المساعد الشخصي الرقمي

مشاهدة النسخة كاملة : كيف تكشف وجود الــــــــــــــــــــــــــــــــــــــــردار

***الطيار***
07-01-2008, 02:53 AM
السلام عليكم يا شباب
اناالنهارده حبيت اتكلم عن موضوع بيشغل تفكير ناس كتير جدا من راكبى السيارات الجديثه الا وهو الردار
لو اتكلمنا عن الردار فهو نموذج لعدم العداله على الطرق المصريه السريعه منه والداخليه منتهى الظلم انك تقارن سياره موديل 2008 بسياره موديل 1950
اذااااااااااااااااااى يا ناس واحد هيمشى مثلا على طريق زى الطريق الزراعى بعربيه حديثه ايا مانت نوعها على 60
دا انت لو مشيت على التانى هتجيب ال 60 ولا طريق زى طريق الاسكندريه الصحراوى ازاى مع الاربع حوارى الواسعين من البوابه للبوابه دول وتمشيلى على 100 كم ازااااااااااااى
حاجه تفلق
طيب دلوقتى نعلم ايه علشان منطلقتش ردار
وامتى بيشتغل الردار
وامتى مبيشتغلش
اسئله تحير الكثيرين من مستحدثى استخدامى الطرق السريعه
مع اقتراب الاجازات احب اقولكم على بعض النصائح الى ممكن تنقذكم من الرادر
بص يا سيادنا انا اولا هتكلم عن الردارات الى متوقعه على معظم طرق القاهره الزراعيه والصحراويه
وهتكلم كمان عن طريق التافادى وطرق الكشف
وتكروا دائما ان فوق ذ كل علم عليم
بص يا سيدى اولا طريق اسكندريه الزراعى الطريق ده يحير اى حد ممكن يستخدمه
بس هو اول ردار هيقابلك الردار الى فى طوخ والردار ده بيكون فى حد السرعه 60 يعنى لو انت ماشى على 70 كل سنه وانت طيب راحت الرخصه يا حاج
وبعدها فى تلت ردارات انا مش عارف اسم المناطق الى فيها بس هو فى 4 ردار على الطريق ده يا اما يتحط اتنين واتني او يتحطو الاربعه فى اتجاه واحد دا حسب موسم السفر
يعنى لو اتجاه اليوم ان الناس تكون نازله الابلاد وكده منوفيه غربيه منصوره وكده يعنى لغايه اسنكندريه هسيبقى المصيده فى اتجاه الاسكندريه
طيبيا عم الحاج دلوقتى اسنكندريه الزراعى فيها كام واحد
اقولك 4 وساعات بيبقوا خمسه
اول ردار هتلاقيه بعد البوابه بحوالى 10 كيلو تقربيا المنطقه دى بيبقا فيها ردار
وبدع كده فى ردارد بتاع سجن وادى النطرون ورادر بتاع مدخل مدينه السادات
وبعدها ردار تانى معرفش فين
وساعات بيبقى فى ردار على الملاحات
طبعا انا بقول الاماكن دى من خلال مرور على تلك الرادارت
يعنى عديت عليهم بدل المره ستلاف مره
ماشى طب وطريق اسماعليه يا حاجه
طريق اسماعليه ده طريق محترم جدا جدا جدا ليه لانه فيه اتنين رادرا واحد وانت رايح والتانى وانت جاى وانت رايح هتلاقى الردار بعد مدخل الشرق الاخير تهدى العربيه وتنزل لل 100 كم وتستنى لغايه ما الطريق يلف بيك شمال ساعتها هتقو اه كان عندى حق اهدى لانك هتلاقى الكمين مستنى المتصورين ردار
طب وانت راجع هتلاقيه قبل بوابه الخرج بتاع الكارته بحوالى 5 كيلو تقريبا
طب بلبيس الصحراوى
هو ردار واحد يتيم ومبيتعيرش هتلاقيه بعد حوالى 15 كيلو من البوابه وعلى اليمين قبل ملف
طب طريق السويس
طريق السويس ده بالاخص الى معرفلوش كمين ثابت بس هو ساعات قدام مدخل الراحب الجديد بيبقى فى ردار بس قليل
وكل الى رايح سينا واو راس سدر او اى حته بعد النفق احب اوقل انى عمرى ما قابلت ردار بعد ما خرجت من النفق نووووووووووهائى من النفق لغايه شرم الشيخ
طريق الغردقه دا باره عن قسمين القسم الاول طريق العين السخنه الجديد وده السرعه المسموحه 120 كيلو فيعنى الردار فيه مش مجذى اوى لانك ممكن تمشى 120 او 130 مستريح
بعد كده هتمسك طريق السخنه راس غارب ومن راس غارب للغردقه
اتحدىاى حد يقولى الردار بيبقى فين وطبعا لانه متغير باستمرا وتلاقى سواقين السياحه على الطريق بيتصلو ببعض بالموبايل لارشادهم عن وجوده وعلى فكره الردار هناك على 90 بس
طيب دلوقتى احنا عرفنا تقريبا معظم اماكن الرادرات طب اذاى تتفادى انك تتصور رادرا
يص يا سيدى
انت لو ماشى على طريق والمقابل ليك مكشوف يعنى انت شايفه كويس لو فيه ردار هتلاقى المقابل ليك بيقلبلك نور رعاش متقطع وطبعا دى ميكونش عربيه ولا انين هتلاقى الخط كله بيقلب ده دليل على وجود الردار
طبعا مستخدمى الطرق دى من سائقى النقل التقيل والخفيف والميكروباصات دول عارفين اماك نالردار بالشبر والسنتى حتى لو الردار مش موجود بيجى عند الردار وبيهدى
طب انا هعمل بيهم ايه تعمل كتير اولا لو انت شوفت عربيه نقل تقيل ماشيه على الشمال وبتجرى بيقى ده دليل على ان المنطقه دى خاليه من الردارات
ليه لان لو فيه ردار هتلاقيها ماشيه هاديه جدا بالنسه للسرعه المقرره ليها على الطرق وماسه اليمين لانه مينفعش يدخل على الكمين الى هو حافظ مكانه وهو ماشك الشمال يتسحب رخصه طبعا
دى حاه الحاجه التانيه لو لقيت ميكروباص هدا من غير اى داعى او ماشى على مهله بدون داعى خاصه على الصحراوى ده بردوا دليل على ان فى ردار
طب والحل
بس يا عم ان شخصيه بعمل بيه على معظم الطرق الصحراويه
انتو عارفين الميكورباص التيوتا الجديد ال 2700 سىسى ده طبعا تربوا
يعنى على الطريق صاروخ
كل الى عليك تفضل ما شى ملتزم بالسرعه المقرره لغايه ما يجى من وراك ميكروباص من دول وتفضل ماشى على سرعته هتلاقيه ماشى من 140 الى 160
واوعى عتديه لما تلقيه هدى سرعته
لانه كده بيهدى لرادرا
عن تجربه والله
وبهدعدها هتلاقي الردار مستنيك بعد ما تكن عديته بالسرعه المقرره
وتنك وراه متسيبهوش لغايه ما توصل برخصتك بالسلامه
طب الردار بيشتغل من امتى لامتى ؟؟؟؟؟؟
غالبها من 7 الصبح لغايه الساعه 3 العصر وبعدا بخ قفل امبيرك على ضمانتى
وربنا يستر طريق الجميع

سلام عليكوووووووووووووووووووووووووووو
ahmedfawzy14
07-01-2008, 11:11 AM
الف شكر يا باشا على موضوعك الهايل


وفعلا الحل الامثل ان الواحد يمشى ورا الميكروبصات الجديدة
abdulkhaleq
07-01-2008, 11:40 AM
هههههههههههههه
ده انت خبير بقى
طيب يامان كويس بس الاحسن ننصح الناس ان في التأني السلامة
وللا ايه ؟؟؟
ELHDDAD
07-01-2008, 02:54 PM
هههههههههههههه
ده انت خبير بقى
طيب يامان كويس بس الاحسن ننصح الناس ان في التأني السلامة
وللا ايه ؟؟؟

ماهو برده عنده حق فى شوية حاجات يا عبده ( اينعم وانت على سرعة اعلى من 120 بتاخد مساحه اكتر من 30متر علشان بس تفكر تفرمل بس برده العربيات الجديده تمام اوى على الطريق ) انا مره سافرت بعربية نسيبى ( تويوتا كورولا 2004 اتوماتيك ) على طريق اسكندريه الصحراوى وهو كان جانبى نايم وكل ماجى ادوس فوق الــ 120 العربيه تصفر وهو يصحى ويقولى ياعمى هدى الردار مالى الطريق وبصراحه اتخنقت اوى من الــ 100 ديه ومشكور اوى يا باشا على اولا طريقك عرضك للموضوع وثانيا على الموضوع الجميل وياريت محدش يجرى الا لما يطمن على العربيه وعلى طريقة سواقته
Mr.Esl@m
07-01-2008, 05:19 PM
قشطة عليك
كدة الواحد هيطير براحتة
بس انا عامة مبسفرش الا بعد الساعة واحدة
وغالبا مفيش رادار فى المعاد دة
بجيب ال 140 واكتر
شكرا يا جميل
ELHDDAD
07-01-2008, 05:23 PM
قشطة عليك
كدة الواحد هيطير براحتة
بس انا عامة مبسفرش الا بعد الساعة واحدة
وغالبا مفيش رادار فى المعاد دة
بجيب ال 140 واكتر
شكرا يا جميل


يا حدق يا اسلام بعد واحده والله فكرة هههههه
eslam wega
07-01-2008, 06:27 PM
يا حدق يا اسلام بعد واحده والله فكرة هههههه

هى فكرة حلوة
بس افتكر السفر بالنهار احسن عشان تشوف اخر الطريق كويس
شكرا لصحاب الموضوع
Mr.Esl@m
07-01-2008, 06:39 PM
هى فكرة حلوة
بس افتكر السفر بالنهار احسن عشان تشوف اخر الطريق كويس
شكرا لصحاب الموضوع


انا بفضل السواقة بليل
الطريق بيبقى فاضى و طير براحتك
دة غير قلة الاكمنة
و الرادار
بس هى فعلا محتاجة واحد نظرة فل + زينون (وهو دة انا :jap:)
eslam wega
07-01-2008, 06:46 PM
انا بفضل السواقة بليل
الطريق بيبقى فاضى و طير براحتك
دة غير قلة الاكمنة
و الرادار
بس هى فعلا محتاجة واحد نظرة فل + زينون (وهو دة انا :jap:)

قشطة عليك يا سمسم
ELHDDAD
08-01-2008, 06:43 PM
قشطة عليك يا سمسم

انا كمان من عشاق السفر بليل ( اصلى انا غاوى تقليب نور ) ههههههههه
eslam wega
09-01-2008, 12:05 AM
انا كمان من عشاق السفر بليل ( اصلى انا غاوى تقليب نور ) ههههههههه

ههههههههههههههههههههه
eagle_sniper200
10-01-2008, 08:51 PM
شكرررا يا باشا ربنا سستر طريقنا جميعا
foXDie
11-01-2008, 07:15 AM
يا شباب المسألة مش مسألة عربية جديدة ولا قديمة
مسأة ان الطريق نفسه مايستحملش
لا هو متسفلن صح ولا ملفاته معمولة صح ولا فى لوحات ارشادية
تبقى ماشى فجأة تلاقى رصيف ال U turn قابلك والبس يا معلم
أو تلاقى ملف شمال مثلا والطرريق مايل يمين وتلاقى نفسك برة الطريق أصلا ماتعرفش ليه ولا إيه اللى حصل
أنا كلامى مش عن الطرق السريعة وإن كانت برضو مش عدلة أوى لكن عن طرقنا عامة خاصة الطرق اللى جوا المدن
وحتة ال60 كيلو على الزراعى دى مش عشان العربية لا دى عشان ممكن وانت ماشى تلاقى جموسة قاطعة عليك الطريق وخش فيها يا هتموت وتموتهاوالورثة هايدفعوا تمنها ويصلحوا العربية كان ان كان لسة فيها عربية يا هتفاديها وتطلع برة الطريق وتموت انت وماحدش هايدفع للورثة مليم لانك انت اللى غلطان يا أى حاجة غلط هاتحصل وخلاص
الصحراوى اه يغرى انك تجرى بس برضو ماتطمنش زى ما قلتلك الطرق نفسها مش معمولة صح الأسفلت نفسه مايستحملش جرى
أنا شايف ان السرعة دى الالتزام بيها أفيد ليك انت مش عشان العربية وامكانياتها,لا عشان الطريق وامكانياته
eslam wega
11-01-2008, 02:16 PM
يا شباب المسألة مش مسألة عربية جديدة ولا قديمة
مسأة ان الطريق نفسه مايستحملش
لا هو متسفلن صح ولا ملفاته معمولة صح ولا فى لوحات ارشادية
تبقى ماشى فجأة تلاقى رصيف ال U turn قابلك والبس يا معلم
أو تلاقى ملف شمال مثلا والطرريق مايل يمين وتلاقى نفسك برة الطريق أصلا ماتعرفش ليه ولا إيه اللى حصل
أنا كلامى مش عن الطرق السريعة وإن كانت برضو مش عدلة أوى لكن عن طرقنا عامة خاصة الطرق اللى جوا المدن
وحتة ال60 كيلو على الزراعى دى مش عشان العربية لا دى عشان ممكن وانت ماشى تلاقى جموسة قاطعة عليك الطريق وخش فيها يا هتموت وتموتهاوالورثة هايدفعوا تمنها ويصلحوا العربية كان ان كان لسة فيها عربية يا هتفاديها وتطلع برة الطريق وتموت انت وماحدش هايدفع للورثة مليم لانك انت اللى غلطان يا أى حاجة غلط هاتحصل وخلاص
الصحراوى اه يغرى انك تجرى بس برضو ماتطمنش زى ما قلتلك الطرق نفسها مش معمولة صح الأسفلت نفسه مايستحملش جرى
أنا شايف ان السرعة دى الالتزام بيها أفيد ليك انت مش عشان العربية وامكانياتها,لا عشان الطريق وامكانياته




اوك انا معك فى الكلام دة
بس فى طريق مش كويس وفى طريق تمام
يعنى مثلا طريق اسمعالية تمام جدا وفى اكتر من طريق تانى حلو ويستحمل وبردوا على حساب العربية الى معك
Eslαm
13-01-2008, 04:53 PM
بس يا عم ان شخصيه بعمل بيه على معظم الطرق الصحراويه
انتو عارفين الميكورباص التيوتا الجديد ال 2700 سىسى ده طبعا تربوا
يعنى على الطريق صاروخ
كل الى عليك تفضل ما شى ملتزم بالسرعه المقرره لغايه ما يجى من وراك ميكروباص من دول وتفضل ماشى على سرعته هتلاقيه ماشى من 140 الى 160
واوعى عتديه لما تلقيه هدى سرعته
لانه كده بيهدى لرادرا

انا برضو بطبق الطريقة دي وهي دي احسن طريقة

يعني لما بكون مسافر اسكندرية الصبح باخد الصحراوي وبشوفلي اي ميكروباص بحيرة او اسكندرية وطيران وراه

تصدق سعات مبقدرش الاحقهم ولاد اللذينة قلبهم ميت وبيتسببو في حوادث كتير ربنا يجازيهم

دا ايام مكنت بجري بس الحمد لله الواحد ربنا هداه وهو اخري دلوقتي 120

عموما يجماعة بلاش تجرو بالعربية لان في التاني السلامة
bola 2000
13-01-2008, 06:21 PM
شكرااااااااااا
***الطيار***
15-01-2008, 01:57 AM
انا بردواااااا عندى الحل النهااااااااااااااااااااااااائى لمشكله الردار بس مش هكتب الحل الا لما عدد المشاركات تصل الرقم الى انا حطه فى دماغى والحل ده عن تجربه وعن دراسه وعلم بطريقه عمل الردار
والحل ده مفعوله اكيييييييييييييييييييييييييييييد
eslam wega
15-01-2008, 06:41 PM
عايز عدد مشركات كام ؟
27
ahmed.seif
15-01-2008, 08:56 PM
حميل جدا بس س}ال تقدر تفيدني أجيب نيو أكسنت ولا لأ ولو لأ إيه أنسب منها في نفس السعر تقريبا
***الطيار***
18-01-2008, 02:50 AM
حميل جدا بس س}ال تقدر تفيدني أجيب نيو أكسنت ولا لأ ولو لأ إيه أنسب منها في نفس السعر تقريبا

يا سيدى هى النيو اكسنت حلوه بس سعرها غالى ومش هتعمر زى الاكسنت القديم تمام ولو انت فوق ال 80 الف ممكن تهزها شويه وتجيب لانسر 1300 بس هاتها مانيول بلاش اوتوماتيك علشان الاوتوماتيك بتاع ال 1300 مش حلو خالص
***الطيار***
18-01-2008, 02:51 AM
عايز عدد مشركات كام ؟
27

خير المواضيع ما قل ودل اوك:53:
eng-mahmoud2008
18-01-2008, 03:26 AM
انا بقى لا بيهمنى رادار ولا كمين
انا ماشى ومعايا كرتين للوائين معرفة بيسلكولى المسائل فى اى حتة
وبالنسبة للعربيات ال تويوتا ال 2700 سىسى التربو دول بقا بالذات او ما بشوفهم بخليهم هما اللى يجرو ورايا
انا الحمد لله بلا فخر خدت الصحراوى من اولة لأخرة فى ساعة وربع وأكتر من مرة وبأكتر من عربية
بس السرعة أخرتها ندامة
بس نعمل ايه بقى . الواحد مبيقدرش يمسك نفسة على الصحراوى ده بالذات
mohamad_saeed90
18-01-2008, 05:00 PM
شكرا فيرى ماتش..!!
و لو انى مش بسوق صحراوى الا نادرا
diaa10
23-01-2008, 11:22 PM
شكرا على الموضوع فعلا يفيد
voto10
24-01-2008, 07:33 AM
كلام زى الفل
ayman_emo
27-01-2008, 05:52 PM
الف شكر ليك يا كبير
***الطيار***
28-01-2008, 02:12 AM
انا بقى لا بيهمنى رادار ولا كمين
انا ماشى ومعايا كرتين للوائين معرفة بيسلكولى المسائل فى اى حتة
وبالنسبة للعربيات ال تويوتا ال 2700 سىسى التربو دول بقا بالذات او ما بشوفهم بخليهم هما اللى يجرو ورايا
انا الحمد لله بلا فخر خدت الصحراوى من اولة لأخرة فى ساعة وربع وأكتر من مرة وبأكتر من عربية
بس السرعة أخرتها ندامة
بس نعمل ايه بقى . الواحد مبيقدرش يمسك نفسة على الصحراوى ده بالذات

مع احترامى ليك الردار بالذات لا بينفع فيه كارت ولا غيره خصوصا على الطرق السريعه ودى عن تجارب كتييييييييييره اه والله
لو على الكروت كان الواحد جاب كارت من حبيب العادلى ومشى بيه
هههههههههههههههههههههههههههههههههههههههههههه
بس صدقنى الردار نووووووووووووووووووووووو
إنتهيت
16-03-2008, 02:18 AM
thX...........U NiCe MAn
amrmeme
07-04-2008, 06:56 PM
انا في الاول احب اشكرك علي الموضوع الجامد ده والجديد كمان
كمان احب اكلم علي الطريق السويس الصحراوي بحكم خبرتي المتواضعه عشان رايح جي كل يوم علي الطريق ده الايام دي شدين حلهم اوي علي الطريق عشان الطريق كان عامل زي حلبه السباق بين الطلبه اللي رايحين الجامعات الخاصه .... اللي انا منهم :D
بص يا سيدي :::::
بالنسبه اللي رايح ناحيه السويس كده
بيعلموا ردار مع اول ملف جامد اوي كده ساعات يعني مش دايما انا شفتها مرتين بس
تاني واحد بقي عند مدينتي كده قدام بوابه الشروق الناحيه التانيه
وده علي طول بيتعمل الصبح كده علي 8.30 او 9 والراجل بتاع الردار بيبقي قاعد ورا برج كهرباء ضغط عالي كده قبل مدينتي علي طول وبيتعمل اللجنه بعديه ب300 متر
بالنسبه اللي جي من السويس بيتعمل واحد بعد مدينه الشروق بيبقي الراجل قاعد ورا كشك احمر متعرفش ده بتاع ايه بس جنبه كده بيبقي برج بيشتغل بالطاقه الشمسيه :D:D واللجنه بعديه بكليو كده قبل اول لفه بعد الشروق .....
والف شكر علي الموضوع تاني وربنا يخليينا الناس اللي بترعش نور من الناحيه التانيه
BAssAM AmR
07-04-2008, 08:15 PM
السلام عليكم
اولا احب اشكرك على موضوعك

ثانيا انا بعترض على السرعه لانها مش مشكلة طريق وبس لا مشكلة اخلاقيات سواقه احنا اصلا معندناش اى اخلاقيات فى السواقه ولا التزام بأى قوانين تلاقى ومش حتفرق صحراوى او زراعى ولا حتى جوه البلد
تلاقى الواحد من دول اتفرج على فيلم 2fast 2 furious والفيلم سخنه اوى وتلاقى بيطبق حركات الفيلم تلاقى شوية غرز ملهاش اى لزمه وكأن الواد انتحارى واحد ماشى يمين ومعدى الـ 100 وفى الاخر بيلبس
انا مش شايف ليها لزمة انى اوصل فى ساعه ونص عن لما اوصل فى ساعتين

ده مش بس كده انا فاكر مرة كنت على الصحراوى وكان والدى سايق ولقيت فجأه والدى راح مهدى وواخد الحارة اللى جنبه ليه ؟؟ قولتلى ليه اتارى واحد معاه سيات 133 الله يمسيه بالخير بيرجع بالعربية وحتى النور اللى ورا مش منور وطبعا الكلام ده بالليل طب ده الواحد يقوله ايه

فأحنا معندناش اصلا القابلية فى زيادة السرعات المقررة من الدولة

اغلب العربيات قديمة وطبعا مش مطابقه لمواصفات السلامة والعربيات الجديدة بحس انهم فى سباق مين اللى حيوصل الاول

ومعلش طولت عليكم لكن مشكلة السواقه فى مصر بقت من الحاجات اللى مخليا الواحد بيغلى
ewan yousef
12-04-2008, 12:25 AM
السلام عليكم
انا اتلسعت تلات مرات ............
والحمد لله اخذت بالي وان شاء الله اخر مرة

المرة الاولي : عل طريق الاوتوستراد
بيبقي الكمين من الساعة 9 : 1 وبتلاقي في كوبري قبل البنزينة الي في نص الطريق بيبقي الرادار تحت الكبري وفاتح كبوت العربية وهو مستخبي وراها واهم حاجة الي يخنقكوا ان السرعة لا تزيد عن 60 اذا كانت 63 هيسحبها والي واقف ظابط

المرة التانية : علي الدائري بعد كمين 26 يوليو ب6 كيلو في اتجاة 6 اكتوبردة برضو من الساعة 10 : 4 ودة في عميد مبيرحمش.

المرة الثالثة : في الدائري بالنسبه اللي رايح ناحيه السلام عند كمين المرج والسرعة علي الدائري 90

وشكرا لصاحب الموضوع والاخوة الاعزاء
Dr.GM
14-04-2008, 03:18 PM
بجد تعليقاتكم تحفه ...
فكرتوني بواحد صاحبي خد طريق ابوظبي دبي (الامارات) لم كل الرادارات اللي على الطريق حوالي 14 رادار (250 درهم للمخالفه) ....
مع الفارق ان الرادار هناك بيصورك من 160 والصوره بتروح للكمبيوتر مباشره بتاع المرور و اشرب يا معلم وانتا رايح تجدد الرخصه
المهم
بصو يا جماعه ... حتى العربيات الجديده ال 2010 هنا في مصر مينفعش انها تمشي اكتر من 100 كم في الساعه لان بعد كدا بتكون مخاطره انفجار الاطارات نفسها لان معظم الكوتشات (او الاطارات) معموله لفئه ال 180 كم\سا (المعروفه باسم الفئه V ).. يعني اكتر من كدا الطرد المركزي ممكن يفجر الاطار (حتى لو الطريق حرير) ... طبعا لو اضفت عمليه سوء التصنيع للاطارات ... يعني هتلاقي ان السرعه بكتيرها 150 والكاوتش يبقا ماشي على بركه دعاء الوالدين
فما بالكم لما الطريق اصلا ما يعلم بيه إلا ربنا و حط عليه كمان الكوتشات التعبانه و مفاجئات الطريق ... صباحو كوارث يا معلم
100 كم\سا اعتقد انها كويسه اوي لاوقات الذروه من 7 إلى 4 ... بعد كدا الطريق بيكون فاضي خالص و نسبيا ممكن تمشي عليه بسرعات معقوله وعن تجربه لاكثر من حادثه والله على الطريق الزراعي
في التأني السلامه
***الطيار***
16-04-2008, 09:36 PM
ايه يا شباب مفيش مواقع للردار جديده ولا ايه ؟؟؟
mustang20032004
17-04-2008, 04:47 PM
يا جماعة اللى مش عاوز الرادار يقفشة
علق عداد السرعة
hiishaam
17-04-2008, 05:39 PM
شكرااااااااااااااا جزيلااااااااااااااا اخي على الافادة
ربيع بظ
18-04-2008, 09:52 AM
والله انت جامد و دماغ
***الطيار***
18-04-2008, 06:28 PM
يا جماعة اللى مش عاوز الرادار يقفشة
علق عداد السرعة

ازاى بقه يا بيه ؟؟
$bedo$
18-04-2008, 08:55 PM
ربنا يخليك لينا

ويكثر من امثالك
mtageldeen
23-04-2008, 10:45 PM
يا جماعة اللي مش عارف إيه آخرة السرعة يطلع علي المحور والغلطة بفورة زي مابيقولو مفيش حاجة إسمها عربيتين عملو حادثة في حاجة إسمها ست سبع عربيات ماتو وطبعاً منهم أتوبيس أو نقل أو ميكروباصين أو ميني باصين وروحو إتفرجو بس وربنا يسلم طرقنا جميعاً
doc_abdelbaset
24-04-2008, 03:39 AM
ربنا يستر طريقنا جميعا والواحد لازم يحرص على قد ما يقدر وما يجريش الاع الطرق اللي هو دارسها كويس ومشي عليها كتير وحفظها وبردو يعمل حساب المفاجأت
tmedhat
26-04-2008, 04:19 PM
تسلم على النصيحة يا ريس
m000dy_83
26-04-2008, 05:03 PM
تمام موضوغك ياباشا
احب اوضح بقى بالنسبة لطريق العين السخنه وعن تجربه بردو
ساعات بيبقى الرادار قبل ستيلا دى مارى وهاتلاقيه ورا كومه خرسانه وهاتشوفه واضح لان المكان ده مكشوف جدا
الاصعب بقى واللى تقريبا بيقف اكتر الايام سبت وخميس هو اللى بيبقى قبل كنتاكى على طول
بييجى من طريق القطاميه القديم بتاع شركات الاسمن ويقف
هاتخبط فيه بعد الدوران عدل وخللى بالك الظابط ده بيبقى من الاداره العامه للمرور
يعنى اللى هاتتسحب رخصته هاتسافر على القاهره عدل وابقى استنى اسبوع وده اقل واجب ان ماطولتش عن كده
اما بالنسبه لطريق السويس القاهره فهو بحالات ومالوش مكان محدد وكان كله مكشوف بس من ساعة ماحطوا الحواجز الاسمنتيه وبقى صعب تشوف اللى بيقلبلك نور عشان الرادار
***الطيار***
26-04-2008, 08:13 PM
مشكور يا باشا على الاضافه الجميله وربنا يستر طريقنا
امين
ma(su)dy
21-09-2008, 08:38 AM
الساحلي الدولي من بورسعيد بمشي عليه 160 او 170 و انا مطمن
الصحراوي ممسوك ردار 190 و حصل الي حصل و اتبهدلت
طريق الاسماعيليه 140 حلو عليه
ma(su)dy
21-09-2008, 08:40 AM
و فيه حل تاني الرداااار ديكيتور او كاشف الرادار و موجود 275 جنيه بس الغرامه بتعته كبيره
lovedog
23-09-2008, 03:57 AM
مشكور على الموضوع الهايل
sayedalmasry
23-09-2008, 09:01 PM
شكرااااااااااااااااااااااااااااااااااااا موضوع هااااااااااااااااااااااااااايل
magicman_1
23-09-2008, 10:34 PM
موضوع جامد وشكرا يا مان
بس حتبقى مشكلة لو سواق الميكروباص على حظى ميعرفش حاجة عن اماكن الرادار ابقى رحت فى دهية
ههههههههه
mmemo2
03-10-2008, 06:55 AM
تعالا شوف الحوادث الى على الدائرى هتخليك متتحركش بالعربيه خالص
Mohammad_z
03-10-2008, 02:56 PM
ألف شكر يا باشا علي الموضوع الجامد
بس هو أنت بتشوف الردار يعني و لا بتحفظ مكانه

و ألف شكر يا باشا