وأخرتها أيه مع المرور؟؟؟

[ahmedfawzy14]

مين فينا متعرضش لظلم من مرور البلد دى

مين فينا معندوش واسطة دلوقتى عشان يجيب رخصته لما تتسحب

لحد امتى حتفضل مصر كده
القانون يطبق على الضعيف بس :31:

بجد انا حطق وسبب كتاتى للتوبيك ده

موقف حصل امبارح معايا فى شارع صفية زغلول فى اسكندرية
راكن يمين وواقف مفيش دقيقة بجيب حاجة لقيت الونش جى
قمت جريت على العربية دورتها وطالع لقيت الونش قفل عليا ونزل يجرى عليا العسكرى يقولى الرخص
المهم كنت حرجع ورا وبعدين اخلع منه
وفى نفس اللحظة قلت حتبقى قضية فى نيابة المرور عند التجديد
ملهاش لزمة خليك انتا الكبير يا فوزى ولا يهمك :whistle:

المهم اخد الرخص وقالى كلم الظابط فى الونش
نزلت اكلمه قالى 25 جنيه
المهم قلت ليه بس يا باشا
انا من طرف عميد فلان الفلانى قالى ايوه
اطلبه على التليفون
وبالفعل اتصلت لقيته مغلق :0:

قالى بعوجان متعطلنيش يا كابتن يا الرخص يا 25 جنيه
رميت ليه الفلوس واخدت الوصل قطعته قدامه :53:

اللى يجنن بقى الناحية التاينة برده ممنوع الانتظار
خمس عربيات واقفين قدام محل نظارات مشهور
قام بتاع النظارات شاور للظابط بأيده
راح الظابط قال لسواق الونش يلاااا

ساعتها بقى كنت حفرقع
فكرت اجرى واقفل على الونش واقف اشد مع الظابط وزى ما ترسى بقى
كان معايا صاحبى هوا اللى شد المفاتيح من اديا
وروحت بقى مش قادر انام لحد الفجر صاحى حمووووت من الغيظ :15:

[eslam wega]

يعنى هو ساب الخمس عربيات الى قدام محل النظارات
وراح عليك انت ولا انا الى فاهم غلط
بس عموما متشلش فى قلبك اى حاجة تحصل معك زى دى
افتكر انك اكيد اكيد فى مصر

[ahmedfawzy14]

انتا فاهم صح يا اسلام
ساب الخمس عربيات وراح عليا انا

عشان ده محل نظارات كبير جدا

واكيد بقى زى ما انتا قلت
احنا فى مصر

[Mr.Esl@m]

اهلا بك انتا فى مصر

[ELHDDAD]

طيب انا بقه هاقولك موقف كوميديى بس برده يحرق الدم انا ليه واحد صاحبى اخوه عايش فى اتجلترا بقاله حوالى عشر سنين ولا اكتر الله اعلم ومعاه اقامته وشغال ميه ميه المهم اخو صاحبى بعتله 60الف علشان يجيب هيونداى اكسنت الشكل القديم قبل مايخلص وفعلا صاحبى اشترى العربيه وقال بدل مايكتبها بأسمه وبعدين يرجع يكتبها بأسم اخوه علشان وجع الدماغ فى الشهر العقارى والافلام اللى كلنا عارفينها وبعدين اخوه نازل كمان 15 يوم المهم راح مظبط صاحب المعرض اللى هو صاحبه فى الاساس ودانه يأخر فى الترخيص لحد ما اخوه جه من السفر ولما اخوه راح يرخص تخيلوا الظابط بتاع التراخيص قاله ايه لما العربيه جات على الفحص ؟؟؟؟؟؟؟ قالوه رش العربيه تخيلوا الظابط علشان مش رايق اليوم ده عايز يلبس الراجل رش عربيه على الزيرو تخلف بعيد عنكم انا عارف انى طولت عليكم بس هيه ديه بلدنا يا جدعان لا هيتصلح حالها ولا هاتتقدم فى اى شئ فامتحطوش فى دماغكوا وريحوا بالكم واسف مره تانيه للأطاله

[ahmedfawzy14]

اهلا بك انتا فى مصر



:31::31::31:

منهم لله

[ahmedfawzy14]

طيب انا بقه هاقولك موقف كوميديى بس برده يحرق الدم انا ليه واحد صاحبى اخوه عايش فى اتجلترا بقاله حوالى عشر سنين ولا اكتر الله اعلم ومعاه اقامته وشغال ميه ميه المهم اخو صاحبى بعتله 60الف علشان يجيب هيونداى اكسنت الشكل القديم قبل مايخلص وفعلا صاحبى اشترى العربيه وقال بدل مايكتبها بأسمه وبعدين يرجع يكتبها بأسم اخوه علشان وجع الدماغ فى الشهر العقارى والافلام اللى كلنا عارفينها وبعدين اخوه نازل كمان 15 يوم المهم راح مظبط صاحب المعرض اللى هو صاحبه فى الاساس ودانه يأخر فى الترخيص لحد ما اخوه جه من السفر ولما اخوه راح يرخص تخيلوا الظابط بتاع التراخيص قاله ايه لما العربيه جات على الفحص ؟؟؟؟؟؟؟ قالوه رش العربيه تخيلوا الظابط علشان مش رايق اليوم ده عايز يلبس الراجل رش عربيه على الزيرو تخلف بعيد عنكم انا عارف انى طولت عليكم بس هيه ديه بلدنا يا جدعان لا هيتصلح حالها ولا هاتتقدم فى اى شئ فامتحطوش فى دماغكوا وريحوا بالكم واسف مره تانيه للأطاله



المهم صاحبك رشها ولا رخص من غير رش :15:

بلد متخلفة منهم لله :31:

[volantimoo]

انا حصل معايا لموقف ده على كوبرى استانلى كنت موقف العربيه 2 عريبيه المهم انا واقف كدا لقيت الونش الجهاز جه وظابط ومعاه عساكر كتير وكل عسكرى يجرى على عربيه المهم دبسنى بردوه ب 25 جنيه مخلفه فوريه انا بصراحه انا رجعت البيت محروق دمى كدا مش على الفلوس على الموقف نفسه شوفته بزمتكم لو كنت سلقت العسكرى بخمسه جنيه كان سابنى

[DrIfT__KiNg]

ومن ده كتير والله يا شباب


بس هنعمل ايه


والله رغم ده فيه ناس محترمة جدا

انا علشان عندنا عربيات نقل وبتعامل مع المرور كتير بشوف ظباط مرور كتير

يعنى المرور بتاعنا عدى عليه خمس ظباط مفيش فيهم غير واحد بس تقدر تقول عليه متربى

لكن السيئة بتعم والحسنة بتخص

[lil-DeMoN]

وحد الله يا فوزي كدة ومتزعلش هتاخد من ده كتير ومش لوحدك هتلاقي كتير غيرك يا مان يلا ربنا معاك ومعانا

[® MASHTOLY]

انا قريت الموضوع والردود كلها واحب ااقول حاجة
كل دة ميجيش واحد على عشرة من اللى حصل معايا بس انا لو قولت موضوع واحد بس واحد بس هتوقف شكرا

[ahmedfawzy14]

انا حصل معايا لموقف ده على كوبرى استانلى كنت موقف العربيه 2 عريبيه المهم انا واقف كدا لقيت الونش الجهاز جه وظابط ومعاه عساكر كتير وكل عسكرى يجرى على عربيه المهم دبسنى بردوه ب 25 جنيه مخلفه فوريه انا بصراحه انا رجعت البيت محروق دمى كدا مش على الفلوس على الموقف نفسه شوفته بزمتكم لو كنت سلقت العسكرى بخمسه جنيه كان سابنى


بدال الضابط واقف العسكرى ميقدرش يعمل حاجة

حتى لو اديته 20 جنيه :jap:

برده لازم تدفع :31:

[ahmedfawzy14]

ومن ده كتير والله يا شباب


بس هنعمل ايه


والله رغم ده فيه ناس محترمة جدا

انا علشان عندنا عربيات نقل وبتعامل مع المرور كتير بشوف ظباط مرور كتير

يعنى المرور بتاعنا عدى عليه خمس ظباط مفيش فيهم غير واحد بس تقدر تقول عليه متربى

لكن السيئة بتعم والحسنة بتخص


واحد من خمسة نسبة توضح حالة مرور البلد بتاعتنا :thumbdown:

[ahmedfawzy14]

وحد الله يا فوزي كدة ومتزعلش هتاخد من ده كتير ومش لوحدك هتلاقي كتير غيرك يا مان يلا ربنا معاك ومعانا

لا اله الا الله

عشانك انتا بس يا باشا

حنسى اللى حصل معايا تماما :jap:

[ahmedfawzy14]

انا قريت الموضوع والردود كلها واحب ااقول حاجة
كل دة ميجيش واحد على عشرة من اللى حصل معايا بس انا لو قولت موضوع واحد بس واحد بس هتوقف شكرا



امانة عليك احكى

اكيد حتفيد كل الاعضاء من المواقف دى

[NaRiNiA]

انا فى اسكندريه وعايز اقولك
العن مرور فى مصر هو بتاع اسكندريه
لأ وشكلك مجربتش الحضانات كمان

[ahmedfawzy14]

انا فى اسكندريه وعايز اقولك

العن مرور فى مصر هو بتاع اسكندريه

لأ وشكلك مجربتش الحضانات كمان



فعلا المرور بتاعنا زبالة

ايه حكاية الحضانات دى؟

[Eslαm]

حسبي الله ونعم الوكيل

الواحد ياما شاف من القانون الظالم

قانون يطبق علي الغلابة فقط

انما الظباط والمحاسيب لايطبق عليهم القانون لانهم واصلين

الظابط من دول تلاقيه مفيم العربية وشايل النمر عادي

وانت لو فكرت بس تحط استيكر علي العربية تتسحب الرخص ملصقات

يبقي انت اكيد اكيد في مصر

بس مصر بريئة من اللي بيحصل دا

دا عيبنا احنا لاننا تهاونا في حقنا

وكفاية كدة هاتودونا في داهية

[ahmedfawzy14]

حسبي الله ونعم الوكيل


الواحد ياما شاف من القانون الظالم

قانون يطبق علي الغلابة فقط

انما الظباط والمحاسيب لايطبق عليهم القانون لانهم واصلين

الظابط من دول تلاقيه مفيم العربية وشايل النمر عادي

وانت لو فكرت بس تحط استيكر علي العربية تتسحب الرخص ملصقات

يبقي انت اكيد اكيد في مصر

بس مصر بريئة من اللي بيحصل دا

دا عيبنا احنا لاننا تهاونا في حقنا

وكفاية كدة هاتودونا في داهية



معاك حق والله

احنا السبب فى اللى بيحصل لينا

لاننا اتهاونا فى حقنا خلاص
ومفيش فايدة دلوقتى

البلد مقسومة نصين

نص المحاسيب ونص الشعب الغلبان

[moheltohamy]

بصو يا شباب...
معظم اللي بتتكلمو عليه مش عاجبني ولا داخل دماغي م الأساس!
حضراتكم واقفين ف الممنوع ، ولما بييجي الونش يكلبش العربية ولا يسحبها بتزعلو! غلطانين ولا مش غلطانين؟ ده الأساس.
أنا دخلت مرة تكا اللي أدام جامعة المنصورة مرة ، وكنت راكن العربية صف تاني (الطريق ده متقسم حارات ، مفصولين ببلوكات معدنية ، وكنت متخيل الحارة الشمال دي للي جوه المحلات) لقيت بعد شوية الواد اللي شغال ف المحل جاي يقول لي هيه الميجان اللي برة دي بتاعتك ، أصل الونش بيشيلها! خرجت جري ، وباكلم العساكر آلولي روح للظابط. ورحت دفعت 20 جنية وخلصت ، وقلت الحمد لله إني ما دخلتش في قصة حد ييجي يفك لي الكلبش!
موقف تاني: جيت أبيع العربية ومحتاج شهادة المخالفات من مرور مدينة نصر، قالولي السيستم مقفول بالنسبة ليك عشان فيه مخالفة بــ 100 جنيه من مرور ميت غمر ، روح ادفعها وتعالى ، أروح زي الشاطر أدفع الـ 100 جنيه ، ومحدش عارف إيه طبيعة المخالفة أصلاً ، علماً إني نادر ما باعمل مخالفات بخلاف الرادار (ومعايا كاشف رادار وبالتالي صعب أتصور رادار و ماعرفش). يابيه هتدفع هتدفع! المهم دفعت ورجعتلهم على مدينة نصر ألاقي مخالفة رادار بـ 100 جنيه وفين؟ العلمين! اللي عمري في حياتي ما رحت العلمين دي بالعربية! دي أطول مسافة رحتها غرباً كانت الاسكندرية ودي بعد تاريخ المخالفة بـ 4 شهور! دخلت على رئيس نيابة المرور ، قال لي إني محتاج أثبت إني ما كنتش هناك ، بالإضافة إني لازم أروح نيابة مرور الدرّاسة (ماعرفش دي أصلاً يتراح لها منين)! بقى أنا اللي أثبت إني ما عملتهاش؟ يعني المفترض أساساً إني مذنب وعشان أنفي التهمة دي عن نفسي أنا مطالب بإحضار دليل براءتي! إضافة إنو ما نعرفش مين العسكري اللي حررهالك!
كان نفسي أمشي ف الإجراءات دي لآخرها ، بس عشان أعرف الحكومة في مصر بتعمل إيه ف التظلمات خاصةً إني عارف إني برئ! بس الراجل اللي ع الخرنة قال لي : نصيحة يا بيه إدفع واخلص ، هتضيع وقتك ، ومفيش حاجة هتحصل ، وهتدفع هتدفع ف الآخر ، ماهو كل الناس بتقول ما عملناش!
وكالمعتاد دفعت الـ 100 جنيه زي الشاطر ، عشان اخلص!
تعرفو صحيح إن لما بتاخد شهادة براءة الذمة ، إنك ما فيش عليك مخالفات ، بيدفعوك 5 جنيه ، المفروض تاخد بيها إيصال تبرع لمعونة الشتاء أو للهلال الاحمر ... إلخ! ومن حقك إنك تقول مش عاوز اتبرع ، مش من حق حد إنو يجبرك تتبرع! لكن سيادتك زي الشاطر بتتبرع بالخمسة جنيه ومن غير إيصالات أو طوابع في أغلب الأحوال ، ما همه برضه الموظفين اللي ف المرور دول وراهم عيال وفاتحين بيوت ، والمرتب ما بيكفيش السجاير!
موقف غيره... جيت ركنت مرة أدام محل بقالة في ميت غمر ، كنت معدي على واحد صاحبي ، هينزل ونخرج نتمشى (كانت ليلة العيد). صاحب المحل قال لي ، يا أستاذ شوف لك حتة تانية اركن فيها. قلتله فين؟ ِاورلي ع المكان اللي يعجبك وانا اروح له. ماليش دعوة يا أستاذ ، اطلع أدام هنا ، قلتله كده هاقفل الشارع الفرعي ده ، آل لي وإيه يعني! لقيت مستوى الحوار بقى واطي شوية (إضافة إن السماء كانت بتمطر) سبته ومشيت ، وقلتله إبقى خد نمرتها! (كل العربيات كانت راكنة على طول الشارع بالمناسبة) المهم تاني يوم لما سافرت مع العيلة المنصورة ، إذ بي أفوجأ إن البيه بقالب طوب جير كبير طبق لي الرفرف الأمامي يمين! والنتيجة إيه؟ توبة إني أركن أدام المحل ده تاني! الراجل أسلوبه مقنع فعلاً!
غيره: ديسمبر 99 ، وقبل امتحان الجراحة بأسبوع (وقت خطير ومحتاج كل دقيقة منه) ، عربية تخبطني من ضهري (ضهر عربيتي طبعاً) بسرعة يمكن 80-90 كم ، واحنا كلنا (أنا واللي أدامي) ماشيين على 20 كم أو يمكن أقل (مدخل ميت غمر - كوبري دقادوس) ، ولبسنا 4 عربيات ف بعض! الشنطة والكبوت اتطبقو والشكمان وقع بالكامل ، والفوانيس الخلفية والأمامية والشبكة الأمامية اتكسرو ، والرادياتير اتطبق ودخل على المروحة اللي وراه. المهم ، رحت عملت محضر انا وواحد تاني ، وطبعاً تحملت أنا تكاليف الإصلاح (طبعاً فضلت أتابع السمكرة والدهان ف السكرتة ، مش ناقص مشاكل مع بابا، وبأقصى سرعة عشان ما يلاحظش ، رغم إني كنت محتاج كل دقيقة)! وحتى الآن مفيش خبر! يمكن استعملو المحضر اللي عملناه ورق تواليت!!
ولما جاتلي فيزا الهجرة لكندا ، من فرحتي حطيت استيكر علم كندا على الكبوت الأمامي ، لقيت نقيب بيوقفني في ميدان طلعت حرب ف وسط البلد ، و وقف الشارع كله عشان ياخد الرخصتين بتوعي ، واتفضل شيل الاستيكر ، قلت له هنا؟ ودلوقتي؟ قال لي يا تشيله يا اسحب الرخص ، وكنت هاسافر كندا بعد أسبوع ، قلت مش ناقصة مشاكل. وطبعاً ، شيلتهم زي الشاطر! وما زلت مش فاهم إيه الكارثة القومية من الملصقات!
ومن الحاجات اللي هتجنني بجد: حد تلاقيه بيعدي الشارع أدام عربيتك ، بكل برود ، وباصص الناحية التانية (عكس اتجاه العربيات اللي داخله عليه ، يعني م الآخر مديك قفاه)! الحركة دي بتجنني! تعرفو لو يعدو الشارع ويشاورولي عشان اهدي ؛ هاترزع أرشق ف الأرض واستناهم على أقل من مهلهم! لكن يعدي الشارع وعاوج راسه الناحية التانية (بيبص على إيه الناحية التانية نفسي أفهم ، إلا إذا كان معناها إني مش شايفك ، فمتحاولش تدخل عليا عشان أجري من أدامك ، أنامش شايفك!) ، وطبعاً زي الـ ... الشاطر طبعاً لازم تقف لغاية البيه ما يعدي ، وإلا هتخبطه وتجيب لنفسك مصيبة! مش ناقصة!
ولا لو حركة المرور مخنوقة شوية ، تشوف مسخرة بقى... اللي ف الحارة اللي جنبك لو حس إن الحارة بتاعتك ماشية شوية هيديك إشارة (ده لو محترم) ويدخل أدامك ، ولو حارته الأصلية اكتشف فيها متر فاضي أدام هيرجعلها تاني (ما هوه أولى بالمتر ده ، ما تنساش إنها كانت حارته أصلاً!) ، لكن تحاول تقنع حد إنو يلتزم بحارته ، وكل الحارات مسيرها هتتحرك؟ إنسى! وخصوصاً بقى عند الكمائن المرورية اللي عند جميع مداخل المدن (حتى الطريق الدائري!)، بيقفلو حارتين تلاته ، تلاقي الأغبياء فقط (اللي زيي أنا مثلاً) همه اللي ملتزمين بالحارة بتاعتهم، أما الإخوة الأذكياء ييجو على أقصي اليمين ، وينزل ع التراب لغاية حواجز الكمين ، ويزنق نفسه ويدخل أدام الكل! برضه التفكير له ناسه!
وطبعاً مش محتاج اتكلم عن الكائنات اللي اسمها سواقين الميكروباصات ، وطريقة سواقتها! الحاجات دي مش موجودة بره مصر (ع الأقل ف البلاد اللي رحتها سواء عربية ف الخليج أو انجلترا أو كندا!)
ساعات باحس إن فيه عدوانية بين الناس وبعضها وما بين الناس والحكومة! وكله بيبلطج على كله! الناس بتبلطج على بعضها ، وبيبلطجو ع الحكومة ، والحكومة بتبلطج ع الشعب!
البلد دي ما اتوقعش انها تتغير ف القريب! الموضوع مش إن الشرطة وحشة أو المرور مفتري وبس ، الموضوع ان احنا بقى طبعنا كده. واللي يقدر يوصل لسكة أو كوسة تخدمة وتنفعة أكيد مش هيسيبها ، ويتغرم!
والموقف اللي حصل مع أحمد فوزي اللي بدأ الحوار ده ، اللي خنقه إنو ما عرفش يطلع م الموقف (رغم إنو غلطان) إن العميد فلان كان قافل موبايله ، وإلا كان الموقف ده مر بكل بساطة! ومش معنى إنو (إشمعنى دول ما همه واقفين غلط) ، إنو من حقى أركن غلط أنا كمان! ولو تحققت المساواة اللي بالشكل ده ، هتيجي انتا نفسك تركن غلط ، مش هتلاقي مكان مخالف تركن فيه ، ماهو طوب الأرض هيتمتع بالحرية ف الركن غلط برضه ، وكل الأماكن الصح والغلط هتتملي!
أنا نفسي لما كنت ف الجيش (خدمت ظابط احتياط 30 شهر) ، كنت مقضيها بلطجة ، ولا رادار ولا ركن ف الممنوع ولا أي حاجة من دول كنت باشغل نفسي بيها! ظابط بقى! وفيه عرف بين الشرطة والجيش ممنوع التعرض لضباط الجيش ، ومن هذا المنطلق بيتم استغلاله أسوأ استغلال! أنا فوجئت بابن خالتي (نقيب جيش) شايل النمر من العربية بتاعته خالص! ولما سألته رد إنو يركن ف المكان اللي يعجبه من غير ما ييجي عسكري ياخد النمرة ويعمل له مخالفة ، ولو قابل كمين مثلاً سأله عليها (النقيب فلان الفلاني ، وآخرهم يبصو ع الكارنيه الميري)! ونشتري دماغنا! شوفتو الحياه سهلة ازاي؟!

ربنا يلطف بالبلد دي ، ويصبر الناس الأغبياء (اللي زي حالاتي) اللي عايشين فيها، على الناس النبيهة اللي بتفهم (زي السادة سواقين الميكروباص مثلاً)!

ولا حول ولا قوة إلا بالله...

د. محمد سعد.

[ahmedfawzy14]

معظم اللي بتتكلمو عليه مش عاجبني ولا داخل دماغي م الأساس!
حضراتكم واقفين ف الممنوع ، ولما بييجي الونش يكلبش العربية ولا يسحبها بتزعلو! غلطانين ولا مش غلطانين؟


تمام يا دكتور

بس معلش بقى مش معقول انا ادفع واللى راكن قدامى يطلع كارنيه مثلا
الضابط يسيبه يمشى
ليه احسن منى فى ايه هوا
مش كلها مخالفة!!!!
يبقى حلال ليه حرام عليا


الشرطة سبب اللى احنا فيه من بوظان فى المرور
كلها وسايط ومعارف واللى ملوش يدفع دى قصتهم
بس تقولى بقى احنا السبب
لا طبعا مش احنا السبب
عربياتنا لو حطيت عليها استيكر صغير بس يوقفك وتدخل فحص تانى يوم
اما بقى لعربيات اى حد فى الشرطة حط فاميه اسود لكل الزجاج
ومستريكات فى كل حتة وشيل النمر وركب سارينة شرطة واعمل اجدع مخالفة
ما انا ظابط بقى ولا اى بتاع فى الشرطة

والموقف اللي حصل مع أحمد فوزي اللي بدأ الحوار ده ، اللي خنقه إنو ما عرفش يطلع م الموقف (رغم إنو غلطان) إن العميد فلان كان قافل موبايله ، وإلا كان الموقف ده مر بكل بساطة! ومش معنى إنو (إشمعنى دول ما همه واقفين غلط) ، إنو من حقى أركن غلط أنا كمان! ولو تحققت المساواة اللي بالشكل ده ، هتيجي انتا نفسك تركن غلط ، مش هتلاقي مكان مخالف تركن فيه ، ماهو طوب الأرض هيتمتع بالحرية ف الركن غلط برضه ، وكل الأماكن الصح والغلط هتتملي

الغلط غلط على الكل
خمس عربيات واقفين قدام محل نظارات مشهور
يشاور صاحب المحل للظابط اللى فى الونش
يأخد بعضه الظابط ويمشى
مع العلم ان الشارع كله ممنوع الركن فيه

يبقى كل الناس تركن غلط احسن ما تحصل كارثة فى البلد دى

[ahmedfawzy14]

خد عندك يا دكتور الموقف ده
وقولى رأيك ان الغلط فينا احنا فعلا ولا ايه بالضبط

من مدة كنت مفيم اول عربية جبتها بقى وفرحان بيها وكده
المهم وقفنى ظابط ونش كده فجأة بليل
انا طبعا غلطان لان الفاميه ممنوع وقانون مفيش فيه كلام
قالى الرخص
خدها وشافها تمام

قالى كده ممنوع قلت ليه تمام وانا حشيله
راح قالى تدفع 25 جنيه واحسبهالك مخالفة حزام
ولا تدخل فحص

قلت طبعا مخالفة حزام

ودفعت ومشيت وفضلت ماشى بالفاميه مفيش مشكلة

ايه راي حضرتك بقى يا دكتور
بلدنا ماشية على المزاج
انا استظرفت ده يبقى مخالفة حزام وشاب لذيذ يمشى

ده غلس بقى وعاش الدور يبقى ادخله فحص
شكله مش عاجبنى اعمل ايه اعصر على نفسى لمونة مثلا

ده حال المرور فى بلدنا وخد من ده كتير




وفى قصة تانية برده
من سنة نص كده وراجع انا وجوز اختى من القاهرة بليل
وعند بوابة اسكندرية الساعة 2 بليل كده
وقفنا فى الكمين
والعربية الدايو الليجنزا مليانة قطع غيار سيارات وطبعا ممنوع عربية ملاكى تشيل بضاعة بكميات كبيرة

المهم ظابط الكمين قال ايه اللى معاكم مخلى العربية واطية على الارض كده
جوز اختى قاله دى بضاعة للمحل
الظابط قاله بضاعة ايه دى
جوز اختى قطع غيار سيارات

ابتسم الظابط وقاله طيب اركن

المهم من هنا لهنا
انتا شغال فى ايه ومحلك فين وكل قد ايه بتسافر
وانا عربيتى كده ومحتاجة كذا لو معاك دلوقتى ماشى مش معاك بكرة انا اجيلك المحل

جوز اختى قاله محلى فى مرسى مطروح
الظابط قاله خلاص مش مهم خليها السفرية الجاية واخد تليفون جوز اختى

وحصل فعلا جوز اختى جابله اللى عاوزه بعدها بأسبوع

ومشينا يومها انا وجوز اختى بنضحك مش عارفين على ايه
على ان الرخصة متخدتش ولا على نفسنا وعلى حال الشرطة



صدقنى يا دكتور انا مش بدافع عن وجهة نظرى فى مرور البلد ابدا

بس لو كل واحد فينا يحكى اللى عنده

تلاقى ان لو احنا من غير مرور اصلا العملية حتكون ماشية منظمة عن دلوقتى

[moheltohamy]

هاهاهاهاها ... فعلاً ، شر البلية ما يضحك!
بص يابو حميد ، هوه م الآخر ، احنا ممكن نحكي شوية مواقف عن المرور في بلدنا ، اللي هيه أكتر حاجة كرهتني ف البلد! هوه أنا طفشت منها من شوية؟!
وبرضه هنرجع نقول البلد دي أحسن من غيرها ، في إيه ما اعرفش؟ واللذيذ ، إن اللي بيقولو الكلام ده ما شافوش غيرها عايش ازاي أصلاً!
وبعد الحوار ده هننبسط ونشتم ف المرور شويتين ، ونحس إن احنا ارتاحنا لما قعدنا نبرطم شوية ، وتاني يوم ، كأن شيئاً لم يكن ، ونرجع نتعامل بطبيعتنا اليومية! وكأن شيئاً لم يكن! عادي بأه ، ماهو سلو بلدنا كده ، واللي مش عاجباه البلد يسيبها ، ويشوف له بلد غيرها.
تعرف يابو حميد ، المواقف اللي انتا بتحكي عليها دي عادية جداً ، وأي حد في أي بلد ف العالم ، شايف إنو أدامه فرصه ومركز مميز عن باقي خلق الله ، أكيد مش هيسيبها. الغريب كان في الظابط بتاع موقف قطع الغيار ده ، ده وإن دل علي شيئ ، فإن معظم الظباط من أمثال الراجل ده جعانين ، ومن بيئات أقل ما يقال عنها إنها ما تشرفش!
وما تنتظرش إن الوضع يتحسن ف البلد دي ، غير لما أمثال أخينا ده يبقى عليهم رقابة. واللي يغلط منهم ، يتم فصله ، من منطلق إنهم القدوة في السلوك والانضباط!
ونفسي حد يقوللي فيه إيه ف البلد دي ماشي صح؟ الطب ولا القضاء ولا التعليم ولا الكهرباء ولا النظافة ولا المرور ولا الزراعة ولا المباني ولا مياه الشرب ولا الأسعار ولا الضرائب ولا الجمارك ولا الانتخابات ولا الجيش ولا الإدارة ولا الصناعة ولا الضمان والصيانة ولا التربية والأخلاق ولا الاقتصاد ولا إيه بالظبط؟
كله تهريج في تهريج ، والحقوق ضايعة ، وكرامتك كمصري مهانة داخل بلدك قبل أن تكون خارجها!
يا راجل! وتقول لي المرور؟!
يا ريتها جت على أد كده! ربنا يستر ع البلد دي!