال رفع قضيه عليا مع العلم انى سمعت ان الزمه الماليه بتبتدى من عمر 21 سنه ارجو الرد السريع

[aftousoo]

والله كلام مفيد جداً .....ألف شكر ياباشا

[Boushy™]

مشكور ياباشا

[asaloveangle]

يا جماعة لوكان ايصال الامانة صيغتة ان المبلغ سلمة {أ}الى{ب} لتسليمة ل{ج} وكان {ا}و{ج} اخوات ويسكنوا فى نفس المدينة؟ ارجو الافادة ياباشا

[neno2005_5]

بعد التحية ولكن
يظل وصل الامانة اقوي لان عند اثبات الدين كما قولت في حديثك انه له 3 طرق هم السداد الحبس و الانكار ولكن في ايصال الامانة عند الحبس لك حق المتابعة مدني لاملاك الشخص لاسترداد القيمة علي خلاف الشيك وهي عند السجن ليس من حقك المتابعة بالحق المدني وهو استيرداد القيمة وهنا الفرق الاهم يعني الشيك اخر السجن انما ايصال الامان الدفع او الحبس والدفع وشكرا

[neno2005_5]

طيب انا ليا سؤال وارجو الرد عليه دلوقتى نعتبر فرضا انى انا وقعت إيصال امانه وانا عمرى متجاوزسش ال 20 سنه هل من الممكن لو متمش سداد الايصال رفع قضيه عليا مع العلم انى سمعت ان الزمه الماليه بتبتدى من عمر 21 سنه ارجو الرد السريع

لا تعامل كامل الاهليه وتعامل عادي قانونيا ومتحمل عواقب التوقيع علي الايصال

[spider_web]

شكرا على المناقشه الجميله المفيده

[titosaad]

good work:41::41:

[elmasry_n]

انا كتبت وصل امانة مع صاحب عمل على 100 جنية وفى الخانة اللى فيها يتم توصيلة الى السيد / ـــــــــــــــــــــــــــ عملنا خط كما رأيتم والمهم انا خرجت من الشغل فى يوم 11 فى الشهر ومش عاوز يدينى باقى مرتبى
هل اعتبر بأن ال 100 جنية حقى وان الايصال دة فاسد لانة بين طرفين ولا ممكن يكون فى مشكلة بالنسبة لى
ولو حصل مشكلة والحكومة اتهجمت علية وخدتنى اقولهم اية ؟

[alessandro 86]

الله ينور ياأستاذ سمسم موضوع هايل ومجهود كبير تسلم ايديك